مجموع الأوسمة: 17

البارت التاسع عشر ~


_









*في بيت ماجد
في الصباح



قامت عبير من نومها على حس ماجد

وهو يلعب بشعرها بهدوء بدون مايتكلم

بعد مافتحت عيونها ابتسمت له : ما كأننا تأخرنا على الدوام ؟

ابتسم ماجد بس ما رد عليها

عبير وهي تقوم : يلا نتجهز

مسكها ماجد ورجعها لحضنه : خليك شوي

عبير وهي تضحك بدلع : بنتأخر بعدين

ماجد : ابي اقعد معاك بعد شوي بس

عبير بعدت عنه : لمن نرجع مو الحين

وراحت للحمام عشان تتجهز ..

قام ماجد ومسك جواله بعفويه بس ماكان فيه اي اتصال او رساله من نوره ..

استغرب ماجد لانه مو من عاداتها ماتكلمه "وصلت؟! طيب ليش ماتتصل وتطمني .."


وهو يفكر بنورهه قطعت عبير تفكيرهه : مماجد تبي فطور ؟

ابتسم لها ماجد : ايهه

حط جواله بمكانه وراح ..








..







* في بيت ليلى
في الصباح الساعه 9



كانت ليلى صاحيه وجالسه بغرفة النوم وتفكر

بحياة فيصل كيف بتكون لو مارجعت له ذاكرته !

"مارح يرجع لي فيصل القديم .. هذا مو فيصل , انا مااعرفه

اشتقت له حيل والمشكله انه قدامي! بس معاد هو نفسه .."


وهي تفكر سمعت اصوات بالغرفه الي جنبها , استغربت وراحت تشوف ..


فتحت باب الغرفه بشويش بدون ماتتكلم

كانت الغرفه مقلوبه فوق تحت وكل شيء مو في مكانه

وكل الملابس فوق بعض , اما فيصل ف كان

لابس الثوب حقه ويدور اغراضه بين الملابس

ليلى باستغراب : فيصل ؟

فيصل التفت عليها ورجع كمل شغله وهو معصب

قربت منه ليلى شوي : فيصل تبي اساعدك ؟

فيصل بعصبيه : لا تساعديني ! انا ابي اتذكر من نفسي !!

ليلى وقفت مكانها وهي تحاول تعرف هو وش يبي بالضبط

فيصل صار يتأفف وما ترك مكان مافتش فيه , التفت على ليلى بدون مايتكلم وكأنه يبيها تساعده

ليلى : وش تبي يمكن اعرف وينه ؟

فيصل : ابي اغراض الشغل , الاوراق والملفات ! وبعد مادري وين شماغي ..

ليلى ابتسمت له عشان يهدأ وراحت تطلع كل شيء من مكانه

جات عندهه واعطته ملفاته واوراقه , وقربت منه اكثر وصارت تعدل له الشماغ حقه

فيصل لمن شاف ليلى وهي قريبه منه وريحتة عطرها المألوفه

غمض عيونه بقوهه وهو يحاول يتذكر

ليلى : خلصت ! الحين انت جاهز تقدر تروح ..

طالع فيها بدون مايتكلم وابتسم لها ابتسامه خفيفه

وطلع من البيت

سكتت ليلى وهي مستغربه "كيف بيرجع لشغله ؟ وهو حتى مايتذكر اي شيء!"

مع انها كانت عارفه ان مشعل وزملائه هم الي اصرو عليه يجي

لانهم متوقعين انه ممكن يرجع يتذكر شيء من جديد






..









* بيت ام شوق
غرفة اسيل تحديداً
الساعه 10



كانت اسيل ماسكه جوالها وتتأمل الساعه وبيدها الثانيه كرت الدكتور فهد ..

كانت متردده تتصل او لا؟

"يمكن يكون الوقت بدري؟ طيب وش اسوي لو كان مشغول! اذا اتصلت يمكن ازعجه!!"

كانت اسئله كثير تخطر على بالها وهي متردد ومرتبكه

كتبت رقم , رقمين ومسحتهم .. وترجع تكتبهم وتمسحهم !

وهي جالسه ومو منتبهه لاحد دخلت عندها شوق

شوق انسدحت على سرير اسيل وهي تتأفف : طفشش والله !

