عيونك شوكة في القلب توجعني و عبرها للكاتبة ديم الراشد مكتملة

19 - 1 - 2022, 01:46 AM

..... 175 ......

فيصل جلس وهو يمسك يدها اللي ترتجف بشكل واضح : قلت لك يمدينا ننسى اللي صار بس بشرط
اديم ارتعبت وقالت وهي تبي الفكه : فيصل تأخرنا اهلي يتنظرون
ضحك فيصل وهو يقول : كويس اذا تبين ما نتاخر اعتذري مره ثانيه بطريقه اقبل فيها عذرك
اديم تورطت : اسفه والله
فيصل: اسفه حطيها بجيبك فكري بطريقه على بال ما اتروش
راح فيصل وهو مبتسم ومستانس انه جالس يعذبها بذا الطريقه المحرجه
اما اديم اللي ندمت من جد :اوووف ي ربي شذا الانسان توترت لدرجة انها بغت تبكي راحت تجمع اغراضها وهي تتمنى ينسى اللي قاله فيصل اللي طلب الفطور قبل لا يدخل خلص وطلع وهو عليه الروب اتجه للباب ياخذ الفطور واديم متجمده بالصالون ولا تبي تتحرك ويتذكر
جاء فيصل وجلس وهو ينزل الاكل : هاه عساك فكرتي
اديم ماردت ضحك فيصل وهو يقول : والله ماعندي مشكله انا فاضي وبجلس استنى اعتذارك او انام
اديم:فيصل والله ماقصدت الله يخليك لا تسوي كذا
فيصل مارد وابتداء ياكل استانست اديم وقالت انه موافق وابتدت تاكل هي بعد بهدوء وبعد ما خصلو راح فيصل يلبس واديم بعد خلصت وجلست تنتظر فيصل واول ماشافته وقفت وهي لابسه العبايه قرب فيصل : وين على الله
اديم اختفت ابتسامتها:مو على اساس بنروح لاهلي
فيصل : قلت وش تسوين عشان تروحين
اديم : ليش تساومني
فيصل :هاذي غلطتك انا ما نطيت وقلت حرامي
اديم:انا اعتذرت
فيصل: مو شغلي
اديم حاولت لكن عجزت واستسلمت وهي تقول :شسوي لك طيب
فيصل قرب وهو يهمس بأذنها : حضنيني بوسيني مثلا لا تحسبين اني متزوجك احنطك او زياده قلق وعله
اديم ارتجفت ونزلت ملعقتها وهي ما هي مستوعبه اللي قال فيصل ضحك وهو ينزل ملعقته: الحمدلله
راح يغسل واديم للحين تحاول تستوعب اللي قاله وقفت بسرعه وهي مستحيل تسوي اللي قاله لو اضطرت انها ما تروح
نزلت عبايتها وهي تدري انها مستحيل تروح الا لما تسوي شي من اللي قاله وهي مستحيل تسويه
رجع فيصل وهو يمسح يده : خير ان شاء لله اشوفك نزلتي العبايه ههههههه شكلك فهمتي غلط ي مزه مافي وقت الحين
اديم لفت بصدمه وهي ماهي مصدقه ان تفكيره منحرف لذا الدرجه سحبت العبايه وهي تلبس بدون احساس انفجر صوت فيصل يضحك بقوه وقال : مو مشكله توك بزر
تقدم لها وبعدت اديم بسرعه وهي تقول :لا تقرب
انفجر فيصل يضحك للمره الثانيه وقال: انتي مصدقه نفسك مررره من زينك عشان اقرب لك او افكر والله انتي حتى السلام كثير عليك ههههه لكن يالله ماهي مشكله من يلومكم التلزق فيكم عاده
اديم انقهرت شلون يفكر فيها كذا وقالت : ما اسمح لك تتكلم كذا معي ي فيصل
لف فيصل وهو باقي يضحك : ومن انتي عشان تسمحين او ما تسمحين امشي امشي قبالي احسن ما اكسر ملامح وجهك
طلعت اديم بغضب الدنيا وفيصل مروق ويغني وجوه في العلالي فتح جواله وشاف رسالة عساف ودق عليه وهو مبسوط ورد عساف بصوت نايم:مييين
فيصل :عسافوه وجع قوم كلمني مزبوط وحشتني
ضحك عساف بحماس:هلاااااا باللي تزوج وتكبر
ضحك فيصل:ههههه قصدك انعليت على قلبي
عساف:هههههه تنصحني انعل او لا
فيصل :ههههه والله على حسب انا عندي عله وانت يمكن نص عله
عساف : هههههه حلوه المهم قولي وش اخبارك
فيصل:اخباري بعلمك لا شفتك بس دقيت ابي ابارك لك وابي بعد نلتقي والحساب عليك
عساف:ههههههه تأمر امر ي الشحاذ فيصل كم شحاذ عندي
فيصل:ههههههه واحد وعساكم ما تفقدونه
عساف :امييين
فيصل:المهم من جد احجز بنتغداء مع بعض طيب
عساف :من عيوني
فيصل :تسلم عيونك يلا توكل على الله
عساف:لا اله الا الله
سكر فيصل وهو متجاهل وجود اديم وراح لسناب ونزل سنابه فيها ( ‏أنا الميعاد أنا البعدين أنا الصدفة ،
‏" أنا كل الدروب اللي تبي تشوفك ") تنهد ببتسامه وهو يكمل طريقه ويدندن بصوته اللي ماكان حلو لكنه ماشي حاله
اديم كانت نفسها تلف وتضربه كف يبرد قلبها فيه وماتبي تسمع اي شي منه تسمع سواليفه مع عساف وهي ماتدري عن ايش يتكلم بس الاكيد عنها
٠٠
٠
في بيت ابو مشاري وصل فيصل واديم والكل واقفين يستقبلونهم بحماس قطب فيصل وهمس بضيق لما شاف ابو نوره:ايييه كنا بواحد وصرنا بأثنين
اديم ابتسمت على تذمره لكن طنشت واسرعت وهي تحضن ابوها بحماس
ابو مشاري:هلا بشمعة بيتي هلا وغلا
اديم :اهلين فيك ي روحي
فيصل : هووب هوووب انتبهي ترا غيرتي النسخه
ابو مشاري : ههههههه لا لا حقوق النسخ محفوظه انا لي روحها وانت الباقي

19 - 1 - 2022, 01:49 AM

..... 176 .....

