وينك حبيبي مبعد عني هناك؟
وين اتصالك يا بعد كل غالي؟
ان غبت عني .. غابت الروح وياك
تسهر عيوني ما تبات الليالي
يا شين وقتي يا غناتي بلياك
عمري بدونك .. لا حشا ما هنالي
ياكم اردد ونتي زود فرقاك
تدري حبيبي ضاق دونك مجالي
ارحم بوصلك من يحبك ويهواك
أسأل وليتك تستجيب السؤالي
والله عمري لومضى .. آترياك
اصبر ولا ابدل بغيرك بدالي
قلب يحبك يسعد ابيوم لقياك
تدري مرادي بس .. لحظة وصالي
عين بشوفك تشرق بشمس روياك
وشوقي تعدا يا حياتي خيالي
|