البارت العاشر

أم عبد الرحمن تطالعه" لا تخاف ما تدبست بشي ....

نواف متفاجأ" وش قصدك؟؟

أم عبد الرحمن" مافي نصيب

نواف مو مصدق " وشوووووووووووو

\\

//

\\

في لبنان...

سلاف" يا صباح الورد والياسمين

تركي وهو فاتح فمه على الآخر و يتثاوب" صباح الحب

والجمال

سلاف" شووو حابب تفطر حبيبي

تركي" أي شي تطلبينه راح آكله

سلاف" هلأ بدق على الريسبشن وبطلب لنا احلى فطور

تركي" تسلمين لي يا الغلا

يدق جوال تركي

تركي" الووووووووو

سلمان" هلا هلا ...صباحيه مباركه يا عريس

تركي" هههه الله يبارك فيك

سلمان" والله إني ضعت بدونك البارح... شكلي بحجز على

أول طائره للرياض

تركي " والله تسوي خير

سلمان" ههههه وش عليك ...بايعها

تركي" يا لله ضف وجهك وما ابغي أشوفك إلا بالرياض

سلمان" ههههه خير خير .... يا لله تامر على شي

تركي سلامتك" بس هاااااا ما يحتاج أوصيك لسانك هذا

ربطه

سلمان " أفا عليك.... مربوط من زماااااااااان

تركي " يا لله سلام

سلمان" سلام

سلاف" شووو ما راح تقوم تغسل

تركي " هاا وصيتي على الفطور

سلاف" لا هلأ بدق

تركي" خليك من الفطور ... وتعالي خلينا ننام شوي

سلاف" شوووو ما تعبت من النومه

تركي" أحد يشبع من النوم وإنت معه؟؟؟

\\

//

في الشرقية.....وبالذات في غرفة مالك

كان جالس يتفرج على البوم الصور وقت ما كانوا صغار

ويشوف مسعود شلون كان يحرص عليه على طول ... وكل

صورهم كان مسعود لامه في حضنه وكأنه يبغى يحميه

وبعدها صور الجامعة مع ماجد .... وباين تلائمهم مع بعض

.... وحبهم الواضح من عيونهم .... كانت صورته مليانه

حياه مع انها مجرد صوره بعكس صورته الحين الي جالس

يطالعها با لمرايه وكأنه إنسان ميت بدون مسعود ...وبدون

ماجد إلي فضل البنت عليه ...ما حس بحاله إلا ينزع ملابسه

من عليه ويدخل تحت الشاور ويفتح الماي البارد ...وكأنه

يتمنى إن الأفكار الشينه تنزل مع الماي أو إنها تتجمد براسه

وما يعود يحس فيها مع برودة الماي الي جمد راسه مع

برودة الجو

,,

في الصالة ...كانت مرام جاهزة حتى تروح المشغل

مر من جنبهم مالك ..من غير ما يلتفت لهم ولا حتى يقول

لمرام تلحقه ..فصارت تناديه وهو كأنه بعالم ثاني ..وما

التفت لها أصلا

أم مسعود تبكي" يا لله بحقك...أنا مالي غيرك يارب

مرام وعيونها مليانه دموع" يمه ...وش فيه مالك ..مو مالك

الأولاني متغير كثير

أم مسعود" إلي صار يمه يفتت حتى الحجر ...فما بالك بمالك

الرقيق الحساس

تدخل عليهم شيخه بصوره مفاجئه....

شيخه" السلام عليكم

أم مسعود" وعليكم السلام يمه

شيخه متوترة" عمه ؟؟ تروحين مع طلال المستشفى ....شهد

تعبانه كثير

أم مسعود" يوه ...بسم الله عليها خير يمه

شيخه" شكلها نزله معوية ...ما نمت البارح معها

أم مسعود" لا حول الله.... تروح مرام معها

مرام ارتبكت" لا ..أنا ما أروح

أم مسعود".............

