عيونك شوكة في القلب توجعني و عبرها للكاتبة ديم الراشد مكتملة

20 - 1 - 2022, 07:50 PM

..... 215 .....

ركض عساف دخل وشافه حوالينه اجهزه خاف من عاقبة الامر وحس ان الموضوع خطير فعلا قرب وهو يقول : تكفى فيصل لا يصير لك شي تكفى
ظيمنع
ظيمنع
من بكره الصبح صحت اديم وهي تناظر بالغرفه بأستغراب همست وهي تقول : يمه انا وين
صحت امها على صوتها وركضت وهي تحضنها: اديم ي حبيبتي صحيتي يمه الحمدلله على سلامتك
اديم : انا ليش هنا يمه وش فيني
ام مشاري : ي بعد قلبي يمه انتي بخير ومبروك ي حبيبتي مبروك
اديم قطبت حواجبها:ليش
ام مشاري بفرح: انتي حامل يمه حامل
توقف كل شي بأديم من الصدمه ناظرت امهاا وتجمعت كل دموعها بعينها: تمزحين يمه تكفين تمزحين تمزحين
حضنتها امها : بسم لله عليك يمه ليش تقولين كذا ليش
انفجرت اديم تبكي وهي تصرخ :ااااااخ منك ي فيصل ااااخ
ركضت امها تنادي للممرضات اللي ركضوا واعطوها مهدئ ونامت وهي تبكي وتصرخ دخل ابو مشاري : وش صاير
ام مشاري : قلت لها انها حامل وانهارت
ابو مشاري :لا حول ولا قوة الا بالله ليش قلتي ليش انتي عارفه الوضع كان انتظرتيني اجي اقولها
ام مشاري : كنت احسبها بتفرح
وجلست ام مشاري وهي تفرك يدها تمنت انها ما قالت
ظيمنعظيمنع
ظيمنع
عند عادل اللي صحى على صوت جواله شاف نواف يدق طلع برا ورد : نواف اهلين
نواف وهو يبكي : عادل تعال بنروح لفيصل
عادل انفجع: وينه فيصل ليه تبكي
نواف: بالمستشفى تكفى تعال بنروح اخاف يصير له شي
عادل :اييييييش وش صااار
نواف: مدري تعال
لبس عادل وطلع وهو يركض وناسي كل شي هو اصلا مو ناقص مصايب وصل البيت بسرعه جنونيه دخل وشاف منى ونواف واقفين وكلهم يبكون ركض وهو مو حاس برجوله من الصدمه: وش فيه فيصل
منى : مدري ي عادل طاح فجاءه وصار جثه ماندري وش فيه ابوك طلع من بدري ولا ندري وش صار خايفه صار له شي
جلس عادل اللي حس بدوخه من احتمال ان فيصل يصير له شي شرب مويه وهو يدعي انها سليمه اخذهم وطلعوا للمستشفى وصلوو وهم كلهم بحاله صعبه شافوا ابو عادل وعساف ورائد
عادل: يبه وش فيه فيصل وينه
ابو عادل : انت وش جابك
عادل : جاي لاخوي وش فيه
عساف: عادل هدي مافيه شي ان شاء الله بس ضيق تنفس وباقي ننتظر التحاليل تطلع الحين
عادل:وش السبب
رائد:وكأنك جاهل بالسبب
عادل: توصل لذا الدرجه
عساف تنهد وسكت منى تقدمت وهي تبكي : بشوفه تكفون بشوفه
ابو عادل : منى انتظري شوي لما تطلع النتايج
منى: مابنتظر بشوفه تكفى بطمن عليه
رائد: عميمه هاذي غرفته
دخلت منى اللي شهقت لما شافت شكله بكت وهي تقول : مو بخير مو بخير ي حبيبي ي فيصل ي حبيبي
عادل انصدم من شكله ما توقع انه وصل لذا المرحله سمعوا صوت الدكتور اللي جاء ومعاه النتايج
وقفوا كلهم حوله الدكتور: شوف يا ابو فيصل ولدك مافي شي كان بس نقص اكسجين لكن اللي جالس يصير معه من انخفاضات فالضغط والتشنج ماله سبب
منى: شلون يعني عيدوا التحليل
الدكتور: عدناه ياختي واكثر من مره ولا فيه اي سبب لذلك بكتب له خروج وطبعا ضروري مراعاه اذا استجد عليه شي ترجعونه
عادل : شلون تخرجونه وهو طايح كذا
عساف: ي دكتور الانسان ما صحى حتى عشان تخرجونه
الدكتوره : انا جاي اصحيه وبنخرجه لان فيه مرضى يحتاجون مكانه انا اسف وانا اقول ان تعبه نفسي مو عضوي
رائد: صادق هو تعبان نفسي بنحاول نتدخل في مشكلته ونحلها
ابو عادل : الله يصلحك ي ولدي .

دخل الدكتور والكل معاه ابتداء يصحي فيصل اللي كان يصحى ويغيب وبعد فتره صحى وهو منتهي
ابو عادل : فيصل انت بخير
عادل: فيصل رد علينا
هز براسه بمعنى ( ايه )
عساف: خلونا ناخذه للبيت
طلعو وهم ساندينه وصلوا البيت دخلوه الجناح وهو منتهي انسدح وكان ساكت وعيونه بالسقف ولا حاس بشي من اللي حوله
عادل : فيصل سامعني فيصل انت بخير
عساف: فيصل اسمعني قول لا اله الا الله قوم يلا بنروح عند اديم ونرجعها يلا
رائد: فيصل يلا
كان فيصل جثه بدون اي كلااااااام جلس ابو عادل وهو يمسح دموعه عادل قرب: يبه دخيلك لا يصير لك شي فيصل ان شاء الله يصير بخير قوم معي نروح لابو مشاري ونبلغه بحال فيصل يلا
عساف مسح دموعه: ايه نروح
رائد:تعوذوا من ابليس وخلونا نروح
وقف ابو عادل ونزل هو و الشباب لبيت ابو مشاري وتركوا منى عند فيصل اللي ماكان مع الناس ابد دخلت سهام وانصدمت من منظر فيصل رجعت بسرعه وهي خايفه انه يمثل عشان ترجع له اديم ركضت تدق على اديم وتدق بس ماردت رمت الجوال وهي تسب وتلعن ..

20 - 1 - 2022, 07:50 PM

..... 216 .....

