مجموع الأوسمة: 17

البارت الخامس والثلاثون



_













في الجامعه
الساعه 3 مساءاً


بعد ماخلصت محاضرات احمد وانس

ركب احمد بسيارةة انس بما ان سيارتهه خربت كالعادهه

وكانو واقفين وينتظرون هلا والبقيه يجون ..




انس : مايصير شوف لك صرفه بالخردهه الي معاك

احمد : شايف عندي فلوس الحين ولا قاعد على بنك , زين انها للحين تتحرك

انس : يلا ماعلينا -وفجأه رن جواله


انس بحماس : يووهه احمد تتذكر ذي البنت !

احمد : اي وحدهه

انس : هذي الي اقولك عليها خرفنتها سبعمية مرهه

احمد : ياقدمها للحين عايشه , شتبي فيك المشكله

انس : مدري عنها

رد انس وحطه سبيكر وصار يتكلم معاها

وزي كل مرهه يستهبل على البنات مو اكثر ..








* وفي نفس الوقت

البنات طلعو من الجامعه وهم يدورون سيارةة انس


شيماء : وينه ذا !

شوق : شوفي هذي هي السياره صح ؟

هلا : لا مو هذي

شوق بحماس : الا شوفي حتى معاه احمد !

هلا : صدق !


وراحو بسرعه عند السيارهه




اما احمد وانس ف ما كانو منتبهين لجيتهم

البنت بدلع : انسسس!

انس : ياعيون انس

- وقبل ماتتكلم البنت او تنطق باي حرف

دخلو هلا وشيماء وشوق بنفس الوقت وركبو السيارهه


البنت بدلع : انس انا مرهه مشتاقة لك وابي اشوفك متى بس قول لي ؟

اما انس ف خاف وبسرعه صار يبي يقفل السبيكر او يقفل الخط بس لسوء حظه

جواله كان معلق والكل سمع كلام البنت


البنت كانت لسا تتكلم وانس يحاول يقفل بس مافي فايدهه


شيماء وشوق وهلا كانو مستغربين ويطالعون ببعض

بس شيماء كانت مقهورهه شوي , لان الي قهرها اكثر ان ماله كم ساعه كلم اخته وقال لها ابي اخطب شيماء ؟

كيف يفكر يخطب وهو لسا يكلم بنات للحين ؟



اما شوق ف استغربت وبنفس الوقت انقهرت اكثر لانها تحسب احمد يعرف البنت زي انس !

وهلا كانت ساكته وحابسه ضحكتها على اخوها




وقبل ماتتكلم البنت مرهه ثانيه قفل انس جواله وتنهد من فجعته بصوت مو مسموع

احمد طالع فيه وهو ماسك ضحكته : حرك السيارهه بس ..

انس اعطاه الجوال لانه يبي يرقع للي صار : خذ جوالك ..

احمد : هههههههههههههههه خله معك





كان الكل ساكت من الموقف وهذا الي حسس انس بالفشيله اكثر

اما احمد ف مسك البي بي حقه وصار يكلم شوق ..


احمد : (ههههههههههه دايم تصير له ذي الحركه ومايتوب!)

شوق بدون نفس : (مره يضحك , وانت مبسوط ؟ اهم شيء عجبك صوت البنت ولالا ؟)

احمد باستغراب : (وش فيك قلبتي ؟!)

شوق : (ابد ما كأني سمعت شيء قبل شوي ؟)

احمد : (ذا انس انا وش دخلني فيه ؟)

شوق : (انت وانس واحد , واكيد انت زيهه للحين ..)

احمد نسى ان شوق ماتعرف اي شيء عن الي سوته هلا : (ياشيخه ! طيب بترضين اذا قلت لك انتي وهلا واحد؟)


شوق سكتت شوي وهي تحاول تفهم , وردت باستغراب : (ليش وش سوت هلا!)

ومن كلام شوق تذكر احمد انه المفروض مايقول , مو بس عشان شوق عشان ماتصير مشكله بينهم بعد , ف حاول مايبين شيء

بس بدال مايعدل الموضوع خربه اكثر ..

احمد : (لا يعني اقصد هي زيك ..)

شوق : (ليش وش فيني ان شاءالله ؟ شايفني مجمعه ارقام عيال جدهه كلهم ؟)

احمد : (خلاص ياشوق ياحبيبتي ماقصدت شيء ! زله وبس !)

