شبكة همس الشوق - عرض مشاركة واحدة

4 - 2 - 2012, 03:55 AM

**********************
عشاق من احفاد الشيطان ... روايه رومنسيه ... خياليه
**************************

.. يوم الخميس ..

يزيد وقف عند البوابه يبتسم مبسوط

خالد : والله معرس ..

يزيد كان مبسوط وعيونه تبرق : ههههههه ..

فهد : لا يزيد غير الليله من زمان ماشفتك كذا ..

يزيد ضبط الثوب وهو كان مبسوط مره نور يحسها غير ..
برياءه وطيوبه ومحترمه والاهم نظيفه : ههههههههه

فيصل : ناظروا الرجال بس يتبسم ويضحك قل كلمه احكي شي

يزيد ناظر بفيصل وعيونه تبرق بلمعه مميزه : يحق لي زوجتي حوريه من بنات الحور .. عقبالكم شباب ..

فيصل بخبث: قريب ان شاء الله ..لاحقك ..

خالد : يعني مابقى الا حنا ها يافهد

فهد بسرعه : لاااا انا اغسلوا ايدكم مني

خالد : لا لاتحكي شي اكبر منك .. من يصدق يزيد بعد 32 عنوسه يعرس صدقني بتلحقه ..

فهد له مكانه مميزه بقلب خالد وفيصل ويزيد .. شخصيته جذابه كل ربعه يحبونه ..
: يمكن ..

بو نواف كان وجهه متغير متضايق لان ابو هواجس سافر واخذ معه بنته بدون مسوليه وترك نور هنا ..: يله يا يزيد بتدخل..

فيصل يتميلح : وحنا مانقدر

بو نواف بابتسامه باهته: لا اكيد الشباب اللي حاب يدخل معه يدخل ..

خالد وفيصل ضبطوا شماغهم وناوين ينزفوا مع يزيد .. فهد وقف مكانه .: انا مستحيييل ادخل ..

فيصل : افا ليه مستعرض بالتلفزيونات ولمجلات وهاللحين ماتبغى تدخل

فهد ابتسم بخبث : علشان كذا .. الحريم مو صاحين والله

يزيد جره معه : اقول يالمطلوب عند الحريم الواثق تعال معي ..- صرخ ولا كانه معرس – يبه .. عمي سعووووود ..يبه .. يله ..

فيصل مد ايده وحط بيد يزيد شي صغير : اقول زيود خذ الهيروين لاتفضحنا ..

يزيد بثقه : لاتخاف اخذت جرعتي .. واذا على كاسه الخمر شاربها من زمان ..

فيصل ضربه على ظهره بقوه : تعجبني هههههههههه

سعود ضبط البشت ودخل قبل يزيد ..

كانت زفه لرجال وبعدها الحريم ...

بو ماهر اول واحد دخل وكان مبتسم من قلب وشوي يتشقق حلقه هذا زواج يزيد .. زوج ثلاث من اولاده وبنتين وماحس بفرحه مثل اليوم بولد اخوه ..
لانه مربيه وعارف انه يحبه لانه سعود عمه وابوه الثاني مو لفلوسه ..

وقف بو ماهر عند الجسر لحد مادخل يزيد وكان ساحب فهد بجنبه زفه معه ..
يزيد باالشماغ الابيض والثوب الابيض العذاب مع طوله الرزه ..
وشعره الطويل عند رقبته .. عيونه واسعه ملفته للانتباه وانفه حاد وطويل مره .. ذقنه طويل وفيه سكسوكه سوداء وزلفه واضح من بياض بشرته ..
كان احلى مافيه ابتسامته الواثقه واضح انه مبسوط اللكل مستغرب سبب حماس يزيد لزواج من نور ومبسوط كذا ..

فهد حاول مايسرع مره مثل عروض لفشن اللي يعملها ويدخل مع العارضات ويطلع ..
مشى على مهله بجنب يزيد اللي ماسك ايده كانت ايد يزيد بارده ومتوتر .. ماتصور ان يزيد مرتبك كذا عكس مايبين يضحك ويحكي براحه ..
تمنى فهد بهذي اللحضه شيئين .. الاول انه يعرف للشماغ والثوب ويلبسه ..
والشي الثاني وهذا الاهم .. ان هواجس هاللحين تناظره وتحس انه يتمنى يكون معها بالحلال ..

اما فيصل وخالد كانوا يناظروا الحريم من تحت لتحت.. وفيصل ماتملى عينه غير شموخ هي وبس الجمال بنظره ..
لكن يمتع نفسه ..

