شبكة همس الشوق - عرض مشاركة واحدة

4 - 2 - 2012, 09:23 PM

$. $. $. الفصل السابع والعشرين .. $.$.$.

الجزء الاول ...

الجو متوتر بينهم ..

يزيد جالس على الكنبه الشاميه ..وراه مخدات كثيره .. فجاءه متلاء جسمه بالمرض .. وانتشر التخدير بكل جسمه ..

فهد واقف قباله متوتر يروح ويجي ويشد شعره بينجن ..: انت صاحي تحكي عن زوجتك ..

يزيد بضيقه وهو يكح وصوته ضعيف : كح كح .. عارف .. ان ه ا ز و ج ت ي عل شان ك ذا .. اب
كح كح ..

فهد ركض لعنده ورفع له كاس المويه ..: خلاص لاتحكي ..لاتجهد نفسك ..

قلبه يوجعه على صاحبه .. كيف
كيف يزيد مريض بالايدز ..
وين جماله وسامته وشبابه وصحته .. قبل كم يوم بس ..
قبل كم يوم كان معرس وباجمل طله .. وفجاءه لما درى عن مرضه تغيرت احواله ..
حس بالدموع تتجمع بعيونه مايتخيل حياته بدون يزيد ..يزيد اخوه اللي مايعرف غيره ..
طاحت رجوله اول ماحكى معه بايطاليا وطلب منه يجي لسوريا مستعجل .. خاف ان ناقصه فلوس او مشاكل مع السفاره لكن المصيبه انه مريض بمرض مياوس منه ..
وتهون هذي المصيبه قدام طلبه المستحيل ..كيف يطلب منه يتزوج نور بعده ...كيف يبغاه يتزوج اخت نور عيونه هواجس .. يتزوج زوجته اللي حكاله عن حياته كيف بتتغير اول مايتزوجها .. وبيترك الحريم ويتوب ....

يزيد رجع راسه لورى وجسمه يصرخ من الالم .. مسك ايد فهد بقوه : تكفي يافهد وصيتي.. نور ..نووور .. نور .. مافي غيرك اامنه عليها ..

فهد ماتحرك ولا حكى شي ..
صعب .. الاختيار صعب ..
صاحبه راحته بين ايديه وهو بيودع ..
وعذابه هو وهواجس بيد صاحبه يزيد ..

يزيد ناظر بعيون فهد : هواجس .. مراح تكون لك .. هي لعمي ..وعنده .. اتركها تعيش حياتها ..

فهد فتح عيونه على الاخير .. يزيد عارف عن علاقته بهواجس وساكت ..
: كيف ..؟؟

يزيد بلع ريقه ولف وجهه بعيد عن فهد ..
تذكر حكي فهد عن هواجس لما كان سكران ..
بنفس يوم ملكه يزيد على نور .. فهد انهار وشرب لحد ماثمل ..
مايشرب ولا يحب الخمر .. بس جلسته مع خالد وفيصل ويزيد .. وهمومه بصد هواجس ..جبرته يشرب ..ومادرى انه بالحكي اللي هلوس فيه .. سلم ليزيد سكينه يقطع فيها علاقته مع هواجس ..

قال بصوت مرتجف وتعبان : سامحني ياخوي ..- لف ناظر فهد-انا ماطلعت بهالدنيا بغيرك وغير عمي .. كنت مابغى اخسركم اثنينكم .. ..- بلع ريقه وخنقته العبره - .. انتم الوحيدين اللي لي .. وتمنيت تكون نور لي .. وابيع اللكل علشانها بس

سكت وناظر بايده والبشاعه اللي وصلت لها مع تطور مراحل المرض بجسمه : انا اللي جبته لنفسي..واستاهله ..

فهد ابتسم ليزيد يخفف عنه : يزيد وش هالحكي – راح صوته – وكانك تودع ..يارجال لهالحين ماشبعت منك ..

يزيد ضغط على راسه بيده : العلاج مايفيد المخدرات ..مانعه اي دواء يخدر جسمي ..او يخفف من المها .. ياليتني سمعت حكيك يافهد ياليتني تركت طريق فيصل وخالد ..

