23 - 11 - 2024, 10:46 AM
|
#35 |
 
 |  عضويتي
» 1746 | | جيت فيذا
» 13 - 7 - 2024 | آخر حضور
» 18 - 12 - 2024 (01:20 PM) |
فترةالاقامة »
163يوم
| مواضيعي » 49 | | الردود » 1956 | | عدد المشاركات » 2,005 | | نقاط التقييم » 450 |
ابحث عن » مواضيعي ❤
ردودي | تلقيت إعجاب » 62 | الاعجابات المرسلة » 16 |
المستوى » $37 [ ]
|
حاليآ في » | دولتي الحبيبه »  | جنسي »  | | العمر »
سنة
| | الحالة الاجتماعية »
اعزب
| مشروبى المفضل »  | الشوكولاته المفضله »  | قناتك المفضلة »  | ناديك المفضل »  | سيارتي المفضله »  | |
رد: رواية كبرياء رجل وشذوذ إمرأه
البارت الرابع والثلاثون ميثه حاطه يدها على فمها وتطالع براشد اللي مرمي قدامها تركي الحين في موقف محرج ...مسك ميثه وهددها إن تكلمت راح يكون مصيرها ومصير أبوها مثله هرب تركي وميثه مصدومة تطالع راشد اللي راح من يدها بليلة حياتها معقولة هذا اللي مرمي على الأرض وسابح بدمه هو حبيبها راشد ؟؟؟؟؟؟؟؟؟؟ \\ // \\ في النمسا وفي الإضاءة الحالمة كانت صيته واقفة قدام الدولاب وتلبس ملابسها دخل عليها ماجد ولقاها مو منتبه له وكانت تدندن وهي تلبس ومو حاسة باللي حواليها كان يطالعها بإسهاب وعيونه جالسه تتجول عليها وعلى وجهه ابتسامه رضى ماجد بهدوء" يسلم لي الصوت وصاحبته عندها صيته شهقت وغطت حالها بملابسها ماجد يبعد نظراته عنها ويجلس على السرير " ما أدري أنا متزوج سمكه ولا حد قالي ولا ايش ؟؟ صيته بارتباك " ماجد ... حرام عليك خوفتني ماجد يروح لها" بسم الله عليك حبيبتي صيته بخوف " ن...نع..نعم وش تبغي ماجد يبتسم لها" اقرى عليك المعوذات خايف عليك من عيوني لا تحسدك صيته تصد عنه" بعد عني تكفى ماجد تواخذ كثير من كلامها وطلع من الغرفة من غير ما ينطق بكلمه صيته قلبها راح ورآه كان خاطرها تلحقه وتعتذر منه وتقوله إن مو قصدها تضايقه أو تحرجه لكن كيف تطلع له وهي كذا ؟؟؟؟؟ ,, في الغرفة المجاورة لهم ..... كانت نوف مرمية في أحضان نواف ويده ما شالها من شعرها نواف" أحس إن إحساسي هذا ما مر على أحد نوف تطالعه " كيف يعني نواف يوطي لها يبوسها" سعادتي ما تنوصف وأنتي جنبي إحساس غريب يجري بعروقي وربي لو ألف الدنيا ما ألاقي وحده بظفرك نوف بابتسامه" الله لا يحرمني منك حبيبي ...وأنا بعد متأكدة إن ما في إلا نواف واحد بهذا الوجود نواف" يا لله... مسرع انطوى أسبوع وما باقي غير أسبوع نوف" مو المهم إحنا وين ...المهم إن إحنا مع بعض صح ولا آنا غلطانة؟؟ نواف" آآآآه يا قلبي يلوموني فيك عقل وثقل وزين وحلا و..... نوف" وشنو؟؟ شبلاك ما كملت كمل ....خايف تمدحني أغتر ولا تستخسر فيني كلمتين نواف يضحك" ههههه وكذابة نوف بزعل" أنا ؟؟ ليه؟؟ نواف" يوم سويتي حالك انك غرقانه يا بنت اللذين ..يعني أنا لو وقف قلبي ساعتها وش بتسوين؟؟ نوف تلم نواف لها أكثر" بسم الله عليك لا تجيب لي السيرة هذي مره ثانيه بصراحة أتضايق لما أذكرها نواف بابتسامه لها مغزى" طيب خلينا نفرفش شوي نوف بعدت عنه وغطت حالها بالبطانية وهي تضحك ................. ,, طلعت صيته من الغرفة بعد ما لبست ولأول مره قميص نوم وكانت خطواتها تخونها خطوه قدام وخطوتين ورى ماجد حس فيها لكنه تجاهلها ...