ناسً تواروا بالسنين التوالي
مبطي قمرهم ما تبيّن ولا هلّ
أحلف برب الكون هو ذا الجلالي
ما ملّ قلبي من غلاهم ولا كلّ
ياسعود دايم طيفهم في خيالي
وفيهم لساني ما تعدى ولا زلّ
كم مرةً لا ضاق صدري وبالي
احسهم عندي كما النور لا طلّ
قلبي يحن لماضيات الليالي
وعن دربهم قلبي فلا خابره ضلّ
ياليتهم عندي ودايم قبالي
وافرش لهم روحي مثل فاخر الزلّ
لا شك غير الصبر مالي مجالي
ماشوف لي حيله ولا في يدي حلّ
والوقت مهما زان لي ماصفالي
لكن عزيز ولا تهاونت للذلّ
عودت نفسي دايماً للمعالي
والحر ما يسكن سوى عالي التلّ
تم الكلام المختصر في مقالي
تم الكلام وزبدة الهرج ما قلّ
مماراق لي