فيصل : لا لا خلاص مالكم شي
مشاري ضحك وهو متجه لفيصل يسلم عليه: هههههه خلاص يبه اتوقع انه جاء الوقت اللي تسلم فيه عهدتك
ابو مشاري ترك اديم وراح لفيصل وهو يسلم عليه بحفاوه :هههههه والله اتوقع لكن ما سلمتها الا لرجال بيحفظها اكثر مني
ابتسم فيصل بهدوء وقال : ان شاء الله اني عند حسن ظنك
ابو نوره وهو يناظر بطرف عينه : نتمنى انك تصير عند حسن الظن مع انه مو واضح
فيصل ابتسم وهو يناظر الارض ويحك حواجبه بالمفتاح رفع راسه واتجه لابو نوره والكل يراقبه بخوف مشاري سبقه وهو يقول: فيصل تعال ندخل وتعوذوا من ابليس
رفع فيصل يده بهدوء وقال : لو نشوف وش مشكلة عمك يمكن اقدر احلها له
ابو مشاري : مافيه مشكله يمزح معاك تعال تعال ادخل
دخلوا للمجلس واديم راحت تسلم جوا وتوتر الجو وصار كئيب رغم محاولات ابو مشاري ومشاري تشتيت التوتر الا انهم فشلو فيصل انغبن من ابو نوره وطول الوقت وهو يخزه ويبي يتوطى ببطنه وماسك نفسه غصب
ظيمنعظيمنع
ظيمنع
عند اديم اللي دخلت وهي تقول :انا جيت
ركضوا لها مروى وامل ورويده وامها وكل وحده تخم فيها وتبوس
اديم :هههههههه خلاص بس اكلتوني
امل : والله البيت من دونك لااااا
مروى: اي وربي صح ان اخر فتره كنتي نفسيه بس لك فقده
اديم:ههههه روحي بس انا مو نفسيه بس كان معاي صداع
رويده: يلا ان شاء الله ما فيه صداع بعد اليوم
ام مشاري : كيفك اديم وش مسويه ان شاءالله مبسوطه
ضحكت اديم بفرح : الحمدلله يمه مره مبسوطه مره ماتتخيلين شلون مبسوطه الحمدلله
ام مشاري : تستاهلين ي روحي الله يسعدكم ويخليكم لبعض
اديم :امين
ام مشاري : روحي نادي له بسلم عليه
اديم تورطت وهي تدري فيصل ما يحب اهلها بس الله يعينها :زين
ام نوره: مو شايفينا شي يعني عشان ما تسلمين
اديم لفت تناظرهم وقالت : اتوقع انتم اللي المفروض تجون
نوره: لمي نفسك اديموه
اديم : خير ان شاء الله انتي
ام مشاري خافت تصير هوشه: اديم يلا حبيبتي يلا
اديم لفت وهي مقطبه حواجبها واتجهت للمجلس بغضب دخلت وهي تشوفهم معصبين ونفسياتهم مش ولا بد تقدمت بهدوء وقالت:فيصل معليش تجي معي شوي امي بتسلم عليك
فيصل وقف بهدوء غير عن داخله : ابشري
اتجه لها وراح معاها للمجلس اللي ام مشاري تنتظر فيه ابتسم بهدوء واقبل وهو يقول :سلام عليكم
ام مشاري :اهلين ي ولدي
سلم عليها فيصل ورجع بهدوء وهو يشوف كيف فرحانه فيه :كيفك ي خاله
ام مشاري : الحمدلله انت كيفك شمسوي كيف اديم معك
فيصل لف لأديم ببتسامه : على ما تحبين ي خاله
كانت ام مشاري تسولف مع فيصل اللي كان بلحظه يحبها ويلمس فيها الحنان اللي فقده وبلحظه يطري له الشيطان ويخرب كل شي وانتهى الكلام بقول ام مشاري : اسمعني ي فيصل انت صرت مثل مشاري ويعلم الله انك دخلت قلبي فاللي تبي لا يردك الا لسانك وانا مثل امك
فيصل نزل راسه وبان عليه الضيق من طاري امه وقال : الله يطول بعمرك ويرحم وامي
سكتت ام مشاري وهي ندمانه انها ضيقته ودخلت اديم بسرعه عشان تروق في فيصل وقالت : يعني ي فيصل تراك اخذت الشهاده الذهبيه مو اي شهاده
ام مشاري :هههههه ايه واذا اديم زعلتك قولي اربيها لك
اديم انصدمت ولفت لامها اللي ضحكت وضحك فيصل معها وهو يقول بخبث :اوه كذا بقدم شكاوي شكاوي
اديم لفت لفيصل وهي تقول :لا بالله !! من فينا بيشتكي سيد فيصل
فيصل رفع حواجبه بتعجب وقال: عذالنا يشتكون ان شاء الله
هجدت اديم من نظرته اللي ما تقدر عليها ونزلت راسها ببتسامه عذبه
ام مشاري :اجل اخليك تروح لرجال اشغلتك حيل
فيصل :لا عادي والله ما تنمل جلستك
ابو مشاري من ورا : ههههه تعال تعال لاااااحق على الجلسات
راح له فيصل واديم راحت عشان تنزل القهوه ولا رضت ان الخدم يودونها لانها تدري مدى حساسية فيصل من موضوع الخدم ومن جهه ثانيه تبي كل شي له من يدها نزلت القهوه وسمعت ابو نوره يقول : عشتوا اشوفك تحركتي وسويتي شي وبعدين انتي شلون تجين مجلس الرجال كذا ما تشوفين الخدم في كل مكان
اديم لفت تناظره بأستهتار وكانت بترد بس رد فيصل اللي كان كاره ابو نوره : ومن تكون عشان تكلمها كذا !!
ابو نوره :ومن انت عشان تكلمني انا كذا ؟

19 - 1 - 2022, 01:49 AM

..... 177 .....

وقف فيصل والكل يناظر وش ممكن يصير اتجه له ونزل لمستواه وحط عينه بعين ابو نوره والشر يطشر منها: انا فيصل ال طلال واذا ما استوعبت احب اقولك انهم يسموني بعد "مقباس الشر وعزرائيل العدو " وحط تحت هالاسم مليون خط
ارتفع واتجه لاديم وهو يشبك يده بيدها وقال بلهجه صارمه: واذا فكرت انك تعيد تصرفاتك بيكون حزتها فعل
بلع ابو نوره ريقه بخوف وهو يكابر وقف ابو مشاري وهو يدري انها لو طولت بتكبر وقال: فيصل تعال تعال اترك عنك هاللي صار واجلسو بحاكيكم
اديم اللي كانت تقدر ترد برد اقوى من رد فيصل بس استانست وحست بالفخر من رد فيصل لفت تناظره وهو واضح غضبه وواضح انه يسلك
جلسوا وابتداء ابو مشاري ومشاري بالسوالف لما قدروا يمتصون شوي من غضب فيصل وقال ابو مشاري:والله ي فيصل انا بغيت اهديك انت واديم هديه مع بعض بس والله اني احترت مدري وش اهديكم ولا عرفت ذوقك واقترح علي هديه شفت انها اعجبتني ولها فايده
فيصل :ماله داعي ي ابو مشاري الهدايا كفايه اديم
اديم ابتسمت بهدوء وهي تسمع تصفير مشاري وضحك ابوها
مشاري:شعليك يالتعزيز الحين خلاص تطير اديم وهي من قبل طايره
فيصل ابتسم بهدوء ابو مشاري : هههههه ادري والله لكن لابد من هديه ولا ترفض الانها بتجلس بخاطري
مشاري:انا متاكد انها بتعجبكم كلكم
اديم تركت يد فيصل بحماس وقالت:قول يبه تحمست
ابو مشاري:انا حجززت لكم تذاكر شهر العسل اخترت لكم اول خيارين وتركت لكم خيارين
ضحكت اديم بفرح وهي تناظر فيصل اللي كان يرد برسميه : والله ماكان تعبت نفسك
ابو مشاري:مافيه خساره عليكم
اديم :وش اخترت يبه!!
ابو مشاري:اخترت لكم جنيف وروما وتركت لكم باقي الخيارات
صفقت اديم بفرح ونطت وهي تحضن ابوها بحماس
مشاري :نفس الحماس في كل مره
ضحكت اديم: هههههه شسوي نفسها هي نفسها المفاجآت من العيار الثقيل
مشاري :انتظري عشان تفرحين اكثر بيكون كل هالرحلات بتكونون محفولين مكفولين تحت حساب ابوي وهذا قرار ي فيصل مافيه اي نقاش
فيصل التفت بقوه وقال: وهذا اكيد مرفوض من دون نقاش يمكن اقبل موضوع التذاكر اما مسألة انه تكون على حسابك ي ابو مشاري مرفوضه وقطعيا بعد
ابو مشاري كان متاكد من رفض فيصل بس قال بهدوء وهو يشد على ذراع فيصل: ي فيصل ي ولدي اسمعني زين سبق وقلت لك عن حبي لك وانت غالي واديم غاليه ويعلم الله اني احسها قليله واذا تحبني فعلا لا تخجلني وانا ما اقول هالشي انقص بقدرك لا يعلم الله اني ادري ان ربي معطيك وانك انسان مانك محتاج هذا كله وكفو وتجيبها وتغطيها لكن عشان خاطر الشايب تقبلها
اديم تكدرت لما سمعت رفضه وهي تدري ان كل رفضه عشان هي ما تروح ضاقت حيل وهي تراقبه بترجي ونفسها يقبل وتروح تغير جوها شوي ويمكن تتحسن امورهم
كان فيصل رافض ورافض بشده وبعد تدخلات من مشاري اقناعات وافق فيصل واعطاهم ابو مشاري تذاكرهم اللي بتكون بكره ووقف فيصل وهو يقول : والله قلبي مو راضي لكن عشانكم
ابو مشاري:الله يجبر بخاطرك
فيصل لف لاديم اللي انبسطت وقال: يلا اديم
ابو مشاري :وين وين تغدوا
فيصل : لا لا الله يسعدك حاجزين مطعم ولا نقدر نكنسل
مشاري:ايه يبه اتركهم اتركهم هذولا عرسان يحق لهم
ابو مشاري :ما بنضغظ عليكم لكن مره ثانيه ان شاء الله
طلع فيصل اديم بالسيااره وهو بين المبسوط وبين الضايق وشعوره متبلد

