 |
 عضويتي
» 1746 |
| جيت فيذا
» 13 - 7 - 2024 |
آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 |
| عدد المشاركات » 2,005 |
| نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  |
جنسي »  |
| العمر »
سنة
|
| الحالة الاجتماعية »
اعزب
|
مشروبى المفضل »  |
الشوكولاته المفضله »  | قناتك المفضلة »  |
ناديك المفضل »  |
سيارتي المفضله »  | |
رد: رواية كبرياء رجل وشذوذ إمرأه
البارت الثامن والعشرون بسرعة تاخذ نوف الباقة من عندها وتدور على الكرت لكنها ما شافت شي صيته ببرود" تدورين على هذا ؟؟ نوف تشوف الكرت بيدها تاخذه منها بسرعة وتفتحه كان مكتوب فيه بيد نواف ... ورود العشاق تترجى عيونك لا تطالعها أحلفك بالله يا بنت ارحمي حياها وخجلها لأن من جمالك ورودي اليوم باعت عمرها تتخيل لو أوراقها بجمالك كيف كان خبرها *غروب* \\ // \\ في غرفة نوره ... نوره" أقولك لا تدوش راسي تكفى مالي خلقك ....وسوالفك هذي أنا ما تعجبني ماجد" انتظري شوي نوره فهمي اللي صار نوره " وش أفهم بالله ؟؟ الحين تحدد زواجك بصيته وتتعمد انك ما تقولي حتى أظل أتكلم معك ...إلى متى بالله ؟؟ ماجد بحده" أي صيته أي بطيخ ؟؟أنتي تعرفين إن ما بالقلب غيرك وصيته هذي وسيلتي إني أكون بجنبك نوره معصبه" حلوه هذي بصراحة يبغى لك تصفيق على هذا الشعور الجميل ماجد" سمعيني وش أقولك نوره متنرفزه " ما أبغى أسمع شي ...وهذا الرقم أنا بكنسله ولا عاد تتصل علي مره ثانيه فاهم ؟؟ ماجد " الوو الوو سكرت نوره الخط وجلست تبكي من قلب وبصوت عالي حتى إن أمها انتبهت لها وصارت تدق على غرفتها تبغيها تفتح لها الباب لكنها ابد ولا كأنها تسمعها ,, في بيت بو تركي .... نوف تمسك الظرف اللي من نواف وتلمه لصدرها صيته تبتسم لها "........... نوف بفرح" أخوك هذا كتله من المشاعر ....الله يخليه لي ولا يحرمني منه صيته" الله يوفقكم .. نوف تطالعها" صيته وكأن في قلبك كلام تبغين تقولينه؟؟ صيته" هااا لااا بس ... نوف" بس شنو ؟؟ إلى الآن ماجد ما كلمك؟؟ صيته تهز براسها يعني لا "..... نوف " غريبة يعني ....وليه كل هذا التجاهل منه ؟؟ صيته" عادي يا نوف يمكن الرجال مشغول ولا عنده مشاكله نوف" من جدك انتي ؟؟ يعني تبغين تبينين لي انك مو مهتمة ؟؟ صيته بحزن" كيف مو مهتمة ؟؟ لكن الواحد يخليها للضروف ليه أحمله أكثر من طاقته نوف" وش بلاك انتي ؟؟ معقولة يا صيته انتوا خاطبين وما تجرأ انه يلمس يدك أو انه يبوسك ؟؟ صيته تغير الموضوع" نواف بيجينا على الساعة وحده حتى نروح المشغل نوف هي عارفه إنها تبغي تغير الموضوع واستجابت لها حتى ما تزعلها " شفتي كيف؟؟ صيته" شنوو؟؟ نوف " في وحده عريسها هو إلي يوديها للصالون وأخوها موجود بالبيت ؟؟ صيته" من جدك ودك بهذا الطبل يودينا ؟؟ والله كان ياكلنا نوف سكتت بدون ما ترد"........ صيته بندم" أنا آسفة يا عمري ...صحيح مالي حق إني أتكلم عليه كذا مهما كان هو أخوك نوف تطبطب عليها وكأنها تقول لها ما صار شي \\ // في الشرقية .... أم مسعود " يمه مالك اليوم أختك رغد تعبانه من أسنانها كثير و موعدها عند دكتور الأسنان مطول مالك " أي موعد يمه من جدك ؟؟ ننتظر ثلاث شهور حتى يجي موعدها ؟؟ لا بالله أنا اليوم بوديها أي مستوصف خاص والسلام ...ما أقول إلا الله يعز الفلوس اللي تعز صاحبها أم مسعود تبتسم له وتقول بداخلها مو لو يكون في فلوس أصلا حتى تعز وتذل؟؟ شوي إلا ويجي مالك تلفون من رقم غريب لكنه ما رد عليه وتجاهله لكنه دق مره ثانيه ونظرات أمه خلته يرفع حتى ما يترك مجال للشك مالك بحذر" الووو ....هلا والله ,نعم ؟؟......لا والله للأسف ما عرفتك ...هلاااا ومرحبا يا حيا الله ولد العم ....كيف حالك وكيف حال الأهل عساهم طيبين ؟؟ تسلم والله ...مبرررررروك الله يهنيك يا رب ...ان شاء الله عند وجهك ...بحاول اجيك ...حياك الله ...في أمان الله مالك يسكر الجوال ويرميه على الأرض أم مسعود" منو هذا يمه ؟؟ مالك" ولد الحرامي يعزمني على عرسه أم مسعود" منو ؟؟ مالك" نواف ولد عمي الحرامي إلي سرق فلوسنا داق زواجه الليلة ويبغيني أروح وأشوف النعيم إللي هم عايشين فيه أم مسعود" يمه مالك نواف يستاهل أنت شفته في موت أخوك جا لحد عندنا وقام بالواجب فيا ليتك أنت تروح بعد مالك" أي أروح يا يمه ؟؟ أنا لو أشوف عمي اتوطى ببطنه ...ما أقدر أشوفه جالس يتمتع بحلالنا وحنا اللقمة بالحسرة علينا أم مسعود بضيق" الحمد لله على كل شي مالك " الحمد لله ألف مره , يمه بلغي رغد إني بمرها العصر بعد العيادة أوديها طيب ؟؟ أم مسعود" الله يخليك لنا ولا يحرمنا من وجودك حولنا مالك يمسك يد أمه ويبوسها وعيونه متجمعة فيها الدموع وكأنه يقول ودي أقدم لكم أكثر من كذا لكن هذا كل اللي وراي ودوني مالك إحساسه بالتقصير وانه مو قادر يقدم الأفضل للي يحبهم متعبه كثير ومتعب نفسيته ,, في بيت بو طلال .... شمسه جالسه عند التلفزيون تشوف فلم , تجيها شيماء متملله شيماء" وين شيخه؟؟ شمسه" بالمطبخ تجهز للغدا شيماء" بالله إنتي ليش ما تدخلين تساعدينها شمسه مفهيه" أساعد منو؟؟ شيماء" جدتي .. شمسه تطالعها " هيييي أي جده ؟؟ شيماء تتركها وتروح للمطبخ " الله يعطيك العافية حبيبتي ..وش مسويه لنا من يدك الحلوة؟؟ شيخه" هلا بوجه الخير , والله مسويه كبسة لحم ومرقه بامية ...هااا بتاكلين اليوم؟؟ شيماء تبتسم لها" اللي يسمعك يقول ما آكل شيخه" اييي تاكلين ...روحي شوفي حالك بالمرايه كيف وجهك صار ... حتى الغمازات صار شكلهم كريه من الضعف شيماء" والله انه مو بكيفي , ما أدري ليه ما عندي قابليه للأكل شيخه تروح لعندها وتحط يدها على كتفها" حبيبتي أختي ..الواحد ما ياخذ غير نصيبه لو يلف الدنيا كلها شيماء بارتباك" وأنا وش قلت أنا عارفه ها لكلام زين شيخه" طيب أبغي افتح معك موضوع عندك استعداد تسمعيني؟؟ شيماء" بروح مواعده سامية إني اكلمها... بالليل إن شاء الله نتكلم سوا شيخه تبتسم لها " على راحتك تروح شيماء من عندها ونست إن هدفها من دخول المطبخ هو مساعدة شيخه \\ // في الرياض ..... نوف وصيته جاهزين ونواف ينتظرهم تحت ..كانوا يرتبون أغراضهم ما يبغون شي ينقصهم تحت عند نواف ...تركي يمد له سيجاره نواف" لا مشكور ما أشرب ولا نسيت ؟؟ تركي" ههه لا ما أنسى كيف أنسى لكن اليوم غير.. اليوم آخر يوم للحرية لازم تحتفل فيه نواف شك بشي " تركي وشو هذا ؟؟ تركي " ههه سيجاره ولا نسيت شكلها ؟؟ نواف يحس إن الموضوع أكبر من كذا بكثير لكنه فضل انه يسكت تركي" وش صار بموضوعنا؟؟ نواف يبتسم له" ما نسيته لكن تدري أنا اليوم مشغول.. انتظر شوي طيب؟؟ تركي يحط يده على صدره" ننتظر وش نسوي نواف" تركي ساعد نوف امسك عنها الفستان بس أفتح الشنطه تركي يركض لها " عنك يا ختي نوف تطالعه مستغربه لكنها بدون ما تسأل عطته الفستان وركبت السيارة حط نواف باقي الأغراض بالسيارة وسلم على تركي وطمنه وركب هو بعد كانت السيارة جوها غير, مكيفه عدل وريحتها تجنن ... نواف يلف لها يكلمها " نورتي يا عروستنا ...لكن ليه جالسه ورى هاا؟؟ نوف مغطيه وجهها بالكامل وما ردت عليه "..... نواف" إلى متى هااا ...يا لله اصبر يا قلبي كلها كم ساعة والقمر عندك صيته" نـــــواف ...إنت ناسي إن أحد معكم في السيارة ؟؟ نواف" لا ما نسيت بس ليه انتي بعد جالسه ورى ؟؟ لا يكون تفتكروني السائق تبعكم ؟؟ صيته" اخلص بس لا يكون احد يوصل قبلنا لأن الصالون زحمه اليوم نواف يحرك السيارة " اليوم يوم العشق والعشاق نوف تهمس لصيته" بيجنني بكلامه صيته" والله أنا اللي انجنيت نوف وصيته " ههههههههه ,, فوق عند ميثه اللي كانت متغربله في الفستان وفي الماكياج إلي بتظطر إنها تسويه بالبيت لأن تركي حرم عليها الطلعة إلا لما تأمن له الغدا أم تركي" يمه روحي الصالون أنا بكمل الغدا ميثه " منو يوديني حسرة عليّ ... يا لله مو مهم أنا أسوي لي أي شي خفيف وبخلي طروب تساعدني لأن يدها حلوه في الماكياج أم تركي"إييي صح نسيت ما قلتلك.... هم وصلوا الحين ميثه تروح ركض لبره" والله وينهم ؟؟ أم تركي" ما جاو خذوا لهم فندق ميثه باستغراب" ليه يمه ؟؟ أم تركي " مدري يقول اخوي بو راشد إن راشد لزم عليه ميثه ترجع غرفتها وهي شوي وتبكي" براحتهم أم تركي" إييي صحيح لكني لزمت على بوراشد انه يخلي طروب تبات عندك الليلة حتى تونسك بعد نوف ميثه تروح لأمها تلمها لها وهي تبكي بقلب أم تركي" يا لله يمه روحي لأخوك يبغيك ميثه بضيق" وين أروح له؟؟ أم تركي" هو بغرفته الحين ميثه" يعععع أنا أروح الزريبة اللي هناك ؟؟ لا يمه والله ما أطيق أروح هناك من أروح أحس كأن شي جالس على قلبي وأحس إن خاطري أستفرغ تركي من بعيد" ميثووووووه ميثه تبكي " طيب طيب راحت ميثه لغرفته لقتها وكأنها مكان مهجور أشكال وألوان من القذارة والوساخة مرمية حتى ملابسه الداخلية على الأرض تركي" ساعة حتى ست الحسن تجي لعندنا؟؟ ميثه مو قادرة تفتح فمها من القرف إلي حوالينها" نعم آمرني تركي يتثاوب" رتبي غرفتي ...أبغيها تلق ميثه بتموت" أي أرتبها ما أشتهي ..الوسخ في كل مكان تركي بزعل يرمي الطفاية عليها وجت على رجلها ميثه طاحت على الأرض وهي تصرخ " رجلي آآآآآآآآآآه أم تركي تركض لها " يمه بنتي وش بلاك ؟؟ وش سويت لها يا مسود الوجه تركي معصب" شيليها من قدامي لا والله تسمعون خبرها أم تركي تبكي" الله لا يوفقك الله لا يبارك فيك ... تعالي يمه تعالي ميثه تبكي" رجلي يمه ما أقدر أحركها بموووووووت يقوم تركي بكل عصبيه ويرفسها برجولة لحد ما طلعها من الغرفة وسكر الباب عليه ميثه تصرخ من قلب وأمها تروح تدق من جوالها على بو تركي إلي من سمع صراخ ميثه أخذ له ليموزين بسرعة أم تركي بهذا الوقت لبست ميثه إلي كانت رجلها تنزف وهي ببكاها خوفت أمها وما خلتها عارفه كيف تتصرف دق الجرس راحت ركض تفتح الباب ... راشد" شلونج عمتي شحوالج؟؟ أم تركي" راشد؟؟ \\ // في الشرقية .... أم مسعود" يمه مالك وانت بطريقك يا ريت تودي مرام وياك المشغل مالك ساكت".......... مرام " خلاص يمه اخوي مشغول أنا بدق على السواق يجيني مالك" أنا بره عشر دقايق اللي بيتأخر بمشي عنه طلع مالك ومرام ورغد لبسوا عباياتهم ولحقوه .. مرام راحت ركبت ورى ورغد ركبت بجنبه كان السكون يعم المكان اللهم انه حط شريط لحاتم العراقي وهذا الشي خلى مرام تبكي من قلب لأنها تحبه كثير ومالك كان يجيب لها آخر إصداراته وكانت إذا ركبت معه كانوا يتخانقون بسبته إنها تبغيه وهو ما يرضى يحطه لها لأنها مللته منه مرام" مالك لو سمحت غير الشريط مالك صار يطالعها بالمرايه "......... مرام " انا كنت أحبه أول لأنه يذكرني بقصصنا وسوالفنا ومزحنا ولأن كل أغنيه تحكي موقف لنا .. لكن الحين خلاص مالك مارد عليها وصار يسرع بالسيارة وهو ما يدري انه بهذا الجفا صاير يعذب حاله أكثر من انه يعذبها وصلها للمشغل وبس نزلت حرك بسرعة وما انتظرها حتى إنها تفتح المشغل وتدخل وهذا الشي أزم مرام كثير راحوا للمستوصف للأسنان ولما دخلت رغد على الدكتور اكتشف من الكشف عليها إن عندها خراج ولازم يشيلون لها العصب وهذي العملية تحتاج من عنده 2200 ريال تأزم مالك للوضع لكنه ما يقدر يخلي رغد تتألم وتنتظر أكثر لهذا قرر انه يسويها لها \\ // في الرياض ... دخلت نوف وصيته للصالون وشافت خبيرة الماكياج فستان نوف وعجبها كثير وعلى شكله حددت نوع التسريحة والماكياج .. ولكن نوف حبت إنها تضيف لمساتها الخاصة فيها ...والخبيرة ما أبدت أي انزعاج لأن العروس لازم تكون مرتاحة ,, ببيت بو تركي.... راشد" خير يا عمتي وشو صاير؟؟ أم تركي" ميثه يا راشد رجلها تنزف ومتورمة شكلها صابها كسر راشد مذهول" ليه يعني هي طايحه ولا وشو ؟؟ أم تركي" بعدين أقولك المهم الحين هي جالسه تصرخ وتبكي راشد" خليني أوديكم المستشفى أم تركي" أنت عندك سيارة؟؟ راشد" إييي عمتي أجرت لي سيارة أم تركي" تعال ساعدني نطلعها راشد" لا كيف عمتي أطلعها حاولي تمسكينها شوي شوي أنا ما أقدر أساعدها أم تركي" سامحني يمه بس من حيرتي ..دقيقه بس راحت أم تركي لميثه " يا لله يمه مو مشكله حبيبتي تصبري ميثه تبكي" خلي أبوي يساعدني مو قادرة أقوم أم تركي تسندها " قومي يمه هذا راشد ولد خالك بره هو إللي بيودينا ميثه زاد بكيها " لااااا ما أبغي أروح مالي دخل أم تركي بصراخ" لو ما تقومين والله بناديه يجي يشيلك ميثه " لالالا بقوم يمه قامت ميثه على رجلها وصارت تمشي وهي تعرج وكأن ما بها شي أمها استغربت لحالها توها بتموت من الألم كانت ميثه تفكر بحالها كيف تطلع كذا قدام راشد والله فشله طلعت كان راشد فاتح لها باب السيارة وعيونه عليها راشد" سلامتج يا ميثه شلونج ميثه ودها تصرخ فيه لا تتكلم بموت من الوجع ركبت من غير ما ترد عليه وكانت