عيونك شوكة في القلب توجعني و عبرها للكاتبة ديم الراشد مكتملة

18 - 1 - 2022, 07:21 PM

..... 165 ......

من بكره العصر الكل كانوا مجتمعين في بيت ابو عادل عشان يحلون المشكله والكل كان ينتظر فيصل اللي للحين ما جاء كانت ام رامي موجوده بقسم الحريم وتنتظر جيت فيصل ولاهي طايقه من الموجودين احد اما منى اللي ابتلشت في ذا المصيبه وتبيها تنتهي على خير قبل يصير اي شي سلبي وكانت مستعده تمام الاستعداد تتحمل ام رامي
اما سهام اللي كانت بغرفتها ولا خرجت نهائيا وهي خايفه من ام رامي اللي الشر براسها
والبقيه كانوا يترقبون ...
اما بقسم الرجال كان ابو مشاري ومشاري موجودين مع الجد وابو عادل وابو محمد وعادل ونواف
ابو عادل :عادل دق على فيصل تأخر
الجد :ما تأخر الرجال عريس وانتم اشغلتوه بمشاكلكم اتركوه يجي وقت مايبي
عادل :ايه صادق جدي بس ي جدي خالتي جواء وانت تدري اذا تأخر زياده وش ممكن تسوي
ابو مشاري:رايي انه يتصل ويستعجله
محمد : عجب والله شوف من يحل المشاكل فيصل ههههههه كيف بيحلها وهو اصلا مايعرف يحل اموره هو
الجد بحده: ابلع لسانك واحترم نفسك والا انقلع من هالمجلس
محمد وقف بغضب: تطردني ي جدي عشان هالمريض
عادل ورائد وقفوا بحده وقال عادل:انت المريض وانقلع من هنا لا اخلي ضحية هالسالفه انت
ابو محمد :محمد اطلع من هنا عادل اجلس وريحنا
طلع محمد وجلس عادل وهو يسب ويلعن وهو اصلا مو ناقص توتر وقلق سحب رائد جواله ودق على فيصل وسط هدوء المجلس بعد الصخب
ظيمنعظيمنع
ظيمنع
عند فيصل اللي كان غاطس بنومه وهو تعبان ولا حاس بالدنيا اللي قايمه اديم اللي كانت اصلا صاحيه قبل وكانت مستغله فرصة انه نايم وجالسه تراقبه من قرب شلون هادي وملامحه تدل على شقاوته وروحه الحلوه كانت تدري نومه ثقيل عشان كذا اخذت راحتها وهي تراقبه من قرب تقدمت بهدوء وجلست بالارض وهي تبتسم على طريقة نومته الشقيه مدت يدها وهي تبي تتأكد اذا هو صدق هي وفيصل بنفس المكان لكن فزت لما دق الجوال ومن الخرعه طاحت وطاح الكوب معها وانكسر وفز فيصل وهو مرعوب :وش فيه مين ميييين م...انقطع كلامه لما شاف اديم طايحه وتناظر له بخوف ورعب ونسى انه تزوج ونسى نفسه تماما لكن تذكر لما قالت اديم بسرعه:جوالك كان يدق وجيت اصحيك عشان تصلي وترد
فيصل جلس وهو يتنفس بسرعه : انتي غبيه غبيه احد يصحي احد كذا
اديم كان ودها تضحك على الموقف بس مسكت نفسها وقالت:اسفه ما قصدت بس اخترعت
فيصل وهو يمسح عيونه بعصبيه:انتي تخرعين الجن والانس قالت اخترعت فزي جيبي لي مويه
اديم وقفت وهي فيها ابتسامه وعرفت كيف تصحيه الايام الجايه :ابشر
راحت اديم وهي رغم وحشيته بالكلام الاا انها مبسوطه جابت المويه وجات اعطته وهي واقفه ومبتسمه اخذها فيصل وهو يناظرها بتعجب : وش فيك واقفه لي مثل الحارس
اديم : ولا شي بس من جد اسفه اذا خرعتك مره ثانيه
فيصل تنح :انتي مجنونه مجنونه باقي تعتذر امشي من هنا اجهزي ما معي وقت
اديم حبت تستفزه شوي تحب تشوفه متنرفز شكله حلو اذا تنرفز : بسم لله عليك شفيك باقي وقت الدنيا ما بتطير
فيصل : ادييييييمووووه بقوم اطير وجهك قومي من هنا
ضحكت اديم غصب عليها وراحت وفيصل يناظرها بتناحه: اعوذ بالله ي الخبال ناقص مجانين انا
وقف وهو يحاول يجهز بسرعه لان رائد ازعجه بالاتصالات خلص بسرعه واخذ جواله وراح يدور لاديم فتح باب الغرفه اللي موجوده فيها اديم بدون لا يدق الباب لفت اديم برعب وهي تغطي نفسها لف فيصل بسرعه وهو يقول :وجع ان شاء الله وجع من متى قلت انجزي هاااه
اديم اللي كانت مخلصه مكياجها وشعرها وبس تلبس تفشلت وقالت:خلاص بس البس
فيصل من برى: انجزي اقسم بالله دقيقتين ما تنتهين فيها لتنثبرين هنا
اديم : زين خلاص
جلس وسحب جواله وهو يفكر في حنين اللي ماردت عليه من امس دخل لها وارسل ( حنين وش صار لك ليش ما تردين )
( ي بنت الحلال لا تخوفيني عليك ترا من جد مشغول بالي ) ظيمنعظيمنع

#يـــــتـــــــبــــــــــع...

18 - 1 - 2022, 07:22 PM

.... 166 ....

