البـــــــــ 76 ــــــارت



ع ـــند أحمد.،
راح عند الدرج.،
وطلع الملف حقها الي هو كتبه لها.،
(يوم قابلها عند المدرسه وطاح منها بسببه وهو عاده لها).،
طلع كم صوره لها.،
ماكانت ترضى تتصور معاه.،
وكل مره كان يصورها تضارب معاه.،
ابتسم وهو يتذكرها.،
كانت جالسه بصاله تبرد اظافيرها.،
وهو توه جاي من برا.،
احمد : سلام.،
غزل : وعليكم السلام.،
جلس على الكنبة الي قدامها.،
احمد : وش تسوين؟!.،
غزل وهي حاطه رجل على رجل وتبرد اظافيرها : اطبخ.،
احمد : ههههههههههه ماتخيل شكلك بالمطبخ.،
غزل رفعت نظرها له وفكرت بعدها قالت وهي صادقه : تصدق ولا أنـا.،
احمد اعجبه شكلها.،
كانت مره نعومه ومخلية شعرها مفتوح بس بطريقه محليتها اكثر واكثر.،
قام وطلع الكاميرا من الدرج.،
أحمد : غزل.،
غزل طالعت فيه : نعم.،
واحمد صورها.،
غزل رفعت حاجبها : خير!.،
أحمد : بوجهك.،
غزل : ماحب اتصور.،
احمد : بس أنـا أحب يكون لك عندي صور.،
غزل : طيب ممكن تمسحها؟!.،
احمد : ماصورتها عشان امسحها.،
غزل : أحمد ليه تخلي ذكرى مااابي.،
احمد : ليه؟!.،
غزل : لأننا مابنكمل مع بعض.،
احمد : من الي قال؟!.،
غزل : مايحتاج احد يقول أنـا مستحيل أكمل حياتي معاك.،
احمد : يعني؟!.،
غزل : بنطلق.،
احمد : لا كانت المره هي الي طلق الرجال قرري.،
(وقام وتركها).،
شاف صوره ثانيه.،
كانت لغزل وهي نايمه.،
صورها وهي ماتدري.،
يذكر يومها.،
يوم خافت من احمد واغمى عليها وسهر جمبها طول الليل.،
ثاني يوم نامت على السرير على عكس دايم تنام بصاله.،
خاف يقرب منها يصحيها وتروح تنام بصاله.،
صورها .،
كيف يومها حس بألم.،
أنه مايقدر يلمس وجهها وهي قدامه ويلمس الصوره.،
.،
فتح دولابها.،
كل ملابسها موجوده.،
ماحرك ولا شي من مكانه.،
يعشقها.،
ويعشق وجودها بحياته.،
ماغلط معها بس هي الي تركته.،هي الي خانته.،هو يحبها بس هي ماحبته.،<~كانت ذي كلها افكار احمد.،

