 | |  |
|
يا مغري الفكر .. والاقلام .. واوراقي
ترى خيالي بحر .. ما ينعرف برَّه
**
اذا كتبتك شعر .. والشعر بك لاقي
اقول خل الحسود .. يموت من حرَّه
**
ماشي بدربك واحث على المشي ساقي
بعدك دروب الهوى مالي بها جُرَّه
**
ان صرت وحدي وهب الود باعماقي
اروح اسيِّر .. وادور لي على حُرَّه
**
اكد جاهه على الشيخ ابن الاشواقي
واطلب يد الجادل المصيونه الدُرَّه
**
واليا عطاني عطيته مُذهب (ن) راقي
يقص حتى الحجر لو يضرب الحرَّه
**
في زحمة القوم .. للميدان .. سبَّاقي
من لونه تشوف .. كن الارض مصفرَّه
**
عليه وسمي .. ورسمي .. للزمن باقي
اذا نقله اللبيب .. يقول .. يا [ دَرَّه ]
**
يعني عطيتك شرف عهدي وميثاقي
والصوت .. لآآآزلت في موالك آجرَّه
**
في كل ليل ب/بنات الفكر .. متلاقي
تدخل عروسه .. وتدخل بعدها ضُرَّه
**
كله لعينك .. عسى عينك لخفَّاقي
الخافق اللي يشوفك .. للنظر قُرَّه .
| |
 | |  |