البارت الخامس
فارس طلع وعلى وجهه ابتسامة نصر وخبث وكان نازل لتحت شاف ملاك طالعة وشكلها فرحانه
فارس :شووه اسمعت حبيب القلب خطبك
ملاك قلبت وجها :عندك مانع
فارس :لا دواس
ملاك :يا ثقل دمك
فارس حب ينرفزها :اول مرة بعرف متى وزنتيه
ملاك عصبت التفتت ناوية تطلع مسكها من يدها :برأيي لا تفرحي كثير وطول ما انا حي وبتنفس ما حد بياخذك غيري <وبسخرية >حاولي تنسي حبيبك بكون احسن لك
طالعته ملاك بقهر وراحت على غرفتها ورمت نفسها على لسرير وبكت بحرقة من القهر ئلي فيها
بجناح جود قال لها مؤيد تجهز ب يتعشوا مع اهله وهي فتحت الشنط ئلي جهزوها البنات ومو عارفة ايش تلبس واتصلت على ملاك لانها هي اكثر وحدة بتهتم بهالاشياء وملاك ردت على طول خافت يكون صاير لها شيء
ملاك :الوووو
جود :الووو ملاك خير
ملاك تحاول ما تبكي :ما فيني شيء انتي كيفك كيف مؤيد معك
جود :تمام بس صوتك مو عاجبني فيكي شيء
ملاك ما قدرت تستحمل ورجعت تبكي وقالت لجود ئلي صار معها
جود :طيب ليه بيعمل هيك
ملاك :ما بعرف
جود :طيب اذا صار وخطبك لازم تفرحي انتي بتحبيه وفهد بس لانه دخل حياتك بوقت صعب انتي اوهمتي نفسك بحبه
ملاك :من كثر ما حبيته اكرهته مو طايقته عفت حالي منه قلت بتزوججج فهد وبتريح منه بس هو بوجهي ما راح اخلص منه
جود :مو عارفة شنو اقول لك
ملاك :مو مهم انتي احكيلي فيكي شيء مؤيد سوى لك شيء
جود رغم كل مشاكلك بتفكري في مشاكل غيرك :لا تخافي انا منيحة بس اتصلت عليكي بصراحة مو عارف ايش البس فتحت الشنط وفيها اشكال والوان من ملابس ئلي مجهزينهم انتو
ملاك :منيح قررتي تغيري استايلك
جود :من عندي لاااا بس لما يكون هو موجود بلبس مثل ما بده ولما يولي من وجهي برجع لطبيعتي
ملاك :ههههههههههه طيب احكيلي حتى اساعدك
وصارت جود تحكي لملاك وملاك تساعدها باختيارها
وبعد ساعة رمت حالها على لسرير :ملااااااااك انا تعبت حاس حالي بلبس من رواد الفضاء اووووف انسي بلبس اي شيء شكراااا غلبتك
ملاك :ما عملت شيء وبعدين بجي عندك انا والبنات وبنساعدك كل شيء
جود :طيب باي
ملاك :مع السلامة
رمت تلفونها على لسرير وقامت قدام المراي مسكت فستان بالمقلوب رمته جابت بلوزة وما عرفت كيف بيلبسوها موديل غريب رمتها على الارض
قعدت على الارض :ياربي انا شنو عملت بحياتي لحتى تجازيني هيك كنت عايش حياتي ومبسوطة قبل ما يطلع مؤيد الزفت يارب ساعدني
وكان كل هاذا تحت أنظار مؤيد ضحك عليها وعلى شكلها وراح عند اخته وقال لها تروح تساعد جود وهو نزل على الصالة
دخلت على الغرفة واتفاجئت من شكلها :جود شنو مسوية بالغرفة
جود :قامت تعالي اقعدي
رهف :ما جهزتي بننزل نتعشى
جود :مو عارف ايش البس
رهف : زي عادتك
جود :وانتي جبتيها استني شوي <راحت وهي تتمتم>وانا ليه اتغلب يجعله ما يرضى
راحت على غرفة الملابس واخذت بنطلون جينز اسود وتي شيرت اسود امبلط ابيض ولبست بوت اسود وعليه خطوط ابيض وسرحت شعرها للخلف كله وطلعت
رهف شهقت :جود ايش مسوية بحالك
جود تناظر لبسها
رهف :انتي مجنونة مو شايفة شكلك
جود :انا هاذا لبسي
