الــــــــبــــــــــــــارت الــــــ106













مو متخيل انها كذا بتاخذ اغراضها من بيتها.،
بتروح عنه.،
خلاص بتترك المكان وتاخذ منه اغراضها.،
دخل الغرفه ماشافها.،
سمع صوتها بغرفة الملابس.،
صك باب الغرفه.،
مو متحمل يدخل ويشوفها تلم اغراضها.،
جلس على السرير.،
جالس على السرير من نهايته بنص السرير ورجوله على الأرض مقابل التسريحه.،
بعد شوي طلعت غزل.،
شهقت يوم شافته جالس على السرير ووقفت مكانها .،
مشعل يطالع فيها كيف طالعه وتسحب الشنطه الثانيه.،
قال وصوته باين عليه الضيق : بتطلعين من بيتك؟!.،
غزل تبلع ريقها : ذا مو بيتي.،
وجات تمشي بتطلع من الغرفه.،<~ ناسيه عباتها من ارتباكها من وجوده.،
مشعل وقف وقابلها يطالع بعيونها : كيف مو بيتك؟!.،
غزل مهي قادرة تقوى اكثر : مدام انه كان يجمعني فيك يعني مو بيتي مو بيتي.،
حط يدينه على خصرها ويطالع فيها مركز على عيونها الي طالع فيه وكلها دموع : حنا لبعض خلي عتابنا وزعلنا وحبنا وشوقنا معنا ولنا.،
غزل بيدينها الاثنين وبقوتها كلها تنزل يديه على تحت مهي قادره تبعدها تضغط على يديه على تحت عشان يبعد عنها.،
ورجعت على وراء : عمري ماكنت لك ولا بكون لك ولأنك عارف ذا الشي ومتأكد منه سويت كل شي من غير معرف.،
مشعل يقدم لها وغزل صار تنفسها سريع من العصبيه والقهر "وعيونها كلها دموع".،
بصوت مخنوق وتنفسها سريع : ما..بـيـــ...ك.،
مشعل : بس أنـا ابيك.،
غزل تبكي وتصرخ فيه وتمشي بتاخذ عباتها وتطلع من الغرفه.، : وانا مابيك مابيك بحياتي.،
اخذت العبايه بس يوم جات تطلع مشعل وراها سحبها صار ضهرها على صدره ويديه الاثنين على بطنها وشادها.،
غزل مهي قادره تتحرك يدينها محبوسه لأنه حاضنها وشاد عليها.،
ترخي نفسها على تحت وترجع ترفع نفسها : لااا فكني مشعل فكنــي.،
مشعل يرجع فيها على وراء : اشششش واسمعيني.،
غزل بصوت عالي وعصبيه وترخي نفسها على تحت وترجع ترفع نفسها تحاول تفك نفسها صار شعرها يجي على وجهها ويضايقها : ماااابي اسسمع مااااااابي ماابيك افهممم ماااابيك.،
مشعل يفكها ويلفها له "بداء يعصب" : غزل بطلي ذا الآسلوب فااااهمه جلسي وخلينا نتفاهم.،
ماسكها من كتوفها.،
غزل تحط كفوف يدينها على صدره وتدفه بقوه عشان يتركها رجعت على وراء تبكي : وش اسمع هااا وش اسمع بتقولي كيف خططت عشااان تضحك علي بتقولي كيف تعبت وانت تمثل عشان ارجع احبك ثاني "بكيت اكثر رجعت على وراء وهي ماسكه بيدها اليسار ذراع يمينها لأن مسك مشعل له وشده عورها.،
جلست على الآرض : بتقول اني كنت لعبه بيدك هبله ماكل ولا اشرب ولا اروح ولا اجي الا معك اني كنت اكره دنيتي من دونك اني حتى وانا مذكر شي رجعت وحبيتك ثاني انك لعبت فيا خنتني وسويت بحياتك الي تبيه انك تبي تكسرني انك جرحتني انه ماكفاك الي سويته وانت برا ويوم جيت ولقيتني عشت من غيرك وماأثرت فيا استغليت الفرص انه"سكتت"انك ماكتفيت انك تكون خاين وتزوج وجارحني مارتحت لين خليتني مطلقه وتزوجتني وكسرت غروري.،
مشعل يجلس قدامها ويمسك يدينها : ليه كل تفسيرك انه بنتقم واني بكسرك ليه وش شايفتني قدامك همجي ماعندي احساس وبعدين ليه ذا كله ليه ماحسيتي بحبي وانه كله عشان احبك.،
غزل وجهها كله صار دموع ومهي قادره توقف ولا فيها قوة لأي شي : تحبني!.،
قامت عنه : انت ماتحب غير نفسك ماتحب غير نفسك عمرك ماحبيتني.،
مشعل واقف قدامها : وش الي بالك وش افكارك محسستني انك كنتي عايشه مع حيوان مو معي.،
غزل تبكي : انت اكثر من كذااا انت نذل استغليت كل شي حتى وعدنا يوم تزوجنا ماصنته وخنت.،
اتذكرت .،





















مشعل كيف يقرب من رقبتها بيبوسها .،
وهي ادفه بيدها.،
كيف يبتسم ويرجع يشدها له ويبوسها.،
غزل : والله مدري.،
سهى : تبين ادلك على وحده تسوي ابحاث.،
ارتباكها : جد؟!.(..وتبعد الجوال عنها..)مشمش بسس.،
سهى : وشو الي جد؟!.،
غزل : ايه قصدي وين طيب.،
سهى : وش فيك غزل؟!.،
همس لها بإذنها.،
غزل جالسه على السرير ومشعل جمبها من الجهه اليسار.،
همس لها : أحبك.،
غزل ارتبكت : ايه لالا معاك.،
سهى : خذي رقمها.،
غزل احتارت وش تسوي بعمرها.،
مشعل بهمس وهو بيد محاوط خصرها.،
ويده الثانيه حاطها على قلبها.،
وبهمس : نبضاتك تحكي عن حبك لي.،
غزل خلاص مهي قادره تتكلم وبان عليها :6515 سهي سهي ارسليه اكلمك بعدين باي.،
وقفلت.،
لفت وجهها لمشعل .،
لأنه من الجمب جالس.،
كانت تبي تتكلم.،
بس مشعل ماعطاها أي فرصه.،
حط يده تحت ذقنها وابتسم.،
ماقدرت ترد عليه بأأأأي شي.،
إلا أنهـا تبتسم له.،
مشعل قرب وجهها اكثر وباس شفايفها.،
صارت تبكي اكثر وتشهق : اكررررهك تعرف وش يعني اكررررهك انت حيواني كل همك غريزه وتكسرني وتقول تحبني اكرهك.،
مشعل بعصبيه : ليه تلوميني على شي بلحظه رضااا منك.،
غزل قامت واخذت عباتها من الارض وسحبت الشنطه بكل قوتها تطيح وترجع تقوم.،










































طلعت لصاله وبيدها عباتها وتسحب كل شنطه بيد.،
مشعل فتح الباب وطلع من الغرفه : غزل.،
غزل يوم سمعت صوته صارت تسحب الشنط وبسرعه رايحه على الدرج بتطلع مو متحمله.،
اول ماوصلت على الدرج مشعل مسكها : غزل.،
يوم مسكها غزل كانت بتنزل ومعها الشنط.،
طاحت الشنطتين من على الدرجه وحده نزلت تحت.،
ووحده بنص الدرج.،
غزل كانت لا فه وجهها عن مشعل و طالع بشنط مستغربه من الصوت.،
لفت وطالعت بمشعل الي لافها له .،
قالت وهي مركزه بعيونه وبقهر : اكررهك.،
وارخت نفسها لأنه حاط يديه على خصرها.،
ارخت نفسها على تحت وسحبت عباتها ونزلت الدرج ويوم وصلت لشنطه الي بنص الدرج ارخت نفسها ولها ودفتها على تحت.،
ويوم وصلت اخر الدرج سحبت الشنطتين وفتحت باب الفيلا وطلعت.،
خالد انصدم يوم شاف عباتها بيدها.،
كان جالس على السياره من قدام راح لها.،
: خليها خليها والبسي عباتك.،
اخذ الشنطتين وغزل لبست عباتها ونزلت الدرجات.،
اول ماتنزل الدرجات يصير مشعل يقدر يشوفها.،<~ فوق على الشباك
انصدم من كلام غزل كان متوقع انها زعلانه على موضوع انه متزوج وزعلانه على زواجهم وهي ماتذكر.،
ماتوقع عقليتها وتفسيرها!انتقام! كرررره! كسسسر غرور!.،
حس الموضوع صعب عليه اكثر واسلوبه ذا ماراح يمشي مع غزل.،
لفت طرحتها وجلست تصك العبايه وقفت قدام باب السياره وارخت راسها
خالد الي قفل الشنطه.،
استغرب يوم شافها سانده نفسها على سياره خافت تكون تعبانه.،
:غزل.،"ارفعت راسها له".، اركبي الباب فاتح.،
.،






































بــــــــــــيــــــــــــــت ســـــــــــ ع ــــــــود
الســـا ع ــــــــــه 9 ونص.،
عبير سمعت صوت امها بالمطبخ.،
قامت من فراشها وراحت للمطبخ.،
شافت امها جالسه مع الشغاله تسوي معجنات وفطاير.،
:سلام.،
حصه : عليك السلام.،
عبير : وش تسوين؟!.،
حصه : بعلمها تسوي معجنات لك ولبوك مع الشاهي بدال المكسرات.،
عبير تبوس يد امها : خليها انا اسويها معك.،
حصه : لا روحي ارتاحي ولا شوفي بنتك.،
عبير : نايمه وانا مافيني شي مرتاحه.،
قامت غسلت يدها وجلست.،
اخذت وصله من العجينه : يمه انا اسفه والله ماقصدي ازعلك بس بجد انا مو عارفه كيف اتعامل معها ولا عارفه اتفاهم وكنت معصبه.،
حصه : الله يعين.،
عبير تبوس يد امها : والله اسفه يالغاليه والله مقصد بس كنت متضايقه سامحيني.،
حصه : يابنيتي انا مابي الي مصلحتك وماقلت كذا الا خايفه عليك.،
عبير : والله ادري سامحيني.،
حصه : مسامحتك ياقلبي.،
عبير تبوس راسها : الله لا يحرمني منك يارب.،
.،
.،






























بــــــــــيــــــــــــــــــت فـــــــهــــــــــــــد.~.
غزل اول ماوصلت ودخلت البيت طلعت غرفتها بسرعه قبل لا خالد يدل البيت.،
ودخلت الحمام وقفلت الباب وجلست تبكي.،
صوتها كان مره عااالي.،
.،
شهد الي كانت بصاله وتنادي عليها بس غزل ماردت عليها.،
قامت بتطلع لها.،
دخل خالد .،
شهد : وش فيها؟!.وش صار؟!.،
خالد : وش قالت لك؟!.،
شهد : ماقالت شي بس جات على طول طلعت على فوق جري.،
خالد : الله يعين.،
شهد : وش صار؟!،
خالد : مدري بس بصايره كانت كاتمه وشاده على نفسها ماتبي تنهار ولا تبكي.،
شهد : ليه مادخلت معها.،
خالد يدخل الصاله : مشعل راح لها بيكلمها.،
شهد وراه: ياويلي وش قلها؟!.،
خالد يجلس: مدري انا انتظرتها بسياره.،
شهد تقوم : بقوم اشوفها.،
خالد : خليها على راحتها.،
شهد : لا مقدر.،
وقامت طلعت لها.،
.،
















































ع ـــــــنــــــــــد غ ـــــــــــــــزل.،
فصخت هدومها ورمتها.،
ودخلت تحت الدش.،
ليه تلوميني على شي بلحظه رضااا منك.،
ليه تلوميني على شي بلحظه رضااا منك.،
ليه تلوميني على شي بلحظه رضااا منك.،
جلست على طرف البانيو .،
يعيرني فيهاااا الله ياخذك يامشعل الله ياخذك.،
.،
دق الباب.،
شهد : غزل وش تسوين؟!.،
غزل تمسح دموعها وتاخذ نفسها : بتروش شهد.،
شهد : يلا لا طولين استناك اطلعي.،
غزل : طيب.،
كملت ترويشها.،
وطلعت.،
لافه عليها المنشفة.،
شهد انصدمت خشمها احمر وعيونها مافي عيون من البكى.،
حضنتها : وش صار؟!..،
غزل بقهر : الله ياخذه.،
شهد تنهدت : استغفر الله ياربي.،
راحت لدولاب طلعت لها بيجامه.،
بنطلون اسود ساده ومن جهة اليمين مرسوم عليه ميكي وميني.،
وبلوزه سوداء كمها كت مرسوم عليها ميكي وميني.،
غزل : لفي بلبس.،
شهد جلست على السرير ووجهها لريان.،
وغزل لبست.،
وجلست على التسريحه : خلاص.،
شهد : ههههه طيب ذكرتيني بزمان.،
غزل ابتسمت.،
جلست تنشف شعرها وحطت له كريم مافيها تستشور.،
جات بتحط كحل.،
غزل : مو قادره احط احسه يعورني.،
شهد : من البكى الي بكيتيه.،
غزل : ابوي جاء؟!.،
شهد : لا.،
غزل : لو جاء ونام عادي بس الحين اكيد بيناديني وكيف اطلع له كذا.،
شهد : طيب حطي من تحت.،
غزل : مايجي حلو يشوهني اكثر.،
قامت وقفت وقربت من المرايه وحطت كحل مع انه كان يألمها.،
وحطت مرطب وردي.،
تعطرت.،
فتحت الدرج تدور طوق.،
لقيت بكلات قدامها احمر بأسود صغنونه.،
الشبكات الصغيره مره.،
مسكت غرتها وجلست تلفها وترجعها على وراء وتحط لها الشباكه الصغيره.،
يعني جلست تقسم غرتها لخصل وتبرم الخصل على وراء وتحط لها شباكه صغيره.،
غزل : باين اني باكيه.،
شهد : لا اذا شافك حمار ماراح يعرف بس اذا شافك اهبل بيعرف.،
غزل تبتسم وتجلس على السرير : بيصحى الصبح يوم ابي انام.،
شهد : يووه الله يعينك.،
غزل : يلا الله يعين خايفه الصبح لو قلت لبابا بروح اشوف له حضانه مايرضى.،
شهد : قلتي له الف اسم يبه وبابا وابوي.،
غزل : هههههههه طيب وش اسوي كلها اقولها.،
شهد : المهم ماتوقع يرفض وبعدين قريبه مو بعيد.،
غزل : بس أنتِ عارفه كيف صاير معي صاير قاسي بشكل ماتتخلينه اتعود على بعدي وبعدين من قبل وهو مايرضى نروح السوق لوحدي.،
شهد : بس غزل الحضانه قريبه ماتوقع يقول لا.،
غزل : ان شاء الله.، ايه اليوم بنروح السوق؟!.،
شهد : مانمتي زين والصبح بتروحين الحضانه وتبين السوق.،
غزل : حسستيني اني انا الي بداوم بالحضانه.،
شهد : هههههههههههه تخيلي.،
غزل : ماالت.،
شهد : هههههههههههه وتسوين شعرك زي الاطفال ومصاصه بيدك.،
غزل : يافيل انتِ وكرشك .،
شهد : ههههههههههه بولد ويرجع جسمي احسن من اول ان شاء الله.،
غزل : بسلامه ان شاء الله المهم بروح اجيب اغراض للجماعه ووابي اغير جو.،
شهد : اووكي نروح بعد المغرب.،
غزل : ولا بعد العشاء اكون نمت شوي.،
شهد : ماتبين تقولين لي وش صار.،
غزل تحاول تاخذ نفسها مهي قادره تحس نفسها مكتومه.،
قامت من على السرير.،
وقفت قدام التسريحه ولفت لشهد تبتسم : توي حاطه الكحل بمعجزه مابيه ينعدم تعالي ننزل.،
شهد : يلا.،
.،









































يـــــــــــــوم ج ـــــــــديــــــــــــد.،
4 ونص العـــصـــــــــــر.،
بــيــــــــــــت نـــــــاديــــــــــــه.،
رغد جالسه بصاله وامها نايمه.،
تتفرج على التلفزيون.،
وتشرب قهوه.،
نزلت نوف : هاي.،
رغد : ياهلا عاش من شافك.،
نوف تبتسم : وش اسوي مره حـايسه وانتي يوم تطلعين معي وعشره مع ريان لاهيه.،
رغد : خلاص امري بحط ريان بحضانه وبروح معك.،
نوف : الا وينه اليوم لقيتي حضانه؟!،.
رغد : لا عند غزل وراحت ماشاء الله عليها الصبح وسجلت له بحضانه تقول مره زينه.،
نوف : اها وكيفها؟!.،
رغد : الحمدلله ماشي حالها.،
نوف : غريبه تذكرت ريان ورجعت تحبه تذكرين ذيك المره يوم ماجلس عندها ساعتين الا رجعوه.،
رغد تقلب بالقنوات : ايه لأنها ماكانت تفتكره اما الحين خلاص رجعت لها الذاكره وتذكره.،
نوف انصدمت فتحت عيونها على الأخير كانت جالسه على الكنبه بلعت ريقها وخلت وجهها وجسمها كله جهت رغد : ر..ر..رجعت لها الذاكره؟!.،
رغد : ايه ماقالت لك امي.،
نوف : لـ..لا..لاماقالت.،
رغد : وش فيك.، " طالعت فيها " وش فيك منصدمه؟!.،
نوف : لا ولا شي طيب كيفها متذكره كل شي؟!.،
رغد : مدري ماحبيت اسألها واضايقها "قامت" بروح اجيب ريان تروحين معي.،
نوف بسرعه : لا.،
رغد : براحتك تبين اجيب لك باسكن وانا جايه.،
نوف : لا مابي مصدعه بقوم انام.،
رغد : غريبه ترفضين اوك نوم العوافي.،
وطلعت تلبس.،
.،


































بـــــــــــــيـــــــــــــــــت ســـــــــ ع ــــــــــــــود.،
عبير : يمه منك شميتي الريحه وجيتي.،
اريج : ههههههههه ايه.،
عبير : شفتي كيف انا مكافحه والده واسوي فطاير.،
اريج : الله وكبر بس حشيتيها.،
عبير : ههههههه الحمدلله احس العملية خفت يعني بكرا اذا كنت رايقه بروح معكم لجدتي.،
اريج : ليه مو بتروحون مكه؟!.،
عبير : من قال؟!.،
اريج : مدري عبد العزيز قلي انه سلطان قله اول طلعه لك بيوديك مكه.،
عبير : ماقال لي.،
اريج تعض شفايفها : لا يكون ناويها مفاجأهـ وأنــا خربتها.،
عبير : ولا يهمك لا قلي بسوي نفسي مفاجأه واقول اهئئئئئئئئ مكه.،
اريج : ههههههههههههه.،
عبير : خايفه جدتي تهاوش غزل.،
اريج : والله وانا بعد شايله هم حرام والله مو ناقصها وجدتي مو مستوعبه مرضها.،
عبير : طيب وش رايك نقول لبابا يفهمها ولا عبد العزيز؟!.،
اريج : مدري والله.،
.،
































بــــ الــــــــــــــردســـــــــــــــــي
الــســـــــــــا ع ــــــه 9 ونص.،
شهد : غزل ليه تفهمين على كيفك؟!..هو قصده انه ماسواء شي غصبن عنك.،
غزل تدخل المحل من غير ترد عليها.،
شهد دخلت وراها : ماعجبك كلامي.،
غزل : حلوه البلوزه صح؟!.،
شهد : لا.،
غزل تاخذ البلوزه وتدور بالمحل مالقيت شي عجبها اخذتها وحاسبت.،
ومعها اكياس مره كثيره.،
غزل : ياويلي مره تعبت.،
شهد : اجل انا وش اقول الي حامل.،
غزل : تدرين ودي بوشو؟!.،
شهد : وشو؟!.،
غزل : اسسبح مرره ودي اسبح.،
شهد : اهئئ لا مشعل مايرضى.،
غزل طالعت فيها : بحريقته.،
شهد بلوم : غزل مو ملاحظه انك بس صايره تدعين عليه.،
غزل : ايه صح نسيت انه اخوك واهم مني.،
شهد تحط يدها على ذراعها لأن غزل شايله اكياس كثيره.،
: انتِ اهم منه وهو غلطان فيك بس انا عارفه انك ماترضين بالموت لعدوك كيف ولد عمك و.،
غزل قاطتعها : بموت جووع تعالي نطلع ناكل.،
شهد : يلا.،
طلـ ع ــوا فوق.،
جلست شهد.،
شهد : ااااه اخيراَ خليتنا نجلس.،
غزل تحط الاكياس : مرره جيعانه ابي اكل وابي ايس كريم.،
شهد : خلينا نتعشى الحين بعدين فكري بالايس كريم.،
غزل تطلع من الكيس البي بي الجديد :خذي طلعيه وحطي فيه الشريحه على ماجي.،
(قبل لا تروح الردسي راحت اشترت بلاك).،
شهد : انتِ الا بتشغليني خليه يوم نروح البيت خالد يعرف برنامج ينقل الناس لك من بلاكك القديم للجديد من غير ماتجلسين تضيفينهم ولا هم يضيفونك.،
غزل : ايت بلاك قديم!.،
شهد : ترا لخبطيني.!.
غزل : ياهبله انا يوم تزوجت احمد الي كان معي أي فون بس السيد اخوك اخفاه وذاك اليوم خالد يوم قلت بطلع رقم اعطاني الاي فون والرقم الجديد خليته على الأي فون.،
شهد : والبلاك؟!.،
غزل : خليته ببيت اخوك.،
شهد : يعني اضيف.،
غزل تبتسم : بكل ادب واحترام.،
شهد : طب رقمك القديم ليه ماتبينه؟!.،
غزل : شهد وش التناحه الي فيك اليوم من قال مابيه رقمي موجود بس اغلب الوقت مقفل مابي اعطيه خالد وابوي ويعطونه مشعل.،
شهد : اها اها اشوا الي ماعطيت خالد رقمك الجديد.،
غزل : كان ذبحتك المهم اطلب لك من ماك ولا تبين معكرونه؟!.،
شهد : زيك.،

.،



































جابت غزل الأكل.،
شهد : عجبني حقك بجيب زيه.،
غزل : ايه وناسه انا وانتي زي بعض.،
شهد : بس انا ماتحمل جوالين.،
غزل : والله بالعكس وناسه ماصرت اتخيل نفسي الا بجوالين.،
شهد تحط الجوال على جمب وتفتح الأكل يمي يمي.،
غزل فتحت لثمتها وعدلت حجابها .،
وفتحت البيبسي وجلست تشرب.،
شهد انصدمت : ماشافك مشعل.،
غزل بعصبيه : عساااه عمره لا شافني ماله شغل فيني انا الغبيه الي كنت اسمع له واغطي.،
<~ غزل كانت بس تبي تعاند مشعل ولا مو عاجبها انها تكشف.،
حاولت تعطي اغلب الناس ضهرها والي قدامها مجموعة بنات على طاوله.،
ومن الجهه الثانيه مجموعة حرريم وواطفالهم الصغار يتعشون.،
وعايلة ثانيه فيها رجال بس معطيها ضهره.،
غزل : بداومين السبت؟!.،
شهد : ايه.،
غزل : اوك مو تتأخرين من 7 القاك هناك.،
شهد : وانتِ؟!.،
غزل : ان شاء الله ماتأخر وبعدين لو تأخرت مو بيدي انتظريني شوي.،
شهد : تبين امرك؟!.،
غزل : لا.،
كانت تاكل وتسولف مو منتبهه.،
جلس على الطاوله ومعه مق قهوه كبير.،
واصحابه راحوا يجيبون لهم عشاء.،
سمع ضحكه طالع.،
انصدم.،
كم له ماشافها.،
مشتاق لها مو مصدق عيونه.،
شهد : بس فضحتينا.،
غزل :هههههههههه شكلك يضحك وربي بلونه قدامك شهد بالله الحين يوم تولدين تقولين اااااه وبطنط يطيح.،
شهد : لا والله.،
غزل : هههههههههههههه.،
شهد تمسك الكتشب : غزل اعقلي ترا احوسك قدام الناس.،
غزل تبعد عنها وتشرب ببسي هي تضحك.،
طالعت فيه وصدت مانتبهت ورجعت طالعت فيه انصدمت.،
مره ماتوقعت تشوفه.،
شهد : اشبك؟!.،
غزل : ............
شهد : غزل وش فيك؟!.،
غزل : لا لا شي بس صدعت شوي ماعليك كملي اكل.،
واخذت البرغر حقها وجلست تاكل وكل شوي تطالع فيه.،
وهو مهو قادره يشيل عينه من عليها.،
جو اصحابه الاثنين ماكان يبي واحد منهم يجلس جمبه حط يده على ظهر الكرسي وسند راسه عليها.،
وخلاهم يجلسون قدامه مقابل له وظهورهم لغزل.،
غزل فهمته.،
ابتسم لها.،
حاولت تصد شربت بيبسي.،
وجلست تاكل من البطاطس.،
شهد : وش رايك ارجع اخذ الفستان الي عند إترا؟!.،
غزل : ايه حلو والله.،
شهد : خلاص اجل بعد مانخلص اكل وحنا نازلين ناخذه.،
غزل : اووك.،
طالعت فيه كان يبتسم لها.،
ماتعرف كيف ولا ليه ابتسمت.،
وهي تشوفه قدامه.،
يتكلم مع اصحابه ويبتسم.،
وعيونه فيها لمعه مافهمتها هي لمعه لها وعليها ولا بحياته الجديده.،
طالع فيها ابتسم.،
فرصه مجنونه و سعيدة
جابت عيوني فعينك
قبلها روحي وحيده
فجأة صارت بين إدينك
قامت.،
شهد : وين؟!.،
غزل : البيبسي مافيه غاز بجيب لي واحد غيره.،
شهد : خليك انا اقو متعبتي.،
غزل : لا اجلسي كلي انتِ وولدك وانا اجيبه.،




أنا كل اللي اعرفه
واللي قلبي فيه يشهد
إنتي صدفه وأي صدفه
صدفه عن مليون موعد





اول ماقامت توقعها بتروح بس شاف شهد جالسه وشافه رايحة جهة المطاعم.،
قام وراها.،





كالفرح شفتك و رحتي
ماخذه قلبي وذاتي



حاولت تبعد عن المكان الي هو فيه وشهد فيه.،
راحت للمطاعم الي بالجهه الثانيه.،
واشترت مويه وجلست تشرب.،
كنت اتوقع انه من جد تعبان بس الحمدلله عايش ويروح اسواق ويجي يعني عايش حياته.،
يعني بيعيش على ذكراي اكيد بيعيش حياته اجل ليه حكوني انه متعذب وانه.،
وقفت بتشتري بيبسي عشان يوم ترجع لشهد.،
حطت قارورة الموية وشنطتها على الرسبشن حق المطعم وبطلع محفظتها.،
: yes one bebsi Please
اخذته ويوم جات بتلف شافته واقف جمبها.،
.،


كيف بـ أنسى هالملامح
ولا فيها ما أفكر
و إنتي لو هالبحر مالح
من جمالك صار سكر