شوق : (حبيبتك اجل ؟ انا ماني حبيبتك وخل الزله تنفعك ! دامها طلعت منك يعني انت حاط ببالك هالشيء بس وش نسوي كلن يرى الناس بعين طبعه!)

وحطت جوالها بالشنطه وطنشت احمد وهي مقهورهه من كلامه ..


اما احمد ف صار يكلمها كثير بس مافي فايدهه ماكانت ترد عليه















..











* في بيت ماجد
الساعه 4 مساءاً


كان ماجد يفكر بام نورهه وباخوها

وكيف بيكون موقفهم اذا قال لهم الي صار امس ؟


بس مهما يكون لازم يقول لهم قبل مايتم الدفن , على الاقل عشان يشوفونها

اتصل على اخوها حسام وقلبه يدق بالدقيقه مليون مرهه وحاس انه مايقدر يوصل لهم الخبر

لان هالخبر مو هين بالذات اذا كان لشخص قريب لهم ..

رد حسام بفرحهه بس فرحته ما دامت اول ما فتح ماجد الموضوع

وقال له السالفه كلها , انصدم حسام من كلام ماجد , ومتى صار هالكلام ! امس كانت بخير ومافيها الا العافيه

ماقدر ماجد يكمل الموضوع اكثر , طلب منه انه يوصل الخبر لامها لانه مايقدر ..

ونبهه عليه انه يقول لها الخبر لان دفنها بيتم اليوم ..









اول ماقفل الخط صار يطالع بولدهه الي للحين مايعرف حتى وش اسمه ..

انسدح جنبه وهو مغمض عيونه ويحاول يبعد كل همومه للحظه عشان يرتاح



ما مرت دقايق الا ورجعت عبير من شغلها

وقبل حتى ماتفسخ عبايتها راحت بسرعه للمجلس تبي تتطمن على ولد ماجد ..

قربت جنبهم وهي تتأمل بماجد وكأنها حاسه بكل هم هو شايله

وبصوت قريب للهمس : انت ماقدرت تهتم بنفسك , كيف بتقدر تهتم بالولد ؟ -وبدون ماتحس مسكت يدهه بحنيه

وكملت : لو ماكذبت علي , لو بس اعطيتني خبر .. لو عرفتها منك بتكون اهون على قلبي مليون مرهه ! بس الي صار ماقدر اتحمله ..


سكتت وهي لسا تتأمله وللحين ماتعرف وش تسوي ..

تسامحه وتوقف معه ؟ ولا تبعد عنه وتتركه !


ابعدت يدها عنه وقامت من مكانها

بس قبل ماتبعد مسك ماجد يدها بقوهه اكثر , الكل ماكان يعرف وش يقول للثاني

كانت عيونهم بعيون بعض , كانت نظراتهم هي الي تتكلم ..



ماقدر ماجد يحط عينه بعينها اكثر لانه حس ان كلامها كله صح ..

تركها وطلع من البيت













..










* في بيت احمد


بعد مانزلو الكل ووصلو لبيت احمد

انس : بالله عليك تعال معي

احمد : لا حول وش فيك انت ؟ قلتلك مابي ماتفهم

انس : ماحب اروح لحالي

احمد : لا تروح طيب , المشكله توك تقول ابي اعقل وبروح اخطب , شفت انك مو وجه زواج

انس : ههههههههههههه انزل انزل بس وشف مين يوصلك المره الجايه

احمد : نازل الله لا يحوجني لك



وطبعا زي كل مرهه انس راح لاقرب كوفي وطنش كلامهم عنهه



اما احمد بعد ما كان يفكر بخطبة شوق , تأكد اليوم من ان هذا هو الي يبيه جد !

دخل البيت وهو متحمس يقول لامه الموضوع ..



كانت امه وجمانه قاعدين مع بعض

الام تتفرج تلفزيون وجمانه ماسكه البي بي وتسولف مع شوق


قعد احمد جنب امه وهو يتنحنح ويبي امه تنتبه له

التفتت عليه الام وبنص عين : شعندك ؟

احمد : ابد سلامتك

ام احمد : هات من الاخر بس

احمد ابتسم لها بطفوليه : يمه شوفي , مو انتي كنتي تبين تخطبين لي و..