اما اديم اللي ودعت اهلها لحماس وهي مبتسمه لكثر المفاجأت وقالت لهم وش سوى فيصل في عمها وهي تتباهى بفرح بدون محد يحس بجرح فيصل لها طلعت وهي تسحب جوالها وصورت صوره مو واضحه وعلقت عليها بحيث ان فيصل مايشك وترد على سنابته وهي بقلبها هالحكي (‏أنت تراتيل ..
‏التعب في حُنجرة فقد و مَلام ،
‏وأنا جميع المتُعبين اللي من ‏الغبنّه شكوا") كان فيصل يحدث بسناباته وشاف سنابتها غمض عيونه بهدوء وهو ينتظر اللحظه اللي يرمي كل شي وراه ويروح لحنين بس حنين مانه مدرك قد ايش تعلق فيها فعلا أصبحت تسكنه ما عرف كيف كل ذا صار معه بس عرف انه لقى روحه هناك وصارت اكثر واول وحده تكون له ملجا ومأمن بعد امه حس بأديم تفتح الباب لف وهو يناظرها بتمعن ويراقب كل حركه تسويها لفت اديم لما حست بنظراته وحست ان انقطع نفسها تجاهلته وبعدت تناظر الطريق تحرك فيصل وسحب جواله نزل سنابه رد لها (‏انتي الملاذ لغربتي .. لا من شعرت إني وحيد
‏و انتي البلاد الآمنة.. لا من اتوه .. ألجا لها��)

19 - 1 - 2022, 01:50 AM

..... 178 .....

كان الصمت سيد الموقف بينهم ولا قطعه الا وصولهم للفندق نزلت اديم اللي كانت مستغربه انهم ما راحوا يتغدون وهي ميته جوع طلع فيصل وبعدها رجع وبيده شوية كرواسون وعصير نزلها وقال :هذا غذاك كلي وانثبري هنا لا تزعجيني فاهمه
اديم ناظرت بأستغراب : كيف !!! وانت وين بتروح
ضحك فيصل ولف لها : اديموه ترا مره اخذتي وجه ..صرخ وهو يقول :انتي هنا خادمه وانتبهي تغلطين وتعطين نفسك حجم اكبر والا ادفنك
اديم سكرت اذانها من صراخه وهي اصلا مقهوره من تصرفاته سمعت خبطت الباب وزفرت بضيق وهي تناظر الكرواسون وتنهدت وجلست وهي تاخذ وحده : هاذي ضرايب حبك ي اديم هاذي الضرايب
سحبت جوالها وهي تحدث شافت اللي نزله وهالمره انضرب شعورها ما تدري وش تقول بالضبط لخطبه جدا عنيفه رمت الجوال وهي تقول : وربي انك كلب ي فيصل
ظيمنعظيمنع
ظيمنع
عند عساف اللي كان جالس بالمقهى وساحب نفسه ع الكرسي لاخر درجه ويغني بهدوء حس باحد جاي من وراه ولف وكان فيصل اللي جلس سلم عليه وجلس وهو يأشر له يكمل رجع عساف وهو يغني وبعد ما انتهى لف لفيصل اللي كان جالس بنفس الجلسه ومتكي بهدوء وهو غرقان بأفكاره دق عساف الطاوله وهو يقول : وين وصلت
فيصل ابتسم وقال : لجنيف وروما
عساف : كيف ؟! وش السالفه
فيصل ابتسم : من متى ما سافرنا
عساف :زمان ليش وش طاري
فيصل : وش رايك بسفره لجنيف وروما ومدينتين على اختيارك
عساف ابتسم وهو يدري ان فيه خطه : وش المقابل
فيصل : راحتنا
عساف : اللي سببها !!
فيصل ضحك وهو يشرح لعساف اللي صار معاه في بيت ابو مشاري وانتهى وهو يقول :اترك لك التعليق
عساف : اول شي ابو نوره هذا يبي له لفته محترمه ترجع له عقله اما عند موضوع شهر العسل ما أيدك
فيصل :وليش
عساف : ي بن الحلال هدية ابوها ليش تحرمها انها تستانس فيها
فيصل : وكأني مره شفقان على وناستها !!
عساف : افهم من كلامك انك ما بتاخذها
فيصل :ههههههه لا عاد ما خبرتك غبي
عساف :اجل ايش؟
فيصل : باخذها لكن بتنثبر بالفندق وانت احجز لك طياره على حسابي وتقيم بنفس الفندق وبنروح ونتمشى ونفلها وكل هذا على حسابه وش نبي اكثر
عساف: ما تشوف هذا ظلم !
فيصل تكتف : وين الظلم في راحة النفس
عساف : على حساب عذاب نفس ثانيه
فيصل : والله ما شوفها فيها عذاب
عساف :فيصل فكر شوي هذا مايصير
فيصل: يصير يصير المهم جهز امورك انا مصر على روحتك
عساف : بس انا مقدر اروح
فيصل: ليه
عساف: اول شي شغلي وثاني شي انا قلت ابي اخطب خلال هالفتره
فيصل ضحك وهو يقول :عسافوه اطلع من هالابواب انا وانت ندري ان شغلك كله على بعضه كذب وواسطات هذا اول شي ثاني شي مسألة الخطبه باقي رائد بيقول لنسرين وهي باقي بتفكر واحتمال ترفض ويرفض عمي معها
عساف : طيب ليش ما بتروح مع اديم يمكن اموركم تضبط
فيصل صرخ :من قالك ابي اموري تضبط عساف انا مابي استسلم لا تحبطني انا بالقوه اجاهد
سكت عساف وبعدها تحرك بيتكلم لما شاف فيصل وتوتر وعرف ان وضعه مع اديم صعب وماهو قادر على مواجهتها بس سكته فيصل اللي قال : عساف قلت لك بتروح وانتهينا جهز نفسك لهالشي
وقف فيصل وطلع وترك عساف اللي ميل ببتسامه وهو يقول : قلت ي فيصل ما سمعت
ظيمنعظيمنع
ظيمنع
عند عادل اللي اليوم انتهى من تاثيث جناحه ونزل بحماس وهو يبي يروح ياخذ ريمان تشوفه قابله نواف : عادل وين رايح
عادل وقف وهو يضبط شكله : ليش وش تبي
نواف : زهقان
عادل لف وهو يبتسم : ابشر برجع لك بس اخلص شغله وبعدها نطلع نتمشى اوك
نواف بفرح: اااوك
ركض نواف يجهز وعادل راح لريمان وقف عند الباب وهو يدق عليها كان فرحان بشكل فضيع سمع صوتها وهي ترد بنوم: الوو
عادل : ي روحي ي الو
ريمان اللي ردت بدون ما تشوف فزت على الصوت : اهلين عادل
عادل : هلا فيك نايمه!!
ريمان: ايوه كيفك شخبارك
عادل بهمس : كيفي واخباري وشلوني كلها بقولها اذا جيتي
ريمان:كيف يعني !
عادل: انا تحت قومي البسي عبايتك وتعالي بوريك الجناح واشوفك
ريمان : مو من جدك صاحي انت
عادل : ايه صاحي ليش وش فيها
ريمان: عادل يرحم امك كيف تفكر انت تبيني اجي معك للجناح مستحيل
عادل :وليش مستحيل
ريمان توترت وهي خايفه من روحتها معاه ولا تبي الروحه : من دون ليش اسفه مقدر اجي
عادل : لذا الدرجه مافي ثقه
ريمان سكرت بدون ما ترد وهي فعلا ماعندها ثقه بأي احد في الدنيا رمت الجوال وهي معصبه من كل شي وكارهه حياتها وهالعقده اللي مسيطره عليها
اندفنت في فراشها تبكي بقهر