هواجس ناظرت بفهد وحست بالضيقه ليه توهم نفسها باشياء مستحيل تصير .. فهد مو لها ومستحيل تكون معه بيوم ..
ليه تتعب نفسها وتخون زوجها وتعذب فهد معها ..
موهي اللي تفرح وتاخذ الشباب اللي يحبها ..

خلصت زفة الرجال .. وجلس يزيد على الكوشهمبسوط واثق من نفسه ..

الحريم محتارين يناظروا من ويتركوا من .. كل واحد منهم يقول الزود عندي الا بو ماهرطبعا ..

اربع شباب مثل فلقت القمر وبالذات المصمم اللي كانه اجنبي.. فهد بالبدله السوداء .. و لانه مصمم ومشهور صار الاقرب للحريم ولحكيهم ..مو هذا بايطاليا وش مجيبه هنا ومن هالحكي ..

بو ماهر حكى مع هواجس من بداية المسرح : قولي لنور تتجهز من بيدخلها

هواجس متنرفزه : ليه انت شايف عندنا رجال يقدر يدخلها بتدخل لوحدها اكيد ..

بو ماهر تذكر ان بو هواجس ماعنده الا اخت وحده وخوان ماعنده : اوكيه قولي لها تتجهز ..

فهد كان يناظر هواجس باللثمه والمكياج التوتي مع الفستان .. شعرها واضحه منه خصل الشعر الاحمر الجذاب ..

ناظرته بنظره غريبه مافهمها لكن نظره حزينه
لفت وهي ترفع عبايتها وذيل الفستان واضح من تحت العبايه وراها ذيل طويل .. راحت لداخل باب

تنهد بضيق وندم على اللحضه اللي فكر يجي فيها لسعوديه ويعذبها ويعذب نفسه ..

دخلت هواجس عند نور اللي لحد هاللحين على حالتها تبكي ..
حست انهم منحوسات وحضهم شين نزلت دمعتها مسحتها بسرعه : نور وبعدين معك

نور تبكي : مابغاااااااااه مابغاه تكفون افهموني ..

هواجس : نور وبعدين معك ترى زفتك بعد خمس دقايق .. اتركي المراءه تحط لك الميك اب .. متى بتخلصي ..؟

نور بقهر تبكي : انت شايفه بذمتك هذا ابو ابوك حتى ماتعب نفسه يحضر معي كاني يتيمه محد مدخلني على رجلي ..
مسكين زوج عمتي ماهو بمسول عني وتعب حاله..

هواجس سكتت مالها وجه تحكي ..وماتعرف وش ترد عليها
قالت بحنان تهدي نور : حطي بوجهك شي الله يعافيك نور اتركي هذا اليوم يعدي

نور بانفعال : واللللللللللللللللللللله مانزف والله والله مانزف وش تبغي الناس تحكي عني ..

هواجس من زمان تحاول بنور بالغصب رضت تلبس الفستان وتستشور شعرها عند المكياج مارضت ..
: يااااالله يانور ليه تعملي كذا اللي فيني مكفيني وامي مسكينه الضغط مرتفع عليها وعود ماحضرت .. الله يعافيك اطلعي ..

نور بعناد : انا ماعندي كبير او رجال يوقفني عند حدي واشوف كيف بتطلعوني ..

هواجس شويه تبكي نور راكبه راسها : يالله يانور ابوس ايدك عدي الليله هذي على خير..

نور وبعيونها عناد واصرار : لااااا

هواجس طلعت من عندها وهي ماسكه دموعها بتبكي ماتدري وش تقدر تعمل مع هذي البزره الغبيه ..

اشرت لابو ماهر والدنيا ضايقه فيها ..وماهي بشايفه حولها ضباب على عيونها من الدموع والعدسات ..
: ماهي براضيه تطلع وانا تعبت معها ..

بو ماهر عصب : وهذي اختك كيف تفكر ..

هواجس تنهدت : بليز سعود ماني بناقصه انا تزيدها علي

بوماهر عصب اكثر : والثواة كيف تترقع هذي ..

هواجس بضيقه : والله مدري

بو ماهر: اقثم بالله نفثي اج رها من ثعرها

هواجس : لويفيد عملتها ..

بنفس هذا الوقت كان يزيد حاس من توترهم ان في شي مو طبيعي : فهد ..

فهد : هلا

يزيد :مانت ملاحظ ان عمي وهواجس فيهم شي مو طبيعي

فهد كان حاس من زمان وقال كانه ماصدق :
ايوه شكلهم فيه شي ..