اما ريمان اللي صحت وما حصلت عادل وانجنت على بالها راح وتركها لما اعترفت صارت تركض وتدوره مثل المجنونه ولا حصلت له اثر غير بشت مرمي بالارض بلعت ريقها وهي ترجف وابتداء يجتاحها خوف بكت وهي تلم نفسها وتصرخ ما كانت متوقعه انه يروح ويتركها
ظيمنعظيمنع
ظيمنع
في بيت ابو مشاري وصلوا ابو عادل والكل وماحصلوا الا مشاري اللي انقلب وجهه اول ماشافهم دخلهم وهو كاره لوجودهم
عادل : مشاري وين ابوك
مشاري : طلع
ابو عادل: بالمكتب
مشاري : لا
عساف: ادري مضايقينك ولا تبي تشوفنا بس المسأله حياة او موت ي مشاري احنا جايين نبي نقول لاختك شي لازم تعرفه
مشاري بحده: وش بتقول !
عساف : يا مشاري فيصل صاير جثه طايح علينا بالمستشفى ولا معروف له سبب الا فقد اختك والله والله صاير جثه شوف نبي نكلمها ونقولها اقل شي تقول انها مسامحته بس عشان يصحى
انبح صوته ببكي وقال: مانبي نفقد فيصل دخيلك
وقف عادل اللي مايقل عن حالة عساف وفتح جواله وهو يوريه صوره لفيصل هزت قلب مشاري اللي يحب فيصل ولا توقع انه كذا حاله سكت شوي وقال : مقدر افيدكم اديم مو هنا واديم مو اقل حال من فيصل
ابو عادل : كيف يعني
مشاري نزل راسه : اديم بالمستشفى
انصعقوا من كلامه وتجمدوا ابو عادل : وش فيها
مشاري ما حب يقول عن خبر حملها: طاحت علينا ونقلناها ابوي هناك روحوا له
وقفوا وهم يركضون كلهم للمستشفى وهم مو فاهمين كل اللي يصير
ظيمنعظيمنع
ظيمنع
عند ابو مشاري اللي كان جالس بالمستشفى انتبه لدخولهم وقف وهو خايف من جيتهم سلم عليهم وقال ابو عادل : سلامة اديم تو عرفنا انها بالمستشفى من مشاري
عادل: ان شاء الله مافيها شي خطير
ابو مشاري :الله يسلمكم وان شاء الله انها بخير
ابو عادل: ابو مشاري دخيلك اذا اديم تقدر تكلمني انا ضروري اكلمها
ابو مشاري نزل راسه وكمل ابو عادل بنبرة ترجي وخوف على ولده : تكفى ي ابو مشاري فيصل بيموت من شوي مطلعه من المستشفى جثه هامده لا يتكلم ويرد ولا حتى يناظر لنا دخيلك اقل شي تسامحه يمكن يقوم دخيلك ي ابو مشاري
ابو مشاري : والله والله لو بيدي كان سويت لكن اذا ولدك تعبان بنتي ماهي احسن هذا هي طايحه بين الاجهزه ومافي يدي حل
عساف : الحل هم انفسهم محد منهم قادر يعيش بعيد عن الثاني محد يدري بالسبب الا هم يمكن اذا تقابلوا يطيح الحطب
ابو مشاري: انا اسف مقدر اخاطر ببنتي نفسيتها ما تساعد ولا اقدر اتركها تتعب
ابو عادل :يهون عليك فيصل !!؟
ابو مشاري : ما يهون ولا تهون اديم لكن اديم ما اقدر اخليك تقابلها واذا تبي خبر يمكن يساعد ولدك ... قوله ان اديم حامل
شهقوا كلهم مع بعض : حااااامل
ابو عادل : بربك تقول الصدق
ابو مشاري : ايوه لكن ي طلال مابي بنتي يصير لها شي يضرها لا يجي ويفقدها صبرها
ابو عادل : بس مايصير كذا لازم يتفاهمون
ابو مشاري : اذا استعادت اديم صحتها ممكن يقابلها لكن الحين قوله لايجي عشان طفله اقل شي
عساف : صادق هنا محد فينا يقدر يجازف خلونا نرجع له ونقوله يمكن يتغير شي
رائد : وانا اقول كذا
ابو عادل استسلم : زين لكن طمنا عنها
ابو مشاري: ابشر
رجعوا وتركوا ابو مشاري اللي جلس وهو يفكر كيف يحل مشكلتهم
••
ظيمنع
في بيت ابو عادل كانت منى والجد عند فيصل وهم يحاولون يكلمونه لكن بدون فايده جلست منى وهي تبكي بقهر :يمه فيصل رد علي وش فيك رد علي
الجد : فيصل ي حبيبي لا تخوفنا وقوم وان شاء لله بنحل مشكلتك وترجع لك اديم
نواف : جدي فيصل بيروح مثل امي
منى اسرعت وهي تحضنه: بسم لله عليه ي حبيبي تعوذ من ابليس ان شاء الله انه بيقوم ادعي له ي روحي
كان نواف يبكي ومنى تبكي والجد على وشك البكي
••
•
فالسياره عند ابو عادل والسكوت يعم الكل تكلم ابو عادل بهدوء: عادل ارجع لزوجتك مايصير تتركها لوحدها
عادل : مابرجع لين اشوف فيصل بخير
عساف: ان شاء الله بيكون بخير انت روح واحنا نطمنك
رائد: انتبه ترا ريمان خوافه مو على شكلها
عادل سكت لما تذكر انه ماقال لها
ابو عادل : يلا روح وبنطمنك
نزل عادل للفندق لما وصلوه وهو باله مع فيصل وهم كملوا الطريق اتجه للجناح دخل وهو متوقع انها نايمه للحين لكن انصدم اول ما دخل وسمعها تبكي ركض لها وهو ينادي : ريمان وش فيك ريمان ريمان
رفعت ريمان راسها وهي تبكي وترجف : وين رحت ليش تركتني وين كنت ليش رحت ..

20 - 1 - 2022, 07:51 PM

..... 217 .....

انصدم عادل من شكلها وخوفها ارتبك حضنها وهو يسمي عليها : اششش بسم الله بسم لله لا تخافين انا هنا مابروح
ريمان بصوت متقطع: وين رحت
عادل : كنت عند فيصل طاح عليهم وتعبان دق علي نواف ورحت
ريمان: ليش ماقلت لي
عادل : قولي بسم الله ماحبيت ازعجك
ريمان رجعت تبكي : الله يسامحك بس
عادل زعل من نفسه على ضيقها :انا اسف ما توقعت تصحين
سكتت ريمان وهي تحضن عادل وهي خايفه يجي يوم ما تلاقيه وهي اللي استغنت عن الدنيا عشانه عادل اللي ماكان في يده الا انه يجدد وعده بصدره انه يبقى لها كل شي
••
•
اما عند ابو عادل اللي دخل مسرع ورائد اخذ طريق لعساف ودخلوا بعده في غرفة فيصل اللي كان على حاله عيونه بالسقف وحمرا ووجهه شاحب واصفر
جلسوا وهم متأملين خير بهالخبر اللي معهم قرب ابو عادل وهو يمسح على راس فيصل : فيصل يبه تسمعني قوم جايب لك خبر يفرح قوم صدقني بهالخبر اديم بترجع لك فيصل ناظرني يبه
عساف لما شافه ساكن وقف واتجه له : فيصل حبيبي اسمع زين اديم حامل بطفلك واحتمال ترجع قوم يلا يلا ياخوي دخيلك
اللي صدمهم ان فيصل ما سمع اي شي ولا تحرك لاي شي رجعوا يعيدون الموضوع لكن نفس النتيجه
وهنا ابتداء الخوف وطلب عساف انه يكلمه لحاله وطلعوا قرب عساف وهو يسنده: فيصل دخيلك قوم صدقني بنسوي كل شي ي فيصل لايصير لك شي اقسم بالله مافيه شي يسوى قوم وكل شي غلط بيتصلح لا تستسلم ي حبيبي دخيلك ي فيصل قوم يمكن هالولد يغفر ذنبك عندها
لكن فيصل مارد ابدا كأن ما احد يكلمه انسحب عساف وهو خايف انه رجع يصير فيه اللي صار بوفاة امه طلع وهو ضايق وقف وهو يقول : ان تركناه كذا الله يعوض علينا
وقف ابو عادل برعب : الله يخليكم لا يصير له شي
رائد وقف برعب : عمي لا يصير فيه مثل ماصار بوفاة امه
ابو عادل صرخ فيه: اعوذ بالله اعوذ بالله وبسم الله عليه ان شاء الله انه بخير ان شاء للله
كان ابو عادل خايف بس مايبي يستسلم لهالتفكير قطع عليهم اتصال عادل اللي يسال بس انصدم انه مافيه اي شي ينذكر
رجعت منى وابو عادل عند فيصل والبقيه افترقوا لبيوتهم
••
•
عند اديم اللي صحت وشافت ابوها وامها واهلها كلهم حولها وغمضت تذكرت اللي قالت امها وفتحت عيونها وهي تبكي ناظرت ابوها برجى: مابي الطفل نزلوه
انصعقوا الكل من كلامها ووقف ابو مشاري واتجه لها وهو يمسح على راسها : ابشري باللي تبين بس هدي واذكري الله
مروى ومشاري : وش تبشر حرام يبه هاذي روح
ام مشاري : اديم لا تنجنين
ابو مشاري صرخ بحده: محد له شغل واطلعوا للبيت يلا
مشاري : يبه !! لا تطيعها حرام يبه
ام مشاري : لا ي ابو مشاري حرام بنتك تسوي كذا
ابو مشاري :اقوووووووول برا
طلعوا وام مشاري تبكي وخايفه انهم فعلا يجهضونه ومشاري ومروى انجنوا
اما عند اديم اللي تناظر ابوها اللي جلس وهو يمسح على شعرها ويقرا ايات حست انها هدت شوي وبعدها سمعت ابوها يقول: اديم ي ابنتي ربي يقول بكتابه "المال والبنون زينة الحياة الدنيا" وحرام ي بنتي تاخذين طفلك بذنب ابوه صحيح ما اعرف وش ذنب فيصل اللي يخليك تستغنين عنه كل هالاستغناء لكن تذكري ان ربي لما رزقك بهالطفل بعد شهر كامل هذا معناته انه فيه خير لكم ويمكن ربي ارسله وسيله لعمار البيت اللي اخترب وحتى لو ماتبين فيصل هذا مايعطيك الحق تهدرين روح طفل مسكين وماتدرين لو هو سندك بالدنيا وهو اللي ينفعك بهالحياه اديم ماعرفتك قاسيه ي يبه قومي توضي وصلي وتعوذي من ابليس واطلبي الخيره من ربي وهو يستخير لك الخير تذكري حرام تروح روح عشان روح قومي ي يبه يلا
اديم رجعت تبكي وهي خايفه من الجاي وهي تدري ان هذا الطفل بيزيد حبها لفيصل استندت لابوها واتجهت للحمام اتوضت وصلت وجلست وهي تدعي ربي يفرج لها كربتها ودموعها ما وقفت
••
•
عند ام رامي اللي جات هي ووسن مبسوطين ومتوقعين استقبال من فيصل يرضيهم او خبر يفرحهم دخلو البيت وهم في قمة كشختهم لكن شافوا منى جالسه وهي تبكي ونواف بجنبها وسهام استغربوا ماقالوا شي لكن نادت نواف ام رامي: نواف تعال
نواف راح وهو وجهه احمر من البكي ام رامي: وش فيكم
نواف: فيصل بيموت
ام رامي بخوف : وشو ليش
نواف بكى: مدري
ركضت ام رامي وتركت نواف وركضت معاها وسن طلعوا لغرفة فيصل فتحوا الباب وكان ابو عادل مستند على الكنبه ونايم وفيصل بعد نايم وفجاءه وبدون سابق انذار صحى فيصل وهو يصرخ ويدينه على اذنه وصحى ابوه على صراخه وركض له وهو يحضنه ويسمي عليه لكن فيصل ما زال يصرخ من فجعة الكابوس اللي هاجمه ..

