شبكة همس الشوق - عرض مشاركة واحدة - حروفك سرقتني من بين الحضور اهيم بك دهرا ولا اكتفي للكاتبة ثرثره صامته مكتملة

9 - 9 - 2023, 08:19 AM

البارت السابع عشر ~

_

* يوم جديد
الساعه 9 صباحاً

طلعو شوق واسيل وراحو للجامعه على محاضراتهم

* وهم في الجامعه

شوق : ايهه صح اسيل وش صار على شنطتك؟

اسيل : مدري قالو صاحب الشنطه ماحط اي رقم له ومانقدر نوصل له

شوق : صدق !

اسيل : ايه

شوق : اسيل ..

اسيل : هلا

شوق : الكلام الي قلتيه لي امس .. -سكتت شوي وماعرفت كيف تقوله : ليش مصره عليه قد كذا ؟

اسيل : ليش انتي تشوفينه غلط ؟

شوق بارتباك : لا بالعكس كلامك صح بس يعني .. قلت يمكن في شيء ماتبين تقولينه لي ؟

اسيل التفت عليها وسكتت شوي : لا مافي شيء

شوق : بس اكيـ..

قاطعتها اسيل بسرعه : انا تأخرت على محاضرتي لازم اروح

شوق : طيب .. "انا عارفه ان وراك شيء يا اسيل , قد ماتحاولين تخبينه علي ملامحك تفضحك"

مشت شوق وهي تفكر في كلامها وبنفس الوقت في احمد

"اشتقت لسوالفه .. افف اشتقت له بكبره ! بس كلام اسيل .. والي شفته من احمد , اف خلاص مدري"

..

* في بيت نوره

بعد ما سحبت نوره ملفاتها من المستشفى الي تشتغل فيه عبير

كلمت اخوها يدبر لها شقه ..

راحت نوره واخذت كل شيء تحتاجه على اساس رايحه لامها بالشرقيه ..

وقبل ماتلبس عبايتها وقفت عند المرايه وهي تتأمل ببطنها

"انا بالشهر الثاني ولسا بطني ماكبر .. الحمدلله ! بس مهما يصير رح روح لمكان تاني لين ما اولد"

اخذت شنطتها وطلعت من البيت بملامح حزينه

..

* في بيت ليلى
الساعه 12

كان فيصل صاحي من بدري

من بعد كلام ليلى الي قالته له ماقدر ينام على راحته

قام وصار يتفرج بالصور ويفتش على اي شيء ممكن يخليه يتذكر

ولو جزء بسيط من حياته الي نساها

دخل على مكتبه وهو يفتش باوراق الشغل الي كانت على الطاوله

مسك وحده من الاوراق ولفته الاسم الي كان مكتوب عليها "المهندس فيصل الـ.."

ابتسم فيصل وهو يتأمل باسمه "انا حققت الي كنت ابيه , وصرت مهندس زي ماوعدت نفسي"

بس سرعان مارمى فيصل الاوراق على الطاوله وهو حاس بصداع مفاجيء

مسك فيصل راسه وهو يتألم وفي نفس الوقت مرت عليه بعض الذكريات بشكل سريع

عقد حواجبه باستغراب وهو يحاول يتذكر الايام الي مرت عليه في مخيلته

صار يدور على شيء ممكن يخليه يتذكر شيء ثاني

وهو واقف وماسك الاوراق دخلت ليلى عنده وهي مبتسمه

وقربت منه وشافت الاوراق الي بيده

ليلى : هذا اخر مشروع كنت تشتغل عليه

فيصل هز راسه وهو ساكت

ليلى جلست على الطاوله وهي مبتسمه : تعرف شيء ؟ انت كنت من احسن الموظفين هناك .. كان شغلك حلو ومرتب عشان كذا سلمو لك المشروع ذا

فيصل بفرح : جد !

ليلى : ايه

قلبت ملامح فيصل للحزن ونزل راسه وحط الاوراق على الطاوله

ليلى : وش صار ..

