البارت التاسع والثلاثون

مالك بابتسامه رفع المحفظة من جيبه وحسب اللي بداخلها

مالك" تفضل يا عمي ما بداخلها الا 322 ريال

طارق كان جالس يطالع فيهم وخاطره انه يضحك لكنه

خايف من أبوه....استلم بو نواف من عنده الفلوس والتفت

على نواف

بو نواف بحده" نواف دق على الشيخ حتى يجي نعقد على

نوره ومالك وهذا مهرها

مالك وقف على طوله وهو مو قادر يستوعب

؟؟؟؟؟؟؟؟؟؟؟؟؟؟؟؟؟؟

\\

//

\\

في دبي تجمعوا كلهم على السفرة ماعدا ميثه وراشد

راشد يطالع بميثه" حبيبتي من وصلنا وانتي ما ارتحتي

ميثه " مرتاحة كثير وأنا بجنبك

راشد يبوس يدها" الله لا يحرمني منج ...صحيح الله ما

يقطع من جهة إلا ويوصل من جهة ثانيه

ميثه "ودك أجيب لك الأكل هنا لعندك ؟؟

راشد" وش رايك ناكل بغرفتي اللي راح تنور بدخولج فيها

ميثه خجلانه"............

أم راشد جايبه له عشاه لعنده" ما اوصيج براشد يا ميثه خليه

ياكل كل الأكل حتى يرد عضمه

ميثه" بهدلتي حالك يا خالتي

أم راشد" وه هذا غناتي ويحلى التعب له

راشد" تسلم الأيادي يا غالية ...

يمه وصيها علي خليها تهتم فيني زين أنا مريض وتلزمني

رعاية

أم راشد" هذي القمر ما تحتاي توصيه ....تحبك وهمها

رضاك

راشد صار يطالعها وعلى وجهه ابتسامه" أدري يمه

تخبريني عنها ؟؟

ميثه" وش رايك تحب الليمون بالشوربة؟؟

راشد" إييي والله أحبه وأحب تشربيني إياها بعد

ميثه صارت تطالع بخالتها وهي محرجه

راشد" أنا مريض وما أقدر ارفع الملعقة أكثر من مره

....أتعب

أم راشد" أكليه يا يمه هذا ريلج لا تستحين

راشد" يمه أسمع أبوي يقول بنيلس بالملحق

أم راشد" اييي يمه بس يبغي له ترتيبات وأثاث انت راح

تيلس في غرفة الضيوف وميثه عند البنات لحد ما نرتب

لكم الملحق

راشد مذهول" لا ...ما يصر كذا أنا بمكان وزوجتي بمكان

؟؟ أنا مو موافق

أم راشد" كلها يومين وراح تصير معك ...لا تستعيل وأنا

أمك

راشد يبتسم" هههه طيب بس لازم تيلس عندي لحد ما أنام

وبعدين براحتها

أم راشد" والله مرتك يمك وانت أبصر بحالك

راحت أم راشد عنهم عندها ميثه صارت تطالعه

ميثه" خجلتني منها كيف تقول قدامها كذا عني ؟؟

راشد" حقي ...زوجتي وبكيفي

ميثه" هههه والله انك عجيب

راشد" عارف عارف ...بس يا لله أنا جعت بتأكليني ولا

لا ؟؟

ميثه" لا ... والله استحي قدامهم

راشد" وأنا قلت لك بوسيني ؟؟ يكفي إني بيلس بالغرفة

لحالي لحد ما يجهزون لنا الملحق

ميثه" ههههه

راشد بزعل" لو ما بتأكليني ما راح أسوي العملية

ميثه"؟؟؟؟؟؟؟؟؟؟؟؟؟؟؟؟؟

..............