20 - 1 - 2022, 07:51 PM

..... 218 ......

فيصل اللي اول ما قربت منه ام رامي ضاقت به الدنيا وابتداء نفسه يضيع وصار يتخبط وكأنه يدور نفس وهو يصرخ ويصرخ لما تشنج وكانت هاذي صدمه كافيه انها تطلع ام رامي من الغرفه وهي تبكي ركضت لمنى اللي جات على الصراخ وتبكي بعد : منى وش فيه فيصل ليش كذا ليش
منى : مدري مدري طاح امس بعد زواج عادل ولا احد عارف سبب حتى المستشفى مايدرون وش فيه
ام رامي طاح قلبها ورجعت تتذكر اللي سوته والسحر طلعت تركض ووسن وراها وبسرعه البرق اخذت تاكسي وعلى بيت الساحره
••
•
اما فيصل اللي غمى عليه تماما بعد ماطلعت ام رامي وانجن ابو عادل اللي كان خايف انه مات ركض يجيب مويه ورشه على وجهه وصرخ :اعطوني عطر
جات سهام تركض وهي تعطيه العطر ومنى تبكي وتدعي وبعد شوي فتح فيصل عيونه بشويش وتعلقت بالسقف زي ماكانت
منى: طلال تكفى خلنا ناخذه المستشفى دخيلك
ارتبك ابو عادل وكان يناظر فيصل اللي برجفته للحين: اطلبي الاسعاف او رائد
ركضت منى وهي تدق على الاسعاف وبعد شوي وصل الاسعاف واخذوا فيصل ورجعوه للمستشفى وكانت حالتهم جدا فضيعه ونفس الكلام اتكرر ماعنده اي مشكله الا ضيق تنفس
ابو عادل اللي خلاص انهار مايدري وش العله ورجع يكرر على فيصل خبر حمل اديم لكن بدون فايده طلع لابوه وابو محمد اللي ينتظرون بخوف برا
الجد: طلال هاه وش قالوا
ابو محمد : طمنا
ابو عادل: نفس الكلام مافيه شي بس ضيق تنفس وبعد ما يخلص الاكسجين والسيروم بيخرجونه
ابو محمد : شلون مافيه شي انت شايف شكله خرجه من هنا نروح لمستشفى ثاني هذول ماعندهم سالفه
الجد: ايه ايه خرجه
خرجوا فيصل واخذوه لمستشفى ثاني ونفس الكلام وخرجوا لمستشفيات كثيره وكلهم نفس الكلام وقرروا يرجعون للبيت وسط ضيقهم على حال فيصل اللي ماهو حاس بكل شي يصير فيه
••
•
عند ام رامي اللي دخلت مثل المجنونه على نفس البيت الظلام وهي تصرخ : ذبحتي ولد اختي ي نصابه ذبحتيه ذبحتيه
ناظرتها الحرمه بطرف عين وصرخت بصوت خشن : تعالوا شوفوا من هاذي المجنونه
ركضوا على ام رامي الخدم وهم يبعدونها وبعد صراخ نادت لهم الحرمه ودخلت ام رامي وهي تبكي :خير انتي وشو له جايه تصارخين لااحم ولا دستور
ام رامي : وش سويتي ولد اختي قولي لي خلاص ما عاد ابي سحر ولا ابي شي بس تكفين اتركيه بحاله
الحرمه: وش سويت فيه سويت كل شي قلتيه
ام رامي: ماعاد ابي شي اتركيه بحاله الولد بيموت
الحرمه: يبي لك فلوس عشان اتركه
ام رامي سحبت شنطتها وهي تطلع كل شي فيها وتعطيها : خذي كل شي بس لا يصير فيه شي
الحرمه اخذت كل شي : بكره جيبي لي شي من ملابسه وافك له السحر وشرط يكون ماا انغسل
ام رامي وقفت وهي تبكي : طيب طيب
طلعت ركض وهي تناظر الساعه وكانت 12 قررت ترجع لبيتها ومن بكره الصبح تروح تجيب القطعه
••
•
بعد اسبوع كان فيه حالهم نفس الحال ما استجد شي عليهم ادييم كانت باقي بالمستشفى بسبب ضعف حملها ولا تدري عن اللي صاير بفيصل ومستغربه انه ماجاء يسأل او حتى يكلمها وتوقعت ان محد قاله عن حملها
اما فيصل نفس حالته وكل يوم يزيد سوء ولا شي جديد الا ان الكوابيس صارت تزيد وتضغط عليه
عساف ورائد اللي نسو كل شي يخص حياتهم وركزوا على فيصل ويحاولون انهم مايفقدونه
اما ابو عادل ومنى ونواف كانت نفسيتهم دمار لابعد الحدود
وعادل وريمان اللي متفاهمين ومكملين حياتهم لكن تعب فيصل منكد على الكل
ومحد مستفيد من تعب فيصل الا نسرين اللي تحاول تبعد خطى عساف بأي طريقه عنها
اما ام رامي اللي كانت من اسبوع كل ما تحاول تحصل شي من ملابس فيصل ما تلاقي شي ومن اسبوع تحاول
اما وسن اللي كانت طول الوقت مسنتره في بيت ابو عادل وبجنب فيصل ومضايقه الكل بس ساكتين رغم ان وجودها يضايق فيصل لكن ما تفهم .
••
•
في غرفة فيصل دخلت منى واتجهت له وكان نفس حالته قربت منه وهي تحضنه حطت يدها على راسه وابتدت تقرأ عليه سورة البقره بس اللي ما توقعته ان فيصل ابتدأ صدره يطلع وينزل ويعرق ويتقلب كأنه على نار ويصرخ بصوت مستحيل يكون صوت طبيعي خافت وسكتت وهدا وورجعت تقرا ورجع يصرخ وكملت تقرا وارتفع صراخه وكل البيت اجتمعوا على صراخه
ابو عادل : منى وش صار منى وش صار فيصل بسم عليك
دخل عادل بركض وهو مرعوب من الصراخ : فيصل وش فيكم
اجتمعوا عليه وهم يحاولون يمسكونه لكن هالمره انفلتت الامور من يدهم وتعودا انه يغمى عليه وفعلا اغمى عليه
عادل لف : وش صار عميمه

20 - 1 - 2022, 07:52 PM

..... 219 ......

