23 - 11 - 2024, 10:41 AM
|
#31 |
 
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
163يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
البارت الثلاثون شيخه" والله مالك صاحب ذوق مو توكم تعرفونه محمد يجي بسرعة" يا لله ماما عمو قال انه عيد ميلادنا اليوم وجايب لنا كيكه كبــــــــــيره وهدايا بعد أم مسعود مرتبكة" كل عام وهم بخير يا شيخه مالك ما بغى يكسر بخاطرهم وما يحتفل بعيد ميلادهم وكل هذا على شانهم بعد هو ما عنده أغلى منهم شيماء وقتها ؟؟؟؟؟؟؟؟؟؟؟؟؟؟ \\ // \\ في بيت بو نواف... صيته" مساء الخير يا جماعه أم عبد الرحمن" هلا والله وغلا ... تأخرتي يمه لو مسبقة شوي كنتي لحقتي على نواف ونوف صيته تبوسها" شفتهم وأنا داخله نوره" كيفك صيته ؟؟؟عساك انبسطتي ؟؟ صيته" أوف والله وناسة تمنيتك معنا ...انبسطنا كثير نوره بقهر" هنيا لك يا عروس صيته بفرح " عقبالك يا بعد عيني نوره" هههه لا أنا ما أفكر فيه الحين ...أنا ما أتزوج إلا لما أتخرج وأثبت وجودي صيته" إن شاء الله يجيك واحد يكون دعم لك نوره" هه أنا ما أبغي دعم ..أنا اللي باخذه بيمشي بأوامري أم عبد الرحمن" ما أدري منو تعيس الحظ اللي أمه داعية عليه؟؟ نوره" والله... والله انه يتمنى يبوس رجليني حتى أرضى وآخذه أم عبد الرحمن تبغي تضايقها " منو هذا اللي تتكلمين عنه ؟؟؟لا يكون تريك ؟؟ نوره بحده" يخسى إلا هو يلمسني ...لو يكون آخر الرجال وأنرغم عليه أحرق روحي ولا آخذه أم عبد الرحمن " والله أنا أشوف إن تركي ما به شي ...وخصوصا إن أنتي معه طنجره ولقت غطاها نوره" قلت لك حلم هذا يا ....يا جدتي أم عبد الرحمن تهمس" لو الله بيعاقبه خليه يا خذك بيكون اكبر عقاب له نوره توجهت للدرج بتصعد نادتها صيته نوره تلتفت عليها " نعم صيته " بتنامين ولا أغير ملابسي وأجي أجلس جنبك شوي نوره بدون اهتمام " ما أدري بروح غرفتي وإذا زهقت برسل لك مسج حتى تجين ...وإذا ما رسلت لك عرفي إني نمت لا تدقين الباب علي صيته" خلاص انتظرك نوره يدق جوالها لكنها تطنشه .... لكنه يرجع يدق الجوال مره ثانيه ...تمسك نوره الجوال تلاقيه من ماجد وبنبرة حقد نوره" صيته هذا ماجد ....وش يبغى داق ؟؟ صيته تحمل جوالها" يمكن دق علي لقاه مقفول ....أنا بكلمه وبشوف نوره " من وين له رقمي؟؟ صيته سكتت وعلى وجهها علامة استفهام ... نوره تركتها وراحت تصعد فوق لحقتها صيته وقبل ما يدخلون غرفتهم دق ماجد مره ثالثه نوره تعطي صيته الجوال " خذي كلميه يمكن يبغي شي ضروري صيته" الووووو ماجد يتنهد" أوف ما بغيتي تردين صيته" إييي حبيبي خير ماجد سمع صوت صيته تواخذ كثير "........ صيته " الوو ماجد نوره بتموت من الفرح وتطالعها بنظرات تستفز"...... ماجد" اييي حبيبتي ....توقعت انك تشوفين الرقم وتردين لأني دقيت لجوالك وما رديتي علي صيته" معقولة؟؟ والله ما جاني اتصال ماجد" ما يصير ..أنا داق أكثر من مره يعني راح أكذب عليك؟؟ صيته" ما أكذبك حبيبي شكل الجوال خرف ويبغي له تغيير ..