طلعت تدور عليه .. لقته جالس لوحده ويلعب بالعشب بضيق ... ابتسمت من وراه .. اشتاااقت له حييييل .. فجأه رن جواله .... وكانت المفاجأه ..................!!!!

عبدالعزيز:الو..

البتول:اهلين عزوز .. كيفك ..؟

عبدالعزيز بضيق:زين ..

البتول:لالا موباين .. فيك شي مضايقك ..

عبدالعزيز:البتووووول قلت لك مافيني شي ..

وهنا..كانت صدمة جنى للمره الثانيه ... يكلمها .. وباين ان مابينهم ميانه .. يعني ممكن يكون من هذاك اليوم ليومهم هذا وهم على اتصااال ..اعلنت دمعه من عيونها عن ان كل شي بينها وبين ولد عمها انقطع رااااااااح..ماراح تسمح له مجرد تفكير انه بقلبها بيوم من الايام .. ومشت مسرررعه .. التفت لها عبدالعزيز وعرف انها سمعت المكالمه كلها..

عبدالعزيز:جنـــــــــــــــــــــى .. جنى وقفي لحظه ...
جنى ماوقفت له .. بالعكس زادت خطواطتها واسرعت ... هي في ضيقه مايدري عنها غير ربها ..كانت كل شي تشوفه حولها خالي من الحياة .. كل شي حولها لونه اسوود ..محتاجه تتكلم لاأحد..تفضفض .. تطلع اللي داخلها..بس بنفس الوقت ماتبي احد يشوف ضعفها..سمعت صوت طق الباب ..مسحت دموعها بسررعه..
جنى:ادخل ..
دانه:وش تسووووين ..؟
جنى:ولآشي ..
دانه:امممممم .. طيب ترى خالك مشعل يبيك برااا ..
جنى:طيب ..
وطلعت وغسلت وجهها .. وعدلت شكلها وطلعت لخالها ..
جنى من ورا خالها:بووووووووووووو
مشعل بإستهبال:يمممه .. ياربي خفت من جد عاد خفت ..
جنى:ههههه والله ياحليلي مرعبه ..
مشعل:اقول لايكثر بس ..
جنى:اقول انت اللي لايكثر واخلص علي وش عندك ..
مشعل:انتي وش فيك ..؟
جنى بعباطه:وش فينــــي ..؟
مشعل:اتركي هبالك على جنب اللحين وقولي لي وش فييك ..؟
جنى : مشييييعل وش فيييك قلت لك مافيني شي ..
مشعل عرف انها ماراح تتكلم له اللحين .. وقال:على راحتك ..
جنى:ليش انت فيك شي ..؟
مشعل:لا ابد ســــــــــــلامتي ..
جنى اشرت له بإيدها:ماااالت عليك وطلعت وهي تركض قبل لايجيها كف محترم ..
رجعت للغرفه .. حست جسمها تعباااااااان .. قررت تاخذ لها شآور يريح جسمها شوي .. تسبحت ولبست لها بيجامه ناعمه وانسدحت على سريرها .. كانت تفكر ..كيف راح تعيش ..؟ كيف راح تتعامل مع عبدالعزيز وهو بيقابلها بالشاليه لحد رجعتهم للرياض ..؟ الف سؤال وسؤال يدور براسها واكبر هالاسئله البتووووول .. متى طلعت بحياة عبدالعزيز .. قطع حبل تفكيرها دخول مها عليها .. اللي انصدمت من شوفة جنى على هالحال .. جنى مو من عوايدها تنام بدري .. والساعه توها ماجات تسع !!!
قربت منها مها بحنيه ورفعت شعر جنى عن وجهها:جنى ..
جنى واللي كانت تسوي نفسها غاطه في سابع نومه:.........
مها فهمت ان فيها شي فطلعت وخلت الايام تحكي لها اخرة جنى مع هالعذاب ...

في جانب ثاني من الشاليه كانوا كل العيال مجتمعين .. وفااالينها ع الاخر ..

سيف يكلم عبدالله:والله ياأنت داااااااج ماتدري وين ربي حاطك ..
عبدالله:اقووول ظف وجهك بس .. تراني متهاون معك باللعب ومخليك تاخذ راحتك والا انا بهاللعبه شببببح
فواز وهو ياكل فصفص وهو منسدح:اييه بالحييييييييييل اسألني عن ولد العم ..
ماهر:اقول اخلص انت وياه تراكم اقلقتوونا .. نبي نلعب احناااا
ثامر مؤيد:اييه والله .. اخلصوووو
مشعل واللي لفت انتباهه عبدالعزيز اللي كان مو معاهم ابد .. بصوت عالي ..:هاه عزوووز تبااااريني ..؟
عبدالعزيز بينه وبين نفسه_ماراح اسمح لك ياجنى توقفين بطريقي’,واووعدك ان مصيرك لي_:يلااااا

*ياترى اييش راح يصير بالايام الجايه ...؟
ومن الغالب ومن المغلوووب ...؟
جنى وبعد تفكير .. توصلت للقرار الاخير .. ماراح تسمح له يعكر عليها حياتها .. تبي تعيش كل لحظه وتنبسط فيها .. تبيه يندم على انه ضيعها من ايدينه .. تبيه يموت باليوم الف مره وهو يسمع ضحكها ويشوفها مبسوطه .. وقالت تكلم نفسها بإبتسامه:بيننا الايام ياولد العم ..