اسيل كانت ساكته وكل تركيزها على الجوال والكرت

شوق التفت عليها وتعدلت بجلستها : وش الي بيدك ؟

اسيل انتبهت لها وحطت الكرت بجيبها بارتباك : مافي شيء بيدي !

شوق باستغراب : وش الي حطيتيه بجيبك؟

اسيل : مو شغلك !

شوق : قوليلييي ! بتتصلين على مين ؟

اسيل وقفت من مكانها : قلتلك مو شغلك

شوق وهي تمسكها باستهبال : قوليلي وش مصيبتكك !

اسيل : بعدي عني !!

شوق مدت بوزها بعصبيه : طيب يا اسيل ! بعدين تعالي قوليلي ساعديني

اسيل : الحمدلله انا ما اسوي حركاتك

شوق : ايه هين خليني اشوفك تجين

اسيل : ممماني جايه انقلعي برا غرفتي

شوق : طيب وجع !


قفلت اسيل باب الغرفه بالمفتاح

وطلعت الكرت وكتبته بسرعه واتصلت بدون تردد !

ومع كل رنه كانت اسيل خايفه "يارب مايرد ياربب!"

لكن .. رد !



فهد : الو ؟

اسيل بصوت واطي : الو !

فهد : ايهه تفضلي؟

اسيل : دكتور فهد انا .. اسيل !

فهد : اسيل ؟ مين اسيل؟

اسيل "يارببيه وش بقول له الحين!"

فهد : انتي اسيل الي معك شنطتي ؟

اسيل : ايه انا

فهد : اها اتذكرتك ايه هلا وش بغيتي ؟

اسيل "ابد مابغيت شيء بس اسلوبك يحسسني اني مالي داعي"

فهد : الوو ؟

اسيل : ايه هلا !

فهد : طيب متى تبين شنطتك ؟

اسيل : تقدر اليوم ؟

فهد : الحين ؟

اسيل : ايه !

فهد : طيب استني شوي اشوف جدولي وارد لك خبر بعد دقايق ! وبحدد مكان نلتقي فيه

اسيل : طيب ..

فهد : مع السلامه


اسيل قفلت بسرعه بدون ماتقول اي شيء

كانت كارهه نفسها بشكل مو طبيعي لانها اتصلت "اففف ليش اتصلتي اكرهك يا اسيل!!!"




اما فهد , ف ابتسم وكان عارف انها مرتبكه وماعرفت ترد من اسلوبه ! لآنه كان متقصد بكل كلمه قالها

وفي نفس الوقت كان عارف ان هي الي اتصلت عليه امس ..

راح بسرعه واخذ شنطة اسيل وصار يرجع كل شيء مكانه

وجات يده على الدفتر الاسود ! "بس انا للحين ماعرفت لقصتك زين!"

ترك الدفتر من يده وقفل الشنطه , رسل لها رساله بالكوفي الي بيلتقون فيه وبالساعه

وراح يلبس ويتجهز








..







* في نفس الوقت
بغرفة شوق



دخلت اسيل عندها وهي مو عارفه كيف تقول لها

شوق التفت عليها : خير جايه ؟ توك طردتيني !

اسيل قربت عندها وباين ان عندها شيء بس مستحيه تتكلم

شوق حست فيها وتعدلت بجلستها : هاتي الي عندك ؟

اسيل بتوتر : شوفي تتذكرين الي قلتلك عنه الي ماخذ شنطتي ؟

شوق : ايه وش فيه ؟

اسيل : يعطينا محاظرات بالجامعه وكذا بس مو بشكل دائم يعني و..

شوق قاطعتها بحماس : امما ! ذاك الحلو ؟

اسيل رفعت راسها باستغراب : شفتيه ؟!

شوق : لا انتي قلتيلي

اسيل تنهدت : الزبده! اعطاني رقمه عشان ..

شوق قاطعتها مره ثانيه : اخذتي رقمه !! اتصلتي عليه ؟ لا يكون عشان كذا طردتيني ؟!

اسيل عصبت منها : اسمعيني طيب وجع ! اخذت رقمه عشان نرجع شنطنا لبعض ! والحين هو يقولي تعالي بالكوفي الي نسيت اسمه وبعد نص ساعه

شوق : على كيفه ذا !

اسيل : طيب عشان هو دكتور

شوق : واذا يعني دكتور يتشرط بعد

اسيل : مسكين ماعنده وقت فاضي طيب !