فهد يصبره : يزيد خلاص لاتندم على شي .. انت لازم تسافر وتتعالج .. ان بكون معك بالمانيا .. وبترجع مثل قبل ..

يزيد ابتسم : ومن قالك اني ابغى ارجع مثل قبل .. اعوذ بالله من هذاك الطريق ..انا احمد ربي على النعمه .. لوما المرض كان ماتبت ولاعرفت الحق ..- سكت فتره وهذا طبعه بالفتره الاخيره - فهد تكفى اوعدني ..

فهد تنهد :اوعدك ..بايش ..؟

يزيد : اوعدني قبل .. ريحني ياخوي ..

فهد هز راسه باستسلام .. يزيد يتعذب وراحته بيده : اوعدك ..

يزيد بعجز : ادفني بالسعوديه .. واول ماتقضى عدة نور تتزوجها ..

فهد يحس بضيقه .. تقتله .. يزيد يودع .. واضح عليه ..مسلم جسمه للمرض ومابيده حيله ..
نزلت دموع من عيونه ..وهو يحس بتاثير كلمه ادفني بالسعوديه ..
: كيف ادفنك .. كيف وانت اغلى من عرفت بحياتي .. بالله عليك يايزيد انت تحب تعذبني .. طبعك كذا ..

يزيد ابتسم وضرب كتف فهد بضعف .. وهو يذكر ايامهم سوا ..
وكيف فهد المغلوب على امره دائما ويزيد الشرير اللي يلعب فيه ويطفشه ..ويعذبه ..
: يااالخكري امسح دموعك فضحتنا ..

فهد : دموعي ليك وعلى حالك .. ولجل عيونك اعمل اللي تبغاه .. – بتصميم وثقه – ودام راحتك اخذ نور .. هي لي من بعدك ..

يزيد ابتسم : ماوصيك يا يزيد .. دلعها ودللها ..
حطها بعيونك وسكر عليها ..تراها طيبه وماتستاهل .. ماعرفت الفرح بحياتها ..فرحها ..واعشقها ..
يزيد يحس بقلبه ينعصر وهو يوصي صاحبه على زوجته .. : لايضيع حقها وانت معها .. – لمعه عيونه - كل ماملكه لها ولك ..

فهد هز راسه يطمن يزيد وهو بداخله يصرخ (( تكفى اسكت .. تكفى يزيد لاتحملني اكثر من طاقتي .. والله ماقواها اتزوج اخت حبيبتي ..))

يزيد ابتسم بالم : واول عيالكم ابغاه سعود لاتنسى ..ابغى عمي يشوف حفيده اللي منك مو مني ..ابغاه يكون رجااال يافهد

فهد :.............

يزيد : .. ابعده عن اي طريق مشينا فيه .. ابغاه يرفع الراس ..ابغاه نسخه منك ..وماوصيك .. عمي يافهد .. عمي - صوته رااح - قله اني ماتمنيت اب غيره .. ولا في حد بمثل حنانه..

فهد مسك اعصابه : ابشر ..يوصل ..

يزيد تحرك بصعوبه وتعب باس راس فهد : سامحني ياخوي ..

فهد : لااا ولايهمك .. يله بالاذن ..

............ *............

نور مسنده اكواع ايدها على درابزين البلكونه وتناظر باللي رايح وجائي .. وهواء الشام ينعش القلب ...

شافت فهد من تحت العماره يمشي لسيارته اللسبور وهو مسرح .. مدت بوزها ..شكله مو غريب عليها ...
ناظرت هالملامح من قبل لكن وين ماتدري ..؟ ... هذا الستايل.. من وين ناظرته .. وين ..؟

سمعت صوت يزيد اللي قطع عليها ذكرياتها : نور .. نور ..

تاففت ومشت لعند الغرفه اللي مريح فيها : خير ...- فتحت الباب ووقفت عنده – بغيت شي ...

يزيد كان يرتجف .. مشاعر خوف غزته .. خاف على هذي الانسانه اللي واقفه قباله ..
ملاك من البراء ه بالمكان الغلط ...