قاطعته بسرعه : رفضتك البنت ارتاح !

احمد : ادري الحمدلله جت منها

الام : مدري وش انا مسويه عشان يجيني ولد مثلك !

احمد : يمه وشو بالغصب هو ! المهم ماعلينا , انا بسوي الي تبينه وبخطب بس بشرط انا اختار البنت !

جمانه بحماس : اححلف عاد ! مين ؟

الام : تخطب هاه ؟ الحين تبي تخطب ؟ لا تقول لي تعرفها عشان لا انسيك اسمك واسمها !

احمد : لا يمه هه ويننن ! لالا ماعرفها , هي وحده من بنات عمي .. شوق !

جمانه بفرح : صصدق ! صدق صدق ؟ اخيرا !

احمد وامه التفتو على جمانه لانها بينت ان بينهم شيء !

الام بشك : وانت وش عرفك بشوق ؟

احمد : ماعرفها ! هي جمانه دايم تقول انها محترمه وطيبه وكذا ف انا فكرت وقررت !

جمانه باستغراب : متى قلت ذا الكلام ؟

احمد كان ماسك نفسه عن اخته الي كل مرهه تفضحه اكثر

جمانه كملت : انا ماقد كلمتك عن شوق لا تتقول علي !

احمد بارتباك : الا ذاك اليوم لمن ..

جمانه قاطعته بسرعه بعد ما استوعبت كل شيء : ايييهه صح صح ! ايه يمه جمانه محترمه وحلوهه وتنفع لاحمد صدق ! من اول اقول لاحمد اخطبها !


الام فهمت كل شيء , هزت راسها وهي تردد : يصير خير ..


حس احمد ان مافي خير من بعد الي قالته جمانه , قام احمد من مكانه ووقف ورا امه وهو يكلم جمانه بالاشاره وبدون صوت

احمد : طييب والله لا تنضربين انتي بس تعالي وشوفي وش بيجيك !

جمانه فضحته للمره الالف , بصوت عالي : هي هي وش سويت تضربني ! يمه شوفي وش يقول !

احمد حط يده على وجهه من قهره على غباء اخته : يارب لا تبلي اي احد باخت زي اختي !

جمانه : وش فيك انت هاه ! يمه شوفيييهه !


الام ضحكت على تصرفاتهم الطفوليه وبنفس الوقت تفهمت الي يبيه احمد !

وحست انه صادق ومو كذاب او يلعب عليها لانه قرر يخطبها ..
















وبنفس الوقت جمانه ماصدقت تسمع خبر

راحت بسرعه تقول لشوق



وهي تكلمها بالبي بي

جمانه : ششششوق ! الحقي بسرعه عندي لك خبر !

شوق : هاه

جمانه : خبر توهه جديد وعلى طول فكرت اقولك !

شوق : اخلصي بس ادري ان ماعندك سالفه

جمانه : لا هالمرهه غير !

شوق : طيب تكلمي

جمانه : احححمد كلم امي يخطبك !!



شوق اول ماقرأت كلام جمانه شهقت بصوت عالي وصرخت لا ارادي وهي فرحانه

التفتت على اسيل الي كانت جالسه جنبها بالكنبه وحضنتها بقوهه وهي لسا تصارخ

اسيل تبعد عنها : افف وخري عني وجع

شوق بحماس : مابتصدقين الي بيصير والله مابتصدقينه !

اسيل برود : شعندك !

شوق : احمد بيخطبني !!

اسيل بفرحه : جججد ! احلفي عاد !

شوق : والله والله توها جمانه تقولي انه كلم امها !

اسيل : يلا اجل مبروك من الحين ! -سكتت فجأه وعلى طول اتذكرت فهد وعبدالعزيز

اختفت الابتسامه الي كانت مرسومه على وجهها ورجعت كل ذاكرتها للايام الي راحت ..





شوق وهي تكلم جمانه

شوق : شوفي والله لو طلع مزح مايصيرلك طيب !

جمانه : امزح معك ليش بموضوع زي ذا ! افرحي افرحي بس

شوق : اااههه والله مرهه فرحت مع اني كرهته اليوم بس جد فرحت ! بس متى امه بتكلم امي بالموضوع ؟

جمانه : مدري امي قالت يصير خير بس بقنعها اكثر وان شاءالله بخليها تكلمها اليوم !