منى: قلت لكم قلت لكم انه فيه شي قرأت سورة البقره ومن قرأتها ووهو يعرق ويرجف ولما وصلت ايات السحر صار يصرخ
ابو عادل :شلون يعني
منى بصراخ: فيصل مسحور
ةسن اللي كانت عند الباب واول ما سمعت كلامها ركضت واخذت اغراضها وطلعت اما ابو عادل وعادل وسهام تجمدوا من قوة الصدمه وضحك عادل برعب : مستحيل وش تقولين من بيسوي فيه كذا
منى : وش عرفني المهم تروح تدور شيخ وتجيبه قبل يموت اخوك ي عادل
وسط هذا كله وقفهم ارتطام جسم نواف بالارض مغمى عليه ركضوا له وهم يرفعونه وهنا انهار ابو عادل اللي حس انه ابتداء يفقد عياله كان عادل يركض بين فيصل ونواف ويحاول يصحي فيهم وهو دموعه مغرقه عيونه اخذت منى نواف اللي تعبت اعصابه من اللي يصير في بيتهم واخوانه وبعد عنا صحى نواف وهو يبكي واخذه عساف اللي اتصل عليه عادل يلحقه وعادل اخذ فيصل للمستشفى لانه اذا اغمى عليه ما يصحيه الا المستشفى
ابو عادل اللي ماقدر يروح معاهم وجلس وهو يحس هموم الدنيا على راسه
عند عساف اللي كان جالس مع نواف ويهديه
نواف : فيصل مات صح
عساف : لا ي حبيبي بسم الله عليك وعليه لا تقول كذا فيصل ان شاء الله بيصير بخير بس هو تعبان
نواف: عشان اديم صح
عساف : شوي بس لا تخاف بيصحى
نواف: وديني لاديم اذا كلمتها انا بتجي
عساف كان بيتكلم بس قطع عليه صوت ابو مشاري : نواف ي حبيبي اديم ما تقدر تجي هي بعد تعبانه
وقف نواف وركض لابو مشاري : الله يخليك خليها تجي فيصل بيموت
ابو مشاري انكسر قلبه من منظرهم وخصوصا انه شافهم وهم مطلعين فيصل : ان شاء الله بكلمها وبجيبها
عساف : ياليت تقدر !! اقل شي عشان نواف
ابو مشاري : انا مو كارهه ابد و ودي لكن انت عارف الوضع ي عساف
تنهد عساف : الله يقوينا على اللي يصير
ابو مشاري : وش فيه فيصل !
عساف: هذا حاله غير معروف السبب
ابو مشاري : قلتوا له الخبر
عساف : فيصل مو في الدنيا عشان يسمعنا
ابو مشاري : كيف يعني !
عساف: مدري مدري
ابو مشاري : ابو عادل وينه
عساف: ادخل جوا موجود نواف شوف طريق
ركض نواف وهو يصرخ: يبه ابو مشاري جاء قوله يجيب اديم يبه
وقف ابو عادل واسرع للباب : ابو مشاري هلا ادخل
ابو مشاري سلم ودخل بهدوء :كيفك ي طلال
ابو عادل: اسوء حال بكون فيه هو هذا الحال
ابو مشاري : سلامة فيصل
ابو عادل : وينه ووين السلامه
ابو مشاري : انا مدري وش اقولك ي طلال لكن وانا جالس افكر قلت يمكن يحتاجون شيخ دام السبب مجهول عندنا
ابو عادل : قلنا كذا واستناه يرجع وبتصل على شيخ اعرفه كويس
ابو مشاري : ما يحتاج انا كلمت شيخ وهو جاي بالطريق اسف اذا ماعطيتك خبر بس من حبي لفيصل واديم بادرت في هذا الشي
ابو عادل: ما يحتاج تعتذر عيالك وانت لك حق
سكت ابو مشاري وجلسوا وبعد شوي ابتدوا يجون ابو محمد ورائد والجد وسعيد والكل اجتمعوا بالبيت ووصل الشيخ وينتظرون فيصل
••
ظيمنع
عند اديم اللي كانت تراقب ارقام فيصل وسناباته وشافته محتفي من فتره طويله وما تطمنت لأختفاءه رفعت راسها على دخول الممرضه اللي جات: سلاام كيفك اليوم
اديم ابتسمت بحزن: تمام
الممرضه : شدي حيلك شوي وبتطلعين انتي وطفلك بخير
اديم : بسألك سؤال
الممرضه: تفضلي
اديم : ما مر واحد اسمه فيصل ال طلال للمستشفى وسأل عني
الممرضه قطبت حواجبها : لا ابدا
اديم : طيب عساف ولا رائد او اي احد غير اهلي
الممرضه : مع الاسف
غمضت اديم بقوه وهي تمسح دموعها الممرضه: تحبين ادق عليهم
اديم : لا مشكوره
طلعت الممرضه وجمعت اديم نفسها وهي تبكي دخلت روان بهدوء وجمدت : اديم وش فيك ي روحي
رفعت راسها اديم وهي تحضنها وبكت بقهر: روان وينه فيصل ليش مختفي ليش ما يسأل علي ليش بسرعه نساني
جمدت روان بخوف من سؤالها وهي تدري بحالة فيصل بس خايفه تقول لها : يمكن مايبي يضايقك
اديم : لاااا مستحيل اعرفه فيصل مستحيل يتركني ومايسأل عشان مايضايقني اكيد فيه شي اكيد
روان: بسم الله عليك وش جابه على بالك اتركيه خلاص
اديم :سألتك بالله اذا تدرين بأي شي عنه قولي لي حتى لو شي قاسي قولي
روان خافت لما سألتها بالله ورجعت اديم تكرر : حلفتك بالله ي روان تقولين
غمضت روان : هو بخير هذا اللي اعرفه
اديم صرخت:تكذبين
بعدتها وهي تبعد اللحاف وتبكي روان وقفت وهي تمسكها بخوف: اديم اديم وين رايحه اجلسي لا تضرين نفسك
اديم ببكى: بروح اسأل عنه بدور عليه اتركيني

20 - 1 - 2022, 07:52 PM

..... 220.......