19 - 1 - 2022, 01:50 AM

..... 179 ......

اما عادل اللي انصدم من رفضها وكيف سكرت الخط وكيف انها للحين ما تثق فيه شد على الجوال بقوه وقهر وهو مغمض اتجه لسيارته بغضب وطلع وهو صوت سيارته واضح فيه قهره كانت ريمان تسمع صوت السياره وعرفت انه زعل وعصب لكن مافي يدها حيله
ظيمنع
ظيمنع
اما فيصل اللي كان يلف بكل مكان ولا يبي يرجع الفندق ابدا لكن تعب واضطر انه يرجع دخل بتعب وهو بنفس الوقت جوعان كان مايبي يشوف اديم نهائيا دخل غرفته وسكر الباب وهو ينزل ثوبه مسح على شعره بضيق وارتمى على السرير لكن فز اول ما سمع صراخ تحته رفع اللحاف وهو مفجوع شاف اديم ماسكه كتفها وهي بتبكي خلاص اتسعت عيونه بصدمه وصرخ : وش جابك هنا ي مختله
اديم وقفت برعب وهي تناظره :تعبت وقلت بنام هنا شوي على ما ترجع ما توقعتك ترجع بدري
فيصل : وش اللي ما توقعتك هااااااااه كم مره اقولك الشي اللي يخصني مالك شغل فيه
اديم :اسفه ما كنت ادري انك ما تبيني حتى انام على السرير في غيابك
فيصل سحبها وهو يناظرها بغضب : اسمعيني عااااد لو تتفككين سامعه لو تتفككين ما تنامين بمكان انا انام فيه فاهمه
اديم :طيب
دفها بغضب :انقلعي وسكري الباب الله يصيبك على ذا الغباء
طلعت اديم وهي كتفها يوجعها من هبدته :اووووف الواحد حتى لما ينسدح ما يعرف ينسدح زين اوووف منك ي فيصل مدري متى بتصير انسان
جلست وهي زعلانه منه حيل وتتحلطم وجمدت لما حست فيه وراها غمضت وهي خايفه
فيصل اللي طلع وسمع كل حلطمتها قرب بهدوء وهو يوقف وراها وقال بهمس يوتر : وبعدين معك انتي ضروري يعني اني امد يدي عشان تستوعبين
اديم ارتعبت وبعدت : ماقصدت
فيصل : والله اللي ماقصدتيه !!
اديم ما عرفت ترد وتقدم فيصل بهدوء ورفع يده وهو يحاول يبعد اي نقطة استعطاف في قلبه اتجاهها وارتفع صوت الكف اللي انطبع على وجه اديم سحبها وهو يقول : بما اني مو انسان ضروري اتصرف كذا
رجع لغرفته وتركها واقفه وهي مصدومه ومو قادره تسوي اي شي غير انها جلست وهي ما نزلت منها ولا دمعه ولا شي رفعت رجولها وهي تضمها بقهر ماكان مسموع لها اي صوت غير صوت انفاسها المقهوره
فيصل اللي وقف من وراء الباب وهو يوايق عليها بضيق لكن كلامها استفزه استغرب انها ما بكت ناظر ليده اللي للحين توجعه من اثر الكف وحمرا رفع عينه وهو يناظر خدها وشاف علامات يده عليها ومع ذلك ما بكت خاف اول ماشاف تجهم وجهها وصوتها انفاسها المقهوره
رجع بسرعه لسريره وانسدح وهو يشد على يده بغبنه وهو يهز نفسه عشان يطير من باله شكلها رفع راسه على صوت جواله وركض وهو يشوف اسم عادل رد بسرعه وهو يدور اي شي يشغله عن اللي صار رد بسرعه:هلا عادل
عاادل استغرب انه رد بسرعه: هلا فيصل اسف ازعجتك
فيصل :لا ي رجل وش ازعجتني امر وش فيك
عادل بضيق .:اذا فاضي تعالي تحت انا بالفندق
فيصل :عادل وش فيك احد صاير له شي
عادل:لا لا تطمن بس ضايق ومالي غيرك
فيصل :زين زين جاي
لبس فيصل ونزل وهو متجاهل اديم طلع وصفق الباب وهو يتنهد بقوه اخذ نفس وهو يقول :الله ياخذ اللي كان السبب
نزل مسرع وشاف عادل جالس وهو مقطب جواجبه وباين ضيقه راح له سريع : عادل
وقف عادلل ببتسامه باهته: حيه ي عريس
فيصل حضنه وهو متلخبط:وش فيك
عادل : طمني عنك اول
فيصل:على ما تحب اجلس اجلس قولي وش فيك
عادل جلس بضيق وهو يحكي لفيصل لللي صار :انا ادري انها شغله سامجه واشغلتك فيها بس احسها قاهرتني
فيصل تنهد وهو يدق يده بالكرسي : عادل لا تجلس اقول كذا مهما كان الموضوع يهمني اكيد احنا مالنا الا بعض
عادل : ادري والله بس وش تعليقك
فيصل :كلكم غلطانين انت طلبك غريب وهي رفضها بذا الطريقه اغرب
عادل :وش الحل
فيصل: الحل انك لازم تعرف وش اللي مسوي بينكم حاجز ومخلي ريمان تخسر ثقتها كذا والا ترا بيتحد الخلاف بينكم وتخسرون
عادل : وانا هذا اللي مجنني لو تشوف شلون رفضت وكيف اختلف صوتها تحس ان فيه مصيبه
فيصل : هو فيه مصيبه بس اي مصيبه لازم تعرف انت
عادل: وخايف من اني اعرف
فيصل تنهد وهو يحط يده على جبينه: ومن فينا مو خايف
عادل بشك:ليه وش صاير معك انت
فيصل بتوتر: ولا شي بس اني خايف من حياتنا وسهام فيها لانها مو مخليه اديم بحالها
عادل: ليش وش مسويه
فيصل :ولا شي تشد على اديم وتتعب نفسيتها
عادل: اووووف اوووف مدري متى بنرتاح مشتهي يمر يوم احط راسي على المخده وانا ماني شايل هم
فيصل ابتسم وهو يسحب زقارته: بيجي ي عادل بيجي ..

19 - 1 - 2022, 01:51 AM

...... 180 ......