بو ماهر لف يناظرهم معصب
..تاكدوا ان فيه شي ..

دخلت ام هواجس على نور وقالت بحنان : غطي عمك بو نواف يبغى يحكي معك

نور ارتبكت : لا مابغى واتركوني اطلعوا ..

ولا رضت تتغطاء او تتركه يحكي معها ..

.........

يزيد زفوه لبرى الصاله بعد ماحكى له بو ماهر كل شي ..

دخل على نور وهي كانت متقطعه من البكي .. بس شافته غطت وجهها بيدها وبكت اكثر ..

كانت متحطمه ونفسيتها مره تعبانه تحس انها مستحيل تسمع لحد او تقابل حد وبالذات يزيد ..اللي تكرهه اكثر من اي شي بالدنيا ..هو استغلالي مثل عمه ..

يزيد استغرب منها فكر بصوت عالي : ليه .. ليه كل هذا ..؟
ارحمي حالك من البكي..

نور قالت بكره وهي على وضعها : مابغاك .. مابغااااك هم غصبوني انا اكرهك ..

يزيد استغرب اكثر من حالها وضاعت كل الفرحه الل كانت فيه : ممكن اعرف ليه تكرهيني .. انتي تعرفيني ..؟

نور رفعت راسها وقالت بكره وحقد : لا .......
ولا ابغى اعرفك انا كذا ماحبك اكرهك ..ماطيقك .. اكرهك واكره اللي زوجني لك ..
لاتظن بكم ريال خلااااص على طول بنبسط ..ومهرك هذا مايلفت انتباهي ..

يزيد وقف قرب من عندها وجلس عند رجلها يناظرها .. هذي العفه والبراءه اللي يدور عليها من زمان وحصلها بعيونها تحكي معه لكن الخجل بصوتها ..
: طيب هذي الفتره .. فتره خطوبه يمكن تغيري رايك عني.. وبعدين انتي غلطانه انا ماشتريتك او دفعت قيمتك عند ابوك لا .. انا ضنيتك موافقه وموقعه علشان كذا

قاطعتها وهي تصد عنه : لااااااا جديده هذي اللعب على غيري ..

يزيدابتسم بحنان : نور ممكن تناظريني ..

نور ماتصورته كذاا حنون وطيوب ضنته مثل رياض زوج وعود .. صغير وبطران ومغرر ..
والاهم وسييييم وهذا مو عند رياض ..

لفت عليه تشوف نهايتها معه :........

يزيد ابتسم اكثر: مانتي حابه تطلعي براحتك .. المهم راحتك ..
اليوم يومك ومو حلوه تزعلي فيه ..

نور وقفت دموعها وسكتت مصدومه بالشخصيه اللي قبالها .. توقعت انه غيييييييير ..لكن ماهز من راسها شعره .

يزيد نزل جهه من شماغه الابيض اللي رافعه فوق باهمال .. ومسح دموعها من وجهها : مافي شي يستاهل دموعك هذي

نور حمرت خدودها و بعدت وجهه عن ايده : لا تلمسني ..

يزيد وقف : خلاص انا بقولهم مانتي بطالعه ويدخلوا الناس للبوفيه

نور على وضعها مبعده وجهه عنه ..

يزيد ابتسم بحنان : ابلبسك الشبكه هنا .. اهم شي راحتك .. بعطيهم خبر وراجع ..

طلع يزيد حست نور بالدنيا غير..
هي من هذي الليله ارتبطت بيزيد ومستحيل تقدر تغيرهذي الحقيقه لكن هي بتتعرف تتعامل معه وتطفشه منها .. ومالها الا ندوش المنقذه ..

ابتسمت لنفسها بالمرايه وهي توقف .. كلامها هو اللي مشى الليله وقدرت تحرج يزيد ومايلبسها قدم اللكل .. او حتى ماتتصور معه ..
اكيد اهله نفسهم يشوفوها .. هذا اذا كانوا راضين بزواجه من اخت زوجه عمهم ..
ولا يهموها رضيوا والا بالزباله ..

× من متى يا نور تفكري .. كذا او اخلاقك تنزل لهذي الوضعيه ..
لاتتركي حقد على ابوك ياثر عليك ويدمر حياتك ..

..........&............

يزيد تعامل مع بنات كثييييير ويعرف انواعهم ..
ومثل ماتوقع نور ماتجي بالعناد لانه محرومه من حنان ابوها وتحب تعاند تثبت وجودها ..
علشان كذا بشويه حنيه يقدر يكسب قلبها الابيض وعفتها ..

هو تعامل مع بنات كثير لكن نور غير ...
بعيونها شي غريب يهمه وياثر فيه .. ويحس انه قبالها بدون اسلحه او ربطه جاش مثل مايقولواا..

اول مره ينفرد معها وكانه يعرفها من دهر .. ابتسم لهواجس وهي واقفه متوتره ..

سالته هواجس مستغربه من ابتسامته الكريهه : وش اللي حصل ..؟

يزيد بروقان : ماحصل شي ابلبسها جوا ..ودخلي الناس للبوفيه ..

هواجس بعصبيه : يعني موراضيه تطلع لناس .. اوكيه دام هذا اللي تبغوه اوكيه ..

مشت وتركته .. هموم الارض فوق راسها كيف بتعتذر لناس عن رفض نورلزفه
(( الله يوهقك مثل ماوهقتيني يانوير .. وانتظر فيك يوم ))

اعتذرت الطقاقه ان العروس ماتقدر تطلع لناس بدون حجه واضحه ..
اللكل استغرب واعترض في عرس او خطوبه بدون عرس ..

الهنوف اخت يزيد معصبه وقالت من طرف انفها وهي ترفع فستانها : من جدكم انتم وينها اختك .

هواجس ناظرت بهذي الهنوف بربع عين ولا كانها تناظرها : ايووه ماهي بطالعه .. عندك مانع

قالت بنت شقراء بجنب الهنوف واضح انها صاحبتها..
مشت عن هواجس : قلتلك يالهنوف اخوك ماعنده ذوق يناسب هذي الاشكال ..

الهنوف وهي تمشي متاففه : والله لو ان عمي ماحلف احضر هنا لهذي الاشكال كان والله ماعديت باب القصر ..

هواجس طنشتهم وراحت لداخل عند يزيد ونور وامها علشان تلبيست ا لشبكه ..

دخلت شافت اهل زوجها سعود اغلبهم بالغرفه الواسعه اللي بوسطها كرسين فخمين ..
هذي اول مره تشوف بنات سعود وزوجات اولاده ..وحفيداته البرستيج ..
يزيد ماعنده الا اخت وحده الهنوف متزوجه من تاجر كبير اماراتي لكن عايش هنا .. .
وعندها بنات كثير وبعمر يزيد ...

ناظروها باحتقار حاقدين عليها وهي زوجه ابوهم وجدهم ..

ماهتمت لهم هواجس
ونزلت اللثمه عن وجهها تناظر ..
بيزيد وهو واقف ونور مبعده عنه بكثير وبعيونها نظرات تهديد لا يقرب منها .. او يفكر يلمسها ..

ام هواجس ناظرت بالجو المتوتر بقلب مقبوض (( حسبي الله عليك ياسعيدان جعلك ماتتهنى وانت بعيد ...))

يزيد اخذ الشبكه عيونه على نور المرعوبه منه .. فستان وردي ناعم .. مميز شكلها ..وجهها احمر من الاحراج بدون اي لمسه من المكياج .. شعرها القصير الاسود على كتفها ومغطي جزء من وجهها بلمعه ساحره ..

هو عارف عفتها متاكد من براءتها ..وشكلها هذا ماصغرها بعيونه بالعكس حس انه مفتخر بالحوريه اللي قباله ..

ناظر بنات كثير واختلط معهم .. كلهم يهتموا بالروج والماسكرا قبل العفه والحياء .. جذابه ببراءتها العفيفه ..

قلبها نظيف حياتها طاهره ..

ابتسم اكثر وهي تناظره بتهديد وعيونها مغرقه .. كل ماقرب خطوه رمشت بعيونها من الخوف وتوترت اكثر ..

يزيد وقف قريب منها وامسك بيدها بسرعه لانه متاكد انها بتتراجع او بتبعد عنه ..
مسك اصبعها يلبسها الخاتم وهي ترتجف..
ماتصور انه بيمسك ايد بارده مثل الثلج ناظر بعيونها كانت بتبكي ..مافهم عليها تبكي خايفه منه والا كارهته جد ..

هواجس تعطي تعليماتها للمصوره تصورهم كويس واعصابها مشدوده ..

اما نور تتمنى الموت ولا تعيش هذي اللحضه مع اكره خلق الله على قلبها .. جاء ببالها راكان بهذي اللحضه وش اللي يعمله هاللحين ..اكيد مع ربى يضحك ومبسوط..