روان : اديم ي مجنونه اجلسي شتبين فيه اتركيه
اديم بعدتها وهي تلبس العبايه : ابعدي
روان عجزت توقفها وصرخت: اجلسي بقولك وش فيه اجلسي
اديم ناظرتها بخوف : وش فيه
روان بتردد: مريض وتعبان بالمستشفى محد يدري وش فيه مايرد على احد ولا يكلم احد
ضربت اديم قلبها بخوف :وش فيه
روان: مدري بس طايح عليهم
اديم انهارت تبكي وركضت روان تنادي للممرضه اللي اعطتها مهدئ ونامت وهي تشهق خافت روان يصير لها شي ودقت على ابو مشاري لكنه مارد وجلست وهي خايفه ماتدري وش تسوي
••
•
في بيت ام وامي وصلت وسن اللي كانت تركض بخوف ورعب ووقفت ام رامي : وش فيك
ووسن : يمه منى كشفت ان فيصل مسحور وتقول جيبوا شيخ وبننفضح يمه
شهقت ام رامي بخوف : وش تقولين انتي
وسن : يمه وش نسوي وين نروح يمه وين نروح
خافت ام رامي وصارت تدور ماتدري وش تسوي وتتحسب على منى ووسن تدور معها ولا يدرون وش يسوون •
اخذت ام رامي عبايتها وركضت لنفس الحرمه دخلت وهي تدور عليها لكن ما حصلت الا اثرها وهي غير موجوده طلعت وهي تركض وتدور وتسأل وقالوا لها انها تركت البيت ولا احد يدري وينها جلست وهي تبكي على الرصيف وتتحسب ما تدوي وش تسوي
••
•
اما في بيت ابو عادل وصل فيصل اللي كالعاده بين ايدي الاسعاف لما نزلوه على سريره وطلعوا عادل وقف يناظرهم بأستغراب : ليش كل هالجمعه
ابو عادل : ابو مشاري جاب شيخ يقرأ على فيصل يشوف وش فيه
عساف: 90‎%‎ بالميه عندنا احتمال انه مسحور او فيه شي
عادل لف وهو مقهور على اللي يصير بفيصل تركهم وطلع وهو يكافح دموعه بكل قوته لكن اول ما دخل جناحه طاح وهو يبكي بقهر وقفت ريمان برعب وركضت له : عاادل عاااادل وش فيك عادل
رفع راسه عادل وهو مو قادر يتكلم من قهره : خايف على فيصل خايف يموت خايف فعلا يتركنا مابي انكسر من جديد مابي افقد قوتي ما احس اني وحيد والله اذا راح فيصل حياتنا تروح معاه والله
حضنته ريمان اللي الحين عرفت ليه الرعب مخيم عليهم كلهم ماكانت تدري وش تسوي او كيف تدعمه غير انها حضنته وبس وتركته يبكي ويطلع اللي بقلبه
••
•
اما في غرفة فيصل دخل الشيخ ودخلوا معاه كلهم وقرب من فيصل وهو يناظره فتره طويله وبعدها قال: ابي اثنين يكونون هنا ويساعدوني
تقدموا عساف ورائد وصار واحد على يمين فيصل وواحد على شماله وابتدا الشيخ يقرا وابتداء فيصل يعرق ويرجف وابو مشاري ساند ابو عادل اللي خايف بشكل هاد حيله والكل خايفين وكل ما زاد الوقت والشيخ يقراء زاد صراخ فيصل واشتد لدرجة انهم طلعوا كلهم الا عساف ورائد والشيخ وابتداء يتحول صراخه الاشياء مرعبه وغريبه وابتداء يتشنج ووقف الشيخ وطلع وهو يهز راسه بأسف وقفوا لهم كلهم برعب وتكلم ابو مشاري :طمنا ي شيخ
الشيخ : ولدكم كان معمول له سحر لغرض ما لكن يبدو ان العمل ما كان متقن وتحول ضده تماما ويبي له فترة اسبوع عشان نقدر نخرج السحر ونفكه
جلس ابو عادل بصدمه وتكلم ابو مشاري : ومن صاحب السحر
الشيخ : للحين ما اتضح لكن مع الايام بيتضح
ابو مشاري: طيب وش نسوي ي شيخ
الشيخ : بكره بجي هنا بنفس الوقت واعيد اقرا عليه لكن ابي منكم محد يزعجه بأي طريقه
الجد: جزاك الله خير ي شيخ
الشيخ: الله يعطيك العافيه
طلع الشيخ وترك وراه صدمه عظيمه تكلم ابو محمد : من يعني سوا هالفعل
نزل راسه ابو مشاري : عيال الحرام كثير
ابو عادل: حسبي الله ونعم الوكيل حسبي لله ونعم الوكيل
ابتدا البيت يفضى شوي شوي من الناس وجات منى ركض لابو عادل : قلت لك قلت والله قلت لك حسبي لله ونعم الوكيل حسبي لله
ابو عادل : من تتوقعين سواها
منى : مابي اظلم احد لكن الله ينتقم من اللي كان السبب
جاء عادل اللي كان باين على وجهه ضيقه :وش صار يبه
ابو عادل بحزن الدنيا: مسحور يبه مسحور اخوك
عادل انصعق وجلس وهو يقول : كيف يعني ومن بيسحره
هز راسه ابو عادل بأسى: ربك وحده يدري
عادل :وين نواف
منى: اخذه عساف يقول مايبه يعيش هذا الوضع وهو صغير
عادل حط يده على راسه وهو يحاول انه يتماسك طلع لجناح فيصل فتح الباب بهدوء وشافه نايم على نفس حاله غمض بقوه وهو يدعي ( ي رب لا تحرمني وجوده لا تكسر ذراعي ي رب ) دخل وسكر الباب وهو مايبي شي الا ان فيصل بخير جلس بجنبه وهو يتأمل ملامحه اللي انقلبت 180 درجه واللي يشوفه يقول مستحيل يكون فيصل المليان بالحيويه وجمال صار هيكل ووجهه شاحب وشعره مغطي عليه عيونه طالعه من كثر التعب واعصابه مشدوده كان وده انه يساعده بأي شي بس مو قادر يسوي شي ••

21 - 1 - 2022, 12:30 AM

..... 221 ......

فالمستشفى وصل ابو مشاري وشاف روان جالسه وهي تهز رجلها بتوتر : روان وش فيك يبه
روان وقفت وهي بتبكي من التوتر : انا اسفه عمي والله مو قصدي
جمدت ملامح ابو مشاري : اديم فيها شي
غمضت روان بخوف : اديم حلفتني بالله اقولها عن فيصل وحكيت لها وضعه
ابو مشاري : وش صار لها
روان : انهارت وناديت الممرضات يعطوها مهدي
غمض ابو مشاري بغضب : الله يهديك ي بنتي الله يهديك وش سويتي انتي
روان : والله ماقدرت اكذب والله
شد ابو مشاري على يده :لا حول ولا قوة الا بالله زين زين اطلعي لبيتكم تأخر الوقت
روان : سامحني الله يخليك
ابو مشاري : مسموحه ي بنتي مسموحه
ركضت روان للبيت بضيق وهي تبكي وندمانه انها قالت بس ماقدرت تكذب وهي حلفتها بالله
اما ابو مشاري دخل لاديم وشافها نايمه و وجهها حزين تنهد وهو يقول : حسبي على من كان السبب
جلس وهو يقرأ لها قرأن وباله مع فيصل المسكين ..
•••

مر اسبوع ومر الثاني ومر شهر وشهرين وثلاث وعند اديم اللي كانت جالسه بين اغراض فيصل وملابسه وهي تبكي ندم انها تركته واستسلمت ندمت انها ما ظلت عنده حتى لو كسرها وحطمها تمنت لو انها بأخر ايامه كانت معاه ناظرت جناحهم وهي تبكي ناظرت صورته اللي كانت تدل على روحه الحلوه نزلت راسها تناظر بطنها اللي ابتداء يبرز بكت بقهر وهي تحط يدها على بطنها: اااااااخ ي حبيبي ليتني ما تركت ابووك ليتني تحملت ااااخ الله يرحمك ي فيصل الله يرحمك
ابو مشاري : اديم اديم يبه اديم اديم ردي علي
فزت اديم وهي تصرخ :فيصل فيصل مات لاااا يبه تكفى لاااا فيصل لا يصير له شي يبه
مسكها ابوها ويحضنها : بسم الله عليك بسم لله عليك فيصل بخير بخير لا تخافين قولي لا اله الا الله
اديم بعدت ابوها وهي توقف : ابي اشوفه تكفى يبه لا تكذب علي تكفى
مشاري دخل ورمى الاغراض اللي بيده : اديم بسم عليك وش فيك
اديم: مشاري تكفى فيصل بخير صح
مشاري : بخير ي اديم وش فيك تعوذي من ابليس كابوس كابوس
جلست اديم على الارض وهي تبكي براحه استوعبت ان كل شي كان كابوس ركض لها مشاري اللي حملها وهو يرجعها لسريرها : اديم اذكري الله ي حبيبتي فيصل بخير لا تخافين اول ما يتشافى بيجي هنا وتشوفينه
ابو مشاري : اديم ي يبه لا تعذبين نفسك
لفت اديم وهي تبكي مدت يدها لبطنها وهي تحمد ربها ان فيصل بخير
طلع ابو مشاري ومشاري برا وهم ضايقين على حالها
مشاري : يبه وش السوات البنت بتنجن
ابو مشاري : وش نسوي ي مشاري انت شايف فيصل طايح بين يدين الله ثم يدين الشيخ وعلاجه صعب وش بيدينا
مشاري : ناخذها له يمكن ترتاح
ابو مشاري:لاا لا انا شهور احاول انها ما تشوفه والا فعلا بتنجن شكله ما يهيئ
تنهد مشاري وجلس : يالله وين وصلنا ي الله
جات مروى وروان : سلاام
الكل :عليكم السلام
مروى: يبه وش فيكم ؟!
ابو مشاري : اديم تعبانه شوي حاولوا تسلونها لكن انتبهوا احد يوريها صوره لفيصل او يوصفه ترا ماهي ناقصه
روان: لا تخاف عمي
مشاري: مهما حلفتكم لا تقولون
مروى: زيين
••
•
اما عند فيصل اللي من 3 شهور تحت العلاج وتحسن لكن ما زال تعبان دخل عساف اللي مبتسم ومتفائل : يسعد لي هالصباح
ناظره فيصل بهدوء ولا رد ابتسم عساف بهدوء : ان شاء لله كلها فتره وبتصير بخير
عادل جاء ومعاه صنية فطور: فيصل يلا جبت لك فطور
صد فيصل وهو يعلن رفضه للفطور رائد : مايصير ترفض هالمره بتاكل ضروري جسمك يكون قوي
نواف: فيصل بناكل معك عشان تاكل
قربوا كلهم وابتداء عساف وعادل يضغطون عليه عشان ياكل لكن فيصل بعناده ما اخذ الا لقمه ورفض

دخل ابو عادل والجد والشيخ وابتدا فيصل يكتئب من شوفة الشيخ
جلس الشيخ وهو يسلم عليهم اول ما قرب من فيصل ابتعد فيصل وهو يحاول ياخذ نفس وكانو متعودين على هالمنظر
طبعا عادل اللي كان ما يتحمل ابدا المنظر انسحب بسرعه وطلع اتجه لصالون اللي كان فيه منى وريمان وسهام جلس بجنب ريمان بهدوء وطبعا محد كلمه لانهم يعرفون شعوره هاللحظه بالذات كيف يكون لكن وقفت ريمان واخذت عادل معها وراحوا للمجلس عشان ما يسمع صراخ فيصل وجلست وهي تحضنه وتحاول تواسيه وكانت متوقعه انهياره اللي صار امر معتاد عليه
••
•
بغرفة فيصل كان صوت فيصل وصراخه مختلط بصوت الشيخ اللي يقرأ وهم مثبت فيصل والكل حوله وفي نصف قرأته ابتداء صوت مخيف وغريب يظهر وابتدا الرعب يدب في قلوب الكل كان الشيخ متعود ويناقش ويحاور الجن( بسم الله عليكم ) وكان نقاش حاد ومتعب اخذ وقت طويل واخيرا وبعد تعب وعناء شهور وايام صعبه متتاليه بقدرة الله ثم الشيخ قدر انه يحرر فيصل من هالسحر ..

21 - 1 - 2022, 12:31 AM

..... 222 .....

لكن الصدمه كانت فاعل السحر اللي صدح اسمها بأرجاء الغرفه وهز الدينا ( ام رامي ) ومكان السحر
طاح فيصل مغمى عليه وقرب الشيخ وابعدو فيصل من السرير ورفعه وحصل السحر الصدمه كانت قاسيه على الكل ابتدا الشيخ يقرا ويفك السحر اللي كان شي مقزز بشكل فضيع احرقه الشيخ ورماه واتجه لفيصل وهو يصحيه وبعد مده فتح عيونه وهو يشوفهم متجمعين حوله ساعدوه يجلس وهو يناظرهم بأستغراب وكأنه من مده ما شافهم
شاف ابوه جالس منهار وسعيد عنده يسقيه مويه تكلم الشيخ : فيصل ي ولدي سامعني
ناظر فيصل باستغراب وبعدها نطق بصوت مهزوز وتعبان :وش فيني !!ووش فيكم
صرخ عساف بفرح: فيصل انت بخير
فيصل :جسمي يوجعني ي عساف
ركض ابو عادل بفرح وهو يحضن فيصل ويبكي وبطبيعة الحال الكل بكى كان فيصل مستغرب ليش يبكون وبعد فتره ابتعدوا عنه
وسمع الشيخ يقول : الحمدلله حمدا كثيرا على سلامتك لكن ابيك تحافظ على اذكارك وتنتبه لنفسك
ما استوعب فيصل كلامه ولف يناظرهم وبعيونه مليون سؤال استاذن الشيخ وطلع ونزل ابو عادل بفرح وهو ينادي : منى منى عادل اركضوا فيصل تشافى وصار بخير طلع عادل من المجلس وهو يطيح ويقوم من هول الفرحه اسرع وهو يحضن ابوه وبعدها ركض لجناح فيصل ومنى اللي نست حتى لا تلبس عبايتها وطلعت ركض هي بعد انسحب عساف وطلع رغم انه ميت على الجلسه مع فيصل بس قال ان اهله اولى بالجلسه معاه
ركضت منى وهي تحضن فيصل وعادل اللي ماقدر يوصل لسرير من فرحته وجلس وهو يحمد ربي الف مره ومحد فيهم متوقع انه يشفى الحين خصوصا ان الشيخ قال مطول لان علاجه صعب
منى اللي كانت متعلقه برقبة فيصل وهي تبكي بفرح ماكان من فيصل الا انه حضنها ومايدري وش اللي صار ولو حاول يتذكر كان اخر شي زواج عادل
••
ظيمنع
اما عساف اللي اول ما طلع اخذ الشيخ والسحر واتجه لقسم الشرطه وقدم بلاغ بأسم ام رامي وهو مقهور وقلبه محترق وكل مايتذكر اللي صار مع فيصل يحقد قدم ادلته وطلعوا الشرطه معاه متجهين لبيت ام رامي
اما ام رامي اللي كانت متطمنه لان قالو مطول لكن فاجأها الدق على الباب وقفت وهي مرعوبه وطلعت وسن وهي خايفه: مين يمه
ام رامي : مدري مدري
ازداد الدق على الباب وام رامي تحوس ما تدري وش تسوي وبعد شوي تقدمت برعب :مين
الشرطي :افتحي الباب معاك القسم
صرخت وسن برعب وابتعدت ام رامي وهي تحاول تحصل لها محل تهرب منه لكن فات الاوان وانكسر الباب ودخلوا السجانات وهم يدورون على ام رامي اللي وقفت وتصرخ وتبكي وتردد: اتركوني وش تبون مني وش تبون مني
اخذوها واخذوا وسن وعساف واقف بكل حقد عليها صرخت تناديه: عساف لا تخليهم ياخذوني انا خالة فيصل لا تخليهم ياخذوني
عساف : لو انك خالته ما طعنتيه
دخلوها السياره وهي باقي تصرخ ووسن كذلك راح معاهم عساف
••
•
اما عند ابو مشاري طلع على اتصال ابو عادل :هلا ي طلال
ابو عادل بفرح: ابشرك ي ابو مشاري فيصل تشافى وهذا من فضل الله ثم فضلك
ابتسم ابو عادل بفرح وهو يردد: الحمدلله الحمدلله الحمدلله وكيفه الحين
ابو عادل : الحمدلله بخير ولو ان جسمه هزيل وتعبان
ابو مشاري : ماهي مشكله بيتحسن المهم انه افتك من الشر اللي فيه
ابو عادل : الحمدلله
ابو مشاري : ماعرفتوا من سوا هالمصيبه
سكت ابو عادل شوي وبعدها قال بهدوء: خالته
انلجم ابو مشاري ولا قدر ينطق بشي سكر ابو عادل وابو مشاري للحين بصدمته صحى على صوت مشاري : يبه وش فيك
ابو مشاري : فيصل الحمدلله انفك السحر
مشاري ابتسم بفرح :الحمدلله لكن ليش مانك فرحان
ابو مشاري: فرحان كيف ما افرح لكن مصدوم من اللي عمل السحر
مشاري:ميين !!!
ابو مشاري : خالته
تنح مشاري : كيف خالته كيف تسوي كذا اصلا كيف لها قلب تسحره مع انه كان اكثر واحد حريص عليها ومقوم الدنيا عشانها
ابو مشاري : الله يكون بعونه يوم يدري فيصل معتبرها الشي الوحيد بعد امه
مشاري جلس وهو حاط يده على راسه يحاول يستوعب هالمصيبه
••
•
اما في غرفة فيصل اللي ماهو فاهم شي الا ان الكل فرحان لقومته قطع الحكي اتصال جوال عادل اللي رد :هلا عساف
عساف: اذا انت عند فيصل اطلع
جمد عادل بخوف وقام وطلع: وش فيك عساف
عساف : قبل عرفت من سوا السحر لفيصل
عادل :لا كنت بسأل مين
عساف بهدوء:خالتك ي عادل