راحت صيته لعنده وجلست جنبه وحطت يدها على يده ماجد التفت لها ولما شافها با لستايل الجديد عليه ابتسم ابتسامه مشرقه ونسى اللي صار صيته" تكفى ماجد لا تزعل مني غصب عني أنا كنت .....أنا يعني ....كنت خجلانه ماجد يلمها له " حبيبتي أنتي زوجتي والمفروض إن إحنا نكون جسد واحد مثل ما إحنا روح وحده صيته تطالعه" روح وحده ؟؟ ماجد يبوسها بين عيونها" صيته أنتي اليوم شي كبير عندي لا تفكرين انك ما تهميني صيته نزلت من عيونها دمعه حزن كانت تتمنى إنها تصدقه لكن كيف وهي سامعته بإذنها ومحد قالها ماجد يقوم على طوله ويسحب صيته معه ويسكرون ورآهم باب الغرفة ؟؟؟؟؟؟؟ \\ // في الرياض وفي بيت بو تركي بالذات وعند راشد والمسكينة ميثه هرب تركي وميثه مصدومة تطالع راشد اللي راح من يدها بليلة حياتها معقولة هذا اللي مرمي على الأرض وسابح بدمه هو حبيبها راشد جلست صيته عند راشد وهي مبهورة لحد الموت مو قادرة تتكلم أو تصرخ حتى ....الموقف أكبر من إنه يحتمل لكن الكل جا بسرعه من سمعوا صوت راشد وصرخته الرهيبة اللي زلزلت قلوب أهله .... تجمعوا عليه ومن شافوا الموقف المخيف صار الصراخ والبكي وراشد مو حاس بالدنيا بو راشد يصرخ" مااااااااااااااات ولدي ؟؟ زهور" اخوووووووووي حبيبي وش صار لك ؟؟ طروب" وش ها لعقد النحس وش صار لأخوي ؟؟ بو تركي" تعوذوا من إبليس راشد حي ... اتصلوا بالإسعاف بسرعة أم راشد تهز بميثه" وش صار تكلمي يا ميثه وش جرى على زين الشباب هااا بو راشد" شيلوه بسرعة ... بو تركي" لا لا تحركونه خلوه ....الضربة براسه لو شلناه غلط الله العالم وش راح يصير فيه كل هذا وميثه جالسه قدام راشد ودموعها على خدها وجالسه تعتذر منه لأنها ما قدرت تسوي له شي بعد نص ساعة جاو الإسعاف وشالوه من مكانه وودوه المستشفى ...الكل راح وراه ماعدا ميثه اللي بالموت أسحبتها أمها والشغالة وصعدوها فوق وحمموها بعد ما نجست حالها وهي مو حاسة كانت بس تبكي وتردد اسم راشد وتترجاه ما يتركها ,, في بيت بو نواف الكل جالس يحضر الفلم اللي جايبه طارق للجدة ....كانت طالبه فلم لشاروخان (هندي) بعد عيني تموت بالرومانسية بهدلت حالها من البكي وطارق ونوره جالسين يتغامزون عليها والله رحم إنها مندمجة وما انتبهت لهم ولا كان علوم ؟؟؟؟ خلص الفلم ... أم عبد الرحمن" حمار يا طويرق حسبي الله على إبليسك ...كيف يموت البطل في آخر الفلم ؟؟ طارق " وش لي دخل سحوره ؟؟ لا يكون أنا الكاتب ؟؟ أم عبد الرحمن" الله يلعن ذا الكتاب اللي ما يفهمون ...أنا 37 سنه عمري ما شفت بطل يموت .. ما سمي بطل إلا انه بطل ...جعل الموت لك يا لدثوي إنت والكاتب بعد طارق" لا حوووووول أم عبد الرحمن رجعت تبكي وتتحسب" حسبي الله على إبليس ....والله انه حرام فيك الموت يا شاروخان عليك جمال سبحان الخالق ... ولااا عيونه كأنهم عيون نواف نوره بحده " بسم الله عليك... الحين نواف القمر تشبهينه بهذا ؟؟ أم عبد الرحمن" وش فيه هذا ؟؟ مو بشر مثلنا ؟؟ أقول ضفي ذا الوجه اهو... الشرهة علي اللي أشوف أفلام معكم ....