23 - 11 - 2024, 10:40 AM
|
#30 |
 
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
162يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
البارت التاسع والعشرون نواف " هههه خلاص قومي غيري ملابسك وخلينا نتعشى وبعدين لكل حادث حديث نوف بخوف" نواف نواف" عيونه انتي ...يا ريحة هلي نوف بخجل"كلامك يخوفني وكأني ما أعرفك نواف يغمز لها " هههه أقولك قومي بدلي ملابسك وتعالي نتعشى لا أغير رايي \\ // \\ في بيت بو تركي ... كان تركي يروح ويجي يبغي ياكل شي ومحد حوله حتى ميثه تعبانه .. طلب له عشا من المطعم وجلس ينتظره في الصالة ..شوي إلا بدخلة أم تركي وبو تركي بو تركي اللي كان معصب على تركي وجن يوم شافه جالس بالبيت وزواج أخته ما حضره بو تركي" يعني ها لحين وش مجلسك بالبيت مثل النساوين والكل يسأل عنك ؟؟ تركي يروح له ويحب على راسه " مبروك يبه بو تركي " افف الله يقطعك على ذي الريحه الشينه تركي" كيف أروح وميثه لوحدها بالبيت أم تركي زعلانه منه تركتهم وصعدت تتطمن على ميثه بو تركي" وش مسوي بأختك هاا تركي يدعي البرائه" أنا ؟؟ وش مسوي فيها يعني هي اللي ركلت الطفاية برجلها بو تركي " والله يا تريك الكلب لو ما تسنعت ما راح تجلس بالبيت دقيقه وحده تركي يجلس عند التلفزيون ولا كأنه صاير شي بو تركي يتحسب عليه ويدخل غرفته ,, فوق عند البنات ... ميثه " ابغي آيس كريم ... طروب" الله عليج ..مو جنج زودتيها ميثه" هههه خليني أتدلع عن نفسي طروب" والله بتدلعين زين يوم تجين عندنا بدبي ... أمي بتشيلك وتحطك على أكتاف الراحة ميثه أنشرح قلبها " وأنا بعد بحطكم بعيوني ...بعد انتوا أهل الغالي طروب" هههه يصر خير لين هذاك الوقت ...أخاف كل شي يتغير ميثه" شنووو؟؟ أقول ميثه مثل المعدن الأصيل ما يتغير أبد طروب"اف ملل ...مو لو خليتينا نروح لعرس نوف كان أحلى ميثه" ما أدري انت تدعين الغباء ولا انتي غبية خلقه ..طالعي رجولي بس وأحكمي شوي إلا وينفتح الباب وتدخل أم تركي ودموعها على خدها وتروح لميثه وتلمها لها ...ميثه بعد بدورها صارت تبكي أم تركي " شلونك يمه عسى ما توحشت لوحدك ؟؟ طروب " وأنا وين رحت ؟؟ أم تركي " انتي الخير والبركة ... شوفوا كيف نوف كانت مثل القمر خذت ميثه الكاميرا من يد أمها وصارت تطالع بالصور وهي تبكي بقلب ... ميثه" يمه ما سالت عني ؟؟ أم تركي " كيف ما تسأل؟؟؟ إلا أسألت لكن إحنا حاولنا إن إحنا نشغلها حتى ما تعرف... تعرفين حبيبتي مبسوطة ما نبغي ننكد عليها ميثه تطالع الصور وهي تهز براسها يعني إييي ,, في الفندق ....وعلى طاولة الطعام والإضائه الحالمة كان نواف مظبط كل شي لكنه ينتظر نوف إنها تغير ملابسها نواف لابس بجامه من الستان كانت كحليه وفوقها قطعه ثالثه وحاط كل أنواع العطور وكان أنيق بالمرة تدخل نوف عليه وشكلها خجلانه شوي نواف يطالعها بكل حب ...كانت لابسه قميص نوم من قطعتين ...كان أبيض من الحرير طويل ..