فيصل : انا بعد ما كنت احسن موظف , الحين .. انا حتى ما اتذكر ولا شيء من الي درسته , ما اتذكر شغلي .. ما اتذكر ولا شيء

مسكته ليلى من كتفه : لا تفقد الامل .. اكيد بتتذكر كل شيء , الدواء الي اعطاك ياه الدكتور قال انه ينشط ذاكرتك

ومع المحاوله بتتذكر ان شاءالله لانه قال بالاشهر الثلاثه الاولى ممكن ترجعلك .. ف لا تفقد الامل طيب ؟

طالع فيصل ب ليلى وهز راسه وابتسم وهو لسا حاس بضيقه

..

* في الجامعه

في هذا الوقت عند احمد تحديدا

وصل احمد للجامعه بس لسا ماطلع من سيارته

وماسك جواله ويرسل رسايل لشوق على امل ترد "ليش ماترد علي من امس .."

تنهد احمد وهو يتذكر لمن طلعت من السياره وهي معصبه "كانت معصبه مني! بس وش السبب؟ اتصل عليها ؟"

كان احمد متوتر يتصل او لا , لانه ماقد اتصل عليها قبل كذا , ووش بيقول اذا ردت ؟

لكنه تشجع واتصل , بس استغرب احمد لان جوالها كان مقفل ..

طلع احمد من السياره "ان شاءالله مافيها شيء .."

وفي طريقة للمحاضره بدا احمد يفكر اكثر بشوق , بس الي وقف تفكيره انه استغرب من نفسه ليش يفكر فيها

قد كذا .. "شوق شاغله تفكيري من اول ما راحت .. احمد انت حبيتها؟" -ابتسم احمد وهو متأكذ من كل المشاعر الي بقلبه وكمل مشي

..

* في الجامعه عند اسيل

حضرو مجموعة دكاتره عشان يلقون محاضرهه بسيطه على طلاب الطب

اسيل دخلت المحاضره متأخرهه وجلست جنب صديقتها وهي تطلع اغراضها من الشنطه

وما انتبهت للدكاتره

صديقتها رهف بحماس : اسيل شوفي شوفي الدكاتره

اسيل مارفعت راسها لان كانت مشغوله : اصبري وين اغراضي !

رهف : اسسسيل ! شوفي الي واقف على اليمين

اسيل رفعت راسها وهي تتأفف : اي واحد بعد !

رهف وهي تأشر : الي على اليمين

الدكتور انتبه لرهف وهي تأشر عليه , وبنفس الوقت اسيل جات عينها بعينه

شهقت اسيل : يوهه ! بسم الله هو نفسه ؟

الدكتور لف وجهه عنهم وكمل شغله

رهف باستغراب : وش الي هو نفسه ؟

اسيل صارت تحاول تركز بوجهه اكثر تبي تتأكد هو نفسه الي كان بالمطار ولا لا

اسيل "الا هو ! انا متأكده .. وش فيني فرحت لذي الدرجه ههه"

رهف كانت مستغربه من تصرفات اسيل ومن ابتسامتها وكأنه تعرفه ..

ومع هذا ما نطقت بحرف لها

طول المحاضرهه كانت اسيل مسرحهه في الدكتور فهد وماقدرت تشيل عنها عنه

..

* في الجامعه
الساعه 2

بعد ما خلصت محاضرات احمد وانس

طلعو من بعض وراحو عن سياراتهم ..

انس : اقولك احمد !

احمد : هلا

انس : تعال نروح نتغدى ؟ على حسابي

احمد بضحك : على حسابك انت ؟ من متى عندك فلوس

انس : ههههههههههههههه اقولك اعرفلك وحده مره بطرانه تقول تبي تطلع تتغدى معي

احمد سكت شوي ورجع يتذكر شوق : لا خلاص انت اطلع معاها انا مابي

انس وهو يحط يده على كتف احمد : اقول انت بتجي معاي

تنهد احمد : والله مابي

انس : افف انس ترا انت صاير ماتطلع معاي من كم يوم وش صار !

احمد : مالي خلق بنات ..