شوق : ايه ايه تكفين كلميها !

جمانه : الله يالدنيا قبل كم يوم كنتي الثقيله الي ماتهتمين ! اثقلي وجع

شوق بعفويه : هههههههههههه لالا هذاك اصلا لانه كان تحدي

جمانه استغربت من كلامها : اي تحدي ؟



شوق تذكرت على طول ان جمانه ماعندها خبر الى الان

بس بنفس الوقت هي تعرف ان جمانه دايم تاخذ الامور بعفويه وماتهتم

ف حكتها كل شيء وكل الي صار ببيتهم ..


جمانه : هذذذا كله صار وانا مدري ؟ انا قايله ان وراكم شيء من يوم ماشفت البنات فوق بعض ويطالعون من الباب بس هين انا اوريكم

شوق : هههههههههههههه والله يا اني كنت اتنرفز نرفزهه , بس اهم شيء فزت !

جمانه : مالت عليك ماخذه اخوي لعبه عندك ! بس ماعليه بستر عليك لانك قريبتي بس

شوق : غصبن عنك اصلا لانك لو نطقتي بحرف لسانك ذا بقطعه لك

جمانه : يمه يمه خفت

شوق : يلا بس روحي كلمي امك















..









* في المستشفى
الساعه 6 مساءاً
عند ماجد تحديداً


راح ماجد للمستشفى واتفق مع حسام انه يجي ويجيب امه معه عشان يشوفونها للمرهه الاخيره

قبل ماينقلونها او بمعنى اخر يدفنونها ..


كان ماجد جالس بكراسي الانتظار وهو منزل راسه وساكت وينتظر ام نورهه تجي باي لحظهه

ومامرت ثواني معدودهه الا وسمع صوت ام نورهه وهي تبكي وجايه باتجاهه


ام نورهه ببكى : ويننها بنتي ! وين نورهه بنتي حبيبتي بدي شوفها !

قام ماجد من مكانه وقرب عندها وهو يبي يحاول يهديها

بس قبل مايسوي اي شيء مسكته ام نورهه من ثوبه وهي تبكي وتردد : وينها بنتي ؟

كانت ماسكته من ثوبه وتهزه وكل قهر الدنيا بقلبها

ام نورهه : انا عطيتك بنتي ياماجد ! كيف بتعمل هيك ! كيف بتزيد هم بنتي همين ! هي ما ماتت الا منك ومن عمايلك !

اما ماجد ف كان ساكت وهو منزل عينه وكل كلمه كانت تقولها ام نورهه كان يشوفها صح !


ام نورهه : ياويل حالي على بنتي ليش ماحكيتي لي اشي ؟ ليش حبستي همك يابنتي

حسام كان يحاول يهدي امه وبنفس الوقت يبعدها عن ماجد لان ماجد ماله ذنب !

وهذا الي كان مكتوب لنورهه !




مامرت دقايق الا وطلعو نورهه من الثلاجه عشان تشوفها امها اخر مرهه

كانت ام نورهه تبكي عليها وهي ماسكه يدها وتبوسها وتمسح على شعرها

ام نورهه : دخيلك ماتتركيني يابنتي , بعطيكي عمري بس ماتتركيني !

مسكها حسام وابعدها عن نورهه : بيكفي ..

ام نورهه : لا بدي بنتي ! -التفتت على ماجد وبعصبيه : كلو منك ! انتا الي موتت بنتي ! انتا السبب بكل اشي !!


كان ماجد ساكت ويطالع بام نورهه الي زادت قهرهه اكثر ..

ام نورهه : وينو ابنك ؟ ابن نورهه وينو ؟ بدي شوفو بدي ضمو لصدري ! هاد من دم بنتي بدي ياهه ! انا رح اخذو واربيهه عندي !

بس اول ماسمع ماجد كلام ام نورهه ماقدر يسكت اكثر

ماجد : ولدي مابخليك تقربين منه ! ماني معطيك اياه ! هذا ولدي مثل ماهو ولد نورهه وانا مستحيل اتخلى عنه !

ام نورهه : بدك تموتو متل ما موتت بنتي !