وعلى الصدر دانتيل ناعم والقطعة الثانية كانت واسعة وأكمامها كــت نواف يوقف لها ينتظرها تقرب من عنده ويلمسها حتى يتأكد انه مو بحلم نوف كانت مرتبكة شوي لكن نصائح صيته براسها يوم قالت لها خليك على طبيعتك وتذكري دوم إن هذا حبيبك اللي تمنيتيه من سنين ... وانتي بعد غلاته ودنيته ومستحيل يأذيك بأي شكل من الأشكال نوف قربت من عنده " تسلم الأيادي نواف يقربها لعنده لكنه حس فيها ترتجف .. طالعها بنظرات مليانه حب نواف" وش فيك ترجفين؟؟ بردانه؟؟ نوف تهز له راسها يعني اييي نواف يقرب منها ويمسك خدها بيده ويرفع خصلة شعرها ويبوسها وعيونه ما فارقت عيونها نوف قلبها يدق بشكل عجيب ...صار عندها ردة فعل عكسية خلتها تبعد بكل جسمها عنه نواف انتبه لحاله ... بعدها ابتسم لها ابتسامه ساحره , مسك الكرسي وزاحه عنها نواف" أميره زيك ما توقف نوف رجعت فيها الحياة" هههه ميرسيي نواف يجلس" يا لله اشربي الشوربة حتى تدفيك نوف جلست على الطاولة وما كان لها خاطر إنها تآكل شي نواف يقرب لها " حبيبتي ليه ما تاكلين نوف بهدوء" ما أدري أحس إن مالي نفس نواف بيجننها وقف على طوله " يا لله نقوم ننام إذا مالك نفس للأكل نوف تمسكه من يده" لا اجلس بآكل نواف يروح لعندها ويجلس على الأرض ويبوس يدها نواف " أنا أقول ننام خفايف أحسن ولا وش رأيك ؟؟ نوف بتبكي" ...... نواف مسكها من يدها وأخذها للغرفة اللي كانت أجوائها خيااال وريحه عطر نوف يلعب بين جدرانها نواف يجلس على السرير ويجلسها بجنبه ... نواف" يا ليت توقف الساعة على هذي اللحظة نوف تطالعه بخجل وكل شوي نزلت راسها "...... نواف" احبك يا قطعة من الجنة نوف تسحب نفسها بالموت كيف يكون لا ونواف قريب منها يعد عليها أنفاسها نواف يلمها لصدره لدرجة إن خاطره لو ينفتح صدره وتدخل نوف بكبرها لقلبه نوف بين يدينه وفي حضنه وله هو وحده ....ومحد غيرهم في الغرفة غير الملائكة اللي ترفرف حوالينهم حتى تبارك لهم هذا الزواج الشريف الطاهر نواف وقتها حس انه عايش بدنيا غير الدنيا وانه أخيرا طال الجنة بيده وشم عبيرها (أعشق خجلها) اليوم يومي ومحد بالقول يغلبني ***اليوم الشمس جنبي والقمر يحرسني ***تهدى يا قلبي وأنسى لهفتك وجنونك ***وتذكر إنها بلسمك ودواك وعيونك ***كل ما أطالع حسنها واسمع بإذني نفسها ***تروح روحي بالغصب وتسكن هي محلها ***يا رب طول بعمري حتى أعيش يومي بأملها ***وما ابتعد ثانيه عن مفاتنها وحسنها *** ما هو حلم ولو هو حلم أتمنى ما أصحى بعدها***وأبيع سنيني وأيامي لأجلها***بتقولون ما هو عاقل ولا بالخير عاش قبلها***أقولكم من يسمع كلامكم يقدركم ويعرف إنكم عبرها*** أنا مو بس مريض ولا علة قلبي سببها *** أنا اليوم مجنون فيها وميت بريق فمها وبحرها***صرت أعشق بسمة ثغرها يوم أهمس لها إني أحبها *** من يكتشف طعم شفايفها ونعومة نحرها ***تأكدوا انه ينادي بالعشق لين ما يمل العشق من طلبها*** ويطالب القمر انه بضربه قاتله يعدم الشمس وما يهمه زعلها *** حتى تنفني من الوجود ويضل العالم يستمتع بنور القمر وأنا اضيع بخجلها*** *غــــروب* ,, في بيت بو نواف ... كل واحد دخل غرفته وهو ميت من التعب وحط راسه ونام ماعدا نوره وصيته صيته اللي كانت تنتظر مكالمة من ماجد حتى يبرر لها عدم اتصاله كل هذا الوقت وحتى اليوم هو موجود بالرياض لكنه أبد ولا عبرها حاولت تضغط على حالها وتدق عليه مع إنها عندها عزة نفس تمنعها من هذي الخطوة لكن حركاته غريبة ولا زم تفهم وش جالس يصير دقت عليه كان خطه مشغول وصارت هي على الانتظار قفلت الخط شوي إلا يدق عليها ماجد صيته بصوت مخنوق " الووو ماجد " هلا حبيبتي ...