شبكة همس الشوق - عرض مشاركة واحدة - روايه س لك بالله وش سويت فيني وش سر هالشوق اللي يجيني كامله

8 - 6 - 2012, 08:15 PM

تابع
وليد دخل على لولوه
وليد بابتسامه : هاه لولو كيفها اليوم ؟
لولوه ترد الابتسامه : تمام بشوفتك
وليد استانس بالكلمه
وليد : الحين بنطلع على المطار على طول
لولوه : ليه
وليد : واحد من الشباب توه متزوج وذبحنا بزوجته اشتقتلها اشتقتلها
لولوه : ههه ياحليله عقبالك
وليد يرفع ايده وكانه يدعي : يااارب
لولوه : هههههههه انا عادي باطلع بس ماعندي ملابس
وليد : باروح اشتري لك طبعا على حساب ريان
لولوه ترفع حواجبها : كل ذا بخل
وليد : لا ابد بس انا عايش بقحط هالايام هع ابوي حالف مايدفع ريال واحد بالمهر يقول خلك رجال
لولوه : يالبى عمي ههه
وليد : فرحانه بعد
لولوه : وش دخلني افرح انت اللي بتتزوج ولا انا
وليد راحت الابتسامه من وجهه
وليد بضيقه : طيب تامرين على شي
لولوه : وليد ايش فيك ؟
وليد : ولا شي امريني ؟
لولوه : مايامر عليك ضالم
طلع وليد ولولوه قعدت تلوم نفسها
وليد رجع لريان
وليد : ريان انا باروح اشتري لبس للولوه لان مامعها ملابس
ريان : تسلم ما راح انساها لك
وليد ابتسم بمراره
وطلع يجيب لها ملابس
لما رجع اعطاها
ولبست كان مره كيوت
وطلعو للمطار
بعد ماركبو الطياره
يوسف : شباب اموت واعرف ليه لما نطلع الطياره لازم نقفل الجولات
وليد : هذا السؤال والله فاقع راسي هع
رائد : ممكن تسكتون ابي انام
خالد : لا اصحو لاحد ينام سولفو معي عشان اقابل زوجتي
لولوه كانت تسمعهم وضحكت بصوت عالي لانها تذكرت كلام وليد
ريان : شباب اختي انجنت
متعب : هههههه لولوه وش صار لك وانا سكت شوي بعدين : اخوك
لولوه وهي مستحيه من هالموقف : تذكرت شي
ريان : هههههههه خلاص اسكتو خلو اختي بحالها
رجال : لو سمحتو ممكن تسكتون
راكان : لا اخوي مو ممكن يعني الرحله طويله واحنا حاسيين بملل ونبي نسولف
رجال : مو بكيفكم بتسكتون غصب عليكم
خالد بعناد : امنعني عاد اتكلم (يناظر الشباب) شباب ماحد جاوب على سؤال اخونا في الله ليه يخلونا نقفل الجوالات
ريان : والله اذا عرفت علمني
وقعدو يسولفون ولا كانو الرجاال كلمهم
بعد ساعتين وهم يهرجون وصلو لاراضي مملكتنا الحبيبه
راكان : اقول فشله راجعين وماحد بيستقبلنا
خالد : اقول لا تجمع قول ماحد بيستقبلني
راكان : ليه انت فيه احد يستقبلك ؟
خالد : لا
راكان : اجل انكتم
خالد : طيب
نزلو من الطياره لمطار الرياض وطلعو من المطار وتفرقو كل واحد راح بيته
خالد لما دخل البيت
امه ترحب فيه وهي فرحانه
خالد يبوس يد امه ويجلس جنبها
ام خالد : كيفك وانا امك شخبارك ؟
خالد : الحمد لله يممه زين
نزلت سلافه وهي ترحب باخوها
سلافه : هلا باللي لفاني يا هلا به
خالد : ههه هلا بك
سلافه : سوسن زعلانه ترا
ام خالد : ليه زعلانه