رهف راحت عند ملابسها ئلي على الارض وعلى لسرير واختارت فستان لونه احمر وعليه كريستلات :جود انتي وحدة متزوجة وهذا البس مو لآبق لك اساسا اصلا كيف متعودة تلبسي لبس شباب ئلي مثلك يستغلوا جمالهم حرام عليكي
خذي البسي هاذا الفستان وانا بجيب لك صندل من عندي
جود :لااااا ما بدي صندل
رهف :ولا كلمة يلا روحي غيري
وما اعطت جود فرصة تعترض راحت جابت لها صندل كعب مو عالي كثير لانها بتعرف انه مو متعوده وقررت انه تخليها تتعود على لبس البنات وكل شيء وتغيرها وبعد اصرار لبسته وحطت لها رهف مكياج خفيف وربطة حمرا على شعرها ئلي خلاها احلى واحلى
نزلوا تحت وكانت رهف ماسكتها من ايدها حتى لا تطيح وكانت تضحك عليها
جود ورهف :السلام عليكم
الكل :وعليكم السلام
ام مؤيد :من ساعة بنستنى فيكم
رهف :كنا بنتجهز
ابو مؤيد :كيفك يا جود ان شاء الله مرتاحة
جود :تمام
ام مؤيد :عجبك لجناح تبعكم
جود حست بتوتر اول مرة بتحكي معها ام مؤيد لما اجو وردت بطريقتها الدفشة مع الكل :عادي ماشي حاله
رهف بهمس :الواحد بيقول شكرااا حلو مو ماشي حاله
جود :والله ما قلت شيء غلط
وبعدها راحوا يتعشوا وجلسوا شوي مع بعض وراح كل واحد على غرفته
بمكااااااااان اخر الهدوء يعم فيه مكان حزين كئيب
في المقبرة كان جالس ويبكي بصمت اجى لعنده نواف
نواف :طااااارق انت منيح
طارق لف عليه وهو ساكت :.....
نواف :طارق ما في شيء بستاهل تعمل بنفسك هيك ولازم تفرح لانه رجعت لك
طارق :شلون انا شنوذنبي عشت بالعذاب هاذا طول هل خمس سنين ليه خبوا عليه انها عايشة <وياشر على القبر ئلي قاعد قباله > كنت اجي كل يوم لعندها واشكي لها همومي وطلعت مو هي الله واعلم مين بتكون
نواف :طارق يا اخوي لا تتعب حالك بالتفكير انت تعبان تعال نرجع البيت وارتاح وبعدين بنتكلم
طارق استسلم وقام معه من دون ولا كلمة
في بيت ابو سعد
سعد :هديل حابة نطلع مشوار
هديل نقزت :ياااااي وناسة ,بس شلون خطر على بالك من الصبح بترجى فيك وانت مو راضي
سعد :لا بس انتي كسرتي خاطري قلت باخذك انتي وحلا
هديل بخبث:هااا حلااا
سعد :هههههههه
هديل :بقول من وين نزل عليك هل كرم
سعد :يلا عاد ترى بكنسل الروحة
هديل :لاااا بعمل خير وبجمع بين قلبين <بصوت واطي >بروح اخبر جود
سعد بشك :لمين
هديل :ها بروح اخبر حلاااا
سعد :لحلا وبس يا ويلك اذا وصل لحد ثاني
هديل :ولا يهمك سرك في بير ,يعني ما بتعرفني وبتشك فيني
سعد بهمس :المشكله اني بعرفك
دخلت على غرفتها وهي بتصيح بعد ما خبرها جدها انه فارس خطبها نزلت وكانت مبسوطة كان كل فكرها يحكيلها عن فهد لكن جدها خبرها العكس وطلعت من غرفته من دون ما تحكي ولا كلمة
فتحت الباب حلا وكانت لابسة وبدها تطلع :ملاك بطلع مع هديل تروحي معنا
ملاك رفعت راسها وهزت بالنفي
حلا :ملاااك بتبكي
ملاك :ولا شيء روحي انبسطي ولا تفكري فيني انا منيحة
حلا زعلانة لانه فارس خ
قاطعتها :لاااا مو زعلانة بس ببكي لانه بدي اتركم
حلا :وين بدك تتركينا كلها خمس دقايق وبنكون في فيلتكم
ملاك :ولو مو سهل عليه وبكرا بتجربي لما يخطبك سعوووود