مرام تبعد نظرات أمها عنها" يمه عندي عرايس اليوم لازم

أروح المشغل .... ما أقدر أتأخر

أم مسعود تطالع بشيخه" متى بيجي طلال

شيخه" الحين يا عمه

أم مسعود" يا لله أنا بروح ألبس ....و انتي مرام جهزي

حالك ..حتى نوصلك

مرام؟؟؟؟؟؟؟؟؟؟؟<<< ما في مهرب..رايحه رايحه

\\

//

أم عبد الرحمن" ما في نصيب

نواف مو مصدق " وشوووووووووووو

أم عبد الرحمن" الحمد لله جات منها ...كان فشلتني

نواف مصدوم" نوف ..رفضتني؟؟ ليش؟؟

أم عبد الرحمن"مدري عنها .... بس لا تشيل هم عطيتها

فرصه تفكر فيها

في هذا الوقت شرد نواف وراح راسه لبعيد وصار يدور

براسه الف سؤال وسؤال يبغون تفسير ....

معقولة يا نوف ؟؟؟

ولييييه كل هذا .....لا يكون تفكر بأحد ثاني ....يصير ليش

لاااا ....

أنا ولا مره حاولت إني المح لها ...أو أصرح بحبي

كانت على طول المشوار تفسر اهتمامي فيها انه نوع من

أنواع الهزل وإني أحب اتغشمر معها ..

يصير نوف تحب واحد ثاني يصير؟؟؟؟

أم عبد الرحمن شافت نواف شقد انه مصدوم وشارد

...حاولت إنها تلم الموضوع

أم عبد الرحمن" لا تخاف يا ولدي أنا قلت لها تفكر مره ثانيه

وأكيد بتغير رايها

نواف مصدوم" لا ثانيه ولا ثالثه ....وزي ما قلتي الحمد لله

إن الرفض جا منها ...لأني لو كانت موافقة كنت بدق عليها

وبقول لها إني ما أبغاك

أم عبد الرحمن" أسمع كلامك أصدقك أشوف أمورك

استغرب.....وريني عيني بعينك أشوف

نواف مرتبك" إنتوا يا لشياب تصرفاتكم متهورة وغير

مدروسة وما تحسبون لها حساب...تكبرون وتخرفون

أم عبد الرحمن متفاجأه" أنا خرفت؟؟ والله لو جا ذا الكلام من

طارق ما زعلت لكن منك؟؟؟

نواف يعض على شفته وعيونه مليانه دموع" عذريني

يا لغالية والله طلعت غصب عني

أم عبد الرحمن"..............

نواف يبوس يدها" تدرين الصاحب السوء ...طارق أثر علي

أم عبد الرحمن تبتسم له"..........

نواف يبتسم لها" مو زعلانه؟؟

أم عبد الرحمن" مشكلتي ما أقدر لو أقدر كان زعلت

نواف يبوس راسها" يا بعدي والله

أم عبد الرحمن "هههههههههههه

,,

في غرفة النور...

ماجد"يا بعد هلي والله

نوره" هاهاي أقول .... إنت متهور صح

ماجد" والله مو مني من إلي فيني

نوره" إلي فيك؟؟؟ خير

ماجد بحب " حبك يا بعدي صار يسري بدمي ...ونشف لي

عروقي

نوره" هاهاهاي لا يكون تفكرني آكل من ذا الكلام

ماجد" والله والله ...إني أحبك بشكل لا يوصف

نوره بمكر" والقصد؟؟

ماجد بصدق" قصدي شريف ورب الكعبة....عطيني إسمك

وسكنك.... وغلاتك أهلي ثاني يوم يجونك خطاطيب لعيونك

نوره" إنســـــــــى

ماجد بخوف" ليــــــــه؟؟

نوره" أعرف حركاتكم تبغي عنواني حتى تشهر فيني....إنت

تدري ان البنت ....

ماجد يقاطعها" وربي ما فكرت بذا التفكير ...إنت بالنسبه لي

أغلى من الروح

نوره" أنا أهلي متعصبين ...ولو صدق تحبني لا تجيب لي

ذي السيره...على الأقل الحين ...لين أتأكد من شعورك

ماجد" طيب على أمرك.....إذا كان كذا مو مشكله

بس ممكن طلب؟؟

نوره بضحكتها المعتاده" هاهاي آمرني ياعسل

ماجد" آآآآآآآآآآه بتموتيني وربي..

