مجموع الأوسمة: 17

البارت الثامن والثلاثين
- الجزء الاول -



_


- بعد موت فيصل ,

انتشر هالخبر عند العائله كلها , بس ليلى ما قالت لهم انه انتحر ..

كانت تحاول تخفي هالشيء لنفسها ,

كان الكل زعلان على فيصل .. لان فيصل قبل مايكون زوج ليلى

هو صار بمثابةة اخ او صديق لكل واحد فيهم ,

الكل اجتمع للعزا .. اهل ليلى , واهل فيصل !


الجو كان كئيب جدا للكل , الي يبكي على فراقه والي يحاول يهدي البعض

كانت عبير حاضرهه لانها تبي توقف مع بنت عمها بوقت مثل هذا

انشغلت وهي تحاول تلطف الجو للبعض

اتذكرت ليلى والتفت بالمجلس وهي تطالع بكل وحدهه

تحاول تدور ليلى بينهم , بس ما كانت موجودهه


اخذت عبايتها وطلعت للحوش وهي تدور على ليلى ..

دورتها بكل مكان وما لقتها للاسف ..



وهي راجعه لمحت شخص قاعد بهدوء جوا السيارهه

عقدت عبير حواجبها وفتحت الباب الي ورا باستغراب


دخلت وجلست جنبها : ليلى .. الكل يسأل عنك ؟ يبون يعزونك ويسلمون عليك , ليش جالسه هنا ؟

ليلى بدون ما تلتفت على عبير : انا حلفت ما احضر عزاهه , اكرهه !

عبير باستغراب : استغفرالله بدال ما تدعين له تقولين هالكلام ؟ ليش تكرهينهه !

ليلى بهدوء : تركني !

عبير : الله يرحمه ! هذا يومه وهذا الي ربي كاتبه ؟ يعني تعترضين على قضاء الله وقدرهه ؟!

ليلى التفتت عليها وهي تحاول تمسك عصبيتها : انتي ماتعرفين وش سوا فيصل , والي جوا كلهم مايعرفون ! فيصل مايستاهل دمعه وحدهه عشانه !

عبير باستغراب : ليش وش سوا ؟

ليلى سكتت شوي : فيصل .. انتحر ! انا ماكنت ابي اقول لاحد هالشيء ! مابيهم يكرهونه زي ما كرهته انا !

توسعت عيون عبير وبنفس الوقت ما كانت مصدقه كلام ليلى : انتحر ؟


وقبل مايكملون ليلى وعبير اي شيء ,


كان مشعل حاضر العزا وبنفس الوقت لانه يحاول يلاقي فرصه يفهم فيها ليلى الي فهمه !

وفعلا كانت هذي فرصه ,

دق على قزاز السيارهه بشويش


التفتت عليه ليلى ومشاعر كرهها لمشعل وفيصل الفجائيه ماتوصف ..

كانت تطالع فيه بدون ماتقول اي شيء او حتى تفتح له

عبير باستغراب : هذا مشعل صح ؟ افتحي شوفي وش يبي !


فتحت ليلى باب السيارهه وطلعت بدون ماتكلم مشعل او حتى تطالع فيه


مشعل كان مرتبك بس بنفس الوقت يبي يوضح لليلى الي فهمه

مشعل : ليلى !

وقفت ليلى ولفت عليه ببرود

مشعل : الي تفكرين فيه كله غلط في غلط ! فيصل واعرفه زين هو مستحيل ..

ليلى قاطعته : لا تنطق اسمه على لسانك !

مشعل : ليلى ! انا اقدر اثبت لك ان ..

ليلى قاطعته للمرهه الثانيه : انا مابي اسمع اي شيء عنه ولا حتى افكر فيه !

مشعل حاول يفهم ليلى اكثر وطلع وصيتة فيصل من جيبه : ابي افهمك بس ان وصية فيصل ..

ليلى كانت تقاطعه كل مرهه يتكلم فيها , ما كانت تسمح لمشعل يكمل كلامه او حتى يوصل الي يبي يقوله !

ليلى بعصبيه : انت جاي هنا عشان الوصيه ؟ اذا انت مصدق اني بسوي الي يبيه فيصل ف انت غلطان !

مشعل قرب من ليلى خطوهه وحدهه : ليلى اسمعي !

ليلى بعدت عنده وبعصبيه اكثر : لو قربت خطوهه ثانيه بصرخ وبجمع الرجال كلهم عليك ! اطلع وخذ الوصيه معاك مابي اشوفك هنا !


وراحت بسرعه بدون ماتترك له اي فرصهه

تنهد مشعل بقهر , ليلى فاهمه فيصل غلط .. والحين فهمته غلط هو بعد !

ضرب رجله على الارض بعصبيه وطلع ..


















__



بعد مرور اسبوع من وفاةة فيصل ..

كان اسبوع كئيب على الكل , لان فيصل كان قريب من كل اهل ليلى ..

الكل يحبه لشخصيته وغير كذا لانه كان الزوج لبنتهم الي تتمناهه اي بنت ..



بعد مرور هذا الاسبوع ..

رفضت ليلى طلب امها انها ترجع تعيش معهم ..

كانت تبي تقعد مع نفسها عشان ترتاح شوي , وغير كذا عشان تهدي نفسها من كل شيء ..

