اما تموت لظماي او تشربن كلي
والا نتلاقى وكلن يشرب الثاني

كم ليلة ما رشفت الماي ياخلي
يبسن حنايا الضلوع وجيت شفقاني

اهرجك لا متى ياصاحبي قلي
الى متى الموت لا شفتك تغشاني

ياعلقم الحب لا عز الشهد من لي
وياهمي اللي يهز اعماق وجداني

جيت العب الحب هلي بي وانا اهلي
جيت ارمس شوي واسمع صوتك الحاني

واضحيت واثر الليالي سيفها سلي
يامسرع الوقت كنه رعشة اجفاني

وهمست لي بالغرام وصحت لك علي
علي ترى الهمس يامضنوني اشقاني

تكفى دخيلك ترى حرم اللقاحلي
تعال غن القصايد بس علشاني

تعال زل الهوى من رعشتي زلي
زل الهوى ما تحمل سكرة اعياني

ياخل والله لو انك شاربٍ ذلي
يموت قلبك عطش ما يموت رياني

تعال اشرب ظماك اواشربن كلي
خلنا نتلاقى وكلن يرشف الثاني