,,

بو نواف بحده" نواف دق على الشيخ حتى يجي نعقد على

نوره ومالك وهذا مهرها

مالك وقف على طوله وهو مو قادر يستوعب" معقولة

الكلام اللي اسمعه ؟؟؟

بو نواف" مو انت تبغي نوره ؟؟ نوره لك

نواف بزعل" اييي يبه بس مو بهذي الطريقة

بو نواف" يا تعقد اليوم ولا اتكل

مالك جلس وهو براسه ألف سؤال يحتاج إيجابه وأولهم

كيف تكون نوره من نصيبه؟؟

,,

وصل الخبر من طارق لنوره اللي طلب منها ترتب حالها

نوره بفرح" من جدك ؟؟ لا تكذب طارق تكفى

طارق" وربي ما كذبت اللي سمعته إن مهرك 322 ريال

نوره وعلى خدها دموع الفرح تلم طارق وتبوسه" حبيبي يا

اخوي لك هديه على هذا الخبر

طارق باستغراب" من جدك فرحانة؟؟

نوره" بمووووت وربي هذا الحلم اللي كنت أحلم فيه طول

عمري ...وأخييييرا يا مالك

طارق طلع من عندها وهو مستغرب ؟؟؟؟؟

نوره راحت عند المرايه تطالع بحالها

شافت وجه شاحب لكنه مليان فرحه وحب صارت تدور في

الغرفة على حالها وهي تغني وترقص

تدخل عليها أم نواف" ههههههه وش جالسه تسوين ؟؟

نوره" يمه أبوي وافق أخيرا ...

أم نواف" عارفه يا بنتي الله يسعدك لكن دخلي تروشي

بسرعة الشيخ على وصول

نوره وهي تسحب المنشفه من على الشماعة" يا لله يا لله

خمس دقايق ...

أم نواف فتحت الدولاب تطلع لها فستان يستاهل هذي

المناسبة المميزة والمفاجئة بنفس الوقت

...........

,,

في الشرقية عند مرام ...........

شيخه " مرام الحين الساعة 9 متى يعني؟؟ الشيخ ما راح

ينتظر أكثر وطلال بدى يتوتر

مرام دموع بس".............

أم مسعود" ذكري الله يا بنيتي ...أخوك ما تشغله عنك إلا

الظروف

شمسه" والله حقه طلال يزعل ويروح ما يرجع وش ذا

اللعب بالأعصاب ؟؟

شيماء تسحبها وتطلعها لبره

طلال من بعيد" شيخه ....أم محمد تعالي

شيخه " يا لله اخوي دقيقه

مرام تطالعها"...........