مبروووك قلبي صيته ارتسمت على شفاها ابتسامه " الله يبارك فيك حبيبي لا يكون أزعجتك بس ؟؟ ماجد" لا أبد كيف تزعجيني ؟؟ انت تتصلين بأي وقت تحبينه لكني على وشك أنام صيته باستغراب " أنا دقيت طلع خطك مشغول ماجد" هااا ...إييي هذا مالك يبارك لي صيته" خلاص حبيبي تصبح على الف خير ماجد" وانتي من أهله قلبي ...سلام صيته بتردد" راح أشوفك ؟؟ ماجد " هااا إييي أكيد ليه أنا أقدر أجي الرياض وما اشوف قمري ....يا لله حبي في أمان الله صيته بفرح" في حفظ الله سكرت صيته من عنده وهي حبه في قلبها جالس يزيد مره بعد مره ,, في غرفة النور كان الاستريو مشغل وهي جالسه تمسح ماكياجها يدق الجوال بجنبها ...ترد ببرود نوره" هلا ماجد" عذريني قلبي لكن مالك دق من شوي يطمن علي نوره " ما كان اتصلت مره ثانيه أنا بمسح ماكياجي وبنام ماجد بحب" يا ليتني شفتك يا قلبي لو دقيقه نوره" خلاص ماجد ...إحنا قلنا انك بتكون زوج أختي يعني مثل اخوي ماجد بيموت بحرته" نوره لا تشيلين هم الزواج بيتكنسل ومحد بيكون من نصيبي غيرك قلبي نوره بملل " يصير خير إلى هذاك اليوم سمعني صوتك ...يا لله أنا بنام تشاااو ماجد" تصبحين على حب يا أغلى ما في الوجود يا أحلى ما في دنيتي نوره قفلت الخط وهو جالس يتكلم \\ // في اليوم الثاني ... كانت نوف جالسه بحديقة مليانه ورود والفرحة مو سايعتها ونواف حاط راسه على رجولها ونايم صارت نوف تقطع من الورد وتلم فيه تبغي تسوي طوق من الورد حتى ياخذونه معهم للبيت وتحطه على السرير وأكيد راح تكون مفاجئه با لنسبه لنواف ...حست نوف بكلمات قريبه من أذنها نواف يغني لها " غرامك كل يوم يزود ولا يعرف مدى وحدود ...عيوني في هواك شهود يا رب ما يوم نتغير.... نوف تفتح عيونها لقت نفسها على السرير ونواف وجهه قريب من وجها وعلى وجهه ابتسامه عريضة وبيده ورده يمررها على خدها نواف" يا صباح الجوري على أحلى زوجة بالدنيا نوف ابتسمت له ابتسامه خجولة " صباح النور حبيبي نواف وجهه ملاصق لها وهي خجلانه من نفسها وجالسه تتسائل كيف شكلها الحين بعد النومه ... نواف مسترسل في الكلام ونوف مو قادرة ترد عليه محرجه يكون فمها فيه ريحه من النوم ولا ملامحها تعبانه من بعد ماكياج البارحة نواف حس إن نوف مو على بعضها بعد عنها شوي ... نواف" يا لله عمري قومي تحممي حتى نفطر نوف تبغي تقوم لكنها محرجه ملابسها مرفوعة .. صاير شكلها تحفه وهي لافه حالها بالديباجة ومو مبينه إلا عيونها نواف بيجننها " وش بلاك صايره الفارس الملثم ؟؟ ينقال لك مستحيه يعني ؟؟ ما تعودتي علي بعد البارح ؟؟ نوف تتذكر اللي صار وتروح تغطي حالها بالكامل بالديباجة نواف " هههه أنا انتظرك بره حبي لا تتأخرين طيب ؟؟ راح نواف ونوف تقوم بسرعة قدام المرايه تطالع بحالها ...