21 - 1 - 2022, 12:31 AM

..... 223 ......

صرخ عادل بصدمه: وشووو وش تقول انت انهبلت
عساف: ما انهبلت وليتني انهبلت
عادل : شلووون تقول كذا ي عساف خالتي تحب فيصل اكثر واحد ولا ترضى عليه حتى وجع الضرس كيف تسحره
عساف: مدري لا تسألني لكن انتبه لفيصل لا يدري الا لما يتحسن
عادل جلس بصدمه : لا ي ربي مستحيل مستحيل
عساف: المهم بقولك خالتك بالسجن
عادل :يالله عساف انت وش تقول
عساف: عادل مهما كان لازم تاخذ جزاها مستحيل بنسامحها على اللي سوته بفيصل مستحيل
عادل : لا تقولي انك بلغت عنها
عساف : بلغت
عادل : يااالله ي عساف وش سويت ي مجنون صاحي انت صاااحي
عساف: لا ماني مجنون هذا اقل شي نسويه عادل لا تنسى اللي صار في فيصل وكيف كل يوم يموت بين يدينا شهر كامل واحنا كل يوم نسلم روحه لربي خلاص للحين وخلاص
سكت عادل وهو مايدري ليش كل هالمصايب تطيح عليهم
عساف كمل : معليش ي عادل تحمل بعمرك هذا جزاها المهم اذا اتصلوا بك ضروري تجي محد قريب لها هنا الا انتم
تنهد عادل : الله يقوينا على هالمصايب
سكر عساف ووقف عادل ودخل ووجهه ضايق وسأله ابوه : وش فيك
عادل : ولا شي
فيصل: ووش يبي عساف
عادل: ولا شي امر بسيط
فيصل: احد يشرح لي اللي صاير
منى وهي تمسح على راسه :الحين اكل وبعدين اقولك كل شي
ناظر فيصل الاكل بهدوء ومد يده بشويش وهو ياكل وبعد شوي دخل نواف اللي ركض وهو يحضن فيصل ويبكي حضنه فيصل وهو مفجوع من طريقة بكاه : وش فيك نواف بسم الله عليك
نواف بشهقه: الحمدلله ما مت زي امي
انصدم فيصل من كلامه وناظر ابوه : ليش يقول كذا وش صاير
نزل راسه ابو عادل: كنت شوي مريض وخاف عليك
فيصل: وليش انا ما اذكر مرضي
منى تكلمت :لانك مسحور
اتسعت عيون فيصل بصدمه وناظرها بعيون ذبلانه:ايش؟!
منى: كنت مسحور شهور واحنا نعالج فيك والسبب هاللي ما تخاف الله خالتك
ناظرها فيصل ويده ترجف : وش تقولين !
منى: ايه خالتك اللي كنت تحاميها وتداريها سحرتك وبغت تذبحك
فيصل ضحك برعب وصدمه وقف وهو يترنح : عميمه وش تقولين لا لا تمزحون اكيد تمزحون خالتي ما تسويها لااا لاا لااا
عادل اسرع وهو يسنده: فيصل اجلس جسمك باقي ضعيف
دفه فيصل : صدق اللي تقوله دخيلك قول تكذب قول خالتي ما تسويها ي عادل قول
نزل راسه عادل وهو اصلا مو مستوعب وجاء رد ابوه : سوتها ي فيصل سوتها
حط فيصل يدينه على اذنه وهو يصرخ: لااااا مستحيل لااااااااا وش تقولون انتم وش تقولون
كانت ام رامي غاليه على فيصل حيل وتعني له كثير ويمكن هي اكثر انسانه يحبها بعد امه طاحت كل الدنيا على راسه مجرد ما سمع الخبر انهار يبكي وهو مو مصدق ..
ركضت له منى وهي ترفعه: لا ي فيصل لاااا لا تبكي عليها الله ينتقم منها ياما حذرتك منها ولا طعت ما سمعتني ي فيصل لا تشيل همها وان شاءالله بتاخذ جزاها
فيصل ناظرها بصدمه: كيف تاخذ جزاها
عادل نزل راسه : عساف بلغ عنها وهي بالسجن هي ووسن
فيصل وقف وهو يرجف من صدمته وتعبه : عادل وش فيك ي عادل كيف تسوون كذا بخالتك
عادل انفجر معاد قدر يتحمل قرب لفيصل وهو يصرخ ويهزه : ماهي خالتي ماهي خالتي لو هي فعلا خالتي ما سوت اللي سوته انت تتكلم عشانك ما تدري عن اللي مرينا فيه شهور شهور واحنا كل يوم نطلع من الغرفه وحنا مستعدين لخبر شين اقوم كل يوم وانا كلي منهار ومتوقع اني بفقدك بكل لحظه نواف وقف قلبه كل يوم يغمى عليه من اللي يشوفه ابوي وعميمه ما وقفت دموعهم عساف رائد وكلنا وقفت الدنيا علينا بمجرد طيحتك وهي ولا فكرت ولا سألت وجاي تقول خالتنا سوت سواتها فيك وتركتنا كلنا مثل المجانين بتنسجن وتاخذ جزاها ولا احد يقدر يوقفنا سامعني
سكت فيصل وجلس وهو يحس ان خلاص بعد هاللحظه انتهت الدنيا من عينه ما قدر يتحمل مثل هالضربه القويه كان بيطيح بس سنده عادل وهو يصرخ لهم يجيبون مويه وقدر انه يصحيه قبل يغمى عليه كانت الصدمه قويه على الكل بما فيهم فيصل انسدح بسريره وهو ما هو قادر يتحمل يحاول يستوعب بس ماهو قادر
••
ظيمنع
نرجع لسجن كانت ام رامي بين الضباط والمحققين وكانت تبكي وترجف واعترفت انها راحت لساحره بس ما حصلتها فتحوا ملفها واتصلو على عادل يحضر وعلى ولده رامي وكانت الصدمه كاسره وقاتله لرامي اللي حجز اقرب طايره وجاء
اما وسن اللي ماكان لها علاقه بالموضوع وطلعت بكفالة عادل اللي تركها ببيتهم لما يجي رامي ياخذها

21 - 1 - 2022, 12:32 AM

..... 224 ......

