دفها على جواء.،
طاحت قدامه.،
ولا همته.،
قفل عليها الباب عشان ماتطلع وطلع له!.،
وهي على الأرض تحس ضهرها يألمها من رمية مشعل لها.،
مهي قادره تقوم.،
وسامعه صوت مشعل!.،
مستغربة من كل الي يصير!.،
ليه مشعل لا شافه كل حقد وعصبية الكون تكون بوجهه.،
وليه أحمد كذا يسوي.،
حاولت تقوم.،
بس تحس بألم بظهرها فضيع.،
حاولت لين قدرت توقف.،
بس مهي قادره تمشي عادي.،
من الم ظهرها.،
راحت على المجلس وجلست على الكنبة.،
تحاول تفكر وتفسر تصرفات مشعل.،
بعد شوي.،
سمعت صوت الباب ينفتح.،
دخل مشعل.،
هي كانت جالسه بالمجلس الي اول ماتدخلين البيت على اليمين.،
على الكنبه الي وراك يكون الشباك.،
شافته كيف صك الباب بقوه.،
قفله.،
ومشي لين وصل الدرج.،
وقف ثواني.،
تنهد وبعدها طلع على فوووق.،
غزل انصدمت.،
يقفل الباب!.،
حاولت تقوم.،
وتشوف من الشباك.،
شافت احمد كيف مرمي على الأرض.،
ويحاول يقوم.،
شافت كيف وجهه كله دم.،
رجعت الستاره.،
ورجعت مكانها وجلست على الكنبه.،
مهي قادره تستوعب الي يصير!.،
ليه ذا كله؟!.،
ليه مشعل لاشاف احمد يعاملها بقسوه؟!.
وليه أحمد يكرر زوجتي..زوجتي؟!.،
وليه يجي للبيت بأخر الليل؟!.،
وليه يراقب البيت من قبل؟!.،
سندت راسها على الكنبه.،
وماحست بنفسها الا ودموعها تنزل.،
مشعل الي دخل الغرفه مضايق.،
هو من اول باله مشغول بغزل وخايف!.،
وكيف ويطلع له احمد.،
جلس على السرير وكل ضيقة الكون فيه.،
مهو قادر يفكر ولا عارف وش يسوي.،


































بـــيــــــــــــت أبـــو سلطــــــــان.،
العنود مهي قادره تنام.،
مهي مستوعبه أنه خلاص بعد اليوم مابتشوفه.،
مابتحس بوجوده.،
مايكون عندها أمل لو 1% أنها ممكن تشوفه تصادفه.،
اختار يبعد عنها.،
وهو كان يقولها انه بيدرس هنا!.،
وانه مابيروح يدرس زي مشعل.،
يوم كانت تشكي له.،
أنها تشتاق لمشعل!.،
الحين يسوي فيها نفس الشي!.،
شافت الساعه.،
باقي نص ساعه على رحلته.،
طلعت من غرفتها.،
عندها أمل أنه يجي!.،
فتحت الشرفه.،
عندهـا أمل أنه يجي!.،
كانت من هنا ترمي له الكتب!.،
ومن هنا تشوفه إذا ماقدرت تنزل له وتكلمه!.،
جلست على الكرسي.،
وعندهـا أمل انه بت 30 دقيقه الباقيه على رحلته.،
يجي ويودعها.،
يحسسها أنه يبيها.،
يحبها.،
للحين يفكر فيها.،



















































بـيـــــــت مـــشـــــــ ع ــــــــل الــــ غ ـــــــــزل.،
مشعل أنتبه.،
أن غزل مو بالغرفة.،
قام شاف غرفة الملابس مهي موجوده.،
فتح باب الحمام"اكرمكم الله" مهي في.،
طلع من الغرفه.،
مهي بصاله.،
وباب الي يطلعك للمطبخ مصكوك.،
نزل تحت انتبه لها وهو ينزل الدرج.،
راح لها وقف قدامها شافها كيف سانده راسها وتبكي.،
مشعل بعد التحف من على الطاوله شوي.،
وجلس على الطاوله.،
حط يده على ركبتها وقال بصوت خفيف : غزل.،
غزل وهي على نفس وضعيتها.،
بعدت رجلها عنه.،
مشعل قام وجلس جمبها.،
لأنها سانده راسها على الكنبه.،
مرجعه راسها على وراء.،
دموعها مهي على خدها.،
مشعل يمسح دموعها.،
غزل تعدلت.،
وجات بتحاول تقوم.،
مشعل مسك يدها وغزل سكتت.،
مشعل سكت ثواني.،
: زعلانه؟!.،
غزل اببتسمت بسخريه وهي تمسح دموعها وحاولت تقوم بس مهي قادره تتألم.،
مشعل رجعها.،
غزل بعصبيه : سيبني.،
مشعل : وش فيك؟!.،
غزل بعصبيه وصوت عالي وهي تبكي : سلاااامتك ابد مافيني شي سيبني بقوم.،
مشعل وهو ماسك يدها : وش له داعي كل هالبكى والعصبيه؟!.،
غزل تبتسم بسخريه وتشد يدها منه صدت : ههه يمكن عليه؟!.،
مشعل يقوم ويوقف قدامها : غزل اوزني كلامك احسلك.،
غزل حاولت بكل قوتها توقف قدامه : وش بتسوي يعني؟!.،(صارت تبكي وتمسح دموعها)بدفني كأني حيوانه مو انسانه؟!.،ولا بتقفل عليا وتطلع؟!.،ولا بتخليني الهبله الي طول عمري مصدقتك وأنت تكذب عليا ولا.،
ماقدرت تكمل كلامها من البكى.،
وشهقاتها.،
ولا قدرت تضل واقفه.،
الي صار هدها.،
وغير كذا ألم ظهرها.،
مسكت بالكـرسي مهي قادره توقف.،
مشعل قرب منها.،
غزل دفته بيدها وبعصبيه : بـــعد ماااابيك تقرب مني.،
مشعل يوم جلست على الكرسي.،
جلس قدامها.،
غزل طالعت فيه كيف جالس مو على الكرسي.،
صدت.،
مشعل مسك يدها سحبتها بس هو شد عليها.،
تنهد : زعلك أني قفلت الباب؟!.،
شافها بتتكلم.،
قاطعها : يوم فسرتي اني قافله عنك مافكرتي اني قفلت عليك منه؟!.،واحد سكران؟!.,ولا ماعندنا أحنا باب خلفي؟!.لو ابي اقفل عليك كان قفلت كل البيبان.،
غزل وهي صاده : طيب انا بطلع انام.،
مشعل : غزل ذا مو اسلوب تفاهم.،
غزل تناظر فيه : تفاهم؟!.،مشعل أنـا مو فاهمه شي عشان تقولي مو اسلوب تفاهم؟!.،
مشعل صد عنها تنهد ورجع ناظرها : وش الي مو فاهمته؟!.،
غزل رجعت تبكي : كل شي كل شي.،
مشعل يمسح دموعها : طيب بس لا تبكين ياقلبـي.،
غزل مهي قادره تسيطر على دموعها.،
ومشعل ذابحها لا يتكلم ولا يقول شي.،
مشعل قام وجلس على مساعد الكرسي وشد غزل له : حبيبي كل شي أنتِ عارفته وانـا قايله لك وبعدين جاي سكران وش تبين اسوي له؟!.،وقلت لك ليه قفلت الباب.،
غزل رفعت راسها وطالعت فيه : ليه احس اني تايهه؟!.،
مشعل يمسح دموعها : لا تخافين وأنا معاك.،
غزل تناظر بعيونه : خايفه من بكرا.،
مشعل وهي شايف كيف عيونها كلها دموع وشايف الخوف والحيره بوجهها : وأنـا معاك لا تخافين من أي شي.،
غزل : مشعل أنت ذاكرتي لا تخليني اندم بيوم على شي.،
مشعل سكت مايقدر يقول شي اكثر من كذا.،
غزل مسكت بمساعد الكرسي وقامت.،
باين بمشيتها أنهـا متألمه.،
مشعل راح لها وحط يده من وراها : وش فيك؟!.،
غزل بألم : سلامتك.،
وجالسه تحاول تطلع الدرج.،
مشعل شالها وطلع الغرفه.،
نيمها على السرير.،
اخذ دواها.،
وكاسة موية.،
غزل تاخذ منديل من على الكمدينه وتمسح الكحل من تحت عيونها.،
حطت المنديل على الكمدينه.،
وسحبت الشرشف عليها.،
اخذت الحبه وشربتها.،
يوم جات بتحط الكاسه مشعل اخذها منها وحطها على الكمدينه.،
ونيمها على يده.،
غزل ماقالت شي.،
وسحبت الشرشف عليها.،
بس ماقدرت تمنع دموعها.،
الي بللت كتف مشعل.،
مشعل حاس فيها بس ساكت.،
.،






























ع ـــــنــــــــــد تـــــــــركـــــــــي.،
بـــطـيـــــــــــاره.،
جالس يفكر بالعنود.،
اشتاق لها.،
لهبالها.،
وصوتها.،
اشتاق يسولف معها.،
أقوى سبب خلاه يسافر هي.،
خاف بسنه من سنين يضعف.،
يبي يكمل دراسـته ويرجع.،
لهــا.،
يحلم باليوم ذا.،
عارف أنه جرحها.،
بس هو حاول يفهمها.،
بس العنود ماقدرت تتقبل موقفه ولا تفهمه.،
































يــــــــــــــوم ج ـــديـــــــــد.~.
بـــيـــــــت لـ ج ــيـــن.،
على الفون مع سمر^^.،
سمر : وليه مضايقك كلامها؟!.،
لجين : مو مضايقني بس يعني هي شايفه تصرفات سامر غلط؟!.،
سمر : ليه أنتِ شايفتها صح؟!.،
لجين : مدري.،
سمر : ايش ماتدري سامر تصرفاته واضحه كل شوي يجي ويحاول يشوفك.،
لجين : طيب بس أنا مالي شغل.،
سمر : وهيا ماقالت لك أنو لك شغل وبعدين هو يجي بعذر أنه جاي لأمك عشان يبي يشوفك.،
لجين ابتسمت : بس ماشافني.،
سمر : لو بيده شافك وبعدين سامر ماشاء الله عليه مو مهتم لأحد يتكلم عنك كأنك اخته ويسأل عنك بـ الأسم وينصح ويدخل وهو مايقرب لك وكل ذا قدام اخوانك وامك وأنتِ تذكرين كيف يجي هو واخته عشان تاخذ اخبار منك وتذكرين كيف يوم عرف أنك أنتِ الي حطيتي الفطور حط لك رقمه صح هو يحبك بس مو زي بندر.،
لجين : كيف يعني؟!.،
سمر : بندر كان محافظ عليك!.،
لجين : يعني أنتِ كنتي شايفه بندر يحبني؟!.،
سمر : لا خطبك عشان يبي يتزوج.،
لجين : مدري ياستي الله يرحمه.،
سمر : آآآمين يارب.،

























بــيـــــــت مـــــــشـــــ ع ـــــــل الـــ غ ــــــــزل.،
الـســـاع ـــه 4 ونص العصر.،
غزل صحيت على صوت جوالها.،
كانت العنود.،
غزل : هلا.،
العنود وصوتها رايح من البكى : ههه أنا ولي سبب اني ابكي بس انتِ ليه؟!.،
غزل : هلا عنود.،
العنود : للحين نايمه؟!.،
غزل : لا بقوم.،وش فيه صوتك؟!.،
العنود : ضايقه ياغزل.،
غزل تنهدت : اقولك قومي تعالي عندي.،
العنود : لا مابي كملي نومك.،
غزل : والله خلاص شبعت نوم قومي تعالي يلا.،
العنود : ماتوقع ماما ترضى.،
غزل : ليه؟!.،
العنود : مدري.،
غزل : لو مارضيت قوليلي انا اكلمها.،
العنود : ياواسطه.،
غزل : هههه يلا انا انتظرك.،
العنود : اوك قايمه اشوفها واذا رضيت لبست وجيتك.،
غزل : اوكي باي.،
العنود : باي.،
حطت الجوال جمبها.،
وجالسه تتمدد بسرير.،
مشعل يطلع من الحمام "اكرمكم الله".،
: صباح الحلو.،
غزل طالعت فيه بنظره مشعل مافهمها : صباح النور.،
بعدت الشرشف عنها.،
وحاولت تقوم من على السرير.،
يدوب قادره تمشي.،
مشعل استغرب ليه مشيتها كذا : وش فيك؟!.،
غزل : ولا شي.،
مشعل شافها تمسك بتسريحه قرب منها : وش الي ولا شي ليه تمشين كذا؟!.،
غزل الي كانت راخيه راسها ماتبي تطالع فيه.،
رفعت راسها وعيونها دموع : وتسأل؟!.،
مشعل : وش الي صار؟!.،
غزل : نسيت البارح وش سويت فيني؟!.،
مشعل تذكر شكلها يوم دفها وطاحت على الأرض.،
وهو واقف قدامها حط يده وراء ضهرها.،
بس غزل سبقته دفته وبنرفزه : بـــعــــد.،
مشعل وهو ماسكها : وش فيك؟!.,بشوفه بس!.،
غزل تدفه بقوه : وشو تجرح وتدواي؟!.،
ودخلت الحمام "اكرمكم الله".،
























شـــــهـــــــــد الــــ خ ــــــالد.،
بالمسـتـــشـــفى^^.،
شهد : يعني وش؟!.،
الدكتوره : مش باين.،
شهد : لا مستحيل دكتوره الله يخليك تأكدي.،
الدكتوره : والله يابتي قافل رقليه مش باين.،
شهد تناظر بخالد الي ميت ضحك.،
شهد : يادب اضحك.،
خالد : هههههههههههههههههههه.،
شهد بقهر : طيب دكتوره مافي طريقة ثانيه نعرف.،
الدكتوره : مش مشكله نعمله مره تانيه.،
شهد : اففف،

















ع ــــــنــــــــد مـــشــ ع ــــــــل الــ غ ــــــــزل.،
طلعت من الحمام"اكرمكم الله".،
بعد ماتروشت واستشورت شعرها بالحمام.،
ماتبي تطلع وتشوف مشعل.،
طلعت لبست بنطلون جينز.،
وتي شيرت أبيض.،
شوي مفتوح من عند الصدر.،
والبلوزه مرسوم فيها قلب بالفوشي.،
وكتابه انقلش بالاسود.،
خلت شعرها مفتوح.،
وجابته كله على جمب.،
حطت كحل وماسكارا وروج وردي.،
وتعطرت.،
طلعت لصاله شافت مشعل جالس.،
غزل جلست على طرف الجلسه.،
واتصلت على العنود : ألو وينك؟!.،
غزل : هههه اوكي الحين انزل افتح لك.،
قفلت منها.،
وقامت بتنزل.،
مشعل : جات؟!.،
غزل استغربت كيف عرف كانت بتقهره أنهـا ماقالت له أنها بتجي : مين؟!.،
مشعل : العنود.،
غزل : ايه بنزل افتح لها.،
مشعل وهو ياخذ محفظته واغراضه : خليك أنـا طالع افتح لها.،
نزل مشعل وغزل وراه.،
طلع مشعل وفتح الباب الخارجي للعنود.،
والعنود قالت خلاص مو لازم يدخلها السواق لجواء.،
تمشي المسافه لأنها مو بعيده.،
ماشيه وهي تشوف غزل واقفه عند الباب حق البيت تنتظرها.،
شافت وهي تمشي ميدليه فيها مفاتيح ضنتها لمشعل.،
ارتخت وشالتها وكملت.،
غزل تبتسم : ياهلااا والله.،
العنود : هلا فيك.،
سلموا على بعض.،
العنود : هذي لك؟!.،
غزل تشوفها عقدت حواجبها : لا.،
العنود : حسبتها حقتك ولا حقت مشعل.،
غزل : لا مشعل حقتة زي القلم والكبك حقته ديور.،
العنود : غريب عليها حرفك.،
غزل وهم طالعين على الدرج.،
تاخذها من العنود.،
وتشوفها.،
عمرها ماشافتها.،
عرفت أنهـا لأحمد.،
بس ليه كاتب حرفي عليها؟!.،
ولا يمكن عنده احد اسمه يبداء بحرف الـ g



















بــيــــــــت أبـــــــو ع ــبـــــد الرحمن.،
هبه تبكي :..................
هدى : يابنتي هذا لمصلحتك.،
هبه : مصلحتي؟!.،
هدى : المره مالها غير بيت زوجها.،
هبه : هو أنـا عندي بيت؟!.،وبعدين يايمه بيتزوج علي.،
هدى : بس أهلك مابيتحملونك طول العمر بيتحملونك يوم يومين بعدين خلاص وبعدين مو لحالك معاك ورع.،
هبه انصدمت ماقدرت تتحمل كلامها جرحها قالت وهي تشهق : يعني انا وين اروح وين ورجال حتى يوم رحت بيت عمي ودخلت غرفة نومي شـفـت...........




















بــيـــــــــت مــــــشــــــ ع ــــــل الـــ غ ـــــــزل.،
غزل تكلم شهد بالفون والعنود جالسه جمبها.،
غزل : من جد؟!.،
دق جوال العنود.،
<~كان مشعل.،
غزل : ههههههههههههه يالبى حبيب عمته مؤدب.،
شهد : وش تتوقعين.،
غزل : اممم مدري بس نفسي يكون ولد عشان انا اجيب بنت ويتزوج دلوعتي.،
شهد : لا والله حكمتي انه بيتزوج بنتك.،
غزل : وتحصله بنت الغزل.،
شهد : مالت بس.،
غزل : يعني من زين ولدك الي هههههههههههههههه ثاني مره تروحين وهو مقفل رجلينه.،
شهد : الأدب زين.،
غزل : ههههههههههههه.،
شهد : وبعدين خير أنتِ والعنود جالسين ولا تنادوني.،
غزل : وش دخلك أخت زوجي وجايتني.،
شهد : وأنـا أخت مين لا يكون أخت السواق.،
غزل : هههههههههههه لالا أنـا أخت زوجك.،
شهد : ههههههههههههههه ياشيخه؟!.،احلفي!.،
غزل : مدري تصدقين مو متأكده.،
العنود : بجد حششتوا.،
غزل : هههههههههه تصدقون مشتهيه ايش؟!.
شهد : ايش؟!.،
غزل : سينابون مررره مشتهيته.،
شهد : قومي نطلع السوق نتسوق ونأكلك سينابون.،
غزل : لا مافيا اطلع والله ظهري يعورني.،
شهد : يالعجوز.،
غزل : عجوز بعينك بس تعبانه علي دورة.،
شهد : هههههههههه وانا احسبك حامل قلت مشتهيه سينابون وظهرها يعورها.،
غزل :حامل بعينك قلت لك أنا يوم اكون حامل أبي اكون الدلوعه مو موسم حمل مثلكم.،
العنود بخجل : غزل قمتي تخربينها.،
غزل تناظر بالعنود : هههههههه ليه؟!.،
العنود تبتسم : سلامتك.،
غزل : شهد قومي تعالي يلا.،
شهد : لا مايمديني خالد راح لصاحبه وبيجي بعد شوي.،
غزل : مع السواق طيب.،
شهد : خلاص مره ثانيه.،المهم متى بداومين؟!.،
غزل : مدري خلاص قبل امس شفت نزل الجدول امم اليوم ايش؟!.،
شهد : خميس.،
غزل : خلاص السبت ان شاء الله.،
شهد : اوكي واذا غيرتي رايك وسويتيها فيا وخليتيني اروح ذابحتك.،
غزل : هههههههههه لا لا تخافين اذا مابروح اقولك.،
شهد : اوكي يلا باي بقوم اتروش.،
غزل : انتبهي على ولدك من الشامبو.،
شهد :هههههههههه انقلعي باي.،
غزل : هههههههه بايوز.،

مشعل الي اتصل على غزل وماردت واتصل على البيت مشغول.،
اتصل على العنود وسمع غزل وكلامها مع شهد.،
كيف كذبت عليها وماقالت انها طاحت.،
قفل من العنود.،
غزل : وصل؟!.،
العنود : ايه سمعت امي اليوم تكلم خالتي وقالت لها انه وصل.،
غزل : اها اشوا الحمد لله على سلامته.،
العنود : تتوقعين يغرونه البنات؟!.،
غزل : من جدك؟!.مستحيل ماتوقع!.،رجال خاف عليك من نفسه وهو يحبك بيروح يدور بنات.،
العنود تنهدت : مدري.،
غزل شافت بداية أنهـا تبكي : تكفين لا تبكين والله بجلس ابكي معك.،
العنود : ههههههه.،
غزل : كيف المدرسه الجديده؟!.،
العنود : حلوه والله كنت خايفه اني اندم بس للحين تمام.،
غزل : الحمد لله.،















بــيــــــــــت مــســـــــــاع ــــــد وروان.،
روان تبتسم : ههه وأنـا احبك اكثر.،
مساعد : الله لا يحرمني منك.،
روان : ولا منك.،
مساعد : .............
روان خجلت منه وهو يتأملها : كلمت مشعل؟!.،
مساعد يبتسم : لا والله.،
روان : طيب كلمه الحين.،
مساعد يبتسم : فاهمك الحين اكلمه.،





















بــيــــــــــــت مــشـــ ع ــــــــل الـــ غ ــــــــــــزل.،
غزل : مع نفسك بدري اجلسي معي شوي.،
العنود : طيب على مايجي السواق.،
غزل : بلا هبل نامي هنا اليوم وش بتروحين تسوين؟!.،
العنود : لا بروح ماحب اخلي امي لحالها.،
غزل : افففف.،
مشعل : سلام.،
الكل : وعليكم السلام.،
جلس و









غ ــــــــــزالك.،



كنت أحبك.،
يوم كان الصدق طبعك.،
كنت أحبك.،
يوم كان الوفاء دربك.،
كنت أحبك.،
يوم كان الطيب ساسك.،
كنت أحبك.،
يوم كان أشعال روحي فنك.،
كنت أحبك.،
وأكتشتف أني ماحبك.،
لآن كل مافيك.،
طلعت أجهله.،



<~خاطرتي.،






1)وين أحمد؟!.،وش ناوي عليه؟!.،
2)غزل ومعاملتها لمشعل وش بتنتهي عليه؟!.،
3)كذب مشعل على غزل وش نهايته؟!.،
4)معقول يكون في شي بلقاء غزل وروان؟!.،
5)هدى لــيـــــــه قالت لبنتها كذا؟!.،وش بيكون تأثيره على هبه؟!.،
6)شهد الخالد لمتى وهي ماتعرف جنس البيبي؟!.،
7)وش الي شافته هبه يوم كانت بغرفة نومها هي ومحمد بيت عمها؟!.،
8)مشعل وش خطته الجديده لتعامل مع غزل؟!.،
9)لجين معقول من الأول كانت تحب سامر؟!.,وماحبت بندر؟!.،
أنــــــتـــــــــــظــــــــــر ردودكـــــــــم وتـــــــــوقــــ ع ــــــــاتـــــكـــــم.،