حلا يقال استحت :ملااااك
ملاك :هههههههههههه بسكت
حلا :يلا تاخرت على هديل باااي
ملاك :هديل ولااا
حلا مسكت المخدة ئلي كانت على الكنب بترميها على ملاك بس ما لحقت لانه ملاك هربت لتحت ولحقتها حلا وهم بيضحكوا وراحوا على الصالة وكان الكل موجود راحت ملاك وتخبت ورا الجدة
لانها كانت اقرب وحدة لها وما انتبهت لوجود فارس ئلي من اول ما دخلوا وهو ما نزل عيونه من عليها
ملاك :هههههههه جدتي شوفي حلااااا
الجدة :خيرر
حلا :لا والله ضاربتك ضاربتك
تامر:شنو صاير
ملاك تطالع حلا بنص عين :اقووووول
حلا :ملاااك
سمعوا صوت سيارة
ملاك :هههههههههههههههههه روحي حتى ما تتاخري
حلا :طيب يا ملاك حسابك معي
وطلعت بعد ما اتاكدت ملاك انها طلعت جلست وكانت معطية الباب ظهرها ولما طالعت قدامها رجعت لواقعها وعبست كان فارس سرحت وهي تفكر اذا تزوجته كيف بتكون حياتها وصارت تقارن بينه وبين فهد
والكل كان يضحك ومو دارية عن هواهم وفجأاا ة صرخت :لاااااااا
لفت وراها وكانت حلا ميتة ضحك عليها
ملاك معصبة :يا حمااارة
حلا :تستاهلي وحدة بوحده <وطلعت وهي بتضحك وركبت سيارة سعد >
ملاك :اووووف يا ربي منك
نرجع شوووي :لما كانت ملاك سرحانه دخلت حلا ومعها كاس ماي الكل عرف مقلبها ئلا ملاك ئلي مو دارية لانها سرحانه ونقزت لما رشت عليها حلا الماي
دخلت الخدامة وقالت لملاك انه ناديا اجت ملاك من اول ما سمعت اسم ناديا اتذكرت فهد وعملة فارس ونزلت دمعة منه ومسحتها على طول وما حد انتبه لها ئلا فارس ئلي انقهر وبيقول بنفسه <اكيد زعلانة لانه ما اخذت حبيبها ,لكن انا وراكي >
قامت وطلعت برا واول ما شافت ناديا حضنتها وبكت اما تامر كان يراقب يزن ئلي ابتسم بس اختفت ابتسامته لما شاف تامر بيطالعه بنص عين و بيضحك على يزن
ناديا :ملااااك هدي
ملاك تبكي :.....
ناديا طالعت برا وكان واقف فهد ويطالعهم وعلى طول اخذت ملاك ودخلوا على غرفة الجلوس لانه كانوا واقفات على الباب و باب القصر بيكشف على باب القصر الخارجي
وفهد كانت حالته مو اقل منها لما خبره الجد انه ما في نصيب بينهم وانها مخطوبة لابن عمها وزاد حزنه لما شافها تبكي رغم انه كان منقهر منها لانها وافقت عليه وبعدين رفضته بس بتبقى البنت ئلي حبها قلبه وما بيقدر يقسى عليها
في غرفة الجلوس
ناديا بجدية :ليه بتبكي ما دام انتي رافضتيه وليه قلتي انه موافقة وعيشتي فهد بوهم
ملاك بصوت مبحوح :انا ما رفضته اصلا ما حد قال لي انه خطبني
ناديا :بس جدك اتصل على فهد وقال له انه ما في نصيب وانك مخطوبة
رجعت تبكي
ناديا :ملااااك لا تبكي رجائا خبريني القصة
بعد ما هديت :كله منه هو ئلي بده يقهرني بده يذلني لولاه ما صار هيك
ناديا :مين
ملاك :فااارس
ناديا :ايش دخله
ملاك :هو هددني ويقول انه ما حد بياخذني غيره وقال انه انسى فهد انقهرت كثير منه انزلت لجدي حتى يكلمني قلت يمكن يحكيلي عن فهد وبقول له موافقة بس فاجأني <شهقت >
ناديا :؟؟؟؟
ملاك :فاجأني لما قال لي انه فارس خطبني
ناديا :وشنو ناوية تسوي
