تابع
حمد :الحقيقه مو عارف شنو اقول لك .. هذي امه ومو خاطفته...
ناصر: انت بس حدد لي هي وين وكثر خيرك..
حمد :طيب ارسل لي الرقم .. واحدد لك موقعها..
ناصر:طيب.......
ارسل له الرقم.. دق عليها... رن .. يحتاج دقيقه عشان يحدد موقعها من خلال الأجهزه.......
هيفاء: رقم غريب.. الو.......
حمد :اوووف شكلها رايحه فيها اخذ واعطي معها.. هلا من معاي.
هيفاء: هيفاء وهبي هههههههههههههههههه
حمد : لاتكون سكرانه...
اخذ وعطا معها لين حدد موقعها وسكره بوجهها.....
معقول هنا............
دق على ناصر.......
ناصر: بشر....
حمد: والله مو عارف شقول لك.........
ناصر: ولدي فيه شي..
حمد :لا امه .. في استراحه مشبوهه..
ناصر: ايششششششششش؟؟؟؟؟؟؟
حمد :اسمع احنامن زمان نراقبها.. اليوم راح نسوي لها مداهمه ونقبض على كل الموجودين..........
ناصر :اجي معك..
حمد :انت ارجع بيتكم وانا اعلمك كل شي اول بأول..
ناصر :اوكي....... ورجع بيتهم...
رجع بيتهم ودخل بدون مايكلم احد وعلى طول شقته... لقى ساره بغرفة النوم ترتب اغراضها.. فتح النافذه الكبيره.. ومسك سورها بيده وتنفس بقوه.. وهو يقول يارب ترجعه لي.. حس بيدها على كتفه.. لف..
ساره : حطت يدها على خده.. خلي ايمانك بالله كبير .. مو هذا اللي قلته لي امس..
ناصر:........... حضنها ... وهي حضنته باقوى ماعنده وهي تمسح على شعره...
تركها وراح لغرفه عبدالله.. مسك صورته هو معه.. جلس على طرف السرير.. وهي ماسكه يده والثانيه كتفه..
رن جوال .. انتفض من مكانه.. حمد......
ناصر: هلا حمد بشر..
حمد: قبضنا عليها.. وولدك معاها .......لكن.....
ناصر: لكن شنو.......
حمد:لقيانه مغمى عليه.. وهو بالمستشفى الحين..
ناصر :حس الأرض تدور من تحته... اش فيه.......
حمد: المكان اللي كانوا موجودين فيه كل مخدرات وممنوعات والظاهرانه اختنق من الدخان.. على العموم هو بمسشتفى ال...... وانا معاه...
ناصر :انا جاي..
قام.....
ساره :جايه معك..
ناصر: ماله داعي تتعبي نفسك..
لبست عبايتها..ومشت معاه..
ناصر: سبحان الله... خايفه عليه اكثر من امه......
وصلوا المستشفى.. كان حمد واقف على باب غرفته..وعليه البدله العسكريه.. شافه ناصر..
حمد : تطمن حالته مسقره الحين...
ناصر:طيب.. ودخل...شافه.......... تمنى الموت ولا يشوفه بهالحال......
كان صدره مكشوف.. وعليه اجهزه على القلب.. وقناع التنفس على وجهه..والمغذي بيده.. وعيونه من تحت اسود.. ساره ..حطت يدها على فمها و نزلت دموعها ..ناصر.. قرب منه.. عبدالله.. رد علي.. جا الدكتور .. لو سمحت ممكن تجي لحظه... طلع معاه.. وهي جلست على كرسي جنب سريره..
حسبي الله ونعم الوكيل.. مسكت يده الصغيره.. وباستها.. وقعدت تقرا عليه آيات...
الدكتور.. الحقيقه ابنك لو ماجا في الوقت المناسب.. كان مات..
ناصر: فتح عيونه ع لآخر.. ليشششششش؟؟؟؟
الدكتور: المكان اللي كان موجود فيه.. كان فيه انواع مخدرات كثيره وهو طفل صغير ماقدر يتحمل.. الحمدلله وصل في الوقت المناسب.. يحتاج كم يوم عشان تطلع السموم من جسمه وبعدها يحتاج رعايه اسبوعين ويرجع احسن من قبل..
تفضل روح بشر مامته هي بتبكي عليه..
ناصر: ابتسم بسخريه.. هذي مرت ابوه .. هو كان مع امه.....
الدكتور:؟؟؟؟؟؟؟؟؟؟؟؟؟؟
دخل.. لقاها ماسكه يده والثانيه على راسه وتقرا عليه..
وقف جنبها... مستحيل اتركه مره ثانيه..
ساره :لفت عليه.. ش قال الدكتور..
ناصر: الحمدلله.. لكن يحتاج رعايه اسبوعين بعد مايطلع من المستشفى..
ساره :خير ان شاءالله..
ناصر: ابوي مستحيل يعفيني من الشغل.... من راح يظل معه...
ساره: وانا وين رحت...
ناصر :ماعندك دوام؟؟
ساره :انا ماخذه اجازه شهر ونص.. وباقي منها تقريبا 3 اسابيع.. يعني بظل معه لين رب العالمين يقومه بالسلامه...
ناصر:كل يوم تكبري في عيني اكثر واكثر.. قرب منها باس جبينها واخذ يدها وباسها..
ساره :كم عبدالله وابوعبدالله عندي..
ناصر: حس انه شوي بيبكي... امه سبب مرضه ومرت ابوه هي اللي بتراعيه.. صحيح مرت الأبو مظلومه..
انتبهوا له يتحرك..
ناصر وساره كل واحد في جههه من السرير..
عبدالله : امممممم..
ناصر: حبيبي.. انا بابا..
رفع عينه يطالع فيه.. واشر على ساره.. تكلم بتعب.. زعلان منك...
ساره :افااا ليش...
عبدالله :........ وين الأسكريم..
ساره :ههههههه طيب اجيب لك بكره..
عبدالله : كلمة رجاله...
ساره: كلمة رجاله..
ناصر تركهم وطلع...غطى وجهه بيده..مايبيهم يشوفوا دموعه......
شافه حمد: خير عسى ماشر......
ناصر : ولا شي..
حمد : فهم عليه... الحمدلله رب العالمين عوضه عن امه..
ناصر : اي والله...... جو اهله ابوه وام فهد ونوره وندى..
نوره: طمني شلونه الحين..
ناصر: صار احسن...
حمد.... جن عليها.. هذي اخته.......
نوره حست انه يطالعها.. اجل ادخل اشوفه.. ودخلت معاها ام فهد وندى..
ابوناصر :الحمدلله.. وهيفاء اش صار عليها..
ناصر: يبا واللي يسلمك لا تجيب طاريها..
ابوناصر: انا اسأل صاحبك..
حمد:...........ها......... ايه.. لسه في التحقيق.. واعتقد قضيتها صعبه لأن مسكوهم متلبسين غير مشكلة عبدالله لازم تتعاقب عليها...
ابوناصر: لاوحول ولا قوة الا بالله... طيب ياولدي حاول تحلها.. احنا ناس معروفين..
ناصر: يبا.................. خليها.. تعفن في السجن..........
ابوناصر: لا ياولدي مهما كان هذي بنت يتيمه وانا خالها..
ناصر: تركهم ودخل الغرفة لا يتهاوش مع ابوه في المسشتفى.......
الحمدلله على السلامه
بعد اسبوع... طلع سلمان وعبدالله من المستشفى...
طبعا ساره.. نامت مع عبدالله.. وكل شوي رايحه جايه لسلمان اخوها.. وناصر كل يوم يطلع من الدوام ويروح لها لنهاية وقت الزياره.. واحيانا مايطلع الا اذا طروده الأمن.........ههههههههههه
ناصر حس انه وده يحط ساره على راسه......
يشوفها كيف تعامل عبدالله وكيف خايفه عليه..
ام فهد .. كل هذا مجامله لناصر..
ساره :لا مجامله ولا شي.. لكن الولد ماله ذنب.. وانا متعوده على الأطفال... وبعدين ناصر ماطلب مني انا من نفسي سويت هالشي..
نوره : اهم شي قام بالسلامه هو واخوك...
ساره: وعبدالله في حضنها.. الحمدلله
رجعت البيت... حطت عبدالله في سريره.. وراحت غرفتهم..
بعد شوي جا ناصر... تطمن على عبدالله وراح لها الغرفه...
ناصر قرب منها...واحشتني...
ساره : انا تعبانه الحين...
ناصر وهو يقربها منه... مسك خصرها.. ارحميني يابنت الناس..
ساره.. مو الحين.. وهو تبعده..
ناصر.. حضنها.. حس ببرودها..يعني ماتبيني.. . تركها.. اخذ مخده ولحاف وراح ينام في المكتب..
ساره..ماقالت ولا شي.. ش فيني .. صار لي اسبوع ماشفته وكذا اقابله.......
وبعدين ليش زعل.. يارب تصبرني على طبعه الصعب...
راحت له المكتب..
ساره :ناصر اش فيك.....
ناصر: بدون مايطالعها.. اسألي نفسك..
ساره :انا......... ماسويت شي...
ناصر: روحي عني بنام.....
ساره: لكن.........
ناصر :بصراخ........روحي عني مابي اشوفك......
تركته وراحت لغرفة النوم..... سكرت الباب..... نزلت دموعها بقهر..... ليش....... ليش......... حرام عليك ياناصر......
ناصر....... نايم على الصوفا......اش فيني هي صحيح تعبانه توها جايه من المستشفى.. وبعد كل اللي سوته مع ولدي....... اعصب عليها......
لكن انا مااتحمل ترفضني اكثر من كذا......
آآآآآآآآه ياساره... انتي مثل السهم المغروس في قلبي.....
اذا نزعته مات القلب من كثر النزيف..... واذا تركته ذبحني الألم.....
اقوم اراضيها.......
قام لغرفة النوم...... فتح الباب بشويش؟؟؟؟؟؟؟؟؟
مقفل........... هين ياساره........