هلا آمرني ماجد " تصدقين اشتقت لك صيته تطالع نوره وتأشر لها دقيقه وتدخل غرفتها تكمل كلامها معه ...نوره بهذا الوقت كان خاطرها تدخل وتذبحهم لكنها راحت لغرفتها وصفعت بالباب صيته" هههههه وأنا بعد ماجد" عمري أنا خلاص بروح جده بكره صيته" ماجد زواجنا باقي له ثلاث أيام ...وما جبت طاري المكان اللي بنعيش فيه ماجد" هااا ...أنتي ناسيه إن إحنا بنروح دبي أنا أشوف ماله داعي نفتح أكثر من مكان صيته" ايي حبيبي ...بس وين بنجلس لحد ما نروح دبي ؟؟ ماجد تنرفز" أي مكان شنو يعني ما في شقق ولا فنادق في البلد ؟؟ صيته بحنان" خلاص حبيبي لا تزعل ....أنا بس بغيت أعرف كيف أرتب أموري تدري أغراضي كثير ما بحملهم كلهم للفندق وثانيا أنا لو تحطني بصحرا راح أعيش مرتاحة دام إني معك ما أحمل هم شي ماجد وش يسوي يبغيها تزعل حتى يتمادى معها ويتفركش كل شي لكنها أبد مو ما عطته فرصه ماجد" يا لله سلام صيته" سلام قلبي ...تكفى حبيبي لا تزعل ماجد قفل الخط بوجهها ورمى الجوال وصار يفرك براسه وهو متضايق حده وصار متيقن انه تدبس بالموضوع ؟؟؟؟ \\ // أم مسعود مرتبكة" كل عام وهم بخير يا شيخه مالك ما بغى يكسر بخاطرهم وما يحتفل بعيد ميلادهم وكل هذا على شانهم بعد هو ما عنده أغلى منهم شيماء وقتها "............. الكل تفاجئ من كلام أم مسعود حتى مرام ورغد لكن الكل سكت وما رد بعد كلام أم مسعود كلمه شيخه أنعصر قلبها وتحولت نظرتها لشيماء...شيماء اللي ما كانت مصدقه اللي تسمعه شهد تمسك يد أمها " ماما متى بنسوي الحفلة ؟؟ شيماء تتغير ملامحها وتطالع شهد" الحين يا عمري ...يا لله شمسه نرتب الطاولة راحت شيماء رتبت كل شي ودموعها كل شوي تخونها وتنزل على وجهها الناعم رتبت كل شي والتموا الجميع على الطاولة وصاروا يصفقون ويغنون لعيال مسعود وطفوا الشموع وصارت شيخه تقدم لهم من الكيك والأشياء الباقية شيماء" شيخه ...لا تنسين تشيلين لمالك الكل صار يطالعها "........ هي انتبهت لحالها وابتسمت" اييي ما يصير يكون جايب كل هذي الأشياء وما يذوق شي الكل".......... شيماء استأذنتهم إنها تروح تلبس شي مريح ... صعدت غرفتها وسكرت على حالها الباب وجلست ورآه وصارت تبكي وتبكي بقلب وتنادي لمالك وتقول له وش تبغي مني أكثر تبغيني أموت بحبك يا ولد عمتي؟؟؟؟ ,, مالك على الساعة 11 رجع وأخذ أمه وخواته اللي الكل كان راكب السيارة ومحد تكلم بكلمه .. مالك كان عارف إن في شي لكنه ما يبغي يسال ويفتح على حاله باب ..يكفيه ما جاه بعد ما وصلوا راح جلس بالصالة وفتح التلفزيون وصار يشوف برنامج إضاءات رغد" مالك عمري خليني بشوف الفلم مالك" لا ...الفلم يعيدونه مئة مره البرنامج جميل والضيف بعد صريح وجريء وأبغي أسمع شنو يقول رغد استسلمت وراحت من عنده لكنه ناداها رغد" هلا والله مالك " ما قلتي لي انبسطتوا ؟؟ وعيال أخوك وش كان شعورهم فرحوا بالحفلة؟؟؟ رغد" إييي والله فرحنا وصفقنا ورقصنا وشيماء صورتهم وهم يرقصون وعلى فكره هي شالت لك صحن من الحلى أروح أجيبه لك ؟؟ مالك تضايق من كلامها " تدرين فيني ما أحب الحلى دق جواله لقاه من ماجد شغله وراح لغرفته حتى يكلمه من هناك و ياخذ راحته معه مالك" هلا والله بالحبيب ماجد ببرود" هلا فيك مالك" وش فيه عريسنا صوته تعبان ؟؟ ماجد" تدري فيني ما اتصل إلا أشتكي ما أدري متى بترتاح مني ؟؟؟ مالك" هاااا قول ...تدري فيني راحتي من راحتك ماجد" بموت بحسرتي ... مالك" أخلص وش فيها نوره ؟؟ ماجد" صارت تتهرب مني كله بسبة صيته ذي اللي صارت بوجهي ومو عارف كيف أتخلص منها مالك"............ ماجد" دقيت عليها من شوي وعيت تكلمني عطتني صيته ...اللي تفاجأت فيها وهي تكلمني طبعا اضطريت إني اعدل الموقف وأقول لها إني طالبها لكنها ما ردت مالك بجديه" وش لك بصيته ولا كأنك تشوفها امسح فيها الأرض ودوس على مشاعرها .... أسمع مني ودق عليها وقول لها انك ما تبغاها وإنها عله على قلبك وإن طهارتها وعفتها وحفاظها على حالها أمور مو مهمه في هذا الزمن ...والواحد ما تهمه وحده مثلها آخر همها كيف ينظر لها الرجل ماجد بحده" مالك لا تتمسخر علي .....لا بالله بسكر الخط وما عاد تسمع صوتي بعد هذا اليوم مالك" هذا الكلام اللي تبغيني أقوله لك قلته ... مشكلتنا بهذا الزمن يا حبيبي إن إحنا ما نحب احد ينصحنا ونحب اللي يسايرنا ويقول لنا إن إحنا صح وكلامنا عدل حتى لو إحنا غلط ماجد" ولا كأنك صديقي كأنك عدو يبغي يفرح فيني وأنا أتعذب مالك" الصديق هو الصدوق يا اخوي هو اللي يواجهك بأخطائك ويبرزها قدام عيونك حتى تشوفها ... أنا أقدر أسايرك وأخليك عايش بأوهامك لكن سعادتك تهمني أكثر من حالي والله فوق راسي يشهد ماجد" والحل ؟؟ مالك" الحل انك تعيش حياتك مع اللي ربك اختارها لك بصراحة صيته مليون واحد يتمناها ماجد" لا قولها قدامي انك تبغيها مالك " تدري فيني مالي بالزواج وشغلاته وأنا ما ني فاضي له ولوجع الراس ماجد" مالك مو قادر أستوعب إن زواجي بعد ثلاث أيام أحس إني بشرد وبتركها مالك" لا يا خوي ...إذا ما تبغاها من جدك امسك أخوها وكلمه وخلك واقعي وجريء أحسن من انك تتركها وش راح يقولون العالم عنها وزوجها تركها وشرد وهي كيف راح تكون نفسيتها ؟؟ ماجد" ما قدرت أكلمه أحس إني ضايع مالك" يا خوي روح توضا واستخر ربك وفكر زين وقرر ماجد" والله أنا من غيرك ما أعرف وش راح يصير مالك" انت اللي مالي علي حياتي وبفرحك أنا أفرح ماجد" يا بعدي والله ....مع السلامة مالك" في أمان الله \\ // في الفندق ........ نواف ونوف جالسين في الصالة ويشوفون فلم مرعب ومطفين الإنارة كاملة حتى يعيشون جو مع الفلم نوف كل مالها وتغوص في حضن نواف من خوفها مع إنها كانت محرجه منه نوف" خلاص نواف غير الفلم بصراحة أنا ما أحب المرعب وثانيا انت ناسي إن إحنا بيومنا الأول ؟؟ نواف "ما تلاحظين انك خوافة نوف بدلع " أحلى البنت تكون رقيقه نواف" زين ما دخلتي بيت الأشباح مع ميثه كان ما أدري وش سويتي نوف بزعل" ليتني دخلت معها يمكن ما أكلت كف نواف يلتفت لها " ما نسيتي للحين ؟؟ نوف تبغي تجننه" وما راح أنسى بصراحة كان ودي رديته لك لكني مسكت حالي نواف يمسك يدها " نعم ....كان ودك تعطيني كف ؟؟ نوف تضحك" هههه والله أمزح معك نواف يبتسم" تمزحين هااا ...ودك بواحد ثاني ؟؟ نوف" والله كنت أقتلك نواف طفى التلفزيون حتى يتفرغ لها " تتحديني نوف نوف" هههه لا نواف يلمها له " قولي لا تخافين نوف" اتركني وأنا أقول نواف يتركها " يا لله سمعيني لو انك قدها نوف تقوله أتحداك وبعدها تروح تركض للغرفة وهو يركض ورآها وتحاول تقفل الباب لكنه لحق عليها ... ولأنه أقوى منها فتح الباب نوف تروح بعيد عنه" نواف والله أمزح افتح الباب خلينا نكمل الفلم نواف يروح لها " ما أحب المرعب وثانيا انتي ناسية إن إحنا بيومنا الأول ؟؟ والحين جا وقت الرومانسية نوف تحط يدها على خصرها " ما تحب المرعب ؟؟؟ وليه جبرتني أشوفه ؟؟؟ نواف يقرب منها " ما لا حظتي انك طول الفلم كنتي بحضني ؟؟ نوف مقهورة" كنت متقصدها ؟؟ نواف " اييييي ههههههههههه صارت نوف ترمي عليه الخداديات اللي على السرير وهو يتحاشاها وميت من الضحك ,, في اليوم الثاني كانت أم عبد الرحمن جالسه جنب المسبح وحاطه على قرآن وجالسه تسمع وتردد معه ...يدخل طارق من بره وأم عبد الرحمن ما انتبهت له طارق" سحوره ما يحتاج تجلسين تحت الشمس انتي وصلتي للون البرونز المطلوب أم عبد الرحمن ولا التفتت عليه أصلا طارق" قولي قسم ؟؟ ولا كأنك تسمعيني أم عبد الرحمن تطفي المسجلة وتلتفت له " الله لا يبارك فيك طارق يقرب منها " خير جدتي ؟؟ أم عبد الرحمن " بعد عني لا أذبحك الحين طارق" ههههه كل شي منك حلو .... انتي خايفه ؟؟ أم عبد الرحمن" خوفوك الزبانية لين جروك لجهنم قول آمين يا لله ارميها بره بلا قذارة في البيت ... مو ناقصين يكفي وجودك طارق" حرام جدتي توني شريتها ب10000 آلاف ريال أم عبد الرحمن" لو بمليون .... طارق" مسكيها طيب ...شوفي كيف هي ناعمة وعلى فكره تدخل الحمام وتقضي حاجتها أم عبد الرحمن" قضت أيامك يا مهبول تطلع صيته لهم " واااااااو ... خيال وريني إياها طارق مبسوط" بشويش عليها تراها توها صغيره صيته تبتسم له" أقول توني أدري انك تحب القطط طارق عرف قصدها " يا لله أنا بروح أغير ملابسي راح طارق وأم عبد الرحمن للحين مشمئزة من الوضع أم عبد الرحمن" ما أدري وش هذي الهواية اللي طلعت فجأة صيته تجلس جنبها" آآآآآه الحب يا عمري أم عبد الرحمن" لا بالله توني أدري انه يحب القطط صيته" مو هو اللي يحبهم أم عبد الرحمن نغزها قلبها " من تقصدين؟؟ صيته" دلع يا جدتي تحبهم كثير وأمس شافت قطة جيرانا وهلكت عليها أم عبد الرحمن تلف فمها" ليتها هلكت وارتحنا منها دوخت الرجال وخلته ما يشوف غيرها اليوم جايب لنا قطه ببيتنا بكره تقوله تحب الحمير ...بس ذيك الساعة نربط طويرق بجنب النخلة لها صيته "؟؟؟؟؟؟؟؟؟ ,, فوق بغرفة النور نوره على الابتوب وحاطه لها أغنية أجمل إحساس لـــ اليسا نوره " هاهاهاي ضحكتيني سلوى " والله العظيم ها لكني كلامه كله عنك وانه تعلق فيك ويطلب مني أعطيه إيميلك الجديد نوره" والله كنت أذبحك سلوى" لا لا تخافي ما عطيته شي نوره" تمام سلوى" بس ما أدري ليه مو جاي يتعلق فيني ما عنده غيرك نوره" طبعا من يعرف نوره ما يحب غيرها وثانيا هذا يدل على انك ما عرفتي انك تدخلين لقلبه سلوى" والله أنا تلميذتك بكل شي بس يا ريت تحني علي وتعطيني دروس نوره بملل" هذا حبيبتي مو دراسة هذا من داخل القلب بعض الناس لهم سحر غريب ويدخلون للقلب بدون استئذان وأنا منهم طبعا أنحب بسرعة سلوى" على سيرة الحب ...