البارت الثامن عشر ..
وصلوا عند بيت عمهـا
غزل : شهد جبتي جوالك ؟؟
شهد : No
غزل : عليم هات جوالك
السواق : لا انت ابغى انا روح في مشكلة
شهد : ان شاء الله
غزل : هات بتصل على مشعل
السواق : لالا يلا انا ودي انت مدرسة
غزل : لمى تكون ابوي احمكنـي
السواق : ياربي ايش فيه يوم هده يارب
شهد عصبت : عليم هات الجوال
عليم اعطي شهد الجوال واتصلوا على رقم مشعل
غزل : شوف عليم كلم مشعل وقولوا ينزل تحت بس لاتقول شهد وغزل معاي اوكي
السواق : انت ابغى انا اكدب لا لا هرام بعدين روح نـار
شهد : وانت عندك شك انك مو داخلهـا
غزل : عليم لا تجننـي قول له ينزل تحت عشان غزل اعطتني علبه وقالت اعطيها مشعل اوكي
السواق : لالالا انا مافي قول كده
غزل : عليم اذا سويت اللى قلت لك عليـه اخلي بابا يعطيك مكافأه
السواق " اوكي (اخذ الجوال واتصل على الرقم اللى شهد وغزل حطوه)
مشعل وهو يرتب اخر الأغراض : ألو
السواق : الو سلام ئــليكم
مشعل باستغراب : عليكم السلام من ؟؟
السواق : بابا مشعل هادا انا ءليم مافي اعرف << لا انت شخصية معروفة ابك انطق اسمك صح
مشعل خاف على البنات : خير البنات فيهم شئ
السواق : لالا بس ءزل في اعطي انا علبة قول اعطي هاده علبة بابا مشعل
مشعل علبة اها يمكن ذكرى : اوكي انت وينك
هنـا يوم سمعت شهد كلامه قالت له اسم كوفي
مشعل : كوفي بعد ياعليم والله انك مو هين خلاص ربع ساعة واجي
السواق : انت لا يتأخر انا بعدين في روح انا في شغل واجد
مشعل : مو ملاحظ اني عطيتك وجه اقول اقلب وجهك (وسكر الخط)
شهد : وناااسة
غزل تبتسم : الحمد لله ماسافر .. يلا عليم روح على الكوفي
السواق يهز راصه : انت في واجد مشاكل
شهد : اقول روح وانت ساكت
في فندق موفنبيك
عبد العزيز واريـج يفطرون
اريج : عزوز خليه نأجلوا شوي مره قريب
عبد العزيز : ياظالمة 3 شهور قريب
اريج : ايه اذا بعد 3 شهور من اليوم ماراح تشوفني
عبد العزيز بصدمه : ليه ؟!!!
اريج : اولا عشان تشتاق لي ثانيا ماراح يكون عندي وقت يدوب الحق السوق
عبد العزيز : لالا بسوي الجواز من غير ماتعرفين ماراح أقولك غير يوم الجواز
اريج : ههههههههههه وقتها راح أأجل الجواز
عبد العزيز : اهئئ انتي يا اما مااشوفك ياما تأجيل
اريج : عبد العزيز حبيبي خليهـا بعد 7 او 8 شهور يكون تمـام انا وعبير خلصنـا فترة الملكة تمام مو طويلة مره ولا قصيره
عبد العزيز : بس عشان كلمة حبيبي << لا ياشيخ
اريج : هههه يعني لو ماقلتها ماكان وافقت
عبد العزيز بثقة : طبعـا
اريج : طيب لو قلت أحبك
عبد العزيز حط يدوا من وراء خصرهـا وباس خدهـا : وانا بقولك اموت فيك
اريج خجلت اتمنت انهـا سكتت
هبه ومحمد
هبه : حبيبي يـلا قوم
محمد : هبه بنام
هبه تبوس خده : يلا قوم
محمد يفتح عين وهو نـايم مستغرب من هبه تعاملوا بشكل مختلف عن اول تحسسوا انها قريبة وبعيده بنفس الوقت : وحده ثانية واقوم
هبه : يوووه حبيبي طماع
محمد يغمض عينه : اجل ماراح أقوم
هبه تقرب من اذنـوا وبهمس : الحلو الطمـاع راح يقوم على بال مااسوي له الفطور
هبه جات بتقوم ماحست غير باللي ماسكهـا
هبه تبتسم : صح النوم
محمد يبتسم : عمري فديتك
هبه بتقوم بس محمد ماسكهـا : ايش فيك بروح اجهز لك الفطور
محمد : هبه ايش سر التغيــر
هبه بعبط : تغير !!!