ماجد : انا ابوهه وانا الي بربيه وبعتني فيه ! تبين تشوفينه حياك الله باي وقت اما تاخذينه ؟ انسي هالكلام !

ام نورهه سكتت وهي تبكي اكثر , بس ما اثر بكاها بماجد ابدا

لان بنفس الوقت هو يبي ولدهه , لانه الشيء الوحيد الي بقى له من نورهه !














بعد عدةة ساعات

ولمن نقلوها وتم الدفن

كان ماجد لسا واقف مكانه وهو يتأمل بقبرها ولسا مو مصدق انه هو بنفسه دفنها

كانو الرجال الي معه يرددون : عظم الله اجرك , عظم الله اجرك ..


بس ماجد ماكان يرد على اي احد فيهم

وكل مرهه قهرهه يزيد اكثر عن اول

الكل راح ومابقى غير ماجد وحسام

كان حسام حابس كل دموعه ومايبي يبين ضعفه قدام ماجد عشان لا يزيدها عليه


مسكه حسام من كتفه : خلينا نروح ..

ماجد هز راسه بـ لا

ماقدر حسام يجبرهه لان هذي هي رغبته ومن حقه يقعد عند قبرها اذا كان هالشيء بيخفف عنه لو شوي !


راح حسام وتركهه لحاله

اما ماجد ف ماقدر يمسك نفسه اكثر من كذا وطاح على ركبه وطاحت معاه كل دموعه الي كان حابسها

نزل راسه وصارت دموعه تنزل اكثر من اي وقت ثاني

وبدال مايحاول يخفف على نفسه زادها اكثر واكثر

وهو جالس على ركبه وساكت اتذكر الايام الاولى من زواجه بنورهه


"كانت دايما تتأمل بخاتمها وهي تقول لي مستحيل ابعده عن يدي

ولمن ارجع البيت تضمني لحضنها كثير وتكرر اشتقت لك !

كانت توعدني وتقول : بدي نكون على طول مع بعض , وبدي نكبر مع بعض ونعيش مع بعض ونشيب ونموت ونحنا لسا مع بعض!

وكمان بدي بعد 10 سنين من هلأ يكون عنا 5 اولاد و5 بنات وكلهم يكونو حلوين متلك !

اول ولد بدي اسميه مروان , وتاني ولد ريان والتالت حسان ! والبقيه مابعرف انتا اختار .."



ماجد وهو يكلم نفسه : اول ولد جا .. وانا للحين ماسميته حتى , اول ولد يتيم الام يانورهه ..

اول ولد ومابيجي غيرهه احد ..

مامرت سنه على بعضها ورحتي , ماعشنا وكبرنا مع بعض , كنتي تقولين نموت مع بعض ؟

انتي متي وتركتيني .. هذي ارادةة ربي بس ..

انا من الحين مشتاق لك , لو بس ترجعين دقيقه وحدهه ابي اقولك قد ايش انا اسف على الي سويته فيك ..

على كل شيء سويته بقصد ومن دون قصد .. انا اسف من هنا لبكرا مابتفيد شيء , لانك .. رحتي ..



سكت شوي وهو يفكر بالاسم الي كانت تبيه لولدها الاول

ماجد : مروان , هذا هو اسم اول ولد لنا يانورهه ..















..












* في بيت اسيل
الساعه 9 مساءاً




كانت اسيل جالسه لحالها وماسكه الجوال بيدها

وهي تتأمل بأسم فهد الي كل دقيقه يتصل عليها ,


تعبت اسيل من اتصالاته الي ماتوقف , وردت عليه ..


اسيل : الو ..

فهد : اسمعيني للاخر ولا تقفلين !

اسيل : طيب ..

فهد : اسمعي اسيل , انا مستعد اصلح غلطة اخوي , انا ابدا مافكرت فيك بنفس الي حاطته ببالك , انا حتى ادري وواثق انك مظلومه !

وان اخوي هو السبب بكل شيء ! انتي بس لو تتركيني اصلح غلطه يا اسيل ! انتي بس وافقي !

اسيل : ماقدر , اذا انت مافكرت بهالشيء ف انا افكر فيه مية مرهه باليوم , واذا انا كنت مظلومه ؟ ليش اظلمك معي وانت تستاهل احسن مني ؟

فهد : انا راضي , انا ما ابي غيركك , انتي مستحيل تظلميني معك يا اسيل وان كان حبك ظلم ف انا راضي انظلم معك بس وافقي تكفين !