شيخه بحيرة" وش أقوله الحين ؟؟

مرام بزعل" قولي له ما اقدر بدون وجود مالك ... شيخه

تكفين خبريه إن هذا الشي غصب عني مو بكيفي

شيخه تطالع بعمتها...اللي كانت محتارة وما تقدر تقول شي

طلعت شيخه لطلال اللي كان واقف ينتظرها

طلال" وش جالسين تسوون لهذا الوقت ؟؟ أحرجتونا مع

الشيخ عنده ارتباطات ومشاغل كثير غيرنا بيروح لها

شيخه" هدي يا اخوي لكن مرام مو راضيه تعقد

طلال بذهول" شنوو؟؟ شيخه وش قلتي ؟؟

شيخه بضيق" مو راضيه تعقد إلا لما يكون مالك موجود

طلال " ليش هو كان لعب عيال ولا كيف ؟؟

شيخه" لازم تعذرها يا اخوي نفسيتها تعبانه ووجهها متورم

من البكي

طلال تأزم " يعني مالك وينه؟؟

شيخه" ما أدري ... وهم يكلمونه ما يرد عليهم

طلال" يعني كيف ننتظر؟؟ بجهنم إن شاء الله وش دخلني أنا

فيه ؟؟ المفروض إن عنده علم بموعد العقد

أنا ما راح انتظر احد ...ولو يبغي يجي كان هو أول واحد

كان موجود

شيخه" طلال المفروض تكون انت العاقل وتتفهم

طلال معصب "طيب وينها هي الحين .... خليني بدخل

اكلمها

شيخه" لااااا وش تدخل البنت تعبانه كيف بتكلمها أصلا هي

ما راح ترضى

طلال بيجن" خبريها لو ما عقدنا اليوم ما راح نعقد بيوم

ثاني ...خبريها إني مو لعبه بيدها

شيخه" اذكر الله يا اخوي ...ولا تعقد الأمور

طلال متنرفز" هذا اللي عندي وعندكم ربع ساعة يا أما

تحلون اللغز ولا بعدها ما بتشوفوني

راح طلال وهو معصب حده ...رجعت شيخه لهم

شيخه" والله مو عارفه وش أقول

أم مسعود" لا تقولين شي صوت طلال كان واصل لعندنا

مرام تبكي" خلاص براحته خليه يروح

شيماء تروح تجلس عندها" مرام لا تعقدين الأمور ...تكفين

لا تخلين سبب بسيط يدمر حياتكم وحبكم

مرام" كلكم مو حاسين فيني ...أنا ما أقدر اعقد واخوي

الوحيد مو جنبي, حرام عليكم كلكم ضدي

أم مسعود" يمه عقدي اليوم والحفلة نخليها ليوم ثاني

شيخه" كلامك عين العقل عمتي ....العقد اليوم ولما يرجع

مالك نسوي الحفل ,وعندها مالك هو اللي يقدمك لطلال بيده

ها وش قلتي؟؟

مرام تمسح دموعها" براحتكم

أم مسعود " يا لله يا بنات دقوا على بو طلال يجي ياخذ

موافقة مرام

.....................

,,

في جده .....

يدخل ماجد الشقة ويسمع صوت صيته تدندن بأغنيتها

المفضلة ((أحبك)) بدورة المياه

ماجد جلس وفتح التلفزيون وكأنه كان يتابع شي

طلعت صيته لكنها تفاجأت بوجوده " بسم الله الرحمن

الرحيم

ماجد بضيق" شفتي عفريت ؟؟

صيته" لا عذرا لكني قفلت الشقة ما توقعت احد يدخل هذا

الوقت

ماجد" الظاهر انك نسيتي إني زوجك وهذي شقتي بعد

وعندي مفتاحها ؟؟

صيته" خلاص ماجد لا تكبر الموضوع ما صار شي

ماجد بهدوء" أتمنى

صيته دخلت غرفة الملابس تلبس ...