انس بعصبيه : قدامي يلا اشوف , حرك سيارتك

احمد : هههههههههههه طيب لا تعصب

انس : يلا اركب سيارتك وخلك وراي هاه !

احمد : قداممم

مع ان احمد ما كان يعرف وش الي يمنعه , بس كل مايتذكر شوق مايبي يطلع مع بنات غيرها

لانه يحس انه قاعد يخونها , -ركب سيارتهه وصار يمشي ورا انس للمطعم

..

* عند مشعل
الساعه 4 العصر

بعد ماراح مشعل واخذ فيصل

راحو للاستراحه لانه يبي يساعده يتذكر الي كانو حوله

* في الاستراحه

كان في عبدالرحمن ورائد وخالد

لانهم كانو يبون يساعدون فيصل باي شكل من الاشكال ..

ويسوون الي يقدرون عليه على امل يتذكر ولو شوي من الي نساه

- دخل مشعل ومعاه فيصل للاستراحه

كلهم انتبهو له , رائد بحماس : اوهه شوفو مين جا !

خالد : فيصل !

بس فيصل كان يبتسم لهم وهو اساسا مو متذكر اي واحد فيهم غير مشعل

عبدالرحمن : تعال فيصل اقعد جنبي اشتقت لك يارجل !

فيصل قرب جنبه وقعد وهو مرتاح لعبدالرحمن

وصارو كلهم يسولفون معه وما حسسوهه انه فاقد ذاكرته او اي شيء

وهم يسولفون التفت خالد على مشعل وهو مبتسم وبصوت واطي : زين الي لسا متذكرك

مشعل تذكر المضاربه الي صارت بينهم , وبنفس الوقت اقتنع ان الغلط كله مو على خالد ..

و ماحب يطول الزعل بينهم

ف صار ياخذ ويعطي معاه بالكلام ونسى الي صار بينهم تماما ..

..

* في المطعم
الساعه 3

بعد ما راح احمد مع انس بالقوهه للمطعم

وقبل مايوصلون للطاوله الي فيها البنت

التفت انس على احمد وهو يهدده : شف يا احمد اذا بتسوي حركات كذا ولا كذا بوريك شغلك لمن نطلع

احمد وهو يتأفف ويدف انس : اقولك امشش بسرعه بس ماجيت الا عشانك ولا انا وش ابي فيها !

انس : اقولك البنت بطرانه !!

احمد : واذا ؟

انس تنهد : احمد تكفى انا ما اجيبك معاي الا عشان وجهك بس يلا تكفى بس ذي المره خلها تعدي على خير

احمد : طيب خلاص ماني مسوي شيء

- مشى انس مع انه كان متأكد ان راس احمد يابس وبيسوي اي مشكله

بس عشان يطلع من المطعم كعادته ..

راحو وجلسو عند البنت

اول ماشافتهم ابتسمت لانس واحمد

البنت : هلا والله ليش تأخرتو !

انس : لا بس زحمة الطريق وكذا -صار يدق احمد عشان يتكلم

بس احمد ما اعطاه وجه وابتسم للبنت بدون نفس

انس لف عليه وبصوت واطي : لا تخليني اذبحك !

احمد : وش اسمها نسيت ؟

انس : رغد

احمد التفت على البنت : ايه رغد وش مسويه ؟

رغد : الحمدلله ماشي حالي , بس خلونا نطلب اول ..

انس : ايه يلا

..

* في نفس الوقت
في الجامعه

عند اسيل

على نهاية المحاضرهه واسيل مسرحه في الدكتور

قطع تفكيرها مجموعة بنات جنبها يتكلمون عنه

.. : ماشاءالله عليه يجنن يا ليتني اعرفه

.. : ترا سمعت انه بيحط رقمه عشان الي يبي يتصل ويستفسر بيرد على البنات

.. : اما ! تعالي ناخذ رقمه !

.. : ماعندك سالفه تتصلين عليه وش تقولين ههههههههه

.. : مادري ياشيخه بس ابي اكلمه هههههههههههه

.. : امشي اجل هههههههههه

في نفس الوقت التفتت اسيل على صديقتها رهف

اسيل : اقول رهف !