اسيل : واخوك ؟ وش بيصير فيه ؟ عادي عندك نكون كلنا عائله وحده واخوك لمسني قبلك ؟ حتى لو رضيت بالموضوع الحين مع الوقت بتغير رايك

فهد : انا ماني مغيرهه اوعدك

اسيل : حتى اذا ماغيرته , انا ماقدر افرق بينك وبين اخوك ..

فهد : اذا كان فراقي من اخوي بيخليك توافقين اصلح غلطته ف انا راضي !

اسيل : وش بتصلح ؟

فهد : انا بستر عليك وبتزوجك !

اسيل سكتت شوي وهي تحاول تستوعب كلامه

فهد : اسيل انتي مهما رفضتي الي يخطبونك مابتقدرين ترفضينهم طول العمر ! انا فاهمك حتى من قبل لا اعرفك زين ! انا ابيك وابي استر عليك

اسيل : ماقدر ..

فهد : هاتي سبب يقنعني برفضك لي ! غير اخوي !

اسيل : انا مابي شيء منك .. اسفه بس ماقدر ..

فهد : ليش ماتبين شيء مني ؟ انا مستعد اعطيك كل شيء !

اسيل كانت تحاول تخفي مشاعرها اتجاهه : فهد ! انا قررت وخلصت ! قلتلك ماقدر اسوي الي تبيه ! وغلطة اخوك ماتقدر تصلحها

فهد : كيف يعني ؟ تبينه هو يصلح غلطته بنفسه ؟

اسيل ردت بسرعه : لا !

فهد : اجل مين ؟

اسيل : خلصت كلامك ؟

فهد : كالعادهه , تتهربين من اجوبتك ! لين متى يا اسيل ! انا جاي وفارش لك كل شيء تتمناهه وحدهه بوضع مثل وضعك ليش ترفضين !

اسيل : لاني ما احتاج شيء منك !

فهد : بس انا احتاجك انتي ..


اسيل بدون ماتفكر قفلت على طول وتنهدت بصوت عالي

اسيل : لاني احبك , هذا هو جوابي .. لاني احبك مابي اظلمك معي ! افهمها ارجوك ..















..












* يوم جديد ..
وفي بدايةة هاليوم بالفجر تحديداً


قام فيصل من سريرهه والتفت على ليلى

وكالعادهه يحب يتأملها وهي نايمه ..

قرب منها وباسها على راسها وطلع لمكتبه ..


وزي كل يوم ياخذ حبتين من دواهه

وهالمرهه بما انه صاحي من بدري وقبل اذان الفجر

لبس ثوبهه وتوجهه للمسجد


ومع كل خطوهه كان يحس بدقات قلبه كل مالها تضعف عن قبل

ونفسه ينقطع فجأهه ويرجع فجأهه


وقف مكانه وهو يحاول ياخذ نفس عميق

بس مافي فايدهه يحس نفسهه ينقطع اكثر

وهو يلتفت يمين ويسار يحاول يلاقي اي احد بالشارع يساعدهه

ما كان في اثر لاي شخص , وهو يطالع بالشوارع كانت الدنيا بالنسبه له تدوور وتدور ..


وفجأهه صار يكح كثير وورا بعض وهذا الي زاد انقطاع نفسه اكثر

يحاول يتنفس بس بنفس الوقت مايقدر ياخذ نفس اكثر

وفوق هذا الدنيا بعيونه تدور

ماقدر فيصل يثبت نفسه اكثر طاح على الارض وهو يكح ونفسه كل ماله ينقطع

صار يحس ببرودةة جسمه تزيد اكثر واكثر

ومع هذا كان يحاول مايستسلم الى الان ,


ومن سوء حظه ماكان في اي شخص بهالفجر يجي ويساعدهه

او ينقله للمستشفى او حتى يتصل على احد

بهذي اللحظه تمنى انه ماقام من مكانه وماطلع


كل الي كان يفكر فيه هو ليلى , كان يقاوم اكثر لانه ماكان يبي يبين ضعفه مرهه ثانيه لليلى

بس هالشيء ماكان بيدهه ..















..




توقعاتكم :
البارت الجاي يوم الجمعه