اشر وايده ترجف .. و قال بصوت مخنوق ..: بردان ...... بردان ...... دفيني ..

نور لامس صوته جزء من مشاعرها وقلبها ... صوته تعبان اكثر من اي مره ..
غطته ببطانيه ثقيله وهي ساكته ..

يزيد كان يتامل حركاتها .. وايدها وشعرها .. وعيونها وهي شوي قريبه منه ..

غمض عيونه بقوه وشد عليها ..

لاااااااااااا لااااا يايزيد ...
حرام عليك .. نور برياءه مالها ذنب بكل هذا ..
ابعدها عنك مهما كانت حاجتك لها مراح تنفعك ..
ابعدها عن مرضك و

طنش صوت عقله وفتح عيونه وهو ماسك ايدها ..
مسك ايدها وهي تغطيه يتدفاء ...
: نور انا تعبان ..

نور عيونها بعيونه .. المه وتعبه وصل لها .. حست فيه .. غرقه عيونهابالدموع ..
..وانربط لسانها .. ماتدري وش تحكي معه ...
تاكدت انه مريض ..
: احم احم سلامتك ..

يزيد (( لاااااااا يايزيد لاتقتلها بالحياء ..
لاااا لاتكون اناني .. اذا تحبها اتركها ..
اذا لمستها .. بتقتل نفسك قبل لاتقتلها... ))

قاطعته نور بصوت حنون ..تحسه طفل ومحتاج من يحاكيه مثل امه .. : من ايش تعبان .. وين تعبان فيه ..؟

غمض عيونه وسحب ايده ورجع لورى ..
رمى انانيته ونرجسيته وتراجع ...: سلامتك .. بس اتركيني لوحدي شوي ..

نور تاففت بداخلها .. من ثواني كان عسل وفجاءه تغير ....
قالت بخيبه امل : اوكي ..

تركته وطلعت ...
ويزيد غرق بافكاره ..

**********************
عشاق من احفاد الشيطان ... روايه رومنسيه حزينه .. ... وخياليه
**************************

مصر - القاهره

:انا دلع كلي دلع ..

شمس ابتسمت لها .. غريبه هذي البنت مع عصبيتها واخلاقها الشينه .. الا ان عليها حركات تدخل القلب ..

ندى..
رفعت راسها وقالت لشمس بغرور : انا دلع صح .. انا حلوه مو ...

شمس ناظرتها وهي متبرقعه ماتبان الا عيونها : لاااا

ندى تكمل شخبطه بالدفتر ..وهم داخل المدرج الواسع ..: لااا ياقلبي انتي تغاري بس ..

شمس : ممكن اسالك سوال ..

ندى مالها الا شمس .. لمى ونجود ماعندهم محاظره معهم : اسالي ..

شمس : على ايش رافعه انفك ..

ندى رفعت كتوفها وقالت ببلاهه : مادري ههههههه

شمس : طيب ليه تكرهيني ..؟

ندى رجعت ناظرت بشمس مستغربه .. : ماكرهك لاااا .. عادي ...بس تنرفز منك ..؟

شمس عوجت فمها : نفس مشاعري انتي انسانه منرفزه بس حبيتك .. فيك شي حلو يحبب الناس فيني ...

ندى : ههههه حتى انتي ....

.........

سامي واقف مع احمد ينتظر ..

ناظر مستغرب .. شمس وندى طالعات يضحكوا سوا ..
من متى ..؟!

ندى احتقرت سامي واحمد : باي اشوفك بالشقه ..باي

شمس : اوكي ..باي ..

مشت ندى عنهم .. مالها خلق تقابل اي واحد منهم ..

سامي تقهره رافعه خشتها وماهي بشايفه حد عامله فيها محترمه : شمس وش عندك مع .. هذي ..

شمس بلامبالاه : عادي وش عندي يعني ... هلا حمود كيفك ..؟

احمد ابتسم : حمود ..

شمس : ايوه يارجال خذ راحتك .. انا اقولك حمود وانت تقول لي .. شموسه .. شيمو....