الليلة بعد ما تنامون أرد وأحطه بروحي طارق" على خير..... بس إن شاء الله ما يموت الليلة بعد هههههه أم عبد الرحمن" أنطم ... أقول بكره تجيب لي واحد غيره طارق" والله ما نيب جايب ...فشلت وأنا داخل قسم الهنود ويا ليت نفع معك أو بين بعينك والله واحد يقولي ..بابا انت في واحد نفر خووش لأن أنتا هبي أفلام مال إحنا , ليش بابا أنتا هندي ولا ماما مال انتا سيلاني ؟؟ أم عبد الرحمن" والله كان قلت له شوف لوني وتعرف إني تبعكم.... وربي فوق راسي لو تلبس بدله وتروح سوق الهنود يعطونك جنسيه طارق" قولي قسم سحوره ؟؟ طيب ما ني رايح ودبري حالك... ولا تحاولي تعتذري أنا خلاص ركبت راسي أم عبد الرحمن "كسر براسك ... ما بتروح ها؟؟ جرب أشوف كان تبغي تذوق عصاتي ؟؟ بروح أنام ولا تنسون جلسة الصلاة فاهمين ؟؟ راحت الجدة وهم جالسين يضحكون عليها نوره" أما انك عجيب يوم قلت لها شوفيه بالليل يمكن ما يموت البطل ههههههههههه طارق" ههههه شفتي كيف ؟؟ وربي إني رهيب بس الخوف انه يموت واتوهق فيها نوره تقوم بتصعد فوق" ههههه الله يستر ...يا لله تصبح على خير طارق" وأنتي من أهله ... صعدت نوره الغرفة وشغلت الإستريوا كالعادة وجلست على تسريحتها تمسح ماكياجها وهي تطالع بشكلها وتقاسيمها وكانت تفكر بمالك وكيف كان رايه فيها لما شافها ؟؟؟ مسكت الجوال ودقت على مالك اللي مارد عليها رسلت له مسج .... هلا بالغالي اللي يتغلى .... هلا بأول صفحه من حياتي الجديدة ...هلا بنور عيني اللي ما صارت تشوف غيره ...هلا بحياتي اللي شلتها بين كفوفك ...هلا بريحه هلي واللي يعزونهم .... اشتقت لك عدد نجوم السما وعدد حبات المطر ....لو قلت وش قلت لي أدري مو من قلبك ...لأني أنا اعرف معدنك زين .... وعندي إحساس كبير انك لي أنا ومحد غيري مثل ما أنا بكون لك أنت ولوحدك ... اسمح لي اسمي حالي حبيبتك من بعد ما نشلتني من ماي عشقك ...ومن بعد ما ختم فمك على فمي اللي ما نسيت طعم قربك ...ومحد تجرأ يلمسني غيرك .... وتأكد إني سعيدة جدا بذكرياتي ....جرأتي سر حبي ...لك كل أحلامي حبيبي ....حبيبتك النور . ,, كانت جالسه لوحدها في الغرفة ودموعها لها أول مالها آخر كانت تبكي على حالها وعلى راشد اللي راح بسبب انه قربها هي مثل المرض المعدي من قرب له انصاب ... معقولة راشد راح من يدها ...يصير يكون تحت التراب ؟؟ مجرد التفكير بهذا خلاها تصرخ من راسها جات لها أمها تركض وتهدأها أم تركي" يمه بنيتي بسم الله على قلبك عمري ميثه تبكي " راااااااااااااشد حبيبي أم تركي" يمه راشد بخير بس أنا شفتك نايمه ما حبيت إني أزعجك ... ميثه تطالع بعيون أمها تدور على الحقيقة من بين عيونها"................. أم تركي" هم خبروني انه بخير لكنهم حاطينه تحت الملاحظة وان شاء الله بيقوم منها ميثه تحضن أمها وتبكي لكن هالمرة من الفرح \\ // في اليوم الثاني وفي النمسا وعند صيته وماجد ... كان ماجد جالس على السرير ويطالع بصيته اللي كانت مثل الملاك نايمه على جنبها وشعرها ملخبط على وجهها قرب منها ماجد بابتسامه وصار يرفع الخيوط الحرير من شعرها عن وجهها لحد ما بين بياض وجهها قرب منها وباسها بوسه طويلة جلستها من نومها صيته بخجل" صباح الخير حبيبي ماجد" صباح الجمال صيته منحرجه منه" فطرت ؟؟ ماجد" وأنا اقدر آكل شي قبلك ؟؟ صيته بتموت بمكانها" طيب روح الصالة الحين بس اتروش أجهز لك فطورك ماجد بنظرات متلهفة" بس أنا مو جوعان صيته تبتسم له" والله أنا أعرف أغلي الحليب لا تخاف ماجد يبتسم لها" أنا أخاف ؟؟ إي بالله أنا أخاف على حالي من نظراتك وأخاف انك تتركيني لوحدي صيته تغير الموضوع" اليوم بنروح البحيرة؟؟ ماجد" أنا أحس إني مكسل وما ودي أقوم من السرير صيته استغربت من رومانسيته اللي زادت عن حدها اليوم لكنها ما علقت وقامت تغسل لكنه مسكها من يدها وطلب منها إنها تظل بجنبه لحد ما ينام صيته انصاعت له لكن بقلبها تدعي على نوف ألف مره ..... ,, في غرفة نواف ونوف ... نوف" حبيبي أبغي أكلم بيت أهلي .. نواف" يا عمري دقي لازم تستأذنين ؟؟ نوف" وش أسوي بعمري ذوووق نواف يبتسم لها" في كل شي ما شاء الله عليك ...بس تدرين متى احكم عليك صح ؟؟ نوف " متى ؟؟ نواف" لما نرجع البلد ... وأجرب طبخاتك نوف" ههههه طلبت غالي يا ولد عمي ...تدري إني ما أعرف أسوي شي نواف" هههههه علينا ؟؟ ما أتوقع أخوك تركي وما تعرفين تطبخين نوف" هههههه وش له ها لسيره من صباح الله خير نواف" هههه ...أقول دقي على العرسان بنظل ننتظرهم كثير؟؟ خلص اليوم وهم بفراشهم نوف بابتسامه خبيثة" تعبت وأنا أدق عليهم وما ردوا علي شكلهم ذايبين في العسل نواف بيجننها" هذي العرسان مو أنا حسره علي نوف حطت يدها على خصرها" وش قصدك ؟؟ نواف مو ملتفت لها حتى يغطي على ابتسامته" يعني اللي يشوفنا يقول متزوجين من سنتين نوف" اوووه حراااام عليك نواف ...خاف من ربك ... يعني أنا مقصرة بشي ؟؟ نواف" اوووه كثير مو شي واحد نوف عصبت جد" مو مشكله ...وطلعه ما ني طالعه وروح اطلع لحالك نواف يبتسم " والله براحتك ..يا كثر البنات اللي تارسين الشوارع ويدورون واحد مثلي ....وسيم نوف جن جنونها وصارت تتوعد فيه وترمي عليه كل شي قدامها وهو يتحاشاهم وميت ضحك على تصرفاتها \\ // في الشرقية .... كان مالك جالس بغرفته وحاط يده على راسه وش يرد عليها ويقول .... هذي مو جرأه هذي وقاحة كيف ترضى على حالها إنها تحط حالها بهذا الوقف قدام رجال غريب عنها ؟؟ معقولة تفكرني راح أكون لها ؟؟ يعني أنا ارفض العفاف والطهر شيماء بنت خالي وأفكر بوحده مثلها؟؟ أنا آخذك وإنتي ملاذ كل هارب من واقعه ؟؟؟ والله انك ما عرفتيني زين يا بنت عمي .... في هذا الوقت دقت عليه نوره مالك يرد وهو ياخذ نفس طويل " هلا والله نوره بصوت مرتاح" هلا مالك كيفك؟؟ مالك" الحين صرت زين من سمعت صوتك نوره مستغربه"........... مالك" نوره .... نوره بهدوء" آمرني مالك" أنا آسف ...كنت قاسي معك شوي نوره بدلع" شوي ؟؟ مالك" هههه لا مو شوي .....كثير نوره راحت فيها بعد ضحكته اللي تسمعها أول مره" مو مشكله يا ولد عمي مالك" نوره ...أحبك تناديني باسمي نوره" مالك ...أحلى اسم مالك بحنان مبالغ فيه" اللــــــــــــــه الحين بس عرفت إن أبوي سوى فيني خير لأن اسمي طالع غير شكل من لسانك نوره" هاهاهاي ... وكأنك واحد ثاني متأكد انك مالك مالك" والله أنا هذي شخصيتي ... لكن يوم كلمتك هذاك اليوم كنت متضايق الف نوره" بسم الله عليك من الضيق..... مالك ...