شوق : شف ذي الثانيه تدافع عنه بعد ! المهم بتروحين الحين ؟

اسيل : ايه ابيك تجين معاي !

شوق : امي تدري ؟

اسيل : لا طبعا ! كلمتها وقلتلها اني بقابل صديقتي رهف بالكوفي وباخذ شوق معي ..

شوق : ماشاءالله !

اسيل : شوفي لا تطالعين فيني بهذي النظره وقومي البسي يلا

شوق : طيب طيب !







..








* في المكتب
عند ماجد تحديداً


بوسط اشغاله وتفكيرهه الي كان يشغله

تذكر نورهه مره ثانيه

مسك جواله عشان يشوف اذا في اتصال منها

بس للاسف ! مافيه .. تنهد ماجد واتصل عليها

بس ماكان في اي رد منها , ومره ثانيه .. وثالثه !

لسا مافي رد , بدأ ماجد يخاف على نورهه

لانها لمن طلعت كانت زعلانه منه ..

"المشكله وش يوديني للشرقيه! وماعرف ارقام اهلها بعد!!"

تأفف ماجد ورمى الجوال على المكتب

وكمل اشغاله وهو يفكر







..








* في الشركه
الي يشتغل فيها فيصل



دخل فيصل مع مشعل

والكل بدأ يرحب فيه ويتحمد له بالسلامه

ما كان لفيصل الا انه يرد السلام ويبتسم لهم

وهو اصلا مو متذكر اي واحد فيهم ..

مشعل التفت عليه وهو حاس انه مرتبك ومو عارف اي احد

مشعل : فيصل , تبي ترجع ؟

فيصل : لالا ! بس وين مكتبي ؟

مشعل اشر له على مكتبه : هذاك هو ! والمكتب الي جنبك على طول مكتب رائد , وانا هنا

فيصل هز راسه وراح لمكتبه


اول ما راح فيصل من عند مشعل

جا مدير شركتهم لمشعل

المدير : مشعل !

مشعل : ايه هلا

المدير : انت متأكد ان الي تسويه صح ؟

مشعل : لازم نجرب .. وان شاءالله يتذكر ليش لا ؟

المدير : بس اذا كنت تضغط عليه مابيطلعلك بنتيجه !

مشعل التفت عليه : انا ماضغطت عليه ! انا قاعد احاول قد ما اقدر اعيشه بنفس الروتين الي كان فيه

المدير : صح ! بس فيصل ما اتوقع بيرجع يتذكر مره ثانيه

مشعل عصب من كلامه بس حبس عصبيته لانه مديرهه ومايقدر يسوي له شيء !

المدير : لو ماتذكر .. بتكون هذي خسارهه كبيره للشركه ! لان فيصل كان افضل الموظفين هنا , عموما انا بكون بمكتبي اذا احتاج فيصل لشيء عطني خبر

مشعل : حاظر ..




اما فيصل

ف كان ماسك الاوراق بيد والملفات بيده الثانيه

ومشوش ومو عارف وش يسوي بالضبط

ومع هذا ماكان فاقد للامل

كان متأكد وعنده كل الثقه انه راح يرجع يتذكر

وحتى لو ماتذكر شغله ! كان بس يبي يتذكر حياته مع ليلى ..








..







* في الكوفي
عند اسيل وشوق


دخلت اسيل وهي مستعجله وصارت تتلفت بالمكان وتدور عليه

شوق وهي تطالع فيها باستغراب "اول مرهه اشوق اسيل مهتمه باحد قد كذا .."

اسيل : وينه !!

شوق : شكله ما جا , خلينا نقعد هنا


واول ما قعدو بالطاوله , مسكت اسيل جوالها وشافت رساله من فهد

(دقايق واكون عندك , تأخرت عشان الزحمه بس قربت خلاص)



اسيل بفرح : بيجي بيجي !

شوق وهي تطالع فيها بنص عين : طيب ؟

اسيل حست على نفسها : الحين انتي ليش جالسه عندي ! قومي دوريلك طاوله ثانيه

شوق : يا سلام ! ليش جايبتني اجل ؟

اسيل : مابيه يعرف اني جايبه احدد معاي ! اجلسي بالطاوله الي جنبنا عشان تشوفينه بس

تأففت شوق وقامت ورااحت تدور طاوله بعيدهه

وهي تمشي بالكوفي لمحت ولد يشبه انس ومعاه بنت ..