ملاك :ما بعرف يا ناديا هو حطني بموقف صعب عرف انه اكيد ما راح اعارض جدي وابوي لهيك خبرهم
ناديا :طيب انتي كنتي تحبيه
ملاك وقفت وهي تصرخ وبنفس الوقت تبكي :كنت من زمان الحين بكرهه ما بطيقه كيف بتحمل اعيش معه طول عمري وانا ما بواطيه حتى هو مو رايدني بس يبي يقهرني
ناديا حزنت على صحبتها :طيب خلاص اهدي
ملاك :كيف بدك اهدى
ناديا قومتها وطلعوا على غرفة ملاك وقالت لها ناديا :روحي خذي شور وصلي لك ركعتين واستخيري يمكن خير ئلك ونامي وانا بروح وبتصل اطمن عليكي بس تصحي اوكى
ملاك :لحظة
راحت على درجها وفتحته طالت منه هدية فهد سرحت وهي تطالعهم بعدين اعطتهم لناديا وقالت لها ترجعهم ئله وناديا اخذتهم من دون اعتراض وطلعت وملاك سمعت كلامها ونامت
فهدد :طيب هو ليه بيعمل هيك
ناديا :ما بعرف يمكن رايدها
فهد بآآلم :وملاك
ناديا :ما بعرف بس هي مو موافقة على هذا كله وحالتها كثير صعبة هي وفارس دايم هوااااش ما بيقعدوا في مكان ئلا بيتهاوشوا شلون لما يعيشوا بنفس البيت
فهد رجع له الامل :يعني ما راح توافق وانا برجع بخطبها
ناديا :فهد لا تعيش نفسك بوهم هي ما راح ترفض وانا متاكدة من هل شيء
فهد :ليه
ناديا :لانه هو استغل نقطه ضعفها بيعرف انها ما راح ترفض لابوه وجده طلب وهم ئلهم أفضال كثير عليها
ما راح اقدر اوصف لكم شعور فهد ئلي جرب وفقد حبيبته او شخص عزيز عليه بيعرف شعوره
هديل : اتاخرتي
حلا:كان عندي حساب وصفيته
هديل :حساب ؟؟؟
حلااااا :اخذته من ملاك
هديل :ههههههههههه شنو عملتي فيها
حلا :اتخيلي انك قاعدة وسرحانه ويجي حد ويرش عليكي ماي باردة شنو بتعملي
هديل :والله بدفنه بأرضه
حلاا:ههههههههههههههه هههههههههه انا هيك عملت فيها
هديل :ههههههه حرام عليكي
سعد :والله انتو يالبنات بنخاف منكم
هديل :طبعا
حلا بهبل :خليني اعيش يومي اكيد بكرا بيطلعوا جنازتي
سعد بحب:ان شاء الله يومي قبل يومك
هديل :هاااااي انتو معكم بنت عزابية
حلا تدفها :لا والله ئلي بيسمعك بيحكي متزوجة وعندي درزن اولاد
سعد بابتسامة يطالعها من المراية :ان شاء الله قريبا
حلا دوروا عليها ما بتلاقوها من الاحراج وكملوا يومهم هيك خجل حلا ورومانسية سعد ولقافة هديل
في جناح جود ومؤيد كانت جالسة على البلكون وماسكة السيجارة بايدها سمعت طق على الباب نقزت وما عرفت شنو تعمل اجت بترمي السيجارة دخلت رهف وشافتها
رهف بصدمة :جووووود
جود :رهف ما بدي كح كح كح كح كح حد يدري
رهف كانت بتفتح معها تحقيق بس سكتت لما شافت وجها اتغير لونه
جود :كح كحك كح كح كحك كح كحك كح كح كح كح
رهف قربت منها :جود انتي منيحة
جود :كح كح كح كح ماااااي كح كح كح كح ك كح
على طول رهف جابت لها ماي
بعد فترة
جود :رهف لا تخبري احد
رهف :جود كيف ما بدك اخبر كنتي بتموتي منه انتي من متى بتدخني
جود :اوووووووف رهف خلاص ترى صدعتيني من اسئلتك
رهف :حرام عليكي بكرا اذا احملتي ممكن يتأذى الجنين منه حتى انتي وبعدين شوفي صوتك كيف صاير خشن
جود :عادي اهم شيء راحتي
رهف عرفت انه ما راح تسمع منها بس قررت انه تخبر مؤيد :طيب جيت اقول لك .........