محمد : ماادرى احسك متغيره
هبه : ههه يمكن عشان حامل
محمد : ياقلبي ياليت دايمـا تكونين حـامل
هبه هه لسى ماشفت شئ ان ماخليتك تتعذب زيي ماعذبتني ... ابتسمت ونزلت تجهـز الفطـور
قامت هبه تسوي له الفطور ومحمد قام بيدخل الحمام وهو يفكر ايش سر تغيرهـا صايره تهتم بنفسهـا اكثر وتلبس قصير واول كانت تجنني عشان تلبس كان اللي يجذبني لهـا خجلهـا اللحين كلهـا صايره تعذب خجلهـا كلامهـا دلعهـا اسلوبهـا ماكانت تهتم بفطوري بنفسهـا كنا ننزل نفطر تحت معاهم غريبة احسهـا قريبة مني اليوم وامس يوم زعلت عمر هبه مازعلت يوم اتأخر تسألني وينك واذا قلت لها مع اصحابي اشوف بعيونها نظره بس ماتتكلم غرريبه << لسى يامحمد ماشفت شئ
خلاص لا تعصبون بوديكم عند حبايب قلبي غزل ومشـعل << فديتهم
دخلت غزل ومشـعل الكوفـي كان فيه قسـم للعائـلات
غزل : شهدي اتصلـي على خـالد وقولي له القصه والله لو عـرف انو طلعت معاكم من غيـر مااستأذن منو بيذبحنـي
شهد : ياهبلة مايعرف وانتو مشعل ماسويتوا شئ وبتودعينوا بس
غزل : برضوا قومـي نتصـل
شهد : خلاص نقـول لـ مشعل
غزل : أيـش نقـو..
شهد قاطعتهـا : خلاص مشعل جـاء وقامت
غزل لالالا ياويلي مو كأني اتهورت لالا شهد لا تروحين انا الغلطانه اللى سمعت كلامك وجيت الكوفي : شهد يالهبلة وين ؟؟
مشعل اللى من يوم ماوقـف السيــارة شاف عليم وقال له يدخل جواا
شهد طلعت من قسم العايلات من يوم ماشافت مشعل
مشعل بصدمه : شهد ؟؟!!
شهد خافت مشعل يعصب صارت تتكلم كأنها بالعة مسجـل وهيـا ماسكة يدوا : اسمع مشعل انا قلت لغزل انك بتسافر وهيـا زعلت ورجعت من عند المدرسة وجينـا عند البيت وهي اللى قالت لـعليم يقولك كـذا بس انا قلت اجيبكم كوفي
مشعل : مسجل !!
شهد : اووف خفت اتعصب علي
مشعل ابتسم : شهوده انا اعرفكم انتي وغزل ماينخـاف عليكم والمصرقعة الثانيه
شهد : هههههههه احنـا غبنـا وهي بالمدرسة
مشعل باستغراب : كيـف !!
شهد : انا يوم نزلنـا من السيارة بطريق للمدرسة قلت لغزل وقتها كانت الهبلة دخلت المدرسـة
مشعل : وينهـا ؟؟
شهد : ههههه حرام ترا مره زعلانة اني جبتها الكوفي روح لهـــا (وأشرت له)
غزل صارت تتلثم عشان مشعـل بس القسم للعايلات اتحجبت كانت حاطه ميك.اب صباح وللمدرسة قلوز وردي وكحل أخظر غامق بس
قامت اخذت شنطتها الفوشي بوردي متوسطه الحجم بتطلـع
بس دخـل مشعل
غزل وقفت مكانهـا تنظر لمشعـل بحب ممزوج بخجل وغرور ودلع .. يالله معقـول كان بيـروح من غير مااشوفه من غيـر مااحفظ بعيني وقلبي صورته
مشعل تذبحني نظرة الغرور والحب اللي بعيونهـا
غزل نظراتـوا تحرجنـي
مشعل قرب من من غزل وهو مبتسم : سلام
غزل بهمس وارتباك : وعليك السلام
مشعل مسك يدهـا وسحبهـا تجلس على الكرسي وجلس جمبهـا على الكرسي الثانـي
غزل مرتبكه وندمانة انها سمعت كلام شهد وجات الكوفي لو ودعتـوا ببيت عمهـا احسن
مشعل وهو يتأملهـا كأنوا يبغى يحفظ ادق تفاصيل فيهـا : بتضلين ساكته كثيـر ؟؟
غزل : ..........................
