]
مو اللي يبتسم دايم من الفرح نتوقعه بيطير
يمكن ابتسم يداري وهو مقهور وقلبه مفطور
الضحك مو سبب فرح يمكن سبب جرح غزير
ومو كل من بكى .. بكى لانه لاقى ظلم وجور
يمكن بكى فرح ونــام بالاخر والشوف قـرير
البكاء مو علامه حزن يمكن دليل حب مغمور
وتبقى في الاخر كـلها مــلامح وجـوه وتعابير
والشعور بالالم الاصل يبقى محجوب مستور
ونكابر حتى لو كان الثمن علينا غالي وكثير
حتى لو كان الوجع كبير فـلازم تبقى صـبور
لان الكبريــاء دايم مثل اب مريض على سـرير
لازم يطمن عياله عليه وهو يجلس على جمور
لازم يبتسم بوجوههم ويقول الحمدلله بخير
يداري الالم والوجع لانه على تحملهم مجبور
عشان لو هم شافو ضعف انكساره ايش بيصير
بتهتز اركان البيت حتى لو هو مشيد ومعمور
وانا كبريائي وكرامتي مايتأثرون باللي يصير
لان الكرامه تعيش حتى لو كان الجسد مقبور
ومهما طال الزمن اللي جرحني لو جرح صغير
بيجيني بيوم طالب العفو وهو محزون ومكسور
هزيل الجناح وانا بطبعي دوم كريم لاني امير
مو امير ممالك لا انا بأخلاقي ملك وامبراطور
اعفو واسامح اللي جرحني ولو كان ذنبه كبير
تكفيني عزه نفسي اللي ما اقدر اسميهــا غرور
وفي الاخير الدمع والابتسامه كلها تبقا تعابير لان لو بحنا بالفرح مابيوقف اندفاعنا اي سور
ولو بحنا بالوجع مابيفيدنا الضماد ولا التجبير
لان التعابير بتظل اقتباسات على مر العصور
تلخص اشياء لكن الكرامه دوم تعارض التفسير
وتبقى الكرامه تتنفس كبرياء ويبقى الصبر مأثور
_إيمان مارش