عقدت شوق حواجبها وهي تحاول تشوف وجهه عشان تتأكد !

جلست بالطاوله الي جنب انس على طول وهي تطالع

التفت انس بعفويه يبي ينادي الجرسون

توسعت عيون شوق وشهقت بصوت واطي "هذا انسس ! كنت حاسه اصلا!! محد يطلع مع بنات وعنده ذي الحركات الا هو!"

ما شالت شوق عينها عنه وصارت تطالع فيه وبالبنت وهي تشوف وش يسوونن


التفت انس على البنت ومسك يدها وضحك وهو يتكلم

بس كلامه ماكان مسموع لشوق

شوق "شف ! يمسك يدها !!"

تعدلت شوق بجلستها اكثر وهي تحاول تقرب عشان تسمع اي شيء


انتبهت لها البنت والتفتت على شوق

اما شوق ف ماكانت مركزه ان البنت تطالعها


البنت بدلع : حبيبي في وحده ماتشيل عينها عننا من اول !

انس : وين ؟

البنت اشرت عليها : هذي ! تعرفها ؟


انس التفت على شوق , بس قبل ما يشوف وجهها شهقت شوق

ورمت الطرحه على وجهها بدال اللثمه !

شوق بخوف "يممممه لا يكون عرفني!!"


انس ارتبك لانه حس انها وحده من البنات الي يعرفهم : لالا ما اعرفها ماعليك منها !

البنت : طيب ليش تطالع فيك ؟

انس باسلوبه الي يجذب البنات له والي كله كذب في كذب جاوب عليها بطريقه حلوهه

استحت البنت وصارت تضحك بدلع


شوق وهي مقهوره مع نفسها "اخ بس لو عندي جوال كنت صورتك ياحيوان بس هين!"

ولسا تطالع فيهم حتى وهي راميه الطرحه

وهذا الي خلا انس يرتبك اكثر وهو مايعرف مين هي ..






اما بالطاوله الثانيه
عند اسيل


كانت اسيل تنتظر وهي متحمسه ومتوتره بنفس الوقت

بس الي خلاها تفرح اكثر لمن لمحت فهد بطوله وبهيبته وهو توهه داخل الكوفي

تعدلت اسيل بجلستها وعدلت اللثمه


جا فهد وجلس قبالها : اسف , تأخرت عليك ؟

اسيل : لالا عادي

فهد ما شال عينه عن اسيل وهو مبتسم

رفعت اسيل عيونها وجات بعينهه

ارتبكت اسيل ومسكت شنطته عشان تغير الموضوع : هذي هي شنطتك !

فهد اخذ شنطته واعطاها شنطتها : ششكرا

اسيل حطت شنطتها جنبها وكانت تبي تفتحها عشان تتأكد من الاشياء الي جوتها

اتوتر فهد لانه مايبيها تلاحظ ان الدفتر الاسود مو موجود , بصوت عالي وبدون مايحس : اسيل !!

استغربت اسيل وتركت الشنطه : نعم ؟

فهد ابتسم بتوتر : دامنا هنا مع بعض , وش رايك نشرب شيء ؟

اسيل : طيب ..

لاحط فهد ان اسيل باين عليها مستحيه وقالها بمزح : ترا عادي مو لاني دكتور واعطيك بعض المحاظرات يعني تكونين مستحيه مني

اسيل ضحكت له : لا مو كذا ..

فهد سكت شوي يبي يعطيها فرصه تتكلم

اسيل حاولت تفتح موضوع : بس .. ليش اختارو مجموعتكم انتم بالذات تعطوننا محاظرات ؟

فهد : المحاظرات الي نعطيكم هي مو بشكل دائم بس عشان تكون عندكم فكره للشيء الي تدرسونه ,

ف هم حبو يخلون الدفعات الي تخرجت قريب تعطي المحاظرهه , عموما كلها كم يوم ومارح اجي للجامعه بعد كذا ..

اسيل سكتت شوي وحاولت تفتح مواضيع ثانيه , كانت تبي تعرف اذا هو متزوج او لا ف لجأت للكذب : اغلب الي بالجامعه يقولون انك متزوج , ماشاءالله شكلك مو مبين عليك ..