مشعل : ترا ماباقي كثيـر ....
غزل رفعت راصهـا وبخوف : ليه متى رحلتك ؟؟
مشعل : الساعة 1 ونص الظهـر
غزل تنظر لساعة 8 وتنظر لمشعل اللى يضحك
مشعل : ههههههههههههههه ايش اسويلك مو عـارفة انـو الوقت معاك يعدي بسرعه ..
غزل : ومين .قلك اني بجلس .معاك من اللحين لـ 1 ونص
مشعل بثقة : انـا اقول ...
غزل بصوت باين عليه الظيقة : ايه واضح وانت كنت بتروح من غير ماتقـولـي ...
مشعل يمسـك يدهـا : والله ياعمري ماابي بيـوم انـا وانتي نحس بالفراق
غزل خافت من كلمة الفراق : ليه تقـول كـذا ..
مشعل : ماابي تحسين بحبنـا زعـل ابيه كلوا راحة وسعادة ..
غزل تسحب يدهـا بس مشعل ماسكهـا
غزل بهمـس : مشعـل اترك يدي ..
مشعل يقرب منهـا اكثر بطريقة احرجتهـا : ماسمعت ؟؟!!
غزل تبعد عنـوا وتحاول تسحب يدهـا بس مشعل لا حياة لمن تنـادي
غزل : وين شهـد ؟؟
مشعل : ايش تبين فيهـا ؟؟!!
غزل : يكون بعلمك لولاهـا ماجيت اودعك وكمان هي اللى جابتني هنـا والا انـا كنت ابـي اودعك ابيت عمـي
مشعل : بس بس هـذا كلوا دفـاع عنهـا ..
غزل : ايه هاذي شهـودتي
شهد : هااي طلبت الفطور على ذوقـي
غزل : اهئئ فطور شنو ؟؟ انا بكلم خالد وبروح البيت
مشعل وهو مازال ماسك يدهـا : روحة شنو ياعمري انتي اليوم معاي
غزل تسحب يدهـا : لا مشمش بليز لاء لا تخلني اندم
مشعل مو راضي يترك يدهـا وكل ماتسحب يدهـا يشد اكثر : انا اللحين اكلم خالد واقول له انو انا اخذتكم من عند المدرسة ونبي نفطر مع بعض ونجلس قبل مااسافـر ...
غزل : ليه ؟؟ انا اكلموا
مشعل : وايش بتقولين له ؟؟
غزل : الحقيقة ....
شهد : شنو ناوية يذبحك ؟؟
غزل : وانـا ايش سويت مارحت المدرسة يوم عرفت انو ولد عمي بيسافر من غير اختوا وبنت عموا مايودعونـة
شهد : والله اني خبلة ماادرى ليش فكرت انو راح يعصب صح كل الموضوع انو بنودع مشعل
كلموا خالد اللى بالبدايـــة عصب وخاف عليهم بس بعدين توقع من جد عشان شهد ماودعت مشعل وقالوا له عن العنود الخبلة وهو عـارف ان مشعـل ثقة سواء كانوا البنات مع خالد مشعل يثق بخالد أو العكس وقلهم انو عندوا شوية شغل بشركة يخلصوا ويجي لهم
غزل : اوووه مشعـل اترك يدي عشان على الأقل تعرف تفطـر ..
مشعل بخبث : لا تخافين اعـرف افطر كـذا واذا احتجت مساعده اقولك توكليني
غزل ببلاهة : نعم !!
