شبكة همس الشوق - عرض مشاركة واحدة

4 - 2 - 2012, 03:49 AM

**********************
عشاق من احفاد الشيطان ... روايه رومنسيه ... خياليه
**************************

شغلت نفسها بتلفون مع وعود اللي عاتبتها ليه ماحكت لها عن كاترين ..
وحست انها مفروض تحكي كل شي لوعود تبري ذمتها ....
وحكت لوعود عن اغتصاب تركي لها .. مصممه على كلمه اغتصاب لانه مو مهتم للي عمله لها ..

نزلت لتحت وتهاوشت مع راما بنت اخو تركي اللي بالابتدائيه ..

سجى مقهوره ومعصبه : اسكتي وكلي تبن سامعه ..

راما بنت اخو تركي .. بالابتدائيه : لاااا انتي اللي تسكتي يالدلوعه

سجى ضربتها على كتفها : مالدلوعه الا انتي انطمي

راما صرخت : لاتضربي مع وجهك

سجى : انا مع وجهي اوريك ..

ضربت راما على ظهرها بقوه كانت تطلع قهر تركي واهله الغثيثين فيها .. وراما المسكينه بكت وصارخت : ماااما ماااما

سجى كانت تفرغ شحنات بجسم المسكينه راما .. وقفتها صرخه نوره : وجع ان شاء الله اتركي البنت

سجى احتقرت نوره : انقلعي لارفس فيك وانزل اللي ببطنك ..
كملت ضرب براما..

تجمعوا كلهم عند الدرج مستغربين من الصراخ ..
راما ركضت لتركي تبكي وجهها احمر : عمي ضرتني والله ضربتني ..

تركي شاف بعيونه محد حكى له ... عصب على سجى : انتي يالمهبوله تنزلي عقلك بعقل الصغيره هذي ..

سجى اشرت على راسها : كيفي .. – باحتقار دفت نوره - وانتم يله يله شيلوا قشكم وانقلعوا لبيوتكم ..

تركي استغرب من اسلوبها ماكانت كذا.. وقف مصدوم بالوجه الثاني لسجى ..

اما نوره دفت سجى بقوه : انقلي انتي من هنا ياقليله الادب

سجى بتهديد وهي تقرب من نوره بتضربها ..: هاااا لاتفتحي فمك لاذبحك هاللحين

ام تركي : اذبحك مابقى الا هي ... تركي وراها زوجتك منجنه ...

سجى بغرور: اقول عجوز خيبر مالنحس الا انتي ويله فارقي من وجهي هاللحين ..لاو

سكتها كف على وجهها من ايد تركي .. ناظرها وعيونه يتطاير منها الشرر: انطمي وسدي حلقك .. مابقى الاهي ترفعي صوتك على امي وبحضوري .. وتضربي بنت اخوي .. انتي انهبلتي شكلك

سجى حست بالاهانه قدام اللكل ضربها .. ولا مو اي ضربه كف يذلها فيه ..
قالت بلامبالاه ..: لااا رجال والله .. اضرب بعد .. علمهم الرجوله .. ماقول الا مالت على حظي اللي رامني بالزباله هذي ..

تركتهم وطلعت فوق .. هي ماصارت تحرك شي بالبيت هم يوصخوا وينظفوا .. وتركي حاول معها عاندت وبالاخير استسلم ..
ولما نزلت اليوم بتساعد لانها طفشت تهاوشت مع هذي البزر راما ..
دخلت غرفتها وسكرت الباب بهدوء .. وبكت ..

جريح ........... جريح ....

واللي علمني ....... "المشي ".......... علمني اطيح ....

واللي اشتراني .........." بالذهب " ..... باعني برخيص ....

قررت تعطيه البرود والا مبالاه .. خلاص ليه تحاول معه وهو مو شايفها حتى ..
وبتتسب وتتهاوش لحد مايطلقها وترتاح .. واول ماتفكر ترجع مراح ترجع لبيت اهلها لا لبيت جدها الغالي ..

تركي كان معصب من جد .. رجع يحكي مع اهله ولا كان شي حصل ..
لكن هم حسوا بعصبيته ومافتحوا الموضوع علشان مايضايقونه ..الا نوره مارتاحت وهو يقهر بنفسه وساكت ..

دخلت للمجلس واخذته معها : هاللحين ليه معصب .. حركاتها مدلعه وش تنتظر من بزر مثلها ..

تركي جالس بجنب نور مهموم ومارد عليها ..

نوره : تركان وش فيك ..؟ اذ ا فيك قهر منها اطلع كمله عليها .. لاتقهر بنفس اطلع حاكيها

تركي وقف بعصبيه ومرتبك ..: اكيد تبكي .. كذابه تستخدم اسلوب جديد مو مهتمه لكن داخل تبكي ..

نوره ناظرته مستغربه .. : ليه مرتبك ومعصب تبكي والا قلعتها ..؟

تركي زاد ارتباكه وتوتر : لا عادي ..

نوره ناظرته مصدومه تركي يحب سجى .. تركي مايرتبك كذا الا وهو خايف على حد يحبه او متضايق علشانه ..(( لاااا لاااا ياتركان مو هذي اللي تستاهل قلبك .. هذي ظفرك ماتوصله ..انت من اول ماجئينا حالك مو عاجبني .. ايد اكتشفت انك تحبها ...

والله مراح اسكت .. مستحيل اخليك تعشقها لازم اتصرف بسرعه..
مالي الا حنين واهل القصيم .. ايوه مالي الا هم ..))

: اوكيه تعال تعشاء وسع صدرك .. مصيرها بتسكت ..على بالها لابكت بنسكتها او نحن عليها ..مثل اهلها ..
تخونهم وهم يضحكوا بوجهها ويطبطبوا عليها .. لحد ماضاعت استغفر الله ..

تركي تذكر حقيقه سجى من وراء براءتها تعمل اللي تبغى .. ورجع يكره هذا الشي فيها ..: على قولتك هالاشكال ماتستاهل حد يناظرها ..

ابتسمت نوره بعد ماحست انوا حكيها اثر فيه ..

* سجى كملي لاتغيري طريقتك الانسان بدون كرامه يسموه حيوان

* وانت ياتركي .. نقول مبروك ههههه ...
وترى ياتركان .. الايام قدامك اعمل هاللحين اللي تحب وتبغى وتذكر حكي سجى انك اذا تاكدت من عفتها مستحيل تسامحك وقتها ..

**********************
عشاق من احفاد الشيطان ... روايه رومنسيه ... خياليه
**************************