تكملة البارت الرابع
__________________________
ريما: يلا عمار روح معها هيي بتوصلك لماما
عمار: ليما لا ما ابا الوح مااها ابا ادلث مااكي ( ريما لا ما ابغى اروح معاها ابغى اجلس معاكي)
ريما تكلمها: وصليه لأمه وقوليله ريما سافرت وما بترجع
....... تفاجئت: صدق بتسافري ريما لا تستهبلي
ريما: لا ما بسافر هذي كذبة عشان ما ترجع تدور علي
.........: طيب وين وكيف بتعيشي
ريما: الله كريم ، سكتت شوي بعدين قالت: اي صح قولي لحمدان اي شي قوليله بس لا يعرف اني هاربة من البيت .
سارة: طيب . وطلعت من بوكها فلوس وتوها بتمد يدها ريما قالت: لا يا سارة خير الله مكفيني
سارة: اعتبريها دين، ولو ان ما في بين الاخوات دين
ريما: سارة معي اللي يكفيني ويزيد بس انتي اهتمي لنفسج ولعموري لا تقطعي زيارته عشاني
سارة: عموووووري بعيوني بس انتي خذي هالفلووس خليها معاج يمكن تحتاجيها، محد يدري بالظروف
ريما: ساااا
سارة قاطعتها: ما بتحرك من هني الا وانتي ماخذة الفلوس
ريما تنهدت وخذت الفلوس: طيب بس نفس ما اتفقنا هذي الفلوس دين وبردها لج عن قريب
سارة: ريما انا نفس اختج مالها داعي الرسميات بالتعامل
ريما: مدري ممن غيرج شكنت بسوي، اذا ما عليج امر ابا جوال عشان اتصل لصديقتي
سارة: ليه انتي ما عندج جوال؟؟
ريما نزلت راسها
سارة ما بغت تحرجها : خذي هذا الجوال
ريما عقدت حواجبها: بس هذا جوالج
سارة: عادي بخلي راكاان يمر عمحل جوالات وبشتري غيره
ريما: الله يخليج لي . وضمتها وبكت ، قطع هاللحظات صوت جوال سارة وهو فإيد ريما
ريما مدته لسارة وهي منحرجة
سارة: اوووه هذا راكااااااان بيخرب الدنيا فوق راسي ، اتأخرت وايد يلا سلام ، هي صح ريما لا تنسي تغيري الشريحة لأنه عليها أرقام تخصني.
ريما: اوك ، يلا مع السلامة، في حفظ الرحمان.
__________________________________________________ _______________________________________________
عند علي
علي: تروووووك مو كأن هذي لينا
تركي: اي والله هي، شجابها هني، وبنص عين، اكيد تلاحقك يالحبيب
علي: ووووووووع الله يقرفها ، اكرها كره
لينا سمعت علي اتضايقت وايد بس ما حبت تبين وقامت من طاولتها متجهه لهم
علي: لا بعد قوات عين ، مو كفاية لاحقتنه لهني ، بعد تبي تكتم على نفسنا وتجلس معنا
تركي: اسكت لا تحس بشي
لينا وصلت: هلووووووووو صبايا، شو هالصدفة الحلوة
علي بصوت خفيف ما يسمعه غير تركي: مبين انها صدفة . وعلا صوته: هلا والله لينا كيفك حياااااتو
لينا طارت من الفرحة على كلمته بس هالكلمة كان علي يقولها لكل حد يعرفه.
لينا بصوت فرحان: منيحة وانت؟؟
علي: بخير والحمدلله، تعالي تفضلي ليش واقفة
لينا: لا عادي وهيني قعدت
علي: شو تشربي
لينا وهي تناظر علي: على ذوقك
علي قال بقرف: يمكن ما يعجبك ذوقي
لينا بثقه: كل شي منك حلو
تركي اللي حس انها زودتها وعلي بينفجر فيها الحين: علوووووي يلا بنمشي تأخرنا على فصووووول
لينا كشرت من سيرته
أما علي ففرح مع انهم ما مواعدين فيصل ولا شي بس فهم انه تركي يبه يهدي الوضع
علي: يلا تروك ، عن اذنج لينا
لينا: اذنك معك.
لينا فنفسها ( يا كرهي له هذا فصول دايماً يخرب علي اللحظات السعيدة بس انا اوريه وانت يا علي الحظ دايم معاك ودايم يخلصك مني بس بنشوف يا أنا يا انت واصححابك ذووول اللي ينقذوك من كل شي)
__________________________________________________ ______________________________________________
بيت بو حمدان
دخل راكان البيت وهو تعبان من مشاوير سارة اليوم
راكان: اه، الله يغربلج يا ساروونة كسرتيني من مكان لمكان
سارة: اقول اسكت لا تدعي وبعدين انا اختك الصغيرونة والمفروض تنفذ كل رغباتي
راكان: اقول تقلعي هذي مو رغبات ذي لو طلبتي فلوس اعطيج لكن تروحين مكان توبة توبة اروح معاج، بروح انخمد احس عمري بطيح.
سارة: ههههههههههههههه
راكان: اي اي ضحكي وش عليج، ابا اعرف انتي ما تتعبي حشا آله كهربائية تتنشطين بالسوق والمولات وبالدراسة يا غافلين لكم الله.
سارة: اقول راكنووو اسكت اسكت
راكان وهو يتثاؤب: بروح اناااام
سارة تستهبل وتقول بالمصري: نوم العوافي ياخويه ( نوم العوافي يا اخوي)
راكان متجه لغرفته ولا هو حاس بحد مجرد ما شاف السرير استلقى عليه من التعب وحتى ما كلف نفسه وفصخ نعاله( وانتو بكرامه) وبعد 5 ساعات نوم راحت امه للغرفه عنده.
ام راكان بصراخ وعصبية وهي فيها الضحكة على شكله كانت ايد بمكان والثنية بمكان ورجله وحدة طايرة يمين والثانية يسار اما اللحاف فطايح على الأرض وراسح طايحه فوقه والغرفة ثلللللج : راكونووووووووه ووجع قم ما كفاك نوووم قم يلا
راكان: خمس دقايق وبقوم
ام راكان تستهبل : بالله عليك خمس دقايق شبتسوي لك خذ ساعة احسن
راكان: يكون احسن خذي الباب بإيدج
ام راكان: اقول قم لا استخدم طرقي الخاصة الحين
من سمع طرقي الخاصة فز من مكانه وامه هني ما قدرت تمسك نفسها وانفجرت ضحك.
راكان استغرب عقد حواجبه وراح يشوف نفسه بالمراية وصرخ: يمه يمه هذا مو انا مستحيييييل وين وسامتي لازم اروح اتكشخ قبل ما تشوفني ليلى وتتشمت فيني. وبعد لحظات قليلة.
ليلى عند الباب: ههههههههههههه شف كشتك كيف طايرة باقي شوي وتوصل السقف ( سطح البيت) ههههههههههه والله شكلك توحفة، دقيقة . وراحت تركض لغرفتها وجابت الكم تبعها وفي الطريق قابلت سارة.
سارة: بسم الله ، شفيج تراكضين كذه شصاير
ليلى: ههههههه لا يفوتج لحقيني غرفة راكان
راحت ليلى مع سارة للغرفة وطبعا سارة ضحكت وليلى وقفت تصور
راكان: بمة شوفي بناتج نذلات ، سويتوني مطنزة العايلة.
ليلى بخبث: بخلي نورة تشوفهم.