نوره الفرحة مو سايعتها" بسم الله عليك

ماجد طاير في سما العشق" إسمك يابعدي....بس أبغي

تطرب إذني بإسمك إلي الكل يسميك فيه ...لكن أنا طايح بذي

العشوق

نوره تفكر".............

ماجد زعلان" خلاص براحتك ....إذا مو واثقة فيني

نوره باندفاع" اسمي .....أنا....أنا صيته<<<؟؟؟؟؟؟؟؟؟؟؟؟؟

ماجد بفرح" يا بعدهم كلهم والله

نوره" يا لله باي

ماجد بعشق" في حفظ الكريم يا صيته

نوره سكرت الخط وصارت تعض على شفافها ....ليش قلت

له إسم صيته ....لا يكون يسوي لي مشكله ولا شي

يالله على الأقل لو إنكشفت تاكلها صيتوه

....نواف يحبها وما راح يزعل منها لو صارت وانفضحت

...تطالع نوره با لساعه لقتها الساعه 9 قامت بسرعه لسريرها

بكره عندها محاضرات كثيرة..وما فكرت بصيته إلي تكون

ممكن طاحت بمشكله لها أول مالها آخر

\\

//

في الشرقية....

شيخه" يا لله يا عمه ...طلال بره ...وقولي للدكتور إنها

تطرش وما حطت شي بحلقها من البارح ..وإنها يدوب كملت

الخمس من شهر ... وعندها فقر بالدم وووو....

أم مسعود" بس يمه خلاص ....مية مره قلتي ذا الكلام

شيخه تبكي" خايفه عليها يا عمتي ....لا يكون يصيبها شي

والله أموت... مالي غيرهم بعد أبوهم

خذت أم مسعود شيخه بحضنها وصارت تبكي معها

...ومرام تحاول تفك بينهم ....

مرام" ما يصير الرجال بره ...وشهد تعبانه ...لين تطيب

سوو الي تبغونه

أم مسعود " لا تحاتينها يمه وهي معي .... تراها بنت الغالي

خذت مرام شهد ولفتها با لبطانية وحملتها ...وطلعوا بره .

..وكانت مرام مو قادرة تسيطر على قلبها إلي صار يدق

بشكل غريب...

لما شافهم طلال جايين نزل من السيارة يبغي

يشيل شهد لكن لما شافها عند مرام رجع لمكانه والتوتر

غالب عليه

أم مسعود" شلونك طلال

طلال" هلا عمه ...أنا طيب انتوا شلونكم

أم مسعود" آآآآآه الحمد لله يا وليدي...ربك ما يترك أحد

طلال يطالع بالمرايه" وشهد شلونها

أم مسعود" إن شاء الله طيبه .... والله هذا هي بهدلت أمها

معها

طلال يطالع با لمرايه" شلونك رغد <<<< مسوي حاله إنه

ما عرفها

أم مسعود" هذي مرام يا طلال .... نبغي نوديها المشغل

طلال" نوديها ليش لا ...

مرام صارت من خوفها تلم شهد لها أكثر ...يمكن تحس

بالأمان معها

\\

//

في شركة الإضائه الساحرة

وعلى المكتب ...موجود ومو موجود.....

صار يكلم نفسه معقوله ماحسبتها صح يا نواف ؟؟؟؟ يصير

نوف ما تكون من نصيبي ؟؟؟ معقولة نوف أحد يلمسها

غيري ؟؟؟استغفر الله وش ذا الكلام ...ما أدري جنيت أو

بجن ؟؟؟

أنا لازم أكلمها حتى أعرف وش صار ...وليه رفضتني

...معقوله ما تحبني وتتمنى أحد غيري ...آآآآآآه يا نوف

...تكفين يا لغلا تكفين

,,

..... ويــــــــــــنك نايم

نواف يتروع من الصوت" يبـــــــــــــــه

بو نواف" لا خياله.....لا يكون تفكر إن الشركة جايتنا هديه

ولا منحه من الحكومة هااااا

نواف متضايق" وش له هالكلام

بو نواف" صار لي ساعة أدق عليك وما ترد ...وأقوم واعني

نفسي و أجيك ...وأصوت لك ...وأبد لا حياة لمن تنادي

نواف" آمرني يبه

بو نواف" بكره بإذن الله في عندنا طلبيه لجده و أبغيك إنت

بنفسك إلي تروح تخلصها

نواف متملل" على أمرك... شي ثاني

بو نواف يطالعه من غير نفس" لااا ارجع نام ثانيه

ويطلع بو نواف ....ونواف فتح فمه على الآخر ...وصار

يفكر برحلة جده المفاجأة ...وصار يقول بحاله...أي زواج

وأي بطيخ يا نواف ...خليك عزوبي أحسن لك

\\

//

في الجامعة....

ميثه" ياربي ...متى تخلص الإختبارات

نوره" هاهاي يا مجده

ميثه" والله....أحسن من غيري ...إلي يشترون كل شي

بالفلوس حتى أصدقائهم يأجرونهم با الفلوس

نوره" هاهاي على الأقل يقدرون يأجرون لهم صديقات

...عليك بالي ما عندهم صديقات أصلا ....والكل يتنحش

منهم

ميثه متنرفزه" منو تقصدين بالله ؟؟؟؟هااا

نوره بهدوء" هدي أخلاقك يا بنت الناس لا يكون تفكريني

ولد ....حتى أقدر عليك يا مسترجله....أصلا منو إنت حتى

اعني نفسي علشانها

ميثه قامت قيامتها على نوره" إكلي تبن ...لا بالله يبغي لك

تربيه من جد وجديد .... انا مسترجله هااا

نوره تصرخ" آآآآآآي ...يا ولد إنت

الكل صار ملتم عليهم ويفككون بينهم ...وهم شعورهم

متطايرة... والحمد لله جت صيته وبعدت البنات عنهم

وصارت... تفكك بينهم لكن هيهات جتها ضربات مو هينه

منهم .... وبعدين جات الإدارية وبلغتهم إن العميدة تبغي

تشوفهم...طبعا نوره ولا اهتمت عدلت شعرها وراحت ...أما

ميثه فكانت ميته من الخوف ...و يا حرام جروها جر

للعميدة<<< ههه يا بعدي والله

\\

//

في بيت بو نواف وعلى سفرة الأكل

أم عبد الرحمن" شلون يمه منو بيروح معنا للإمارات

نواف ساكت".........

طارق" أنا ما عندي مانع.... خلينا نغير جووو

أم عبد الرحمن ولا كأنها تسمعه" نواف.... وين سرحان فيه

نواف يتنهد من قلب" أنا ماني رايح

نوره" لا بالله عليك ما تخرب علينا رحلتنا

نواف بنظره حادة" وش دخلني فيكم أنا .... إلي يبغي يروح

مع السلامة والقلب داعي له

نوره بفرح" اييييي الحمد لله

صيته" لا تكفى نواف الرحلة مو حلوه بدونك

نواف يتذكر رفض نوف له" مالي خلق اطلع برى الرياض

.... وثانيا انا عندي شغل بجده

نوره باستفزاز" يعني جده بالرياض

نواف بملل" والله مالك دخل فيني

نوره قامت من على السفرة" اوك

أم عبد الرحمن" تدري فيني يا ولدي انا ما أعرف بدونك

نواف" طارق موجود وفيه الخير و البركة

طارق مبسوط" قول قسم .... شفتي سحوره هذا جتك شهادة

لي....لا و مو من أي أحد... قلت شي انا

الكل"..............