**

اما عبير ف مر هذا الاسبوع عليها هي وماجد بأن الاوضاع بينهم بدأت تهدأ ششوي

لكن هذا مايعني ان عبير غيرتت رأيها تماما !

كان ماجد يحرص كل يوم انه يحاول يغير قرار عبير بأي شكل من الاشكال ..

كانت كل يوم بالصبح لمن تقوم عبير من نومها تشوف جنبها بوكيه ورد كبير

مع بطاقةة صغيرهه مكتوب عليها (اسف ..)


هذي الكلمه لحالها كانت كفيلهه انها تخلي عبير تراجع قرارها ..

كل يوم لمدةة اسبوع يكون بوكيهه جديد جنبها بالسرير ,

كانت عبير تبتسم وترجع تفكر بالي سواهه ماجد ..

ما كانت تعرف وش تسوي بالضبط , وغير كذا كانت تفكر بمروان ..

لكن الى الان هم رسميين مع بعض ..



**


واسيل , كانت مرتاحه لان فهد اختفى فجأهه

وماصار يتصل او يحاول فيها كعادتهه , كانت تحسب انه فقد الامل فيها

وهذا الي خلاها ترتاح شوي , لانها ماتبي تفرق بين اخوين ..

كانت تفكر انها اذا تزوجت فهد بيكون عبدالعزيز عائق قدامهم !

واذا تزوجت عبدالعزيز فهد بيكون العائق ..

عشان كذا ماكانت تبي تفكر حتى انها توافق على شيء زي كذا !

بس هي ماكانت تدري ان فهد ما اختفى فجأهه الا لانه يفكر ويجهز نفسه

عشان يخطب اسيل , فهد اخذ اسبوع كامل لانه كان متردد

بس ترددهه ما كان عشان عبدالعزيز , كان خايف من ردة فعل اسيل بس ..

اما عبدالعزيز الي كان يفكر باسيل طول الوقت , ماقدر يتقدم بخطوهه وحده على فهد !

ما كانت عندهه الجرأه ابدا انه يكلم اسيل بعد الي سواهه من غلط

رغم انه يبي يكلمها عشان يتأسف ويقول لها انه يبي يصلح غلطه ..

الا انه ماكانت عندهه الشجاعه يسويها ..


**


اما احمد و شوق ف هم اجلو كل شيء ..

اجلو خطبتهم والشوفه وحتى الملكه

كانو امهاتهم مخططين ان الخطبه بتصير بعدها الملكه على طول

عشان يقدرون يكلمون بعض ويتفاهمون مع بعض

لمن وفاةة فيصل اخرت هالشيء ..

لانهم مايقدرون يسوون ملكة وزوج اختهم توهه ميت ..

كانو احمد وشوق للحين وضعهم تمام مع بعض

لكن بيتم هالوضع هاديء كذا على طول ؟


**


واخيرا انس وشيماء

كانت شيماء ماتعرف وش نوع مشاعرها اتجاهه انس ؟

وبالذات بعد الي قالته لها هلا ان هو يفكر يخطبها

ماتدري هي مشاعر كرهه ولا مشاعر حب ولا وشو بالضبط !

تكرهه اسلوبه لكنها تحب شخصيته ..

واذا فكرت بكلام هلا بجديه كانت تتوقع انها بتوافق عليه ..

اما انس ف حاله زي ما هو

من لعب على بنات الناس وطلعات وصياعه ..

مع انه كان يفكر بشيماء الا انه للحين مايقدر يترك هالشيء

وكان يقول بنفسه انه بدري علي اروح واخطب وحدهه

طبعا هو ماخذ هالعذر بس عشان مايبي يترك الي يسويهه !


**















* في يوم الجمعه
الساعه 3 مساءاً


كعادتهم كل يوم جمعه كل العائله تتجمع ببيت جدتهم ..

كانت ليلى حاسه ان الكل للحين مكتئب من الي صار !

ف قررت تروح لعمها وتكلمه ..



ليلى وهي تكلم عمها بابتسامه : عمي ..

العم : هلا بليلى بنتي امري

ليلى ابتسمت له : ما يامر عليك عدو , بس انا مو عاجبني الوضع الي صاير الحين ..

العم : وش صاير ؟

ليلى : كلهم زعلانين من الي صار , وانا مابيهم يزعلون اكثر لان مهما يكون الحي ابقى من الميت الين متى بيظلون كذا ؟

العم : صح , الله يرحمه .. هذا دليل على ان فيصل كان انسان محترم وهم زعلو على فراقه بس

ليلى نزلت راسها شوي وكملت : الله يرحمه .. بس ماتقدر تسوي شيء يريح نفسيتهم شوي , انا مايزعلني اكثر غير زعلهم ..

العم سكت شوي وهو يفكر : ايهه لقيتها ! اعرف واحد يأجر استراحه فيها مسبح كبير يعني تعرفين هم يحبون هالاشياء !

ليلى : ايهه حلو ! خلاص كلمه وانا مستعدهه اساعدك بمصاريفها

العم : لا والله ماتدفعين ولا ريال

ليلى : لا ياعمي مايصير تكلف على نفسك

العم : حلفت يابنتي , انا بتكلف بكل شيء ماعليك









_

الجزء الثاني بكتبه الحين وانزله
قراءةة ممتعه 333>