10-01-2019, 08:24 PM
|
|
|
|
|
SMS ~
[
+
]
|
|
|
|
|
|
شعرها عيونها فمها ويدها
تفرق الغيدا عن الغيد برغدها
كل شئ راجح(ن)في جسم نوره
شعرها عيونها فمها ويدها
طلة(ن)تغني عن الصبح وظهوره
مابقى عود(ن)يثنى ماحسدها
وكم تمناها كتاب(ن)في صدوره
صادقه في كل شئ الا وعدها
ياتقدم ياتاخر في حضوره
بس توفي منية الروح بوعدها
لوتعذر فعلا البنت معذوره
لاكبد فيها الزمان الا كبدها
ولاشعور الا وهي تدرك شعوره
غيمة(ن)حنت سما الروح برعدها
لين سقت روضة الصدر وزهوره
نعمة(ن)ماتعرف الا من حمدها
تحفة(ن)تغني عن الملك وقصوره
ذوقتني قبل عام(ن)من شهدها
وعقبها ماصار للسكر ضروره
ان زعل همالها يضحك بردها
ون نشدت روضها تصدح طيوره
كيف اصب عروق دمي في نحرها
كيف اخلي ديرة الوصل معموره
قمت الاحقها تقول اني ولدها
ذاهب(ن)معها بلا رأي ومشوره
مادريت الا وهي توقف وحدها
عند باب القلب مدري خلف سوره
لايعذربها ولا يفتر جهدها
حتى لوماهي على وصلي غيوره
المهم انه خذا قلبي رغدها
الرغد موجود لكن عند نوره
م/ن
|
العرض العادي