وش أخبار عريس الغفله ؟؟ نوره" كلها يومين وكل شي ينتهي سلوى " يعني ما تصرف ؟؟ نوره " ومفكرتني بقبل فيه أو أبغاه ؟؟ سلوى " طيب ليه ظليتي تطاردينه دام انه ما يهمك نوره بضيق" كذا .... ومره ثانيه لا تدخلي نفسك بشي ما يخصك سلوى" أنا آسفة ما كان ودي أضايقك نوره" تضايقيني ؟؟هه هذا في الحلم أحد يضايقني سلوى حست إن نوره تحولت عشوق وقررت إنها تنهي المكالمة سلوى" طيب بعدين نكمل كلامنا بس أمي تنادي نوره" كلامنا منتهي ...يا لله سلام سكرت نوره الخط وصارت تلوم حالها ألف مره إنها تكلمت مع سلوى اللي بغبائها خربت مودها وضيعت وقتها بكلام فاضي ماله داعي \\ // في الشرقية وفي غرفة شيماء بالذات تدق شيخه الباب دقتين وتدخل ...لقت شيماء على سريرها نايمه بسلام ....شيخه تروح لعندها وترتب غطاها وتبوسها وتطلع بعد ما سكرت الباب جلست شيماء ودموعها على خدها كانت تتصنع النوم حتى تهرب من كل شي حواليها ومن تفكيرها بمالك اللي مجننها ومتعب نفسيتها وبدا ياخذ من صحتها كثير راحت شيماء جهة تسريحتها و فتحت الدرج خذت منه ورقه وقلم تبغي تكتب اللي في داخلها لكنها ما قدرت تكتب شي غير اسم مالك خانتها العبارات وخانتها دموعها بعد اللي صارت تنزل على الورقة ومسحت اسمه لحد ما أصبح وكأنه حبر ملطخ على الورقة حست إنها لو تظل جالسه لوحدها بتموت بحرتها لكذا قررت إنها تروح لشيخه وتتكلم معها بالفعل نزلت شيماء تحت لقت الكل بغرفته ماعدا شيخه اللي كانت جالسه تنوم شهد شيخه بابتسامه" توقعتك نايمه يا عمري شيماء" اييي كنت نايمه بس صحيت شيخه" نوم العوافي حبيبتي... جوعانة تبغين شي تاكلينه شيماء تطالع بشيخه "........... شيخه " خير شيماء ؟؟ شيماء بصوت متقطع" لا عاد تعامليني مثل ما أكون وحده صغيره ...أو وحده مريضه شيخه بخوف " شيوووم عمري فيك شي ؟؟ شيماء " لا ما فيني شي ... يعني وش راح يكون فيني شيخه" أحس إن خاطرك تتكلمين قولي اللي بداخلك أنا أختك ولا نسيتي ؟؟ شيماء بصراخ" غصب يعني فيني شي ؟؟ ما فيني إلا الخير بس فكوني انتوا ريحوني الله يريحكم شيخه بهدوء" براحتك ... لحظة صمت تعم المكان .... بعد كذا قامت شيخه وبيدها شهد بتروح تنومها لكن شيماء مسكتها من يدها شيخه تجلس من غير ما تتكلم شيماء " أنا آسفة ما كنت أقصد شيخه" ابد ولا يهمك ...عادي شيماء بصوت متقطع" كان عندك علم بسبب الزيارة؟؟ شيخه ببرود" أي زيارة ؟؟ شيماء بغصة " زيارة بيت عمتي ومالك شيخه " لا .... شيماء وعيونها متجمعة فيها الدموع" قالت شمسه إنهم جايين ....يعني أنهم .... شيخه بصرخة " شيماء وبعدين ؟؟ متى بتحسين ؟؟ مالك ما يفكر فيك أبد شيماء تطالعها والدموع تسيل على خدها غصب عنها شيخه تمسك يدها" يا قلبي لازم تواجهين الواقع لا تظلين تجرين ورى أوهام شيماء تبكي" مالك لو يدري إني اعشقه بجنون بيحبني أكيد وبيجي يخطبني شيخه " صاحية أنتي ؟؟ لا يكون تفكرين انك تصارحينه والله تندمين طول عمرك شيماء" مالك حجر ...ومو حاس فيني شيخه تهديها " لا تلومينه يا قلبي ....محد يقدر يجبر احد شوفي مرام يوم كانت تحب أخوك بالرغم من إن عبد الله رجال والنعم فيه رفضته ... لازم يكون الحب من طرفين يا عمري مو من طرف واحد راحت شيخه لفوق وتركت شيماء لوحدها تفكر بكلامها ودموعها على خدها واسم مالك على لسانها \\ // بعد ثلاث أيام .... الساعة 7 بالفندق .... أم ماجد " ماجد .....للحين جالس ؟؟ ماجد يطالع التلفزيون" وين تبغيني أروح ؟؟ أم ماجد " اللي يشوفك يمه يقول هذا ناسي إن اليوم زواجه ماجد بتنهيده" مو ناسي ...لكن انتظر مالك أم ماجد" ولو ما جى مالك ؟؟ ماجد" إلا أكيد بيجي.... يصير يعني ما يجي وهو نصي الثاني ؟؟ أم ماجد" لا يصير انك تروح كذا ... ماجد " وش فيني ؟؟ أم ماجد" قوم حلق وجهك والبس ...أبوك دق من القاعة ويقول إن الناس ابتدت تجي... وعلى فكره سأل عنك لو كنت جاهز ماجد" اوووووف .... دلع تطلع لهم وهي بكامل أناقتها " يمه روحي كملي لبس خليني بتكلم معه أم ماجد" كلميه لا والله أدق على أبوه ...هذا اللي بيفشلنا على آخر عمرنا دلع تجلس جنبه" ماجد حبيبي ماجد" وش ها لحلى؟؟؟طالعه قمر دلع بابتسامه" تدري ليه؟؟ لأنه زواج اخوي حبيبي على شان كذا قررت اكونا حلى وحده في الحفل بعد العروس ماجد يطالعها بنظرات حايره ويقول بخاطره محد يقدر ينافس نوره بالجمال " دلع خليني برتاح شوي دلع" ماجد ....أنا عارفه اللي بداخلك لكن صيته تنتظرك تفتح معها صفحه بيضه من حياتكم ...قوم يا عمري ما في وقت يدوب تروح تحلق وتلبس الناس ينتظرون ماجد بضيق" والله مالي خاطر دلع " وش راح تقول لأمي وأبوي ؟؟ أصلا هم مستغربين من تصرفاتك وأمي كلمتني البارح وسألتني إذا كان في شي بينك وبين صيته ماجد فتح عيونه لها" وش قلتي لها ؟؟ دلع" اهدأ ....ما قلت لها شي لكن حرام عليك البنت في الصالون تجهز حالها حتى تكون أميرتك بهذي الليلة ماجد" أخاف يا دلع دلع باستغراب" تخاف؟؟ ماجد بعيون حايره " اييي خايف ... أخاف أناديها باسم نوره ...أخاف إني ما أقدر أسيطر على مشاعري لو أشوف نوره أخاف أنحرم من شوفة نوره ...أخاف صوتها يهجر أذني وأنا ما أسمع بدنيتي غير صوت نوره دلع بحده" ماجد ...اصحى يا خوي أنا متأكدة انك لما تحط ببالك إن صيته هي حبيبتك بتحبها وتجيني بعد كذا تقول نفس الكلام لكن بدل ما تقول نوره راح تقول صيته طيب ما تقول لي وش ذنب هذي المسكينة اللي أمنتك قلبها وحياتها ؟؟ وثانيا خليك فاكر أنهم مستحيل يعطونك نوره لو تركت صيته يعني نوره محرمه عليك يا خوي ... خليك عاقل لا تجن ولا تجننا معك راحت دلع من عنده وهو يقول بخاطره كلامك عين العقل يا دلع ومثل ما قلتي راح أتمسك بصيته بيديني وأسناني لأنها الطريق الوحيد اللي يوصلني لنوره وهي المفتاح اللي بيفتح لي أبواب السعادة دام قلبي تحرسه نوره \\ // في القاعة وصلت صيته ...