ماجد بحنان" حبيبتي

صيته" هممم

ماجد" أنا عازمك على طلعه أوريك جمال جده

صيته تطلع له" مو اليوم

ماجد كان منجذب لها كانت لابسه الفستان اللي يحبه عليها

...فستان ليموني قصير فيه حزام ابيض عريض وجزمه

بيضا وشعرها مخليته على راحته

صيته لاحظت نظرات ماجد " وش فيك تطالع فيني كذا ؟؟

ماجد يقرب منها" لبستي الفستان اللي احبه ... افهم من كذا

انك لابسته على شاني؟؟

صيته تطالع بحالها" ما انتبهت ..على العموم كويس انه

عجبك

ماجد" يعني من رأيك نسهر بالبيت ؟؟

صيته" اييي راح يجون جاراتكم يبغون يتعرفون علي

ماجد يطالعها بنظرات غريبه" اهاا وكل هذا الزين لهم ؟؟

صيته بلا مبالاة " أنا اليوم صورتك يا ماجد وإذا كنت حلوه

راح يقولون زين ما اختار ماجد .... ههه وهم ما يدرون

إنها كانت صدفه

ماجد فهم هي شنو تقصد من كلامها " أجمل صدفه

صيته تطالعه " أتمنى

ماجد" بالتأكيد راح يشوفون جمال مو معقول ...لكن يا ليتك

تقرين على حالك حتى ما تصيبك العين

صيته" هههه لا توصي حريص جدتي عودتني على طول

أقرى على حالي المعوذات حتى لو كنت بين حبايبي

ماجد بحب" تقصديني أنا؟؟

صيته تتهرب منه تطالع نفسها بالمرايه نظره أخيره" يا لله

استأذنك بروح الحين يمكن الضيوف وصلوا

ماجد يمسك يدها" حبيبتي...ما تلاحظين من جينا جده

ما جلسنا مع بعض؟؟

صيته ببرود" في وقت ان شاء الله

ماجد يقرب منها ويهمس لها كلمات حب صادقه

صيته" ماجد ...انت عارف اللي صار... يعني ما حاجه

تلبس لي قناع الحب وأنا عارفه شعورك تجاهي زين

ماجد بزعل" صيته انتي زودتيها وأنا ما أسمح لك تعامليني

بهذي الطريقة

صيته تتحاشاه " انت اللي جبرتني يا ماجد

ماجد" وأقدر أجبرك على أشياء كثيرة بعد

صيته بخوف" هذا الواقع ...أنا ما جبت شي من عندي أنا

اعرف شعورك تجاهي على شان كذا ما يحتاج نلعب على

بعض ونتصنع الحب قدام الناس

ماجد وعيونه بعيونها" خير خير ...أنا بسوي كل اللي تبغين

يا صيته وبعدها لا تلومين إلا حالك فاهمه ولا لا؟؟

طلع من قدامها وهي ترجف من الخوف كان ماجد في قمة

غضبه وهذا الشي بدى يوترها وخلاها تسأل نفسها هل اللي

جالسه تسويه صح أو غلط

؟؟؟؟؟؟؟؟؟؟؟؟؟؟؟؟؟؟؟؟

,,

في الرياض وعند عريس الغفلة ...وصل الشيخ وكان الكل

متأزم وكأنها جنازة مو زواج

ولما سأل الشيخ كم المقدم تفاجأ بالسعر اللي همس له بو

نواف له ولما سأل عن المؤخر

مالك تفاجأ من رد بو نواف يوم قال المصحف الشريف

كانت تصرفات بو نواف غريبة كثير

بعد ما طلب الشيخ انهم ياخذون وكالة العروس طلب بو

نواف إن العروس تدخل قدام الشيخ حتى يسمعها بإذنه

كان العقد بارد ما فيه احد غير نواف وأبوه وطارق حتى بو

تركي ما كان عنده علم

شوي وتدخل نوره وهي لابسه عبايتها وشيلتها وحاطه على

راسها طرحه خضره طويلة راحت وجلست قدام مالك

كمل الشيخ الإجراءات وبارك لهم وراح طارق يوصله لعند

الباب عندها بس قام نواف وبارك لمالك ورفع طرحة نوره

وبارك لها

مالك ما رفع راسه لها أبدا ولا حتى طالعها مع إنها كانت

تطالع فيه وعيونها ما شالتها من عليه

دخلوا أم عبد الرحمن وأم نواف وهم يزغردون لكن صرخة

بو نواف فيهم خلتهم ما يقدرون يتنفسون بعدها

بو نواف" مالك...خذ عروستك واتكلوا على الله

نواف باستغراب " ياخذها ؟؟ ياخذها على وين ؟؟

بو نواف" مالهم مكان ببيتي ...حتى زيارة ما أبغي أشوفهم

جايين وطابين ذا البيت برجولهم

نوره" يبه ...انت وش تقول ؟؟

بو نواف" اللي سامعتيه ...انتي ما بغيتي مالك وكنتي

بتذبحين نفسك على شانه هذا هو يمك روحي معه

أم عبد الرحمن" صل على النبي وين تبغيهم يروحون بهذا

الوقت ؟؟

بو نواف معصب " الفنادق ماليه البلد ....ولا ولد الأجاويد

ما عنده فلوس يدفع للفندق

مالك يطالعه والحقد بينط من عيونه "...........

بو نواف "أم نواف ....روحي حطي لنوره كم غرض

وخليها تروح

نوره بحزن" ليه يبه... ليه تسوي فيني كذا ؟؟

مالك جالس بس يسمعهم ويفكر بالمصيبة اللي حطت فوق

راسه"..........

نواف" يبه اسمعني ..

بو نواف بصراخ" بس ولا كلمه ...أنا قلت مالك ونوره

مالهم جلسه ببيتي وأنا ما اثني كلمتي

مالك بضيق يمسك يد نوره " يا لله نوره وش تنتظرين ؟؟

نوره تبكي" انتظر يا مالك ...

مالك" تبغيني أتهزأ واسمع إهانات اكثر من كذا ؟؟

نوره تطالعه وهي تبكي"..........

أم نواف" لحظه مالك أحط لها كم غرض...

مالك" دام إنها معي ما راح تحتاج لشي لا منكم ولا من

غيركم ...يا لله في أمان الله

راح مالك ويده بيد نوره اللي كانت تبكي من قلب كان هذا

الشي اللي ما توقعته من أبوها

نواف بحده" مالك انتظر ...

مالك يوقف ويطالعه بدون ما يتكلم"...........

نواف" ما راح تخلي نوره تسلم على أمها وجدتها؟؟

مالك يطالع بنوره" أنا انتظرك بالسيارة

عندها ترك مالك يد نوره اللي راحت جهة نواف ورمت

حالها في حضنه وصارت تبكي على صدره

نواف متضايق " حبيبتي لا تبكين ..أروح فدوه لعيونك يا

بعد عيني خذي هذي

نوره" شنو ؟؟

نواف" هذي بطاقة بنك فيها ما يقل عن 200 ألف خليهم

عندك يمكن تحتاجينهم

نوره" الله لا يخليني منك ...لا تنسوني خلوني أشوفكم

نواف" أكيد لا تحاتين إحنا مالنا غنى عنك ... يا لله روحي

سلمي على أمك وجدتك

راحت نوره سلمت عليهم وهم دموعهم ما تبارح وجههم

ونوره حايره في عمرها ونست الفرحة في هذي اللحظة

هناك عند مالك اللي كان جالس في سيارته وهو يفكر باللي

صار شاف نواف قدامه ...طلع مالك من السيارة

نواف" بالله لا تواخذ أبوي على تصرفه ...أنا مو واقف

معه لكنه ما ينلام يا مالك ولا تنسون انت ونوره إن انتوا

اللي بغيتوا هذا الشي ولازم تتحملون

مالك " لا تشيل هم إحنا بخير طالما راح نكون مع بعض

ولبعض

نواف" الله يسعدكم ...ما أوصيك على نوره يا مالك

مالك" في عيوني ..كيف توصيني على روحي يا نواف؟؟

نواف" تسلم روحك ...خذ هذي ألفين حتى تشوفون لكم

فندق تباتون فيه

مالك يبعد يد نواف عنه" افا بس يا ولد العم ....عندي خير

نواف" اعذرني يا خوك بس قلت يمكن مو شايل بجيبك

فلوس غير ....

مالك" هههه غير مهر نوره ها ؟؟

نواف" هههه يا لله الله يسعدكم ..أشوفك على خير

تطلع نوره من عندهم وهي مو شايفه قدامها من البكي

وتركب السيارة

مالك" سلام

نواف" سلام

.............

,,

في الشرقية بعد العقد جلست مرام في غرفتها وقفلت الباب

عليها

وطلال جالس في المجلس مع أهله وهم يتكلمون ويسولفون

وهو مو وياهم

تصرف مرام هزه من داخله وخلاه ما يفكر غير بموقفه

وهو جالس معهم... وطول اليوم كان تفكيره كيف يجلس

معها وكيف كلمها وكيف يعبر لها عن اللي بداخله

ما شاف حاله إلا يوقف" أنا ماشي

أم طلال" يا لله يمه إحنا بعد بنمشي معك

طلال" لا أنا بروح بروحي .... بروح عند أحمد

شيخه" إحنا بنروح مع أبوي... اخذ راحتك انت

راح طلال وهو نفسيته تعبانه كثير ...عندها بس استأذنوا

الجماعة وراحوا

راحت رغد ودقت الباب على مرام اللي فتحت لها الباب

وهي ما عطتها ظهرها

رغد" راحوا ...

مرام" في وداعة الله

رغد" طلال متضايق كثير أتوقع انه بيكلمك

مرام" هذا ما يخصك...يكلمني أو لا

رغد" عارفه ...على فكره أمي كلمت مالك وقال انه كان

عنده شغل وما قدر يجي ويمكن ينام بره الليلة

مرام طالعتها من غير ما ترد عليها"...............

رغد" لا تخافين أمي ما قالت له شي

مرام" رغد أنا بنام لو انتي ما فيك نوم طلعي بره

رغد" بمسح ماكياجي وبنام

مرام" خلاص ما ابغي اسمع صوتك

رغد تطالعها وهي تغطي حالها بالبطانية وصوت بكاها

واصل لآخر الدنيا

.................

,,

في السيارة عند مالك ونوره كانت تبكي ومالك مو

ما عطيها وجه ...

وصل لعند فندق (.....) نزل مالك بعد ما قفل على نوره

الباب وطلب منها إنها ما تنزل لو تأخر

دخل لقى موظف الاستقبال قابله بابتسامه كبيره

مالك" السلام عليكم

الموظف" وعليكم السلام ...أهلا وسهلا

مالك " لو سمحت في عندكم غرف فاضيه ؟؟

الموظف" اييي بالتأكيد

مالك" بكم الغرفة عندكم؟؟

الموظف" ب 1200 مع وجبة الفطور ...تحب تشوفها ؟؟

مالك صار يفكر بينه وبين نفسه ويقول إن هذا مبلغ مو صغير هذا بقيمة راتب تستلمه أمه من الشؤون بالشهر

وانه بهذا المبلغ يقدر يشتري لخواته أسره تريحهم من

نومه الأرض.... أو انه يشتري لهم مكيف يحطونه

بالمطبخ بدل ما يشغلون لهم مكيف الصالة ويفتحون

باب المطبخ حتى يجيهم رذاذ الهوا.... أو يشتري لهم

دفايتين زيت تريحهم من برودة الجو.... أو انه يشتري

لأولاد أخوه ملابس يفرحون فيها

شكر مالك الموظف وراح من عنده وركب السيارة

نوره" هااا ما في حجز ؟؟

مالك " هااا ..لا عندهم الغرف فل

قلت له مو مشكله ناخذ سويت لكن بعد ما عندهم

نوره" والحل؟؟

مالك" من رايي إن إحنا نمسك الطريق للدمام

نوره" براحتك حبيبي

مالك" ههههه

نوره تبتسم له" وش اللي يضحكك ؟؟

مالك" منو يصدق إني راجع للشرقية ويدي بيدك

نوره" هذا لأن إحنا وقفنا قدام العالم حتى نحمي حبنا

مالك يطالع نوره وهو يضحك من داخله لأنه ما قدر يقول

لها السبب اللي خلاه ما ياخذ غرفه في الفندق إن هذا المبلغ

يجيب له ثلاث من شاكلة نوره

؟؟؟؟؟؟؟؟؟؟؟؟؟؟؟؟؟

,,

في جده كانت الجلسة ولا أحلى وكانوا جارات أم ماجد

رهيبين وجلستهم ما تنمل ...لكن صيته في نهاية الجلسة

ما كانت على بعضها

أم ماجد" يمه صيته إذا تعبتي روحي غرفتك لأن إحنا

جلستنا مطوله

صيته" هههه والله ما ودي أقوم لكن بروح اكلم أهلي وأغير

ملابسي

أم شاهين" الله يسعدك يمه وسلامي الخاص لجدتك اللي

حبيناها من زود كلامك عنها

صيته" هههه يوصل

راحت صيته في غرفتها وهي متضايقة وتحس إن معدتها

ثقيلة عليها ...

