الــــبـــــــــارت الـــ89













هدى : يابنتي هذا لمصلحتك.،
هبه : مصلحتي؟!.،
هدى : المره مالها غير بيت زوجها.،
هبه : هو أنـا عندي بيت؟!.،وبعدين يايمه بيتزوج علي.،
هدى : بس أهلك مابيتحملونك طول العمر بيتحملونك يوم يومين بعدين خلاص وبعدين مو لحالك معاك ورع.،
هبه انصدمت ماقدرت تتحمل كلامها جرحها قالت وهي تشهق : يعني انا وين اروح وين ورجال حتى يوم رحت بيت عمي ودخلت غرفة نومي شـفـت دولابي شايل كل ملابسي كل اغراضي شايلها من غرفة نومي مايبيني ولا يبي شي مني قبل لا يتزوج ولا حتى يخطب شالها.،






















تـــــ ح ـــــــــت بــصــــــــاله.،
عبد العزيز والأريج توهم وصلوا.،
وجالسين مع "هدى".،
أريج : وين هبه؟!.،
هدى تذكرت حال بنتها وكيف جرحتها بالكلام : بغرفتها.،
اريج وقفت : بروح اشوفها عن اذنكم.،
عبد العزيز بعد ماطلعت اريج من الصاله : ماصار شي على هبه ومحمد.،
هدى تنهدت : وش بيصير على حالهم الله يهدي سرهم.،
عبد العزيز : يمه ماصار ذا مو حل يارجال ياخذ مرته بيتهم ويصونها ولا يطلق ويفكنا.،
هدى : الله يهداك وش طلاق الله يهدي نفسوهم.،
عبد العزيز : آآآمين يارب بس لمتى بيضلون كذا؟!.،
هدى : والله ياولدي مدري يـمـكـ....(قطع كلامهم صوت أريج).،
أريج الي دقت باب غرفة هبه وماردت عليها.،
طولت وهي تدق بس ماردت.،
توقعتها نايمه وقالت بتدخل تصحيها.،
يوم دخلت انصدمت.،
هبه مغمى عليها.،
اريج نصدمت لأنها مو طايحه لا نصها طايح على الكمدينه وجسمها على السرير كأنها منتحره.،
اريج نزلت نص الدرج وبصوت عالي وهي ميته رعب عليها : عـبـــــــــــد العــــــــــــــزيز خـــــــالتي هبه مغمى عليها.،
فز عبد العزيز وهدى من مكانهم.،
عبد العزيز دخل الغرفه وانصدم من شكلها عدلها على السرير.،
ويحس نبضها.،
طالع بأريج : نبض منخفض.،
هدى وهي مهي قادره توقف : ياويلي على بنتي.،
اريج مسكتها : اهدي ياخاله اهدي.،
عبد العزيز : وين عباتها؟!.،
اريج بسرعه تجيب له عبايتها وعبد العزيز لفها عليها وراح على طول طلع من الغرفة.،
اريج تلحقه : عزيز بروح معك.،
عبد العزيز وهو نازل : خليك مع امي ونايف ولحقونا.،
اريج : لا حول ولا قوة الا بالله الله يستر.،
دخلت عند هدى الي لقتها تبكي.،
أريج : ياخالتي اهدي مافيها الا العافيه اكيد ارهاق.،
هدى وهي عارفه ان بنتها ماتحملت الكلام الي قالته لها تبكي وساكته.،
اريج تحاول تقومها : ياخالتي الله يخليك اهدي واذكري الله مافيها الا العافيه يلا خلنا نروح لهم.،
هدى قامت وهي خايفه على بنتها وحاسه بذنب قامت وراحت غرفتها عشان تلبس وتروح المستشفى.،
اما اريج الي كانت بتنزل تلبس عباتها شافت نايف على السرير.،
احتارت ماتدري وش تسوي!.،
قربت منه كان نايم بس من اصواتهم صحي ابتسمت يالله وش كثر هادي ماشاء الله عليه.،
طيب الحين وين اوديه؟!.،
لازم احد يجلس معه.،
هدى الي راحت تلبس عباتها وبتروح لبنتها دخلت الغرفه عند اريج : يمه أنتِ هنا يلا تأخرنا.،
أريج : خالتي ونايف؟!.،
هدى : هاتيه معنا.،
أريج : مو تعب عليه؟!.،
هدى : اجل وين نخليه يابنيتي يلا.،
أريج : طيب.،




































بــــــيــــــــــــــت أح ــــــــمـــــــــــــــد~.،
حسناء : احمد خلاص لا تجنني.،
احمد : طيب قولي من الاول وش صار وش قالت لك.،
حسناء : ياربي احمد قلت لك البنت جات عطتني الميدليه وبس.،
احمد : وش دراها انها لي؟!.،
حسناء : مدري ماسألتها.،
احمد : ماقالت لك شي ثاني؟!.،
حسناء بطفش : لا.،
احمد : سألت عني.،
حسناء بدون اهتمام وهي تسند راسها على الكنبه وتقلب بتلفزيون : ايه.،
احمد فز وجلس جمبها : وش قالت؟!.،
حسناء معقول الحب يسوي كذا يارب ارحمه وخليه يكرهها جلست تعدلت : قالت احمد مو بس خطبني ملك علي بعد صح؟!.،
احمد يطالع فيها : وش قلتي لها؟!.،
حسناء خافت انها تقول له وش قالت لها يقولها ليه ماقلتي الحقيقه : ماقدرت اقول شي بنت عمها شهد جات.،
احمد : لو سألتك مرره ثانيه تقولين لها كل شي فاهمه.،
حسناء : طيب.،
احمد : ماعطتك رقمها؟!.،
حسناء : لا قالت المره الثانيه كانت مستعجله.،
احمد تنهد وهو نظره بالفراغ : تغيرت؟!.،
حسناء : لا نفس ماهي حتى حركاتها.،
احمد ابتسم بحزن حس ذكريات غزل تحاصره قام وطلع برا البيت.،
حسناء تفكر بحال اخوها يارب وش اسوي عشان اساعده اذا هو مو قادره يساعد نفسه كان يشرب بطل شرب وصار يداوم وياخذ منوم لين جسمه انهلك وبعدها رجع لنفس الشي "تنهدت"وش اسوي معك ياحمد وش اسوي.،














































بـــــــــالمــســـتـــشـــفـــــى.،
عبد العزيز : والله يايمه بخير بس الحين نايمه.،
أريج وهي شايله نايف : عزيز وش فيها؟!.،
عبد العزيز : انهيار عصبي.،
هدى سكتت عارفه من وشو.،
عبد العزيز : يمه وش فيها هي كلمت محمد؟!.،احد ضايقها؟!.،
هدى ساكته وماترد عليه وجلست على الكراسي.،
عبد العزيز استغرب خاف يكون في شي جديد وهو مايعرفه.،
أريج : صاحيه؟!.،
عبد العزيز : لا عطيتها مهدي.،
هدى رفعت راسها لولدها : ابوك درا؟!.،
عبد العزيز يجلس جمبها ويمسك يدها : لا يالغاليه ماجاء للحين بس قولي لي وش الي صاير؟!.،
هدى تتنهد : ولا شي ياوليدي.،
عبد العزيز : الغاليه اعرفك وش الي مضيق خلقك هالكثر.،
هدى :................
اريج تحسبها خايفه على بنتها : ياخالتي لا تخافين اهي بخير ان شاء الله.،
هدى : متى بتصحى؟!.،
عبد العزيز : بعد 9 أو 11 ساعه خلني اوصلكم البيت.،
هدى : لا ياولدي بجلس عند بنتي.،
عبد العزيز : يايمه مابتصحى الحين بالليل نرجع.،
هدى : قلبي مابـيـرتاح.،
عبد العزيز : قومي يالغاليه هبه نايمه مابتصحى ان شاء الله غير بعد 9 او 11 ساعه.،
اريج : يلا ياخالتي روحي وارتاحي وبالليل نجي هنا لو جلستي غير تعب بتكون نايمه.،






























بـــــيـــــــــــــــــت نـــــــــــــــــاديـــــــــــــــه
رغد : وش فيك؟!.،
نوف : ولا شي.،
رغد : علي من صحيتي ومزاجك كله مقلوب.،
نوف : رغد مافي شي.،
رغد : على راحتك.،

















امــا الي سار ببيت أهل عبد العزيز.،
هدى مرره خايفه وزعلانه على بنتها وحاسه انها هي السبب.،
ونايف مع أريج ومرره مبسوطه بنايف وفرحانه فيه.،
امـا أبوعبد العزيز أنقهر على بنته وحس انه هو ومرته السبب باللي صار لها.،
حسوا بمعانتها وقهرها.،























يــــــــــوم جـــــــديـــــــــــــد.~
بــــــــيــــــــــــــت مــــــشــــــــ ع ــــــل الـــ غ ـــــــزل.،
غزل تبتسم : أنت الي زعلتني مو أنــا الي زعلتك.،
مشعل بخبث : يعني لو زعلت بتسوين؟!.،
غزل : هههه مشمش وش فيك من صحيت وأنت تقولي زعلتيني.،
مشعل وهو جالس بصاله وحاط الاب على رجوله : تعالي شوفي.،
غزل : وشو؟!.،
مشعل : تعالي جمبي اوريك.،
غزل تقوم وتجلس جمبه : وشو؟!.،
مشعل يبتسم ويشغل باليوتيوب .،
تسمع الميوزك مهي فاهمه : لمين؟!.،
مشعل : المهم تسمعين.،
غزل تبتسم وحطت راسها على كتفه وتشوف شاشه وتسمع.،
اول شي عادي تسمع ميوزك بعدين.،
اثاري الزعل.،
اثاري الزعل.،
اثاري الزعل حلو بشكل.،
استغربت رفعت راسها له.،
كان يبتسم.،
كل يوم راح ازعل.،
ليلة أمس مثل الملك تراضيني واتدلل.،
سمعتني من احلى الغزل واهدتني جمرات القبل ليله ولا شهر العسل.،
غزل وجهها حمر.،
وجات بتقوم من جمبه بس مسك يدها وهو يبتسم : طيب وش رايك انا الي اراضيك.،
غزل بدلع وتتهرب : مشعل أحنا مو زعلانين.،
مشعل : ههههههه "باس جبينها" الله لا يحرمني منك.،
غزل تبتسم : ولا منك.،
حطت راسها على كتفه : وش تسوي؟!.،<~قصدها على الاب.،
مشعل : زي مانتي شايفه شوي على اليوتيوب وشوي اشوف الشغل.،
غزل سكتت شوي وهي تشوفه مندمج على الاب.،
بعدها قالت : بيجي اليوم الي بنكون فيه مو مع بعض؟!.،
مشعل وهو كان مندمج على النت انصدم من سؤالها.،
خاف.،استغرب.،
قابلها بجلسته وبصوت جاف : وش جاء على بالك؟!.،
غزل شافت كيف تغيرت ملامحه : قصدي بيجي يوم تتركني فيه.،
مشعل مسك يديها الاثنين ومركز بعيونها : شفتي ياغزل لو انتِ ماتبيني وتبيني اترك أنا مستحيل اترك الا اذا الله اخذ روحي.،
غزل عيونها امتلت دموع : بسم الله عليك بعيد الشر عنك.،
مشعل :................
غزل بخجل وارخت نظرها لا يحرجها اكثر : مشعل أنا كل مافيني يبيك ولك ماتخيل يوم اقضيه من غيرك.،
مشعل حضنها لصدره.،
ضامها له خايف من رجوع ذاكرتها.،
خايف مو وجود حسناء معها بنفس الجامعه.،





























بالمـــــســــتـــــشــــــفـــــى.،
بــــ غ ـــــــــرفـــــــــــــة هـــبـــــــــــه.،
هبه بتعب : يمه مافيني شي والله بخير.،
اريج : خوفتينا عليك يادلوعه.،
هبه تبتسم : تعبتك بنايف ياقلبي.،
اريج : لا والله بالعكس ياقلبي عليه سوالفه وهباله يجنن.،
هبه تبتسم.،
دخل.،
ابــوهـــا.،
:السلام عليكم.،
الكل : وعليكم السلام.،
باس جبينها : الحمد لله على سلامتك يابنيتي.،
هبه : الله يسلمك يبه.،
اريج اعطت نايف عبد العزيز : امسكه دقايق بسوي له الرضعه واجيك.،
عبد العزيز يبتسم : اوكي.،
هبه : يبه متى بطلع من هنا.،
هدى : يابنيتي أنتِ تعبانه فكري بصحتك وش لك بطلعه لا صرتي زينه تطلعين.،
هبه : لا يايمه نايف.،
أريج وهي تسوي الرضعه : مالك شغل فيه اصلاَ لو طلعتي مابعطيك اياه قبل اسبوعين ارتاحي منه شوي.،
هبه : يبه.،
ابوها ابتسم لها : يابوك ارتاحي أنتِ جسمك محتاج راحه.،





















بـــيــــــــــــت مـــــــشــــــــ ع ــــــــــل الـــــــ غ ـــــــــزل.~
غزل : ياربي مشعل وش البس مافيا وبعدين كنت ناويه اليوم نجلس نطبع الصور.،
مشعل : ليه ماقلتي لي قبل كان اعتذرت.،
غزل تمد بوزها وبدلع : كنت زعلانه منك.،
مشعل :ههههههههه اجل تحملي يلا.،
غزل تجلس على السرير قدامه : طيب وش البس؟!.،فستان؟!.ولا تنوره وبلوزه؟!.ولا بنطلون؟!.،
مشعل : والله مدري!.،
غزل : اففف.،
ودخلت غرفة الملابس.،
تختار ومحتاره وش تلبس!.،
اخيرا استقرت على تنوره وبلوزه فوشي.،
اتروشت واستشورت شعرها.،
حطت كريم مرطب لجسمها.،
ولبست التنوره الي توصل فوق الركبه بشوي.،
التنوره قماشها طبيعي قطعتين فوق بعض.،
يعني طبقه قصيره وتحتها الثانيه اطول منها بشوووي.،
توصل لفووق الركبه بشوي.،
ولبست بدي فوشي عشاان البلوزه شفافه.،
البلوزه عباره عن كم طووويل والجهه الثانيه مافي كم عريان.،
ووتنزل من على الكتوف البلوزه.،
ومن تحت الصدر فيها ورد صغير من نفس القماش ثلاثه وردات محطوطه تحت بعض بطريقة مايله.،
مرره كانت ناعم شكلها وانــيـــــــــق.،
طلعت راسها من باب الغرفه بتشوف مشعل فيه مالقيته راحت جري للباب قفلت باب الغرفه.،
وطلعت لها صندل كعب فوشي.،
رباط لنص الساق.،
خلت الميك اب مرره خفيف.،
كحل نيلي جوا عيونها.،
وماسكارا سوداء وحطت من الاطراف خفيف نيلي.،
بلشر برونزي مرره خفيف.،
وروج وردي على فوشي بلمعه قويه.،
تعطرت من ثلاث عطور مع بعض.،
لبست بيدها اسواره ذهب ناعمه.،
مع دبلتها وبس.،
عدلت شعرها.،
عجبها شكلها مره.،
استغربت ان مشعل مادق الباب.،
فتحت الباب وطلعت مالقت مشعل.،
استغربت غريب طلع من غير مايقولها.،
نادته : مشمش.،مشمش وينك؟!.،ع ـــشـــوقـــي..عــشـــوقي.،
دخلت غرفتها تبي تتصل عليه : الـو..عـشــوقي وينك؟!.،اهااا بطول؟!.،........طيب يلا لا تتأخر انتظرك.،
دخلت غرفة الملابس.،
طلعت لمشعل ملابـــسه.،
عطرت ثــــوبـــــــه.،
واختارت لك كبك والقلم.،
























سمعت صوت باب البيت طلعت من الغرفه ووقفت على الدرج وهي مبتسمه.،
هو قلها انه مره على الكواي يجيب اشمغته من عنده لآن غزل ولا الشغاله يعرفون يكوونها.،
وشايل معه باقة ورد كبيره.،
غزل تبتسم،.
مشعل ماانتبه انها واقفه.،
طلع وهو بنص الدرج انتبه لها.،
ابتسمت اكثر.،
مشعل ابتسم لها .،
غزل اخذت منه باقة الورد.،
ماسكتها بيديها الاثنين وترخي راسها لها تستنشق ريحته وترجع تطالع فيه وتبتسم.،
مشعل حط الأشمغه على الكرسي.،
وحط يديه وراء خصرها وبهمس : وش هالحلا؟!.،
غزل تذكرت لبسها وقفت عدل وببتسامه وهي ماسكه الورد بيد عشان يشوف لبسها وتلف : حلوو؟!.،
مشعل : يجنن عليك ياقلبي.،
غزل تاخذ اشمغته من على الكرسي.،
وتدخل غرفة النوم.،
ومشعل دخل وراها.،
شاف كيف مرتبه له كل اغراضه على السرير.،
يوم شافها ابتسم وطالع بغزل.،
غزل وهي دخلت غرفة الملابس علقت اشمغته.،
واخذت واحد طلعته من الكيس النايلون.،
ماسكته وراحت لتسريحه بتعطر شماغه انتبهت لمشعل الي يبتسم.،
قال بكل حب وهو يتأملها : احب اهتمامك فيا.،
غزل وهي عطرت الشماغ حطته على السرير وجلست وماسكه طرف مفرش السرير.،
وبهمس وخجل : أحس بداخلي فرحه يوم اهتم فيك وبأغراضك مدري ليه من كثر مايفرحني أحس انه من قبل لا افقد الذاكره كنت ابي اسوي كذا.،
مشعل قرب منها بس غزل خجلانه منه قامت واعطته المنشفه وبدلع ممزوج بخجل : يلا ادخل اتروش على ماخلص.،
مشعل باس يدها الي ماسكه المنشفه ودخل يتروش.،


























ع ــــنــــــــــد هبه بالمــــســــتـــشـــفى.،
محد يدري غير اهلها.،
مابلغوا احد.،
الكل راح وولدها مع اريج وعبد العزيز.،
جالسه تفكر.،
ماتدري وش بيصير فيها ولا بحياتها.،
ولا محمد وين مختفي؟!.،
تعبت وملت حياتها.،
لا تشتغل وتقدر تجيب كل الي تبيه تستحي تطلب من ابوها فلوس.،
صح مو مقصر عليها بس هي ماهي حابه انها كل شوي فلوس.،
تبي تجيب لولدها الحليب والحفايض مو جده هو الي يجيبها له.،
المفروض محمد الملزوم بذا كله.،
تنهدت.،يبيلي اروح السوق ابيع لي قطعة ذهب واجيب اغراض لنايف واذا ابوي سئل اقوله ماخلصت الي جايبها للحين.،



















بـــــــيــــــــــــت غ ـــــــــزال المـــشـــــ ع ــــــل.،
دخل مشعل يتروش.،
وهي كانت مخلصه طلعت عباتها وعطرتها.،
وطلعت شنطتها.،
وجلست تتأمل الورد الي مشعل جايبه.،
وهي تستنشقه وتتأمله انتبهت ان بألغصن حق الورده في اسواره وبـ الأسواره معلقه ورقه.،
اخذت اول وحده وقريت الي مكتوب فيها " كل مافيني يبيك".،
شافت الورده الثانيه نفس الشي اسواره وبالاسواره ورقه.،
مكتوب " كل مافيك احبه حتى نظرة الخجل.،ربكتك.،ترددك.،خوفك.,".،
الورد كثير بس مو بكله في اسوار وورق لا بس بالورد الأحمر.،
لقيت بالورده الثالثه اسواره ومعقله فيها ورقة ومكتوب فيها.،
"يكفيني الحب بعيونك اشوفه واحسه واسمعه لو ماسمعتها منك غير مره".،
شافت الورده الرابعه واخذت الورقه من الاسواره.،
"ماحلت ايامي الا بوجودك ولا لجسدي وروحي راحه الا بنبض قلبك الي عايش فيني".،
فرح ـــت كــثـــير.،
واعجبتها كثير.،
اخذت الورق وقامت صورته.،
وشالته بدرج التسريحه.،
يوم جلست على السرير مسكت الاساور
بتشوفها انصدمت من حنان ورقه ورمنسيه مشعل.،
بكل اسواره مكتوب حروف.،
V وحرف o وحرف L وحرف E
كونت منها كلمة Love انبسطت كثير.،
واول ماسمعت صوت باب الحمام اكرمكم الله جرت عليه








مـــشــــــ ع ــــــــل الـــ غ ــــــزل.~.