عيونك شوكة في القلب توجعني و عبرها للكاتبة ديم الراشد مكتملة

17 - 1 - 2022, 07:34 PM

..... 155 .....

اما ابو عادل ومنى اللي ما قدروا يمسكون نفسهم الا يبكون جلس ابو عادل وهو يقول :مدري اذا انا غلطان بزواجي والا انا السبب في تدمير حياتهم كلهم
منى وهي تمسح دموعها:محد له ذنب واصبر ي اخوي كلها فتره وبتجي اديم وبتفهم سهام ان فيصل مو مثل ماهي مفكره وهو بعد بيفهم وش معنى سهام
ابو عادل:ااااخ من فيصل اخ هذا اللي مدري شسوي له
منى: الله يكون بعونه ي رب
ابو عادل: تعالي نشوف وين راح زين ان نواف نايم
نزلوا تحت وشافوا عادل جالس وفيصل مو موجود قرب ابو عاادل : عادل
عادل فز وهو يناظر ابوه وقف ومسح دموعه بتعبت:فيصل برا يبه يقول مخنوق شوي
ابو عادل : وانت
عادل لف وهو يقول : انا بطلع انام بكره دوام
طلع عادل وتركهم وهو واضح انه مابينام لكنه مايبي يبكي قبالهم تنهد ابو عادل واتجه لفيصل : فيصل يبه
فيصل اللي كان مستند للباب بتعب ولا رد
ابو عادل : ي حبيبي اذكر الله وقوم صلي ركعتين عشان تهداء وربي يجبر كسرنا كلنا
فيصل بهمس وهو منزل راسه ويفرك يدينه ببعض :وشلون بنفرح يبه وشلون بنكمل وهي مو معنا وشلون تقدر يبه تبدلها وشلون
حضنه ابوه وهو يمسح دموعه: ربي معنا ي فيصل ربي معنا وهي بعد موجوده بس بقلوبنا وبنكمل وبنعيش عشانها وانا ما بدلتهاا لكن احتاج مره تقوم البيت
وقف فيصل :نفس الكلام ونفس العذر
طلع لغرفته وهو ضااايق ويحس برجفه وانه مو قادر يكمل اي شي اخذ جواله وجاكيته ونزل قابلته منى واسرعت له وهي تبي تمسكه لكن وقف وهو رافع يده :اتركوني بحالي
طلع وهو يترنح بتعب لبس جاكيته وهو يحس برجفه وشاف جواله بجيبه لا شعوريا سحبه وهو يتصل ب ( اديم) حنين كان ينتظر الرد وهو مهلوك
ظيمنعظيمنع
ظيمنع
اما اديم اللي كانت جالسه مع امل وهي مبسوطه وفرحانه حست بأهتزاز بجوالها وناظرت الاسم وارتجف قلبها
امل :فيصل
ضحكت اديم برعب :ايه
امل ابتسمت: ربي يسعدكم روحي كلميه وارجعي لي ابيك تحكين لي عنه
ضحكت اديم وراحت وهي تقول ( وش احكي لك ي امل وش احكي) ركضت ودخلت غرفتها فتحت الخط على اخر لحظه وهي تتنفس بسرعه وقلبها يدق وكأنها اول مره تسمع صوته لكن هالمره ما تكلم استغربت
اما فيصل اللي ماكان يدري وش يقول بس كان نفسه يسمع صوتها او اي كلمه تجبر بخاطره تنهد لما شافها طولت وقال بأمل انها ترد :حنين
اديم ارتجفت حست بصوته انه مو بخير لكن عجزت ترد عليه وما تقدر ترد سمعته وهو يقول :اااااخ ي ربي الصبر ي رب
اديم للحظه تهورت وقالت بسرعه : بسم لله عليك
شهق فيصل بفرح وقال :وشو !! عيدي وش قلتي
اديم ندمت وسكتت بخوف ولا عاد نطقت حاول فيصل انها تتكلم بس ما فيه فايده قال بهدوء وصوت مبحوح من البكي :والله والله والله لو بيدي ما اوقف الا عندك تعبان ي حنين تعبان صرت اخاف من كل شي يخص امي احساسي بالذنب ياكلني زعل امي علي بالحلم ينهش فيني ماني قادر احدد اي شي وتقولون لا تكرهها وهي سبب كل شي واول شي زعل امي وخوفي من كل شي تقولون لا تكرهها وانا بسببها صرت اتغاضى دخول غرفة امي وانا اللي عمري ما مرت الساعه ما دخلت لها وشميت ريحتها كيف مكرهها كيف ... سكت شوي
وبعدها قال وهو يجلس بالرصيف : اول مره احلم بأمي حلم مو حلو من خمسه سنين وهي ما تمرني الا تبتسم لكن اليوم عابسه ومو بس عابسه زعلانه مني حيل حيل مدري وش اسوي لكن الاكيد كل شي محسوب حسابه
اديم كانت تسمع تسمع وهي ماهمها وش بيصير معها كثر ماتمنت انها تكون بهاللحظه جنب فيصل وتمنت انها مو هي اديم تمنت انها شخص ثاااني مره
سكر فيصل وبسرعه دخلت له الواتس وهي تدري انه ينتظرها تعلق وردت تقول (بسم لله عليك بداية كل شي وثاني شي مدري انا وش اقول مدري من انصف انت لك اعذارك وزوجتك مالها اي ذنب وزعل امك مدري وش افسره هل هو غضب على اللي تسويه او غضب من اللي يصير معك بس في النهايه انت سبب هالزعل فيصل اهداء شوي وركز فكر بعيد عنهم كلهم وانت قيم نفسك شوف وش السبب لا تسمع لحكم ابوك ولا لعمتك ولا لسهام ولا زوجتك ولا عائلتكم كلها انت ناظر نفسك وانت بنفسك تحدد وش بتكون وكيف بتتصرف واللي تشوفه صح كمل علييه )ً فيصل اللي ابتسم بحب وهو متوقع ومتأكد انها بتقول شي يرضيه ويقنعه ويهديه وقال( ماعاد باقي وقت زواجي بعد يومين)
اديم ( يومين تفرق بعمر لا تستهين فيها يمكن تحصل الصواب في هاليومين ويمكن ترتاح من اشياء كثيره تتعبك وانت بغنى عنها)

18 - 1 - 2022, 07:13 PM

..... 156.....