وكانت نوف متابعتها أول بأول ونواف بعد ما تركهم لحظه وحده .... رمت نوف عبايتها على الكنبة اللي بجنبها وراحت بسرعة لصيته ترتب فستانها كان نواف واقف يطالع فيهم .... نوف حاسة فيه لكن فضلت إنها تسوي حالها مو شايفته لأنها لو كلمته الله العالم وش راح يقول لها صيته " هههه نواف وش له واقف للحين ؟؟ نواف مبتسم "............ نوف وهي تضبط جبونة صيته" مدري عنه البنات ينتظرون بره وهو واقف هنا نواف يوقف ورى نوف اللي كانت منشغلة بصيته" ما أقدر أنا على هذا الجمال صيته ابتسمت " صحيح والله نواف والله كل وحده فيكم أحلى من الثانية ....لكن بسأل سؤال ...يعني كل البنات حلوين كذا ؟؟؟ نوف تلتفت له" شنوووو؟؟ نواف " ههههه أقول انك صايره ملاك وربي نوف تمسكه من يده وعلى وجهها ابتسامه تحاول تخفيها وتوصله للبوابة حتى يطلع نواف" أموت أنا بالغيورين نوف" مع السلامة نواف يهمس لها" أقول ...خلينا نروح البيت ولا نقول لأحد وخليهم يدورونا نوف" ههه مجنون نواف" مجنون بحبك وربي نوف" نواف البنات يبغون يدخلون نواف" طيب ما راح أمشي إلا لما توعديني نوف محرجه " طيب حبيبي أوعدك بس روح أنت الحين نواف" هههه والله انك مجرمه ما قصدت اللي ببالك نوف انحرجت أكثر " نواف اطلع تكفى نواف يعطيها بوسه على الطاير ويمشي صيته" آآآآآه يا ليتني صورتكم ووديت الشريط لماجد حتى يشوفكم ويتعلم منكم نوف" هههه لا تحاتين ما في رجال ساذج ... لكن الله يستر لا يكون تحت الساهي دواهي صيته" بسم الله علي ...خليه كذا ناعم أحسن نوف" هههه وش بلاك خفتي ؟؟ صيته" وش رأيك فيني بصراحة نوف تطالعها ...كان فستان صيته أبيض ناصع وفيه ورود جوريه فضيه ...مليانه على الصدر وكل وحده فيهم داخلها كريستال ... والخصر شفاف وبعدين الفستان منفوش كثير مكون من ثلاث طبقات كل طبقه صايره بف وحده أبيض ووحده فضي وعلى جنب من تحت الفستان فيه رفعه بسيطة كأنها ستاره وحاشية الفستان كلها دانيل فخم كثير مرصع بالكريستالات وفيه سحبه كبيره وشعرها مرفوع كثير ومن تحت الرفعة مثبته ورد وتحته الطرحة اللي كانت قصيرة تعطي نعومه للفستان ماكياج قمة الهدوء كان لبناني لكن ألوانه متناسقة كثير ما كانت لابسه عقد لكنها لابسه حلق طوال طايحين على أكتافها نوف" وش تبغيني أقول؟؟؟ بصراحة قمة في الجمال ... الله يهنيك يا قلبي صيته تلمها لها" يا بعدي والله ما ننسى تعبك معي نوف" عمري لك ...بس خلينا ندخل البنات حرام انتظروا كثير صيته" اييي صحيح ناديهم دخلوا البنات بعد ما خبرتهم نوف إن نواف مشى ...التموا عليها كلهم حتى ميثه ما قدرت تعتذر وما تجي بعد ما شالوا لها الجبس ولفوا رجلها بلفه كبيره صوروا البنات معها ...وكل وحده طلبت نسختين ماعدا نوره اللي ما كانت موجودة , دخلوا العروس والبنات ملتمين عليها يرقصون ويغنون ...وأم عبد الرحمن بوسطهم ما تركتهم لحظه وحده ...