رهف : هلا

اسيل : الحين صدق بيحط رقمه ؟

رهف : ايه رقم الشغل !

سكتت اسيل وهي براسها الف فكره وفكره ,

كانت تنتظر البنات يروحون عشان تقدر تكلم الدكتور فهد

..

* في المطعم
عند احمد وانس

بعد ما طلبو وتغدو ..

قعدو يسولفون وياخذون ويعطون مع بعض , اما احمد ف كان فكرهه مشغول ب شوق

طلع جواله لا ارادي وصار يحاول يتصل بس مافي فايده جوالها مقفل من يوم ما رجعت لبيتها ..

احمد "لها يومين مقفله جوالها اكيد صارلها شيء!"

بس الي قطع تفكير احمد صوت رغد

لمن شافت جوال احمد بيده ..

رغد : احمد !

احمد التفت لها بلا مبالاه : نعم

رغد وهي مستحيه : ماعطيتني رقمك

احمد سكت وصار يطالع فيها , اما انس ف كان يدقه من تحت عشان يعطيها

تنهد احمد وخرف لها رقم ..

كتبته رغد بجوالها عشان تسجله , وبنفس الوقت اتصلت عشان تتأكد من الرقم

رجع احمد يقلب بجواله وهو مو مهتم لها ابدا بعكس انس ..

وفي نفس الوقت رد الي اتصلت عليه رغد !

استغربت رغد من حركة احمد الي سواها , التفتت عليه وابتسمت وهي مقهوره

رغد : احمد ..

احمد : نعم

رغد : هذا مو رقمك صح ؟

احمد سكت شوي وطالع بانس الي كان يسوي له حركات ويهدده بعيونه

بس ابدا ما اهتم لانس والتفت عليها ببرود : ايه مو رقمي ..

رغد : ليش ماعطيتني رقمك ؟!

احمد وقف من مكانه بعصبيه : وليش اعطيك رقمي ؟ -قام احمد من الطاوله ومشى

رغد استغربت اكثر من تصرفات احمد وحست انه شايف نفسه ..

التفت انس عليها بارتباك : ههه ! معليش هو عشان .. يعني ! ايه هو تعبان اليوم وكذا !

رغد : لا عادي !

انس : انا .. ايه انا بروح اشوف وش فيه واجي طيب ؟

رغد : خذ راحتك

- قام انس من الطاوله الي كانت حولينها حاجز , لانهم بقسم العوائل

كان احمد يستنى انس بعيد شوي عن الطاوله وهو عارف انه بيجي

جا انس بسرعه عند انس والعصبيه باينه عليه

رجع احمد على ورا وهو يضحك بصوت واطي : انس اسمعني والله ماقصدت !

انس وقف مكانه وهو ماسك عصبيته وأشر له بيده عشان يقرب منه

احمد وهو يحرك يده ويضحك : انس بالغلط طلعت مني !

انس سحب احمد من بلوزته وضربه على راسه وبعصبيه وصوت واطي : انا كم مره اقولك يا حيوان لا تسوي هبالتك ذي وتسويها !

احمد : هههههههههههههههه مدري طلعت مني !

انس : بعدين رقم مين ذا الي عطيتها ياه !

احمد : رقم راعي البقاله الي جنب بيتنا ههههههههههههههههههههههههه هههههههه فكني فكني اقول

انس ضربه مره ثانيه : افكك لمن تهجد وتبطل تسوي حركات ! هذيك المره ورطتني مع البنت الي بالكوفي والحين ذي !

احمد بصوت واطي : انت ماشفت كيف مياعتها ! رفعت لي ضغطي !

انس سحبه من بلوزته اكثر : شيء طبيعي بتكون مايعه ياحيوان هي بنتتتت ! بنت !

احمد بعد يد انس عنه : لا ذي عاد مره بزياده معليش ما استحملتها !

انس : انت وش صاير معاك مو اول مره تطلع مع وحده مايعه ترا طلعنا مع الي اخس منها !

