تابع
نوره : هه هلا يمه.....
ام فهد : وانا سألت السواق قالوا كلو يروح بيت بدريه..
وطالعت ناصر وساره بنظره..
ناصر: وقف يبي يسلم عليها.. شلونك يمه..
ام فهد : بعد عني انا مو امك..
ناصر: الله يسامحك.....
ام فهد جلست مقابله لساره وناصر..
ام فهد : شلونك سويره..
ساره : اسمي ساره لو سمحتي..
ام فهد : لا تكفين مدري بنت منو.....
ناصر: ام فهد لو سمحتي.. ماله داعي الغلط..
ام فهد : مدري ش شايف فيها......
ناصر: قومي نمشي..
ام فهد : وين تو الناس.. اقول ساره...
ساره : وهي واقفه جنب ناصر.. نعم..
ام فهد : نوره تزوجت بعدكم وهذي بالشهر الخامس وانتي؟؟
ساره : حست كلامها سكاكين بصدرها.. هذا امر الله...
ناصر: شب نار وبينفجر.. ليش تسألي مهتمه يعني؟؟
ام فهد : لا بس قلت يمكن فيك شي..
ناصر: لا تطمني حملت من قبل وان شاءالله بتحمل مره ثانيه..
ساره : همست لناصر.. يلا نمشي..
ناصر : مسك يدها.. يلا....
بدريه : وصلتهم للباب.. اسمحوا لنا على القصور.....
ناصر: لا مامنك قصور....
بدريه : وهي تسلم على ساره.. لاتزعلي من امي..
ساره : لاعادي.. تعودت..
جا عبدالله وركبوا السياره......
ناصر: ساره مابيك تفكري بكلام ام فهد..
ساره : ...........
وصلوا البيت..
ناصر: حط عبدالله في سريره.. وراح غرفتهم..
لقى ساره :نايمه..
ناصر: متى نامت؟؟
بدل ملابسه ونام جنبها.. قرب منها باسها خدها.. وحرك شعرها.. نمت حبيبتي.. ماردت عليه..
ساره : سوت نفسها نايمه.. ماتبيه يتقرب منها اليله..
.........
مرت الأيام........
صحت نوره على الم شديد.....
مشت بصعوبه لغرفة ندى..
وصلت وجلست على سريرها وهي تهز رجولها. ندى قومي..
ندى: همم.....
نوره : ندى قومي شكلي راح اولد..
ندى: قامت مفزوعه... ايش؟؟؟؟؟؟
نوره : ايه قومي بسرعه..
ندى : ش سوي.. امي وابوي في البحرين من امس؟؟
نوره : وهي تتألم .. تصرفي...
ندى: وين حمد.؟؟؟
نوره : في الشغل وين يعني..
ندى : طيب ماتقدري تدقي عليه؟
نوره : تعبانه خلاص.... اووف.. لا مااقدر......
ندى ك مافي الا ناصر..... دقت عليه..
ناصر : كان نايم..
ساره : سمعت جواله يرن في الصاله.. قامت جابته,, ندى؟؟
ردت : هلا ندى..
ندى: هلا ساره.. وين ناصر..
ساره : نايم ليش؟؟
ندى : صحيه بسرعه.. نوره تعبانه ومافي احد يوصلنا المستشفى..
ساره : طيب طيب.. اهدي انا اصحيه..
راحت لناصر.. تهز كتفه... ناصر ناصر..
ناصر: تحرك .. همم.
ساره : ناصر قوم نوره تعبانه ومافي احد يويدها المستشفى
ناصر: قام مفزوع...نوره؟؟؟
ساره : ايه هي في بيت ابوك..
ناصر: قام طيب..
بعد مالبس..
ساره : اجي معك...
ناصر: لا خليك هنا مع عبدالله..
ساره : دق علي طمني..
ناصر: باس خدها,,,, اوكي...
وطلع.....
راح بيت ابوه.. ركبوا وللمستشفى على طول..
عند غرفة الولاده..
ندى : جالسه على كرسي.. يارب تسهل عليها..
ناصر: رايح جاي.. دق على حمد وقال راح يحاول يجي بأقرب وقت..
وساره كل شوي تدق عليه..