انت تعني لي الكثير مالك" أشكرك ... وأنتي إنسانه طيبه كثير نوره " بس ؟؟ مالك" نوره كيف عرسانا ؟؟؟ ما تكلمينهم نوره تضايقت لأنه غير الموضوع" هم بخير ويسئلون عنك ...كل يوم نكلم صيته , ليه أنت ما تكلم ماجد؟؟ مالك " إلا أكيد ماجد حبيبي واخوي ...لكن ها لفترة صاير في سوء تفاهم بينا نوره بخوف" كيف كانت علاقتكم ؟؟؟ يعني تفضفضون لبعض وأسراركم عند بعض ولا كيف ؟؟ مالك بخبث" والله شخصية ماجد غريبة شوي عنده قاعدة الله يهديه صديقك اللي يمك ...ومن يروح عني ينساني ماجد هو صديقي من أيام الدراسة لكن من راح بلاده تدرين العلاقة ما راح تستمر بنفس الطريقة...لأن المكان والزمان يغيرون شوي ...والبعيد عن القلب بعيد عن العين لكني ما أنكر إني أحبه وأغليه نوره" أصلا ماجد ما عنده شخصيه ...الله يساعد أختي عليه مالك ما قدر يتحمل يسمع هذا الكلام على ماجد" لو سمحتي لا تتكلمين عنه بالشينه نوره " أنا آسفة ما كان قصدي مالك محتار كيف يتعامل معها" لا تتأسفين صحيح الرجال غايب لكن ملائكته حاضره .... نوره" خلينا من سيرة ماجد كلمني عن نفسك ... أبغي أعرفك زين .... مالك يتهرب " عن إذنك نوره لكن أمي تنتظرني أوديها بيت خالي نوره بضيق" راح اسمع صوتك مره ثانيه ؟؟ مالك" ما أوعدك لكن بحاول نوره " ايي بس ... مالك يقاطعها" سلام قفل الخط ورمي حاله على السرير وهو متنرفز حده " أنا لك يا نوره لحد ما تعرفين إن الله حق ... وأنت يا عمي أتحمل ما يجيك لأنك انت اللي بديت والبادي أظلم ................... ,, في بيت بو طلال ....الكل مجتمع على طلال ومبسوطين فيه لأنه بينهم طلال" هاا يمه بشرينا عن حالك؟؟ أم طلال تبكي " تسألني اليوم يمه ؟؟ الحمد لله رب العالمين اللي بلغني شوفتك قبل ما أتوسد الثرى بو طلال" إن لله ؟؟ يعني تبكين وهو بعيد وتبكين وهو يمك بعد ؟؟ طلال" هههههه وكأن عدم وجودي سبب لكم أزمة شمسه" أي بالله خصوصا إذا صار خاطرنا بــ آيس كريم ومحمد عيا يروح طلال" هههه يعني للمشاوير بس شيخه " اتركها عنك البيت بدونك ما يسوى شي يا بعد عيني طلال" ايي هذا الكلام اللي يسر الخاطر طلال يلتفت على شيماء اللي كانت بس تطالعهم وتتبسم شيماء تطالعه " نورت البيت طلال وقلبه قارصه عليها يعرف إن بخاطرها شي " منور بوجودك يا لغلا شوي إلا ويسمعون صوت أم مسعود تدخل عليهم " يا أهل البيت ...ندخل؟؟ أم طلال" هلا وغلا يا لله حيهم دخلت أم مسعود ومها مرام ورغد عندها فز طلال من مكانه يوم لمح طيفها " هلا عمتي حياك سلمت عليه وهو نظراته للبنات طلال" كيف حالكم يا بنات ؟؟ البنات" الحمد لله على السلامة طلال" الله يسلمكم ... تو ما نور البيت حياكم أم مسعود" طلال مالك ينتظرك بره طلال باستغراب" يا لله بروح له الحين جلسوا الجماعة يسولفون وشيماء جالسه وراسها مو معهم .... تحس بشعور غريب من يجي طاري مالك والمشكلة إن الكل حاس فيها ,, في مجلس الرجال كان طلال جالس مع مالك والصمت يعم المكان ...ما في بينهم حوار ومالك جا يأدي الواجب لا أكثر طلال" وش أخبارك ؟؟ مالك" الحمد لله طلال" مالك ... مالك" سم طلال" بخصوص أختك مرام أنا خاطري اعقد خلال هذا الأسبوع لأن ما عندي إلا أسبوعين إجازة مالك" كلم أمها ...أو كلمها ...أنا مالي دخل طلال بضيق" كيف مالك دخل أنت ولي أمرها مالك" مرام كبرت وصارت تتخذ قراراتها بنفسها .. وأتوقع كلامي لا راح يقدم أو يأخر ولا لا ؟؟ طلال" ايي يا مالك بس .. مالك يقاطعه بوقفته" أقول طلال قول لأمي إني بروح وبرجع لهم بعد ساعتين طلال عرف إن ما في فايده من الكلام " مشكور على العموم مالك" هذا واجب ...أسلم عليك طلال" في أمان الكريم \\ // في الرياض وعند ميثه..... أم تركي" يا يمه وش تروحين عنده ؟؟ أصلا راشد في غيبوبة وما يدخلون أحد عليه ... ولو رحتي ما راح يحس فيك ميثه تلبس عبايتها وما ترد عليها "............ أم تركي" شسوي بعمري يكفيني أخوك اللي ما أدري عنه شي ميثه عندها ذكرت تركي واللي سواه براشد جلست على السرير وصارت تبكي بقلب أم تركي" وش له البكي طيب الحين ؟؟ يدق جوال ميثه رفعته بلهفه" إييي خالي ...أنا جاهزة ...الحين أطلع ...مع السلامة خذت شنطتها وراحت تركض لبره ركبت السيارة مع خالها ميثه بصوت متقطع" شلون راشد؟؟ بو راشد ياخذ نفس عميق" محتاج دعواتكم ميثه ما قدرت وقتها تمسك دموعها"............. بو راشد بس لو تقولين لي كيف تعور كذا؟؟ ميثه تذكر اللي صار بين راشد وتركي وتتذكر صرخة راشد اللي للحين عالقة بإذنها "......... بو راشد قدر شعورها وقرر انه يسكت عنها لحد ما ترتاح وصلوا المستشفى وميثه تحس إن رجولها خانتها ... مو قادرة تمشي زين كانت ماسكه بيد خالها وكأنها وحده صغيره ماسكه يد أبوها وهو يمشي يحس انه يجرها جر .. وقفوا بجنب غرفته ... الممرضة " عندكم تصريح من الدكتور؟؟ بو راشد" اييي هذي زوجته ....وهذا التصريح من الدكتور الممرضة " الأخت ميثه ...أنتي زوجته ؟؟ ميثه تهز لها براسها يعني اييي خذتها الممرضة ودخلتها غرفه صغيره فيها مغسله وطلبت منها إنها تغسل يدها بالصابون المخصص ولبستها بعد كذا بالطوا ولبستها كمامة على وجهها الممرضة" بدخلك الحين بس لا تحاولين انك تكلمينه طيب ؟؟ ميثه تهز براسها يعني اييي ودموعها مو راضيه توقف دخلت ميثه الغرفة اللي كانت صغيره وكلها أجهزه ...كانت تطالع براشد وهو نايم على السرير وتسأل حالها معقولة هذا راشد ؟؟ كان راسه كله ملفوف ووجهه مو باين من كثر الأجهزة وكانوا مربطين صدره بالسرير حتى ما يتحرك فجأة وقفت قدامه وكانت تطالعه وتسأله بصوت واطي ميثه" وين هيبتك يا زين الرجال ؟؟؟؟وين طولك اللي يزين الثوب ؟؟؟؟وين ابتسامتك اللي تحلف فيها كل بنات الكون ؟؟؟ راشد لك حياتي فدوه لعيونك حبيبي بعد كذا مسكت يده اللي كانت جافه وكأنهم ساحبين الدم من كل عروقه ... ميثه مو قادرة إنها تستمر أكثر خاطرها تجلس معه لكن نفسها كل ماله ويقل ...تحس إنها بتموت هنا بجنبه كان كل شي بالغرفة ماله صوت غير صوت بعض الأجهزة اللي كان صوتها دقيق جدا ...وكان يسلي صوت نفس ميثه بهذي الغرفة الموحشة الممرضة رجعت الغرفة وطلبت من ميثه إنها تطلع ...لكن ميثه كانت تحاول فيها وتترجاها إنها تظل بجنبه .. الممرضة اعتذرت منها وخبرتها إنها أوامر الدكتور طلعت ميثه من الغرفة وقلبها عنده ....ما لقت إلا الدكتور واقف والكل حوالينه بو راشد" تكفى يا دكتور طمني عن ولدي الدكتور" راشد في وضع حرج ... والغيبوبة يمكن تستمر معه وما يصحى ...وممكن انه يفوق منها لكنها راح تسبب له بالشلل الكلي ميثه عندها ما قدرت تمسك حالها وجلست على الأرض... وعلا صوت أم راشد بالبكي .... بو راشد طلب منهم أنهم يمسكون أعصابهم مع انه ميت وهو واقف لكنه يحاول انه يكون أقوى منهم ... حاول انه يرفع بنت أخته اللي كانت منهارة مسكها من يدها وجلسها على الكرسي كانت ميثه في سكون غريب ...ممكن يكون السكون اللي يسبق العاصفة ... وممكن يكون سكون قليل الحيلة ميثه كانت تطالع بزهور وطروب وهم جالسين يواسون أمهم وهم يبكون جات الممرضة وعندها صندوق كانت فيه أشياء راشد الخاصة من محفظه وجوال والسبحة و....الدبلة وعطتهم لميثه اللي كانت شوي ويغمى عليها لكن طروب جات تركض وخذت منها الأغراض ومسكت الدبلة ورمتها على الأرض طروب بحده " هذي الدبلة ما راح يحتاجها راشد بعد اليوم ميثه كانت تطالع الدبلة وهي تدحرج تحت رجول الرايح والجاي ... من غير ما تحس لقت حالها جالسه على الأرض تدور على الدبلة ؟؟؟؟؟؟؟؟؟؟؟؟؟؟؟؟ \\ // في النمسا وعند نواف وماجد ... ماجد" لا تقول !! نواف" ايي بالله المشكلة إن للحين محد عارف شي ماجد" طيب؟؟ نواف بنضطر إن إحنا نلغي الحجز وننزل بكره ماجد ما وده يرجع خصوصا انه توه يبتدي يحس بحلاوة قرب صيته" مو مشكله ...بس ما في حل ثاني ؟؟ نواف" نوف لازم بأقرب وقت تروح عند أختها حتى تكون جنبها ... وأنا بصراحة قلبي ما كلني على راشد وربي انه ما يستاهل اللي جاه ماجد" خلاص ....اللي تشوفه نواف" بس هااا ...ما أوصيك لا تتكلم لصيته على اللي صار ولا تقولها أصلا إن إحنا راح ننزل ماجد" على خير ...أنت ضبطت كل شي ؟؟ نواف" لا تحاتي أنا كلمت واحد أعرفه بالمطار وقال اعتمد ماجد" على خير إن شاء الله تركوا بعض وكل واحد رجع غرفته ... دخل ماجد وما لقى صيته بالصالة .. صار يناديها ماجد" حبيبتي وينك ؟؟ صيتـــــه صيته من بعيد" لحظه ... دقيقتين بس كان صوتها جاي من بركة السباحة .. على طول ماجد راح لعندها ... دخل عليها وهي كانت طالعه تسرع من البركة بتاخذ المنشفة ماجد يمسك المنشفة اللي على الكرسي"أنا اسميها خيانة صيته بخجل" والله شفت البركة ما قدرت انتظر ماجد يبتسم " إلى هذي الدرجة ؟؟ صيته" هههه غرامي أصلا ما أقاومها لين شفتها ماجد يلفها بالمنشفة " نفس شعوري لين شفتك صيته سحبت نفسها من عنده بالغصب وراحت الغرفة حتى تغير ملابسها ماجد بصوت يكون مسموع لها" هههه الخجل إذا زاد يكون مو حلو صيته تدخل الغرفة وحالتها حاله من زود الربكة اللي هي فيها ,, في غرفة نوف ونواف.... نوف تجيب له كاس العصير اللي كان خيااااااال نواف" الله .... وش كل هذا نوف" لا تقول رآيك جربه بالأول نواف يشرب شوي" اممم خيال تسلم يدك نوف" هههه حلو طعمه ؟؟ نواف يجننها " يجنن وربي ... احلي من طعم شفايفك بشوي يمكن لأن العاملة اللي بالمطعم جربته بشفايفها ؟؟ نوف جن جنونها" أي عامله ؟؟ نواف" ههههه اللي بالفندق لأني شفتها قبل شوي تدخله عندك نوف بجنون" اهاا الحين عرفت ...تقول بروح أجيب غرض وتروح تترزز لي بالمطابخ تبع الفندق نواف" هههههههه وربي انك ظالمتني ... بس بغيت أكشفك حتى مره ثانيه ما تكذبين علي نوف قلبت السالفة عليه" طيب يا نواف ...أنا زعلت وشوف كيف بتراضيني ؟؟ نواف وهو يشرب العصير" مو لما أفكر أراضيك بالأول ؟؟ عصبت نوف وراحت للغرفة وقفلت الباب عليها ... لحقها نواف للغرفة" أقول بلا دلع وفتحي الباب نوف" وربي ما ني فاتحه ... وروح نام بالصالة نواف"ههههه يصير يعني أسبوع جلسنا بالنمسا يا أنا بالصالة يا أنتي؟؟؟ نوف" كله منك لازم تعكنن علي نواف" طيب براحتك عطيني مخدة ومفرش أتغطى فيه نوف" ما عندي لك شي .... دبر حالك نواف " خلاص أروح الحق العاملة قبل ما تستأذن وتروح نوف بحده" جرب حتى يكون موتك بيدي نواف بيموت ضحك بس كلمها بنبره حادة " طيب بجرب ...سلام نوف تحط أذنها بالباب.. لكنها ما سمعت له حس طلعت بسرعة من الغرفة ... وما فتحت الباب إلا وشافته واقف ويطالعها نوف مرتبكة تفتح له الباب " ادخل نواف يعطيها ظهره ويروح يجلس بالصالة" لما اشرب العصير ... تعالي جربيه نوف بجنون" أصلا أنا كرهت العصير وما راح اشربه ابد نواف بيموت من الضحك عليها" ههههههههههه \\ // مالك نايم على سريره وجالس يفتح كل المسجات اللي وصلته من ماجد من سافر للنمسا...اللي كان هو طبعا ما يرد عليها وشوي يضحك وشوي يتضايق ............. أحس اني مو مبسوط ...وجه نوره وعيونها تلاحقني بكل مكان صيته تستحق إن الواحد يتعب على شانها ونوره ادري إنها مو لي ....لكني مو قادر أنساها تدري ؟؟ بعدك بيجنني حن علي شوي أنت عارف انك يدي ورجولي , سلامي لروحك ............. هلا بصديق الطفولة هلا بدنيتي وناسي.. اليوم حسيت بشي غريب ... عرفت إن كلامك منطقي وواضح بس أنا لا كنت اسمع ولا افهم... صيته من أطيب البنات.... ولو أني أحس إن في حواجز بينا لكني أحس إن الدنيا كلها لي إذا صرنا سوا.... وأتوقع الغلط في كل هذا إن علاقتنا كانت متأخرة شوي لأني لو كنت تعرفت عليها قبل نوره كان كانت هي قمة سعادتي أدعي لي تكفى يا خوك .... ................. صباح الخيرات ....تدري انك شايف حالك بزود اصدق ما اشتقت لي ؟؟ على العموم ما راح أبطل رسائل إلا لما اسمع صوتك .... هاا وش رايك أدق؟؟ ههههههه ................. حبيبي مالك .... اليوم أول يوم ابتدى من حياتي مع صيته ونعم البنت الخلوق ونعم التربية ....مع إني تعبت معها بس ربك ستر ...ادعي لي لأني ميت بالعسل ههههههه ............... مالك .... تدري إن النمسا جنان, اليوم رحنا البحيرة صحيح إنها عجيبة لا تقولي دمامنا غير ولا أقولك جده غير لأن النمسا غير الغير ...هههههههه تكفى رد علي ولا بتلاقيني في المستشفى بسبتك ... بس مو الحين بعد ما أخلص عسل مع صيته هههههههه لك اشتياقي. ........... هلا اخوي.... أنا متضايق اليوم كثير , تخيل إن إحنا بنرجع بكره في أمور جدت في العائلة ولازم نرجع بس والله خايف لما أشوف نوره تنقلب حياتي فوق تحت .... لك مني أحلى كلام وأرق ابتسامه محتاج دعواتك لا تبخل علي ............. مالك تنهد تنهيده كبيره وقرر انه يدق على نوره .. اللي ردت عليه وهي متلهفة نوره" هلا وغلا مالك بحده" نوره أنا جاي الرياض وأبغي أشوفك نوره" متى ما بغيت عطني الوقت والمكان وأنا أكون عندك مالك فتح عيونه على الآخر ؟؟؟؟؟؟؟؟؟؟؟؟؟؟؟؟؟ | | |
 | |