عادل ابتسم وهو يخبط على رجل فيصل: زين زين اني قلت ولا انفجرت يلا مابي اشغلك اكثر
فيصل :اجلس تغداء اكيد ما تغديت
عادل: لا خلني اروح مابي اعطلك
فيصل اصر على عادل وتغدوا مع بعض وعادل يراقب فيصل اللي واضح انه جوعان وماتغداء قال وهو يناظر الاكل : ما تغديت انت
فيصل رفع راسه وهو حاس ان عادل شاك فيه قال ببتسامه خبيثه : لا والله فطرنا بدري ومن شوي رجعنا من عند ابو مشاري لكن ما كان فيه وقت نتغداء
عادل ضحك باحراج : زين لا تكثر عشان تتغداء معاها
فيصل : ايه
طلع عادل بعد ماتغداء وهو يتمنى من جد ان فيصل مبسوط اما فيصل اللي رجع يكمل غداه وهو يضحك على ترقيعته اللي ابدا ما تمثل الواقع
ظيمنعظيمنع
ظيمنع
اما عند اديم اللي اول ماطلع فيصل سحبت المخده وهي تدفن وجهها فيه صرخت بكل قوتها طلعت كل قهرها فيه وانهارت تبكي ماهمها قوة الضرب قد ماكسرها قسوته من غير مبرر ارتجفت ببكى وهي تدعي ان ربي يحسن حالها لانها مابتتحمل كثير طولت وهي تبكي وحست بالباب ينفتح وكان فيصل طنشته وهي منسدحه ولا تبيه يشوفها تبكي دخل فيصل بهدوء ووقف قبال الغرفه وقال : فزي على حيلك اشوف
اديم ماردت وهي مطنشته رجع فيصل وصرخ بكل قوته:انا اتكلم
غمضت اديم بقوه ووقفت وهي منزله راسها كان فيصل يحاول يشوف هي تبكي او لا وقال :غسلي يدينك زي الناس وتعالي مسجي ظهري خليني استفيد منك شوي
اديم رفعت راسها بصدمه وهي ناويه تصارخ عليه بس اختفى كل شي اول ماشافته واقف وباين انه خايف عليها تلاشى كل شي وطرا لها فكره تنتقم من فيصل فيها قالت بهدوء: بس يدي توجعني
فيصل لف :مو مشكلتي
اديم ميلت فمها بضيق وغسلت ويدها وجات شافته منسدح ومنزل بلوزته ولا عليه الا الترنق احتارت وعجزت تدخل توترت سمعته يقول :خلصيني
قربت بهدوء وجلست قريب واول ماحطت يدها على ظهره صرخ : وجع مجنونه تحطين يدك بارده
اديم :شسوي طيب
مارد فيصل وقربت من جديد وصرخ ثاني مره وبعدت :خلاص مقدر
فيصل: لا تخليني اعيد الكلام بطريقه ثانيه
زفرت بضيق ورجعت بقهر وابتدت تمسجه وهي مو هامها يصرخ وللا لا كانت تمرر يدها بخفه لدرجة ان فيصل توتر : اديموه قوي يدك
اديم بضجر : يدي قويه
فيصل : لا تستهبلين
اديم رجعت تمسجه بكيد وهي تخفف يدها اكثر زفر فيصل وهو يدف يدها: تستهبلين انتي مجنونه
اديم :شفيك شسويت
فيصل سحب يدها وهو يمسجها بقوه :كذا ما تعرفين كذا
صرخت اديم بألم :لا ما اعرف وبعد يدك وجعتني
فيصل : ارجعي مسجيني بذا الطريقه سامعه
ماردت اديم وانسدح فيصل لكن اديم رجعت بعبط وهي تمسج له ظهره بطريقه العن لف لها فيصل:يعني مصره على اللي تسوينه
اديم: وش سويت
فيصل: قاعد اقول قوي يدك
اديم بدلع وهي تستعطفه: بس يدي توجعني مقدر اشد عليها كثير حرام عليك فيصل
تنح فيصل وبعدها جلس بسرعه وتوتر: ماهو عذر
اديم بنفس الطريقه : بالله عليك لو يدك توجعك تسوي كذا والله مو قادره احركها ..
فيصل نسى نفسه وقال: من ايش
اديم : منك وجعتني حيل فيها
غمض فيصل ولف وهو يقول : متى
اديم :من شوي
رجع يناظرها وهو منشد حيل : وين يوجعك!
اديم اشرت بفهاوه وهي ماهي مستوعبه كيف تغير نبرة صوته وشكله قرب فيصل لكتفها اللي فعلا يوجعها وهو يحط يده بخفه غريبه عليه:هنا
اديم خافت : ايوه
ابتدا فيصل بدون احساس يمسج لاديم اللي تنحت واستغربت كيف اثرت فيه وتغير ابتسمت بشويش وهي مبسوطه انها لقت عليه طريق غمضت وهي تحسه يمسج كتفها اللي ماكان يوجعها كثير بس اعجبتها الحنيه والحجه
من طرف فيصل اللي كان فاقد السيطره على قسوته وظهرت حنيته وبينت شخصيته الحقيقه
رفع عينه وشاف خدها كيف احمر وباقي علامة يده عليها رفع يده بهدوء وهو يلمس خدها بخفه : اوجعتك
اديم ارمشت بسرعه وهي مصدومه وقالت بهدوء: حيل
قرب فيصل بهدوء وهو يبوس خدها بخفه : مابي أأذيك لكن لا تنرفزيني عشان ماأذيك
اديم كان بيغمى عليها من هول الصدمه تسمرت ما عرفت ترد وحست ان عاقبة هالشغله مو خير ابتعدت بسرعه وهي تنسحب وطلعت بدون ما تقول اي شي سكرت باب الغرفه وهي قلبها يدق لدرجة شكت ان فيصل سمع دقاته ركضت للكنبه دخلت بلحافها وهي ماهي مستوعبه اي شي من ذا كله بكت برعب من اللي صار وهي ترجف ندمت انها استعبطت معاه وبينت ضعفه عضت اصبعها بقهر وهي تسب بنفسها واللي فتحت مجال مثل هذا
اما فيصل اللي سكر عيونه اول ما طلعت ورجع بنفسه وراء وهو خلاص مستسلم لدرجة انها بهاللحظه لو تطلب عيونه بيعطيها من كثر ماهو ندمان ومأنبه ضميره كان عطرها بكل مكان في الغرفه ارتمى على فراشه وهو خلاص مقرر يترك كل شي لزمن وهو يحلها

#يـــــتـــــــبــــــــــع.

19 - 1 - 2022, 04:40 PM

..... 181 .....