سلافه : اسالي ولدك وبكذب : امس داخله غرفتي وهي تصيح من حركتك ياسخيف
خالد يقوم بسرعه : احلفي انها زعلانه
سلافه : اي والله زعلانه
ام خالد : يمه خالد ترا ماعاد لك غرفه انت وسوسن لكم جناح
امس نقلنا كل شي روح شوف اذا يعجبك
خالد وهو يسلم على امه : تسلميلي يا اغلى انسانه بالدنيا
ام خالد وهي مبتسمه : الله يرضى عليك
طلع خالد على طول للجناح
فتح اول غرفة وكانت فاضيه فتح الثانيه لقيها مقفله
خالد : سوسن افتحي ..تكفين ..بليز افتحي .. سوسن انا اسف والله ماكنت اقصد .. افف افتحي
طلع عند سلافه
خالد : سلافه ساعديني تكفين
سلافه : لا تدخلني بمشاكلك مع سوسن وبعدين سواتك وانت تتحمل عواقبها
خالد بترجي : سلافه طلبتكك احبها ورب الكون
سلافه "ياحليلك": لا ما اتدخل
خالد بقل حيله : يهون عليك اخوك ؟
سلافه : والله احد قالك تخوفها حرام عليك طيحة قلبها
خالد : شيعرفني بيصير كذا جعل لساني القطع يوم سويت هالحركه
سلافه : اسففه لا تدخلني
طلع خالد من البيت وراح عند ريان
وحكا له كل شي
ريان : هههه يا اخي ليه تسوي كذا فيها والله ما الومها يوم زعلت
خالد : يا اخي ابيك تكون لي عون تصير فرعون
ريان : ههههه طيب اشتري لها هديه تاسف منها انت وحركتك الغبيه
خالد : تهقى ترضى
ريان : ان شاء الله بس لا تعيدها ترا البنات حساسات
خالد : حسيت انك خكري
ريان : قم بس غلطان من يقعد معك
خالد : هههه لا خلك نسولف
اما سوسن فطلبت المساعده من سلافه والشغالات في تجهيز الجناح
الساعه 2
في مطعم ال...........
عم لولوه وصل ونزل شاف مافي احد بالمطعم الا شخص واحد استغرب
والشخص واضح عليه النعمه والرزه
اتصل على الشخص اللي كلمه امس
وسمع صوت واتضح انه اللي جالس هو اللي ينتظر العم
وقف وسلم على عم لولوه
عم لولوه : السلام عليكم
......: وعليكم السلام
عم لولوه : ايش الموضوع اللي تبغاني فيه
......: انا وافي محمد الباقي
عم لولوه انصدم معقوله ولد التاجر المعرفو بكل المملكه يبيه
وافي: اكيد تعرفني
عم لولوه : ايه اعرفك اهلين وش بغيت
وافي: انا طالب القرب منكم في لولوه
عم لولوه طيب ليه ما تقول لابوها انا مالي كلمه عليها وابوها عايش
وافي : انا اكلمك لاني اعرف انك متفهم بس ابوها ما اعرفه وخايف مايكون متفهم معي
عم لولوه : ان شاء الله بس انت تتفق مع ابوها انا راح اكلمه وانت اتفق معه
وافي : اولا راح اعلمك اللي راح اعطيها وانت اعرصه على ابوها
عم لولوه : تفضل
وافي : قصرين تنكتب باسمها والمهر راح يكون شيك مفتوح باي مبلغ يبونه و3 ارضيات لها وشروطها تنكتب بالعقد واللي ماينكتب بالعقد باسويه وكلمتي كلمة رجال وكلمة الرجال مايتراجع فيها
عم لولوه منصدم للحين من اللي قاله معقوله كل هذا للولوه ومقابل انها تتزوجه
وافي وقف : فرصه سعيده
عم لولوه وقف سلم عليه وخرجو مع بعض
عم لولوه راح لابو لولوه وقاله عن الموضوع