فيصل ( مقدر اقول الا شورك وهداية الله بشوف وش ممكن يصير ي حنين)
اديم( زين تعوذ من ابليس وانسى كل هذا وتذكر ان ربي ثم انا معاك )
فيصل( وانا من لي غير الله ثم انتي عساني ما افقدك)
اديم اللي قلبها صار يوجعها من كثر مادق وخافت فعلا من صوته اللي ما يبشر بخير وقالت ( فيصل الله يخليك لا تتعب نفسك لا تحمل نفسك فوق طاقتها )
ابتسم فيصل من كل قلبه ورد عليها بصوت ( وانا وان تعبت نفسي وان تحملت ماخافها وانتي معي )
ضحكت وهي تقول ( انت لازم تقلب الموضوع ما تعرف تقول طيب وتسكت )
فيصل (هههههه وش اقول طيب انا اقول اللي في قلبي)
اديم ( مشكلتنا في الدنيا قلبك وانت )
فيصل ( وتقول لا تتكلم )
اديم ( هههههه زين زين سولف يلا وغير الموضوع انت شاطر بتغيير المواضيع)
فيصل ( مافيه شي جدير بالذكر الا اني تهاوشت مع سهام اليوم)
اديم( ليش!!)
فيصل ( بيني وبينك كنت زهقان وغير كذا مابي اجلس لحالي ورحت اتحركش فيها واستفزيتها طبعا هي ماصدقت وكأنها تحتري الزله وقالت ادري ليش بتتزوج اديم وادري بكل شي لكن والله اني اخرب عليك وافضحك)
اديم( وانت وش قلت)
فيصل ( ولا شي اثبت لها صحة كلامها وحلفت لها لوريها هي وبنت اخوها نجوم الظهر وطلعت ع اساس تقول لابوي وطلعت انا نمت ولا عاد ادري وش صار لاني صحيت على كابوس بس الغريب انهم كلهم كانوا بغرفتي )
اديم(الله يهديك بس وشوله تثبت لها الحين تدينك)
فيصل( ولا فكرت فيها انا اصلا ابيها تدري وتتعذب وهي مو قادره تقول اي شي ولا احد بيصدقها)
اديم( وش عرفك لو اديم اذا تزوجتوا تفضحك عند ابوك واهلها)
فيصل(ههههه لا لا لو بتفضح فضحتني من اول يوم عرفت فيه قصدي واذا فضحت مايفرق معي لا الحين ولا بعدين لانه في كل الحالتين بيتهاوشون ابوي وابو مشاري وتخرب كل العلاقات يعني انا كسبان فالنهايه)
اديم( وشلون ماني فاهمه!!)
فيصل( يعني لو ابوي صدق سهام مليون بالميه بيخليني اطلق اديم واذا طلقتها بيزعلون اهلها ويعتبرونها كبيره بحق بنتهم تتطلق قبل زواجها بيومين والاسباب مجهوله فالشك بيدخل بينهم واذا كملنا وفضحت اديم بنفسها بعد نفس الشي بيصير وتكبر وتفترق العوايل يعني اذا طلقت سواء بالبدايه او النهايه بتخرب لكن ابي اعذبهم مزبوط بعد ما اشرشح بنتهم واطلقها )
اديم انذهلت من الدهاء اللي براسه فعلا لو صار شي هو الكسبان ومحد بيرضى بالطلاق وبيتهاوشون : ي ويلي منك ي فيصل ي ويلي وش ذا الكيد اللي مكرسه علي ردت وهي تقول ( ي ويلي عليك كل هذا حقد بقلبك والله لو قاتلين احد من اهلك)
فيصل( هم قتلوا فرحة بيتنا وهم اللي اخذوا مكان امي)
اديم ( يالله مدري شعلق بس الله يعينها ويعينك)
فيصل(قلت لك لا تدافعين عنها)
اديم( طالما هي مالها ذنب بدافع ي فيصل)
فيصل( معناته لا تحلمين اسولف لك من جديد عن حياتي)
اديم(والله انك مو صاحي وتدري عاد اني مو هامني اعرف كثير عن زواجك وزوجتك لانه موضوع يغث)
فيصل ضحك(هههههه احسن شي انك منغثه منه ولا تحبين تسولفين فيه بكذا نرضي الطرفين )
اديم (زين وش تسوي الحين)
فيصل انتبه انه على الرصيف باقي وضحك ( تدرين اني لي ساعه ع الرصيف وتوي انتبه )
اديم( وش جابك لرصيف)
فيصل( مدري لكن خليني اقوم ارجع البيت اشوف وش يصير معي)
اديم( زين انتبه لنفسك)
فيصل ( من عيوني يالاخيره)
ضحكت اديم وهي تسكر الجوال ولفت للباب وكانت امل ابتسمت لها
امل :ماشاء الله الابتسامه شاقه الوجه
اديم نزلت راسها بهدوء:الحمدلله
امل :زين تعالي احكي لي كيفه هذا فيصل سهام ما تمدح فيه كثير
اديم تنهدت : طبيعي سهام ما تمدحه
امل :ليش !!
اديم :فيصل وسهام مايتواطنون عشان كذا ما يحبها ولا تحبه
امل:ليش وش السبب
اديم:فيصل يشوف سهام اخذت مكان امه وهو مايبي يكون له معها اي صله نهائيا لا من قريب ولا من بعيد واصلا متضايق منها ولا يكلمها وعشان كذا سهام تكرهه
امل : طيب هو ماكان راضي عن زواج ابوه
اديم:لا ما كان موجود اصلا جاء وتفاجئ عشان كذا كرهها زود
امل :اديم اخاف هالشي يأثر عليك خصوصا انكم بنفس البيت ..
اديم:لا لا لا تخافين فيصل يعرف يفصل ويحط حدود وبعدين فيصل يحبني ومستحيل يتأثر بمنازعاته مع سهام
امل :وانتي وش موقفك بينهم
اديم : ولا شي مع الاثنين بكون وان شاء الله اقدر اصلحهم
امل : ان شاء الله انتبهي ي اديم انتبهي ترا العلاقات مره حساسه وهذا وضعكم
اديم:لا تخافين انا قدها

18 - 1 - 2022, 07:14 PM

..... 157 .....