عند عساف اللي طلع من المكان وهو يترقب لحظة استسلام فيصل وهو من جهه حاس ومتأكد ان فيصل بيحب اديم وانه بيستسلم لكل شي دق على رائد اللي رد وهو وسط ازعاااج: هلا عساف
عساف :وينك وش ذا الازعاج
رائد: انا مع جدي بالسوق اذا خلصت ادق لك
عساف:اوووه هوووه يلا يلا اذا فضيت مرني طيب
رائد: اوك
رجع عساف لبيتهم وهو مصر انه ما يروح مع فيصل ويختصر كل المسافات عليه دخل على امه اللي جالسه وهو يبوس راسها: كيفك يمه
ام عساف : بخير ي امي انت بخير
عساف : الحمدلله
ام عساف : شخبار فيصل ان شاء الله انه مستانس
عساف ضحك وهو يراقب الفنجان : يوه يمه قولي غرقان في شبر مويه
ضحكت ام عساف :والله يستاهل كل خير
عساف : صدقتي والله
ام عساف بحب: ان شاء الله يمه اشوفك عريس وفرحان بعروستك
عساف : ان شاء الله يمه ان شاء الله
طلع لغرفته وانسدح وهو مايدري هل بيكون سعيد بخياره او لا
ظيمنعظيمنعظيمنع
ظيمنع
اما عند رائد اللي كان متورط مع الشيبان وراسه مصدع من الازعاج اللي هو فيه لف لجده بهدوء وقال:جدي مطولين
الجد :ليش وش فيك
رائد:بس اسأل
الجد :يبيلنا شوي باقي ما خلصت اغراضي
رائد:طبيعي ما تخلص انت تسولف ما تشتري
الجد لف له :تحاسبني ي ولد
رائد:حشى والله بس تعبت
الجد :الله ي ايام زمان يا اني كنت الف السوق هذا عشرين مره ولا اتعب وانتم ي ذا الجيل مابديتوه الا تعبتوا
رائد: ي جدي زمان كان غير الحين لا
الجد:الله الله زمان غير وش بلاه فيصل ماتعب زيك بسم لله عليه كم مره يروح معي ونطلع ماتعبنا ولا حسبنا الوقت
رائد:والله عاد انت فيصل عندك منزه وبعدين فيصل يحب الهذره والكلام طبيعي ما يتعب
الجد ضربه بالعصاء على الخفيف : اصه بس اصه
لف رائد وهو زهقان لكن علقت عينه على شوفه غريبه نوعا ما استغرب وجود بنت في مكان مثل هذا زحمه ومكان نادرا ما يجي في بنات انشد وهو يشوفها بكل ثقه اتجهت لاحد المحلات وهي تدور فيه وطلعت معها اكياس كثيره انشد لها وخصوصا طريقة حجابها الملفته وجمالها الواضح وكيف كل الانظار عليها لا شعوريا شهق وهو يقول : ي ربيييييييييييييييي ي ذكر الله
لف له جده :وش بك ي ولد
رائد اعتدل وهو متنح:اذكر الله ي جدي
تركه جده ولف بسرعه يدور عليها لكنها اختفت ضحك بنفسه وهو يقول :زين ماشافك عساف وفيصل والا بتروحين بخبر كان
ظيمنعظيمنع
ظيمنع
مر اليوم بهدوء على الاغلبيه وخصوصا نواف اللي ابتداء يفقد اخوانه فعلا فيصل وعادل اللي صاروا مشغولين عنه وابوه اللي غرقان بمشاكله مع سهام ومنى اللي ماصارت تجي كثير انسحب من بين الكل بتعب انعزل بنفسه في غرفته وهو يتذكر كلام فيصل لما كان حريص ان ابوه ما يتزوج وبيتفرقون اندفن بفراش فيصل وهو يبكي
ظيمنعظيمنع
ظيمنع
عند فيصل اللي ما طلع من غرفته من بعد اللي صار كان يقلب بجواله وطرا له نواف دق عليه مره ومرتين ما رد اخر شي رد وهو صوته متغير : فيصل
فيصل انخلع من صوته وفز:نواف وش فيك وش فيه صوتك
نواف : فيصل ليش رحتوا محد عندي خايف انا لوحدي
فيصل: بسم لله عليك وين عادل وين ابوي
نواف : عادل قال بنطلع بعدين ماعاد شفته انتظرته ماجاء ابوي مدري عنه عميمه مدري وينها
فيصل زفر بضيق : نواف اجهز انا جايك
سكر فيصل وطلع بسرعه اخذ سيارته واتجه لبيتهم مسرع وصل دخل بهدوء وهو يشوف المكان مظلم اتجه لغرفة ابوه اللي ماكان يسمع منها الا همس طلع بغضب الدنيا لغرفة عادل ما حصل احد وطلع لجناحه وبرضوا ما حصله نزل لغرفته وشاف نواف جالس وهو جاهز ومنزل راسه ركض له وهو يحضنه :نواف
نواف اللي على طول تعلق بفيصل وهو يبكي تنهد فيصل بتعب وهو يقول : انا اسف ي نواف اسف
نواف: ياليت امي ترجع والا تجي وتاخذني معاها
فيصل خاف من كلامه وهو يقول : نواف وش ذا الكلام بسم لله عليك لا تقول كذا
نواف :انت بتجلس مع زوجتك وعادل بعد وابوي بعد انا اجلس مع مين
فيصل :افا ي نواف انت روحي روحي سامع ويلا قوم نجهز شنطتك عشان تروح معي طيب
نواف: اخاف ابوي يزعل
فيصل ضحك بأستهزاء : اووه بيزعل كثير بعد لدرجة انه ما بيحس علينا
نواف :كيف يعني
فيصل :لا تهتم يلا جيب شنطتك
جهز فيصل شنطة نواف وطلع واخذ نواف وهو مقرر انه ياخذه معاه دخل الفندق بهدوء ودخل الجناح وطول الوقت يفكر يخفي عن نواف حقيقة زواجه شاف اديم نايمه بالصالون وقال نواف :فيصل اديم نايمه هنا

19 - 1 - 2022, 04:41 PM

..... 182 ......

فيصل وهو يسوي نفسه متفاجئ: اووه شكلها انتظرتني ونامت ادخل ادخل جواء اصحيها ونجي
دخل نواف واتجه فيصل لاديم بضيق نزل لمستواها وهو يبتسم لرقتها الواضحه وقال بشويش:اديييم اديييم
اديم فزت وهي تناظره برعب :نعم
فيصل اشر لها تسكت:اششششش نواف هنا
اديم لفت بصدمه وهي تناظره :ليش
فيصل بحده: جاي عند اخوه لا يكون بتطردينه
اديم :لا مو كذا بس صاير شي
فيصل: لا المهم قومي عشان تنامين معانا جوا واياني وياك يحس بشي سامعتني
اديم تنحت:انا انام معكم
فيصل: لا تسوين مصدومه كل هذا من تحت راس الزفت سهام ولا تحسبين مره متشفق على النومه معك عشان نواف بس
اديم ميلت فمها بضيق :بس انا مابي انام هناك
قرب فيصل وهو يقول : انا ما اطلب رغبتك انا أمر عليك وتفضلي بدون كلام لان مالي خلق ارجع اضرب
وقف وراح تركها ابتسمت اديم بضيق لما تذكرته شلون كان حنون من شوي وقفت ببتسامه وهي تهيء نفسها لنومه بجنب فيصل اللي ياما تمنت تنام بجنبه وتتأمله بكل لحظه وبكل تصرف يتصرفه دخلت بهدوء وهي تشوفه طالع بعد ما بدل ملابسه راحت لنواف ببتسامه وجلست وهي تقول : سلام ي بطلنا
نواف ابتسم وهو يمد يده يصافحها ابتسمت اديم وهي تصافحه وارتفعت تبوس خده : كيفك
نواف : الحمدلله انتي كيفك
اديم :اوووووه فل عال العال
فيصل كان مواقف يمسح وجهه وهو يناظرها بهدوء نزل المنديل لزباله وراح لنواف وهو يجلس بجنبه : نواف ما قالك عادل وين راح
نواف :لا
فيصل :عميمه متى اخر مره جات
نواف :امس
قطب فيصل حواجبه وقال: زين قولي وش صار بالبيت من امس
نواف : ولا شي من بعد ما رحت انت الكل راحوا عادل طول الوقت بجناحه او يكلم ريمان عميمه مشغوله عند جدي اما ابوي وسهام ما شفتهم من امس حتى اني فطرت وتغديت لحالي اليوم
فيصل : ايش ابوي من امس ما شفته
نواف :ايه
فيصل: من سوا الغداء والفطور طيب
نواف: انا حصلت اكل من امس سخنته واكلت
فيصل وقف بغضب : شلون يخلونك تدخل المطبخ لحالك وتاكل اكل بايت بعد
نواف مارد وهو يشوف فيصل يدور بالمكان بغضب اديم وقفت بخوف: فيصل تعوذ من ابليس الموضوع بسيط
فيصل لف بغضب وصرخ : بسيط عندك انتي بسيط لانك ماعمرك جربتي مرارة الوحده بسيط لان ابوك جنبك وامك حريصه على كل وجبه لك بسيط لما ما يتخلى ابوك غير كذا ماهو بسيط فأبعدي احسن لك
اديم توترت ونزلت راسها بضيق : ما قصدت بس يعني لا تكبره براسه
فيصل اتجه لها بغضب : لا تجبريني على شي مابيه
سكتت اديم وجلست اما فيصل اللي كان يدور وياكل بنفسه ويسب ويلعن اما نواف كان خايف بعد جولة غضب جلس فيصل وهو يطفي زقارته وينتظر بكره بيقوم القيامه عليهم لف لنواف وهو زعلان حيل : ثاني مره لا تجلس كذا دق على عادل او علي اذا صار كذا
نواف :خفت ازعجك
صرخ فيصل بدون ادراك: وش تزعجني وش تزعجني ؟!! مابينا هالكلام وانت تدري
اديم خافت على نواف ووقفت وهي تقرب له وتحضنه:فيصل الله يهديك خلعته
فيصل طالع فيها بطرف عينه وبنظراته تهديد ما ردت اديم اللي لفت لنواف تسولف معاه لكن ما خلاها فيصل اللي اكلت قلبه الغيره وقال: يلاا نواف بدل عشان ننام
نواف : طيب
راح نواف يبدل ولف فيصل لاديم وقال بتهديد: لا اشوفك مقربه لنواف
اديم طنشت بقهر ( مالت عليك حتى اخوك مناقرني فيه ) جاء نواف واخذه فيصل بحضنه ولف وهو يعطي اديم ظهره وبحضنه نواف انسدحت اديم اللي كانت شوي بعيده وهي تناظره عرض ظهره الملفت وشعره ضحكت على امنيتها اللي كانت نفسها تلعب بشعره ابتسمت وهي تسمع سوالفه مع نواف بكل حنيه وطيبه ونامت وهي مبسوطه انها تسمع سوالفه والقصص اللي يحكيها لنواف
اما فيصل اللي كان يحكي لنواف وهو يرقع بشكل ومتوتر من نومة اديم بجنبه ولا هو عارف يكمل اي سالفه
نواف :فيصل انت تعبان بتنام
فيصل : لا ليه!!
نواف: مدري القصه مافهمت منها شي مخبصه
فيصل بأستهزاء:طبيعي ما بتفهم ولا شي انا اصلا اتكلم وكأني اهبل
نواف : ليه !!
فيصل ابتسم ولف يناظر اديم اللي حس بسكونها اللي يدل على نومتها ورجع لنواف وهو يقول : اذا حضروا الملائكه تغيب الشياطين ( وكان يقصد ان اديم مثل الملاك اللي تسحب منه كل شي وتخليه تايه ومتوتر )
نواف: كيف يعني
فيصل:والله مدري ي نواف المهم تعال ننام بلاش نطول بالسهر موب زين
ضحك نواف :انت ما بتسهر وش صاير في الدنيا ..

19 - 1 - 2022, 04:41 PM

..... 183 .....

ضحك فيصل اللي ماعمره نام بدري وطول عمره سهران : احيان ي نويف السهر عذاب واحيان يهزمك وعشان تسيطر على نفسك ضروري تنام بدري
نواف هز راسه وهو مو فاهم شي اما فيصل اللي كان يحاول انه ما ينسحب وراء اديم قدر المستطاع ناموا الاثنين بعد توتر عنيف كان بيجنن فيصل
ظيمنعظيمنع
ظيمنع
من بكره الصباح عند عساف اللي دخل المستشفى وهو يناظر بكل مكان ابتسم وهو يناظر بفراغ وشلون داخل المستشفى عبث ومستهين بكل شي فيه صحى على صوت يناديه لف وشاف الممرضه تصوت له وبين يديها حاله مستعصيه اثر حادث ركض عساف وهو يبي يساعده دخله الطوارئ وهو ماعنده اي خلفيه عن كيف يتصرف سوا له الاسعافات الاوليه اللي مايعرف غيرها وركض يدور لاي احد يساعده كان يركض يمين ويسار وهو ينادي رجع للمريض وهو يحاول يسعفه او ينقذه بأي طريقه سمع صوت جهاز القلب يعلن الخطر صرخ لممرضه تنادي اي طبيب لكن قدرة ربي كانت اسرع وتوقف نبضه ابتعد وهو يصرخ :لااااااااااا
سحب جهاز ضربات القلب وهو يسعفه فيه لكن مع الاسف ماقدر ينقذه رمى كل شي وهو منهار ومصدوم كيف ضيع حياة شخص بجهله انعاد قدامه شريط دراسته اللي مافيها شي منير كلها غش وتشبيك وواسطات جلس بأول كرسي وهو يبكي بفجعه وندم تمنى انه ما داوم ولا قابل هالحاله توه استوعب انه اذنب ذنب كبير لما اخذ هالمهنه عبث ولا عطاها حقها توه يفهم انه مؤتمن على ارواح طلع يركض وهو يسمع صراخ اهله وبكاهم وكان هو بنفس حالتهم ويمكن اقوى راح لسيارته وجلس بجنبها وهو يعض اصابعه ندم
ظيمنعظيمنع
ظيمنع
اما عند عادل اللي ما نام وهو يفكر كيف يعرف سر ريمان اللي مخبيته وقف واتجه للحمام وهو يغسل وجهه مرتين وثلاث لبس ونزل وهو ضايق سحب جواله وهو مايبيها تفقد ثقتها البسيطه فيه ارسل لها ( صباح الخير .. حصل خير الموضوع بسيط ولا تكبرينه ..انا كل قصدي انك انتي اول من يشوف الجناح لكن مو مشكله بعد الزواج تشوفينه ..)
سكر جواله وطلع بدون مايشوف نواف وعباله نايم
ظيمنعظيمنع
ظيمنع
اما عند فيصل اللي تحرك بألم من رقبته عشان نومته الغلط رفع راسه وهو يدور لنواف ما حصله لف بسرعه لاديم وماحصلها ناظر المكان هادي وقف وطلع بسرعه وهو مفجوع وزفر براحه اول ماشافهم جالسين يفطرون
اديم لفت ببتسامه:فيصل صباح الخير تعال افطر معانا
فيصل ناظرها شوي ودخل غسل وبدل وجاء جلس بجنب نواف وهو يقول : ليش ماصحيتوني معاكم
نواف: اديم رفضت قالت تعبان خليه ينام
اديم خافت يفهم غلط وقالت: مدري امس كنت تون طول الليل وتتقلب قلت اخليك ترتاح الحين باقي بدري على الطياره
فيصل كان مثبت نظره عليها ابتسم بهدوء وقال: شعرفك اني ما نمت
اديم : حسيت فيك
سكت فيصل وكمل نواف سوالفه وضحكه مع اديم وقطع السوالف فيصل لما قال:نواف ترا بتسافر معي طيب
نواف: بس ابوي بيزعل
فيصل: ماعليك شنطتك اصلا جاهزه وجواز السفر جديد مو
نواف: مدري
فيصل وقف واتجه لشنطة نواف وهو يقلب بجواز السفر وابتسم وهو يقول :ايه جديد
اديم ضحكت وهي تدق كف نواف: اوه اكيد بنستانس دامك معانا
نواف ضحك وهو يناظر بحماس
كان فيصل يراقب حماسهم وسوالفهم وعجز يجلس كذا يراقب قام وهو يقول : جهزوا انفسكم لما اجي طلع وهو يدق على عساف عشان يروح معه لانه حجز له مكان دق ودق ودق ولكن مارد استغرب حاول ودق على بيتهم ردت امه وقالت له انه مو موجود بالدوام ضحك فيصل بأستهزاء :عساف بالدوام ذا الوقت هههههه
نزل واتجه للمستشفى دخل وهو يشوفهم مكركبين وناس تصارخ طلع وهو مايجب هالمواقف ابدا ابدا كان يدور على عساف في كل مكان ماحصله توقع انه طالع مع وحده من خوياته رجع للفندق دخل بهدوء وابتسم وهو يسمع ضحكهم ناظر جواله وهو ينتظر ابوه او عادل او عمته يدقون يسألون عن نواف بس مالهم اثر الساعه ظ¢ الظهر ومحد حس على غيابه
جلس بهدوء ولفت له اديم:ماشيين
فيصل :لا بننتظر شوي
اديم :ليش
فيصل :كذا
سكتت اديم وطنشت وهي ترجع تكمل لبسها ونواف معاها وفيصل يرقب بهدوء
ظيمنعظيمنع
ظيمنع
عند عساف اللي استجمع نفسه بالقوه وقام ركب سيارته واتجه لبيتهم دخل وهو وجهه يفجع اسرع وهو مايبي امه تشوفه دخل بغرفته وركض للحمام وهو يتروش مره واثنين وثلاث ويحاول يبعد الفكره من راسه كانت سنين دراسته اللي ضيعها عبث تمر قباله ولا هو قادر يسامح نفسه على استهتاره صراخ اهله وبكيهم في اذنه لو هو اخذ هالمهنه بقلبه كان الحين قادر ينقذ هالشخص طلع ورمى نفسه على السرير وهو باقي ندمان ..

19 - 1 - 2022, 04:42 PM

..... 184 ......

عند رائد اللي طلع من غرفته وهو يناظر غرفة نسرين اتجه لها بخطوات هاديه دق الباب وجاه صوتها الناعم ابتسم بهدوء ودخل :صباح الخير
نسرين: صباح النور
رائد:فاضيه
نسرين: ايه تعال وش فيك
رائد قرب وجلس وهو مبتسم : يبدو ان بيتنا بدا يفضي من خواتي
ريمان طالعت فيه بأستفهام ونسرين بعد ضحك رائد وقال : نسرين شوفي يعلم الله اني احبك واحب ريمان بنفس القدر ويعلم الله ما تمنيت لوحده فيكم خير الا تمنيته لثانيه ريمان الله يسعدها مع عادل وانا مطمن عليها كامل الطمأنينه معاه وانتي اتمنى اني اطمن عليك زيها
نسرين اوجعها قلبها وقالت بهدو: وش قصدك!!
رائد:نسرين تعرفين عساف صاحبي
نسرين بشك: ايه
رائد: خطبك مني امس وقال أشوف رايك اذا موافقه بيخطبك من ابوي رسمي
نسرين لفت وهو مصدومه:نعم
رائد : وش فيك اللي سمعتيه
نسرين ناظرت في عادل بصدمه: عساف يخطبني وانا اكبر منه
رائد: دامه يبيك مافيها شي وهو يدري انك اكبر وبعدين ظ¦ شهور لا تطلع ولا تنزل
نسرين ما راتاحت ابد ودققت في رائد وبسرعة البرق رجع فيها الخيال لذاك اليوم اللي سمعت فيه صوت غريب وعرف بسرها وايقنت انه مو فيصل ولا رائد وماكان فيه غريب الا عساف ارتجفت يدها بخوف ورفعت نظرها تناظر رائد اللي كان بقمة الحنيه وهي تدري لو يعرف عن اللي سوته وعن حبها لعادل بيتغير ميه وثمانين درجه واحتمال يذبحها بعد
رائد:نسرين مابي منك رد الحين فكري واستخيري وبعد يومين عطيني رايك وحطي في بالك لو اني ادري بيضرك واو يضايقك او ما يحافظ عليك صدقيني ما ياخذك رغم انه صاحبي ويسوى عيوني فكري طيب
وقف وهو يبوس راسها وطلع مثل مادخل اما ريمان اللي ماكانت معهم وهي تقرا رسالة عادل اللي كان بمنتهى الطيبه ابتسمت وهي ترد( حصل خير !!..كيفك اليوم)
اما نسرين اللي كانت بحاله فضيعه طلعت من الغرفه وهي تبكي تبكي وش بيصير فيها الحين وش بتسوي وش بتقول كانت خايفه ان عساف اذا ما وافقت يقولهم وهمها الثاني قلبها اللي مو قادر ينسى عادل جلست بأنهيار وهي تبكي
ظيمنعظيمنع
ظيمنع
اما في بيت ابو عادل اللي كانوا جالسين للقهوه هو وسهام وجوهم هادي ولا احد فقد نواف وكانت سهام تخطط تغير اثاث البيت والديكورات
ابو عادل : بس العيال مايبون يغيرون
سهام: يوه ي طلال لين متى يعني
ابو عادل :هاذي اشياء من عهد امهم هم مرتاحين عليها كذا
سهام: بس عيالك كل واحد صار له جناح ونواف ي زينه مابيعترض
ابو عادل :حتى ولو يبقى ذكرى من امهم
سهام زفرت بضيق :يوه وانا ما حبيته شسوي يعني
ابو عادل :غرفتك سويها مثل ما تبين
سهام:لا ي طلال انا ابي بيتي فخم احسه دقه قديمه
ابو عادل : بس عيالي مرتاحين عليه ولا افكر اغيره
سهام: قصدك انت مرتاح عليها
ابو عادل :سهاااام
سهام: زين طلعني بيت لحالي
ابو عادل: انا مقدر اترك عيالي
سهام: عيالك كبار
ابو عادل :انتهى النقاش ي سهام اذا رضوا العيال بتغيير البيت تغيره غيره لا
طلع وتركها وهي مقهوره تاكل بنفسها
ظيمنعظيمنع
ظيمنع
نرجع لفيصل اللي مو قادر يجلس وهو مقهور من ابوه اللي من تزوج سهام صار مو مسؤل ابدا وعادل اخس منه ضرب يده على فخذه بقهر وهو يقول بهمس : سويتي اللي تبينه ي سهام
لفت اديم وهي تشوف عيونه اللي تطشر شر وعرفت ان فيه مصيبه واصلا ما استغربت لانها تعودت على فيصل اللي مايقدر يعيش بدون مصايب لكن السؤال وش اللي بيصير !!! اما نواف اللي اسرع لفيصل وهو ياخذ ويعطي معه ويبي يفهم سبب غضبه لكن انتهى كلامه لما وقف فيصل واخذ مفتاحه وقال : يلا ماشين
تحركت اديم بسرعه ولبست مالها خلق يقلب عليها وبسرعه وقفت جنبه ونواف بعد نزلوا بعد ما سلموا السويت وكانت السياره هدوء ولا فيها صوت الا صوت انفاس فيصل الغاضبه اخذ طريق المطار واديم مستغربه انه ما يخليها تودع اهلها او يودع اهله هو
فيصل اللي احرق الجوال يدق على عساف بس مغلق انجن ورمى الجوال وهو يصرخ : ماهو وقتك ي غبي ماهو وقتك فيصل ابتداء يتوتر ويخاف من الانهزام وعشان كذا كان معصب تكلمت اديم بشويش وهي خايفه :مابنودع اهلي ؟
صرخ فيصل في وجهها وهو يقول : الله ياخذك وياخذ اهلك وياخذني معكم خلاص ارتحتي
غمضت اديم بخوف وبعد ما انقطع صراخه تكلمت بهدوء وصوتها يرجف معلن عن دموعها : لا تصرخ فيني ماسويت شي انا
نواف قال وهو جاهل بكل اللي يصير بينهم:فيصل اديم مالها شغل

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 2 ( الأعضاء 0 والزوار 2)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات