شبكة همس الشوق - عرض مشاركة واحدة

27 - 10 - 2024, 05:37 AM

عند شيخة وبشاير بعيد عن العالم
بشاير : واااي شيوخ والله هذا ولد عمج ابراهيم يهبل
شيخة : هههههههههههههههههه تبينه اخذيه
بشاير : يعني ما تغارين
شيخة : شنو شنو اغار
بشاير : لا من تصرفاته يبين انه يحبج
شيخة : لا يبه ابراهيم مثل اخوي وانا احبه لان يفهمني واهو اخوي عادي يعني
بشاير :ممممم وبعد
شيخة : شللي بعد ؟
بشاير : يعني انتي ما تغارين انه احبه
شيخة : ما فهمتج
بشاير : يعني انتي تحبيني وانا ليديتج
شيخة: خخخخخخخخخخ عادي بدال الوحده الف وحده شللي زود فيج
بشاير : شيوخ عاد صج تتكلمين
شيخة : أي وانتي رفيجتي من الشلة واله انا غلطانه
بشاير :لا لا مو غلطانة
شيخة بابتسامة ساخره : خلاص عيل هههههه
بشاير : هذا مو جنه فواز يه
شيخة : يووووووووووووووووووه ابتدينا
بشاير : ليش شكلة كيوت
شيخة : انتي كله كيوت عندج
بشاير : تدرين وناسه عايلتكم
شيخة : ههههههههههههههههههههههههه
بشاير : شللي يضحك ؟
شيخة : لا تذكرت نكته
بشاير : سمعييينا
شيخة : يقولج في حمار تزوج حمارة ويابو حمار صغير هاهاهاهاها
بشاير تجاملها : ههههههههههه

شيخة : ليش تجاملين ما تضحك اووو نسيت انتي سخيفة تضحكين على أي شي ههههههههههههههه
بشاير : خلاص شيوووخ شفيج علي
شيخة قامت وغنت وتجاهلت فواز وصوت شيخة على فكرة حلوو حيييل وغنت : لما انت تجرح احساسي ولا تصونة
الغريب أجل شسوي بصدق نياتي
عاد أنا الطيب تعذب قلبي وتخونه
عاد أنا استاهل تنزل مني دمعاتي
قلبي كاسر خاطري لا تزود اشجونه
من صميم القلب كل من يسمع أهاتي
شوفه صان الحب وحطك داخل عيونه
طبعا الغنية : لناصر بو علي
فواز : الله مشالله عليج
شيخة : صج ثانكيو
فواز : ما ينلام فيج حمني

رحت وطي يا فواز على هالحركة يمكن تغير اشياء وايد قربت شيخة ومن كثر ما اهي معصبة عيونها صارت حمر وريلها ترجف وايدها مو متحملة الموقف ويت صوب فواز وبووووووووووووووووووكس على بطنة
فواز : اييييييييييي شفيج ينيتي
شيخة : شوف اسمع وبطل اذونك عدل ان يبت طاري حمني يا ويلك انا وحمني انتهييييييييييينا وبتقول انا ذابحته لا يا حلو السيارة اهي اللي دعمته ولا تقول انا خنته انا ما خنته اهي اللي تبلى علي وانا مظلووووووووووووووووومة خلاااااااااص ابي ارتاح منك ما تفهم ما ابي أي شي يذكرني فيه وترى والله والله والله انشفتك قربت صوبي لك 60 الف بوكس غيره ويمكن اذبحك
فواز : هدي هدي شيوخ خلاااص تكفين خلااص
شيخة : لا تقوووووول هدي بهالوقت شيخة طاحت على ركبها وحاولت انها تقوم ما قدرت
فواز : خلاص شيخة ما اقرب منج بس لا تعصبين والله مو زين لج
شيخة : جببببب اموت ما اموت انت مالك شغل تبي تعاقبني يعني والله ما عرفتني عدل اقدر اهدم العايلة هاذي بدقيقة فخلني ساكته احسن
فواز : يا شيخة حمني وصاني عليج قبل لا يموت ووصيته اني ادير بالي عليج واتزوجج واييييبلج اللي تحبينه
شيخة : ..................................
فواز : وقالي شي انج تحبين ككاو كندر وليون وانا كل يوم ايييبه لج وانتي كله ترديييينه صح واله لا ؟
شيخة : اكرهك واكرهه واكره الككاو ارتحت بشاير
بشاير تبجي : شيخة تكفين خلاص والله ابوج موصيني تكفين خلاص
شيخة : انتو جب مالكم شغل بشاير دقي على فطوم وقولي لها تييي
بشاير : نزين بس خلاص لا تتكلمين تكفين
شيخة : آآآآآآآآآآآآآ آآآآآآآآآآآآآآآآآآه واغمى على شيخة
لا تقولون مبالغة لا تنسون انه شيخة تعرضت لانهيار عصبي بسن صغير وصارت كله عصبية وانطوائيه ما تتحمل أي خبر مو زين او شي يعكر مزاجها حتى اهلها ما يكلمونها عند النتيجة علشان بس لا يضغطون عليييها
فواز : شيخة تكفين قومي
بشاير : كله منك
فواز : انتي دقي على فطوم بسرعة
بشاير : ندق على ابوها والله رحنا فيها
فواز : يووووه انتي دقي على فطوم وناديها راح تعرف تتصرف بسرعة
بشاير : اوكي اوكي
عند فطوم وجراح وغارقين بدوامة الحب نغمة فطوم : خله يروح الله لا يردة حبه راح راح وعدى
فطوم : هلا بيشو
بشاير : فطوم بسرعة شيخة طاحت علينا تكفين تعالي ولا تقولين لحد
فطوم : شيخة شيخة شفيييها
بشاير : ما تسمعين اقولج طاحت عليينا
فطوم : لحظة فتشي جيوبها في حبوب واله لا
بشاير : لحظه
وراحت بشاير تفتش ولقت حبوب وردت على فطوم : أي في حبوب
فطوم : خلاااص انتو وينكم
بشاير : احنا صوب المزرعة الثانية جدامكم تقريبا بس بالزاوية
فطوم : يالله يالله انا يايه
جراح : شفيج حبيبتي شفيها شيخة
فطوم : مافي وقت بسرعة وين سيارتك
جراح : عند باب المزرعة
فطوم : بسرعة يييبها وخلنا نروح للمزرعة اللي جدام
جراح : يالله
فطوم : انا بروح ايييب ماي وعصير ويايه
جراح : انطرج
ووصلو جراح وفطوم للمكان المطلوب وراحت فطوم تركض لشيخة
طبعا حالة بشاير وفواز حالة تكسر الخاطر بس يبجون فطوم لانها متعودة انه شيخة تطيح فتعرف شلون تقول وكلت شيخة الحبت وشربت الماي وقامت فطوم تمسح على بطنها وقامت شيخة بصعوبة وقالت : فطوم فطوم
فطوم تبجي : هلا حبيبتي
شيخة : ترى انا ما ذبحت حمني
فطوم : ادري والله ادري انتي مظلومة وخلااص الكل يدري انج ما ذبحتيه وهذا يومه حبيبتي
شيخة : خلاص انا ابي اموت
فطوم : وتخليني
شيخة ابتسمت : معاج جراح
فطوم : جراح حبيبي وانتي قلبي
جراح : لا والله
شيخة : شفتي يغار من اولها بعدين ما يخليييج تيييني خلاص فطوم انتي بتتزوجين وانا منو معاي ابرار لا تقولين ابرار اهي بعيد وانا بعيدة عنها تكفين ابيج لا تتزوجين
فطوم : حبيبتي والله لو تزوجت كل يوم ازورج
شيخة : كلكم تقولون جذي نفس المسلسلات بعدين تنسيني
فطوم : انسى عمري ولا انساج والله يا شيخة اعزج واحبج حب مو طبيعي
جراح : صج دايم تحش فيج
الكل : ههههههههههههههه

وانتهى الموقف بسلام وردوا للمزرعة بس هذا اول يوم لكن في احدااااث واااايد حلوه راح تصير نتوقف في بريك صغيرر مممم ممممم مممم شرايكم بشعر حلو وخفيف ?

(( انت والشوق ))
انت تدري وش اجمل منك في عيني
انت لا صرت مبسوط على شاني
تكرم البسمة اللي منك تكفيني
كيف اناديك عمري والعمر فاني
كل شي خلق بك لك يناديني
انت غير الجميع ولك غلا ثاني
قلت أباذكرك واثرك ساكن فيني
بين عيني وعيني ما تعداني
انت تبخل بك يساري عن يميني
اه ياليت تدري منك وش جاني
ليه لا قلت أشوفك وانت بتجيني
جاك قلبي يسابق خطوة لساني
من سلامك نبت في راحة ايديني
الف غصب يميل من الغلا حاني
قبل تسأل من اللي لك موديني
انت وديتني والشوق وداني

للشاعر : الأمير سعود بن عبدالله آل سعود
في يوم ثاني بالمزرعة والجو مشمس وروعة روعة الحين الساعة 6 صج برد بس مع حبيبين اكيد بيدفى ?

فطوم : جراااح قوم
جراح : هممممممممممممممممممممممم
فطوم : يالله بسرعة قبل لا يقومون ويشوفوني داشة خيمتهم
جراح : يا ربي الساعة جم
فطوم بصوت ناعم ومقربة منه حيل : الساعة 6 وباسته على خده
جراح : ااه واااي فديتج عيديها
فطوم بصوت خشونة : قوم يا جراح
جراح : ههههههههه
اشرلها بيده روحي وقالها : الحقج يا حبيبتي روحي
فطوم : يالله انطرك

الشي اليديد انه فطوم حست بالغلطة اللي تسويها وانها تخونة جراح مسكين ما يستاهل اهو يحبها واهي لازم تصووونة عجبتيني يا فطوم هههههههه

شيخة توها تقوم من النوم وشافت الكل نايم ماعادا فطوم قايمة من فراشها فكرت شيخة بخطة جهنمية تخرعها فيها وراحت تدورها بالمزرعة يمين يسار مافي حس لها واخيرااا شافتها تبوق بسكوت وعصير

ه
شيخة بصوت ريال : شتسويييين يا بنت بهالوقت
فطوم : واااااااااااااي خرعتيني الله ياخذج قولي امين
شيخة : امين
فطوم : يا حيوانة لا تدعين على نفسج
شيخة : ههههههههههههههه والله ما عرفت لج شتسوين بهالوقت وعصير وبسكوت وغمزت لها
فطوم : حقي وحق جراااح بس
شيخة : ههههههههههههههه نغزة يعني ما اييي معاكم ماشي
فطوم : شنو زعلتي
شيخة : لا اصلن بروح حق حماري تلاقينه قاعد من النوم
فطوم : منو حمارج
شيخة : اللي بالاسطبل هههههههههههههههه
فطوم : ههههههههه عساها دوم ضحكتج
شيخة : صج عطيني بوسة
فطوم : وييي بعد عمري من عيني هاذي قبل هااااذي قربي خدج
شيخة : كاه
فطوم : اموااااااااااااااه

وراحت فطوم لجراح
جراح يكسر الخاطر عيونه حمره واهو سهران مع الرياييل لي الساعة 4 يعني مو نايم الا ساعتين حتى شعره كشة
فطوم : هاي
جراح : هايات
فطوم : يبت لك عصير وبسكوت
جراح : الله يهداج يالله صباح الله خير
فطوم : شنو يعني مو عاجبك
جراح : يعني انا تعبان وقايم غصب على الاقل سوي بيض وجاي واله ما تعرفين
فطوم : ها أي أي اعرف تبيني اسويلك
جراح يعرف انه فطوم ما تعرف شي بس يحب يضغطها : يالله روحي سوي لي
فطوم : زين ساعة ويكون جاهز
جراح : اوووووووووولة ساعة عشان بيض وجاي عيل لي تزوجنا وقلت لج ابي مجبوس دياي شتسوين
فطوم : لا عاد عيوني انا مو خدامة اطبخ تبي هالاكل اكل
جراح : ههههههههههههههه شفيج اتغشمر معاج
فطوم : والله عالي
جراح : محلوة ؟
فطوم : خلااص والله استحي
جراح : فديتها اللي تستحي
فطوم : جراااح ترى بطقك
جراح : وين تبين تطقيني ؟
فطوم : يوووووووووووه خلاص
جراح : فديتج وفديت قلبج
فطوم : تحبني
جراح : اموت فيج
فطوم : وانا بعد
جراح : صج
فطوم : أي
وبهالوقت شافو شيخة تطلع من خيمة الرياييل وشكلها خايف
جراح : شيخة شتسوي داخل الخيمة الرياييل
فطوم : شيوخ وينها ؟
جراح : كاهي شوفيها ورايحة سيارة ابوها
فطوم : تعال لا يكون
جراح : يمكن
وراحوا جراح وفطوم صوب شيخة

شيخة شغلت السيارة وما وعت الا ايد تلمس كتفها
شيخة : واااااي يمه والله خرعتني
جراح : شتسوين ؟
شيخة : بتمشى بالسيارة فيها شي
فطوم : لا والله وعمرج 15
شيخة : وشنو يعني بر مافي شرطة
فطوم : ابوج يدري
شيخة : لا
جراح : ترى والله هاذي بنت اخوج بتوديكم بستين داهية
شيخة : أي أي أي قول جذي تبيها تكرهني وتحبك مالت عليك وعليها باي
وحركت شيخة بسرعة عالية لي درجة انه الصوت عالي
فطوم : شيخة ردييييييييييييييييي يالمينونة ردي
جراح : هاذي بنت اخوج والله خبله امشي امشي نلحقها
فطوم : يالله
فطوم تدق على شيخة
شيخة : نعم
فطوم : خلاص شيوخ سوقي على كيفج بس قللي السرعة تكفين
شيخة : يعني تسوين حالج خايفه علي يا مسكييينة
فطوم : تكفييين وقامت فطوم تبجي
شيخة مصدومة : تبجين
فطوم : تكفين شيخة تكفين خلاص ردي
شيخة : ارد وتهدين جراح
فطوم :اييي بس ردي
شيخة : حلفي
فطوم : شيخة اذا ما رديتي انتحر
شيخة : كاني برد

وردت شيخة وشافت فطوم ماسكها جراح واهي تبجي صج انبطت جبد شيخة بس خذت على ان الموقف هذا راح ينتهي وراح تنتهي علاقة فطوم وجراح
شيخة : رديت
فطوم تلم شيخة حيييل وتعاتبها : ليش تسوين جذي انا احبج والله احبج اذا عبالج انهم يكرهونج والله يا شيخة غلطانة الكل يحبج ويموت فيج لا تسوين جذي
شيخة : تحبيني وتبين تتزوجين ؟
فطوم : هاذي نهاية كل بنت شاليديد من جذي
شيخة : جراح تحب فطوم
جراح مبتسم : اموت فيها
شيخة : خلاااص ريقوني يالله بره
جراح : يالله
فطوم : دزي لابوج مسج انج طالعة معانا
شيخة : بالطريج يالله
فطوم : يالله تبين تركبين جدام
شيخة خذتها فرصة : اييي
جراح : هين فطوم
فطوم : جراح مو على شيخة وغمزت له
جراح : يالله حظرة صاحبة السمو شيخة خانو
شيخة : احم احم ولو سمحت انشفتك حاط محمد عبده تسوي حالك رومانسي مو علي
جراح : شنو تبين عيل
شيخة : مساري
جراح : منو هذا مساري بعد
شيخة : وي وي وي ما يعرفه خلاص يبه حط راشد الماجد
جراح : يالله وين بتروحون
شيخة : في مطعم داخل الجمعية عند الحدود روحلة
جراح : أجا ماما
فطوم : هههههههههههههههه شوفو المسيرة اشتغلت
شيخة : روح روح راجوا بسرعة عند المسيرة
جراح : اجاهييي
شيخة : يا حليلة فطوم شكلي برضى اخليج تتزوجين راجو
فطوم : يالله عاد شيوخ ما ارضى عليه
شيخة : فطوم ؟
فطوم : ها
شيخة : الله يوفقج معاه توه اعرف انه جراح خوش ولد
جراح : هههههههههههههه ليش شنو كت بالله
شيخة : ههههههههههههههههههههههههههههههه راجو
جراح مبوز : والله زحمة داخل المسيرات فاضيين
شيخة : لا والمشكلة ما عندنا رغوه بنروح نغرق نفسنا بس
جراح : امس غاسل سيارتي
شيخة : عادي اغسلها مره ثانيه
جراح : لا يا حلوه لازم نوفر
فطوم : تعالو ليش المسيرة اليوم ؟
شيخة : انتي كويتية ؟
فطوم : أي شرايج شي عجيب يعني ؟
شيخة : اليوم 25 فبراير شنو يعني ؟
فطوم : عيد التحرير
جراح : هههههههههه لا الصراحة اثبتي انج كويتية
شيخة : هههههههههه هذا عيد الاستقلال مو التحرير
فطوم : انتي وياه يعني مسوييين حركة عادي كله نفس الشي
جراح : يقوولوون في منحة 120 دينار
شيخة : يالله زين بعد عشان نعبي التلفون مليت وانا كله رصيدي ما يتغير 300 فلس
جراح : ههههههههه
فطوم : افا عليج الحين ادزلج 100 فلس الله يهداج
شيخة : أي دزي ويالله جراحو دزلي بعد 100 عشان يكون عندي نص دينار
ما يحتاج كل ساعة تطلعلي المره وتقول لديت 300 فلس

الكل : ههههههههههههههه

على الساعة 10 الصبح الكل قام من النوم والحريم زهبوا الريوق واللي راح يلعب واللي يتمشى واللي طالع تلفزيون والحش والسوالف وصل مسج لمحمد وفتحه واله من بنته شيوووخة
شيخة : يبه انا طالعة مع فطوم وزوجها المصون نتريق وراجعين بعد ساعة وقول للصبيان ترى في مسير على بعد 1 كيلو من الوفرة باي احبك
محمد دق عليها
شيخة : هلا بالغالي
محمد : بلا عيارة انتي شلون تطلعين وما تقولين لي
شيخة : يبه كنت نايم
محمد : ولو قعديني وقولي لي
شيخة : خلاص صار اللي صار
محمد : متى بتردون ؟
شيخة : بعد ساعة لان ازدحام من المسيرة
محمد : اها يالله احنا بنييكم خلكم بالمسيرة زين
شيخة : ماااشي تبي ريوق حبيبي
محمد : لا توني متريق
شيخة : بالعافية يا قلبي
محمد : شويخ شفيج ؟
شيخة : شنو ما اقول لابوي حبيبي هالكلام
محمد : شنو تبين ورى هالكلام في سر ؟
شيخة : حبيبي رصيدي كله خلص ممكن تدز لي 3 دنانير بس
محمد : امس معبليج ب 5
شيخة : فيصلو باق تلفوني وخلص الرصيد
محمد : زين سكري والحين يوووصل
شيخة : ويييي فديت قلبك انا
محمد : يالله فمان الله
شيخة : فمان الكريم
وهذا اهو محمد مدلع بنته اخر دلع عنده شيخة غير عن عياله يحبها حب كبيييير ما يرفض لها طلب زلي زعل عليها اهو يروح يراااضيهاااا وبنشوووف يا محمد شنو اخر هالدلع