شبكة همس الشوق - عرض مشاركة واحدة

4 - 2 - 2012, 08:55 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

.. ملكه البراءه " روان " ..

ريان عاقد حواجبه وابايده السيجاره ينزل رمادها على الارض : ومن قالك اني باخذ رايك لما بطلعها .. روان بتكون معها ممرضتها ..

منى جالسه على الكنبه بفيلتها اللي فقدتها

: ريان افهم علي انا احبك وانت تحبني .. من غير عيال خلاص – باشمئزاز - اترك هذي بالمستشفى ..

ريان ناظر بالبحر من النافذه ..: منى بليز لاتحاولي رواااين بتكون معنا والا بلاها هالزواجه وكل واحد يروح بطريقه ..

منى: ههههههااااي ضحكتني اي طريق هذا وانت معي بنفس الطريق وماوصلت الا بعد ماركتب على اكتافي ..انا هذي مابغاها ..

ريان لف عليها : يعني ماتبغيني انا ..مو هذي اللي كنتي متحمسه لها وبتموتي علشانها .. وهي اللي بتربطنا ببعض ..

منى بتكبر: هذا لو كانت صاحيه .. هذي منغوليه اعوذ بالله ..

ريان عصب ورمى اليجاره يدوسها : اعوذ بالله منك .. انتي ماتحسي ولا بصدرك قلب علشان تتعوذي منها – لانت ملامحه وهو يذكر بنته الصغيره واللي فيها براءه مايملكها غيرها – والله لو تناظريها ثانيتين يامنى ثانيتين .. لاتعشقيها وتتمنى تكوني المريضه مكانها

منى : لاتحاول تضحك علي ياريان هذي ناقصه .. واذا سافرت من بييعتني فيها ..

ريان : والله مالناقصه الا انتي .. وانا خلاص غسلت ايدي منك .. ورواين بتكون عندي ومعي وين ماروح .... عجبك والا بالعانه تاخذك ..

منى علاقتها بريان على شفى حفره .. ومره متوتره .. وتحس ريان بايع .. خافت .. خافت تفقد الشباب والجمال والشخصيه اللي يملكهم ريان ..: خلاص حبيبي لاتضايق حالك .. كل شي تبغاه بيصبر ..

ريان بعد ايدها اللي على صدره بقرف : هو بيصير بيصر رضييتي والا مارضيتي ..

طلع وسكر الباب .. تنهد بضيق وحب يخفف على نفسه .. وبسرعه .. راح لبيت جده ..

: يمه .. الماس .. جده .. ياجماعه ..

ام ريان من داخل الصاله : حنا يمه تعال ..

دخل ريان وناظرهم مبتسم : السلام عليكم ..

ام ريان والجده : وعليكم السلام ..

ريان : ماودكم تشوفوا بنتي رواين .. تعالوا معي ..

الجده ام سلطان : مو هي روان وش غير اسمها روااين ..؟

ريان: ههههه اسم الدلع ياجده .. روان ثقيل رواين اخف ..

ام ريان : يالله انك تحفظها يارب .. باسم رواين واالا روان ..

ريماس من عند الباب : انا خدوني معكم جاهز بعبايتي ..

ريان ابتسم وانبسط انهم مبسوطين لبنته وحد يشاركه فرحته ...

بداخل المستشفى ..

ام ريان ودموعها على خدها وهي تبوس روان ورفعتها بحذر : يالله انك تحفظها .. وتخليها لعيون ترجيها . وتبعد عنها الشيطان وكيده ..

اللكل : امين ..

الجده : اعطيني اشوف من تشبه ..؟

ريماس بفضول تناظر روان : ماتشبه حد حتى ابوها

ريان : ولا امها اكيد ههههه

ام ريان : الا والله هالفم والانف ماذكرك بحد يمه .. مو كانهم انف وفم شموخ ومروج وهم صغار

الجده تاملت روان وبعد فتره شهقت : وانتي صادقه يابنيتي كنهم عيال هيثم عيال حماك .. والله هما قدامي

ريان اختفت ابتسامته وتعلقت عيونه على روان .. وقلبه دق بسرعه من جائبوا طاريها .. ليه هو ماصدق تناساها هالفتره يرجعوا يذكرو فيها ..

ريماس : لاااا بسم الله عليها ماتشبه ذيك القشره ..هالراءه كلها تشبهوها بهذيك ..

ريان بعصبيه : ريماااس ..؟

ريماس : ليه تناظر كذا .. تتمنى بنتك تكون مثل شموخ ..

ريان حاول يخفي انفعاله ومايفضح الشوق اللي بعيونه لشموخ .. بس سمع اسمها ..

ام ريان ندمت انها طلعت الشبه بينهم ..
وخافت على ريان ينهار مثل هذاك اليوم بس كان بارد وعادي ..

ام سلطان: الا وش اخبارها شموخ .. عساها مرتاحه مع فيصل ..

ام ريان بكذب :يؤؤؤه مره مرتاحه دقت وهي مبسوطه وتضحك .. سبحان الله وكانها رجعت مثل قبل .. مرتاحه مره مع فيصل وهو مدلله ..

ريان بلع ريقه .. وقال يتهرب .. : في حد يبغى شي من الكافتريا ..؟

ريماس : بجي معك ...

ام سلطان و ام ريان : لا مشكور ..

ام ريان ناظرت ولدها وقلبها يعورها عليه ماستحمل يسمع مدح او سعاده تعيشها .. شموخ ..
**********************
عشاق من احفاد الشيطان ... روايه رومنسيه حزينه .. ... وخياليه
**************************