راكان نط: لالا واللي يعافيج بعطيج اللي تبيه
ليلى: اي شي، اي شي
راكان: اي اي اي شي بس لا تراويها الصور
ليلى: اممممممممم طيب تطلعنا السووق
راكان: لالا اي شي الا السوووق توني وديت سارة السووووق حشا هلكت
ليلى: شكلي بغير رايي وبروح طيران لليلى اليوم ولا ليش اروح الله يخلي الجوال بمسج واحد بتشوف صورك هههههههههههههههههه
راكان: لا لا خلاص بوديج وامري لله بس اول حذفي كل الصور
سارة اللي عارفة اخوها بشنو يفكر: ليلى لا تحذفيهن لين ما يوديج السوق تراج ما تضمني راكنوووووووه هذا غدار درجة اولى
ليلى: اي والله صدقتي ، وناظرت راكان: سلم واستلم
سارة: هههههههههه حسستوني كأني بفلم هندي
راكان: امري لله ، جهزي وفجأة خطرت على باله فكره: اي صح السواقين موجودين روحي معاهم
ليلى: لا ما ابا ، احب اروح مع اخوي حبيبي
راكان بفقدان للأمل: طيب انقلعي تجهزي بودج الحين للسوق
ليلى : بفوتلك الكلمة (قصدها انقلعي) بس عشانك مقهور.
راكان يكلم سارة بعد ماراحت ليلى: اففف ، اختج ذي حنانة
ليلى رجعت للغرفة: سمعتك وراحت لغرفتها تجهز
راكان فز: يمه هذي كيف تسمع
سارة: اليدران ( الحيطة، الطوفة) لها آذان
راكان: اختج مرات تحسسني بتصرفاتها انها ارنب بس للأسف اذنها تدخل قبلها
سارة: اسكت لا تسمعك الحين
راكان عدل قعدته وسارة فهمت ان وراه سالفة
راكان: سارة شرايج بنوورة
سارة بمزح: مغرورة وشايفة عمرها عالكل وكريهه
راكان بحزن: صج
سارة: ههههه بسرعة تصدق المهم ادخل فالموضوع شتبا
راكان: يعني ابج تعرفين اذا يعني انا اذا
سارة: اختصر
راكان خذ نفس وقال بسرعة: اذا تقدمت لها بتوافق علي
سارة بضحكة: ههههههههه اقول راكان ويهك ليش قلب احمر ههههههههه وبعدين انا مالي خص بنورة ولا تطيقني ولا اطيقها رح كلم ليلى هي اللي تقدر تعرف اذا بتوافق عليك ولالا.
راكان: تتوقعين بتوافق علي
سارة بعصبية خفيفة: وليش ما توافق عليك، شو تحسب عمرها، اصلاً هي ظفرك ما تسواه
قطع عليهم صوت ليلى
ليلى: يلا راكان خلصت
راكان: يلا سارة بااي بكلمها في السيارة بس يارب ما تعاند وتيبس راسها وما تخبرها. وطلع وسارة تدعي بسرها انه يوفق اخوانها لكل خير.
-------------------------------------------------------------------------------------------------------------------------------------------------
عند حمدان
حمدان: اووه مالي خص اذا ما بتخطبيها لي انا بروح وبخطبها
ام حمدان: لو خطبتها لا انا امك ولا انت ابني
حمدان بصدمة: بتتبرين مني
ام حمدان وهي تضغط على قلبها: اي اللي ما يسمع كلامي اتبرى منه ولا كأني اعرفه بعد . وبجدية: جهز نفسك خطوبتك لليلى يوم الاحد يعني بعد 3 ايام.
حمدان : اموووووت ولا اتزوجها فهمتي امووووت يا ريما يا ما اتزوج
ام حمدان بحقد: الله لا يعيدها من ساعة اللي شفت فيها وجه بنت الفقر هذي
حمدان : انتي ما يهمج غير المناصب انتي وابوي طول عمركم كذا
ام حمدان: الزم لسانك يا ولد واحترم طولك ولا تعلي صوتك
حمدان وهو يعلي صوته: بعلي بعلي اذا عشان ادافع عن حياتي بعلي وبعلي . وما وعى الا بكف قوي حس نفسه طاير من قوته
حمدان بيأس: تضربني يبه تضربني عشان قلت الحقيقة ياليتني كنت فقير وما عشت معاكم هالعيشة. واخذ مفتاح سيارته وراح .
اما ابوحمدان ما مصدق كيف يمد يده على ولده ولا عمره مد يده على عياله او فكر انه يتعامل بهالأسلوب معاهم وقال بصوت هامس: ياليتج انقطعتي قبل ما تنمدي عليه.
وتعالت صرخات ام حمدان : يمه حمداااااااااااااااااااااااااااااااااااان انا ابا مصلحتك تعاااال لا ترووووووووح ليلى احسن من ريما بمليوووون مرة.
نورة بدموووووووع: يمه خلاص اهدي ما بيصير إلا كل خير.
ام حمدان: هالمرة انا حاسة ان بيصير شي قلبي قارصني عليه اه يا ولدي اه
نورة: بس يا يمة بيرجع الحين بيرجع
طلع ابو حمدان وهو حاس نفسه بيختنق اما ام حمدان فعطتها نورة حبه مهدئه وشربتها وغطت بنوووووم عمييييييييق ونورة قعدت بالصالة وخبرت ليلى اللي انهارت بالصياح وحاولت تتصل بحمدان ولكنه مغلللللق.
__________________________________________________ _______________________________________________
عند حمدان
مو قادر يشوف منكثر الدموووع يحس كأنها غشاوة على عينه وكان يسوووووووق بسرعة جنونية وفجأة............
__________________________________________________ ________________________________________________
عند ريما
ريما: ياربي اليوم آخر يوم عشان ادفع باقي فلوس الإجار لو ما دفعتها بيطردني من الشقة
وفجأة دق الباب وشافت من الفتحة كشرت وفتحت الباب
الحارس: السلام عليكم
ريما: وعليكم السلام ورحمة الله وبركاته
الحارس: دبرتي فلوووووس الإجار ولا لسه
ريما: ممكن تعطوني مهلة اكبر من كذا
الحارس: آسف مقدرش صاحب العمارة عايز الإجار انهرده ( آسف ما اقدر صاحب العمارة يبا الإجار اليوم)
ريما: بس انا ما عندي
الحارس: لازم تطلعي من الشقة دلوقتي
ريما: ما في حل ثاني
الحارس بتفكير وبعدين ابتسم بخبث: فيه
ريما: خافت من نظراته بس ما اهتمت وقالت بسرعة: شو هو
الحارس: تشتغلي معانه بشغلنا
ريما باستغراب: اي شغل؟؟ قصدك اشتغل حارس
الحارس: ههههههههه وقال لها السالفة
ريما شهقت: مستحييييييييل في ناس بمثل حقارتكم مستحيييييل لو اموت ما اشتغل هالشغل ، بشيل شنطي وبنز عن هالعمارة اللي كلها دمار وفساد.
الحارس مسك يدها: اياني واياكي اسمع خبر انك قلتي لحد اللي قلناه لحد ولو قلتي للشرطة يبئه انتهى عمرك.
ريم نفضت يدهاا بقرف: اطمتنن، سركم في بئر
الحارس ابتسم ابتسامة تكرهها ريم وراحت شالت شنطها وطلعت من الشقة والعمارة كلها
__________________________________________________ ______________________________________________-
عند عمااااااار
قاعد بغرفته
عمار يبكي
ام عمااار: شفيك انت بعد ليش تصيح مو كفاية الزفته ريما هربت وسافرت
عمار: ابغى ليما هئ هئ هئ
ام عمار: فأحلامك ما صدقت افتكيت منها وعذبتها نفس ما عذبني ابوها تبيها ترجع ثمرة ثانية
عمار يمسك يدها: ماما بلييز وديني لها
ام عمار نفضت يده بقوة خلته يطيح ع الأرض: قلت ريما ماشي لو تنطبق السما عالأرض
وتركت طفل صغير يصيح يبا الأمان اللي حس فيه من قبل ريما يبا الأخت اللي حسسته بالحنان يبا العطف والحب اللي حرمته امه منه.
__________________________________________________ ________________________________________________
خلص البارت الرابع
شو رح تسوي لينا؟
وشو صار لحمدان؟
ريما وين بتروح؟
عمار شمصيره مع هالأم الظالمه؟
راكان هل بتقبل فيه نورة؟؟