شبكة همس الشوق - عرض مشاركة واحدة

4 - 2 - 2012, 05:13 AM

**********************
عشاق من احفاد الشيطان ... روايه رومنسيه حزينه .. ... وخياليه
**************************

<< الوحوش والحيوانات .. لها قلب ..
وتضعف عند اطفالها .. كيف بالانسان .. >>

:..روان ريان الخيال ..
اسمها روان ريااان الخياااااااال كيف تفهمي انتي ..؟

الممرضه الهنديه : انت في يجي امم .. دقيقه ..

راحت الممرضه الهنديه ..

ايده بارده ومتوتر ..يتلفت يمين وشمال ..خايف .. ومتردد .. يحس بشاعة نفسه وبشاعة جريمته ..
اول مره يخاف بهذا اشكل .. شاف الدكتور ناصر ماشي لعنده حس بقلبه بيطلع من مكانه .. وصوت دقاته عالي ومرتفع .. شق طبلة اذنه ..

دكتور ناصر مد ايده ومبتسم : السلام عليكم ..

ريان بتوتر: وعليكم السلام ..

د.ناصر : كيف حالك اليوم ..؟

ريان : كويس – توتر اكثر – دكتور وين بنتي ..؟

د.ناصر : بنتك ..؟ اي بنت ..؟
انا اسف مالك بنت عندنا ..

قبل لايحكي ريان كمل الدكتور وهو يوطي صوته : انا عارف موقفك الحساس وفاهم على مشاعرك .. لجل كذا ماكبرت الموضوع وطلعته لحد ...
روان بنتك موجوده وانا الطبيب المشرف على حالتها .. هي من اجمل الخدج المنغوليين عندي ..
وترى اعرفها من بين كل الاطفال ..

ريان ضرب ايده ببعضها بعصبيه (( غبي .. غبي .. غبي .. ))

د . ناصر : لاتخاف ياريان اذا كنت مثل زوجتك المدام منى ماتبغى بنتك .. عادي اتركها عندنا ..
في مركز خاص للحالات اللي مثلها .. صحيح انهم قاسين بالتعامل لكن هذا المتوفر

ريان عارف خبث الدكتور وش قصده ولوين بيوصله : مادري كيف ..؟ وين عقلي فيه لما فكرت بغباء ..

د. ناصر ابتسم : لااا تصير كثير .. كويس انت رجعت بعضهم مايرجع ..
تفضل معي ..

مشى مع الدكتور وهو يحكي عن الاهل والحالات اللي يتصبروا اهلهم واللي يرموهم وفيه بعضهم قتلوهم .. ايوه قتلوا رفض المجتمع لهم وكانهم عار يضطر الاهل لفعل المستحيل يتخلصوا منهم ..

وقف الدكتور عند سرير بنته روان .. بنته اللي بلحضه ضعف بدلها ..

وقف عندها ريان ومشاعره مضطربه .. خايف منها وكانها كبيره تعاتبه .. وراحمها لانه فكر يتخلص منها ..

كانت روان ضعيييييفه مره .. ولونها احمر ماتغير ..ترفع رجلها ويدينها باهواء تلعب فيهم .. وهي شبه فاتحه عيونها ..

دخل ريان ايده بسريرها الموصل باجهزه واسلاك .. لمسها .. ورعشه ملت جسمه ..
تحسسها وابتسم .. وهي تناظره وماتناظره ومن فمه تزبد ..
ابتسم اكثر ..
وجد جد طاح قلبه وتعلق فيها لما مسكت اصبعه الصغير بيدها ..
امسكته بوهن ..

تنهد براحه عجيبه : حلوه ..ابغاها ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

اتهمها باغلى ماعندها ..
شرفها ..
ماطلعت بهالدنيا الا فيه ..
احساس قاسي وصابها بالقلب بالضبط ..
25 سنه محترمه نفسها يجي واحد ماجلس معها اسبوعين يتهمها باقوى اسلحتها ..

هواجس سندت وعود وهي تطلعها من الحمام .. رابع مره تستفرغ اليوم ..

وعود بتعب : ابغى اجلس دايخه ..

هواس جلست وعود على سرير امها وابوها : تمددي ريحي جسمك ..

وعود ابتسمت ابتسامه صفراء لهواجس .. واخيرا جاءت صديقتها وبنت خالها الغاليه .. امها وابوها منعوا هواجس تدخل للبيت ومع كذا اول ماتعبت وعود طنشتهم ودخلت .. ماهتمت لكلام عمتها وزوجها ..

هواجس ابتسم : خير مشبهه ..

وعود بتعب وهو يسند ظهرها للمخدات: ههه لا وحشتيني ..

هواجس : تكفين لاتبدين الافلام الهنديه .. يكفي اللي عندي بالبيت فلم هندي مترجمه بس بدون السين .. بالثاء ههههههههااااي

وعود ضحت غصب عنها على اسلوب هواجس : ههههههه

هواجس : ياقليبي نوفوه خايف عليك وشوي يبكي وهو يحكي لي

وعود رجعت راسها لورى بتعب : بعد قلبي والله .. يهبل

هواجس كانت لابسه بنلون جينز وتيشرت ابيض ومتمده عند وعود : صار رجال ويهبل

وعود : اي رجال بس عى كم شعره بوجهه ..

هواجس: حرام عليك لاتحطمينه والله رجال وستين رجال .. اقسم بالله لو انه اكبر شوي كان خطبته لنفسي

وعود : ههههه مو كان لبنتك وش ال - سكتت شوي – كانه صوت الجرس ..

هواجس : ايوه .. عمتي وعمي حمد بالصاله اكيد بيفتحوا الباب ..

وعود خافت .. : ليكون رياض ..؟

هواجس استغربت : واذا رياض ..؟

وعود قلبها دق بسرعه وكبدها المتها ..تبغى تستفرغ ..وقفت بسرعه ماتتخيل الاهنه ترجع مره ثانيه ..
دخلت للحمام ..

هواجس فتحت باب الغرفه بشويش تناظر من .. شافت متعب داخل ..: متع ب ..؟؟؟؟؟؟؟

سكرت الباب بسرعه ورحت لوعود اللي كان روحها تطلع وهي تستفرغ ..

هواجس بطنك بارز شوي .. بس مايستاهل هالنونو كل هالاستفراع .. حسبي الله على ابليسه مثل ابوه

وعود تجفف فمها : لاااا اعوذ بالله وش ابوه كان ادفنه هاللحين ..؟ الا من جاء ..؟

هواجس بكذب : مادري ماقدرت اشوف عدل ..

مشت وعود لعند الباب بتطلع : اكيد هو بروح اربيه ..

هواجس تسحبها : تعالي بس تعالي انتي مو قادره توقفي تربيه ههههههه

وعود جلست على السرير ..و انقهرت من ضعفها وكرهت اللي ببطنها .. : لو مااني اخاف الله .. واعرف الصح والغلط والا كان من زمان راميته ..

هواجس : ايش ..؟

وعود ضربت بطنها بقهر: هذا ..؟

هواجس شهقت : وعود اعو بالله استغفري ربك .. وش جالسه تعملي ..؟

وعود بكيت .. حابسه دموعها وهاللحين نزلت .. ضربت بطنها من جديد : اكرهه مابغاه .. اكره رياض ..

هواجس مسكت ايدها : يالهبله حرام عليك – لمعت عيونها بضيقه – غيرك يتمنوه .. استغفري ربك

وعود : هواجس انتي فاهمتني .. انا يقول عني كذا .. انا ياهواجس .. يشهد الله اني حتى يعقوب نسيته وتناسيته لما صرت مع رياض بسقف واحد ..
يقولي خاينه وم

غطت وجهها تبكي

ضمتها هواجس : خلاااص وعود اسكتي والله ببكي معك ..

وعود ماقدرت بكت اكثر بحضن هواجس .. كيف تستحمل عذاب الحمل لرجال تكرهه ..

دخل نواف بحماس بدون مايدق الباب حتى : لايفوووتكم ..

هواجس : ايش فيه ..؟

نواف : متعب بينام عندنا بالمجلس ولا هو راضي يترك البيت .. ويقول انه ضد اخوه بيشهد ..

وعود مسحت دموعها علشان نواف : متعب مين ..؟

نواف : متعب ولد عمي فهد ..ياحظه رجال ابغى اكون مثله ..

هواجس : عربجي .. انت ماعندك حل وسط ..

نواف : ايش قصدك ..؟

هواجس تقصد فهد لما شاافه نواف قال يبغى يكون مودرن مثله وهاللحين يبغى يكون عربجي ..: سلامتك ..

وعود تنهدت براحه : متعب مواقفه تشهد له وهو اللي يعرف لرياض ..

هواجس واقفه عند الباب تتسمع .. وصوت متعب لوحده مكبر .. خشن وعربجي ..
: ابشر بعزك ياعمي .. والله مايرد كرامة بنت عمي غيري ..

هواجس : هههه حمش ..خخخخ

**********************
عشاق من احفاد الشيطان ... روايه رومنسيه حزينه .. ... وخياليه
**************************

تراااب ..
غبااار ..
هوااااء ..

شاده على البرقع مايطير ..الهواء ماهو قوي لهذي الدرجه .. بس هي كانت بتتصرف بغباء وتفصخه .. حست بقيمته هاللحين وخافت عليه اكثر ..

تناظر بهرم الفرعون "خوفو" بانبهار .. اول هرم انبنئ .. وعجاءب الدنيا السبع

ندى : كبي ر ..

سامي : ومن داخل اكبر ..

لفت لوراها مرعوبه .. مافيه الا هي ونجود وهو ..
وين شمس واحمد ولمى ..

ابتسم لها وهو فاهم نظراتها ..

نجود تناظر الشمس القويه : يالله قلتلكم مانبغى نلحق على الظهر والعصر وهذا حنا ماوصلنا الجيزه الا العصر ...

ندى : واذا يعني العصر ..وش تفرق ..وين البقيه

سامي فاهم عليها : احمد اخذ بنتين يمشيهم وانا علي بنتين ..

ندى : لااا لاتعب نفسك .. خذ نجوود ومشها انا .. بجلس هنا ماعجبني المكان

نجود: كذاااابه مو انتي حالفه تدخلي للهرم ..شوفي كيف يخوف ندووش

ندى : لا مايخوف لو بينهدم انهدم من زمان ..

سامي رف حواجبه وقال بتكبر : انتي بتدخلي ..؟

ندى تخاف من نظراته علشان كذا ماتناظر عيونه : ايوه بدخله ..

سامي : تمزحين ..

ندى عصبت : انا اعرفك علشان امزح معك ..

سامي ابتسم بخبث : افا ماتعرفيني ..؟

ندى تنرفزت يقصد ايام هبالهم بالسياره : لااا ماعرفك ولوسمحت رح مكان ثاني انا ونجود نبغى نمشي لوحدنا ..

نجود:لاااا ياقلبي انا اخاف ..شوفي كيف الناس زحمه وم - سكتت لان جاءتها ضربه قويه على خصرها من كوع ندى ..

سامي : اوكي خذو راحتكم

راح وتركهم ..

نجود: حرام زعل

ندى بلامبالاه : زعل والا بالعنه .. وش دخلنا – سحبتها من ايدها بحماس – تعالي نتفرج وننبسط ..

سامي ماتركهم لله في الله براسه تخطيط ..وقف صاحب خيول وجمال ..: لوسمحت ..

...........

من جهه ثانيه ندى تفكر ..غريبه تركنا كذا ..
لمى وشمس يقولوا عنه نسونجي ..

يمكت اخذ له بنات من هذولاء السياح ..

ناظرت باشقر من اللي يمشون : نجووود ناظري ياقلبي يااخذ العقل ..

نجود : اوف شكله بريطاني نلحقه

ندى : لا موهاللحين بعد مانطلع من الهرم.. اخر الليل علشان ناخذه معنا للشقه هههههه

نجود : وجعه ههههههههه

ندى : بتدخلي معي للهرم ..

نجود: انس ي الموضوع والله مادخل ..

ندى تحس بروح المغامره والحماس ..: ابدخل ..

سامي ضبط لفه العمامه الصفراء مع الجلابيه الصعيديه الخضراء .. تمنى ان عنده مرايه يناظر شكله باللبس الصعيدي ..

صور نفسه بجواله وهو يضحك : ههههه

ناظر نجود وندى من بعيد وانتبه ان ندى بتدخل للهرم ..
بسرعه مشى يسبقها وقف عند بدايه الهرم مع المرشدين اللسياحين ..

ندى كانت مشغوله تطلع من شنطتها الكاميرا تغى تصور ومانتبهت لوجه الصعيدي كويس وهو يقوله : عايزه ادليكي دخل الهرم يانسه ..بتلاتين قنيه بص ..

ندى هي مراح تدخل الا بمرشد .. هز راسها بدون ماتناظره ..

سامي بالصعيدي السعودي : تفدلي معاااااااااي يانسه ..

ندى: ..

7
7
7

اشوفكم على خير بالبارت الجائي ..*_^