عند اديم اللي خلصت لبس وتوها بتطلع سمعت صوت رسالة ضحكت وهي تناظر فيصل من الباب فتحت الرساله وهي تقول ( انا بخير لكني اشتقت لك )
فيصل اللي رد بسرعه وقال ( ي بعد كل اللي يشتاقون والله ..وفيصل بعد مشتاق لك )
اديم كانت تراقب حماسه وهو يكتب وابتسمت بحب وهي كأنه ما أذاها امس وردت ( وفيصل كيف كان امسه )
ضحك فيصل ورد ( سييء جدا بدونك )
اديم حبت تناقشه عن امس وقالت( ومعاهاا )
فيصل ضحك وهو اللي نسى اديم وقال( مين هي !!)
اديم ( فيصل لا تستهبل من غير زوجتك )
فيصل جلطها ورد ( انا مالي زوجة الا حنين )
اديم تكهربت وهي تناظره من طرف الباب شلون مبسوط وهو يراسلها حزنت عليه وكسر خاطرها وشلون متعلق بسراب ردت ( بس هي الحين زوجتك )
فيصل ( زوجتي اسم بس )
اديم ( مهما كان هي محسوبه لك )
فيصل ( لا تكبرينها عاد المفروض انك ما تحتسبينها نهائيا )
اديم ( زين ابشر من عيوني ما بحتسبها )
فيصل رفع راسه اول ما حس بأديم جايه :انا جاهزه
فيصل وقف وهو يتنهد وطلع وطلعت اديم وراه وهي مستانسه بس ماتدري ليه طلعت جوالها بسرعه وكتبت وهي تبي تشوف كيف تأثير الكلام عليه ( لكن لا تنسى ان الاخيره تحبك )
كانوا واقفين ينتظرون المصعد دقت الرساله بجوال فيصل ورفعه بسرعه لكن انفتح المصعد وكان معاهم رجال لف فيصل لا شعوريا وهو يمسك اديم من يدها ودخلها قبلهم ودخل بعدها وصارت وراء قباله على طول ودخلو الرجال بعدهم وكان المكان مزحوم اديم اللي كانت ما تحب المصعد والاماكن المغلقه
وكانت حريصه انها تنزل من الدرج بس ماقدرت تقول لفيصل تحرك المصعد ومسكت اديم بذراع فيصل بخوف وهي مسكره عيونها فيصل حس بخوفها وابتسم ونزل راسه وهو يقول : ما توقعت انك تحبين ترمين نفسك لذا الدرجه لكن احب اقولك ما انتي كفو تمسكين حتى ذراعي
اديم ماردت ولا تبي ترد لانها مالها خلق لتفاهاته خرجوا كل اللي بالمصعد وتحرك فيصل بعد ما بعد يدها عنه اما اديم اللي اول ما خرجت مسكت بالجدار وهي تحس بدوخه وتحس انها مكتومه .. كانت تسمعه يكلمها بس ما تدري وش يقول قالت بصوت خافت:اعطيني مويه
فيصل اللي كان معصب ويصارخ فجاءه سكت لما حس بتغير صوتها وراح مسرع وجاب مويه ورجع اعطاها وهو ساكت اخذتها اديم وشربت شويه ونزلتها وبعد شوي هدت وناظرت في فيصل اللي كان واقف وهو يناظرها بخوف باين عليه اعتدلت وهي ما تدري وش تقول
فيصل كان يراقبها بخوف ولما حسها تمام قال بصوت ثقيل : يلا ما معي وقت اجلس اراقبك
اديم مشت معاه وركبت وهي للحين تحس انها دايخه فيصل اللي كان نفسه يسألها اذا هي بخير بس عجزان قال بطريقه ثانيه :نمشي والا فيك مصيبه
اديم ناظرت له وهي تدري انه مو قصده كذا بس يبي يشوف اذا هي بخير والا لا قالت بهدوء : نمشي
ارتاح فيصل وحرك وهو كل شوي يلتفت عليها تذكر حنين وسحب جواله وفتح الرساله واديم اول ما حست انه طلع الجوال لفت تناظر له كانت تراقب ملامح وجهه اللي ابتسم بفرح واضح عليه وقف بالاشاره وهو يرد بصوته وكأن ما عنده احد وهذا شي ما توقعته اديم ( ما نسيت وربي ما نسيت ي أحلى شي صار بعمر فيصل )
تفاجأت اديم من انه رد قبالها ولا فكر انه يخجل منها او حتى يخلي له خصوصيه لفت بصدمه وهي جهه فرحانه بالكلام اللي قال وجهه كارهه تصرفه الغير مبرر نزل فيصل جواله وهو شاق الابتسامه ويحس انه اسعد انسان بغض النظر عن زواجه
وصلوا ووقف شوي تعدل ويتعطر وعينه على اديم شافها ساكنه ولا قالت ولا شي لف لها وهو يقول بصيغة امر : اسمعيني زين عند الناس احنا عشاق احنا ما نقدر نعيش من دون بعض ومستانين ولا فيه احلى منا واذا طلع غير هذا اقسم لك بالله لدفنك حيه سامعتني
اديم لفت تناظره وقالت : بس انا ماني شاطره بالتمثيل مثلك
فيصل قرب وهو يركز عينه بعينها وقال: انتي بس انكتمي وتخدميني كثير
اديم بعدت وهي تقول بغضب : فيك تصرح بكراهيتك لي ماله داعي التمثيل
فيصل ضحك وهو يأشر على قلبها : هههههه بنصرح بنصرح بس مو قبل ما احرق هذا
ناظرت اديم بدقه في عيونه وبنفس طريقته وقالت بهمس اسكت فيصل : ادري تقدر تسويها وادري ان هذا كله ما يسويه فيصل
تحركت تجمع اغراضها ورجع فيصل لوراء وهو يحس بكلامها تنغيز طنش ونزل واتجه لها وهي واقفه تنتظره وصاروا يمشون بجنب ببعض وفيصل كاشخ بالابتسامه مد يده بهدوء ومسك يدها ارتجفت اديم وهي تحس انها احترت وبردت عشرين مره ..

18 - 1 - 2022, 07:23 PM

..... 167 .....

دخل البيت وهو يقول :عميمه ي عميمه افاااا وينكم محد استقبل العريس
جات منى وهي تضحك :اهلييييين وسهلييييين بالعرسان نورتوا
ترك فيصل يد اديم اللي ماصدقت انه تركها واسرع لعمته وهو يحضنها ويسلم عليها : هلا فيك ولو ان وجهك مايطمن
ضحكت منى بفشله :شتبيني اسوي بالمهابيل اللي جوا
ضحك فيصل وهو يبوس راسها: محلوله محلوله انتي ارتاحي وخليك تضحكين بس
منى :ان شاءالله ..بعدت فيصل وهي تضربه بخفه:وخر اكلتني بالكلام ونسيتني عروستنا
ضحك فيصل وهو يقول بمزح: لو سمحتي عميمه سلمي من بعيد
منى ناظرته وتخصرت :وشوله فيني مرض
فيصل راح لاديم وهو يلف يده على كتفها وقربها له وهي بس ترجف وقلبها يدق وقال: لا بسم لله عليك لكن من اليوم ورايح مافيه احد يسلم الا من بعيد
منى: الله واكبر وش ذا الاضطهاد
فيصل ضحك وهو يناظر لاديم وحاس في توترها وقال :مو اضطهاد هاذي غيرة الحب ي عميمه شعرفك انتي كهله خلاص
منى اسرعت وهي بتضربه ولف هو بسرعه وراء اديم وهو يقول : امزح امزح خلاص
منى : ايييه هذا اللي انت فالح فيه اطلع اشوف عشان اربيك من جديد
ضحك فيصل: اديم انا وراك دافعي عني
ضحكت اديم وهي تقول : خلاص عميمه سامحيه عشاني يمزح معك
منى ضحكت وهي تسلم على اديم : ي زييين الكلام من فمك ي شيخه وبسامحه عشانك والا هو ما يستاهل
فيصل :نعم نعم
منى :اي ما تستاهل
فيصل : والله بكيفك انتي الخسرانه اذا عندك ما استاهل عند غيرك استاهل كثير
منى:هييين هييين بتجيبك الايام
طلع فيصل وهو يرجع يبوسها: امزح عليك ي كهله انا مالي غنى عنك
منى ضحكت وهي تشد اذنه بخفيف :وانا والله
قطع كل هذا نواف اللي جاء يصرخ بفرح : فيصل جيت
ضحك فيصل وهو يحضنه :ايه ي قلبي انا
نواف:يععععع من بيتنا بدونك
فيصل ضحك: يعععع من فيصل بدونك
ضمه نواف بفرح وجاء من بعده ام رامي اللي تخصرت وهي تقول :ما بغيت تجي ي فيصل
فيصل ترك نواف واتجه لها وهو يبوس راسها : انشغلت شوي انا اسف
ام رامي :حسبي الله على اللي اشغلك
فيصل :خاله الله يهديك بس روقي وسن وين
ام رامي : هذا هي هنا
فيصل :زين هدي كل شي بينحل
ام رامي :استعجل لاني ماني طايقه الجلسه هنا
فيصل :ابشري
راحت ولف فيصل وهو يقول :انا رايح
منى :فيصل عشاني ي حبيبي لا تسوي مشاكل حلها بشويش
فيصل اشر لعيونه : من عيوني نواف يلا
اخذ نواف وطلع واديم متعجبه من شخصياته اللي ماعرفت لها ابدا وتقلبه صحت على صوت منى: اديم نزلي عبايتك وتعالي
اديم ابتسمت:طيب
راحت اديم تنزل عبايتها وهي تفكر وشلون تهدي نفس فيصل عليها
ظيمنعظيمنع
ظيمنع
في المجلس دخل فيصل بهدوء وهو يقول :السلام عليكم
الكل وقفوا :وعليكم السلام
ابتداء فيصل يسلم عليهم وبعدها جلس بجنب جده والكل يناظره ويستناه يبداء
ابو عادل : فيصل ننتظرك
فيصل : انا اسف اول شي اني اتأخرت ثاني شي كلمت خالتي وهي متضايقه من اللي صار واتوقع ما تنلام واي واحد منكم بيكون بمكانها بيسوي اللي تسويه في النهايه الظناء غالي ما بطول بالكلام لكن اقل شي ممكن تسويه سهام انها تعتذر لخالتي ووسن او انها تتحمل قرار خالتي برفع الشكوى
ابو مشاري : ي فيصل انت تدري مدى حساسية الموضوع بأن سهام تدخل هالاقسام لو عندك حل منصف تقنع فيه خالتك
فيصل :برايكم وش الحل المنصف
الجد تكلم بهدوء: مثل ان سهام تقدم تعويض لوسن وخالتك وكذا والا كذا لو اشتكت بتاخذ تعويض فنختصر الموضوع ولا نكبره
ابو مشاري : انا مع ابو طلال اتوقع كذا حل منصف وانت ي فيصل خلك مفتاح خير
فيصل كان ساكت وبعدها قال: انا بصراحه ماني مع هذا كله وانا لو قلت رأي ما راح يعجب احد لذلك بترك كل الامر لخالتي وهي تحدد اللي تبي
الجد: ي فيصل تذكر زين ان هذا الشي مابيعود على احد كثرك فأختار الخير
فيصل : انا ما همني الا شي واحد وهو ان حياتي ما تأثر باللي بيصير وعشان كذا بحاول انهي الموضوع بوديه لكن اول شي إرجاع لكرامتي انا واللي صار بزواجي وكرامة خالتي سهام ملزومه بأعتذار لخالتي وبنتها
ابو مشاري استصعب الامر بس مهما كان اهون من انها تنسجن: مقدور عليه ان شاء الله
فيصل: زين اشوف خالتي
الكل سكت ووقف فيصل اللي اتجه للقسم الثاني ونادى لخالته بالمجلس
ام رامي : فيصل وش صار ؟

18 - 1 - 2022, 07:23 PM

.... 168 ......

فيصل اللي ما كان له مزاج لمشاكلهم وفكر للحظه ان موقف ابوه بين حتى لو سهام دخلت السجن ما بيتخلا عنها فقرر انه يهدي الوضع وبعدين يفجر الوضع طالما ان في يده ورقه رابحه اللي هي اديم : والله ي خاله انا اشوف ان انسب حل للموضوع انك تاخذين تعويض خصوصا ان ابو مشاري مستعد يحط اللي تبينه تحت يدك واهم شي سهام ما تنسجن وغير هذا انتي بتدقين خشمها وقت ما تعتذر لك قبال الكل ومنها يبرد قلبك ويبرد جيبك
ام رامي اللي اول ما سمعت طاري الفلوس طمعت وقالت: كم يطلع لي يعني
فيصل:اللي تبينه
ام رامي : يعني اقدر اطلب ظ¤ظيمنعألف
فيصل : تقدرين وبتجيك ريال يطنح ريال
ام رامي : زين زين انا موافقه
فيصل :كويس الحين بتجي سهام وتعتذر بس انتبهي لا تسوين اي حركه عكسيه وحزتها ما بتشمين الريال
ام رامي : خلاص خلاص
ابتسم فيصل بهدوء وقال : زين اقولهم
رجع فيصل لرجال وهو مبتسم ناظر له ابوه وقال: فيصل وش صار
فيصل : اوك خالتي موافقه تتنازل بمقابل ظ¤ظيمنع ألف و اعتذار
الجد وابو عادل والكل انصدموا: كم
ابو مشاري قطع النقاش وقال:تم اللي تبيه
مشاري : بس يبه
فيصل:مانكم مجبورين ترضون
مشاري : فيصل اقل شي انصف
فيصل :مشاري انا منصف وانا من قبل اعلنت موقفي وانتم عارفين اني ما همني كل هذا اهم شي عندي ما يمس حياتي اي شي انا هنا مجرد وسيط لخالتي ولا لي حق بالمنع او الردع ولا اقدر اعارضها فلا تحملوني اي مسئوليه
ابو مشاري: مشاري انتهى الموضوع خلااص حنا ما ودنا بالمشاكل واللي تبيه ام رامي تم
فيصل :زين
ابو عادل : انا اروح اكلم سهام وتنتهي كل المسأله هنا
الكل : زين
فيصل لف بيطلع ولحقه رائد: فيصلوه ي عريس
فيصل لف له :هلا رويد امر
رائد:اخس متعدله الألفاظ زين والله
فيصل بطرف عين: شكلك من زمان محد توطى ببطنك
رائد:هههههههه ايوه هذا فيصل المهم قولي كيف امورك تمام ان شاء الله
فيصل ابتسم لطيبة رائد : لا لا معليك كل شي تمام
رائد : ادري والله خربوا عليك جوك بس هانت
فيصل :مو مشكله نتحمل وش ورانا
رائد: بيني وبينك خفت انك تكبرها وتوصل الامور لشي اصعب
فيصل : والله شوف ما اكذب عليك لو هالشي صاير قبل اعرف اديم ماا كان طوفتها ابد من يدي
فيصل كان يقصد انه عنده فرصه يخرب فيها العلاقات غير هاذي اما رائد فاهم انه يحب اديم وعشان كذا متنازل قرب له وحضنه :الله يطمن قلبك ان شاء الله واحسن شي سويته مادخلت هالمشاكل بحياتك
فيصل ابتسم بهدوء :زين زين انا بروح اشوف خالتي ووسن
رائد:يلا يلا وترا عشاكم اليوم على حسابي
فيصل ضحك بقوه: وانا ما استغني عن حسابك انا لحم كتافي من حسابك
رجع رائد وفيصل كمل طريقه عشان يشوف خالته اخذ طريقه ودخل واول ماشافته وسن ابتدت بحركاتها اللي ما تعجب احد وسط ذهول اديم اللي تناظرها بأستحقار جاء فيصل وجلس بجنب اديم وقال: سلامات وسن ما تشوفين شر
وسن بدلع يلوع القلب : الله يسلمك ي فيصل يرضيك اللي صار فيني ي فيصل
فيصل اللي ما عجبه تصرفها بس انه يلعب على الحبلين ويقهر اديم بوسن ووسن بأديم : لا ما يرضيني لكن بتاخذين حقك كامل لا تضيقين كم وسن عندنا احنا
اديم لا شعوريا مدت يدها وشبكتها بيد فيصل وهو تبتسم بهدوء وقالت: والله ي وسن ما يرضينا لكن فالنهايه من دق الباب سمع الجواب مو صح حبيبي ..
فيصل من اول ما شبكت يدها تكهرب وبدا يختل توازنه ولا سمع من كلامها شي الا " حبيبي " وقال بتناحه واضحه: هاه
ضحكت اديم وقالت وهي تناظر عيونه : شفيك ما سمعتني
فيصل تورط ولف بسرعه وهو يقول بربكه : اي صادقه والله لكن ان شاء الله خير
ام رامي : فيصل اشوفك صفيت معها ضدنا
اديم تكلمت قبل فيصل وهي باقي شابكه يدها بيده وقالت وهي تشد عليه: ليش ي ام رامي الله لا يقسمنا صفوف كلنا مع بعض ولا كلنا غطائين فالنهايه حبايب مو صح عيني
فيصل احتر ولا عرف يرد وهو يشوف قهر خالته ووسن واديم اللي تكلمه بكل دلع وهذا شي مايقدر عليه فيصل ناظرها وانسحر بعينها للحظه وصحى على صوت ضحكة منى : عينك راح فيها ي اديم
اديم انحرجت وسحبت شوي من يد فيصل اللي بسرعه سحب منديل يمسح جبينه وقال : عميمه شوفي ابوي وسهام تأخروا
منى: هههههه تو الناس وش فيك مستعجل ي عين اديم
اديم نزلت راسها بضحك وفيصل لف يناظر خالته ببتسامه غبيه ظيمنعظيمنع

18 - 1 - 2022, 07:24 PM

...... 169 .....

عند ابو عادل اللي دخل لسهام اللي جالسه تنتظر واول ماشافته وقفت
ابو عادل : سلام عليكم
سهام:وعليكم السلام
ابو عادل جلس وقال: شوفي ي سهام الموضوع تعبنا فيه لين حليناه ارجوك ارجوك ولو مره تسمعين الكلام ولا تعقدينها ام رامي وافقت تتنازل عن انها ترفع شكوى ضدك لكن بمقابل
سهام بشك: فلوس
ابو عادل : ظ¤ظيمنع الف واعتذار
سهام:نعم نعم تخسي الا هي ما فيه ولا شي
وقف ابو عادل بحده: زين تخسي وتفضلي البسي ويلا قدامي على القسم وخذي معك احتياط ظ¦ اشهر
سهام :تتكلم من جدك انا اعتذر لها
ابو عادل : ما عندك خيار ثاني كلها كلمه ورد غطاها ولا تبلشينا بهالمجنونه
سهام: ايه عشان يصير اللي تبي وتتشمت فيني
ابو عادل :سهااااااااام اصحي لنفسك اذا مستعده لسجن اطلعي له
سهام: مستحيل مستحيل
ابو عادل بزهق:شوفي عاد انا مالي خلق والله وانتي بكيفك
كان بيطلع لكن سهام ايقنت ان الموضوع جد وخافت وقالت: انتظر ساعدني
ابو عادل : ما بقى شي ما سويته وتقولين ساعدني ساعه برا وانا احاول بفيصل وخالته في الاخير هذا كلامك
سهام:اسفه بس ما بيها تتشمت فيني
ابو عادل :خليها تتشمت وبعدين تنقلع وش بيصير يعني سهام صحصحي وخلي السالفه تعدي
سهام سكتت شوي وبعدها قالت: زين
طلعت بقهر مع ابو عادل اللي دق الباب ينادي عشان الطريق الكل استوى ووقف فيصل وهو يناظر سهام اللي دخلت بقوه وهي فيها القهر واضح
وقفت اديم بجنب فيصل وهي ما تدري وش تسوي بالموقف
ابتسم ابو عادل وتوجه لاديم يسلم عليها وبعدها قال : اهلين فيك ي بنتي في بيتك وحنا اسفين على اللي صار
اديم انحرجت وقالت:اهلين فيك عمي واللي صار عادي
ابتسم ابو عادل وقال يوجه الكلام لام رامي : ام رامي اول شي سلامة وسن وثاني شي احنا اهل وهاللي صار غلطة رفيق وبأذن الله انها اخر العداوه واحنا نعتذر مليون مره واللي تبينه ابشري وتم فيصل قال لنا اللي تبين وابشري فيه المهم إنا اهل وحبايب لذلك سهام جايه تعتذر والعوض بيوصلك مع فيصل
ام رامي : والله لولا خاطر فيصل ما رضيت لكن وش نقول بعد فيصل بعد عمري مو اي احد
ابو عادل :في كلٍ خير في كلٍ خير
اشر ابو عادل لسهام اللي قالت بغير نفس وهي متكتفه :اسفه ما قصدت
ام رامي :وش فيك تتكرمين علي فيها ترا ما جبرتك عليها
ابو عادل : سهااام
سهام (اووووف الله ياخذكم كلكم):معليش ي ام رامي من جد اسفه
لفت ام رامي بغير نفس : عذرك مو مقبول توكلي على الله وانت ي ابو عادل وصل لي عوض بنتي مع فيصل لان مالي خلق شوفتكم
ابو عادل تركها وطلع هو وسهام ولفت ام رامي تكلم فيصل: يلا ي فيصل عشان توصلنا
فيصل : زين يلا
منى: لا حلفت عليك عادل يوصلهم انت عريس جديد انتبه لزوجتك واترك هالامور كفايه انه خربوا عليك فرحتك
فيصل :لا عادي
منى قطعت الجدال وقالت : يلا يلا روح بأديم تشوف الجناح وانا اكلم عادل يوصلهم على ما اجهز العشاء
منى ما اعطت فيصل مجال يعترض وشبكت يده بيد اديم وطلعتهم من الصالون
وقف فيصل وهو يناظر بيده اللي ماسكه يد اديم وسحبها بخفه وكأنه خايف يجرحها بضخامة يده قبال يدها طلع بهدوء وطلعت اديم اللي قلبها يرقع رقع وهي خايفه ينكد عليها بسبب اللي صار من شوي وصلو الجناح ووقف فيصل وطلع المفتاح ودخل ودخلت اديم وراه رمى المفتاح على المدخل ولف وهو يسكر الباب وسحب اديم من يدها وهو يثبتها على الباب بقوه وقال وهو يهمس في اذنها : واااااو واو براع¤و والله طلعت عندك مهاره في أساليب الدلع والاقناع كويس والله يعني بأمكاني اعتمد على مهارتك صح والاااا لا ي حبيبي
اديم غمضت وهي ما تبي تتورط معاه ولا ردت ضحك فيصل وقال بنفس الهمس : شفيك ما تردين مو احنا حبايب ي عيني
اديم تحركت وهي تبي تتحرر بس رجع فيصل وهو يثبتها بقوه وغرس يده بشعرها وقال : انتي كذا اوك لكن انتبهي يحلى لك التلزق .. شد على شعرها وقال :واقسم بالله لو بحياتك تقاطعين كلامي وتتكلمين من راسك لأنتفك حيه سامعتني وقت اللي اسألك تتكلمين وغيرها تنكتمين
اديم قالت بصوت مهزوز :طيب اترك شعري اوجعتني
شد فيصل زياده وقال: عساه يتمزع مو هامني
ناظرت له اديم وبعدها قالت : حرام عليك وش سويت انا مو هذا كلامك بالسيارهً
فيصل :مو انتي اللي تحكمين كلامي
شدت اديم على اسنانها بألم :بكيفك بس اتركني
فيصل كان يحاول يشتت انجذابه لها بإي طريقه كانت ودفها وهو يقول : انقلعي من وجهي
تمالكت اديم نفسها وراحت وهي بعيونها دموع قهر على هالحياه جلست بأول كرسي صادفها وهي ما تبي تشوف اي شي على كثر ما كانت متحمسه على كثر ما خاب املها مر فيصل من عندها ودخل الغرفه وسكر الباب عليه نزل شماغه وثوبه ورماها بالارض وسحب جواله وهو زهقان

18 - 1 - 2022, 07:24 PM

..... 170 .....

كان يمشي بالمكان ووقف على اشياء من تذكار امه تنهد بضيق وهو يهمس : والله يمه والله مدري انا وش اسوي والله اااخ بس لو الدنيا ترجعني لك اخخخ
لف وجلس بهدوء وهو يراقبها سحب جواله وصور سناب اللي هو المنبع الوحيد اللي يفضفض له فيصل بدون حدود وخوف وعلق عليها (كل مآ حنيت لـ أيآمك آقول ، آلبقآ لله وخلقهہ رآحلين ) بعدها علق بصوره سوداء وقال ( ليه نضعف كل ما مر الحنين ...وليه نتعب كـل ما نذكر | أحد)
تنهد ورمى جواله وهو متاكد ان اول من بيواسيه حنين انسدح ينتظر المنقذه له كالعاده
ظيمنعظيمنع
ظيمنع
اما عند اديم اللي كانت فعلا كارهه كل شي انسدحت بهدوء وطلعت جوالها الاساسي وصارت ترد على الناس وتسولف وبعدين تذكرت فيصل سحبت الجوال الثاني ودخلت السناب وشافت اللي هو منزل ارتجف قلبها وهي لاول مره تخاف من انها تواسيه كانت تعيدها مره واثنين وثلاث ولا قدر يطلع معها الا تقول ( تحمل بعمرك ي فيصل تحمل بعمرك حبيبي الله يخليك لا يصير لك شي اصبر وربي معك )
فيصل اللي كان ينتظر وسمع صوت الرساله سحب الجوال لكن تهاون لما شاف رائد مرسل له الحجز مدفوع الحساب بمطعم راقي هديه له ولاديم ابتسم ورد وهو يقول ( ي بعد اهلي ي رائد والله تكلفت )
رد رائد(هههه ي ليتك دايم عريس واسلوبك كذا حلو)
فيصل(هههههه يلا كل شهر جدد هالعزيمه وابشر بالكلام الحلو)
رائد( من عيوني كم فيصل عندي )
فيصل رد وهو ماله خلق يكتب ( ��) رمى جواله بزهق وهو يفكر وشلون يبي يتعشى مع اديم راح بأفكاره وصحى على رد حنين ( اديم ) ..،ضحك بحب ( لا تخافين مابيصير لي شي لو بيصير صار من زمان .. لكن انا الحين بخير بقوه دامني معك )
ابتسمت اديم : ي ليتك ي فيصل كذا بالحقيقه ( ان شاء الله دوم)
فيصل ( احكي لي عن اخبارك !)
اديم (ولا شي جالسه زهقانه لا رحت ولا جيت)
فيصل ( والله اني زهقان حتى انا تدرين يا ليت يطلع بيدي اخذك ونطلع ونتعشى ونفلها )
اديم :خير وش فيه الخبل لا يكون متعود يطلع مع بنات عمى بعين العدو ( سلامات فيصل انهبلت وش نطلع!!)
فيصل سجل صوت وهو يضحك( ههههههه انتي مختله اقول ي ليت )
اديم ( لا تتعشم حتى )
فيصل( بسم لله شقلت انا ما قلت شي لو اني عرضت حزتها عصبي )
اديم ( انت ناوي نتهاوش اليوم)
فيصل ( اعوذ بالله من ابليس اسفين ي شيخه خلاص انتي ببيتكم وانا ببيتي )
اديم : بعد قوي وجهه والله هههههه ليتك تدري ي فيصل أن اليوم بنطلع ونتعشى مع بعض هههههه ( ايه خلك كذا وبعدين ليه زهقان وين زوجتك )
فيصل( اي زوجه ي حظي هاذي هم همممم )
اديم( ليش!!)
فيصل ( بيني وبينك ي حنين واضح كذا انها مو سهله )
اديم ضحكت بنفسها وقالت( ليش!!)
فيصل( عليها تصرفات ي أنها خبله ي انها فاهمتني لدرجة تعرف نقاط ضعفي)
اديم ( ما فهمت عليك وش خلاك تحكم كذا )
فيصل كان يحكي لها عن كل شي صار معاه واديم تضحك ضحك عليه وهي بنفس الوقت مكسور قلبها عليه شلون مفجوع :هههههه زين عرفت ميزانك ي فصول انا اجننك انا ( يمه ي فيصل شفيها هاذي انتبه منها تغررك )
فيصل اللي كان خايف انها فعلا تغرره ( لا ماعليك منتبه لها )
اديم وقفت وهي تسمع الباب يدق وقالت( فيصل انا بطلع من البيت اذا فضيت اكلمك طيب)
فيصل ( زين )
قفلت الجوال نهائي وراحت تفتح الباب اللي كانت منى عنده :اهلين عميمه
منى:هلابك ي عيني تعالي انتي وفيصل للقهوه تحت
اديم ابتسمت :اوك الحين اقول لفيصل وننزل
منى راحت واديم اللي ابتسمت وراحت لفيصل وهي ناويه تلعب فيه دامه خايف منها دقت الباب بهدوء ودخلت وهي مبتسمه :فيصل
فيصل كان حاط ذراعه على عينه ومنسدح بتعب ورد بدون نفس :خير
اديم:عمتك منى تنتظرنا بالقهوه ننزل لها او لا
فيصل نزل يده وهو يناظرها بطرف عين : وانتي شقلتي ي هانم
اديم ببتسامه: قلت بكلم فيصل وننزل
فيصل جلس :ومن سمح لك تقبلين الكلمه هنا لي انا محد له شغل غيري
اديم : طيب اسفه توقعته عادي
فيصل :وخير ان شاء الله شاقه الابتسامه
اديم ضحكت بخفه: شسوي طيب
فيصل :اذلفي من قدامي اشوف وي ويلك تقبلين ثاني مره بدون علمي
اديم وهي باقي مبتسمه :طيب
فيصل كان مقهور من ابتسامتها وده يكسر وجهها وقف وهو يسحب ثوبه عشان يلبس واديم فهت وهي تناظره عفويته حتى بلبسه وكيف له وسامه حتى بالسروال والفنيله ضحكت وهي تلف وتطلع وفيصل لبس وجهز وطلع وهو يقول :قومي قامت قيامتك ان شاءالله واخذي عباتك معك بنطلع بعدين

19 - 1 - 2022, 01:44 AM

..... 171......

اديم ببتسامه :طيب
فيصل قرب وهو يشد على فمها بقهر: لا اشوفك تضحكين
اديم ضحكت بزود : شسوي طيب
فيصل .انكتمي صوتك مابي اسمعه
اديم :طيب
تركها فيصل وتقدم وهي وراه نزلوا وشافوا سهام ومنى موجودين ومعاهم نواف جلسوا وهم مبتسمين الاثنين وقام نواف وجلس بطرف فيصل الثاني
وسهام مقهوره من تمثيلهم الاثنين وقالت : شفيكم لازقين ببعض ابعدو شوي
فيصل شد على اديم اكثر وقال بنظرات فهمتها سهام انها استغلال لمشاعر اديم : والله بكيفنا نقرب نبعد بكيفنا
منى:هههههه خليهم ي سهام باقي توهم عرسان بعدين تشوفين كيف كل واحد يجلس بطرف
فيصل لف لاديم وقال وهو يمثل هيام الحب : لا ي عميمه كذا الحكي وفيه احد يمل من عين فيصل
اديم كانت جالسه قريب منه مره ولو لفت بتكون عيونها مباشره بعيونه
مدت يدها وهي تشد على يده بهدوء وابتسمت وهي تسكر عيونها بخفه وهمست : روحي انا وانت بعد ما ينمل منك ي عين اديم
سهام انجلطت :معليش يعني قدرنا انكم عرسان احترمونا يعني خربت بنت اخوي ي فيصل
فيصل اللي كان غرقان بشبر مويه ولا رد صحى على صوت ابوه وابتعد شوي وهمس بأذن اديم ( خليك قد حركاتك ؟)
اديم ما فهمت وش يقصد بس ردت وهي تقول ببتسامه وتناظر عيونه ( مو انت قلت قبالهم نسوي كذا )
فيصل شد على يدها بقوه وقال (نتفاهم بعد الساعه ظ،ظ¢ )
فيصل قال كذا عشان يخوفها وفعلا انسحبت اديم من يده بخوف وهي ندمانه على اللي سوته وحمر وجهها وفيصل ابتسم بأنتصار وهو يرد على أسئلة ابوه
ظيمنعظيمنع
ظيمنع
اما عند عااااااادل اللي اول ما انتهت المشكله انطلق يدور لريمان اللي صارت مركز رئيسي بحياته اتجه مسرع لبيت جده اللي كانت فيه ريمان دخل وشاف جده بالصالون وهدوء شوي وهو يبتسم بفغاره: سلام
ضحك جده وهو يأشر بعصاته على المجلس ضحك عادل واتجه للمجلس بإحراج دق الباب بخفه ودخل لف وشاف ريمان جالسه بحوستها المعتاده وهي حاطه رجل على رجل وبيدها كيس فصفص وحواليها معدوم فزت وهي محروجه ونزلت رجولها :عادل مو ع اساس بتتاخر
ضحك واتجه وهو يرفع رجولها مره ثانيه على الطاوله وجلس وهو يسوي نفس حركتها وقال بطريقة تقليد لاسلوبها : كنت بس عشانك جيت مسرع
ضحكت ريمان : وش عندك اليوم بالعاده جلسة محترمه ولازم مكان مرتب
عادل رفع يده بأستسلام : والله انا اللي يريحك اسويه ولا ابي افرض عليك اشياء غصب عليك
ضحكت ريمان: بعد ايش يعني بعد ما تعودت على الادب
ضحك عادل : مافي مشكله مره نتأدب ومره ندشر
ابتسمت ريمان وقالت: هاه شصار بالمشكله
عادل : ي شيخه فخار يكسر بعضه ماهموني كلهم لكن خفت فيصل يخرب حياته لكن حمدلله حل الموضوع بوديه
ريمان:هههههه والله غريبه فيصل يحل الامور وبوديه بعد ليتكم مزوجينه من زمان
ضحك عادل : يا شيخه الله يهديه بس وبعدين الله يخلي الحب اللي يغير النفوس
تعدلت ريمان وحست انها دقه لها وقالت بهدوء : الله يوفقه
عادل ابتسم وهو يقول : يعني التغير الايجابي احسن من الحب نفسه
ريمان نزلت راسها بهدوء: ايوه
نزل عادل راسه يناظرها ببتسامه : زين وش رايك باللي يحبك بكل تغيراتك
ريمان رفعت راسها بصدمه ووجهها احمر وكأنه تبي تأكيد للي يقول وقف عادل وهو مبتسم ونزل وهو يبوس جبينها بخفه ويناظر عيونها : ايه احبك
تركها وطلع وهو يحس انه كذا خلاص لقى حياته ولا باقي الا انه يستمر فيها بحبه هذا
اما ريمان اللي لا شعوريا بكت يالله قد ايش طعم الحياه حلو من بعد ما عرفت عادل ندمت على كل ساعه كرهته فيها وتمنت لو انها تغير كل ذكرى سيئه بحياتهم وتبدا من جديد وقفت وهي تلبس عبايتها وطلعت وهي مصره انها من اليوم تحاول انها تتخلص من عقدتها وتحب عادل بصدق وبدون خوف
ظيمنعظيمنع
ظيمنع
عند عساف ورائد اللي كانوا بأحد المقاهي وعساف زهقان: رائد
رائد:هممم
عساف: انا زهقان
رائد:شسوي لك سويت كل شي ولا رضيت
عساف: دخيلك خلنا ندق على فيصل يجي خمس دقايق ينعشنا ويروح
رائد: انت مختل اقولك فيصل حتى انا ارسله يسلك لي وهالمره تبيه يجي فيصل انساه شهر كامل كأقل مهله
عساف : ي ربي يعني بنجلس كذا طفشانين
رائد بمزح:تزوج ياخي وريح نفسك
عساف تذكر وجلس بأعتدال: اي والله جبتها
رائد:وشو
عساف : اسمع اسمع اترك فيصل يولي انا صدق كنت بقولك هالموضوع
رائد:بسم لله وش صار
عساف :اول شي روق وهدي
رائد: وش فيك
عساف :اركد بفهمك الحين
رائد:انطق

19 - 1 - 2022, 01:45 AM

......172 ......

عساف غمض وقال بسرعه: انا من زمان افكر اتزوج وطرت على بالي اختك نسرين وبخطبها منك موافق والا لا
رائد كان ساكت بصدمه وبعدها انفجر يضحك وعساف يناظره بصدمه : وش فيك
رائد :هههههه ياخي انت خبل احد يخطب كذا
عساف : ياشيخ اقلب وجهك ماعندي انا حركات رسميات المهم قولي موافق
رائد:ههههه مره واثق ترا
عساف : كيف يعني
رائد : يعني اقلب وجهك مالك زواج عندنا
عساف طارت عيونه بصدمه: وشو ليه
رائد : والله ياخي انت انسان تعرف نفسك عندك خرابيط وحركات وانا مابي اختي تاخذ واحد زيك
عساف انصدم وناظر له بقوه وصدمه : قصدك اني مو كفو لاختك
رائد :لا مو كفو انت كفو وكفو وكفو
عساف علق مايدري وش قصده :رائد تكلم بجد
رائد: ههههه امزح عليك ي اهبل لكن بقولك شغله انت كل شي عندك تمام الا مغازلات والبنات اذا تركتها ابشر بعزك
عساف انلخم: ماني فاهم موافق والا لا
رائد :قلت لك اذا وعدتني تبطل هالهبل ابشر بعزك
عساف ضحك براحة : انا قد قلت لك انا اذا نويت اتزوج معناته كل هالاشياء بتصير ماضي
رائد: وعد
عساف : افااا وعد وعد شرف بعد
رائد نزل اللي بيده وقرب يحضن عساف : ربي يسعدك ويكتب اللي فيه الخير عساف: بتكلم ابوك
رائد: ضروري لازم يكون عنده خبر
عساف: فهمه زين اخاف يرفض
رائد: لا لا ان شاء الله اذا لك نصيب بتاخذه
رائد: لا لا ان شاء الله اذا لك نصيب بتاخذه
ابتسم عساف وضرب رائد:وجع وقف قلبي
رائد: ههههههه وانت من جدك اني بقول عنك كذا
عساف:والله توقعت انت بسم لله عليك صريح
رائد: صريح صح وكل الصراحه بعد
عساف: بالله قوم نسوي اي شي يحمسنت زهقت
رائد: نروح الاستراحه
عساف:نروح اهم شي نغير جو
وقفوا واتجهوا للاستراحه وعساف نصه فرح ونصه خوف من هالزواج ورائد كذلك
ظيمنعظيمنع
ظيمنع
في بيت ابو عادل كان محور السوالف فيصل اللي منطلق ويضحك ويطقطق ويحكي عن مغامراته وهو يحاول يثبت للكل انه مبسوط طبعا الكل مصدق ما عدا سهام اللي تحاول تلقط اي شي عشان تفضحهم
ابو عادل : هههههه الله يقلع ابليسك ي فيصل الحين طلعت الفضايح
منى: هههههه اخ ي قلبي محد راح فيها الا انا
ابتسم فيصل :عاد انتي ي عميمه دايم بوجه المدفع
سهام: اقول اديم بتتعشون هنا
اديم كانت بترد بس سبقها فيصل وقال:عميمه لا تحسبينا بالعشاء طالعين نتعشى برا
منى: ابشر والله يهنيكم
فيصل وقف وهو يعدل شماغه: تبون شي والا شي
ابو عادل :سلامتك
فيصل لف لاديم ببتسامه وقال: يلا
وقفت اديم وهي تلبس عبايتها : يلا
طلعوا فيصل واديم وابو عادل ومنى يدعون لهم اما سهام اللي لفت وطلعت بدون نفس لكن وقفها صوت ابو عادل : سهام جهزي العشاء
سهام : زين
توجهت للمطبخ وهي مالها نفس نهائي وتحضر وهي تستنى الساعه اللي يستقرون فيصل واديم بالبيت وتكشفهم مضبوط
ظيمنعظيمنع
ظيمنع
عند فيصل واديم اللي طلعوا لسياره كانت اديم خايفه من تهديده لها كانت تحاول تسبقه بخطواتها اما فيصل قرر انه يلعب مثل ماهي تلعب ويحوسها كان يمشي بشويش وهو مبتسم ابتسامه مدري وش وضعها ركب السياره بهدوء وحرك وهو حاس بخرشة اديم وسحب الجوال وهو يشغل اغنيه كذا عشوائيه وكانت لنوال ايام حبك بدون شعور انجذب فيصل واديم وكل واحد يفكر بالثاني بدون محد يحس على الثاني كان الجو هادي عند اديم اللي كانت تراقب فيصل وهي مقهوره عليه كيف بكلمه ينسيها كل شي سيء يسويه معها كيف قلبه مليان حب بس هو يقسيه لا شعوريا بكت تمنت لو تقوله انها حنين نفسها تعرف كيف بيكون ردة فعله وكيف بيعاملها هل يتقبلها او لا غمضت بقوه لما وصل المقطع فالاغنيه ل ( قاسي القلب لكن كان قلبي بقلبك .. وين موعد جمعنا وين ذاك المكان ..ضحكنا اللي ضحكنا والوله والحنان )
شهقت بدون ما تحس وانهارت تبكي فيصل لف بسرعه وخوف بنفس الوقت قصر لصوت وقف على طرف ولف :اديم وش فيك بنت وش صاير لك
اديم هاللحظه تمنت انه يقسى ماتبيه يحن عليها وتنهار زياده كانت تحاول توقف شهقاتها وبالقوه قدرت كان فيصل قريب وخايف عليها حس انه ظشغط عليها بقوه انسحب بهدوء وكمل طريقه لما شافها هدت اديم ماهدت داخليا وكانت منهاره حيل حيل رجع فيصل وعلا الصوت بقصد انه يخليها تبكي براحتها بدون ما تحس ان صوتها يضايقه لكن بدون مايحس كان يقلب مواجعها وانتهت هالاغنيه

19 - 1 - 2022, 01:45 AM

..... 173 ......

وابتدت اغنية ثانيه وكأن كلامتها تقطع بقلب اديم شهقت زياده وتركت العنان لدموعها وهي تسسمع المقطع(
‎طيب اذا مالي خاطر خذ بخاطر طيبتي
‎حتى لو فيها كلافة جامل شعوري شوي
‎لو هو بديني تركتك بس بلاي وعلتي
‎اني من دونك أموت واني معاك ماني حي
فيصل كان مستغرب من طريقة بكاها ولا ركز على الكلمات كثر ما انكسر خاطره عليها وصلو المطعم ووقف فيصل بهدوء وسحب المويه والمنديل واعطاها وهو ساكت اخذتها اديم وهي صوتها يتقطع من الشهقات وبعد شوي هدت ونزلت لفيصل اللي كان واقف وبيده الزقاره وداخلها ندم وضيق وكرهه واشياء كثير مايدري شيسميها انتبه انها جات وتقدم بدون ما يقول اي شي قدم الحجز ودخلوا لطاوله بهدوء واعطى فيصل الطلبات وقال بهدوء :تقدرين تنزلين نقابك
اديم نزلته بهدوء وجهها البريء احمر وعيونها محمره بشكل يقطع القلب نزلت طرحتها وهي تلم شعرها وبين هذا كله شهقات فيصل كان مستند على يده ويراقبها بهدوء حست فيه اديم ونزلت يدها وهي تمسح وجهها قالت بهمس وهي تحرك المنديل :اسفه اذ ازعجتك او خربت مزاجك ..وتقطع صوتها ببكي وهي تقول : ما عرفت امسك نفسي
فيصل اللي كان ضايق عليها وكاسر قلبه شكلها والاكثر لما تكلمت اعتدل وهو يقول :اششششش بس بس خلاص ماله داعي كل هذا المهم ارتحتي
اديم رفعت راسها بصدمه تناظر للحنيه اللي مهما قسى ما تختفي وطاحت دمعتها ومسحتها بسرعه وهي تصد وقف فيصل بدون ما يحس على نفسه وراح وجلس بجنبها : اذا تحسين انك مو كويسه نقدر نرجع الفندق
اديم هزت راسها بلا :انا شوي واهدي عادي
وقف فيصل قبل ما يضعف ويعتذر منها ورجع لمكانه بصمت وكان نفسه يحضنها ويداريها بس انتقامه يمنعه تنهدت وهو يقول بداخله ( اااخ ي ربي بالله هالانسانه من يقسى عليها حسبي الله عليك ي سهام سبعة تحاسيب انتي ومنى والزمن معكم اللي اجبرني على هذا كله )
انقطع تفكيره لما وصل العشاء نزله وهو يحاول انه يعوض قسوته ويهدي اديم بدون ما تحس عليه بس هيهات تمر على اديم وهي فاهمه كل تفاصيله
ابتدوا ياكلون بهدوء غريب على الاثنين لكن كل واحد في صدره افواج من الحكي وبعد ما انتهوا طلعوا بنفس الصمت ورجعوا للفندق دخل فيصل الغرفه الرئيسيه واديم راحت الصالون بعد ما اخذت بيجامتها دخلت الحمام وهي تناظر وجهها الضايق ابتسمت وهي تذكرت معاملة فيصل غسلت وجهها وبدلت وطلعت وهي هادية لفت تناظر غرفة فيصل اللي كانت مظلمه ولا فيها الا ريحة الزقاير انسدحت وهي تتذكر كل كلمه ولحظه جمعتها مع فيصل رجعت جلست واتجهت لفيصل وهي خلاااص ماعاد يفرق معها اي شي دقت الباب وسمعته يقول : تعالي
اديم اقدمت بهدوء وهي تقول :ابي اطلبك طلب عادي
فيصل كان منحرج من اسلوبها لكنه يحاول ما يضعف : وشو
اديم : بكره بنروح لاهلي عادي
فيصل :اشوف
اديم ضاقت:الله يخليك والله وحشوني
فيصل:قلت اشوف ولا تناقشين وتوكلي من هنا لا تنرفزيني
اديم ضربت رجلها بالارض ولفت وهي تتحلطم وقف فيصل اللي كان يحارشها عشان مايبيها تنام ضايقه وهي من ساعتين تبكي قرر يغير روتينها شوي مشى وراها ولفت له اديم : وش فيك
فيصل تقدم بهدوء وهو مبتسم : وش فيك انتي مو انا عين اديم
اديم انمغصت وندمت على الساعه اللي راحت له بلعت ريقها بخوف وقالت: انت قلت مثلي
فيصل: حلو قلت والحين بعد اقول مثلي
اديم لفت بسرعه وهي تنسدح وتتغطى :ماعرف
فيصل جات فرصه وجلس بجنبها بهدوء وهو يناظرها من قريب وغمض وهو يستنشق عطرها : بس عرفتي اليوم
اديم فزت لما حسته صادق وقالت بخوف :والله ما اعيدها خلااص
فيصل : انا ابيك تعيدين نتسلى ليش لا
اديم :الله يخليك ابعد عني فيصل الله يخليك
فيصل ضحك وهو يقول : بعدين فكري بعاقبة الامر قبل تبدين
اديم وهي مسكره عيونها:ابشر
راح فيصل وهو يضحك وضحكت اديم بعد على شكلها وخوفها وانسدحت وهي فعلا تضحك كيف تخاف من اكثر انسان تحبه وتأمن معه فيصل اللي ابتسم لما شافها ضحكت ورجع انسدح بتعب ولا طول ونااام بدون ما يحس
واديم كذلك
ظيمنعظيمنع
ظيمنع
عند عساف اللي رجع للبيت وهو وده لو كل شي ينتهي بسرعه ويتزوج ابتسم لما شاف امه جالسه بجلالها وتنتظره قرب وهو يبوس يدها وراسها:الغاليه ما نامت
ام عساف:ولا بنام وانت مو هنا
عساف : الله يهديك انا قلت لك لا تنتظريني نامي انا احتمال انام مع رائد
ام عساف :اعرفك اذا ما اتصلت ما بتنام هناك
عساف : الله لا يحرمني منك
ام عساف : متى ربي يفرحني فيك واشوفك عريس
عساف ضحك بحب : قريب ي الغاليه وبتجي بنت الحلال اللي تنتظر بدالك ..

19 - 1 - 2022, 01:46 AM

..... 175 ......

فيصل جلس وهو يمسك يدها اللي ترتجف بشكل واضح : قلت لك يمدينا ننسى اللي صار بس بشرط
اديم ارتعبت وقالت وهي تبي الفكه : فيصل تأخرنا اهلي يتنظرون
ضحك فيصل وهو يقول : كويس اذا تبين ما نتاخر اعتذري مره ثانيه بطريقه اقبل فيها عذرك
اديم تورطت : اسفه والله
فيصل: اسفه حطيها بجيبك فكري بطريقه على بال ما اتروش
راح فيصل وهو مبتسم ومستانس انه جالس يعذبها بذا الطريقه المحرجه
اما اديم اللي ندمت من جد :اوووف ي ربي شذا الانسان توترت لدرجة انها بغت تبكي راحت تجمع اغراضها وهي تتمنى ينسى اللي قاله فيصل اللي طلب الفطور قبل لا يدخل خلص وطلع وهو عليه الروب اتجه للباب ياخذ الفطور واديم متجمده بالصالون ولا تبي تتحرك ويتذكر
جاء فيصل وجلس وهو ينزل الاكل : هاه عساك فكرتي
اديم ماردت ضحك فيصل وهو يقول : والله ماعندي مشكله انا فاضي وبجلس استنى اعتذارك او انام
اديم:فيصل والله ماقصدت الله يخليك لا تسوي كذا
فيصل مارد وابتداء ياكل استانست اديم وقالت انه موافق وابتدت تاكل هي بعد بهدوء وبعد ما خصلو راح فيصل يلبس واديم بعد خلصت وجلست تنتظر فيصل واول ماشافته وقفت وهي لابسه العبايه قرب فيصل : وين على الله
اديم اختفت ابتسامتها:مو على اساس بنروح لاهلي
فيصل : قلت وش تسوين عشان تروحين
اديم : ليش تساومني
فيصل :هاذي غلطتك انا ما نطيت وقلت حرامي
اديم:انا اعتذرت
فيصل: مو شغلي
اديم حاولت لكن عجزت واستسلمت وهي تقول :شسوي لك طيب
فيصل قرب وهو يهمس بأذنها : حضنيني بوسيني مثلا لا تحسبين اني متزوجك احنطك او زياده قلق وعله
اديم ارتجفت ونزلت ملعقتها وهي ما هي مستوعبه اللي قال فيصل ضحك وهو ينزل ملعقته: الحمدلله
راح يغسل واديم للحين تحاول تستوعب اللي قاله وقفت بسرعه وهي مستحيل تسوي اللي قاله لو اضطرت انها ما تروح
نزلت عبايتها وهي تدري انها مستحيل تروح الا لما تسوي شي من اللي قاله وهي مستحيل تسويه
رجع فيصل وهو يمسح يده : خير ان شاء لله اشوفك نزلتي العبايه ههههههه شكلك فهمتي غلط ي مزه مافي وقت الحين
اديم لفت بصدمه وهي ماهي مصدقه ان تفكيره منحرف لذا الدرجه سحبت العبايه وهي تلبس بدون احساس انفجر صوت فيصل يضحك بقوه وقال : مو مشكله توك بزر
تقدم لها وبعدت اديم بسرعه وهي تقول :لا تقرب
انفجر فيصل يضحك للمره الثانيه وقال: انتي مصدقه نفسك مررره من زينك عشان اقرب لك او افكر والله انتي حتى السلام كثير عليك ههههه لكن يالله ماهي مشكله من يلومكم التلزق فيكم عاده
اديم انقهرت شلون يفكر فيها كذا وقالت : ما اسمح لك تتكلم كذا معي ي فيصل
لف فيصل وهو باقي يضحك : ومن انتي عشان تسمحين او ما تسمحين امشي امشي قبالي احسن ما اكسر ملامح وجهك
طلعت اديم بغضب الدنيا وفيصل مروق ويغني وجوه في العلالي فتح جواله وشاف رسالة عساف ودق عليه وهو مبسوط ورد عساف بصوت نايم:مييين
فيصل :عسافوه وجع قوم كلمني مزبوط وحشتني
ضحك عساف بحماس:هلاااااا باللي تزوج وتكبر
ضحك فيصل:ههههه قصدك انعليت على قلبي
عساف:هههههه تنصحني انعل او لا
فيصل :ههههه والله على حسب انا عندي عله وانت يمكن نص عله
عساف : هههههه حلوه المهم قولي وش اخبارك
فيصل:اخباري بعلمك لا شفتك بس دقيت ابي ابارك لك وابي بعد نلتقي والحساب عليك
عساف:ههههههه تأمر امر ي الشحاذ فيصل كم شحاذ عندي
فيصل:ههههههه واحد وعساكم ما تفقدونه
عساف :امييين
فيصل:المهم من جد احجز بنتغداء مع بعض طيب
عساف :من عيوني
فيصل :تسلم عيونك يلا توكل على الله
عساف:لا اله الا الله
سكر فيصل وهو متجاهل وجود اديم وراح لسناب ونزل سنابه فيها ( ‏أنا الميعاد أنا البعدين أنا الصدفة ،
‏" أنا كل الدروب اللي تبي تشوفك ") تنهد ببتسامه وهو يكمل طريقه ويدندن بصوته اللي ماكان حلو لكنه ماشي حاله
اديم كانت نفسها تلف وتضربه كف يبرد قلبها فيه وماتبي تسمع اي شي منه تسمع سواليفه مع عساف وهي ماتدري عن ايش يتكلم بس الاكيد عنها
ظيمنعظيمنع
ظيمنع
في بيت ابو مشاري وصل فيصل واديم والكل واقفين يستقبلونهم بحماس قطب فيصل وهمس بضيق لما شاف ابو نوره:ايييه كنا بواحد وصرنا بأثنين
اديم ابتسمت على تذمره لكن طنشت واسرعت وهي تحضن ابوها بحماس
ابو مشاري:هلا بشمعة بيتي هلا وغلا
اديم :اهلين فيك ي روحي
فيصل : هووب هوووب انتبهي ترا غيرتي النسخه
ابو مشاري : ههههههه لا لا حقوق النسخ محفوظه انا لي روحها وانت الباقي

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات