شبكة همس الشوق - عرض مشاركة واحدة

4 - 2 - 2012, 04:55 AM

شموخ اخذت كاس المويه وشربته وهي تحسه سم مو مويه ...
يالت الموت يجي جنبها وياخذها ويريحها من هذا العذاب ...
ظلام
حر
جوع
تحرشات ..
قل نظافه وغذاره ..
خلاص تعبت من هذا كله قربت تنجن جد و.. هي شهرين وزياده بهذا الصراع ..

اندق الباب ودخلت الممرضه ومعها حد .. شموخ مارفعت راسها ضلت تناظر الكاس وتحسه ممتلي دموع مو مويه .. قبل امس ريان قال لها بيسافر يعني الممرضه لوحده ...

فيصل ناظر فيها ماعرفها .. حتى الشعر غير الشعر البني اللماع اللي يعرفه .. ومستحيل شموخ اللي يعرفها تكون بهذي الغرفه وهالمكان ..
لف على الممرضه معصب : وين شموخ الخيال انا اسالك عن شموخ مو هذي

شموخ بس سمعت صوت فيصل رفعت راسها .. السح وانفتح على ايش تناظره او تفتكر فيه ..
لكن المكان والزمان ضدها ماتصورته يكون هنا ويعرف .. قالت بصوت مرتجف : فيصل ..

فيصل ناظر بعيونه الرماديه مصدومه : شمووخ ..؟
ضنها مو هي لكن عيونها وجهها هو .. ملكه الجمال الاخاذ قباله .. وذبلانه ذايبه من الهم والمرض ..
وجهها نحيف بشكل برز عظامه كلها .. شفايفها بنفسجيه منفخه ومتقطعه .. وجهها اصفر مع حموره ..
لكن عيونها حاده وقويه وجذابه .. مع الهالات والجروح اللي حولها لكن جذابه تذبح ..
مع كل هذا جميله فيها جاذبيه ..

شموخ شافت الصدمه بعيونه عقدت حواجبها : انت وش اللي تعمله هنا

نبهه من تاملاته المصدومه صوتها الضعيف .. دق قلبه معها تعاطف كثير .. هو سبب كل هذا ...
حس انه انسانه غاليه عليه وفقدها ...: انتي اللي وش مجيبك هنا ..؟

شموخ بلعت صوتها وسكتت مالها رد ..ولاتقدر ترد
ضمت رجلها لصدرها وتكومت على نفسها .. من غير لاترد ..

فيصل بارتباك : انا خطبتك من امك قبل لايحصل كل هذا وكنت منتظر الرد .. ولما طولتي سالت عنك قالوا انك هنا .. فحبيت اسمع ردك ..؟

شموخ باستهزاء : لاتتعب نفسك مع مجنونه .. واللي خطبتها ماتت من زمان ..

فيصل سكت شوي : اليوم اخذت موعد مع عيال عمك وجدهم اخطبك منهم .. واطلعك من هنا .. لكن قبل كل هذا اضمن موافقتك ..

شموخ ارتجفت وهي تسمعه .. حست بقسوه الزمن وضحكته عليها .. لثالث مره تكون خسرانه بالدنيا هذي ..
لكن ليه ليه هيي بس يصير معها كذا .. ماخطبها الا احقر رجال كانت تشوفه .. ولامت سذاجتها لما حبته فتره من الزمن ..
يطلعها من هنا دعت ربها ثير بصلوتها تطلع من هنا .. بكت بخشوع ورجاء تتخلص من هذا المكان ..
وكانت تضن انه بيكون عن طريق ريان وايده بيدها .. ريان لحد هللحين تفكر فيه وهو سافر يعيش حياته ..
لازم تعيش وتطلع من هنا ..

ردت بثقه وقوه وهي تناظر بعيون فيصل اللي ينتظر ردها بلهفه : موافقه ..
وبكت نزلت دموعها وغطت وجهها داخل رجلينه ..

فيصل ابتسم : حلوو .. حلووو
سكت واستغرب بكيها .. ماقرب منها ولا رد عليه تركها وهو يقول : راجع ياقلبي راجع ..

ضلت شموخ تبكي وهي تحس انها ضعيفه مغلوب على امرها .. حتى بيت ماعندها ترجع له .. ولا حضن ام تنرمي فيه .. ولا اخو تفضفض له ..
وحيده وكلهم تركوها ..

توعدت اللكل بداخلها ولازم تدفعهم الثمن واولهم ريان وفيصل ..

جلست على اعصابها خايفه وترتجف تنتظر رجعت فيصل مثل ماوعدها ...

**********************
عشاق من احفاد الشيطان ... روايه رومنسيه ... خياليه
**************************

ندى : آآآآآآآآآه راسي يلف .. بموت دايخه فيني النووووووووم ..

نجود وهي تناظر المدبلج مندمجه معه : ياحليها "هايين ".. تكشخ ..

ندى : راسي والله اشوفك ثنتين ...

نجود : ياشينه هذا "جوان " ماطيقه شايف نفسه

ندى حذفت عليها المناديل : انتي هيييه انا احاكيك مع وجهك ..

نجود عصبت : قومي نامي وش اعملك ..؟

ندى : والمدبلج

نجود ء : يعني بذمتك انتي هاللحين تناظريه .. لاانتي تاركتني اناظره ولا انتي مناظرته..

ندى تثاوبت : المشكله اذا دخلت ماراح انام وانا عارفه ان شمس ولمى اليوم بيوصلوا ... حرام لازم نستقبلهم بالمطار مايعرفوا حد بالقاهره ..

نجود : لاتخافي تقول لمى بيجوا مع محارمهم يعني يدلوا

ندى: آآآف متى يجي الليل متحمسه للمى وسواليفها الهبله ..

نجود : وشمس ..؟

ندى رفعت كتوفها بلا مبالاه : شمس ماعرفها وكل المرات اللي شفتها فيهم كانت مشغوله وماجلست معها

نجود : والله بتحبيها وبالذات ان فيها شوية عربجى يعني الرجال لنا

ندى تحس راسها يلف .. تثاوبت وغمضت عيونها : بناااام ..

نجود : انقلعي داخل مو هنا

ندى نامت ولا درت عن شي ...

**********************
عشاق من احفاد الشيطان ... روايه رومنسيه ... خياليه
**************************

من الصباح ..
البيت مقلوب فوق تحت .. فيه كل اخوات تركي حتى سوسن اخته اللي من شهر ولدت ترتب معهم .. وكل هذا لان وصول اهل القصيم بعد ساعات ..

تغدوا بسرعه ورجعوا ينظفو ا حتى بعد صلاة المغرب ينظفوا علشان اهل القصيم ..

سجى ماشاركتهم احتفال الترتيب كانت بغرفتها ... من كم يوم وهم كذا حتى تركي مختفي يا بالسوبر ماركت او محل الحلويات والمعجنات ..
وهذي اول مره من تزوجت سجى يدخلوا شي جاهز ..عيال الفقر ..

دخلت خالتهم دره مع ريم ..

خ. دره : قومي بس قومي بننظف الغرفه ..

ريم تفرش مفارش زياده : لو سمحتي سجى .. خذي اغراضك لغرفه تركي ورتبيهم لانوا اهلنا اكيد بيدخلوا لغرفتكم ..

سجى وقفت تناظرهم بتعالي : اللي يبغى شي يحركه انا مو عبده عندكم حركوا اللي تبغونه ..

خ. دره : يمه ريم خذي هالشنط الزايده وارميهم دامها مو راضيه تنظف ..

سجى بعصبيه : تخسين ترمينهم اتركوا اغراضي احسن لكم ..

ريم نزلت بسرعه وتركتهم ..

خ. دره احتقرت سجى وقالت بقسوه : اسمعي انتي حنين على وصول مع اهلها لاتفشلينا قدامها ... صحيح هو تزوجك لكن حنين زوجته بالمستقبل وهالبيت لها .. ولاتعملي حركاتك وضفي اغراضك وانقلعي

سجى بغرور : ماتنقلعي الا انتي ياعجوز النار.. واذا على ولدكم تركي تراه مو مالي ربع عيوني حتى .. يالفقر انتم

تركي كان واقف عند الباب وسمع حكي سجى لكن مسمع حكي خالته .. ريم نادته لان سجى مو راضيه ترتب معهم ..
قال بقسوه وهو متضايق من الحكي اللي قالته ..: انا اللي ميت بهواك .. خذي اغراضك ويله ضفي وجهك رتبيهم داخل ..

سجى لفت مرعوبه ماتوقعته واقف يسمع الحكي الللي قالته : مابغاك مابغى اجلس معك بغرفه وحده

تركي : لاتضني اني مناظرك او بهتم لوجودك .. حالك بحال الكرسي .. ويله خذي الاغراض رتبيهم لاربيك هاللحين

سجى ارفعت انفها وقالت بقرف : ماقدر الشنط ثقيله ..

خ. دره : ايوه يابنت المامي ماتقوي كم شنطه .. ماضيغك الا دلالك .. ريم اللي هي ريم تقدر ترفعهم

سجى ببراءه : جد . ريم تعالي ارفعيهم بليز ماقوامهم ثقال

تركي حس انها قالتها ببراءه وعفويه مافهمت استهزاء خالته لها ..
ناظرها وهي ترتجف خايفه منهم كيف تحاول تتماسك وهي ماتقدر ومو قد الموقف ..
تعاطف معها ولان قلبه .. مثل كل مره ويرجع يقسيه

خ. دره : تستهبلي انتي .. ريم صغيره وانتي مراءه وش كبرك ارفعيهم وبلا دلع ..

تركي رفعهم بسرعه وقال مستعجل : ماعليك منها خالتي افرشي باقي الغرفه هم على وصول ..
- ناظر سجى بقسوه – وانتي تعالي وراي بسرعه ..

دخل الشنط للغرفه ورماهم بقوه .. فتح دولابه .... وبحركه بسيطه من ايده كانت ملابسه بجهه ..: هذا المكان لك علقي ملابسك وبالارفف ملابسك الثاني ..

سجى ناظرت بالدولاب المتوسط والصغير على ملابسها : بس هذا مايكفي كل شنطي ..

تركي : وش اعملك يعني انجر لك دولاب ثاني او اشتري لك .. دبري حالك ..

سجى بعصبيه : كيف وين احطهم..؟

دخلت نوره اخته ببطنه الكبير بدون استاذن لان الباب مفتوح : وين يعني تحطيهم تحت السرير فوق الدولاب ماتعرفي تتصرفي

تركي ماتعجبه طريقه حكي نوره مع سجى مع كذا يسكت ومايحكي شي ..

سجى : من الذوق انك تدقي الباب قبل لاتدخلي

نوره : ومن الذوق ترتبي اغراضك بدون ماتطلعي تركي فوق يبهدلك ..

سجى فتحت شنطه بعصبيه ومتوهقه كيف بتعلقهم وهي ماقد فكرت بهالشي .. وكثير بتتعب ..
: ارسلوا لي مفرش وغطاء انا مشغوله

تركي: ليكون حنا الميري اللي بقصرابوك اخدمي نفسك بنفسك .. تعالي نوره بغيت اسالك

طلعوا وتركوها .. سكررت الباب بسرعه وراهم وبهدوء ..
غمضت عيونها علشان ماتبكي .. ليه تبكي على شي تافهه كل اللي عمله صرخ عند خالته وريم ..
وهاللحين عند نوره سكت لاهاناتها وطريقتها المترفعه اللي تحاكيه فيها ..
وماتنسى الكف اللي ضربها فيه علشان بنت اخوه البزر ..
ومحد يفكر يساعدها بتعليق كومه الشنط اللي هنا ..

وغير هذا كله..
حضور الانسه حنين اللي مربك تركي ومعذبها هي.. ليه متوتر وخايف كذا
اكيد ملكه جمال اللي معذبه الجلف تركي ..

بعد ساعه تقريبا سمعت صوت سيارات وبواري سيارات .. وزعاريط من تحت وناس تضحك ...
كملت تعليق تحاول تطنش وماتهتم ..

اول من استقبلهم تركي .. وسلم عليهم
..طلع من التوتر لفوق بسرعه .. ولغرفته نسى ان سجى فيه ..

سجى وهي تعلق .. انفتح الباب بسرعه لفت شافت تركي داخل مستعجل وجهه متغير.. كان مبتسم وهو يدخل ايده بشعره بتوتر.. دقات قلبه سريعه لانه قابل حنين الغاليه وكانت عتبانه عليه

سجى استغربت من حالاه .. ليه مرتبك ويلهث كذا ..

ناظرها وانصدم لوجودها استوعب شوي واختفت ابتسامته : ماخلصتي ..

سجى حست ان اللي فيه لانه شاف حنين سالته تتاكد : حنين وصلت

تركي بثقه ابتسم : جعلني افداها ايوه تحت ..

سجى حاولت تبان انها مو مهتمه .. وهي من داخل مجروحه وتنزف دموعها تحرق عيونها تبغى تنزل يتفداها قدامها ...
اكيد هذا بيبن انه يحبها وبيعاملها زفت قبالهم .. مثل قبال اهله ..
قالت تكابر : جد الناس مستويات وهذي مستواك

تركي : انتي انا رايق ومالي خلق حد يعكر مزاجي ..

سجى رجعت تكمل شغلها ووحاولت تحس انه مو معها بالغرفه .. دموعها نزلت اول مالفت عنه تمسحهم ويعاندوها .. بكت لكن بدون صوت ولا كانها تبكي كاتمه انفاسها ..

تركي يرقعها : جئيت اقولك البسي وانزلي الجماعه يسالون عنك ..

سجى حاولت تقوي صوتها : الله اكبر على هالجماعه كلهم سوفاج ..

ناظر تركي بظهر سجى الضعيف والنعوم ..
كان يهتز بخفيف ويرتجف .. وتاكد اانها تبكي بدون صوت في تطور قدرت تتحكم بشهقاتها وصوت بكبها ...
عرف ليه تبكي خمس شهور ثقيل عليها معها وطاقتها قريبت تخلص وهي معه .. تبغى ترجع لحياتها اللي قبل باقرب فرصه .. وتبعد عن الهم ..
واللي زاد همها اثنين وجود حنين هنا ونظرات اللكل لهم ..

مشى لعندها ولفها له .. سجى اول حركه عملتها رفعت يدينها لوجهها تحميه .. ترتجف ..

تركي استغرب نزل يدينها وقال بحنان : وش فيك ..؟

سجى ارتجفت شفايها وهي تقول : تكفى لاتضربني ..

تركي استغرب وقال بصدق : لاتخافي مراح اضربك ..

سجى ماكانت مصدقته ..

تركي ناظر بالخوف ولرعب اللي بعيونها .. : قسم بالله مراح اذيك ...

سجى ناظرته كانها طفله تتاكد من صدق حلفه .... دموعها وقفت شوي ومسحتهم ..

تركي ابتسم ياكد لها : اقسم بالله لاتخافي ..

سجى رجعت لورى ... .. ولمعت عيونها بالم ووانكسار .. : اكرهك ..

تركي سكت مارد عليها ملامح جامده غير الحنان اللي من ثواني..
اخذ نفس طويل وتنهيدت عذاب ..
بهدوء : بسرعه البسي وانزلي ..

نزل من عندها ..

**********************
عشاق من احفاد الشيطان ... روايه رومنسيه ... خياليه
**************************