امل ابتسمت ووقفت وهي تقول : يلا نامي والله يوقفكم
اديم:حبيبتي انتي
راحت امل وانسدحت اديم وهي تتلحف فتحت جوالها بهدوء وهي تناظر صورة فيصل اللي صارت ما تنام الا تناظرها حضنت الصوره وغطت بنوم عميق واحلامها تاخذها لفيصل
ظيمنعظيمنع
ظيمنع
اما عند سهام اللي كانت بالصالون وهي تدري محد صدقها نفسها تسجل لهم كل شي قاله فيصل بس ما تقدر شافت ابو عادل جاي ووقفت: طلال انت للحين مو مصدقني
صرخ ابو عادل بوجهها :انتي صاحيه كيف اصدقك شايفه بعيونك اللي صار والا ماشفتي انتي ما تخافين الله سهاااااام للمره الاخيره احذرك ابعدي عن فيصل مالك شغل فيه والا بيصير تصرف ثاني معك
سهام:طلال ضروري تسمعني والله والله بتصدقني
ابو عادل : وش اسمع وش اسمع
سهام : تخبى جوا اذا جاء فيصل وخليني اتكلم معاه وشوف وش بيقول الله يخليك طلال هالمره بس
ابو عادل ما اقتنع بس اصرت سهام عليه وقرر يجاريها ويشوف وش بيطلع معاها دخل جوا وهو يستنى فيصل يجي وسهام جلست بالصاله وهي متاكده انها اليوم بتنتصر على فيصل
ماهي الا دقايق ودخل فيصل وهو يسحب نفسه سحب وقفت سهام بتحدي وقالت : براع¤و عرفت تطلع نفسك لكن صدقني بتنكشف
فيصل اللي ما كان له خلقها وغير هذا شاف سيارة ابوه واستغرب ان ابوه مو موجود ونغزه قلبه من ثقة سهام وحس انه كمين طنشها وكمل بس رجعت تقول: لا تحسب انك باللي سويته بتنجى انا بكشفك وبثبت للكل نيتك الباطله
لف فيصل يناظرها بأستهزاء : سهام ناظريني زين ترا اتحاشاك كثير كثير كثير اولا لخاطر ابوي وثانيا لخاطر اديم طيب هذا اول شي ثاني شي سوي اللي بيدك كله اديم ما راح اطلقها مهما سويتي وصل والا لا فأبعدي عني والله مالي خلق مشاكل اوك
فيصل قال كذا اختبار ولما شافها انصدمت عرف ان ابوه يراقبه لف بيطلع لكن للمره الثانيه وقفته وهي تصرخ :لا ي شيخ مسوي نفسك بريء وضعيف وانت اكثر كذاب
فيصل ما حب انه يسكت فأسرع لها ووقف قبالها وهو مقطب بعصبيه : اسمعيني عاد لا تفكرين اني ممكن اسمح لك تهينيني حتى ولو احب اديم وحتى ولو سكت عشانها انتي مو كفو توقفين قبالي وتتكلمين بهالنبره لا تخليني اقلب الدنيا على راسك ولا افكر
لف وطلع وهو يقول بنغزه لابوه: لا تاخذين زواجك من ابوي نقطة ضعف لي ولا تفكرين ان ابوي اذا صدقك بيبيعني ..هههه اي صدق ليته يجي يشوف سهام الضعيفه المسكينه مختصر الكلام انتي بطريق وانا بطريق حياتي اغلى من اني اجلس اتناقش معك بسماجتك هاذي
طلع فيصل ولما صار فوق لف ببتسامه وهو يقول بنفسه: قلنا لا تلعبين ما تسمعين ي سهام خذي نتايج غباءك
عند سهام اللي كانت ماهي مستوعبه اللي صار وعرفت انها خسرت احسن فرصه ممكن تثبت على فيصل شي لفت لابو عادل اللي طلع وهو متكتف ويناظرها بأسى وقال كلمه ينهي فيها كل المحاولات اللي بتفكر سهام فيها: اذا تبين تحافظين على حياتك وبيتك انسي فيصل من مخك
دخل وتركها بصدمتها ضربت رجلها بقهر:حسبي الله عليك ي فيصل حسبي الله
فيصل اللي فوق ضحك بأنتصار وطلع لجناحه اللي كان ما يعني له الا انعزال عن الناس دخل ورمى نفسه على سريره وهو خايف انه يرجع ينام ويرجع له الكابوس لكن من كثر التعب نام بدون ما يحس على نفسه
ظيمنعظيمنع
ظيمنع
(اليوم المنتظر ويوم الزواج)
العصر في بيت ابو عادل اللي كانت قايمه فيه القيامه والكل محتاس ومنى اللي طالعه نازله بفرح وحماس دخلت على فيصل اللي كان توه راجع من الحلاق وعادل ونواف عنده وصوت الاغاني والحماس ضحكت وهي تزغرط وترقص معاهم وكان الجو معهم جدا رهيب
عادل : الحمدلله اللي تزوجت وريحتنا من ازعاجك
فيصل:ههههههه لا ي عيني ما رتحت هذاني فوق وكل شوي بنزل اشرشحكم واطلع
نواف: يالله ي فيصل ليتني انت بعد اتزوج زيك
الكل لف عليه وهم يضحكون منى:وش تبي تتزوج توك بزر
نواف : مابي اجلس لحالي عادل بعد شهر بيتزوج وفيصل خلاص اليوم زواجه
نزل له فيصل وهو يشد اذنه بخفه :لا تستهبل ما بتجلس لحالك انا ليش ساكن فوق هاه كل ما بغيت والا زهقت ارفس الباب وادخل طيب
نواف بضحك:لا توصي حريص
عادل:هههههه انا لي صلاحية في هالعرض
فيصل :انت عاد اقلب وجهك
منى ابتسمت وهي تحضن فيصل:ربي يوفقك ي حبيبي ويسعدك
فيصل باس راسها : ي روحي ي عميمه وانتي بعد ربي يسعدك ويعطيكي الف عافيه على كل شي تسوينه عشاني وعشان اخواني
منى :لا تشكرني هذا واجب علي
جاء ابو عادل وهو مبتسم وكااشخ: ماشاءالله على معرسنا بسم لله تبارك الله الله يتمم لك بخير
راح فيصل وهو يبوس راس ابوه:هذا الشبل من ذاك الاسد

18 - 1 - 2022, 07:14 PM

.... 158 ....

ابو عادل : هههههه عاد انت محد يجاريك بالحكي
منى:يلا انا بروح اخلص كم شغله وانت فيصل لا تتاخر
فيصل:زين

الكل راح يخلص شغله ولا جلس الا فيصل اللي ما فرقت معاه وسحب جواله وهو يجلس ونزل سنابه تقول (‏عرفتها مثل المطر لا طاح في قلب الظمى حبيتها مثل العمى لا شاف من بعد الظلام ��)
نزل جواله وهو يناظر ردود الناس ويضحك كان ينتظر رد حنين وقف وهو يسحب في اغراضه ولايبي يبان عليه الملل
ظيمنعظيمنع
ظيمنع
اما اديم اللي كانت تجهز والكل حولها والاجواء جميله وناس طالعه وناس نازله والموضوع كله فرح كانت مستسلمه تماما لحبها لفيصل ولا تبي تفكر في انتقامه سحبت جوالها بسرعه قبل اي احد يشغلها وفتحت السناب وشافت فيصل منزل عرفت انه مايفرق معاه وردت عليه وهي تبي توعده هو فيصل الحنون مو القاسي ( ‏أوعدك تلقاني جنبك وأحتويك...
‏يوم غيرك كان حلمه أوعده
‏ما أبيك تروح عني بس أبيك
‏تقرأ أول بيت وتفهم مقصده��) طلعت وتركت الجوال وهي مشغوله حيل بالتجهيز شافت ردود فيصل على كلامها وهو يقول ( بيجي يوم تنفذين وعدك قبالي )
مافهمت عليه لكن ردت عشان تختصر وقالت(بأذن الله)
سكروا من بعض وكل واحد انشغل بشغلته بس ما يحس بالوقت
ظيمنعظيمنع
ظيمنع
الساعه ظ،ظ،:ظيمنعظيمنع في القاعه كان الحضور مكتمل والزواج جدا جميل ومرتب عند الرجال كان فيصل موجود معاهم وعساف ورائد والكل حوله وطقطقه شغاله عليه لكن من بين كل هذا كان فيه نظرتين حاقده وحاسده محمد وابو نوره
محمد اللي كان يتمنى زواج فيصل يخرب ويحاول يحتك بأي شي يخربه لكن عادل كان منتبه له زين ومسيطر
اما مشاري كانت عينه على عمه وخايف بعد انه يخرب الزواج اما البقيه كانوا بالاستقبال ومبسوطين
عساف جاء لما وقف جنب فيصل وصار يحك رجله برجل فيصل الكل كان مستغرب ويناظرون بصدمه الا فيصل ورائد اللي انفجروا ضحك
ابو مشاري:عساف وش تسوي
عساف :احك رجلي بالمعرس
الجد :وليه !!
عساف: عل وعسى يعديني واتزوج بعده احس اني خلاص ماعاد اقدر للعزوبيه دايم فيصل ودع
الكل:هههههههه
فيصل سحبه وهو يدخله معاه بالبشت وقال:هذاني خميتك يمكن بكره تخطب وتتزوج
رائد ركض بضحك وهو يدخل بالطرف الثاني :وانا بعد اخاف اجلس لحالي
نواف اللي كان يقلد فيصل وعساف ورائد ركض ودخل معهم وهو يضحك
ابو مشاري: هههههههه لا والله خربتوا الطفل
عساف ضحك وهو يناظر ابو مشاري : ياخي زوجو نواف بعد وجمعوا العايله بكرت واحد
الكل :ههههههه
ابو مشاري:وش رايك نزوجك انت بعد
فيصل:هههههههه شفت كيف مفعولي قوي على طول جاك عرض زواج ولا بعد من اهل العروس
عساف راح يبوس راس فيصل : هههههه كفو والله لبى خوي مايخلي خويه
رائد:وانا !!
عساف:انت توك بزر
ضحك رائد وهو يسحب عساف لما شافوا رجال وعقلوا وابتدوا يرحبون ويسلمون على الرجال وهم فيهم ضحك
ظيمنعظيمنع
ظيمنع
اما في قاعة الحريم اللي كانت منى وام محمد وسهام وام مشاري في الاستقبال ويستقبلون بحماس وفرح
اما نسرين وزوجة محمد وريمان اللي كانوا جالسين بالطرف وريمان مبسوطه حيل وفرحانه عكس اي مناسبه مرت من قبل كانت تكلم عادل بالواتس اللي صار يعني لها اشياء كثير
ونسرين اللي كانت تراقب الناس كيف فرحانه وهي مغبونه ومقهوره كانت تشوف كلام ريمان وعادل وهي تكابر على دمعتها لا تنزل لفت وهي تقول ( ي رب الصبر ي رب تجبر كسري وتعوضني خير )

الطرف الثاني كان ام رامي ووسن جالسين وهم مايشوفون الناس بطرف عين وانواع الحش والجكر
كان المكان مزحوم والكل حاضرين بحب لفيصل وللعايله ككل
كانت منى عينها على ام رامي خوفا من انها تسوي اي اشكاليه في الزواج والكل منتبه لها
ظيمنعظيمنع
ظيمنع
اما عند اديم اللي كانت بالصالون ومعها مروى وروان ورويده وكل وحده جالسه تجهز جات مروى بعد ما خلصت ووقفت عند اديم اللي لفت عليها وهي تقول : هاه وش رايك كيف شكلي
مروى شهقت وهي تقول: بسم لله ماشاء الله
اديم: وش فيك مو حلو
مروى: الا تجننين بسم الله عليك انا ما اقول الا الله يعين فيصل الظاهر معاد بنشوفك
اديم ضحكت وهي تنزل راسها بغصه من مصيرها المعروف مع فيصل ركضت لها روان وحضنتها :اديم انتبهي تبكين وتخربين شكلك
اديم اللي ما تحلمت وبكت كابرت كثير وتحملت كثير خلاص اليوم بتروح مع فيصل اللي ما تعرفه فيصل القاسي ومصيرها اللي تعرفه معاه لكن الشي الوحيد اللي مصبرها انها تحبه وياما تمنت تجتمع معاه في نفس المكان وتعرف زين انه طيب حيل ويمكن مع الوقت يتغير

18 - 1 - 2022, 07:15 PM

..... 159 ......

تجمعوا كلهم عليها وهم يحاولون يوقفون دموعها وقدروا
رويده :اديم خلاص الله يخليك لا تخربين شكلك هذاك بسم لله عليك جميله حيل
روان :اديمي خلاص عااااد
مروى: قلنا مانبي دموع
امل جات بعد ما خصلت وانصدمت :ادييييم ليش تبكين
اديم رفعت راسها :ولا شي بس عز علي فراقكم
امل :اشششش لا تقولين كذا انتي مو بعيد بتجين وبنشوفك بعدين المفروض ما تبكين وانتي رايحه مع فيصل انسان محبوب وانتي بعد تحبينه ويحبك
ابتسمت اديم على طاريه وقالت :خلاص خلونا نروح عشان ما نتأخر
البنات::يلا
جهزوا كلهم واديم اللي لبست عبايتها وهي ماتبي تلبس الفستان الا في القاعه وهي تجمع اغراضها شافت الجوال سحبته وهي مبتسمه بفرح واشتاقت تسمع صوته بهاللحظات دخلت الحمام ودقت الرقم وقلبها يدق معاه
وبعد فتره جالها صوته بين ازعاااج كبير وشوي شوي ابتداء يختفي صوت الازعاج
وسمعته يقول : حنين الوووو حنين فيك شي حنين ي هوه
سكرت اديم وهي تشهق و تمسح دموعها راحت للواتس وكتبت ( مافيني شي لا تخاف بس اشتقت لصوتك )
فيصل اللي كان بين الزحام واول ماشاف رقمها انفجع واستغرب انها تتصل عليه وفي مثل هاليوم ابتعد بسرعه ورد وهو خايف عليها كان ينادي لها ما ترد وسمعها تبكي واول ما سكرت اسرع للواتس وشافها تكتب وبعد شوي ارسلت له الرساله
ابتسم وهو مايدري وش يقول غير انه سجل لها صوت وهو يقول ( لا تبكين ي الاخيره لا تبكين وخذي مني وعد انك الاولى والاخيره ومحد ياخذ مكانك بقلبي ..سكت شوي وبعدين قال بمزح : وانا متى يجي دوري واشتاق لصوتك لكن مع ذلك وربي حنيت لك )
اديم اللي ماكانت تدري وش تسوي تضحك والا تبكي :مسكين ي فيصل ما تدري ان بعد كم ساعه لقانا وياليتك وعدتني انا اديم مو حنين
(ادري وانتبه لنفسك ويلا روح استانس)
ضاق فيصل حيل على دموعها ورجع وهو مقطب حواجبه بغضب قابله عساف :خير وش فيك
فيصل :ولا شي
ضحك عساف :اقصد وش فيها حنين
فيصل لف له بأستغراب؛ وش عرفك
عساف :ادري بك ذا الايام صرت ما تضيق الا عشانها
فيصل تنهد :هذا هو البلا اني احبها
عساف :طيب وش حصل
فيصل قاله كل السالفه وهز عساف راسه بهدوء : والله مدري وش اعلق لان كل اللي يصير مو داخل راسي
فيصل بضجر:الشرهه على اللي يتكلم معك
راح وتركه وعساف يناظره بأستهزاء :الله يكون بعونك على اللي بيواجهك
ظيمنعظيمنع
ظيمنع
في قاعة الحريم دخلوا روان ومروى وامل ورويده وكل وحده كانت احلى من الثانيه اتجهوا يسلمون على منى وام محمد اللي كانت تراقبهم بحماس وهي نفسها تزوج رائد وحده منهم روان ومروى اللي توتروا من نظرات ام محمد المستمره وصاروا يحاولون يشغلون انفسهم لكن قطع التوتر صوت صرخه الكل لف وانفجعوا لما شافو سهام طايحه وام رامي واقفه وكأنها مصدومه
منى ركضت وهي اللي خايفه منه صار اسرعت لسهام وهي ترفعها وتناظر ام رامي بحقد
ام رامي ضحكت بإستحقار:معليش ماشفتك تعرفين انتي مو من مستاوي هههههه
اخذت بنتها وراحت وهي مبسوطه على فشلة سهام
اما سهام اللي وقفت وهي ناويه ماتعديها على خيير ولكن منى وام مشاري وام محمد ترجوها تسكت ولا تخرب الزواج وبالقوه سكتت وهي تنتظر ينتهي الزواج وتاخذ حقها
ظيمنعظيمنع
ظيمنع
بعد فتره عند اديم اللي كانت تجهز لتصوير وقدوم فيصل كانت مرعوبه وخايفه ومتوتره واللي زاد توترها انها عرفت باللي صار مع سهام وخافت تشب هوشه كبيره وطول الوقت حاطه يدها على قلبها
كانوا الكل حولها ويجهزونها ومستانسين ويزغرطون ويرقصون وهنا اعلنت منى عن جيت فيصل
وقف قلب اديم وبدون شعور شدت على يد روان اللي حاسه في اديم وقالت لها بهمس تقوي فيه اديم :لا تخافين انتي اقوى
غمضت اديم بقوه وهي على قد ماهي متلهفه لشوفته على قد ماهي خايفه
اما فيصل اللي دخل بكل فخامه ووسامه كان جاااامد بكل ما تعنيه الكلمه او بالاصح ضايق من بكى حنين وشهقتها اللي للحين ترن بقلبه رفع نظره وهو يشوف امتداد فستان اديم لكن ماشافها كان حواليها حريم كثير وشوي شوي ابتدوء يبتعدون وبانت انصعق فيصل او تزلل لا شعوريا تعلقت عيونه بعيونها لما رفعت راسها اهتز قلبه بقوه وهو يحاول يتجاهل كلام عيونها اللي باين فيه حزن صد بسرعه وببتسامه مرتبكه ابتداء يسلم على اللي يباركون له وهو كل خليه بجسمه ترتجف كان يحاول يتكلم مع الكل ولا يبي ينفرد في اديم وخايف انه ينجر مع جمالها الصاخب اللي ألجمه وخاف انه يخلف بوعوده لامه ولحنين وللكل كانوا يكلمونه لكن كل شي فيه منقاد لها ابتدوا الكل ينسحبون وهو مو حاس بأحد فجاءه انتبه انه صار معها لوحده وقسى نظرته وهو يتذكر شهقات حنين واتجه لها بخطوه قاسيه وصوتها مرعب ولاحظ رجفتها واعجبه انها خايفه

18 - 1 - 2022, 07:18 PM

..... 160 .....

وقف قبالها وهو يصفق بهدوء ويضحك :هههههه حلو حلووو اخيرا طلعتي تفهمين والله هذا شي غريب يصدر من عايلتكم لكن مو مشكله اسم انك صرتي زوجة فيصل طبيعي بينالك من العز شوي ما علينا المهم معك ربع ساعه ينتهي فيها التصوير والزفه وهالخرابيط اللي انتي مسويتها فهمتي
اديم ما ردت عليه ابدا وكانت جامده لف لها وهو يهمس بوجهها بغضب ::فهمتي
اديم هزت راسها وهي ساكته قطع عليهم دخول المصوره اللي ابتدت تنزل اغراضها وفيصل جالس وحاط رجل على رجل وبيده جواله كان ساحب على الكل ودخل لمحادثة حنين وكتب لها( حنين انتي بخير طمنيني عليك )
اديم اللي كانت تدري انه يرسل لها ونفسها تضحك بس مو قادره من كثر ما هو مستفز حمدت ربها انها مقفله الجوال والا كان انكشفت
وقف فيصل لما اعلنت المصوره البدايه واتجه لاديم وهو ساكن اديم اللي كانت مع كل وضعية تصوير تحس بيغمى عليها وخصوصا اذا كان قريب كانت المصوره نوعا ما جريئه وكانت فيه وضعيات تكون اديم قريبه قرب فضيع من فيصل ولاحظ فيصل رجفتها وخوفها وتوترها وهو بعد لكن قرر انه يلعب فيها شوي قال للمصوره تطلع ولما طلعت لف يده على خصرها وقربها له لدرجه ان خشمه بخشمها وكأنه بيبوسها اديم اللي ماقدرت تسوي شي ولا شي كانت ترجف رجفه فضيعه
دفها بقوه وهو يضحك بأستحقار لها : انتي ما عندك كرامه هههههه لا واضح بدايتها خير وبنتسلى
اديم رفعت راسها بقوه وصدمه بنفس الوقت كانت تحاول تستوعب ما عرفت وش تسوي تجمعت دموعها بعينها بضيق وجلست وهي كارهه كل شي خلاص
اما فيصل اللي كان مستمر يضحك عليها وكأنه حصل مفر من انه ينجر معها
جات ام مشاري تعلن الزفه وتقدم فيصل وسحبها بقوه توقف وقال: اخلصي لاني مو متحمل اجلس اكثر معك طيب انجزي
سحبت اديم يدها بكره وهي تعدل مكياجها ومتجاهله نظراته اللي تحرق وقفوا بالإطلاله وهم ماسكين يدين بعض وكل واحد يشوفهم يجزم انهم يحبون بعض ولكن الخافي اعظم نزلوا على نغمات الزفه بكل فخامه وهدوء والكل يدعي لهم ما عداا اشخاص معينين
وصلو الكوشه وفيصل يوزع ابتسامات تدل انه فرحان ومبسوط وطاير واديم اللي كانت ابتسامتها هاديه تدل على الفرح والخجل كانوا مبسوطين وفرحانين بفرح الكل والكل جاي يبارك لك لهم ما عادا سهام اللي ماباركت الا لاديم وناظرت بفيصل اللي ضحك بأستهزاء ولف يكلم عمته وخالته اللي لزقت فيه هي ووسن اللي مستفزه الكل بطريقة لبسها وحجابها اللي عدمه ووجوده واحد
فيصل كان متضايق من وسن بس ارتاح لما شافها جالطتهم وابتسم وهو يكلمها ويضحك معها
اديم اللي خافت على سمعتها وسحبت يد فيصل وهي تقول له وعينها بعينه:ممكن ما تكلمها اقل شي في مثل هاليوم
ابتسم فيصل بقهر وقال بنظرات كانه يتغزل فيها :وانتي من تكونين عشان تأمريني
اديم ابتسمت وهي توحي لناس انهم يسولفون : بهالليله اتوقع اسمي زوجتك
فيصل قرب وهو يقول :تخسين انتي واهلك كلهم انتي خادمه بس
ضحكت اديم بصوت عالي بدون ما تعلق وهالشي استفز فيصل اللي قال لعمته انه بيطلع والكل صار يضحك ويعلق على فيصل لكنه ما اهتم وطلع وهو نار بصدره على اديم طلعوا وكان مشاري وابو مشاري ينتظرونه
فيصل زفر بضيق :وكأني ناقصكم انتم بعد
تقدم لهم وهو ينتظر اديم تلبس عبايتها وتقدموا له وهم يسلمون ويباركون له
ابو مشاري:فيصل مبروك ي ولدي والله يشهد علي اني احبك مثل عيالي وادري اني سلمت اديم رجال كفو عشان كذا ما بوصيك عليها
فيصل ابتسم وهو يبوس راسه بضجر: ابشر ي عمي ولا توصي حريص اديم بعيوني
مشاري :فيصل انتبه لها تراها خوافه شوي وحساسه تحملها طيب
فيصل (هذا عز الطلب هذا اللي انا ابيه):افا عليك بقلبي والله اذا ما تحملتها اتحمل مين وبعدين هي اللي تحملني
اديم كانت تراقبه وهي تقول ( والله براع¤و عليك عرفت تمثل صدق ما ينخاف عليك )
سمعوا صوت السياره اللي كانوا عيال يتهاوشون وكل واحد يبي يوصلهم راح لهم فيصل وهو يسحبهم واحد واحد ويحذفهم بعيد : يلا يلا بس قال ايش قال يوصل حبايبي خلاص انتم انتهت خدمتكم انا انسان رب اسره الحين
عساف :هههههه من رب الاسره انت انت صير رب لنفسك وبعدين فكر بالاسره
رائد:ههههههه خلك قد كلامك وحساب جاي
عادل:والله ي نواف بيصير رب اسره وانت ماصرت
فيصل طالع فيهم بأحتقار وقال: والله هذا كله من غيضكم لكن اقلبوا وجيهكم يلا
عساف :واذا ما قلبنا وجيهنا

18 - 1 - 2022, 07:19 PM

..... 161 ......

فيصل صرخ:جدي شوفوهم اشغلو المعرس
الجد من بعيد :عادلوه عساف رويد تعالو واتركوه والا بقوم اكسر هالعصا عليكم
عادل :هين ي فيصلوه يجي لك يوم
فيصل : يلا بس
راحوا العيال وطلعت اديم وكان اللي بيوصلهم مشاري ساعد فيصل اديم عشان تركب ورجع ركب وكان مشاري طول الوقت يوصي فيصل اللي زهق وماصدق متى يوصل الفندق طلعوا للجناح وفيصل هادي وهدوءه ما طمن اديم
دخلوا الجناح ونزلت اديم عبايتها وتوها بتجلس لكن اتزلزلت لما سحبها فيصل بقوه وهو يطبع على وجهها كف طلع فيه قهر السنين بأيامها صرخت اديم وطاحت وهي تبكي رجع سحبها من شعرها وهو يكفخ فيها بدون احساس رماها لما تعب وهو يقول : اياني واياك ينعاد هالاسلوب معي واعرفي زين اني هنا عزرائيلك والكلمه اللي اقولها تمشي مثل حد السيف وانتي هنا زيك زي الخادمه
اديم وقفت لما زهقت من التجريح وصرخت:انت متخلف ي مريض وش جالس تسوي لا تحسب ساكته لك عشان سواد عيونك
ضحك فيصل وهو يرجع يسحبها: لاااااااا وطلع لك لسان اجل وشوله ساكته قولي لي نوريني
اديم وهي تحاول تتخلص من قبضته القويه :انت مريض مريض ابعد عني
فيصل كان يكره هالكلمه ما يتحملها وطاح ضرب بأديم ولما حس انها بتموت بين يدينه رماها وهو يقول :لمي نفسك وانقلعي من هنا والا موتك يكون على يدي
انسحب وطلع من الغرفه بتعب ووقف قبال الجناح وهو يسحب زقاته والغضب يحرق فيه
اما اديم اللي كان مكسره مو قادره توقف بالقوه شالت نفسها ودخلت الحمام جلست بالبانيوا وهي تبكي فتحت المويه عليها وهي تعباااانه من قسوة فيصل اللي من شهر وهو كل يوم يطلع لها بشي يكرهها فيه بعد نص ساعه من البكي طلعت وهي منهاره تماما لبست بيجامتها وهي مافيها حيل حتى لنفسها ارتمت على السرير وهي دموعها ما وقفت ولاهي قادره تنام من التعب اللي تحس فيه وخوفها من فيصل وعليه وبدون لا تحس غرقت بنوم التعب وهي دموعها على خدها
بعد فتره ما حست الا بفيصل وهو يصرخ: انتي هيه من سمح لك تنامين هنا
اديم ناظرت فيه بتعب وهي ماتبي تتشاد معاه :وين انام
فيصل : في اي مصيبه قومي فارقيني من هنا
اديم بدون لا ترد سحبت لحاف ومخده وطلعت وهي تسحب نفسها وهي موجوعه رمت نفسها بالصالون وهي تدعي ربي يهديه ( يالله ي ربي هاذي حالة انسانه عروس والامر انها متزوجه اللي تحبه ههه ليتني ما حلمت بكثير)

اما فيصل اللي دخل بالسرير وهو منزعج من ريحة عطرها اللي يحسسه بالذنب لما شاف شلون تمشي من الضرب كان يتقلب ويتقلب وبالقوه نام وهو كاره اي شي يرجع لاديم
ظيمنعظيمنع
ظيمنع
اما في القاعه كانت سهام تنتظر اللحظه اللي تفضى فيها القاعه من الناس
ولما ابتدوا الناس يروحون ولا باقي الا قليل اخذت كاس العصير واتجهت لام رامي بكل كبرياء ووقفت فوق راسها وكبت العصير وبعدها شهقت :واوووو انكب عليك معليش ما شفتك هههههه
الكل تعلقت عيونهم باللي صار وقفت وسن بغضب وركضت وراء سهام وهي تسحبها من شعرها لكن سهام هالمره ما سكتت ولفت وهي تدف لكن اللي ما كان بالحسبان ان فيه درج وراء وسن وطاحت وهي تصرخ والكل صار يصرخ معها ام رامي انجنت لما شافت بنتها طايحه ودمها على الدرج ركضت وهي تصرخ وتبكي وسهام اللي شهقت وهي تحط يدها على فمها
منى جات تركض وهي تقول :سهاااام وش سوييتي ذبحتي البنت الله يسامحك
سهام ركضت بعيد وهي خايفه انها فعلا ماتت
اما وسن اللي كانت غرقانه بدمها والكل حولها ركضت نسرين تتصل على عمها يجي يتصرف وانصعق ابو عادل وارتبك وخاف وجاء والكل معاه وكلهم خايفين
بعد شوي من الاحداث المرعبه وصلوا الاسعاف واخذوا وسن وام رامي اللي فضحت فيهم اما الرجال كانوا مصدومين من كل اللي صار واغلبهم محتقر السالفه ابو مشاري كان متفشل من فعل سهام وابو عادل منجلط تماما وهو مايفكر في اللي صار قد ما يفكر في ردة فعل فيصل اللي بيقلب الدنيا عليهم
اخذوهم للمستشفى وسلم عادل وسن للطوارئ وهو خايف من العواقب اللي بتصير وقف وهو يحاول يهدي خالته اللي صراخها معبي المكان وهي تتسحب وتدعي على ابو مشاري واهله ابو مشاري اللي كان واقف معهم وهو متفشل وحاول يعتذر بالنيابه بس ام رامي ما تركت له مجال
اما اللي بالقاعه اخذوهم العيال وكل واحد رجع لبيته سهام كانت مرعوبه واول مادخلت سيده لغرفتها وهي ما تبي تقابل اي احد اما نواف اللي كان بالبيت لوحده وخايف حيل وجالس بغرفة امه وهو يبكي وحشة البيت
منى والجد اللي كانوا على اعصابهم ومو قادرين يسيطرون على انفسهم
سعيد:منى اجلسي ذبحتينا وانتي تدورين

18 - 1 - 2022, 07:20 PM

.... 162 ......

منى وهي تضرب يدينها ببعض :حسبي لله عليك ي فتونووووه ( ام رامي )حسبي الله عليك كله من تحت راسها بنت ابليس
الجد :منى خلصنا عاد خلصنا ازعجتينا كله من تحت كيد الحريم والمشاكل كلها من تحت راسكم بس بسسسس
منى: وانا شسويت طول الليل اداريهم عساهم الماحي ولا كأني سويت شي
سعيد: الله يستر بس من فيصل
منى: اااااااخ ي قلبي اااااخ وحنا ما نخلص من هالمشاكل ما نخلص
انهى الجد النقاش لما ضرب بعصاته على الارض والكل سكت
ظيمنعظيمنع
ظيمنع
فالمستشفى بعد ساعتين من الانتظار خرجوا من عند وسن اللي كانت تعاني من كسر بسيط بالرجل وجرح بالراس الكل كان حريص ان فيصل ما يدري لكن هذا من المستحيل اذا ام رامي موجوده اخذت جوالها وبدون محد يحس ودقت على فيصل

عند فيصل اللي كان مابين نايم وصاحي كان جسده فيه خمول لكن تأنيب ضميره وهو يسمع شهقات اديم بنومها معذبه واكله اكل قطع عليه النزاع صوت الجوال فزت اديم برعب وهي تناظره بعيون خايفه كان بينسى نفسه ويقوم يهديها بس تجاهل هالشعور واخذ الجوال وهو مستغرب من اتصال خالته ورد بخوف:الووو
ام رامي : فيصل إلحقنا ي فيصل إلحقنا ي سندي بعد الله
فيصل من قوة الرعبه وقف وطاح من السرير :خاله وش فيك بسم لله عليك
اديم اللي اصلا كانت خايفه ووقفت وهي متألمه من جسمها اللي يوجعها وخافت اول ما سمعت طاري خالته لانه في كل الحالات بيكون الموضوع ضدهاا
ام رامي ببكي: تعال المستشفى شوف سهاموه شسوت في وسن ذبحتها ذبحتها
فيصل برد كل شي فيه وهمس بصدمه:سهااام ووسن
اديم حطت يدها على فمها وجلست وهي تتلحف برعب فيصل اللي ما تحمل بكي خالته واللي صار طبعا خالته زادتها بهارات من عندها وحمرت عيون فيصل ولف لاديم اللي تناظره وهي مرعوبه وعيونها حمرا من الخوف والبكي : وش صار
فيصل تقدم وهو يوقفها بقوه :وش صاااار باقي تسألين وش صاار ليه اللي يعرفكم يعرف الخير لكن هين ارجع واربيك من جديد ..طلع صفق الباب وراه وهو يقول : كلااااااب
اديم رجعت تجلس بخوف وهي ترجف ولا هي قادره ترفع جوالها وتعرف وش صار ضمت رجولها على صدرها بخوف وهي تدعي ان مايصير الا كل خير لانها بتشوف الويل لو صار شي يزعل فيصل ماكانت تدري وش صار بين وسن وسهام بس متأكده انها مصييبه
ظيمنعظيمنع
ظيمنع
فالمستشفى كان عادل وابو عادل وابو مشاري بالاستراحه لف ابو مشاري وهو يقول :والله ماني فاهم السبب ولا ادري وش اقول لكن ان شاء الله خير
ابو عادل :لا تعتذر ي ابو مشاري محد فينا يدري وش اللي صار وغلط من مين
عادل : يبه فيصل ضروري ما يدري
ابو عادل:اكيد والا حزتها بتقوم القيامه وهو من غير دف يرقص ( مثال على انه حاقد من قبل )
ابو مشاري :لا حول ولا قوة الا بالله عسى بس لا يخرب يومه بذا السبب الله يسامح سهام وش حطتنا فيه والله خايف لا ينقلب على اديم
عادل : لا لا مستحيل فيصل حاسب حساب لمثل هالمواقف ما بيدخل اديم
ابو عادل :ايه فيصل مايخلط
ابو مشاري بخوف على اديم:ان شاء الله
قطع الصمت صوت فيصل لما قال: يبه
الكل جمدوا ولفوا له وهم يناظرون وجهه المرعب تقدم ابو عادل وهو يحاول يفهم فيصل من غير ما يضطر انه يهزأه :فيصل وش جابك
فيصل ناظر ابوه بعمق : وش اللي صار
ابو عادل :من قالك اللي صار
فيصل:مو مهم من قال المهم النتيجه
ابو عادل :وسن بخير كل اللي فيها كسر بالرجل وجرح براسها وامورها تمام
فيصل :كل ذا وتمام تنتظرونها تموت يعني
ابو عادل بحده: وانت تكلمني قصر صوتك
فيصل تركهم واتجه لخالته اللي جات وهي تبكي وحضنته : اخ ي فيصل اخخ شفت وش صار لبنت خالتك اللي بمثابة اختك شفت ولا احد راضي ياخذ حقها اه انا مالي الا انت ي فيصل مالي الا انت ي ولد اختي
ام رامي كانت تلعب على الوتر الحساس عند فيصل اللي حضنها وهو يهديها وكان منفعل بقوه ومقهور مو عشان وسن لا عشان خالته اللي مالها سند غيره وعشان اللي تسبب فالمشكله سهام
عادل جاء وهو يحاول يهدي الوضع:فيصل ترا وسن بخير من شوي سألت الدكتور ومابتصحى الا الصباح انت ارجع لعروستك مايصير تجلس بالفندق لحالها وخالتي بكون معها انا
فيصل ضحك بأستهزاء ولف لخالته وهو يحاول يسكتها وهي كانت تستثيره وتستعطفه بعد ساعه صحت وسن وزادت الطين بله وهنا فيصل فقد اتزانه كامل وهو يشوفهم يستنجدون فيه واتجه لابوه وهو غاااضب : عاجبك اللي صار عاااجبك قلت ي فيصل مالك شغل فيها وقلت ابشر قلت ي فيصل هي بحال وانت بحال وقلت ابشر وكل شي سوته فيني سكت عشانك انا في ميه وستين داهيه ما اهتميت لكن في هاذي مستحيل اسكت سهام مو بس اخذت مكان امي سهام تغلط على اهل امي وانت متكتف وتناظر

18 - 1 - 2022, 07:20 PM

.... 163 ......

ابو عادل : سهام غلطانه ايه بس خالتك وبنتها غلطانين دبل غلط سهاااام
فيصل : ههههه وباقي يشوفها البريئه المسكينه
ابو مشاري انصدم من اسلوب فيصل اللي عمره ماشافه كذا وقال:فيصل احنا ما نبرئ احد وكلهم غلطانين نفس الغلط وزياده لكن ضروري إنا نتفهم ونحلها بشكل ودي
فيصل غمض وهو مايبي يغلط على ابو مشاري : عطني الحل الودي اللي بتسويه رجل البنت مكسوره وجبينها مجروح جرح عميق وزين ماصار لها نزيف وين الوديه بالسالفه وين
ابو مشاري:انا مستعد اعوضها ولا تخاااف
فيصل : هههههه نبيع ونشتري احنا هااه نبيع ونشتري ههههه عجب والله
ام رامي : لو تحط فلوسك كلها ما تعوض جرح بنتي وما ارضى الا بحق تاخذه لي الحكومه
انحبست انفاسهم كلهم وبما فيهم فيصل اللي ما توقع انها بتوصل هنا وكانت خطوه كبيره تخرب كل شي بثانيه وتنهي العوايل
ابو عادل ناظر فيصل وهو يقول :فيصل عقل خالتك وخلها تترك الفضايح
ام رامي :فضايح انتم اللي جبتوا الفضايح انتم
عادل :خاله تعوذي من ابليس الامور ما تنحل كذا دخيلك
ابو مشاري:فيصل تكلم ي ابوي
الكل كان يتكلم ولا احد قادر في ام رامي وفيصل كان ملتزم الصمت وبعدها قال وهو متكتف : ي خاله اتركي الموضوع هاليومين يعدي مو حلوه بحقي انا وبعدها نتفاهم
ام رامي : لا ي فيصل لاااااا بنتي تجلس تتعذب وهي تتهنى
فيصل : ي خاله اتركيها يومين وانا بنفسي احل الموضوع لا تخافين
ام رامي تطمنت وهي تدري ان فيصل شغوف على انه ينتقم من سهام اكثر منها وقالت:عشانك ي فيصل
ابتسم فيصل وقرب وهو يبوس راسها والكل انصدم انه عدا الموضوع كانوا متوقعين شي اكبر واكبر
ابو عادل :دامك حليت الموضوع ارجع لزوجتك وعادل بيظل معهم
فيصل اللي كان الود وده مايرجع بس قال: زين خاله اذا احتجتي شي اتصلي بي
ام رامي :طيب انت لا تسكر جوالك
فيصل: ابشري
طلع فيصل بهدوء وقابله عساف :فيصل وش جابك
فيصل: دقت علي خالتي وجيت
عساف تنهد : شفت اللي صار
فيصل: شفت شفت
عساف:وش بتسوي اتوقع انها فرصه جت لعندك
فيصل : لكن ما راح استغلها
عساف :شلون يعني
فيصل:بما اني مسكت حبل السيطره بيدي بربيهم كلهم
عساف:وش تقصد
فيصل:مع الايام بتدري
عساف :زين وش صار معك اليوم
فيصل: زفت
عساف بشك :اذيت البنت
ناظر فيه فيصل بستهزاء:وانا وشو له متزوجها عشان احنطها والا حب وطرب
عساف :ما قلت لك حبها او حنطها بس اقل شي لا توصل في الأذيه لشي ما يرضي الله
فيصل سحب زقارته وطلع وهو يقول : انا ماني جاهل
عساف استفزه كلام فيصل وطلع وراه مسرع وسحبه وهو يلفه عليه : فيييصلوووه ناظرني زين حركاتك هاذي على اهلك على اخوانك على اصحابك الا انا طيب لا تستفزني وانت تدري اني اذا اعترضت على شي معناته انه شي كبير
فيصل بزهق : وين بتوصل يعني
عساف : بوصل لشي واحد وهو انه لا يطغيك سلطانك واعرف زين انك مهما سويت مابتقدر عليها
فيصل رمى الزقاره وهو يدعسها برجله واشر لها : شايف هالزقاره لها احترامها اكثر منها
عساف رجع دعس على الزقاره بعد ما بعد فيصل رجله وقال : للمره الاولى بوقف بوجهك واقول اياني واياك تفقد رحمتك وحزتها انا بوقف بوجهك
لف فيصل وهو مقطب حواجبه وراح وتركه وهو ضايق اتجه للفندق وهو تعبااان نوم دخل بهدوء مو من عادته ووقف يناظر اديم النايمه
وهي جالسه بدون ما تحس تذكر كل كلام عساف وغمض ودخل وهو يحاول انه يعدي الليله ولا يصب غضبه عليها رمى نفسه على السرير وهو يفكر وشلون يتصرف مع سهام وخالته مع انه ميت نوم الا انه مو قادر ينام سحب زقارته واشعلها وهو محتار وش بيسوي بعدين وهو عينه على اديم اللي نايمه
تحركت اديم وهي مكتومه من ريحة الدخان وكانت تكح رفعت راسها وارتجفت لما شافته جالس وفاتح باب الغرفه وجالس بالظلام ولا فيه الا نور بسيط من الابجوره وشعره نازل على وجهه وشكله فعلا مرعب سحبت اللحاف وهي مو خايفه منه كثر ماهي مستغربه تقلب شخصياته كان مدقق فيها بشكل يهز البدن ما كانت تدري وش صار معاه هناك بس الواضح انه مو خير شدت على نفسها وهي ماتبي تشوف ذا الشخصيه
فيصل شافها وشلون انكتمت وطفى الزقاره و وقف واتجه لها كان مستغرب كيف انه مايشوف في عينها خوف لكن يشوف صدمه وكأنها مو متعوده عليه بذا الاسلوب كانت اديم جامده ولا تبي تتحرك نهائيا

18 - 1 - 2022, 07:21 PM

..... 164 ......

جلس فيصل بجنبها تماما وارتجفت اديم وهي مسكره عيونها تكلم بهدوء: تدرين اني اليوم بيدي فرصه ادمر سهام فيها وادمر ابوك وسمعة ابوك وكل عايلتكم لكن ما راح استغلها تدرين ليش
اديم ارتعبت وقالت وهي تناظر يدها : ليش !
فيصل ضحك بهدوء وقال وهو يمسح على شعرها واديم مسكره عيونها بقوه : لاني اشوف ان دمارك انتي بيدمرهم اكثر من هالفرصه
لفت اديم لا إراديا وناظرته بشك: شلون يعني
سحب فيصل شعرها وصرخت وقال وهو يضحك : فكري فيها ي غالية ال مشاري وش احسن تنحبس سهام بالسجن سته اشهر وتطلع بفضيحه والا ترجعين لهم بعاهات مستديمه وانتي مكسوره وحزينه وشايفه الويل ومع ذلك تضحكين ولا تحبين اغير منكم واتوجه لابوك ومشاري اتوقع ضربتهم اقوى
اديم ناظرت فيه بشفقه وهي تدري انه ينتظر منها اي رد استفزازي عشان يبداء تعذيبه لكنها قررت تتخذ معاه اسلوب تلجمه فيه : ادري ان كل هذا تسويه عشان سهام وانا معاك ان سهام غلطت غلطة لما قبلت بأبوك ودخلتها لبيتكم اصلا مرفوضه من جميع الاراء وانا معك ان مكان الام غالي ومحد يستاهل انه يكون بمكانها ومتفهمه كل شي تسويه بس لازم من بين هذا كله ما تنسى نفسك وانسانيتك انا سمعت عنك اشياء ماشفتها فيك الحين ومو حلو انك تمثل القسوه وانت طيب
فيصل نزلت يده من شعرها لا إرادي وهو مستغرب الاسلوب وكيف تناظر فيه بقوه وهي مو خايفه ابدا وكيف تتكلم وكأنها فعلا تعرفه وقف وهو ما يبي يضعف لها :هههههه حلوه الحركه بس قديمه لا تحسبين انك اذا سويتي كذا بتغفرين ذنوبكم
اديم وهي باقي جالسه: انا ما قلت لك اغفر لاحد بس لا تاخذ احد بذنب احد
فيصل لف يناظرها بأستهزاء : زين والله زين كل يوم اكتشف تطور جديد الحمدلله انكم تفهمون مثل الاوادم
ضحكت اديم وهي مقهوره منه بس تبي تبين له انه عادي : الحمدلله
فيصل لف يناظر لها بقوه: اشوف انك اخذتي وجه
اديم خافت يقلب وقالت : اسفه
راح فيصل وهو نفسه يرجع يتوطى بطنها حتى لو ماقالت شي انقهر لما شاف انها معه ما عرف وشلون يرد عليها ارتمى على السرير وهو اعتراف اديم لوى ذراعه ارتاح بعد ما حسها بخير وماهي متوجعه من الضرب كان حاير بين تأنيب ضميره وبين حقده لكن في الاخير ينتصر عليه طيبة قلبه
ظيمنعظيمنع
ظيمنع
في بيت ابو عادل اللي رجع لسهام وهو يدور عليها بقهر دخل وشافها غرقانه بخوفها تكتف وهو يناظرها :ارتحتي ارتحتي الحين عاجبك المشاكل اللي انحطينا فيها من وراء عنادك هالمره انا مالي شغل ام رامي وفيصل قايمه قايمتهم ويفكرون يفتحون محضر ضدك وحزتها لا انا ولا اخوك بننفعك
سهام : يعني ايش ؟
ابو عادل بصراخ: يعني ي بنت الناس مو انا قايلك اتركي هالزفت تسوي اللي تسوي مالك شغل فيها مجنونه مجنونه عقل مافيها عقل تقومين تجاكرين وتجيبين هالمصيبه انا شلون احلها شلون
سهام انهبلت :بيسجنوني
ابو عادل : احتمال كبير ام رامي مصره ومحد يقدر يرد الموضوع الا فيصل وفيصل ماشاء الله تبارك الله على العلاقه بينكم
سهام : طلال وش تقول انت الله يخليك تصرف انت مستوعب فيها سجن سجن
ابو عادل كان مقدر حجم المشكله بس يبيها تتأدب : انتي اللي استوعبي اللي سويتيه وتحملي اغلاطك انا مافي يدي شي
راح وتركها جلست سهام وهي تخبط على رجولها وش بيكون موقفها وش بيقولون الناس عنها ندمت اشد الندم انها نزلت نفسها لام رامي وبنتها وقفت تدور وهي مثل المقروصه ما تعرف وين تروح
اما ابو عادل اللي طلع يدور لنواف اللي مايدري وينه سمع صوت بكي بغرفة امهم وركض فتح الباب وشاف نواف هناك اتجه له مسرع وهو يحضنه:نواف وش فيك
نواف حضن ابوه بخوف :خايف ليش تركتوني لوحدي
ابو عادل : بسم لله عليك ي حبيبي كنت احسبك مع عمتك او سهام انت ليش ما رحت معاهم
نواف :سهام دخلت الغرفه وقفلت وعمتي ماقدرت اروح لها
ابو عادل :خلاص ي ابوي انا جيت لا تخاف
نواف : يبه تكفى نام عندي فيصل مو فيه وعادل بعد
ابو عادل :ابشر من عيوني انام عندك وننام هنا بالغرفه وش رايك بعد
ابتسم نواف وهو يمسح دموعه ببراءه : ايوه
حضنه ابوه وهو يلحفه بضيق وهو محد كاسر خاطره بكل اللي يصير كثر نواف اللي تضرر اكثر منهم كلهم ظيمنعظيمنع

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات