المهم العايلة الكل مستانسة اللي نجح واللي امتياز والجدة سوت عزيمة في بيتها احم احم باقي اسبوع على عرس فطوم وشهر على ملجة بدرية خطبها واحد من ربعها اللي بالجامعة ....
فطوم : واااي شيوخ باقي اسبوع
شيخة : ومستانسة بعد ؟
فطوم : يوووه عاد لا تصيرين حساسة
شيخة : لا عادي الله يوفقج
فطوم : تعالي الحين انتي تكلمين واله لا
شيخة : أي بس ربع واخوان لي الحين ما في حب
فطوم : زين تسوييين
شيخة : شفيييها المطوعة
فطوم : لا مو عن مطوعة بس انا اول كنت احب ولايعة جبدي والله مافي احلى حب بحلال شوفي ملجت وباقي اسبوع واتزوج
شيخة : يبه توني صغيرررررة
فطوم : بس الحمدالله انج عقلتي وما صرتي بوووية والله كانت اياام تلوع الجبد تكرهيني فيج أكثر لمن تكلميني
شيخة : مممممممممم بس ونااسة هههههههههههههههههههه
فطوم : مالت عليج
شيخة : اااخ يا فطوم
فطوم : سلامتج من ااااخ يا حبيبتي
شيخة : تدرين اذا تزوجتي افكر اني اييي معاج
فطوم : والله ودي يا شيوخ فكرت فيها اكثر من مره بس المشكلة انه جراح بكمل دراااستة بررره وراح اقعد اكثر من سنة وبعدين اييي الكويت بس انتي عندج مدرسة شعليييها بتدش ثانويه
شيخة : والله هذا اللي مصبرني على فرقااج
فطوم : هههههههههههههه بتدشين الثانويه وبتندمين والله كنت مثلج أول وندمت قلت انا ليت الزمن يرجع
شيخة : عاد فصلت نفنوف بعرسج انما ايييه بس يا خوفي اصك عليج وياخذني جراح هههههههههه
فطوم : ويهد زييين
شيخة : أتغشمر معاااج
فطوم : ادري
شيخة : بعد العرس بيومين بتسافرين ؟
فطوم : اييي
شيخة : ممممم الله يوفقج
فطوم : الله يوفق الجميع
بعد نهاية الاسبوع وفي يوم الفرح والسرور والعنبر والعووود يوم بغير العالم يوم بغير مافي النفوس يوم الموت يوم الحياة يوم كل شي فطوم بنفنوفها الأبيض والمكياج السماوي بالوردي ومع بشترها البسضة وعيونها العسلية ماشالله علييييها كانت صج شي ابلعرس عروسة بمعنى الكلمة وشيخة بنفنوها الأسود وتعمدت تفصل هاللون وبالعكس الاسود حيييل حلووو عليها مع بشرتها البيضة وشعرها البني بس اهي حطت مكياج ناعم وردي وبف وابرار نفنوف وردي وعادي لافتحات ولا شي مو اقووولكم معقدة هههههههههه والحريم متكشخين واخر وناااسة بالصالة الطقطقة والرقص بس الحيييييييين حااااااااان الووووووووووقت حااااان دخول الموت قصدي فطوووم حان دخووول الودااااع قصدي فطوم حاااان وقت الحزن والالم والجرااح والأخوه حان وقت الزعل الاحباط المرض حان وقت قدووم فطوم وحان وقت الفراق بين شيخة وفطووم مع أنغام المسيقى الهادية بدون كلمات اغاني وهذا اختيار فطوم ماتبي عرس تقليدي مثل الغيررررر

وبعد ما دخلت ومع ميااااعتها الزايدة تمشي نص ساعة يالله وصلت الكرسي الحريم تعبوا من التيبب هههههههههههههههههههههه
شيخة : مبروووك
فطوم : هلا يا عمري الله يبارك فيج شالحلات
شيخة : جب سوي حالج عروس انتي الحلوة
فطوم :هههه مو جدام الحريم حسبي الله عليييج
شيخة: اوكي انا بروح اقعد
فطوم : هلا ام فيصل هلا يا قلبي ما اوصيبج علىىى شيوخ
سارة : يغربلج يا فطيم هاذي بنتي ما اوصيج على جراح والله خايفة عليه منج ههههههه
فطوم : حرااام عليييج
المهم وقااامو الحريم يسلمون واللي يرقص طبعا كثروا من غنية هلي لا تحرموني منه لراشد الماجد طلبا من شيوخ حتىىىىىىىىىى شيخة ترقص ههههههه لا يطوفكم اجنبي على عربي هههههههههههههه
دخل المعرس وانبهر من فطوووم ما قدر يتحمل تعذب ما مرت نص ساعة واهو داخل الا قال لمه يصرفونة حتىىى فطوم عصبت كانت تبي ترقص هههههههههه هبلة وراحوا الفندق وقضوا ليلة العمر

مع الأحدااث الشيقة اللتي مرت الحين راح ننتقل نقلة سريعة بعد 6 أشهر من الاحداث اللي صارت بعطي مختصر للعايلة ونبدي بعايلة الجده
الجده : حالتها مستقرة وحزنت لرحيل فطوم الغالية واللي سكن معاها الحين خليل وعيالها واجروا بيتهم
خليل : مرتاح بعد قضاء فريضة الحج مع زوجتة لطيفة
لولوه : منتبها على دراستها وهدفها طب
وابراهيم : مستهتر
عزوز : بدى يفهم الحياة
عايلة فهد
مستقرين كلهم وبدت بدرية تتزهب على العرس
عايلة أبطالنا ...
محمد : ترقة لمنصب رئيس أ
سارة : دخلت دورة كمبيوتر
شيوخة الحلوة الأمورة : منتبها على دراستها مع شطاانة شوي
ابرار : في أعمااق الكتاب
فصول : استهتر هههههههههههههههههههه صج صغير بس شيوووخ معاه
عبود : متعدب بالابتدائي هههههههههه طالع على شيوخ بالمستوى الدراسي
عايلة مزنة ووضحة مستقرين ولكن مزنة تعاني من أمراااض كثيرة والام كثيرة
راح ننتقل لنقلة جده نقلة مراهقه ونهايتها نقلة الموت نقلة الحياة نقلة السعادة نقلة التعاسة كلها راح نشوووفة بالأجزاء الياية انشالله ? تقبلو أجمل تحياتي
مـ سهله ـو
شيخة : يبه أمس كله ادق على فطوم ما ترد علي
محمد : دقي على جراح وسأليه
شيخة : لا فشلة انت دق يبه امانه صارلي اسبوع مو مكلمتها وجراح انا اتهاوش معاه
محمد : نزين خلاص فكيني من الحنة
ويدق محمد على جراح
جراح : الو
محمد : هلا جراح شلونك
جراح : محمد انا محتاج لك ؟
محمد : جراح شفيك صوتك مو عاجبني
جراح : انا كل ما ابي ادق عليكم اخاف محمد تقدر تييي امريكا بأسرع وقت
محمد : جراح فاطمة فيها شي
شيخة : يبه شنو شنو فطوم شنو فيها يبه عطني جراح يبه تكفى
وشيخة اهني انهارت مجرد ما سمعت جملة محمد الأخيره بدت تصرخ
جراح : محمد تكفى لا تقول لشيخة شي فطوم وصتني عليها
محمد : جراح لحظه لحظه وصتك فاطمة وينها ؟
جراح : فاطمة بالمستشفى قبل جم يوم كانت نازلة تتمشى بره الفندق وتعرضت لحادث خطير (( اهني بجى جراح )) محمد انا موقادر استوعب فطوم كله توصيني على شيخة كله تقول تبي تموت محمد انا احبها شلون راح أعيش من غيرها محمد انا تعبااان تكفى يا اخوي تعال
محمد : بأول طيارة بكون عندكم
جراح : مع السلامة انا الحين بروح لها
محمد : يالله مع السلامة
شيخة : يبه شفيها فطوم يبه قولي والله كان قلبي حاس قلت لك يبه شفت شفت كله منكم انتو خليتوها تسافر انتو خليتوها تتزوج راحت فطوم كله منك منك منك
محمد بصراخ : شيخة خلاااااص بتسافرين معاي وبتشوفينها
شيخة : مابي الحين ابي اكلمها مابي الحين ابي اشوفها
محمد : انتي مو ياهل خلاااص خلج كبيرة
شيخة : يبه امانه مو مره ثانيه يبه امانه
محمد : شنو مره ثانيه
سارة : محمد علامك شصاير صراخكم هز البيت
شيخة : يماااه لحقيني يمه
سارة : وي يمه بنتي شفيييييج محمد شسويت لها
محمد : يوووه يا سارة
شيخة : يمه فطوم بتموت يمه بنتحر اذا ماتت يمه انا شلون اعيش من دونها
سارة : يا حبيبتي خلاص يا عمري انا عندج
شيخة : انتي مو نفس فطوم يمه هاذي حبيبتي يمه مو قادرة يمه ابي اشوفها
وبهالوقت ولأن شيخة تعاني من مرض نفسي فانهارت وطاحت غشيانة وكلوها الحبوب وودوها تنام بالسرير .... ومراح تداوم اكيد المدرسة لان محمد بياخذها امريكا
محمد : يالله شيخة جاهزة
سارة : محمد أول ما توصل قولي
محمد : انشالله سارة مثل ما وصيتج لحد من الاهل يدري بحالة فطوم وانا انشالله ابلغكم اول باول
ابرار : شيخة سلميلي على فطوم
طبعا شيخة ساكته مو قادرة تتكلم ....

محمد : يالله سارة ديري بالج على البيت
سارة : انشالله ديروا بالكم على نفسكم
محمد : انشالله
وسلموا الأهل على بعض وراحت شيخة ومحمد المطار وركبوا الطيارة بعد يومين تقريبا لان توقفوا بلندن يوم وكملو مسيرتهم لأمريكا في ولاية فلوريدا .... وبالمستشفى شيخة بخطوات ثقيلة ومحمد خايف خايف خايف اول شي يخسر اخته الدلوعة الحلوة المشاغبة الشيطونة وخايف يخسر بنته مره ثانيه المرة الأولى بموتت حمني وغصب طلعوها من الحالة وويوم سمع كلام الدكتور فقد الأمل لانها حالتها خطيره ومافي حتى 22% للحياة دخلوا غرفتها جراح مقرب كرسية يم الفراش وماسك ايدها دش محمد وشيخة عند الباب

محمد : السلام عليكم
جراح : هلا والله وعليكم السلام
محمد : شلون فطوم
جراح بدمعة بعيونة : مو قادر مو قادر يا محمد لا تسالني شوف حالتها وقولي شلونها
محمد : الله يصبرنا والله الموقف صعب الله يشفيها ويقومها بالسلامة
جراح : اااخ يا محمد اذا خسرت فطوم والله بضيع
محمد : لا تقول جذي يا ريال الله يقومها بالسلامة
جراح سمع بجي وبدى يلتفت وقال لمحمد : منو اللي يبجي لايكون فطوم قامت من النوم وسمعت
محمد : نسيت معاي شيخة بس اهي وين ؟
جراح : شيخة معاك ؟
محمد : يبه شيخة دشي دشي جراح انا بروووح الحين عند الدكتور واشوف الحالة عدل خلك مع شيخة ولي طاحت
جراح : ادري ادري في حبوب اوكلها اياه
محمد : مشكور مع السلامة
جراح : مع السلامة
شيخة : جراح صج فطوم بتموت
جراح :
شيخة : لا تسكت رد علي جراح انا احب فطوم كله منك ليش تزوجتها ليش خذيتها مني الحين استانست اني راح افقدها بفقد اختي وحبيبتي وامي وكل شي ليش يا جراح ليش
جراح : شيخة انا حاس فيج وفطوم وصتني عليج ومراح اخليج ابد والله انا احب فطوم واعشقها ان عاشت يا شيوخ والله والله لاشيلها بعيوني وما اخليها تطلع الا اهي معاي والله افرش لها الارض الماس وكل شي

شيخة : توك تقول هالكلام توك وينك يوم سوت الحادث
جراح : خلاص يا شيخة لا تزيديني تعب
بصوت خفيف مو واضح بس فيه همسة حنان فيه همسة شقاوة فيه ذكريات عشتها معاكم وعشتوها معاي والله اكتب وكللي خوف من ردودكم هل راح اخيب املكم بالنتيجة لكن هذا الواااقع...

شيخة : فطوووووم
فطوم : شيخة انتي اهني واله انا احلم
شيخة : انا اهني فطوم لا تموتين خلج معاي انتي تعرفين مالي غيرج
فطوم : لا شيوخ لا تزعليني منج عندج بابا وماما وابرار المعقدة ههه وعندج جراح
شيخة : مابيهم ابيج انتي تكفين فطوم قومي ردي الكويت
فطوم : من صجج اهد امريكا وايييكم
شيخة : لا تحاولين تضحكيني
فطوم : شوفي مو لي مت ما تضحكين والله ازعل عليج واعتبريني منتهيه اذا صج انتي تحبيني صدقيني بتحسين اني معاج دووم
شيخة : انتي دوووم معاي فطوم ابيج ابيج
فطوم تبجي : شوفي انتي اليوم (( وخذت نفس طويل )) تنامين معاي ونسهر مع بعض وناكل مع بعض انا مشتاقة لج وايد
شيخة : والله تعبت لا تسوين فيني جذي قومي قومي
جراح : خلاص خلاص شيخة
جراح ما تحمل الموقف ودموعة اربع اربع اربع والله انا الكاتبة والحين ابجي وموقفة اكثر من ساعة مو قادرة اكمل
فطوم : جراح مابيك تبجي شيوخ ديري بالج عل ل لل ل ل جرا اا رر ااارررااح
جراح : فطوم فطوم تكفين قومي
شيخة : لا لا جراح نادي الدكتور لا تقول ماتت
جراح بصرخة هزت المستشفى : دكتوووووووووووووووووووووووووور دكتووووووووووووووووووووووووووووور بلييييز كم بليييييييييييييييييييييييز كم كم
ويدشون الدكتارة وياخذون فطوم من الغرفة وشيخة تركض وراهم جنها بنت بالروضة اول يوم تداوم وياخذونها الابلات من امها جذي السسترات ياخذون شيخة حتى جراح ما هد شيخة قاعد معاها وكل ساعة يقوم يطمن عليها وصية فطوم غاليه غاليه عليه وفطوم اخر وحده يبقاله من فطوم ومحمد حالته حاله لي درجة ما قدر يقعد معاهم يبجي ويرد يطمن عليهم وعلى بنته وحبيبته واخته فطوم بالأجزاء اليايه بنعرف ان كانت فطوم في أمل انها تعيش واله بتموت وشيخة شراح يكون موقفها وشلون راح تعيش لو ماتت فطوم هل بتضيع ؟؟؟ هل بتنتحر ؟؟ هل وهل وهل وهل ؟؟

ويدشون الدكتارة وياخذون فطوم من الغرفة وشيخة تركض وراهم جنها بنت بالروضة اول يوم تداوم وياخذونها الابلات من امها جذي السسترات ياخذون شيخة حتى جراح ما هد شيخة قاعد معاها وكل ساعة يقوم يطمن عليها وصية فطوم غاليه غاليه عليه وفطوم اخر وحده يبقاله من فطوم ومحمد حالته حاله لي درجة ما قدر يقعد معاهم يبجي ويرد يطمن عليهم وعلى بنته وحبيبته واخته فطوم بالأجزاء اليايه بنعرف ان كانت فطوم في أمل انها تعيش واله بتموت وشيخة شراح يكون موقفها وشلون راح تعيش لو ماتت فطوم هل بتضيع ؟؟؟ هل بتنتحر ؟؟ هل وهل وهل وهل ؟؟
أبرار : يمه ابوي ما دق صارله يومين
سارة : والله يا بنيتي ما دق واخاف ادق عليهم ويكونون مشغولين
أبرار : يمه دقي سالي الحين ؟
سارة : شورتج وهداية الله
وتدق سارة على محمد ...
محمد : هلا سارة
سارة : الحمدالله الله على السلامة يالغالي شفيه صوتك ؟
محمد : ااخ يا سارة والله تعبان فاطمة حالتها صعبة وشيخة اصعب
سارة : يا ويلي على بنتي ؟
محمد : فاطمة توها انقلوها بالعناية المركزة صارلها 7 ساعات الله يستر بس
سارة : وشيخة وينها
محمد : مع جراح ينطرون
سارة : محمد وقلت لخالتي واله لا ؟
محمد : مو قادر سارة دقي على كل الاهل وبلغيهم وانا بدق على اخواني واقولهم مابيها تكون صدمة لهم ويقولون انه ما قلنا لهم ؟
سارة : لا حول ولا قوة بالله انشالله يالغالي واول ما تكون شيخة عندك بكلمها
محمد : انشالله
سارة : يالله مع السلامة
محمد : مع السلامة






ابرار : ها يمه شقال ابوي
سارة : والله يا ابرار مالنا الا الدعاء
وتروح سارة تدق على العايلة وما مر ساعتين الا العايلة كلها تدري خلونا بدوانية الرياييل شقولون :_
فهد : لا حول ولا قوة الا بالله انا شكلي بسافر لهم قلبي مو مرتاح ؟
خليل : وانا والله بعد يا اخوك كلنا اخوان لازم نكون مع بعض وهاذي اختنا
عبود : الله يستر والله انا خايفة الله يعينها عمتي فاطمة
ابراهيم : الحين شيخة شتسوي ؟
عبود : شيخة شكووو ؟
ابراهيم : شنو شكو اهي متعلقة بفاطمة واايد
عبود : مو اهي المدعومة عمتي فاطمة
ابراهيم : والله انا خايف مو قادر اصبر
ابراهيم ولد فهد : صبيان روحوا اخذوا القهوة وصبوا للرجاجيل بدال قعدتكم هاذي ؟
ابراهيم : نزين يا دكتور
عبود : دكتور ههههه
بندر : والله ما تستحون
ابراهيم : اسف مو قصدي
عبود : شنو ما نضحك
بندر : احترم عمتك فاطمة على الاقل






طبعا باختصار الجده تبجي والعمات يبجون والاهل حزينة وتنطر النتيجة بفارغ الصبر عشان جذي ما نبي نتعذب فبنروح امريكا ونشوف فطوم ؟؟؟
جراح : خلاص شيخة بسج بجي انشالله راح تطلع

شيخة :



محمد : ها جراح طلع الدكتور
جراح : لا والله يا محمد صارلهم 9 ساعات
محمد : كاه في سستر خلينا نسألها
محمد راح وتفاهم مع السستر وقالت الدكتور راح يطلع بعد ربع ساعة
وهالربع ساعة عندهم مليون أي مليون الا قرن شصبرهم يالله يالدكتور اطلع وطمنا يالله يالدكتور وهذا كلامهم شيخة بهاللحظة حست شيخة بشي غريب شي يعصرها شي يشدها للباب راحت عند ابوها وقالت بهدوء
شيخة : يبه
محمد : هلا يبه
شيخة : يبه فطوم تسلم عليك
جراح يطالع محمد باستغراب
محمد : يبه الله يسلمها ارتاحي
شيخة : ارتاح ؟؟؟ يبه فاطمة ماتت خلاص يبه قوموا اهي قالت لي
جراح : محمد ؟
محمد : يبه شيخة انتي تعبانة خلااااص
شيخة : كاهو الدكتور اسألة
محمد في قلبه : خلاص شيخة ينت وقعدت
وبالحزة طلع الدكتور وجراح ومحمد فزوا ودار حوار بينهم

خلونا مع شيخة قاعده تطالع الدريشة وتشوف الشجرة ويمها شجره صغيرة تخيلت وتذكرت موقف يوم نامت عندهم فطوم باول كمبيوتر يطب بيتهم مواقفها بالجمعية بالسوق بالحديقة بالمدرسة بالوفرة تذكرتها قبل 9 ساعات وعدتها تسهر معاها وتنام معاها وتاكل بيتوقف كل هذا تصورت شلون حياتها بتكون بعد شلون وشلون وشلون لفت وشافت جراح ومحمد





راحت لهم بخطوت ثقيلة راحت للدكتور اللي باين عليه اثار التعب راحت لابوها اللي الدموع ما توقف من عينه راحت لجرااااح وقالت له
شيخة : لا تبجي ويا ويلك ان قلت انه فاطمة ماتت

جراح : ........


شيخة : يبه فطوم وينها ؟

محمد : ....


شيخة : دكتور بليز وير از فاطمة
الدكتور : سوري ماي هوني فاطمة از داي
شيخة : لا دكتور فاطمة ما ماتت دونت داي دووونت يو ار لاير
محمد : بابا خلاص فاطمة ماتت مو تقولين تسلم عليج
شيخة : زين ابي اشوفها
محمد : خلاص يا يبه خلاص
شيخة بصراخ : ابي اشوفها رضيتوا واله لا ابي اشوفها ابي اشووووووووفها ابي اشووووووووووفهااا
محمد تفاهم مع الدكتور انها تطل عليها اخر طلة وبطلعت الروح رضى دشت شيخة الغرفة برووحها بدون ابي احد تبي تشوفها اخر مره بتشوف اختها وحبيبتها وامها وكل دنيتها بتروح تنام بحضنها تبي وتبي وتبي وتبي
شيخة : فطوم تسمعيني فطوم انا شيخة حبيبتج معقوله ما تكلميني انتي مو وعدتيني تنامين ومعاي وتسهرين بتروحين وتخليني اقعد مع منو منو اشكيله فطوم ابلتنا الدين تقول اذا مات احد روحة شوي شوي وتطلع يعني تسمعيني شوفي اوعدج اني اسوي كل اللي تبينه مني بس ردي لي فطوم صدقيني راح اموت اذا ما كلمتج ؟ فطوم تدرين افكر اني اول ما ارد معاج نروح السوق ونفصل ههههه تذكرين يوم طحتي بالدري بالسوق ههههههه فطوم والله مشتاقة لج ما اقدر ما اقدر ما اقدر ابييييييييج قومي تكفين قوووومي لا تموتين شلون تخليني مو مره ثانيه فطوم مو مره ثانيه حياتي والله بدونج ولا شي تكفين فطوم والله احبج احبج احبج
محمد : بابا خلاص خلاص
شيخة : يبه ليش ما ترد علي والله ما اقدر والله م ااقدر يا ربي
محمد : الدكتور يقول لازم نطلع
شيخة : انتو شتبون فطوم ماتت شتبون بعد خلوني معاها موتوني معاها شلون اعيش من دونها
محمد مسكها من ادينها
شيخة : مااااااااااااابي نزين ببوسها امانه ببوسها
محمد : بسرعة
شيخة تروح تلمها وتبوس راسها وخدها وتروح لابوها لمها ابوها واخذها شيخة تحس كل دقيقة تموت اكثر ما تقدر كل ما تفكر انها مراح تعيش بدونها راح محمد يسوي اغراض الرجعة ومع نقل جثة فاطمة للكويت يبي قبرها يكون بالكويت مو في بلاد الغربة
جراح : شيخة
شيخة : ...........

بهاللحظه راح جراح ولم شيخة وقعدوا يبجووون



الله يصبر العايلة ثلاث شخص تفقده







بعد مرور يومين وتبليغ الأهل وعمل العزاء اللازم والشي الجديد الشباب اللي كانوا يكلمون فطوم كلهم حظروا العزا !!! وفي حين خلونا بأمريكا
محمد : ها جراح منت ناوي تقعد وراك اخر امتحانين
جراح : مابي احضرهم كافي الوظيفة اللي عندي بالكويت تكفيني
محمد : على راحتك وعزيز وغالي يا جراح
جراح : ابي احضر عزاها يا محمد الجثة وصلت الكويت واله لا ؟
محمد : أي اهي بالثلاجة نوصل باجر الصبر وندفنها
شيخة : ليش تدفنونها ؟ ليش لا مابيك تدفنونها خلوها بغرفتي انا كل يوم انضفها وغسلها
محمد : شيخة بابا لبسي الطيارة بعد ثلاث ساعات

ومر وقت .... صموت، وصموت ، صموت





لطيفة : ها سارة ما قلتي لي متى بيوصلون محمد وشيخة انشالله
سارة : توه محمد اتصل وقال لي باجر الصبح انشالله وجراح راح يجي معاهم
لطيفة : الله يعينا انشالله
سارة : أمين حبيبتي ....
بعد مرور سنة على حياة أبطالنا وتبدي بطلتنا شيوخة ويكون عمرها 17 سنة لكن خلوني أعطيكم أهم الأحداث اللي صارت
شيخة : صارت انطوائية جدا ما تكلم أحد وحتى لي زارت بس يذكرون اسم فاطمة تبجي وفاطمة في بالها لي الحين لاكن الجين بصير حدث وهااام ومهم خلونا بهالفقرة يمكن تغير مصير شيخة يمكن بفرحها يمكن راح تملك شي كانت فطوم تملكه ....

محمد : هلا وغلا يا جراح شلونك شخبارك وينك يا رجال قطعت عنا كثير ؟
جراح : والله يا محمد مو قاطع ... انا باختصر وطالبك طلب يا محمد
محمد : افا عليك وانا رقبتي سداده
جراح : انا كل يوم أحلم بفاطمة الله يرحمها يا محمد وصيتها كل يوم تييني باختصار انا ابي اتزوج شيخة على سنة الله ورسولة
محمد انصدم ما توقع هذا الطلب وفكر بناحية ايجابيه يمكن جراح يطلع شيخة من حالتها ؟
جراح : أدري انك منصدم يا محمد وشيخة صغيرة بس انا نطرت يكون عمرها مناسب واتزوجها باقرب وقت وهاذي وصية فاطمة وشيخة فيها منها يعني بتريحني وانا بريحها
محمد : والله يا جراح انا لازم اشاور الاهل واكيد شيخة وانشالله ما يكون الا الخير
جراح : على راحتكم وانا انسان شراي وشيخة بتكون في عيوني انشالله
بهاللحظه ابرار وسارة على يتسمعون والكل فرحان وسارة نوت تزوجها بدون ما تاخذ رايها لانها تعرف راي شيخة عدل واكيد راح ترفض والحين حالة شيخة صعبة غصب راح تتفاهم معاها ... والله يعين الحين نبي نعرف شنو راح تكون ردة فعل شيخة لكن محمد ناوي يقول للأهل قبل شيخة واليوم زوارة في بيت الجده خلونا نشوف أهم الأحداااث ...
في مجلس الرجال ...
محمد : يا جماعة ابي اكلمكم بموضوع مهم
خليل : تفضل يا اخوي
محمد : مثل ما عرفتم بعد موت فاطمة الله يرحمها شيخة بنتي تعذبت وكل يوم طايحة علينا وانا ابو وما ابي اخسر بنتي وأمس ياني جراح وخطبها وما رديت لي الحين عليه وابي شوركم ومثل ما تعرفون شيخة صغيرة وانا محتار افاتحها
ابراهيم ولد خليل : لا يا عمي شيخة صغيرة
فهد : الكلام لنا يا ابراهيم مو لك انت شدخلك ؟
ابراهيم : اييي بس اهي برابعة ثانوي حرررام
عبدالله : يالخبل ناوي تفضحك عمرك اسكت
فهد : انا اقول الصراحة يا محمد ابراهيم ولدي كان ناوي يخطبها بعد السفر انشالله وبنت العم لولد عمها احسن واحنا نقدر نصونها اكثر وعلى فكرة انا ما اقصد جذي اهين جراح بالعكس جراح رجال بمعنى الكلمة
محمد : والله انتو جذي تحيروني اكثر يا بندر تكلم يا خليل تكلم والله تعبان
خليل : انا اقول توكل على الله لان جراح بكون من ريحة فاطمة الغالية وبترتاح شيخة معاه اكثر ويا فهد ابراهيم انشالله يلقى له عروسة
فهد : والله يا اخوي اهو اللي فاتحني بهالموضوع وانشالله اسألة ؟
ابراهيم يساسر عبدالله : شفت يبي يخرب علي خلاص انا ابي اخطبها
عبود : يالخبل اسكت
بندر: انا اقول يا محمد توكل على الله ومثل كلام خليل الصراحة يمكن تشفى على ايده طبعا بعد الله ...

وينتهي المجلس ومحمد قرر يفاتح شيخة انشالله بعد الغدا ................................

محمد : يبه شيخة تعالي ابي اكلمج وياخذها غرفة فطوم يمكن تقدر توافق واهي بالجو هذا
لطيفة تساسر سارة بهالوقت : شيخة دايم حالتها جذي
سارة : أي والله يا وخيتي قلبي يعورني عليها
لطيفة : الهل يعين
نروح لمحمد وشيخة ترن ترن ترن ترن
محمد : يبه شيخة شفيج والله من زمان ما سمعت صوتج ؟
شيخة : نعم
محمد : حسافة لو مصورج وانتي قايلتها مو مصدق هههههههههه
مسكين يا محمد شيخة نست الضحك
محمد : تدرين شقول جراح
شيخة : شقول ؟
محمد : يقول انه فطوم قبل لا تموت وصتج انج ما تنسينها
شيخة : والله اني ما نسيتها (( وبدت تبجي ))
محمد : شفتي امبلة نسيتها مو قالت لج تبيج كل يوم تضحكين وانها معااج على طول
شيخة : ما اقدر يبه ما اقدر
محمد : انتي تحبينها مو المفروض تدعين لها بالرحمة ؟
شيخة : الله يرحمها
محمد : نزين ابتسمي
شيخة : ليش ؟
محمد : ودي اشوف ابتسامتج
شيخة : يبه احسك خايف ؟
محمد : انا اخاف ؟ لا حبيبتي
شيخة : شنو الموضوع قول عادي الصدمات بحياتي وااايد ؟
محمد : الله الله كل هالحزن فيج يا حبيبتي ؟
شيخة : ............................
محمد : يبه ابيج تسمعيني لي الآخر ترى امس جراح ياني وخطبج وقبل لا تجاوبين لا تنسين انه من ريحة فاطمة وانتي بعد اهو متعذب يا بابا وانتي بعد وانا حاس انج راح تهدين معااه ما ابيج الحين تجاوبين بعد اسبوع زين
شيخة : جراح خطبني !!!!!!!!!!!!!!!!!!
محمد : أي يبه ولا تجاوبين الحين
شيخة : نزين