في بيت ابو طارق
ابو طارق :وين كان
نواف :في المقبرة
معتز :عن جد شغلة بتحير كيف صار هيك مو من خمس سنوات دفناها
ميديا :اكيد حد غيرها
ام طارق :طيب ليه عملوا هيك لازم نعرف منار ما قال ئلك نادر
منار قامت :ما قال شيء ولا تجيبولي سيرته ثاني مرة <وطلعت على غرفتها >
ابو طارق :بنتك انجنت احنا بنحاول نحل مشكلة هي بتطلعنا مشكلة ثانية
ام طارق :معليه يا ابو طارق البنت مقهورة على اخوها
ابو طارق :والله شغلة نواف اتصل على نادر وقول له بكرا يجي عندي الشركة
نواف :طيب بخبره
في اليوم الثاني
بالشركة
دخل نادر على مكتب ابو طارق :السلام عليكم
ابو طارق :وعليكم السلام ,اتفضل اجلس
نادر جلس وكان متوتر كثيرررر
ابو طارق :يمكن عارف ليه جبتك هون بدي تحكيلي ليه خبيتوا ريم وقلتوا انها ميته
نادر :مو عارف من وين بدي ابتدي بس انا ما كنت حاب يصير هيك شيء كنت كل يوم بتندم مليون مرة على ئلي عملته بس هذا طلب اختي وانا ما فيني امنعها
ابو طارق :السبب
نادر ويسترجع ذاكرته :يوم ما عملت الحادث هي وطارق كان طارق بالعناية رحت اسئل الدكتور عن اختي قال لي انها ما راح تقدر تمشي صابها شلل وكماان
ابو طارق :كمان ؟؟؟
نادر بألم :كانت مشوهه بعد ما دريت كانت حالتها صعبة وقالت انه ما بدها طارق يدري واحنا اعترضنا بس ما كان في باليد حيلة بس بالاخير وافقت اعمل ئلي بدها اياه بعد ما روحتوا طلعناها على مشفى ثاني وباليوم ئلي بعده سفرناها لبرا
ابو طارق اجى وجلس جمبه :يا ابني كان لازم تخبرنا ما بتنحل المشكلة بالهروب
نادر نزلوا دموعه :انا اقتنعت بكلامها طارق ما بعيبه شيء وهو بيستاهل وحدة احسن من ريم شلون راح يقدر يعيش مع وحده مشوهه وما بتمشي
ابو طارق :وشنو صار بعدها
نادر :سافرت عند عمتي بلندن عملت عمليات لتشوه وبفضل الله ثم الدكاترة رجعت زي اول واحسن ومن فترة صغيرة عملت اخر عملية وقال لها الدكتور انه في اخرعملية بتعملها بترجع تمشي باذن الله اخذت موعد ويوم عمليتي كان يوم عمليتها بس هي ما عملتها وطلبت من عمتي يجيبوها هون
وفعلا نزلت واخذوا لها موعد ثاني وكانوا كل فترة وفترة امي وخواتي يطلعوا عندها وكنت كل اجازة اطلع انا وحمد
ابو طارق :ان شاء الله خير
نادر :كيف حال طارق
ابو طارق :من مبارح ما طلع من غرفته
نادر :بروح اكلمه
ابو طارق :خليه انا بكلمه انت عليك مهمة اصعب
نادر ناظره باستغراب
ابو طارق بابتسامة :شوف كيف بدك تصالح منار معندة ئلا بدها تطلق
نادر يقوم :ان شاء الله
سلم على ابو طارق وطلع
الساعة 3 في بيت ابو عبدالله الجد نزلت ملاك وراحت تخبر اابوها وجدها قرارها
كانوا قاعدين بالمكتب دخلت عليهم وقابلوها بترحيب وابتسامة كبيرررة
ملاك :بابا جدي انا قررت
الجد بابتسامة شاقة حلقه :شنو يا بنتي
ملاك غمضت عيونها بالم آآآآآآآه انتو هيك بتصعبوها عليه شلون بقول لكم اني مو موافقة وسرحت بافكارها
ابو فارس :ملاااك وين وصلتي
ملاك بشرود :انا موافقة
باركوا لها جدها وابوها وهي لحد الان سرحانه
الجد :ملاك ايش رايك نعمل الملكة يوم الخميس
ملاك :....