اللكل ساكت الا صوت كاظم الساهر مالي الغرفه.. . بموسيقى حزينه ..

كل عااااام وانت حبيبتي .. .

هواجس حست السكوت ثقيل على نفس اللكل وكانهم بعزاء..
قالت بمرح على قد ماتقدر : يله نور لبسي زوجك الخاتم ..

نور ناظرت هواجس بحقد وهي ترفع الخدامه من المخده الصغيره الممتليه بالورد .. كانت العامله الفلينيه اللي ماسكه المخده الصغيره مبتسمه بخبث وهي تناظر خوف نور من يزيد ..

على قد ماتقدر اضغطت على نفسها ولبست يزيد الخاتم اللي علق بالنص حاولت تدخله بقوه لكن صررخت يزيد المصطنعه وقفتها : آآه آآه اصبعي ..

ناظرته نور مستغربه .. وهو ابتسم بخبث وقال بطريقه طفوليه : اصبعي المني ...

نور نزلت عيونها عنه خجلانه من دقات قلبها السريعه .. اسلوبه رهيب وهو يحاكيها ويناظرها ..
صحيح حركته هذي احرجتها لكن دخلت لقلبها بخفه ..

ام هواجس و بنات عم يزيد ضحكوا على شكل نور وحركة يزيد : هههههههههه

اما هواجس كانت تناظره باستهزاء .. وغيره تمنت انها بمكان نور تتزوج واحد بشباب يزيد وخفه ظله ..

هزت رجلها بتوتر وهي تذكر ان فهد هنا ومايفصلهم الا كم جدار .. لو عندها جراءه تكسر كل هالجدران وتطير مع فهد ..
حست بغيره وحسد من نور .. حسد يمكن ياذي اختها لكن ماتقدر هي اللي ضحت علشان نور وبالاخير نور تنبسط مع اوسم رجال الارض .. ماشافت مثل حلاه حتى فهد مو بوسامته ولا رياض ولا متعب ولا اي رجال عرفته .. الا سامي اللي وسامته تنطق من طوله الجذاب ..

كل هذولاء الرجال جاءوا ببالها بهذي اللحضه ..الا سعود زوجها اللي ماتعتبره نص رجال ..

بعد ماشربوا العصير واكلوا الكيك ولا تسالوا عن طعم الكيكه بفم نور وكانها تاكل تراب ..
اما يزيد تلذذ بطعم الفانيلا وكانه اول مره يذوقها ..

طلعوا اللكل وتركوهم لوحدهم حتى المصوره الفتوغرافيه ماخذت لهم صور كثير لان نور ماهي بمستعده لصور ..بدون ميك اب ..

يزيد جلس بالكرسي المخصص له وعيونه على نور اللي جلست بطرف الكرسي معصبه وعاقده حواجبها ..وجهها احمر

يزيد .. حاول يقرب قلب نور منه اكثر.. لان الجلسه الاولى مع شريك المستقبل تحدد مشاعرهم وعلاقتهم بنسبه 80 % ..

يزيد بارتباك : احم احم .. كيفك هاللحين هديتي ..

نور عقدت حواجبها اكثر وضمت يدينها بقوه ..: ليه مجنونه اهداء ..

ماقد جربت مثل هذا النوع من الخوف.. احساس قاسي وغريب ..لااب ولااخ .. يبعدوا هذا النكره اللي جالس بجنبها يحاول يتودد لها ..

يزيد ضحك لحد مابانت اسنانه : ههههههههههههههه

نور صدرها يطلع وينزل من الخوف والعصبيه والقهر ..
ناظرته وهي ترفع حاجبها بغرور : ماحكيت نكته ..

يزيد ناظر بعيونها المتوسطه لاهي بكبيره جذابه ولا صغيره تنرفز ..
لا عيونها متوسطه الحجم لونها بسواد شعرها ..: ليه خائيفه مني .. والله ماعض ..

نور بعدت عيونها عنه مرتبكه.. قالت بعدائيه : وتظن اني بسكت لك اذا عضيتني ..

يزيد عقد حواجبه بتفكير وهو مبتسم : اوه شرسه ..

نور بغرور:مابعد شفت شي اذا لحد هاللحين مصمم تتزوجني ياما حتشوف ..

يزيد وقف وجلس بالطاوله اللي قبالها ... توترت اكثر ونزلت راسها ..
قرب يزيد الطاوله لحد مالامست ركبته ركبتها
..تراجعت لورى ولزقت بالكرسي ..