مشعل : هههههههههه افطري ومافي.امل ماراح اتركهـا ...
افطـروا بالكوفـي ومشعل قـال لسواقهم يروح البيت
بسيارة مشعل غزل قدام وشهد وراء ومسكينة يد غزل إلى الأن مشعل مـاتركهـا
مشعل : وين نــروح ؟؟
شهد نطت : السـوق
مشعل : سوق الساعة 9 ..
غزل بارتباك منحرجة من قربهـا من مشعـل : البحـر
مشعل : شوفي النــاس مو انتي شئ وثاني سوق
شهد : تراها تموت على السوق اكثر مني بس عشانوا مو فاتح
غزل : هههههههه والله مو قصدي بس عارفتنـي احب البحـر
على البحـــــــر
غزل تنظر للبحــر : يالله معقـول راح اقعد 8 شهـور ماأشوفك ؟؟
مشعل وهو واقف جمبهـا : راح تشتـاقين لـي ؟؟
غزل اللى صارت تتكلم من قلبهـا مو مركزه مع مشعـل : بموت من شوقي انـا وانـا معاك احس اني مشتـاقة لك
مشعل حط يدور من وراء خصرهـا وغزل بعدت بس مو قـادره
مشعل ينظر بعيونها بكل حب : ايش اقول لك وانا احس انو أي كلمة اقولهـا لك ماراح تخليك تحسين بمقدار حبـي لك
غزل بعدت عنــوا وهي مرتبكة : وين شهد ؟؟
مشعل يبتسم انها بتضيع الموضوع : شوفيهـأ ؟؟
شهد تقرب منهم : ماعندي شغله غيـر اروح واطلب فطور أو اروح كشكات واجيب تسالي
غزل : ههههههههههههههههههه
مشعل اللى صـار يعـشق غـزل لحد الجنون جننـتـوا ضحكتها اللى فيها رنة مميـزه
مشعل اتذكر : يلا تعالوا بوريكم شئ ؟؟
غزل : ايش ؟؟
مشعل : اللحين تعرفين..
شهد : واللى اشتريتوا ...
مشعل : كليه ..
ركبــــوا السيــارة وماطولوا 5 دقـايق الا وهم واصلين
مشعل : ايش رايـكم ؟؟
شهد : يجنن وااااااااااو ماتوقعت كده بصراحة تحفه خيــــــال شنو هـذا جنااااان
غزل لفت على شهد هيا ومشعل
غزل باستغراب : شنو هـذا ؟؟
شهد بهبـال : الشارع ....
مشعل وغزل : هههههههههههههههههههههههههههههه
مشعل : انـا اتكلم على هاذي الفيلا (وأشر لهم )
غزل لفت تشوف مكان مأشر شافت فيـلا لونهـا بيج دورين واجهة الفيـلا من فوق زيي التــاج
وفيها بدور الثـاني شرفة كبيـــرة كانت الفيلا شكلهـا مررره حلوا وكمان الدور الأول في صالون زجـــاج يعني اذا صرتي جالسة بصالون تشوفي الحديقة
امـا الحديقة كانت تحفـة كلهـا ورد وعشب وفيهــا مسبــح صغيرون على شكل قلـب
غزل منبهـرة بجمـال المكان : وااااااو مره حلوه
شهد : من جد تخبل تحفة ...
مشعل يكلم شهد : انتي مابي رايك اذا شارع عندك جنان .... (يكلم غزل) جد عجبتك ؟؟
غزل :sure تحفة مررره حلووه
شهد : حقت مين ؟؟
غزل : اممم شكلهـا للبيـع لأنهم فاتحين البوابة .. بس بصراحة تجنن حتى بوابتهــا كبيـرة اللى خلتنـا نشوف أغلب الفيـلا
مشعل : لا مو للبيع هذي حقة واحد من اصحابي وقلت ابي اعرف رايكم فيهـا ...
غزل : بجد ياحظوا تجنن ...
مشعل ابتسم ومشي بسيــارة
اتصل عليه خالد واتفقوا يتلاقون بمطعــم
بالمطعم الساعة 12
خالد : حشى مو بنات أولاد فيه أحد يشرد من المدرسة
غزل : مو شرده بس عشان نودعوا حرام يروح وشهودي ماودعتـوا وبعدين انت عمرك ماشردت
خالد : ابداا ..