احمد : قلتلك معاد ابي اطلع مع بنات افهم

انس : ايهه ليشش؟ انت ترا لك كم يوم مو طبيعي ترا فيك شيء وش صار لك ؟

احمد سكت وهو حابس ضحكته من شكل انس

انس : من متى احمد مايطلع مع بنات ؟

احمد : خلاص ماحب اطلع مع بنات

انس شهق بشويش : هاهه!! عرفت خلاص !

احمد : وشو !

انس بحماس : انت تحب وحده من هنا ولا من هنا وماتبي تطلع مع بنات عشانها ؟

احمد سكت وهو مستغرب من انس وبارتباك : وش تقول انت ! ههه انا احب ؟

انس رفع حاجبه وابتسم

احمد ارتبك اكثر وشال عينه عن انس : مستحيل !

انس وهو مبتسم : باين على وجهك اصلا وانا داري من اول بس الحين الي تأكدت ! مع انك مو وجه حب

احمد : ههههههههههههههههههههه

انس : تضحك بعد ! يعني من جد حبيت ؟!

احمد وهو مستحي : لا هو يعني مو حب حب بس انو ..

قاطعه انس : تطقطق ؟

احمد : لا احبها بس ..

قاطعه : قلتها ! تحبها .. طيب اعرفها انا ؟

احمد سكت شوي : يعني .. ايهه تعرفها بس ..

قاطعه للمره الثالثه : لا يكون سمر !

احمد باستغراب : كيف !

انس : لا اجل منى ؟

احمد : لاءء !

انس : لا تقول لي هديل ؟

احمد : اصبر طيب !

انس : ياحيوان جبت راس خلود ؟

احمد رفع حاجبه باستغراب : انس !!

انس : اما عاد ! لا يكون غدير ؟

احمد : اصبر انس طيب بتكلم !

انس وهو يعدد له اسماء بنات كثير يعرفهم

وبنفس الوقت احمد يحاول يسكته عشان يقوله اسم البنت الي يحبها

انس لسا مستمر , قاطعه احمد بعصبيه : ششششوقق !! شوق , شوق ! الي احبها هي شوق !

انس سكت باستغراب وهو يحاول يستوعب : شوق ؟

احمد : ايه شوق !

انس سكت شوي : انا اعرف شوقين ! شوق الطويله ولا شوق الي صوتها خايس ؟

احمد : ولا وحده !

انس : اجل مين وجع !

احمد بارتباك : شوقق بنت .. عمي !

انس وهو مفجوع : شوق ! يووهه شوق ذيك الي كنا نلعب معاها ايام زمان ! غبارر !! ههههههههههههههههههههه

احمد صار يضحك بشويش وهو مستحي لانه قال لانس

انس : بس كيف كلمتها بالله ؟

احمد : قبل اسبوعين لمن امها سافرت الرياض , هم بيتو عندنا .. ماتذكر؟ كنت تجيب اختك دايما ويجلسون مع بعض

انس : اها ايه صح ! - سكت انس شوي بس التفت عليه بسرعه وهو يعطيه نظره غريبه ومبتسم

احمد باستغراب : وش فيك ..

انس لسا مبتسم ويرفع حواجبه

احمد فهم تفكير انس الوسخ كعادته : لالالا

انس وهو مبتسم : ههاا ؟ وش صار ؟؟

احمد : لا ياحيوان ماصار شيء !

انس : ههههههههههههههههههههههه امزح معاك

احمد : وقسم فجعتني !

انس : صدق ؟ يعني مسوي مصيبه !

احمد : اقول اسكت بس ماسويت شيء ! المهم انا طالع - واول مالف احمد عشان بيطلع من المطعم سحبه انس من بلوزته

انس : سلامات وين رايح ؟ والبنت وش اسوي فيها ؟

احمد وهو يدف انس : اقول امش قدامي بس وطنش البنت ! يلا يلا اركب سيارتك بس

انس : ههههههههههههههههههههههههه ه يلا

..

توقعاتكم :
البارت الجاي يوم الثلاثاء