يدخل بو نواف" سلام عليكم

الكل" وعليكم السلام

بو نواف" ها وين أكلي

أم نواف " دقيقه الحين يسخن وأجيبه

بو نواف " هااا بتروحون الإمارات؟؟

أم نواف" والله للحين ....إنت ما بتروح معنا

بو نواف باحتقار" أنا ؟؟؟ وش يوديني ...وثانيا إنت بعد مالك

روحه

أم نواف بزعل" براحتك يا بو نواف

نواف" يبه.... متى تبغيني أروح لجده

بو نواف" جده؟؟؟ إيييي ذكرتني ...لالالالا خلاص

نواف" ليه يبه

بو نواف" لأنك بتروح الإمارات

أم عبد الرحمن تطالعه بابتسامه وعلى كرهها لأبو نواف في

ذيك اللحظة كان ودها تاخذه بحضنها وتبوسه

نواف" ومنو قال إني بروح؟؟؟

بو نواف"؟؟؟؟؟؟؟؟

نواف بصوت واطي كله احترام " قصدي إني ....ما أبغى

أروح ... وإذا على خواتي وجدتي .....طارق معهم

بو نواف يطالعه" لا إنت بتروح....لأن بو تركي ما يبغي

يروح وتركي مسافر ... فقال يبغاك تروح معهم

نواف" يبه ...أنا مالي خلق ...أساسا جو الإمارات مثل جونا

...يعني اطلع من السعودية حتى أروح الإمارات... نفس

الناس ونفس الجو وووو.....

بو نواف" لا يكثر بس..... انت رايح بدون نقاش.... وحجزنا

لكم على طيارة الساعه 3 المسا فاهم

نواف بدون كلام ووجهه مليان غضب وحزن ....تركهم

بيصعد غرفته ...

رن التلفون ...لكن نواف تجاهله ولا كأنه يسمعه

بو نواف" ما انت سامع التلفون

نواف" إلا يبه

بو نواف" وليه بالله ما ترفعه...ولا لو الواحد زعلان من شي

يصب غضبه على إلي حواليه

نواف" ماهو لي إلي يبيني بيدق لي جوال

وقف التلفون .... وبو نواف سكت...بيصعد

نواف إلا ويدق التلفون مره ثانيه ..من غير ما يسمع نواف

كلام يسم بدنه فيه رفع وكلم

نواف" الووووووو

نوف بتردد" السلام عليكم

نواف عرفها ومو راضي النفس يصعد ...يبغي يرد السلام

لكن ما قدر...حس بقلبه ضايع ولقى الحين الي يدور عليه

,,

هاجس العشق

في هاجس با لحشا يصيح بلهفه ويلوم

يشكي زماني لي خيب بقلبي الضنون

ابكي عيون طيرت من عيني النوم

هو حبني يوم وأنا جنيت به جنون

*****

كل ما غفل عقلي ما نست عيني وجودك

تنفس با لهوا قلبي وصمتك للأزل عنوان

تمنيت الزمن يوقف وابوسك بين عيونك

يمكن لهفتي تهجد وترحم بقايا إنسان

******

لو يسمعوني بكلمتي ودمي ما يرحموني

بس هذي مصيبتي إن حبيت عميت

وبعدت كل البشر عن ناظري ما يهموني

لو أبي أعشق أعشق ولو موتي دريت

*****

كلمه قبل لا يغيب ناظرك عن عيوني

كلمة أحبك ما تليق فيك وحبك سكني

ولو قلت إني أعشقك ما وفت شجوني

انت مثل كاس الخمر كل ما كثر هلكني

تعالي أرشف شفافك وأرضي جنوني

والتمس خدك بيدي وأبوس نحر سلبني

يمكن هذي منيتي وصولك آخر شجوني

*غروب*

,,نواف"........

نوف بضيق" أكلم صيته لو سمحت؟؟

بدون ما يرد يطالع بصيته " تلفون لك

صعد إلى فوق وهو يحس إن نظراتهم بتاكله أكل

دخل غرفته وأخذ شاور ....

وبعد كذا حط جسمه المتعب على سريره الدافي وصار يتذكر

صوتها .... وطريقة كلامها ....جلس يلوم حاله على

شخصيته المتساهله ... ولا وش صار إذا قال لأبوه انه

ما يبغي يروح الإمارات

و مو صحيح انه رافض الإمارات بحد ذاتها هو رافض فكره

إنه يشوف نوف قدامه لمدة إسبوع...نوف حلم جميل وصار

لازم يصحا منه<<<عين العقل

\\

//

في المستشفى ...كانوا طلال وأم مسعود ومرام ...عند

الدكتور.. وطبعا شهد تمسكت بعمتها وعيت تتركها فهذا

الشي خلى مرام تستسلم لرغبتها وتروح معهم المستشفى

الدكتور" البنت عندها نزله معوية شديدة وجفاف

أم مسعود" يا لله.... وش السبب

الدكتور" شي طبيعي من الجو ...لكن لازم نحط لها مغذي

...وإذا ما صارت أحسن ...راح ننومها عندنا

طلال" على خير ... سوو الي تشوفه

مرام" خلاص أنا بجلس عندها ... و إنت يمه روحي البيت

ارتاحي انت ما تقدرين على جلسة المستشفى

أم مسعود" يوووه ما يطاوعني قلبي ..وش أقول لأمها لما

أدخل بدونها ...والله تنجن

طلال بعصبيه" و منو قال إني بتركك هنا في المستشفى

لحالك هااا

مرام إنحرجت"............

طلال يصلح الموقف" يمكن تحتاجون تحاليل وروحه وجيه

...بعدين تتبهدلين معها

أم مسعود" اييي أحسن ننتظر ونشوف وش يصير

\\

//

في بيت بو نواف

نواف معصب على الآخر " يا لله وبعدين صيته نوره

صيته" يالله احنا جاهزين بس بروح أجيب وشاح جدتي

واجي

نواف" و إختك بالله وينها ..

نوره نازله من على الدرج" يا لله خلاص أنا جهزت

نواف" لا بالله خليك شوي ....لا يكون مفكره انك الأميرة

وإحنا الخدم عندك

طارق داخل عرض" قول قسم ....هي قالت كذا؟؟

نواف يزفر"أووووووووووف للحين ما خلصت ويا كشتك

انت بعد

طارق" هذا جل حركات للشعر

نواف" ما تقولي الى متى ؟؟ تدري الحين احنا الساعه 12

و ورانا مشوار للمطار و انت بتروح لبيت عمي

طارق يعدل بدلته" ما صار شي شوفني خالص ...الحين

اروح لسيارتي وحــــــــــــــــــن ...أشغلها وثواني أكون

عندهم

نواف يرمي حاله على الكنبة" الله يطولك يا روح

تطلع صيته مع الجدة واهم جاهزين

نواف "هاااا خلاص ولا بعد

أم عبد الرحمن" خلاص يمه

نوره" لحظه بس بلبس جزمتي ((يكرم السامعين))

نواف مل من كثر الانتظار وراح وجلس بالسيارة وتركهم

,,

عند بيت أم تركي

كان واقف طارق وصالح بره ينتظرونهم يطلعون حتى

يحركون للمطار...وطبعا نواف سبقهم

مع الجدة وصيته ونوره.... كان الوضع طبيعي وما فيه أي

سوء و با لنسبه لأهل نوف محد يدري عن قصة الخطبة لأن

أم عبد الرحمن طلبت منها تكتم الخبر لحد ما تتم الموافقة أو

الرفض ...لأن ولو درى بو تركي راح يرغمها على الموافقة

وهذا طبعا إلي كان صعب انه يصير.... وصلوا المطار

وكان نواف مجهز كل شي ومتابع العفش وطبعا ما يحتاج

إني أقولكم شقد كميه الشنط المهولة إلي ما خذينها البنات

معهم

\\

//

في جده وعلى السرير الخشبي إلي ما ضل فيه لا مفرش ولا

مخدة كلهم على الأرض وفوقهم ماجد...

أي مو قادر ينام بسبب الخبر إلي خبرته فيه نوره

عن رحلتها مع أهلها وإنها ما تقدر تكلمه بذي الفترة

شنو يعني إسبوع با لنسبه لمرتاحين البال

لكن با لنسبه لماجد فــــ إسبوع كثير كثير ...

إسبوع جدير بأنه يزرع الشيب برأسه <<<الحب وما أدراك