ع ـــنـــــــد غ ـــــــــزال المشعل.،
غزل : خلاص سهاردي بس شيليها وحطيها بالمطبخ واذا تعبانه بكرا غسليها ونظفي المجالس.،
سهاردي : أوك.،
طلعت غزل.،
الغرفه.،
كانت بتغير ملابسها.،
بس رن جوالها.،
شافت مين رقم غريب.،
استغربت وردت.،
غزل : ألـو.،
سهى : سلام.،
غزل : وعليكم السلام.،
سهى : غزل؟!.،
غزل : أيه من؟!.،
سهى : أنـا سهى كيفك؟!.،
غزل استغربت : سهى !.اها هلااا كيفك؟!.،
سهى : هههه الحمد لله وشو صوتي متغير؟!.،
غزل : لا بس عشان اول مره اكلمك.،
سهى : كنت بطمن بس ليه غايبه؟!.
غزل : والله جو ضيوف وماقدرت اجي.،
سهى : أهاا وشهد بعد غايبه.،
غزل : جد؟!.،
دخل مشعل الـ غ ــرفه.،
صك الباب.،
وجلس جمبها على السرير.،
سهى : إي والله مو عشان كذا استغربت خفت يكون فيكم شي.،
غزل : لا والله ماقالت لي اليوم ماكلمتها.،
مشعل مسك يدها وصار يلعب بإصابعها.،
سهى : يبيلي أتصل عليها ولا ارسل لها مسج الوقت تأخر أنـا اتصلت عليك وأنا والله مستحيه بس قلت بشوفك واقولك على المشروع.،
غزل : هههه لا عادي.،
(تسحب يدها من مشعل بس مشعل يرجع يسحبها).،
سهى : ايه ترا اليوم قالوا عن المشروع برياضيات.،
غزل اطالع بمشعل ضايقها من حركاته.،
مشعل حط يديه من وراء خصرها ويشد عليه وساند راسه على كتفها.،
ارتبكت مهي عارفه تتكلم مع البنت : جد؟!.انا كنت بسوي بحث واخلص.،
سهى : اصلاً تبي بحث بس ماحددت الموضوع أي موضوع تبينه بالمنهج.،
مشعل قرب من رقبتها بيبوسها .،
غزل دفته بيدها.،
بس هو يبتسم ويرجع يشدها له ويبوسها.،
غزل : والله مدري.،
سهى : تبين ادلك على وحده تسوي ابحاث.،
غزل مرتبكه مشعل جننها : جد؟!.(..وتبعد الجوال عنها..)مشمش بسس.،
سهى : وشو الي جد؟!.،
غزل : ايه قصدي وين طيب.،
سهى : وش فيك غزل؟!.،
مشعل همس لها بإذنها.،
غزل جالسه على السرير ومشعل جمبها من الجهه اليسار.،
همس لها : أحبك.،
غزل ارتبكت : ايه لالا معاك.،
سهى : خذي رقمها.،
غزل احتارت وش تسوي بعمرها.،
مشعل بهمس وهو بيد محاوط خصرها.،
ويده الثانيه حاطها على قلبها.،
وبهمس : نبضاتك تحكي عن حبك لي.،
غزل خلاص مهي قادره تتكلم وبان عليها :6515 سهي سهي ارسليه اكلمك بعدين باي.،
وقفلت.،
لفت وجهها لمشعل .،
لأنه من الجمب جالس.،
كانت تبي تتكلم.،
بس مشعل ماعطاها أي فرصه.،
حط يده تحت ذقنها وابتسم.،
ماقدرت ترد عليه بأأأأي شي.،
إلا أنهـا تبتسم له.،
مشعل قرب وجهها اكثر وباس شفايفها.،




ع ـــــنــــــــد مـــســـــاع ـــــد وروان.،
دخلوا شقتهم.،
مساعد جلس بصالة.،
وروان دخلت الغرفة بتغير ملابسها.،
كلمت امها.،
روان : يايمه أنا قلت لك من قبل أني بروح مع مساعد.،
الأم : إيـه يابنيتي بس لو أجلتيها عشان خالتك.،
روان : يمه والله حرام من 4 أيام وهو يقولي وأنـا أجل ماقدرت.،
الأم : ادري يابنيتي بس خالتك زعلت.،
روان تتنهد : طيب أنـا اروح لها بكرا.،
الأم : ياروان أنتِ عارفه خالتك وشو اروح لها بكرا .،
روان : طب وش اسوي؟!.،
الأم : مدري (تنهدت)على الله يلااا قومي شوفي زوجك وأنا بقوم اشوف خواتك وأحط راسي وانام.،
روان : طيب تصبحين على خير.،
الأم : وأنتِ من اهله.،
قامت روان.،
طلعت لها.،
قميص نوم.،
لونه وردي.،
عريان وفتحة الصدر سبعه.،
لبست غطاهـ.،
وطلعت تشوف مساعد.،
لقيته بصاله .،
روان :حبيبي تبي شي؟!.،
مساعد : بتنامين؟!.،
روان : إيه تعبانه.،
مساعد : خلاص أجل شوي والحقك.،
روان ابتسمت : أوك.،
دخلت المطبخ.،
شربت مويه.،
ودخلت غرفة النوم.،
وصكت الباب.،
لفت بطفي النور.،
الا شافت مساعد على السرير.،
روان تبتسم : مو على اساس أنك بتجلس شوي؟!.،
مساعد : دخت.،
روان تبتسم : شغل الأبجوره عندك.،
مساعد يبتسم : طيب طفي النور.،
روان : طيب اول ولع الأبجوزه.،
مساعد : تخافين.،
روان : ههههه الي يشوفك يقول تونا متزوجين.،
مساعد ناوي عليها ولع الأبجوره.،
و روان طفت النور وجات بتمشي لسرير.،
مساعد طفى الأبجورهـ.،
روان وقفت : مساعد شغلها تعرفني اخاف.،
مساعد قام وراح لها وحظنها.،
مساعد بصوت خفيف : والحين خايفه.،
روان بزعل : لا تسوي ذي الحركه اخاف من الظلمه.،
مساعد شالها وراح فيها لسرير.،



يـــــــــوم ج ـــــديــــــــــــد.،

شـــهـــد الـ خ ـــالد.،
الـســاع ـــة.،8:30.،
صحيت.،
اتروشت واستشورت شعرها.،
أول محاضره عندها على 10.،
طلعت لها تنورة وبلوزهـ.،
وجهزة كل اغراضها.،
طلعت من الغرفة.،
توقعت خالد بشركه.،
تحس أنها مصدعه.،
تبي تسوي لها قهوه.،
دخلت المطبخ.،
اتفاجأت بخالد قدامها.،
يحط الفطور على الطاولة.،
خالد ابتسم : صباح الخير.،
شهد من غير ماطالع له : إن شاء الله.،
اخذت كوب وراحت عند الغلاية.،
.،
سوت قهوتها وخالد يراقبها يوم جات تطلع من الغرفه.،
: الفطور؟!.،
شهد : تسلم تأخرت.،
خالد : على؟!.،
شهد : الجامعة.،
خالد : مابتروحين اليوم.،
شهد لفت له : ليه؟!.،
خالد : بجلس معك قبل ماسافر.،
شهد وهي لفت ماشيه : من قال اني ابي اجلس على العموم اروح انام بما انه صدر حكم القاضي .،
راحت ودخلت الغرفه وصكت الباب.،


اتصلت على غزل.،
مشعل الي منيم غزل على يده ارتفع شوي واخذ التلفون من على الكمدينه الي جمب غزل.،
شهد : الو غزلي.،
مشعل : هلا شهد.،
شهد : وين غزل.،
مشعل : نايمه مابداوم اليوم.،
شهد قفلت السماعه.،
مشعل حط الجوال جمبه.،
وانسددح.،
سحب غزل له أكثر.،
يدري أنها صاحيه صار لها اكثر من ساعتين تمثل انها نايمه.،
مغمضه عيونها بس جفونها تتحرك.،
نفسها مو منتظم.،
توقعها خجلانه.،
بس رجفتها مخليته يستغرب.،
رجفتها مو طبيعيه.،
شدها له.،
عدل يده تحت راسها.،
جلس يتأمل وجهها.،
مايبي يكلمها ويقولها أنه عارف انها صاحيه يحرجها.،
ولا عاجبته رجفت جسمها.،
ضمها له.،
وحط يده الثانيه عليها.،
مايبي يبين لها انه فاهم.،
بعد ساعه غزل نامت.،
ومشعل اطمن ونام.,


بــيـــــــــت أبــو ع ـبــد الـ ع ـــــــــزيز.،
الــســـا ع ـــــــــــــه 2 الظهر.،
الكل على الغداء.،
أبو عبد العزيز يكلم هبه : ليه ماتاكلين؟!.،
هبه : آكل.،
ابو عبد العزيز : ماكلمك محمد.،
هبه : لا.،
ابو عبد العزيز : يابنيتي صاير بينكم شي اليوم عمك كلمني<~سعود.,وقال انه بيمرني بعد العشاء في موضوع مهم.،
هدى : عسى خير.،
ابو عبد العزيز : إن شاء الله خير (طالع بهبه)صاير بينك وبين زوجك شي.،
هبه سكتت ماقدرت تقول شي.،
وقامت من على الطاوله طلعت غرفتها.،






ع ـــبـــيـــــــر الـســـلطـــان.،
سلطان : طيب نروح ونطلع على السوق.،
عبير : لا ابي اليوم كله معاك.،
سلطان : لا بالله مو حتى بالمستشفى انا معاك.،
عبير : قصدي نروح سوق نتعشى برا.،
سلطان : والدكتوره؟!.،
عبير : عادي يتأجل الموعد.،
سلطان : ذا ثاني موعد تأجلينه شكله بجد يبي لك ام (عقد حواجبه)وش كان اسم ولدها.،
عبير : مدري نسيييت.،
سلطان : ها تروحين ولا نجيب لك ام مدري مين.،
عبير : ههههه لا اروح بلااا ام مدري يمين بلا ام شمال.،
سلطان : إيه الحين فقتي تنكتين.،
عبير : إيه أفوق واسوي الي تبي بس بلا ذي الحرمه.،




ع ــــــنـــــــد الـ ع ــــــــنــــــــــــود.،
جالسه بالغرفه.،
باقي اسبوع على الأختبارات.،
يعني بعده تركي بيسافر؟!.،
بس يمكن يكذبون.،
ماظن يقدر يبعد!.،
عبد العزيز مادرس برااا.،<~اخوهـ.،
بس هو متعلق بمشعل وخالد يمكن يطلع مثل مشعل.،
ياربي.،
اشتقت له.،
ودي اسمع صوته.،
اتذكرت أشرطة الفيديوا الي كانت تصورهم.،
كانت تصور جلساتها مع البنات وبيت جدتها يوم يروحون.،
قامت ادورهم.،
ولقيت كم واحد.،
اخذتهم.،
وطلعت الصاله بتشوفهم.،
لقيت امها جالسه.،
نوره : هلااا من اول احسبك نايمه.،
العنود تبتسم وتبوسها : لا صاحيه.،
نوره تشوف الي معها : وش ذول؟!.،
العنود : بتفرج على جلساتنا الي كنت اصورها.،
نوره تبتسم : ايه حطيها.،
العنود : أي لقيتي شي يسليك لا يكون تحسبينها فيلم.،
نوره : هههههه لا والله بس كانت ايام حلوه.،حطيها وقولي لها تسوي قهوه.،
العنود : انا قلت تحسبينها فيلم بتتقهوين عليه.،
نوره : اقول تراني عطيتك وجه من اول جالسه مابي اتقهوى لوحدي.،
العنود : هههههههههه (وتبوس امها)فديتك والله امزح معك.،




شهــــد الـ خ ــــــــــــالد.،
خالد جاء بيفتح باب الغرفه.،
لقيه مقفل.،
دب الباب.،
ماردت.،
رجع دق.،
ماردت.،
:شهــد..شهد افتحي الباب.،
من غير ماترد عليه قامت فتحت الباب.،
وجات بتدخل الحمام قبل لا يدخل.،
بس خالد سبقها ودخل.،
الغرفه.،
مسكها قبل لا تدخل.،
خالد : ..............
شهد طالعت له : فيه شي؟!.،
خالد تنهد : حالنا فيه الف شي.،
شهد : ................
خالد : ................
شهد : خلنا نروح.،
خالد : لا حول ولا قوة الا بالله.،
شهد : ................
خالد طالعها : لا افهمي لا.،
شهد : اجل وش تبي؟!.،تبي اكون راضيه واعاملك عادي!.,وانت ماتبي تريحني تبيني اضل بعيونك طول عمري الظالمه متهمه.،لا الكل عرف انه ظلمني ولا الكل عرف انه اناا الي سويت فيها كذاا وش تبي فهمني بس؟!.تبي تكون بعيني الشهم الشجاع الي متحمل زوجته وهي مسويه كذا بأخته تـبـ.،
خالد قاطعها وهو يترك يدها : شهد خلاص روحي روحي عن وجهي.،
شهد طالعت فيه بقهر وطلعت برا الغرفه.،




غ ــــــــــــزال المـشــــ ع ــــــــــــــــــل.،
الساع ــــــة 4 ونص العصر.،
مشعل صحي من النوم.،
وغزل لسى نايمه.،
(غزل ماكانت قادره تنام ويوم نامت ماحست بشي لا مشعل يوم قام تروش وراح صلى الفجر ورجع ونام ولا يوم راح صلي الظهر وجاء عندها غير ملابسه.، ولا حست بأي شي).،
مشعل راح الظهر المستشفى لأنه مادوام الصباح.،
شاف المرضى الي عنده.،
وحدد له أدويتهم.،
ورجع.،
دخل يتروش.،
وطلع.،
لبس بنطلون جينز.،
وتيشرت اسود.،
عليه كتابات.،
غزل ازعجها الصوت الي بالغرفه.،
مشعل قاصد.،
حس انها صحيت.،
قرب منها وجلس جمبها على السرير.،
مشعل يلمس باصباعه وجهها.،
غزل فتحت عيونها.،
مشعل ابتسم وهو يبوس جبينها : لا حرمني الله هالوجه.،
غزل مهي قادره طالع فيها.،
مشعل يمسك كف يدها وباسها.،
غزل ساكته وهي قادره طالع فيه.،
مشعل وهو ماسك كف يدها : يلا ياقلبي .،
غزل بصوت خفيف: طيب ابعد.،
مشعل قام بهدوء وطلع برا الغرفه.،
اما غزل قامت شوي وسندت ظهرها على السرير.،
شافت لبسها.،
تنهدت بضيق.،
مشعل ماجبرها على شي.،
وكل شي صار برضاها بس في شي بداخلها مضايقها.،
شافت مفرش السرير.،
يعني حقيقي ماكنت متجوزه قبل!.،
جات بتقوم تتروش مهي قادره ضاايقه.،
في شي بداخلها يخنقها.،
مشعل دخل الغرفه.،
شافها كيف سانده ظهرها على السرير ورافعه رجولها لها.،
ومتغطية بشرشف.،
وراخيه راسها.،
قرب منها وجلس جمبها.،
مشعل : حبيبي وش فيك؟!.،
غزل نزلت دموعها : ...............
مشعل بيحظنها بس غزل بعدته.،
مشعل : غزالي وش فيك؟!.،
غزل جات بتقوم بس مشعل رجعها له.،
غزل : بقوم.،
مشعل حط راسها على صدره وجلس يمسح على شعرها : وش الي مضايق غزالي؟!.،
غزل سكتت بس صارت تكتم بكاها.،
مشعل وهو يمسح على راسها : اسف.،
غزل تمسح دموعها وتحاول تتكلم : ما..فـ..ي ..شـ..شـي..تعـ..تذ..ر علـ..
مشعل يمسك وجهها بين يديه ويزكر نظره فيها :












مشــــــ ع ــــــــــــــــــــل الــ غ ــــــــــــــــــــــزل

اغليه يعني اعشقه , اعشقه يعني اموت فيه
يعني انا ميت مع عشقه و مرتبة الشرف

ميت و يعشق و السبب مافي داعي اني احكيه
الغيد في الدنيا هواه وهو لحاله محترف

الشامخ اللي لقبل و حضن يديني في يديه
تراعدت فرايصه بالغنج و تساقط ترف

أمشي معه من غير لا اين ولا كيف وليه
من حيث ما يجرفني اغمض عيوني و انجرف

ان قال لا اقول لا ان قال ايه اقول ايه
ماعرف مسمع ما ارى ما ارى مسمع ماعرف

الي اعرفه اني ابيه يتجملبي و ابيه
وكان العدل في صدته سجلني اكبر منحرف