ندى : مرة ساعتين..
ناصر: الله يقومها بالسلامه.......
رن جوال ندى .....امي؟؟؟؟؟؟
جات النيرس....
مبروك......
ندى : شنو جابت..
النيرس : ولد .....
ناصر: ابتسم ولد.. والام..
النيرس : تمام.. بعد شوي تشوفها..
عطاها بشارتها..
ودق على ساره..
ساره : والله مبروك.. ونوره شلونها..
ناصر: بخير.. يلا اكلمك بعدين.. حمد يتصل
ندى: هلا يمه..
ام فهد : وينكم جينا مافي احد؟؟
ندى :انا في المستشفى .... نوره ولدت..
ام فهد : ولدت؟؟؟؟؟؟؟؟؟
ندى :ايه..
ام فهد : طيب احنا جايين الحين..
ندى : سكرت من عند امها.. ناصر خلاص روح بيتكم..
ناصر: وليه.. تبقي لحالك هنا..
ندى : امي وابوي جايين..
ناصر: فهم قصدها.. اذا جو انا بروح..
وصلوا ابوناصر وام فهد......
ناصر: شلونك يبا....
ابوناصر: ولا كأنه يشوفه.. كلم ندى.. شلون اختك الحين..
ندى : بخير..
ام فهد : وهي تأشر على ناصر.. وهذا شنو يسوي هنا؟؟
ناصر : انا اللي جايبهم..
ابوناصر: انت اللي جبتهم..
ام فهد : وليش ماجيتوا مع السواق؟؟
ناصر : ؟؟؟؟؟؟؟؟؟؟؟؟؟؟
ندى: السواق.. اجي معها لحالي.. كنت ابي واحد من اهلي مو سواق يوصلني وبس..
ام فهد : ليش هذا من العايله..
ناصر: تنفس بقهر الله يسامحك... ومشى.....
ركب سيارته..
ضرب بقوه على المقود...... وبعدين ضحك.. وانا شنوا متوقع منهم..
الله يسامحكم ...........
راح بيته.. لقى ساره في الصاله تنتظره..
وقف قدامها..
ساره : حست ان فيه شي..
جلس وحط راسه على رجولها.. حطت يدها على شعره.. شفيك حبيبي..
في نفسها اكيد شاف ابوه.. مااحس انه مكسور الا اذا الموضوع فيه ابوه..
ناصر: ................ يدور الراحه في حضنها..
قام.. يلا قومي ننام.. باقي ثلاث ساعات على الدوام..
قامت ...
حاول ينام.. ماقدر..
ساره بعد ماقدرت..... تفكر متى بفرح مثل نوره...
.........
يوم ثاني..
ناصر: يكلم ساره .. هلا حبيبتي امرك ونروح لنوره..
ساره : اوكي...وعبدالله..
ناصر : نمر ناخذه من البيت..
ساره :اوكي..
كلمت المربيه تجهزه..
في المسشتفى..
كان حمد معها... وولده بين ايديه..
حمد : حبيبتي.. تمنيت انا جبنك.. بس ماقدرت اجي..
نوره : بتعب.. الحمدلله.. ولدي حلو؟؟
حمد :اكيد حلو.. لأنك امه وانا ابوه..
نوره : ههههههههههههه.. شنو راح نسميه...
حمد : اممم.. على اسم ابوي.. ابراهيم..
نوره : اوكي..
حمد : ولا تزعلي البنت انتي اللي راح تسميها..
نوره : أي بنت؟؟؟؟؟؟
حمد :ههههههه اللي راح تجيبها ان شاءالله..
نوره : ايه اذا دخل ابراهيم المدرسه....
حمد : لا ........ ابيها بعد سنتين..
نوره : اسمح لي مااقدر.. تظن الحمل والولاده سهل يعني..
حمد : حط ولده في سريره.. قرب منها وباس جبينها.. اهم شي سلامتك..
نوره : نزلت عيونها..... الله يسلمك...
دخل ناصر.. احم احم
حمد : هلا ناصر.. وقام سلم عليه..
ناصر: مبروك ماجاك..
حمد : الله يبارك فيك.. مشكور ماقصرت..
ناصر: شدعوه هذي نوره الغاليه..
حمد :طيب انا اطلع عشان الحريم ياخذوا راحتهم..
ناصر: طيب لاتروح انا دقايق واطلع لك..
طلع حمد...
ساره : سلمت على نوره.. طالعت ابراهيم... يالله يجنن الله يحفظه..
ناصر: خشمه مو حلو اكيد طالع على امه.....
نوره : وامه تشبه خاله الكبير..
ساره :هههههه..
ناصر: طيب انا بطلع اشوف حمد عبود تجي معي....
عبدالله: هز راسه ....ايه.....
طلعوا من الغرفه
ساره :جلست مع نوره.. عدلت اللفه على ابراهيم..
نوره : ماشاءالله عليك ياساره تعرفي للأطفال..
ساره : ايه نسيتي اني خاله وعمه..
نوره : انا بعد خاله وعمه لكن مااعرف للأطفال ولا اعرف اطبخ.. مثلك...
ساره : امي واخواتي علموني كل شي..
نوره : ياحظ ناصر فيك.. الله يعطيك على قد نيتك..
ساره : الله كريم........
دخلت ام فهد.....
ام فهد : مدت بوزها.. انتي هي لاتلمسي ولد بنتي.....
ساره : وانا ش فيني...
ام فهد : وهي تاخذ ابراهيم .. بعدي اشوف..
ساره : يلا مع السلامه......
وطلعت من الغرفه..
نوره : يمه شفيك؟؟
ام فهد : اتركيها عنك..
ساره : طلعت من الغرفه وتحس الدنيا تدور فيها..
مشت بين الغرف ماتدري وين تروح..
تعبت.. كل مااقول الدنيا ضحكت لي.. تطلع هموم جديده.. مكتوب علي طول عمري اشيل هموم..
التفت يمين....... كانت غرفة الحضانه...
طالعت الأطفال..
حطت يدها على الزجاج.. وطاحت دموعها.. متى راح اصير ام..
ناصر : رجع غرفة نوره.. وين ساره؟؟
ام فهد : ماندري عنها..
ناصر : وين راحت؟
نوره : ماادري .. مااتوقع بعدت ماصار لها دقايق من طلعت..
طلع من الغرفه.. وين رحتي... اتصل عليها ماردت.....
شافها من بعيد... واقفه عند غرفة المواليد.. حاطه راسها ويدها على الزجاج ...
قرب منها.. ساره..
ساره : لفت عليه... نعم..
ناصر: يلا نروح البيت..
ساره : مشت جنبه وهي ساكته...
...............
يوم عيد زواجهم الأول.........
ساره رجعت بدري من الدوام.. قبل يومين طلعت وقت البريك واشترت له ساعه فخمه من غسان ........
جهزت العشا.. وناصر.. طبعا يدري انها راح تسوي شي.. تعمد يتاخر شوي..
ساره : بعد ماجهزت العشا راحت الصالون وسوت شعرها مرول وميك اب لبناني..
لبست فستان اسود ناعم طويل وفيه فتحه للركبه من جنب.. وفتحة الصدر دائريه ومدرجه .... وطبعا لبست كعب..
جهزت المكان .. الشموع في كل مكان.. والفواحه طبعا..
نومت عبودي .. وجلست تنتظره.. الساعه 8 ونص للحين ماجا...
دقت عليه..
ناصر: ابتسم.. هلا حبيبتي..
ساره : اهلين وينك تأخرت..
ناصر: يمكن اتاخر اليوم عندي زحمة شغل..
ساره : ايش؟؟؟؟؟؟؟؟ متى جاي؟؟؟
ناصر: ماادري عندي عشا عمل...
ساره : يعني ماذكر عيد زواجنا.. طيب باي..
سكرت من عنده..تكتفت. اووف..
رفعت عينها..؟؟؟؟؟؟؟؟؟؟
واقف قدامها يضحك.. وفي يده باقة ورد روز احمر..
ساره : انت جيت..
ناصر:...معقوله مااجي في ذكرى اسعد يوم.. باس خدها.. كل عام وانتي الحب.. وعطاها الباقه
ساره : وانت بخير...وحضنته......
ناصر : احبك.....
ساره : وانا احبك.........
تعشوا..
جلسوا جنب بعض.. اخذ يدها وباسها... تسلم ايدك على العشا..
ساره : الله يسلمك...
ناصر.. عطاها علبه صغيره عليها شريطه حمرا..
ساره : عطته علبه في كيس اسود,,,,,,
ناصر: انتي بالأول......
ساره : ابتسمت.... فتحت العلبه.. صندوق مجوهرات فخم..
داخله عقد الماس.رووووووعه.. ودبل جديده..
باسته على خده.. شكرا حبيبي....
ناصر: العفو .. اخذ دبلتها ولبسها اياها.. وباس خدها..
ساره.. اخذت دبلته ولبسته .. وحضنوا بعض,,,,,,
بعدت عنه.. دورك..
فتح العلبه...اوووووووه ذوقك خطير.. تجنن الساعه..
ساره : عجبتك..
ناصر :مشكلتك تعرفين ذوقي ومزاجي صح..
ساره : هههههههههههه..
اخذت الساعه ولبستها اياه..
ناصر: انتي احلى زوجه بالدنيا..
ساره : قول يارب..
ناصر: يارب....
ساره : تدوم السعاده.....
ناصر :الله كريم......حضنها و...........
.......................
بعد اسبوع...
كان يدور على الشركات يدور شغل.. ومالقى.....
اووف.. انا تعبت ومليت... ابغى اتزوج ومو قادر..
كان واقف عند شركه.. شافها طالعه.. ضيق عيونه..
معقوله.. ساره؟؟؟؟؟؟؟؟؟؟؟؟؟
توظفت في هاذي الشركه........ لابسه بطاقة الشركه اكيد موظفه.. والله وقام حظك يابنت صالح عبدالرحمن......
ركبت مع السواق..
حتى سيارة سواقها افخم من سيارتي.. يمكن تزوجت... وواحد غني.. الحقها واشوف.......
لحقها ليما وصلت البيت..
ساكنه في هذي الفيلا...... منو المجنون اللي يتزوج وحده مطلقه ويسكنها في هذي الفيلا.. شاف واحد من الجيران ..
نزل وسلم عليه.. لو سمحت هذا بيت منو؟؟
الجار : بيت ناصر محمد عبدالله ال........
طيب هذي اللي دخلت زوجته..
الجار :استحي على وجهك تطالع حريم الناس.. انت منو؟؟
لالا مشكور.. وركب سيارته..
يوم ثاني.. وقف في المواقف .... استنى ليما طلعت من الشركه..
وراح الشركه..
وصل للأستقبال..قاله الموظف كل الموظفين طلعوا..
قال انا اخو ساره وصتني اخذ شغله من مكتبها..
موظف الأستقبال : طيب تفضل.. ومشى معه..
وصل مكتبها.. اكيد موجود.. هذا هو..
موظف الأستقبال: لقيت اللي تدور عليه..
لالا مع السلامه وطلع..
موظف الأستقبال: ش فيه هذا؟؟
ركب سيارته.. ضحك.. هذا كرتك ياساره..
...........
ساره كانت مع بدريه في بيتها..
بدريه : شلونك بعدك ملتزمه بالعلاج؟
ساره : ايه... تعبت.. صار لي 6 شهور ومافي فايده..
بدريه : اصبري.. الله كريم..
ساره : يارب......لكن مثل ماقلت مابي احد يدري.. انا ماقلت لك الا من كثر الضيق اللي بصدري..
بدريه : افا عليك. .. احنا خوات..
ساره : مشكوره........لكن انا خايفه...
بدريه : من شنو؟؟؟
ساره : ناصر.. يفكر يتزوج غيري......
بدريه : ههههههه لاتخافي... ناصر مو بس يحبك.. يحب الأرض اللي تمشي عليها.. ومايبدلك بأي وحده بالدنيا....
ساره : نزلت راسها..
رن جوالها..
عقدت حواجبها.. رقم غريب.. ردت: الو......
جمدت ملامحها.. طاح الجوال في حضنها......
بدريه : ساره...... هزت كتفها.......ساره .. منو المتصل......
ساره : .........................