شبكة همس الشوق - عرض مشاركة واحدة

4 - 2 - 2012, 09:19 PM

**********************
عشاق من احفاد الشيطان ... روايه رومنسيه حزينه .. ... وخياليه
**************************

ريان مامداك جلست معنا .. بتسافر ...

ريان يلعب روان بفمها..بصبعه ..
لايعه كبده من منى طول ماهو بالبيت روان بيده علشان مايعطيها وجه ..
: وش اجلس معك حبيبتي انا مالعب ..هذا شغل ..

منى لفت على ام ريان : خالتي احكي لك شي ..

ام ريان فتحت فمها : خالتك .. انا بكبر بناتك ..والله حاله ..

منى بدلع : انتي ام زوجي يعني خالتي ..

ام ريان : خالتي بعينك .. انا اناديك جدتي على كذا ..

منى: احترمي نفسك ..

ريان: استغفر الله وبعدين يعني ..منى يمه مانتم بزارين ..

ام ريان وعلى وجهها علامه تعجب : اجل هذي تقول خالتي ..

ريان طلع ضحكته اللي مسكها .. معها حق امه .. هذي منى تجيبها : هههههههه

ام ريان ومنى بنفس الوقت : على ايش تضحك ..؟

ريان ناظرهم ببرود : سلامتكم .. يمه ماوصيك على روان حبيبتي .. – باس روان – والله نفسي اخذها معي لكن الدكتور الله يهديه ..

ام ريان: ايوه مو كويس علشانها انت عارف حالتها الصحيه ..

منى: لاتخاف بسبع ارواح ماعليها شي

ريان اعطى منى نظره سكتتها و
دخل خدها روان كله بفمه وباسها بقوه : والله اخاف اكلها هههههه

ام ريان: الله يحفظها تجنن ..

ريان عطى روان امه بهدوء .. : طلعت الخدامه الشنط

منى بدون نفس : ايوه ..

ريان طنشها تزعل والا بجهنم .. بيسافر لدبي يكمل شغله ويرتاح من وجهها ...

ام ريان ..: ماوصيك على نفسك ياريان ..

ريانابتسم لامه من متى تحاكيه بهالحنان .. تغيرت كثير بعد وفاه نجلاء وابوها .ز وزياده سفر سامي .. وشموخ ..
شموخ تنهد وهو يتذكرها ...
كيفها ..؟ وش اخر اخبارها ..؟

قال بارتباك : يمه .. ماحكيتي مع بينك ..؟

منى عوجت فمها ..مع هذي البينك .. ياليته يسال عنها كثر هالبينك ..؟

ام ريان: حكيت معها امس و– ابتسمت – ياحليها تبغى احكي لها طريقه الكبسه .. تخيل ياريان شموخ بالمطبخ هههههه

ريان ناظر بروان وابتسم بالم

منى باستهزاء : دامها تزوجت اكيد بتدخل للمطبخ .. ولجل عين تكرم مدينه .. زوجها ولد الرالي ..

ريان اعطاها نظره حاقده .. مانقصه الا هذي ..
: يله بالاذن ..

طلع وتركهم ..

ام ريان طوال وقتها تحتقر منى ..والحكي اللي قالته ..

منى تعالي : الحمدلله والشكر عايله منحرفه .. في اخو يحب اخته كذا ..

ام ريان : احترمي نفسك ..هو ولد عمها مو اخوها ..

منى : شموخ ماهي باخته ..

.............................

ريان طوال الطريق بالسياره يفكر بشموخ ..

معقوله تكون حبت فيصل .. وتعلقت فيه .. وهو كيف بتنساه ..
هي من متى تحبه علشان تنساه ..

ماله الا الهروب .. يسافر يمكن يقدر ينسى..
خيانه اخوه
زواج حبيبته
مرض بنته
مراهقه زوجته ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

" قال لها يوما : ما يريده الرجل من المرأة أن تفهمه ..
فصاحت المرأة في وجهه قائلة : وان كل ما تريده المرأة من الرجل هو أن يحبها ! "

واقفه قبال النافذه .. وتراقب المطر .. ومزاجها يعكس الجو الرمادي ..
و ايدها تلاحق قطره مطر .. وهي تتامل ..

فيصل من امس مارجع .. طلع من وقت الغداء ..ومارجع .. مايهمها عمره مارجع .. بس لو انها بالسعوديه كان اوكي ..بس هي برشلونه ..

المطر زاد والجو مشتد .. وهي لوحدها بشقه هذي ..

حست بايد تمتد لخصرها بنعومه .. كانت بتصرخ من الخوف اللمسه ذكرتها بايام المستشفى ..بس سكتت لما باسها فيصل بخدها بنعومه : كيفك ..؟

شموخ مالفت عليه وضلت تناظر المطر .. فيصل يدفيها ..وهو .. ضامها من ظهرها ..

همس باذنها ..: بعدك مانمتي ..

شموخ هزت راسها .. " لا "..ولفت عليه وسندت جسمها لنافذه ...وفيصل قبالها .. مسكت بلوزته وقربت منه ضمته ..: لاتتركني مره ثانيه كذا ..

فيصل : ماتاخ

شموخ تسللت ريحه عطر نسائي .. عطر إيتيرنتي لوفي النسائي ..
بعدت عنه بسرعه ونفرت نفسها ..: وين كنت.. ؟

فيصل ناظرها مستغرب بعدت عنه كذا : وش فيك ..؟

شموخ : من كنت معه .. من هذي .. ؟ريحه العطر النسائي ماكذبها ..

فيصل ببرود : عادي كنت بالهايد بارك ..

شموخ قلبها دق بسرعه وهي تناظره: ايش هايد بارك .. انت عايش وين ...؟ .. فلم اجنبي هو ..ياقذر ..

فيصل : كلي تبن .. انا مو حق زواج واخذتك كذا متعه سامعه ماتزوجتك الا للكيف والمزاج ...تسليه ...وخلاص مليت منك طوال وقتك تبكي ..

شموخ مشت تبعد عنه اقرفها .. كيف يجي يمسكها وهو لامس غيرها .. اخر شي تصورته الخيانه ...

فيصل سحبها بقوه لعنده وقال بين اسنانه وهو يحشرها بايده .. : انتي عارفه اني ماخذك عبده لفراشي ...فلا تعملي فيها تغاري .. او مهتمه ..

شموخ رمشت اكثر من مره .. كل ثانيه تكره فيصل وحياتها معه ..: اتركني .. يامقرف ..

فيصل : وربي مايلبق لك .. اتركي الحركاات هذي لغيرك ..

شموخ : حرقت عيونها الدموع بس ليه تبكي وعلى مين ..: رجعني لسعوديه ..

فيصل سحبها : تعالي وانتي ساكته ..

الم فضيع تحس فيه .. داخل قلبها ..
يلمسها واحد لامس غيرها .. بدون كرامه . ولا احترام منه .. هي بس شي يشبع فيه رغباته لا ويدور عليها بره بعد ..

لو هي اضخم منه كان بعدته .. وصرخت فيه .. ماتطيقه ...تكرهه ...

**********************
عشاق من احفاد الشيطان ... روايه رومنسيه حزينه .. ... وخياليه
**************************