عطاك الله قلب(ن) لانهيته يستمع قولك=هنيك ليت قلبي مثل قلبك مايعنيني
بلاه الله بحبك والبني ياكثرهم حولك=انا حبك ذبحني عن جميع الناس معميني
انا لا شفت ليا زول يغلب نظرتي زولك=واقول انت الوحيد اللي بك الاوصاف تغريني
انا لا شفت غيرك قلت ياقصرك وياطولك=عيوب الناس واجد وانت لوبك عيب تغنيني
الا ياقلب ياللي غارق(ن)بحب مجمولك=ترى لك وجه والمجمول يضحك لك بوجهيني
ترى التعذيب ياقلبي من المجمول محصولك=يطول الوقت والغالي على الفاضي يمنيني