فهد ضحك باستغراب : متزوج ؟ لا مستحيل اصلا ما افكر بالزواج الحين

اسيل : ليش ؟ شغلك حلو وعمرك مناسب غريبه ماتفكر بالزواج وتستقر

فهد : الاستقرار مايكون مع الزوجه بس , انا مستقر مع ذاتي وما احتاج زوجه

اسيل هزت راسها وسكتت , اما فهد ف رجع لها نفس السؤال : وانتي ؟ ماتفكرين بالاستقرار ؟

اسيل ابتسمت وسكتت شوي : انا ما افكر بالزواج

فهد : ليش ؟

اسيل : ليش اتزوج واحد بيتعبني ؟ وعقليته عقلية طفل ؟ لا ابدا ما افكر بالزواج لا الحين ولا بعدين

فهد : بس الزواج سنة الحياه , والحب بحد ذاته لذه .. مافي بنت ماتبي تتزوج

اسيل : الحب لذه صح ! بس في مجتمعي الحب ما صار له قيمه , يعتمد على اشياء ثانيه !

فهد : كيف يعني ؟

اسيل : يعني .. تفكير الرجال في الحب ؟ مو كله يكون عشان الحب !

فهد : وضحي اكثر ؟

اسيل : اعطيك مثال ! الحين لو شفت بنت قدامك وش اول شيء بتفكر فيه ؟

فهد ابتسم : وش بفكر اذا شفت بنت قدامي ؟

اسيل ارتبكت من ابتسامته وحست انه يقصدها

فهد كتف يدهه وهو يتأمل بعيون اسيل ومبتسم : جمالها , عيونها , خجلها , اسلوبها

اسيل ماقدرت تشيل عينها عنه وماتبي تبين انها مستحيه , بس حمرةة خدودها فضحتها

نزلت اسيل راسها : لا! مايفكرون كذا !!

فهد كان ساكت ويبيها تكمل كلامها

اسيل : الرجال بشكل عام مايفكرون الا باللي ياخذونه من البنت ! -سكتت وهي تتذكر ..

وكملت بعصبيه خفيفه : هذا هو تفكيرهم ! وسخ

فهد : مو كل الرجال كذا !

اسيل وهي رافعه حاجبها : الا كلهم كذا ! وكلهم اعتبرهم حثالةة للمجتمع ! ومجتمعنا بيكون احسن لو هم مافي !

فهد ضحك بسخريه : انا قد قابلت زي نوعيتك كثير , تقريبا نص الحريم حاقدين على الجنس الذكوري !

اسيل : كله من افعالكم !

فهد : ماتقدرين تحكمين على كل الرجال من تجربة حب فاشله !

اسيل سكتت بخوف وحست انه قرا شيء من الدفتر الاسود ,

طالعت فيه بنظرات عصبيه اما هو ف كان هادئ جدا ورايق

مسكت اسيل الشنطه حقتها وقامت بدون ماتقول له شيء


لمن راحت اسيل كتف فهد يده وقعد يضحك على حركاتها



اسيل اشرت لشوق من بعيد عشان تجي

شوق كان كل همها انس وكانت مقهوره انه طالع مع بنت , مو عشان شيء بس لان انس معروف بحركاته عند الكل

انه لعاب ويحب البنات والخ ..

لمن اشرت لها اسيل عشان تجي , عدلت شوق لثمتها وهي جالسه ومتقصده تخليه يعرفها

وفي هذا الوقت كان انس قاعد يطالع ف شوق وارتبك اكثر ! لانها بنت عمه

ارتبك انس من نظرات شوق الي ماشالتها عنه ابدا


جا الجرسون عند شوق : تفضلي الفاتورهه

شوق بدون ماتفتحها , اشرت على انس : على حسابه -وراحت بدون ماتتكلم



استغرب الجرسون وراح لانس : لو سمحت , هذي الفاتوره للبنت الي كانت معاكم

البنت الي معاه باستغراب : ماشاءالله ! يعني تعرفها ؟

انس بارتباك : لا !

البنت : يصير خير يا انس - وقامت من مكانها وهي زعلانه وراحت

الجرسون حط الفاتوره وراح



انس "لا حول ! خلصنا من احمد الي يخرب علي وجات لنا شوق ! ثقيلين دم زي بعض كلهم سبحان الله !! مدري وش حبيت فيها يا احمد"

كمل انس الكوفي حقه ودفع كل شيء وراح










..



توقعاتكم :
البارت الجاي يوم السبت