راحت لدورة المياه وغسلت وجهها وبدلت ملابسها

وتسطحت على الأريكة

دخل عليها ماجد وهو مو ناوي انه يكلمها بسبب تعاملها

الجاف معه....لكن من طاحت عينه على وجهها وشاف

شحوب لونها قرر انه يكلمها

ماجد" حبيبتي بك شي ؟؟

صيته" سلامتك لكن أحس إني تعبانه ومعدتي شاده علي

ماجد بخوف" قومي اوديك الدكتور لازم نتطمن عليك

صيته" ههه ما فيني شي بس خالتي ما خلتني أقوم لين

شربتني دلة القهوة

ماجد" ههه سوتها فيك ؟؟

صيته" ليه هذي كانت عادتها ؟؟

ماجد" تخيلي مانعها الدكتور من شرب القهوة ولأنها متعودة

تسويها كل يوم صارت تجلس أبوي وتخليه يشربها

صيته" هههه يا ليت خبرتني بطني بينفجر

ماجد" قومي نتمشى بره بالحديقة يمكن ترتاحين

صيته ببرود" لا بكلم بيت أهلي وبعدين بنام

ماجد بزعل" براحتك

جلس ماجد بجنبها ومسك الروموت وصار يقلب بالمحطات

عندها خذت صيته جوالها ودقت على جدتها أم عبدالرحمن

اللي ردت عليها وهي تبكي

صيته بصرخه "جدتـــي

أم عبد الرحمن" قلبها انتي يا بعد كل هلي ...شلونك يمه؟؟

صيته" أنا بخير وعافيه ومو قاصرني شي غير شوفتكم

أم عبد الرحمن" هاا بشري يمه عسى ماجد مريحك؟؟

شوفي خبريني كل شي صار بينكم

صيته" ههه ماجد ما في مثله وخالتي حاطتني على كفوف

الراحة ودلع بعد يا حبي لها صايره أكثر من أخت

ماجد صار يطالعها وعلى وجهه ابتسامة رضى"......

أم عبد الرحمن" وييه دلع ...ما ادري وش فيني معها

صيته" ما ادري عنك بس لا يسمعك طارق

أم عبد الرحمن" هذا هو يمي ويشد السماعة من إذني

طارق" هلا وغلا ...طارق زين الشباب يتكلم

صيته" هلا والله بالوسيم

طارق" قولي قسم ؟؟ أنا عارف هذا الشي بس وش نقول

للي ما عندهم ذوووق

صيته" طارق ما أوصيك على الغالية لا تزعلها

طارق" منو؟؟ سحوره ؟؟ هذي بقلبي ...هي الهوى والماي

بدونها ما أسوى شي

أم عبد الرحمن" غصب عن اللي جاب أبوك

طارق" أقول أختي وش سويتي بموضوعي

صيته" أي موضوع؟؟

طارق" دلع ...كلمتيها لي

صيته" أنا جالسه أمهد الطريق وعلى العموم في أشياء كثيرة

تسرك يا لحبيب

طارق" تكفين أختي حبيبتي قولي وفرحيني

صيته تواخذت" ماجد بجنبي ويسلم عليك

طارق" اهاا فهمت عطيني إياه خليني اتميلق له

صيته" هههههههه يا لله هذا هو معك

ماجد" هلا وغلا بالنسيب

طارق" هلا فيك ...هاا بشرنا عن أمورك عسى بس مو

مأذيتك صيتوه

ماجد يمسح على شعرها " أفا بس صيته بلسم على القلب

هي مثل نسمة الهوى كيف تأذي؟؟ وثانيا انتبه على كلامك

لأني ما أرضى فيها

صيته نزلت وجهها وعليه ابتسامه عريضة

طارق" افا بس

ماجد" أنا بس ودي تقول لي كيف البيت بدونها ؟؟

طارق" والله البيت ممل حد الجنون

ولا اليوم مالك ولد عمي عقد على نوره وأخذها معه وأنا

حاط وجهي بوجه سحوره

ماجد ارتبك كثير وصار يطالع بصيته

طارق" يا لله اسلم عليك ...بوس لي صيته طيب؟؟

ماجد بهدوء" مع السلامة

سكر ماجد وصيته تطالعه" ليه سكرت ابغي اكلم أمي

ماجد" ما ادري طارق سكر الخط

صيته" خلاص بعد شوي بكلمهم

ماجد بتردد" صيته ليه ما قلتي لي إن نوره عقدوا عليها

اليوم وراحت مع زوجها

صيته تطالعه باستغراب"..........

ماجد بغصة " أنا أكيد بفرح لهم لو انتي خبرتيني لأن

نوره أختي ومالك اعز أصدقائي

صيته" نوره عقدوا عليها ؟؟؟؟؟؟؟؟

................

,,

في دبي في غرفة طروب ...

ميثه " الحمد لله راشد نام ...كان تعبان كثير

طروب" راشد يحبج كثير يا ميثه ولولا وجودج كان راشد

في خبر كان

ميثه تبتسم" الله يخليه لي

طروب" أنا آسفة يا ميثه ...قلت لك كلام ما ينقال بس والله

غصب عني

ميثه" طروب انتي مثل أختي نوف والله العالم وش قد أنا

احبك وأحترمك وتأكدي إن راشد كل حياتي ولولاه ما

كانت لحياتي طعم

طروب" يا ربي تكتب لي واحد يحبني ويموت فيني

ميثه" لا تستعجلين ...نصيبك بيصيبك

طروب" إيييه الله كريم ...أنا بنام تبغين شي؟؟

ميثه" لا أنا بقوم أتوضآ وأصلي ركعتين شكر لرب العالمين

طروب " يا لله وأنا بعد

راحوا ثنتينهم وصلوا ركعتين شكر لله وكل وحده رفعت

كفيها وصارت تدعي للي بخاطرها

شوي إلا ويدق جوال ميثه اللي رفعته بسرعة يوم شافت

المتصل ((عديل الروح ))

ميثه" حبيبي....صح النوم...إن شاء الله ..... ثواني وأنا

عندك

سكرت الجوال بسرعة وراحت بتنزل تحت

طروب" خير ميثه ؟؟

ميثه" لا كل خير بس راشد عطشان بجيب له ماي

راحت ميثه لتحت وخذت كاس الماي لراشد ودقت الباب

ودخلت

ميثه" تفضل حبيبي ...

راشد ياخذ منها كاس الماي" الله يعطيك العافية... لا يكون

أزعجتج ؟؟

ميثه" انت تآمر يا الغلا كله

راشد ساكت"........

ميثه بتكسر حاجز الصمت اللي بينهم " وش اللي صحاك

من نومك ؟؟ لا تقولي حلمان فيني

راشد بضيق" يا ليت كنت أكون بخير..الألم والعجز يا ميثه

هم اللي صحوني من نومتي

ميثه بحنان " ما أحب أشوفك ضعيف كذا

راشد" أتمنى والله ...لكن غصب عني كل ما أفكر ببكرة

أقول بقلبي يا ليت الزمن يوقف

ميثه تقرب من عنده"ليه يا راشد ؟؟ بكره حلمي وحلمك

بكره كل شي بالنسبة لنا ...بكره مستقبلنا

حبيبي أنا استند عليك ...لازم تكون انت القوي

راشد يطالعها بحب" ما تمنيت تكون أول ليله لك ببيتنا أنا

بصوب وانتي بصوب

ميثه" قلبي معك لو كنت بالسعودية

راشد بحزن" وش ذنبك حتى تتعذبين معي

ميثه تحط راسها على صدره" ذنبي إني أعشقك وراضيه

بنصيبي ويكفيني وجودي بحضنك

انت ما تعرف انك كل شي بالنسبة لميثه وان ميثه بدونك

ما تسوى شي

صار راشد يحرك بشعرها ودموعه على خده

..............

,,

في السيارة كان الجو كئيب وممل ...كان مالك يفكر بكل

شي ...كيف يواجه أهله وكيف يعيش مع نوره اللي ما يكن

لها غير الكره والحقد

نوره" حبيبي ...

مالك" هممم

نوره" باقي كثير ؟؟

مالك يطالعها" تعبتي؟؟

نوره تبتسم له" لا ...كيف اتعب وانت بجنبي

مالك يلف عنها وبقلبه هموم الدنيا

طول صوت المسجل حتى ما يسمع صوتها ولا نفسها

وصار يردد بقلبه

(كذب ظني)

كذابــة يا دنيا الوله والشـــــوق تحبيني

ترى عيونك من انخلقت وهي تنــاجيني

وتمهد لي طريق النور ولحضنها تحييني

وتهديني شموع الليـــــل وبقلبها تراعيني

ومن اصرخ الآه لصدرك تلميني وتحميني

وبهمس الصوت تسليني ولجناحيك تناديني

*************

كذب ظني من وكلتك على قلبي تحرسينه

وعلـى جناح الشــــــــــوق تلمينه وتسلينه

وبجمال الكون المزدهر بنور وجهك تهنينه

لكن ضعت من سمعتك بعالي الصوت تناجينه

ولقلبي المنتحب بالعشق تحت أقدامك تدوسينه

من قال قلب بعد عن عينك بقساوه تهجرينه

معقولة ليد الشيطان وتحت أنيابه تعوفينه؟؟

*غروب*