شبكة همس الشوق - عرض مشاركة واحدة

4 - 2 - 2012, 03:50 AM

هواجس : متوتره ..؟

نور بعصبيه : لا وليه اتوتر مافي شي يستاهل ..

هواجس (( صدقتك واضح معصبه )) : امم بس بكره ملكتك

نور رمت الريموت وقفت : واذا ملكتي اقطع نفسي ...

هواجس ابتسمت بخبث : وين وقفتي .. ارتاحي..؟؟

نور بهدوء : لا بطلع فوق انام ..

هواجس : اها تنامي قلتيلي ..مو كانه بدري الساعه 8 بتنامي ..

نور : ايوه بصلي وبنام ..تصبحي على خير ..

طلعت بسرعه للاصنصيل قبل لاتسالها هواجس بشي ثاني ..

رمت نفسها على السرير بقوه تتمنى يتكسر ظهرها قبل لاتملك بكره على هذا اليزيد ..

: آآآآآآآآآآآآآآآآآآآآآآآآآآآآآآآآآآآآآآآآآف ... ياااارب ارحمني .. قبل لاصير زوجته رسمي ...

غطت وجهها بالمخده كتمت النظر عن عيونها تبغى تفكر بهدوء حتى بعيد عن النور ...
: نور ويزيد.. يزيد ونور .. حتى مايركب .. نور وراكان .. راكان ونور ياااي كذا يركب .. آآف كيف بكون زوجته قررررررف ..

**********************
عشاق من احفاد الشيطان ... روايه رومنسيه ... خياليه
**************************

بالقاهره .. داخل الشقه
ندى: اقول لميه

نجودبالمقلط تحف وجهها : خيييييير ..؟

ندى : مانتي بجوعانه ..؟

نجودتحتقرها : خالك اخذ فلوس الغداء وماشفنا وجهه ..

ندى : يوه مع وجهه هذا الطماع

نجودبخبث : ندوش مالحضتي شي ..

ندى : الله يستر ماتقولي ندوش الا وراك بلى ..خيرررر

لمياء: اممم هذا انس اللي صادفناه بالطياره ومعنا بالجامعه بس يتلزق فينا ..

ندى: هذا انس راعي الدكتوراه ماعليك منه .. ولا يتلزق ولا شي هو معنا بنفس القسم بس دراسات علياء واتركي عنك هالخرابيط - تغير الموضوع - الا شمس ولمى متى بيوصلوا ..؟

نجود: ماقلتلك بنت اخت شمس ماتت ..

ندى : جد الله يرحمها ..

نجود: آمين .. لا وطلعت هذي بنت اختها زوجه عم لمى وهم مايدروا ..

ندى : غريبه كيف مايدورن ..؟

نجودوهي مندمجه مع الحف : وانا وش يدريني شمسوه تقول مايدرون عن زواج بنت اختها الا هي ولمى والعريس وبس

ندى شهقت : كانت متزوجته بالسر

نجود: مسياااار وش سره

ندى : اعوذ بالله من ورى اهلها ماهي بصاحيه ..

نجود ببرود : عادي هذا انتي من ورى اهلك سافرتي

ندى عصبت : لااا ياقلبي فيه فرق ..هذاك زواج مو لعبه ..

نجود: وهذا سفر مو لعبه .. على الاقل تزوجت ستر مو سافرت

ندى تنرفزت من نجودوحست انها مو طايقتها اكثر : ادخل انام احسن للي من وجهك ..
رمت عليها المخده ودخلت معصبه ..يكفي هي تحاول تنسى وضميرها يعورها ..

كلمت هواجس تعرف اخبارها ..واخبار اهلها الاهم .. وياليتها ماكلمتها .. عرفت الحقيقه المره
: الو هوجد كيفك .؟

هواجس ببرود وهي متغطيه بالبطانيه : هلا كيفك انتي ..؟

ندى : سلامات ليه الاخلاف مقفله ..؟

هواجس تنهدت : فهد بالسعوديه ..

ندى تحت فمها : فهد..؟؟؟؟؟؟؟؟ .. من جدك انتي

**********************
عشاق من احفاد الشيطان ... روايه رومنسيه ... خياليه
**************************

شموخ ساكته ماصرخت ولا عملت ولا شي .. اكتشفت باليوم الواحد اللي جلسته .. ان المرضى اللي يسكتون ولا يعملوا قلق .. مايتعرضوا لصعقات الكهربائيه ولاللابر المهدئه علشان كذا سكتت احسن لها ..
واخذت الاكل بهدوء واكلت .. لانها جوعانه مره ..

بعد صلاة العشاء ..
دخل ريان عليها وبيده كيس شكولاته اللي تحبها : مساء الخير ..

شموخ لفت وجهها عنه مثل امس ماتطيقه تكرهه ..: .........

ريان تنهد : الشكولاته اللي تحبيها ..

شموخ هزت رجلها ونزلت دموعها تبغاه يطلع من حياتها وش يبغى فيها بعد ..

ريان لما بكت كان نفسه يبكي معها .. هو بعد تعبان .. هو محتاج يرتاح .. خلاااص الهم قتله ..
بحنان .. : ليه .. ليه تبكي..؟

شموخ بكت اكثر وصدت عنه وهي ترتجف وتصرخ بداخلها (( اكرررهك اكرهك ..))

ريان عد بداخله لحد العشره يهدي اعصابه (( 12345678910))
وهو بمكانه مد لها الشكولاته : خذي ..

شموخ ضغطت على اذنها وتكورت على نفسها تبعده عن بالها وتبغاه يفهم انها تكره حتى صوته ..

ريان بخيبه امل ترك الشكولاته وطلع ..

شموخ غطت نفسها بالغطاء الخفيف بهذا البرد وبكت من قلب ..تبغاه يرجع ليه يتركها ويروح .. ليه نفسه قصير ومايستحمل ..

* ريان وش تسوى الحياه واللي تفدى نفسه علشانك مايهتم لك او حتى يطيقك وممايكرهك ..
*شموخ وبعدين معك متناقضه كثير .. تبغي ريان والا ..

**********************
عشاق من احفاد الشيطان ... روايه رومنسيه ... خياليه
**************************