عند اديم اللي كانت جالسه بالغرفه وشارده جاء ابوها وجلس بهدوء: اديم
ناظرت له برعب :لا تقول فيصل فيه شي
ابو مشاري: لا لا ي ابوي بسم لله عليكم فيصل حمدلله صار بخيير وان شاء لله بكره والا بعده بيجي هنا طبعا بعد رايك
اديم شهقت وهي تحط يدها على فمها : والله يبه صار بخير
ابو مشاري: ايوه ي يبه
اديم : وش تعبه يبه
سكت ابو مشاري وبعدها قال: وش رايك تسمعين منه احسن
اديم ضرب قلبها بخوف ووقف ابوها وهو يحضنها: اديم يبه اتوقع لين هنا يكفي جفا عطي فيصل فرصه اخيره وانا متاكد انك اذا سمعتيه بتسامحينه
اديم : خايفه يبه
حضنها ابوها وهو يمسح دموعها :لا يبه لا تخافين كل شي بيصير بخير
غمضت اديم وتبكي وهي مشتاقه لفيصل بكل شي فيه يالله ما اصعب غيابه
••
•
من بكره بالكاد فيصل استوعب صدمته صحى وهو اول شي يبي يسويه يروح يسأل خالته ( ليش سوت كذا وش سوا وش ذنبه ) وقف قبال المرايه وانصدم من شكله فعلا انصدم ما توقع انه وصل لهالمرحله حتى بوفاة امه غسل وجهه وحلق ولبس ونزل وهو يا دوب يمشي
قابلته منى اللي ابتسمت وهي تقول : عسى هالطول ما ننحرم منه عساني ما افقد هالطله ي ربي
نزل فيصل اللي كان وجهه حزين قرب وهو يبوس راس عمته قرب وهو يبوس راس ابوه وجلس بهدوء
خبط ابوه على كتفه : فيصل يبه لا يضيق خاطرك وتزعل هاذي هي الدنيا وكل واحد منا له قسم من احزانه وبيعيشها وافراحه بعد
تنهد فيصل : بس الافراح طولت يبه
ابو عادل : لا تقول كذا وخل املك بالله قوي وان شاءالله الجاي احلى
منى جلست جنبه وهي تمسح على كتفه: عشانك تنتظر الفرح بقولك خبر يفرح
ناظرها فيصل : ما اظن بعد هذا كله بيجي فرح
منى: جاء ي فيصل جاء وهذا احنا ننتظر ولدك
لف فيصل بقوه وهو يناظرها بأستفهام ضحك ابو عادل : ان شاء الله انها بداية افراحك
فيصل : انتم تبون تجننوني وش تقولون ولد ايش
منى: اديم حامل ي فيصل
شهق فيصل برعب وصدمه لف وهو يتنفس بسرعه من الصدمه : دخيلك ي عميمه تقولين الصدق
منى مدت يدها وهي تمسح دموعها: ايه ايه وان شاءالله اديم ترجع
وقف فيصل بربكه وفرح اخذ المفتاح وهو يركض بيروح لها اكيد تنتظره اكيد وقف ابوه وهو يقول :فيصل لا تروح بيتهم روح للمستشفى ....
جمدت يده على الباب :اديم فيها شي؟!!
ابو عادل: لا تخاف بس عشان ترتاح وقت الحمل
ركض فيصل وهو يحس من فرحته مو قادر يمسك دموعه واجهه رائد :فيصل وين رايح
ضمه فيصل بقوه وفرح:اديم حامل ي رائد دريت
ابتسم رائد بحب:ادري وهي في شهرها الثالث
ضمه فيصل بقوه وبكى : الحمدلله الحمدلله ي رائد
رائد مسح دموعه : الله يكمل فرحتك برجعتها ي رب تعال اوديك انا
فيصل من الفرحه حس انه مو قادره يشوف الدنيا ركض لسيارة رائد وركب وهو نفس يطير
••
•
انا عند ام رامي اللي كانت بزنزانتها وتبكي بندم جاتها السجانه وهي تقول : تحركي فيه زائر
وقفت ام رامي وهي تبكي طلعت وشهقت اول ماشافت رامي واقف ووجهه مليان خيبه وحزن وبجنبه عادل اللي عكسه كان وجهه جامد وحاقد وقفت وهي ترجف :والله ما كان قصدي
تقدم رامي بحزن: وش اسوي يمه قولي لي ليش سويتي كذا وليه كسرتيني وكسرتي اخواني
ركضت له ام رامي هي تبي تحضنه بس وقف بعيد : لا تقربين لين تقولين لي ليش سويتي كذا
ام رامي :لعب علي الشيطان يمه تكفى سامحني ي رامي تكفى
صرخ رامي بغضب: اسامح وش يمه اسامح وش وش جاك من فيصل عشان تسوين كذا مافكرتي وش بيصير له ولنا مافكرتي في سمعتي وسمعة اختي واهلنا ليه يمممه ليه وش بقول وش بقول ابي افهم وش اقول وبأي عذر اعتذر
طاحت ام رامي وهي تبكي : تكفى سامحني وقول لفيصل يسامحني تكفى
لف رامي وهو مو قادر يحط وجهه بوجهه عادل : الله يسامحك بس الله يسامحك
طلع وتركها وهي تصرخ : رامي لا تترك وسن ي رامي
طلع رامي وعادل ورجعوا ام رامي لسجن ووقف رامي منزل راسه: انا مدري وش بعتذر لكن اسف اذا الاسف يغطي شي وانا اوعدك ما تسمع عنا ايي شي باخذ وسن وارجع اميريكا وامانه استسمح لي من فيصل
عادل حزن على رامي اللي كان نظيف وطيب عكس امه قرب وهو يحضنه: ولو ي رامي انت اخو ومالك ذنب ومسامح واعذرنا على اللي صار هذا جزاء
رامي صد وهو يمسح وجهه: مدري وش بقول لكن فعلا جزاء
طلع رامي واتجه للبيت وهو يحس ظهره مكسور من صدمته بأمه واخته دخل الحاره وهو متلثم دخل البيت و اول ما واجهته وسن ضربها كف طلع فيه كل قهره وحسرته سحب عقاله بدون شعور وهو يضربها ويدري ان كل شي من تحت راسها ..

المواضيع المتشابهه لموضوع: عيونك شوكة في القلب توجعني و عبرها للكاتبة ديم الراشد مكتملة لموضوع: عيونك شوكة في القلب توجعني و عبرها للكاتبة ديم الراشد مكتملة
الموضوع	كاتب الموضوع	المنتدى	مشاركات	آخر مشاركة
حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة	همسه الشوق	همس للقصص وحكايات وروايات	42	11 - 7 - 2024 07:31 AM
عزاي إنك رجاي العذب لو كل الدروب عثور للكاتبة اديم الراشد	همسه الشوق	همس للقصص وحكايات وروايات	85	19 - 2 - 2022 08:50 PM
وظائف بشركة الراشد عبد الرحمن الراشد إدارية لحملة الدبلوم و فوق بعسير	همسه الشوق	همس للوظائف في جميع القطاعات	2	20 - 10 - 2021 05:06 PM
ياشجون القلب لو تدري بإن قلبي يعشق عيونك	حنين الأشواق	همس الشعر والقوافي	4	30 - 9 - 2021 03:25 AM
روايه خاني وذليته للكاتبة مشاعل الراشد	جروح الم	همس للقصص وحكايات وروايات	65	8 - 6 - 2018 01:24 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

عيونك شوكة في القلب توجعني و عبرها للكاتبة ديم الراشد مكتملة

همس للقصص وحكايات وروايات