ابو فارس :ملااااك
ملاك انتبهت لهم :ها ولا شيء
الجد بابتسامة :بقول شنو رايك نعمل الملكة يوم الخميس
ملاك عرفت انها وافقت <يا ربي ساعدني انا هيك حددت مصيري بايدي اخترت عذابي الله يسامحك يا فارس > :بكيفكم يا جدي
طلعت من عندهم راحت على غرفتها عملت شور وغيرت ثيابها ونزلت على الحديقة وكانوا قاعدين ويزن وتامر ومعتز جلست معهم
وكلهم باركوا لها
يزن :مبروك يا روحي
ملاك بابتسامة باهته :الله يبارك فيك عقبالك
معتز :والله مو مصدق انك بتصيري عروسة
تامر :وزوجة فارس كمان
يزن :اقول ولا كلمة
ملاك :بشنو كنتوا تحكوا
معتز :بموضوع طارق
ملاك فرحت :قرر يتزوج
تامر :لااااا لانه خطيبته طلعت عايشة مو ميته
ملاك بدهشة :من جدك
يزن :اها غريبة ما خبرتك ميديا
ملاك :لا ئلي يومين ما كلمتها
معتز :هي لما شافتها اغمى عليها
ملاك :يا روحي كيفها الحين
معتز :هي منيحة لا تخافي عليها
اجت لعندهم حلا تركض
يزن :شوي شوي
حلا تلهث :اسمعتوا اخر خبر
الكل :؟
حلا تاخذ من ملاك كاسة الماي شربت منها ورجعتها ئلها :بعد ملكةملاك وفارس بنرووووح
تامر : بلا سخافة وقولي
معتز :بنروح امممم اسبانيا جدي واعدنا نروح لها
حلا :لاااا
يزن :باريس
حلا :كمان لااااا
ملاك :بلا بياخة وقولي وين
حلا :احنا باي شهر
معتز بملل :يمكن 11
حلا :وشهر 11 شهر شنووو
يزن :حلا انطقي هل جوهرة وخلصينا
ملاك بتفكير :اها موسم الزيتون
تامر نقز :بنروح نخيم
حلا :هههههههههه اها
تامر بفرحة :قولي والله
حلا :اها والله
ملاك :تامر للحين علاقتك مع سديم
تامر هز راسة بالايجاب
معتز :هههههههههههههههه هههههههههههه والله يومك يا اخوي
حلا بعفوية :شنو بدك فيها هي اصلا ما بتحكي
تامر عصب منها :حلا اسكتي بلا ما اجى اكفخك
يزن اعطى اشارة لحلا يعني تسكت وهي سكتت وندمت من كلامها
ملاك بتغير الموضوع :والله فله من زمان ما قعدنا ولا اجتمعنا بتعرفوا اشتقت لعمو ابوتوفيق
يزن :اها والله حتى نزار
ملاك :وعععععععع هاذا حد بشتاق له
معتز :هههههههه لازم تحبيه هو صديق فارس ئلي راح يصير زوجك
ملاك :مو احب ئلي بده يصير زوجي بالاول
الكل :هههههههههههههههههه ههههههههههههههههههه
حلا :بتتذكروا لما طلعت ملاك على الشجرة وفارس ونزار رفعوالسلم وخلوها طول الليل فوق الشجرة وبعدها اجى عمي يزن وبهدلهم
الكل :ههههههه هههههه
ملاك بقهر:اصلا بدي اعرف انت كيف مصاحبهم مو لايقين لك
يزن :ههههههه من اي ناحية
ملاك :انت فهمان وبتنحب وكل شيء فيك اما نزار بيقرف وسخيف وحمار وبقرة وجحش وثور وفارس ما بيفرق عنه شيء
اجى صوت من وراها بس هي ما انتبهت مين تكلم :وقرد كمان شو رايك
ملاك :لا القرد بيفهم اما هم حمير ما بيفهموا
الكل :ههههههههههههههه ههههههههههه
ملاك استوعبت الصوت لفت راسها ولقته فارس رجعت زي ما كانت بعدم اهتمام بس من جواها قلبها طبل
فارس :بصراحة تفسير حلو
تامر :ههههههههههههههه ههههههههههههههههههه ما شفت احلى منه