صارت تمرر أصابعها على خدودها الحريرية وتتذكر لمسات نواف وكلماته لها ... كانت بجد محرجه بذاك الوقت لكنها من الليالي اللي مستحيل تنساها طول عمرها يدخل عليها نواف فجأة " ما خلصتي حبيبي ؟؟ عندها فزت نوف وصرخت صرخة وراحت بعدها ركض لدورة المياه نواف صار يضحك عليها وعيونه مليانه بدموع الفرح ... وأخيرا تحقق الحلم ,, في بيت بو نواف ...جالسين كلهم على طاولة الطعام يفطرون لكن أم عبد الرحمن ما حطت شي بحلقها ... جالسه بس تطالع بكرسي نواف الفاضي ودموعها تنزل بدون ما توقف وهي تحاول إن محد ينتبه لها وخصوصا طارق لأنه بيمسك لها هذا الممسك وما راح ينساه وعلى طول بيذكرها فيه صيته " جدتي ليه ما فطرتي ؟؟ أم عبد الرحمن" أحس إني مو جوعانة صيته تقدم لها " لا لازم تفطرين انتي توك أخذتي إبرة الأنسولين ولازم تاكلين أم عبد الرحمن تتنهد تنهيده من قلب" منو له نفس ياكل ..نواف الله يحفظه راح لحياته وبعده بأسبوع انت بتلحقينه ...البيت والله بيفضى علي ما تمالكت أم عبد الرحمن نفسها ورجعت تبكي مره ثانيه طارق يقوم من مكانه ويروح لها " أفا بس وإحنا وين رحنا يا لغالية ؟؟ أم عبد الرحمن " ليه انت بتقعد لي ؟؟ إنت تبي تاخذ قليلة الحيا طويلة اللسان بعدين تحرضك علي وتطردني من البيت تفكروني ساهية عن تصرفاتكم ؟؟ طارق يلمها له" قولي قسم سحوره إنتي بالقلب ومحد يقدر ياخذ مكانك أم عبد الرحمن " اهووووو وخر عني خنقتني وش دعوه متسبح بالعطر طارق" وشلون يعني ...ما في شي عاجبكم ؟؟ أقول خلوني اروح المطعم حتى أأكد على البوفيه للغدا أم عبد الرحمن" إييي تمحلس تمحلس وش عليك الكل ظل ساكت وهي للحين تهذر على راسهم لدرجة إن صيته فكرت إنها تدق على نواف حتى ما يتأخر ,, عند العرسان .... نواف" الله يبارك فيك عقبال عندك إن شاء الله راشد" أنا لاحقنك يا خوك نواف" لا والله ألف مبروووك ومنهي سعيدة الحظ؟؟ راشد" ميثه بنت خالي نواف" يعني بتصير عديلي ههههه راشد" اييي يقولون هههه نواف" أقول خلينا نتفق على تريك اللي بهدل حريمنا راشد" يا لله عند ويهك أنا بس أنتظره يدوس لي على طرف نواف"ههههه إيييي والله بعد انت منت هين راشد" لا بس الحق حق ...أقول يا لله سكر حتى ما تطول على عروستك نواف" على خير ....أقول لا تنسى الغدا اليوم طيب؟؟ راشد" على خير إن شاء الله... ومتى السفر بإذن الله؟؟ نواف" لا والله أجلنا السفر لأن زواج أختي بعد أربع أيام وحجزت لهم تذكرتين معنا هديه من عندي وبنروح سوا راشد" شووو ؟؟ يا ريتني خطبت اختك ما أشوف إلا مفاجآت وحركات نواف" أكيد أعجبك أنا ههههه راشد" مبروك مره ثانيه مع السلامة نواف" تسلم والله ...في أمان الله تدخل نوف بابتسامه عريضة على فمها ..انعكست الابتسامة على نواف وصار يبادلها بنفس النظرات ... كانت كيووت مره , لابسه بجامه من الساتان لونها أبيض وشعرها مخليته مموج وحاطه الوردة اللي عطاها إياها نواف على شعرها نواف" يا صباح الورود نوف" صباح العسل نواف" ما بتفطرين حبيبتي ؟؟ نوف" لا ما أبغى نواف" أقول يا بنت الناس ما فينا من الدلع ...اكلي وتغذي مو تشوفك أمك وتقول وش سويت ببنتنا ذبلانه نوف" هههه ما صارت ليله ...