مشعل شرق بالعصير : كح كح .. احم احم
غزل : وانت مشمش عمرك ماشردت
مشعل : والله انا وخالد كنـا نشرد
شهد : اهئئئئئئئئئئ وعيباااه..
غزل : اهئئئئئئئئئ انتـوا ناوين تخربـون سمعتــي !!!
غزل ومشعل اتذكروا اليوم اللى غزل خافت يكون مشعـــل يكلم بنات وقالت له كده وابتسموا هم بس اللى كانوا فاهمين نظرات بعـض
خالد : ياشيخ فضحتنـا احنا كنا نشرد نروح نفطر ولا مرات نروح بيت واحد فينا ونام ...
غزل : مااذكر !!
شهد : ولا انـا ماكنت اشوفكم ...
خالد : ههههههههههه كنتـوا صغار مااتوقع تذكرون ... واساسا يوم كنـا نشرد وحنـا متوسط وثانوي كنتوا بالمدرسة ..
غزل : اهئئئ تشرد من الابتدائي..
خالد : يعني من سادس ...
شهد : يلا اطلبوا الغداء ..
خالد : ههههههههه البطة جاعت..
شهد عصبت : بطه بعينك
غزل تحط يدها على خدهـا : انتو ماتشبعون منـاقر ؟؟
خالد : قولي للبطه ..
شهد : اذا انا بطه انت فيل .. انا قصدي نطلب الغداء قبل مااطير طيارة مشعل
غزل بوزت : أوكي
مشعل لاحظ زعلهــا : يلا نتغداء على ذوق غزل افطرنـا على ذوق شهد ...
غزل تشـوف المنيو : اممم انـا ابغى فتوتشيني وسلطة سيزر
شهد : لا انا مااحبهـا ..
خالد : تعالي يالبطة انا اختار لك ..
شهد : مافي وعقاب لك على كلمة بطه راح تاكل على ذوقي .....
خالد يبغي يزيد قهـرهـا : يووه معنـاها اليوم ماراح أقدر اتعشي .. ذوقك راح تطلبين المطعم
مشعل وغزل فتوتشينـي وسلطة سيزر وبيبسي وخالد وشهد اخذوا ستيك وسلطات
خالد : الساعه 12 ونص تأخرنـا على موعـد الحظور ...
غزل بأنكـار : لالا الساعة 12
مشعل : فين انتي شوفي (ويوريهـا ساعته ) 12 ونص
غزل ياربي فشلت الخطة : ...................
في السيــارة اخذوا الشنط من سيـارة مشعل وراحوا على المطـار على أسـاس انـو خالد بعدين يرجع لسيارة مشعل
غزل : امم ايش رايكم نروح نجيب العنود ..
مشعل : العنود ماتطلع غير 1 ونص اليوم سبت..
غزل : بتروح من غير ماتودعهم ..
مشعل : امس ودعتها هي وشهد مااعرف اني بشوف شهد اليوم وامي وابوي الصبح سلمت عليهم وعماني رحت لهم الصبح قبل مااجي شركاتهم قبل مااجي الكوفي .
غزل : اممم جدي وجدتـي لازم نروح لهم..
مشعل : ودعتهم ..
غزل اففف كيف اخلي الطيارة اطير
شهد بهمس : مانفعت محاولاتــك..
غزل : ياربي ايش اسووي ؟؟..
شهد : قولي بطنك يعورك ومشعل راح ينسى الدنيــا...
غزل عجبتهـا الفكره
غزل مسكت بطنهـا : اااه ... ااااه .....اييي اييييي
خالد لف لهـا وهو يسوق : غزل ايش فيك ؟؟
غزل : اااه بطني بطني ...
خالد على طول وقف بسياره على جنب
مشعل نزل وفتح الباب اللى وراء: فين يعورك ؟؟؟
غزل تروح جمب شهد عشان مشعل محرجة منوا وهيـا ماسكة بطنهـا : اااااه يابطني بطني يعورني اااه اايييي .....