سامي : اقول يا شموسه استريحي واتركي الرجال بحاله ..ناظريه هادي ومسالم

شمس : اممم هادي .. هذا هادي .. ماضن .. هذا هبل بنجوله وم

سكتت وناظرت احمد برعب ...لسانها زل ..
احمد كتم شهقه بتطلع نفسه يخنق شمس او يسكتها ...

لفوا على سامي يناظروا ردة فعله ...
سامي ماكان معهم كان يناظر قدام ومضيق عيونه .. لفوا اثنينهم ناظروا وين يناظر ...

كانت ندى واقفه بعيد .. مع انس وتحكي ..

ندى : لاااا شكرا مابغى اتعبك معي ..

انس : ولو مافيه تعب .. انا حكيت مع نجود قبل وهي اللي طلبت مني اعملك ..

ندى عضت شفايفها بقهر (( انا اوريك يانجود الخاااايس جعلك المرض .. احرجتيني مع انس ))

انس : تحبي اعملك المجسم باي لون ..

ندى بصوت واطي منحرجه منه .. تحس انها تطره .. (( .. لو ان هواجس ترد علي بس .. والا تحول لي فلوس كان ارتاح مادري وش بلاها نستني ))
: اي لون تحب ع

قاطعها صوت سامي معصب : مشاء الله .. مشاء الله غراميات بين المتبرقعه والشاب المغترب ..

ندى انقلب مزاجها هذا وش يبغى فيها : خير .. ان شاء الله نعم ...عندك شي ..

سامي بتوتر .. وهو يناظر عيون ندى الحاده .. : لخير بوجهك .. – ارتبك اكثر وتغير صوته – من هذا ..وليه توقفي معه ..

انس انحرج وخاف ان سامي يكون .. اخوها او حد من جماعتهم ...
دايم يشوفه معها ..: لاا انا كن

ندى قاطعت انس : ماعليك منه ياانس .. وانت خير كنت واحد من اهلي تحاسبني – اشرت على شمس اللي مع احمد – شكلك مضيع هذي خالتك ماهي بانا ..

سامي صوتها يربكه .. : لااا لي كلمه عليك ومو على كيفك تسرحي وتمرحي ..

انس وقفته بايخه معهم واضح انه يقرب لها او وصي عليها تركهم وراح ..

ندى تكتفت وناظرته بتعالي .. : جد وباي صفه ..؟

سامي سكت وعيونه بعيونها ..
ندى قلبها دق بسرعه وارتبكت من نظرته ..اول مره تحس بخجل من ارتفاع صوتها او معاندتها لرجال ..
قالت بقهر ونفاذ صبر .. ومن سوا حضها طلع صوتها دلع : ليه تناظرني كذا ..؟!..آآآف ..

سامي ضل يناظرها ومانزل عيونه.. سحر والله سحر اللي تعمله عيونها ونظراتها .. في بعيونه برقه خوف ..وبراءه ..
: ماتعرفي ليه اناظرك كذا ..عيونك يابنت الناس عيونك تهبل بي ..

ندى نزلت عيونها بسرعه. لسانها نربط ماهي قادره ترد عليه او تمنعه ..مشاعر كثير ملخبطه بداخلها .. سامي غلط وجوده غلط وحكيه غلط ..
.. تبغى تبكي وتصرخ .. : ابعدوا عني انا جائيه ادرس وبس .. ماتفهموا ..

مشت وتركته

سامي تضايق من نفسه .. ماهي من هذولاء البنات وش يبغى فيها .. قباله نجود ولمى .. يلعب عليهم .. وش معنى ندى ..

لانه مايحس انه يستاهلها .. او ان وحده بنظافتها تناظره ..

رجع لشمس واحمد اللي واقفين يحتقروه ..
ناظرهم وضاق صدره اكثر : انا طالع لشركه تغدوا بدوني ..

تركهم وراح للمشوار اللي اجله كثير ..

**********************
عشاق من احفاد الشيطان ... روايه رومنسيه حزينه .. ... وخياليه
**************************