يزيد بخبث ناظرها .. وقال بصوت عارف تاثيره على البنات : نور ليه كل هذا .. انا زوجك ..

نور تكره السلبيه ماتبغى تكون مثل امها او هواجس قالت وعيونها بعيونه. ومن بين اسنانها .. : لاني مابغاك ولوسمحت لاتقولي .. زوجك .. لاني اتنرفز ..من هذي الكلمه ..

يزيد استغرب منها ليه تكرهه لهذي الدرجه وهي ماعرفته من قبل : اوكيه براحتك ماتبغي اقولك زوجتي اوكيه .. بناديك بحياتي ينفع ..

نور طلعت عيونها من كلمه حياتي اللي طالعه من فمه الواثق .. وكانها نغمه موسيقيه ..
قالت بانفعال : لااااااااا

يزيد : ههههههه اذني شوي شوي – كمل بخبث وهو ياشر على الخاتم – مايكفي ايدي عورتيها بعد اذوني ..

نور لو الموقف لاحد ثاني كان ماتت من الضحك عليه .. لكن هاللحين اعصابها مشدوده واقل كلمه تنرفزها : لاتكذب ماعورتك ايدك ..

يزيد بطريقه طفوليه اشر على اصبعه : اذا مو مصدقتني المسيه وشوفي كيف ساخن من الالم ..

نور ببلاهه وبراءه لمست ايده تتاكد لان ايده لونها احمر.. كان اصبعه جد دافي لكن مو من الالم من ارتباكه وفرك ايديه ببعض طوال الوقت ..: جد يالمك ..

قالت كذا ورفعت عيونها لوجهه شافت ابتسامته الخبيثه وحست بغباءها وسذاجتها ضحك عليها .. لفت عنه بعصبيه : سخيف ..

يزيدقال من قلب : ههههههه اقسم بالله اني ماستاهل تراب رجلك ..

نور لفت عليه مستغربه يزيد الوسيم الواثق من نفسه يحكي كذا ..

يزيد ابتسم بحنان : لاتناظريني كذا يانور .. انتي حوريه من بنات الحور .. وماحلمت بيوم اكون مع وحده مثلك .. الله يقدرني واسعدك ..

نور اثر فيها الحكي وارتبكت اكثر
وحست بدقات قلبها تخونها وتدق بسرعه . . ((حوريه من بنات الحور ..))
يازينها على لسانه ..
حست انها شي غالي .. جوهره ثمينه محد يحصل عليها ..
دخل الغرور لنفسها .. ودخلت الموده بقلبها من جهه يزيد ..

يزيد كان اكثر من حالها وهو يشوف نظراتها الغريبه له .. وخجلها العذري ..
قالت بهدوء : متى حابه الزواج ..؟شهر كفيك ..

نور بسرعه : شهررررررر .. لا ..

يزيد ابتسم بحنان : اي وقت .. تامر عليه حياتي ..وزوجتي .. وبنتي واختي ..وحبيبتي ..انا حاضر فيه

نور حمر وجهها اكثر هذا دنجوان عصره ..اسلوبه جذاب يسحر ..
اكيد له سوابق وغراميات من قبل .. بياع حكي ..
لكن مع كذا نفذت اللي براسها وقالت بعناد : بعد 7 شهور بالقليله ..

يزيد بفزع : 7 شهور .. حرااااااااام عليك يا قلبي 7 شهووووووور ..وش رايك بشهرين يكفيك تجهزي ..

نور كانت بتعترض لكن يزيد وقف وكمل حكيه ..: انا حجزت الصاله بعد شهرين .. يكون الشتاء خلص ودخلنا بالصيف ..

انحنى لعندها وباس جبينها بحركه مفاجاءه .. نور كانت مبسوطه انه ماباس جبينها قبل لايلبسها الدبله وضنته نسى لكنه ذاكرها ..
تراجعت لورى بسرعه مرعوبه ..

ضحك يزيد وهو يمشي لعند الباب ..اشر لها باي : بيننا تلفون باي ..على فكره انا بنوم ببيت اختي لحد مانتزوج *_^

طلع وتركها كان متاكد انها مستحيل تقبل تحاكيه .. لكنه بيحاول .. من اول لحضه شافها تبكي في المطبخ اسرته ..
وصارت هاجس بالنسبه له .. والسبب عفتها اللي صارت نادره ببنات حواء بنظره ..

**********************
عشاق من احفاد الشيطان ... روايه رومنسيه ... خياليه
**************************