خالد : من ايش لايكون الأكل فيه شئ ؟؟
غزل : ماادرى ماادرى اااااه يابطـني اااااااه
مشعل يحاول يسحبـها بس غزل تلصق بشهد
قام وجلس جمب غزل وراء : فين يعورك ؟؟
غزل : اااااه بطنــي بطنــي
مشعل يحط يدوا على بطنهـا : طيب فين يعورك ؟؟
غزل : ااااااااااه اااااااااااااه يعورني (وتبعد يدوا)
مشعل يرجع ويحط يدوا على بطنهـا ويضغط : هنـا يعورك ..
غزل اتألمت من ضغطوا على بطنهـا : ااه حشى مو يـــد عورتني
خالد وهو واقف عند الباب حقهم: خلاص يلا نروح المستشفى
غزل : هاه ..
مشعل فهمهـا وعرف انهـا تكذب : ايه نروح هنــاك يعطونهـا ابره تسكن الألم ونشوف ايش فيهـا
غزل اهئئئ نروح هناك ويعرفون انـي اكذب : هاه ... لا خلاص مو تعبانه
خالد : نعم !!
غزل : ايه خلاص صار مايعورني خفيف مره
خالد : وين اللى توهـا خوفتني وخلتني اوقف
غزل : لا هو أول عورني اللحين لاء
مشعل يهمس لهـا : اول كنتي تبي الطياره طير هاه ويوم عرفتي المستشفى صرتي تمام
غزل بهمس: يارب اطير....
مشعل يقرصهـا من خصرهـا ونزل من السيارة وركب قدام وخالد اللى كان واقف ويكلمهم ركب وراحوا على المطـار
شهد وغزل يتكلمون بصوت خفيف
شهد : هه وربي كان باين عليك انك كذابة ...
غزل : ياربي كل شئ بدنياي جربتوا كذبت وقلت الساعه 12 وكشفوني قلت يودع القبيلة كلها وطلع ودعها قلت بطني وكشفني ايش اسوووي
شهد : خلاص خليه يســافر كل يوم تأخرينوا يتأخر على مايجي
في المطــــــــــــار
خلصوا كل شئ جـات اللحظة اللى مشعل مايبغاهااا ولا غزل تبغاهـاااا
خالد يسلم على مشعل
خالد : تروح وترجع بسلامة
مشعل يبتسم : الله يسلمك
شهد وهي دموعهـا تنزل : مشعل خلاص لاتروح
مشعل يضحك ونظروا كلوا جهة غزل : لازم اروح عشان في شئ ناوي اسويه بعد سنة ...
غزل عيونها كلهـا دموع وتتقطع من جوا ياليتني ماجيت ولا جربت الوداع اااه ياربي
مشعل يمسح دموع أختوا : خلاص لا تبكين وانـا مو قلت لكم غطوا ليش مو مغطيه
شهد تمسح دموعهـا : بس اللحين
مشعل : ههههههههه طيب نشوف بس مو تستغلون اني 8 شهور مو في ترا خالد موجود
خالد : يلا ينـادون على الرحلة ..
شهد : خالد ابغى مويــة
خالد : من وين اجيب لك اللحين ؟؟
شهد اللى قاصده حركتهـا : شوف الكافتيريـا
خالد : مابتموتين من العطش استنى شووي ننتظر مشعل
شهد : مشعل لا تروح لغاية مااجيب مويه أوكي
مشعل : اوكي
راحت شهد وهي عارفة انو خالد بيلحقهـا
خالد : اروح اشوف المجنونه ......
مشعل : هههههه أوكي ....(لف لغزل) ممكن اعرف ليه عيونك كلهـا دموع ؟؟
غزل بصوت مخنـوق : لا تسافر لا تروح الله يخليك
مشعل يمسك يدهــا : وبعدين غزل ؟؟..
غزل نزلت دموعهــا وصارت تتكلم مو حاسة بنفسهـا : لا تروح لا تروح مااقدر استحمل ماابغى تبعد عني ماابغى ابغاك جمبي زيي بابا وخالد عمرهم ماتركوني لوحدي اخاف تروح زيي ماما لاتروح الله يخليك
مشعل عمروا ماشـاف دموعهـا مسحها باصبعوا : ماابغى اشوف دموعك أبدا...
غزل زادت في البكـاء مشعل سحبها وجلسهـا على كرسي وجلس قدامهـا على الأرض : غزل والله دموعك تجرحنـي ...
غزل مو قـادره صارت تبكي بصوت ونسيت الناس والمكان اللى هم فيه : مشعل لا تروح والله مـااقدر استحمل 8 شهور ...
مشعل خلاص مو قـادر يستحمـل دموعهـا مسح دموعهـا كل مايمسـح دمعـة دموعهـا تزيــد : غزالتي
غزل قاطعتوا ومسكت يدوا اللى تمسح دموعهـا بقووه قررت تقول له الكملة اللى تحســهــا وماقالتهــــــــــــــــا له : انـا أحبــك ... أحبــــك والله أحبــــــــك
مشعل نفســوا يحظنهــا يبوسهـا بس المكان مو سامح له سحب يدهـا وطبع عليهـا قبلة
غزل تحس قلبها يتقطع من جوواا
مشعل وقف لأنوا شـاف خالد جالس يدفع الحساب بالكافتيريـا
غزل تمسح دموعهـا بس مـافي فـايده
خالد : والله انك هبلة ..
شهد : وانت أهبـل ....
مشعل : ايش فيكم ؟؟..
خالد : وربي اختك زيي الأطفال قبل ماتروح كانت تبكي من يوم مادخلت الكافتيريا زيي الأطفال عبت كيس ونسيت ابو جدك ...
مشعل فاهم أختوا : هههههههههههههههه
شهد طيب ياغزل انتي ومشعل كلوا بسببكم خليتوا خالد يتريق علي انتبهت لغزل اللى تبكي وخشمهـا أحمـر
شهد بصوت واطي : بس غزل خلاص ......
غزل تزيـد بكــاء ....
خالد راح لهـا : غزالي ايش فيك ؟؟...
غزل بكيت ومسكت بخـالد ..
خالد : الله من متـى انـا اللى اعـرفوا انكم دووم منـاقر ؟؟..
شهد خافت خالد يشك بشئ بس خالد اساسا عارف انو غزل حساسه مره واقل شئ يجرحهـا ويبكيهـا...
شهد : لا عشان هاذي المره صرنـا نطلع ونروح نجـي ....
مشعل خلاص الطيارة بطير مد يدوا وسلم على خالد وحظنوا وسلم على شهد مد يدوا لغزل غزل مدت يدهـا تسلم عليه وهيـا دموعها على خدهـا بشكل مو طبيعي بس مشعل لمى سحب يدوا سحب معاهـا خاتـم غزل اللي لابستوا بيدها الفضي ..
خلاص مشعل شال شنطتوا الصغيـره وهو مـاشي....
غزل مسكت بخـالد وصـارت تبكي وهو تشوفوا ماشي قدامهـا بطولوا اللى هي تعتبر قداموا قزمة
خالد وهو ماسكهـا : غزل بس خلاص كلهـا فتره وراح يرجـع...
شهد صارت تبكي ...
خالد : ياربي كنـا بوحده صرنـا بثنين خلاص خلاص انتو مو أطفـال ...
خالد مسك غزل بيد وشهد باليد التانيه ومشي فيهم بجد شكلهم كان زيي الأطفـال ...
خالد بسيـاره : يلا وين تبون مين قدكم يوم كـامل بره البيت ؟؟...
غزل : ...............
شهد : ...............
خالد : غريبة يعني اختـار انــا بنفسي ؟؟
غزل بصوت مخنـوق : خالد ابغى البيت ...
شهد : وانا بعـد...
خالد وصـل غزل أول وغزل على طول نزلـت من السياره على البيت على طـول وبتحديـد علـى غـرفتـهـا
اما خالد التفت على شهد بحنـان : ماتبين تنزلين تجلسون مع بعض شووي
شهد نزلت دموعهـا وفتحت الباب بتنزل
بس خالد سبقهـا ونزل مسكهـا من يدهـا : اللحين بتنزلين لهـا كذا
شهد : ليش ؟؟
خـالد ركبهـا السيـاره جمبـوا قـدام وركب