كاتمه أنفاسها ومو قادرة تطلع الآآآه عندها دقت أم تركي على بو تركي وخبرته إنهم سبقوه على المستشفى وان ميثه الحين بخير لا يحاتيها ميثه خاطرها تقول بصوت عالي والله ما ني زينه لكني محرجه يا عالم إفهموووووني ,, وصلوا المستشفى وراشد ناشف دمه بسبب انه ما يعرف للطرق زين لحد ما شافه ولد حلال وعرف انه مو من البلد وصار يمشي وراشد يمشي ورآه بعد ما وقف السيارة مكان الإسعاف راح شوي ورجع بكرسي متحرك راشد ينفخ من التعب " عمتي أنا بمسك الكرسي وانت ساعديها إنها تجلس ميثه" شنووو أنا اجلس هنا ؟؟ مستحيييل راشد" ميثه تراه كرسي عادي والله انه ما بياكلج ميثه تطالع فيه" قلت لك ما أبغي أركب أنا زينه شوفني راحت ميثه تعرج قدامه وهو خاطره يضحك لكن قلبه موجعه عليها وصلوا عند الدكتور إلي سألهم عن المشكلة راشد" ريولها تعورت وتنزف دم الدكتور" وريني رجلك يا آنسه راشد ارتبك" انتظركم بره طلع راشد من عندهم عندها فتحت ميثه وجهها للدكتور وصارت تتشكى يتهيأ لها ما بيصدقها الدكتور لين شاف دموعها ... بعد الكشف عليها خبرهم الدكتور انه كسر بسيط بالساق لكن المجهود اللي بذلته ميثه بعد الكسر أزم الدنيا وخلى الكسر يلتهب على شان كذا هو بيجبس لها رجلها ولازم ما تتحرك عليها وتجي ثلاث أيام تآخذ ابر مضاد حيوي طبعا ميثه صارت تبكي كثير كيف تتزوج أختها وهي مو معها ومع كذا كانت فرحانة لأنها ما راح تسوي لتركي شي بسبب رجلها .....وصارت تدعي ربها انه يصبرها على تركي وحركاته اللي مثل وجهه وصل أبوها وأخذ ميثه على كرسي متحرك ولما وصلوا للسيارة فتح راشد له الباب وبو تركي بدوره رفع ميثه على يده ودخلها في السيارة ...ميثه كانت دايخه بعد الجبس والإبرة اللي عطاها إياها الدكتور. راشد عيونه دوم تخونه وتترقب ميثه بالمرايه ...مع إن ميثه كانت مغطيه وجهها وكل جسمها وهو ما يشوف إلا قطعه عبايه سوده لكنه كان قلبه مآكله عليها من زود حبه لها ,, مرت الساعات والكل كان مشغول بحاله ... في بيت بو نواف كان نواف جالس في غرفته يرتب روحه وراشد وماجد ما تركوه لحظه وحده .. وبعد ما ترتب كل شي توجهوا للقاعة ...طبعا كان طارق هناك واقف مع المطعم اللي جايين يضبطون البوفيه وأبوه وعمه كانوا جالسين يستقبلون الضيوف ,, بالجهة الثانية من القاعة كانت أم عبد الرحمن وأم نواف يدورون على المعازيم, اللي ترحب واللي تسأل إذا ناقصهم شي , أم تركي جالسه على الطاولة والهم مالي قلبها على اللي صار لميثه وأم راشد جالسه معها تواسيها ,, العروس صارت جاهزة أخيرا ... دقت صيته على نواف لكنه اعتذر وقال لهم انه بيرسل لهم طارق ... بالفعل وصل طارق وأخذ البنات وكان بجد مبسوط لاخوه وكان جالس يعلق على صيته وعلى البرج إلي براسها وكيف إن شكلها مو حلو ,, في غرفة العروس كانت دلع جالسه تضبط حالها .. شوي وتسمع زمور سيارة العروس على طول دخلت دورة المياه ...يفتح طارق الباب ويدخل جبونة العروس ويطلع , دخلت العروس مع صيته الغرفة بس سكروا الباب ورآهم إلا وتطلع لهم دلع وهي تزغرد سلمت عليهم وكانت مبهورة بالعروس وجمالها , شالت صيته عبايتها وطلبت من طروب إنها تساعدها حتى يلبسون نوف الجبونه , بالفعل لبسوها الجبونه ... شوي إلا وتدخل المصورة اللي كانت متأخرة شوي اعتذرت من العروس وطلبت منها إنها تاخذ لها صور الحين قبل ما تدخل وتصير زحمة الضيوف ابتدت المصورة تضبط فستان العروس اللي كان قمة في الروعة .. كان فستان سكري وداخل فيه شبك لماع ستايل غريب شوي وجريء بالنسبة لنوف, كان على شكل بالطو شبك ذهبي مطعم بالكريستالات ومثبتة أطرافه بالفستان اللي كان نافش كثير وهذا ما عطيه فخامة .. الصدر كان علاق كله من الشبك رايح إلى ورى وماسك في البالطو شعرها ,كانت تسريحتها هندية وحاطه تاج على جنب شعرها وكان بدون طرحة مكياجها بارز ملامح وجهها الناعمة وصايرة مذهله بجد صارت المصورة تتفنن في الحركات لها ... والبنات كانوا يطالعونها ويذكرون الله ونبيه على جمالها وهم كذا إلا بدخلة نوره ...اللي تجاهلت العروس والبنات الموجودين ولا كأنها تشوف أحد منهم شالت عبايتها وكانت تذهل كعادتها .... نوره" لو سمحتي ...أبغاك تصوريني التفتت لها المصورة " يا لله خلينا نخلي العروس ترتاح شوي على ما نصورك وقفت نوره بدلع قدام المصورة ...كانت غاية في الأناقة لابسه فستان مخملي أسود وكان ماشي على جسمها وبعدين تحت الركبة فيه ربطه مخملية حمره وبعده نفشه بسيطة وفوق عند الصدر كانت لابسه جاكيت قصير أحمر من المخمل كت فيه كوله كبيره على رقبتها ... ورافعه شعرها وحاطه فيه كريستالات صغيره وحاطه ماكياج بارز كثير وروج احمر مآكل الجو على عيونها اللي كانت بعد من أجمل ما يكون خذت نوره حقها وأكثر في التصوير .... وهذا الشي أخر العروس ... شوي وتدخل أم عبد الرحمن وهي تزغرد تروح لها صيته تحب على راسها ...أم عبد الرحمن تطالع بصيته اللي كانت لابسه فستان أحمر من الدانتيل والتول كان فستان انسيابي مطلع جسمها وجماله وشعرها مفيرته شكل شلال ولابسه تاج مخلوط بالألماس وماكياج أنيق وبارز مطلع جمال ملامحها أم عبد الرحمن " بسم الله تبارك الله عقبالك يا يمه صيته بابتسامه" هههه تسلمين يا الغالية أم عبد الرحمن" وبلاك ما وريتيني الفستان ؟؟ لا يكون خايفه آخذ فكرته وأسويه حقي ؟؟ هه ولا صرتي مثل بعض ناس ؟؟ صيته" هههه لا والله يا جدتي توني اليوم الصباح استلمته من المصمم وأنا رايحه لعند نوف أم عبد الرحمن أخيرا التفتت على العروس اللي لمتها لحظنها وبهدلتها من البوس نوره ببرود" هااي أم عبدووو مبروووك أم عبد الرحمن انقلب مودها " الحين كل ها لعمر قدامك والهيبة تقولين لي أم عبدوو؟؟ تعالي خليني آخذك بره قدام الناس حتى أفرك خشتك بالأرض ,وأخليكي مسخره ما تسوين قرش يمكن تتربين وتعرفين تكلميني زين دلع بعذوبة ونعومه" ذكروا الله يا جماعه , نوره تكفين نوره" هه ...هذا جزاي اللي أبارك لها, أنا قايله ماني مكلمه أحد لكن طيبتي الزآيده تغلبني أم عبد الرحمن تلتفت على دلع " هيييي وش دخلك انتي أصلا بينا ؟؟ لو تفكرين إن إحنا بنحبك لو تحايلتي علينا تكونين غلطانة يا حلوه , إحنا أهل بقلب بعض مو على آخر زمنا تجي وحده زيك وتعلمنا كيف نهرج صيته تروح لجدتها تهدي الوضع ... في هذا الوقت دلع تواخذت وطلعت من عندهم ودمعتها على خدها صيته بزعل" زين كذا جدتي ؟؟ أم عبد الرحمن بايعه الدنيا " براحتي أنا هذا زواج ولدي وأسوي اللي أبغاه ... لو اطرد المعازيم كلهم اللي يجوز لي واللي ما يجوز لي محد يتدخل صيته تروح لنوف" جلسي ارتاحي لحد ما يجي نواف أم عبد الرحمن " يؤ....شفتي شلون ضيعوني ها لمهابيل ونسوني .... هذا نواف دق علي وبلغني إني أقول لكم انه جاهز وينتظركم بره تواخذت نوف وصارت تعدل بحالها ....وصيته بدورها دقت على نواف وقالت له يدخل صيته تروح لنوف" يا بختك يا عروس نوف بهدوء" خليكي جنبي وما تتحركين صيته " لا تحاتين دخل نواف وكان محرج شوي وكانت يده بيد أمه وبعد أم تركي جت وقفت عند بنتها أم عبد الرحمن ترمي عليه الفلوس" ألف الصلاة والسلام عليك يا حبيب الله محمد كلللللللللللللوش يا معيريس عين الله تراك والشمس والنجوم تمشي وراك كلللللللللللوش هذي فرحتنا الكبيرة فرحت كل العشيرة هذي فرحه وهذي فرحه والعدو ما طاب جرحه كلللللللللللللوش نواف يطالع بنوف اللي كانت منزله راسها و الابتسامة ما فارقت فمها ... نواف يروح لها ويسلم عليها ويبوسها بين عيونها والزغاريد تتعالى بكل مكان نواف يهمس لها " ما شاء الله تبارك الخلاق , قمر يمشي على الأرض نوف تطالعه بابتسامه" لا تقول شي والله بموت من الخجل نواف يبوس يدها " أنا اللي بموت من العشق والوله نوف تتعمد إنها تبعد عينها من عيون نواف لأنها ما تقدر تقاوم نظراته المليانه حب إبتدت المصورة تصورهم ونواف مبسوط على الآخر , الحركات كانت جريئه ونوف مستسلمة لهم حتى تطلع الصور مثل ما تبغي نواف حابك الحركات اللي تعطيه إياهم المصورة صح ويزيد عليهم من عنده بعد.. ونوف تعبت من كثر ما تحاول تغمز له وتنبهه إن العيون كلها عليهم لكنه ولا داري بهوا دارها المصورة" لو سمحت اخوي حط هذي الوردة في شعرها وانت قريب منها وخللي يدك تلفها لظهرها ... وأبغي نظرات عيونكم متوجهة لبعض بكل حب نواف" ابشري..إذا على الحب ما يحتاج توصين نوف تبتسم بخجل".......... طبق نواف الحركة مثل ما قالت له المصورة وكانت من أجمل اللقطات كانت عيونهم لبعض لدرجة انه قرب منها وباسها بين عيونها أم عبد الرحمن" ههههه دخلوا الرجال لا يفضحنا نوف تبتسم له" والله يا نواف ما راح تجيبها البر نواف " هههه حقي و محد عنده لي شي صيته تروح توقف بينهم " يا لله خلونا نزفكم الناس تنتظركم وانتوا جالسين لي غزل وحب نواف" اييي يا لله لأن إحنا طولناها نوف تتلفت حواليها " يمه ما أشوف ميثه وطروب ؟؟ أم تركي تواخذت وتجمعت الدموع بعينها وما قدرت تتكلم أم نواف" والله للحين بالصالون .. أصحاب الصالون ما خذين عشر عرايس هذا غير خواتهم يعني شكلهم بيطولون نوف" بس هي ما حجزت , بأي صالون راحت ؟؟ أم تركي" ما أدري يا يمه مر عليها راشد مع طروب وراحت معهم وما خبرت وين صيته اللي كان عندها علم بالموضوع" مو مشكله دخلوا انتوا وهي بالطريق إن شاء الله ما تتأخر ,, طفوا الأنوار اللي بالقاعة وحطوا موسيقى كلاسك , كان نواف ماسك يد نوف بشده وكأنه بهذي القسوة جالس يعبر عن مدى حبه الممزوج بالتوتر في هذي اللحظة اللي تمناها سنين نوف بدورها صارت تطالعه وتبتسم له في هذا الوقت انفتحت البوابة اللي على الناس ودخلوا نواف ونوف مع بعض كانت الموسيقى صاخبة جدا لدرجة إن نواف يطالع نوف ويهمس لها بكلمات الحب اللي ما كانت تسمعها لكنها ترد عليه بابتسامه تذوبه في نيران العشق وصلوا المنصة وهم يدينهم ما فارقت بعض مثلها عيونهم بعد مسك نواف صيته وابتدوا يتمايلون على أغنية أبي حبك للفنان محمد الزيلعي ونواف عيونه في عيون نوف وكان يردد الكلمات معه بكل حب , نوف تحس إن الدنيا كلها لها أبي حبك معي يكبر وأبي أهواك أنا أكثر وأبي أهديك أنا دنياي وكل اللي عليه أقدر حبيبي انت إحساسي ونبض القلب وأنفاسي لو صار الزمن قاسي عشان عيونك أتصبر شوي تدخل صيته عليهم وهي ماسكة باقة الورد تبع نوف وهم واقفين لها ويطالعونها والابتسامة ما فارقت شفاهم ... وصلت لعندهم وباركت للعروسة والعريس وبعدين صارت ترقص قدامهم ... بعدين حطوا أغنية شموخ للفنان راشد الفارس أم عبد الرحمن بعد ما تمالكت نفسها وصارت ترقص معها قدام نواف ودموعها على خدها ونواف يروح لها ويلمها لحظنه وهي تزغرد من قلب كانت نوره واقفة على المسرح من بعيد وتصفق لهم .. أشر لها نواف وجاته ترقص وهو متجاوب معها كثير نواف مبسوط كثير ويبغي الكل يكون مبسوط معه ويكونون حواليه بهذي الليلة اللي تعتبر ليلة من أسعد الليالي انتهت الحفلة على خير والكل كان مبسوط لدرجة إنهم ما حسوا بالوقت طلعوا العرسان بره وكان طارق ينتظرهم وعلى وجهه ابتسامه مجروحة ...من تلاقى مع نواف راح له ولمه طارق" مبرووووك يا اخوي الله يهنيك ويسعدك نواف" عقبالك يا بطل طارق منزل راسه" مبروك يا نوف عساك تنسعدي نوف" تسلم والله ركبوا السيارة ... وكان الجو فيها رومانسي طارق مضبط الأمور وحاط لهم موسيقه كلاسك نواف وللمرة الأولى يخونه لسانه ويجرحه تعبيره ...يمكن كان مستحي من وجود طارق معهم ... مسك يد نوف وكتب لها عليها بصبعه أموت بهواك يا أغلى ورده نوف اليوم يوم سعدها وتتمنى انه ما يخلص أبد وصلوا الفندق وكان طارق ماخذ لهم عشا لأنه عارف إن العرسان يوم زواجهم ما يطيقون الأكل ويوصلون دايخين وهلكانين من التعب صعدوا فوق ابتدت الرهبة تسري بجسم نوف ...وأخيرا تحقق الحلم وصار في غرفة النوم .... نواف يشيل شماغه ويروح يجلس بجنب نوف اللي كانت جالسة عند الأريكة ...ويمسك يدها ويبوسها نواف" مبروك علي انتي نوف "......... نواف " نوف طالعيني .. نوف تبتسم له " أخاف يوقف قلبي نواف بجنون" بسم الله على قلبك يا نور العين نوف تطالعه" والله لو أموت بهذي اللحظة ما بكون ندمانه بالعكس بكون مرتاحة لأني إن طحت بتوسد رجليك نواف يلمها له بحب " ما أبغي أسمع منك هذا الكلام لأن أنا وجودي من غيرك وهم نوف تصده عنه" نواف .... أنا بصراحة جوعانة وريحة الأكل جننتني وأبغي آكل نواف " الله لا يبارك في طويرق يوم يتمرجل ويجيب عشا .....هذا وقته؟؟ نوف" ههههه حرام عليك الرجال نواف " هههه خلاص قومي غيري ملابسك وخلينا نتعشى وبعدين لكل حادث حديث نوف بخوف" نواف نواف" عيونه انتي ...يا ريحة هلي نوف بخجل"كلامك يخوفني وكأني ما أعرفك نواف يغمز لها " هههه أقولك قومي بدلي ملابسك وتعالي نتعشى لا أغير رايي نوف"؟؟؟؟؟؟؟؟؟؟؟؟؟؟ | | |
 |