شبكة همس الشوق - عرض مشاركة واحدة

#1 1 - 2 - 2011, 03:26 PM

ليه كل عيد إنتـفارق صرت أكره كل عيد

مــدخــــــل
إختلفنا . . . . . وماعرفنا ، شنهو الراي السديد ..
يا تضحِّي في عنادك ..! أو ، أضحِّي في سبيلك !
ليه كل عيد إنتْـفارق ؟! صرت أكرَه ، كل عيد !
وإنتْـ فارق في [ غلاتك ] .. وقلبي ما عنده مثيلك !
المشاعر من غيابك . . يا دفا إحساسي , جليد !
طحت من عيني لـ قلبي وصرت ما أقدر أشيلك !

جيتني " نادم " من الدنيا تصيح
ما تنام الليل وأدري ما , ربحت !

شوف وش سوى عنادك ؟ يا جريح
لا [ مريِّحني ] .. ولا حتى إسترحت !

من فتحت الباب .. جاني منْه ريح ..
طرت من إيدي وأشوف إنِّك ( فرحت ) !!

لا تصدِّق .. كل من جاك بـ " مديح " ..
من عدوي , ياما واللــه إنمدحت ..!

شمعة الفرحه من أخطائك ..- تسيح !
( الغَرَق ) محتوم لك .. مهما سبحت !!

منظر " الفرقا " .. ترى جداً [ قبيح ] !!
مو نصحتك ؟ ليه يعني ما إنتصحت !!

صرت في وصلك عن عيوني شحيح ..
إنعمت عين الوصل ..
وينك !
سرحت ؟!

إعترف في غلطتك ..خلك " صريح " ..
لا تكابر بـ الخطا دامك جرحت !!

كان ودِّك في فراقي . . تستريح ؟
بسمَع الموضوع كامل لو سمحت !

خنتني ! وشلون ؟! علِّمني الصحيح !
وين عنِّي رحت / عنِّي وين رحت ؟

كنت أظنِّك ..
من عيوني ما تطيح
لين في " عيني "..
إرتفَع غيرك ,
و ..
طحت !!

:

مخرج

كل عاذل جاك بَعْدِي .. وقالـ لك إنِّي : سعيد . .
- ما صِدَق ! وين السعاده ! والحزن شيَّد رحيلك !

وكل عاذل قال عنِّي شي .. - إحساسه بليد !
ما قدر ياخذ كثيرك .. صار يطمَح , في قليلك !

وكل عاذل إن عطيته وجه .. - ورَّااااك المزيد !
لو يقول إنَّه : يبيلك خير !! والله ما يبيلك !

جيتهم طيِّب ....... . وأدري في زماني ما يفيد !!
وش حصيل الطيب فيهم ؟ ومن فراقي , وش حصيلك !

الموضوع الأصلي : ليه كل عيد إنتفارق صرت كره كل عيد || الكاتب : صمتي شموخ || المصدر : شبكة همس الشوق

• مدونتي