يزن :بتصل على فهد وبقول له يجوا معنا
حلا :فهد اخو ناديا
يزن :اها هووو
ملاك من سمعت اسم فهد وقلبها يدق بسرعة وحست انه الكل بيسمع دقاته وعملت حالها مو مهتمة لانه كانت تحت نظر فارس
فارس بقهر مايل للعصبية :وليه لتتصل عليه حسب علمي العايلة بدها تطلع وبس
يزن :ما فيها شيء وانا بدي نتعرف عليهم منيح
معتز :عمي ليكون ناوي تتزوج
يزن بده يجلطهم :مو ناوي لاني
حلا :لانك ؟شكله وراها مصايب الكلمة
يزن عامل حزين :لاني متزوج وعندي ولد
اجى صوت عجوز من وراه :عملتها يا يزن
يزن اتجمد مكانه حتى ما لف :لا والله مو متزوج يا يبه بس كنت بمزح معهم
:ليه الزواج لعبه عندك
يزن بنفس الحال :لااا لا مو هيك بس
:بس شنو روح انت مو ولدي ولا بعرفك <بعد سكوت > ئلا احكيلي اسم ابنك
هون الكل انفجر ضحك لف يزن وراه هجم عليه
يزن :وووووووجع والله صدقت انك ابوي
:هههههههههههههههه هههههههههههههههه جد شكلك حلووو
يزن :سعــــــــــد شكلها نهايتك على ايدي
حلا ببراءة :عمي بسك بتموت الرجال
سعد غمز لها وهي نزلت راسها من الخجل
يزن :شايفكم خايفين عليه ها
سعد :يعني بدهم يخافوا عليك مثلا
يزن :هههههههههه ههههه اقول قوم احسن
سعد :ههههههه طيب
ملاك :والله يا سعد عليك تقليد اصوات ما شاء الله
سعد :احم احم والله خجلتي تواضعي يا بنت عمي
فارس :لا يكبر راسك بس
تامر :ههههههه اكثر من هيك
سعد طنش :ملاك اسمعت انه مبارح في حد رشك بالماي
ملاك تذكرت :منيح انك ذكرتني حلااااا تعالي هون
حلا وهي تهرب :الله يسامحك يا سعد ضروري تذكرها
ملاك لحقتها :اقرئي على روحك الفاتحة وقبل ما تخلصي باي باي لحلا
معتز بهبل :شكله بصير عندنا عزاء
يزن :فال الله ولا فالك ان شاء الله يديم هل فرح علينا
الكل :امين
في الداخل كانوا جالسين الجد والجدة وابو فارس وام فارس ودخلوا حلا تركض وتلحقها ملاك وتهرب من مكان لمكان لحد ما راحت على الحمام وقفلت عليها الباب
ملاك :حلا وين يعني بدك تهربي مني
حلا:ههههه مو طالعة
رن جوال ملاك وردت
ملاك :الووو
ميديا :ملاك مزبوط ئلي اسمعته
ملاك :الواحد بيسلم بالاول
ميديا :الحين خبريني مزبوط ئلي سمعته
ملاك :اها مزبوط يوم الجمعة طالعين الحقل عند عمو ابو توفيق
ميديا :لااااا خطبتك انتي وفارس
ملاك اتنهدت :اها
ميديا :كيف هيك وفهد
ملاك :بقول لك بعدين احنا طالعين نتجهز للروحة تنزلي معنا السوق
ميديا :اها ماشي
ملاك :طيب بمرك اتجهزي
ميديا :اوكى
بعد ما سكرت منها :حلاااااا
حلا:شنووو
ملاك :اطلعي بنروح السوق نعمل شوبنغ
حلا :لا والله مو عليه
ملاك :سامحتك هل مرة بس بشرط
حلا:قولي شرطك
ملاك :هممممم بنروح على مطعم ولحساب عليكي
حلا:اوكى موافقة
ملاك :اتفقنا يلا روحي اتجهزي
حلا :عليه الامان
ملاك :عليكي الامان
طلعت حلا وراحوا هي وملاك كل وحدة غرفتها غيروا ولبسوا ورجعوا عند الشباب
في بيت ابو طارق
طارق ما كان مصدق كلام ابوه <متى صار كل هذا حبيبتي بتتعذب وانا مو معها بتتآآلم وما كنت جنبها وانا قاعد بلومها ليه خبت عني سامحيني يا ريم كله بسببي> قام من عند ابوه وعلى طول على سيارته
واتجه على بيت نادر
وفتح له نادر :طاااارق
طارق :نادر وين ريم
نادر :مو هون
طارق :وينها
نادر :سافرت
طارق عصب:كيف سافرت وانا ما بعرف ومن دون ما اشوفها
نادر :طارق انت مارضيت تكلم حد وهي بكرا عندها عملية لهيك سافرت
طارق :عندها عملية كان ما تكلمت
نادر:كيف بدي اقول لك وانت
قاطعه :مين راح معها
نادر :حمد
طارق :طيب اسمع انت اتصل واحجز ئلي تذكرة وانا بروح اجيب اغراضي
نادر :بروح معك
طارق :لااا انت خليك عند امك وخواتك ولا تخاف انا معها وحمد كمان
نادر وحط يده على كتف طارق :سامحني يا اخوي
طارق :بابتسامة وحضنه :انت ما عملت شيء لاسامحك عليه وليه انا بقدر على زعلك
نادر :ما كان بيدي شيء
طارق بفرحة ما بتنوصف :يا الله يا نادر حاس حالي انولدت من جديد ما كنت متوقع انه الدنيا تضحك لي من جديد
نادر فرح لفرحت صاحبه :احمد ربك
طارق :الحمد لله على كل حال ,انا رايح وانت احجز لي
نادر :طيب
في بيت ابو مؤيد وتحديدا غرفة جود كانت جالسة بغرفة النوم ومتمددة على سريرها
رن جوالها وردت
جود :الووو
هديل :هلا كيفك
جود :انا منيحة وانتو
هديل :تمام ,بنروح نتسوق تروحي معنا
جود تطالع جسمها ئلي مصبغ واتذكرت ليلة امس المشئومة كيف تهاوشت هي ومؤيد وهو ما قصر ضربها لحد قال بس ومن مبارح ما شافت وجهه :لا ما بدي مالي خلق
هديل :اوكى سلمي على مؤيد باي
جود :بيوصل مع السلامة
اتنهدت بقوه وغفيت وهي بمكانها
في بيت الجد
ملاك :تامر بتروح توصلنا على السوق
معتز :ليه
سعد حب يحرجها :عروسة وبتجهز لملكتهاا
ملاك تمثل ألامبالاة :لا بنروح نجهز لروحة المزرعة
يزن :انتو ومين رايحين
ملاك :بنمر بيت عمي بناخذ ميديا وبنروح بيت عمي ابو سعد بنجيب هديل
فارس :انا بوصلكم
ملاك بدها تعترض بس ما تكلمت لانه شافته متجه على الكراج
بعد ما راح
ملاك :مالت عليكم وعلى وجوهكم ولا واحد تنازل وقال بوصلكم
تامر : فارس موجود
ملاك برطمت ومشت
حلا بهمس :ما بتعرفوا انها ما بتحب فارس يطلع معنا يا بهايم <وراحت من عندهم وركبوا سيارة فارس >
فارس :كان ما جيتوا
:....
فارس :اقول انتي وهي شايفيني سواق ابوكم وحدة تجي تقعد قدام
حلا :روحي ملاك
ملاك :مالي شغل روحي انتي
حلا :زوجي ولا زوجك
ملاك باندفاع :لحد الان ما صار شيء وهو مو زوجي
حلا :طيب خلاص اكلتيني بقشوري يمه <وراحت نزلت وركبت قدام اما فارس فحرك السيارة وهو معصب وراحوا على بيت ابو طارق اخذوا ميديا وعلى بيت ابو سعد ونزلت هديل وركبت معهم
وكان الجو متكهرب وسكوووت طول الطريق ولا وحدة فتحت فمها بكلمة بخافوا منه <معيشهم برعب >
بعد ما نزلوا راحوا على السوق وفارس قاعد بالكوفي يستنى فيهم راحت ملاك وميديا بجهة وحلا وهديل بجهة