كانت ورآها مره تسمي وتقرى عليها ومره تزغرد وعيونها مليانه من دموع الفرحة شوي إلا ويلقون الإستريو يوقف والإضائه تقل وتتحول للمدخل .. من بعدها دخلت نوره على صوت الشعر الليل بأشعاري أنا يضوي ويزين معاي الليل بأجمل سروره ويسهر حرفين اسمي وأتبعه بحرفين قلبي أنا الغلا والحروف نوره أهوى الصراحة ومالي أبد وجهين وهرجي بالمقفي مثل هرجي بحضوره من زود ما عندي معجبات ومحبين سلمني الحب با لراحة حكمه ودوره من حبني سكناه بالقلب والعين وأفرش له عيوني بغيابه وحضوره إيه أفتخر مدامني شيخه الزين ولي الفخر مدام إني الغلا نوره (للشاعرة نور الكون) كانت بجد ساحره ....لابسه فستان أسود كا لعاده كله من الدانتيل وداخل فيه عند الصدر فرو أحمر وكان قصير من قدام وطويل من ورى ولابسه حذاء أنيق وشعرها كان كريزي وفيه تاج كبير .... وما كياجها خفيف مره .... كانت تمشي على السيب وكأنها تقول يا أرض أتهدي ما عليك قدي .... وبالفعل الناس كانت تطالعها بانبهار وإعجاب ....وصلت للمسرح وراحت للعروس وباركت لها وتمنت لها حياه سعيدة صيته لما شافت نوره ردت فيها الروح أكيد هي تتمنى إن تكون نوره بجانبها في ليلتها ,, في الجهة الثانية من القاعة .... وصل ماجد بالوقت المحدد وكان حاط يده بيد مالك اللي دخل معه القاعة وهو رافع راسه ويتمنى بس يكون عارف أشكال عمامة حتى يشوف ملامحهم لما يشوفونه داخل مع العريس نواف طبعا...حياه بتحية كبيره وجلسه بجنب كبار الشخصيات .... طبعا بعد ما كان ماجد يبغي يجلسه بجنبه على الكنبة اللي فيها عمه وأبوه ...لكن مالك رفض وكان عذره إن الأصول أصول محد يتعداها بعد العشا طلب نواف من ماجد انه يدخل الحين حتى ما يتأخرون ...وبلغه إن هو وطارق بيدخلون معه طبعا ماجد ترك نواف بعد ما قاله انه يبلغ الجماعة وراح لعند مالك وأقنعه انه يدخل معهم بالفعل ...رتبوا حالهم ودخلوا على أغنية يا سلامي عليكم يا لسعوديه دخلوا ماجد ومالك في الأول ومن وراهم نواف وطارق كان نواف مبسوط كثير ويتلفت على جدته وأمه ...كانت الفرحة باينه في عيونه وطارق بعد صار يرقص ماجد كان متوتر ويطالع بمالك اللي كان مبسوط ...كيف يكون لا واليوم زواج أعز أصدقائه مالك كل شوي يضغط على يده يطمنه إن كل شي بخير ...ويطالعه بابتسامه تشرح القلب كانت نوره واقفة مع دلع ونوف يطالعون بالعريس واللي معه ويصفقون لطارق اللي رقص لين قال بس نوره تهمس لدلع" منو هذا الوسيم اللي معهم ؟؟ دلع" هذا مالك صاحب ماجد الروح بالروح ....وهو بالنسبة له أعز من روحه نوره" عليه عيون مو صاحية نوف تدق نوره بكتفها يعني سكتي" حبيبي نواف شكله يدورني راحت لعنده وطلب منها إنها تاخذه لصيته حتى يدخلها لعريسها بالفعل توجهوا لغرفة العروس وقتها راحت نوره لصاحبة الدي جي ...وطلبت منها أغنية بنت السعودية للفنان تركي بنت السعودية حلاها غير /حتى الدلع والتغلي ذوق من حسنها كل البنات تغير/ مثل القمر دايم مكانه فوق في كل ديره مثلها ما يصير/ ما كل مخلوق مثل مخلوق من شافها قلبه ورآها يطير/ يتبع هواها با لغلا والشوق وقتها بس كانت نوره لابسه عباية كتف وشيله متلثمه فيها فصارت ترقص قدامهم على المسرح ماجد ؟؟؟؟؟؟؟؟؟؟؟؟؟؟؟ | | |
 | |