سمعت بقلب مايعشَق ولا يِمكِن يحب إنسان
على عهد الوفا باقِي حزِين بفقد مضنونه
تقهوى مِن فناجِيل الغِياب ونكهة الحِرمان
دلال مِن الوجع تفتِق جروحٍ حِيل مكنونه
عرفت القلب مِن هُو له ؟! أكِيد إنك عرفت الآن
ترى قلبي الوحِيد اللِي يِحب وجالس تخُونه
على شانك ومن شانك تحمل كِل شيٍ كان
تحمل لجلك هموُمه وضيقاتَه مع طعُونه
حبيبي كان للذكرى مشاعِر عِندك وإحسان
أبي تذكر وفا قلبي ولو بالطاري تصُونه
ابرحل عن هوى دارك غريبٍ تاه بالأوطان
وأبطلب من طيور الحُب لو داري يمرُونه
فراقك صعب لكنِي بعانق غِيمة الأحزان
وأبسمع صوتُهم حولي وتنهِيدي يواسُونه
الاا ياطِير ياطاير وتعزف أعذب الألحان
تعال إعزف على قلبي مِن الآهات ملحونه