ما مداني نواف يطالعها بحب" كثير حلوه بدون ماكياج نوف" كلكم تقولون كذا ... عطني سيمفونية جديدة نواف يطالعها بنظرات غريبة " احبك يا كل مالي بهذي الدنيا نوف بخجل" تسلم لي حبيبي نواف يمسك يدها ويلبسها سوار الماس" وش رأيك ؟؟ نوف " واااااو حبيبي ...مشكور ذوقك يجنن لكن ليه مكلف على حالك , البارحة جايب لي طقم نواف يبتسم لها " هذا هدية الصباحه نوف تذكرت كلام أم عبد الرحمن وقامت ووجهها صاير احمر.... لكن مسكها نواف ولمها له نواف" وين؟؟ نوف تحاول ما تطالع في عيونه" هااا بروح أفطر تركها نواف وهو يضحك عليها وعلى خجلها ,, وقت الغدا ... طلعوا نواف ونوف حتى يروحون يتغدون مع الجماعة في بيت بو نواف لكن استغربت لما شافت نواف وداها بيت أهلها نوف" ليه نواف جيت هنا ....هههه شكلك مخبط نواف" لا حبيبتي لكن أختك انصابت البارح برجلها والحين رجلها مجبسه نوف تشهق " ميثه ؟؟ راحت تنزل بسرعة وهي مزعوجه لكن نواف مسكها وضغط على يدها حتى تهدأ نزلت نوف وصعدت فوق لقت أختها جالسه واللابتوب في حضنها وجالسه تلعب .. نوف أفتحت الباب وترمي حالها على ميثه وجلسوا يبكون سوا ..وميثه تخبرها وش صار فيها من تركي الكلب نوف" والله لازم ينحط له حد ....وبعدين يعني لما يموتك ؟؟ ميثه" لا راشد بيخطبني وبروح الإمارات وما بتشوفون وجهي بعد نوف" هههه موتك وسيرة الزواج ميثه" يا قليلة الحيا يعني الحين أنا ما أحضر زواجك وما تسألين عني ؟؟ نوف" أنا؟؟ ميثه" لا خيالك نوف" ليه هم خلوا لي فرصه ؟؟أصلا أنا تعبت وأنا انتظرك وهم قالوا لي انك بالصالون و بتتأخرين لأنه زحمه ميثه" يا لله أنا بسامحك لأني طيبه ... قومي وريني وش لابسه يا عروستنا وقفت نوف كانت لابسه فستان باذنجاني قصير مع حزام عريض أصفر فيه ورده كبيره على جنب وبوت أصفر ...وشعرها مخليته مموج وحاطه لها ماكياج هادئ وكانت زي القمر في ليلة كماله والأسوار اللي لبسها إياه نواف مزين يدها لدرجة إن ميثه انتبهت له ظلوا البنات يتكلمون مع بعض ونست نوف إن نواف ينتظرها بره ...لكنه دق لها وذكرها بحاله وراحت له ركض وصلوا البيت كانت العايله كلها مجتمعه هناك دخلت نوف لقت الترحيب من الكل .. وخصوصا أم عبد الرحمن اللي ظلت تزغرد طول ما نوف تسلم عليهم وتذكر الله ونبيه عليها وعلى جمالها ولما وصلت لها صارت تحضنها بقوه وتطالع بزينتها وبلبسها وكلهم أبدوا رأيهم وإعجابهم فيها ماعدا نوره اللي سلمت عليها على الطاير ولا كأنها زوجة أخوها وكانت بينها وبين نفسها تستغرب مدى إعجابهم فيها مع إن ذوقها متواضع جدا نواف طلب من صيته إنها تسوي له طريق حتى يدخل يسلم على جدته أم عبد الرحمن اللي كان عقلها طاير فيه ولما شافته سوت مناحة لها أول مالها تالي نواف يبوس راسها" وش له ها لبكي يا يمه لو شوفتي بتخليك تبكي بآخذ زوجتي وبمشي أم عبد الرحمن تضربه على كتفه" والله هذي أمنيتك لكن ما راح أنولك إياها لو موتك طارق" قولي قسم سحوره؟؟؟ هههههه أم عبد الرحمن تنفض يدها له " أقول يمه شلونك عساك مرتاح بعد تعب البارحة ؟؟ نواف" ههههه طارق " إي بالله قول لنا كيف كانت ليلتك ...عساك بس انبسطت ؟؟ نواف بحده" طارق وش ها لكلام ..عيب طارق " ههههه ما قلنا شي يا خوي أم عبد الرحمن" لا بالله كل هذا وما قلت شي لا بعد وش رأيك تسأله وش كانت لابسه نوف ؟؟ طارق بيجن" هيييي هيييي.... وش بلاكم لا تكبرون الموضوع أنا وربي ما قلت شي أم عبد الرحمن" انطم ... وتبغي تقول شي زود بعد؟؟ طارق يلم الموضوع" خلاص حقكم على راسي وأحب راسكم بعد أم عبد الرحمن" لا تحب راسي ولا أحب راسك.... انت غلطت لا بالله لازم تأدبه زين يا نواف ...لازم يتربى حتى ما يقعد يقول كلام فاضي نواف يبتسم" خلاص جدتي شكلك استرسلتي بالدور ...ما يسوى كل هذا طارق متأزم" خلوني أروح لاتلبسوني تهمه أنا مو قدها بعد هذي أعراض ناس....سلااام أم عبد الرحمن " الله لا يسلم فيك ولا عظمه نواف يبتسم ومكتف يدينه ويطالعها " ......... أم عبد الرحمن" هههههههه وش رايك فيني أدبته زين هههههه والله انه يضحكني ها الدلخ ما أدري ليه أحب أجننه الله يزوله من دنيتي نواف" يا لله جدتي خليني أروح للرجال ينتظروني هناك أم عبد الرحمن " وقف أبغيك نواف" آمريني يا أحلى جده بهذي الدنيا أم عبد الرحمن تمسكه وتجلس على الكنب وتجلسه بجنبها وتهمس له" عساك بس صرت رجال وبيضتها ؟؟ نواف يطالعها"؟؟؟!!!!!! ,, بعد الغدى اللي كان جميل كثير وفيه ما لذ وطاب وبصراحة كان كثير عليهم ...فكلم نواف طارق وطلب من عنده إن الأكل اللي ما تحرك يوديه للجمعية حرام ينرمى وفي ناس مو لاقيه تاكل وخصوصا انه نظيف ... البنات جلسوا وحطوا العروس وسطهم وحطوا المسجلة وصاروا يصفقون ويرقصون والفرحة باينه في عيون الكل دق جوال دلع وطلع ماجد يبلغها إن صيته ما ترد على الجوال وإذا ما عندها مانع خليها تلبس وتطلع معه دلع خبرتها وهي انحرجت معها وعزمتها معهم على الطلعة ومع رفض دلع لكنها أصرت عليها وأخيرا وافقت تروح معهم ... وهذا الشي فرح صيته لأنها تحب دلع كثير وخصوصا يوم بلغها طارق عن إعجابه فيها لبست صيته واستأذنت الجماعة وبكذا عرفت نوره إنها طالعه مع ماجد وكانت فرحتها كبيره لأن ماجد أخيرا قرر انه يبلغها انه ما يبغاها وانه متولع في نوره... نوره وبس ومن يعشقها استحالة يتعلق بغيرها لكنها كانت مستغربه روحة دلع معهم وهذا راح يصير عائق لهم لكن بالتأكيد ماجد راح يدبر حاله؟؟؟؟ طلعوا البنات بره لقوا ماجد واقف مع طارق يتكلمون دلع مشت الموضوع عادي وما تغطت لأنها أساسا في جده كاشفه وجهها ماجد" هلا وغلا ...كيفك صيته؟؟ صيته" هلا فيك أنا بخير طارق يتصدد لكنه يبغي يشوفها زين ويتحقق من ملامحها دلع تطالع طارق بابتسامه " هلا شلونك؟؟ طارق مرتبك" الحمد لله ماجد" وش لك جايبتها معنا عزول بداية أيامنا ؟؟ دلع بدلع" كذا خلاص بروح أنا زعلت ماجد يمسكها من يدها " افا بس منو عندنا أغلى منك ؟؟ دلع" هههه ايي كذا خليك عاقل طارق واقف ويطالعهم والابتسامة ما فارقت وجهه صيته تسحبه لعندها" فشلتنا روح داخل طارق" لا تنسين تسألينها طيب ؟؟ صيته" مو وقته الحين طارق يترجاها" تكفين صيتوه وهم كذا إلا ويسمعون دلع من بعيد" حبيييييييييييبي يلتفت لها طارق يلقاها لاقيه قطه ماسكتها وتلعب معها ماجد" خلصينا بتروحين ولا نمشي عنك؟؟ دلع" واااو تجنن ...أموت في البسس طارق يتدخل" هذي قطه شيرازيه لبيت الجيران دلع" تكفى طارق وديها لهم لا تضيع طارق راح فيها وهو يسمع اسمه على لسانها" هااا؟؟ صيته تدقه بيدها" خذ البسـه وديها بيت الجيران طارق " ان شاء الله راحوا وهو واقف يطالعهم وكان خاطره إنها ما تغيب عن عيونه ... ظل طارق واقف يطالع السيارة وهي تبعد ويتسائل بينه وبين حاله.... يا ترى هذا اللي يسمونه حب ولا كيييف؟؟؟ \\ // في الشرقية ... مالك داخل على أمه وبيده كيكه كبيره .... أم مسعود" هلا يمه وش عندك مالك وقلبه ضايق" يمه اتصلي على بيت عمي إذا فاضيين بعد ساعة نروح لعندهم أم مسعود" من جدك يمه ؟؟ مالك" اييي والله ...وخلي خواتي يجهزون حالهم أنا بروح أجيب باقي الأغراض وجاي ... أقول يمه مو تأخرونا على الجماعة أم مسعود " إن شاء الله يمه ..إحنا في ها لساعة يا ولدي ؟؟ راحت أم مسعود وكلمت شيخه وقالت لهم إن إحنا جايينكم زيارة مع مالك وخواته إذا ما عندكم مانع طبعا شيخه رحبت فيهم وقالت لهم إنهم في انتظارهم مرهم مالك وأمه فرحتها ما تنوصف معقولة بتفرح بعد ها لعمر من الأحزان والتعب ؟؟؟ البنات بعد جهزوا حالهم ولبسوا أحلى ما عندهم شيخه بلغت الكل إن بيت عمهم جايين لكنها ما بلغت شيماء لأنها حبت تسويها لها مفاجأة لكن شمسه ما تفوت شي عليها وحبت تروح تبلغها بنفسها ,, في غرفة شيماء كانت جالسه تذاكر لمحمد ... شمسه تفتح الباب وتدخل" هلا شيماء بحده " أنا كم مره قلت لك لا تدخلين بدون استئذان هاا وثانيا عيال أختك صغار بيشوفنك تسوين ها لتصرف بيسوون زيك هم ما يفرقون بين الصح والغلط ...تكفين مره ثانيه راعي هذا الشي شمسه تجلس وهي تنفخ" بس ما عندك إلا نصايح ...أنا عندي لك خبر زي الفل بس بالأول ....كم تعطيني على ها لخبر؟؟ شيماء معصبه " بعطيك كف وبطردك من الغرفة شمسه" كذا ؟؟ طيب ما بقول لك إن بيت عمي كلهم جايين ومعهم مالك بعد وأبوي جالس ينتظرهم شيماء مو مصدقه" شموس لو بتمزحين تراني مالي قلب شمسه" قسما بالله العلي العظيم اللي ما احلف فيه كذب إن هذا الكلام اللي صاير وهم ما يبغوا يقولون لك شيماء تحس إنها بتبكي" طيب طلعي الحين ...وانت محمد روح غير ملابسك لا يجي عمك وانت كذا محمد" طيب خالتي طلعوا سكرت الباب وراهم وراحت قدام المرايه تطالع بشكلها وهي تضحك وتضحك ... معقولة ؟؟ معقولة يا مالك أخيرا حسيت بسراااب؟؟ ولما وصلوا لبيت عمهم نزل مالك الأغراض ودخلهم داخل وكان جايب هدايا ومغلفهم وأم مسعود دموع الفرحة خانتها مو قادرة تعبر عن شعورها غير إنها تتمتع وهي تطالع مالك وهو يشيل ويحط بالهدايا والأغراض اللي ما ظل شي ما جابه... هذا غير الهدايا الكبيرة أم مسعود بفرح" الله يرضى عليك يمه مالك ينفخ " هااا يمه ناقص شي ؟؟ أم مسعود" لا والله ورايتك بيضه مالك " باقي العشا أنا وصيت عليه وبيجيبونه المطعم الساعة 8 لا تدفعون شي أنا دافع لهم أم مسعود" الله يرضى عليك يا حبيبي انت مالك" يا لله بوسي لي العيال وقولي لهم أي شي يبغونه أنا عند قولهم أم مسعود" وين يمه ؟؟ لازم تدخل معنا خالك ينتظرك في هذا الوقت يطلع محمد" هلا عمي مالك" هلا بدنيتي ...أخبارك؟؟ محمد" أنا زين ....صحيح انت بتتزوج خالتي شيماء ؟؟ مالك فتح عيونه على الآخر وصار يطالع بأمه أم مسعود تبتسم وتبوس محمد" أنا ما قلت له بس هو حبيبي ذكي طالع على أبوه مالك بضيق" منو قال إني جاي خاطب؟؟ أم مسعود وقف الدم بجسمها" شلون ؟؟ وش له كل هذا إذا مو جاي خاطب؟؟ مالك يطالع أمه وفي عيونه غضب الدنيا مالك يطالع بمحمد" اليوم عيد ميلادك انت وسعد وحتى ما تزعل شهد جبنا لها هديه وكتبنا اسمها على الكيكه بعد يا لله عموا أنا ماشي مع السلامة راح مالك وأم مسعود تطالعه ومو مستوعبه اللي صار وش الحل الحين ؟؟ وش بتقول للجماعة وخصوصا لو فهموا الموقف مثل ما فهمته هي ؟؟؟؟ \\ // في بيت بو نواف دخل نواف عليهم وهم جالسين وعيونه على وحده بس من بينهم نواف بابتسامه" السلام عليكم الكل" وعليكم السلام أم عبد الرحمن " هلا والله بوليدي .... تفضل اجلس نواف " لا والله جدتي أنا تعبان وبروح الفندق يا لله نوف نوف بتقوم تمسكها أم عبد الرحمن " لا بالله تعشوا معنا الليلة نواف يطالع بنوف ويبتسم ابتسامه قاصد من وراها شي" لا والله جدتي بروح أنام ما نمت البارح زين أم عبد الرحمن " ههههه في هذي الحالة مقدر أقول لك لا نوف انقلب وجهها وقامت تسلم عليهم نواف " حبيبتي أنا بالسيارة نوف ودها تذبحه " إن شاء الله نوف سلمت عليهم كلهم لكن أم عبد الرحمن ما تركتها وخذتها بعيد شوي أم عبد الرحمن " شكل نواف مبسوط كثير... يمه ألزم ما عليك زوجك وبيتك لا ترفضين له طلب لو شو ما صار ...زين يمه؟؟ نوف صار وجهها احمر وتقول بخاطرها مو أعظم منه إلا أنتي" من عيوني يا جدتي أم عبد الرحمن " هههه أموت في الخجلانين يا لله في أمان الله يا بنيتي نوف" مع السلامة طلعت نوف من عندها وهي واقفة تدعي لهم إن الله يهديهم ويوفقهم ويعيشها حتى تشوف عيالهم ونوف طالعه وتعدل شيلتها تدخل عليها صيته نوف" توك تجين يوم شفتيني طالعه ؟؟ صيته بدون نفس " أشوفك بكره نوف استغربت حالها مسكتها من يدها " في شي صيته ؟؟ صيته"لا ما في شي نوف باستغراب" ليه أنا ما أعرفك؟؟ ما نطق للحين ؟؟ صيته" لا والله هو شكله وده يقول لي أشياء كثيرة أنا حسيت فيه بس يمكن لأن أخته معنا ما قدر يتكلم نوف" تستاهلين ما خذتها معكم .. صيته " يا لله اللي صار ...المهم تعالي بكره أبغي أجلس معك طيب؟؟ نوف" أشوف اليوم صايره حلوه الكل يبغي يتكلم معي صيته" ههههه يا لله باي نوف" باي \\ // في الشرقية وفي بيت بو طلال شيماء لبست فستان ناعم وحطت ماكياج خفيف ونزلت تحت لقت عمتها توها داخله مع البنات شيماء بكل حيويه سلمت عليهم وأم مسعود جالسه مو على بعضها أم طلال" والله خجلتونا يا أم مسعود وش له كل هذي الأغراض إحنا أهل وما بينا كل هذا أم مسعود مو قادرة تتكلم لأنها لو فتحت فمها راح تنفجر بالبكي شيخه" والله مالك صاحب ذوق مو توكم تعرفونه محمد يجي بسرعة" يا لله ماما عمو قال انه عيد ميلادنا اليوم وجايب لنا كيكه كبــــــــــيره وهدايا بعد أم مسعود مرتبكة" كل عام وهم بخير يا شيخه مالك ما بغى يكسر بخاطرهم وما يحتفل بعيد ميلادهم وكل هذا على شانهم بعد هو ما عنده أغلى منهم شيماء وقتها ؟؟؟؟؟؟؟؟؟؟؟؟؟؟ | | |
 | |