ابو لولوه : الكلام والراي الاول والاخير للولوه
عم لولوه : بس يا ابو لولوه لو ما وافقت راح نرفض نسب ما ينرد
ابو لولوه : والله مايهمني النسب اهم شي بنتي
عم لولوه : بس يا اخي هي لو عاشت معه راح يعيشها بسعاده
ابو لولوه يفكر بكلام عم لولوه
عم لولوه : انت فكر الرجال واضح انه شاري البنت ويدور رضاها
ابو لولوه : ان شاء الله
عم لولوه خرج من عندهم
ولولوه وريان توهم داخلين
(ابو لولوه مايعرف انهم كانو بالمستشفى)
ابو لولوه قام وهو يرحب فيهم ياهلا والله بعيالي ياهلا باللي نسوني
لولوه تحضن ابوها : والله مانسيناك احنا ننسى الدنيا ولا ننساك
ابو لولوه : فديت بنتي والله
ريان سلم على ابوه
ريان : والله اشتقنالك
ابو لولوه : هاه تعبانين من السفر
ريان : لا بالعكس مو تعبانين بنبدل وبعدين ننزل نتمشى
ابو لولوه : اجل انا ابي لولوه بموضوع
ريان ويسوي نفسه زعلان : وانا لي الله
ابو لولوه : ههه روح بدل بس
ريان : ههه ان شاء الله باس راس ابوه وطلع يبدل
ابو لولوه وهو يجلس لولوه جنبه
ابو لولوه : لولوه باقولها لك من الاخر جايين لك خطاب
لولوه انصدمت " اتزوج غير وليد لا مستحيل": يبه الله يهداك ما ابي اتزوج
ابو لولوه : لا بتتزوجينه
لولوه مستغربه اول مره ابوها يغصبها على شي : يبه وش فيك ترا الزواج ماهو بالغصب وانت تعرف انه مايجوز
ابو لولوه بنرفزه : لولوه انا دلعتك بزياده راح تتزوجينه
لولوه والدمعه بعيونها : يبه ما ابي اتزوج
ابو لولوه بتناسى دمعة بنته اللي اثرت فيه : راح تتزوجينه قومي بدلي واخرجي مع اخوك وما ابي اسمع غير موافقتك
لولوه : يبه انا دلوعتكمعقوله تغصبني على شي ما ابيه
ابو لولوه : انا كنت ما ارفض لك طلب بس لهنا وبس ليه تردين الزواج
لولوه : يبه مليت من بنتك مليت من ضناك
ابو لولوه : ما مليت منك بس الولد شاريك وانا ما ابي ارفض الصراحه
لولوه جرت على غرفت اخوها
ريان فتح الباب بعد مابدل شاف لولوه جايه على غرفته وهي تبكي
ريان : بسم الله لولوه شفيك
لولوه حضنت اخوها وقعدت تصيح
ريان دخلها غرفته وجلسها على السرير وبعد ماهديت قالت له اللي قال ابوه
لولوه : ريان تكفى انا ما ابي اتزوج
ريان نزل راسه : بس انا مالي كلمه بعد كلمة ابوي
لولوه : ريان ابوس ايدك انا ما ابيه ما ابيه
ريان : انا باحاول اكلم ابوي بس ما اظمن لك
راح ريان وبعد شوي رجع
لولوه : ريان : وش قال ابوي
ريان : رافض يقول الولد نسبه زين وهو شاريك
لولوه رجعه تصيح وراحت غرفتها اخذت الجوال اتصلت على وليد
وليد اول ماشاف رقمها رد
وليد : هلا لولوه
لولوه : وليــ..ـــ..ــد
وليد : لولوه ايش فيك ؟ احد سوا لك شي احد تعرض لك
لولوه : ابوي ورجعت تصيح
وليد : وش فيه عمي
لولوه بعد ماهديت : يبي يزوجني ما ابيه وليد ابيك انت انت وبس ما ابيه
وليد فرح انها حتى هي تبيه : ولا يهمك انا باكلم عمي
لولوه : تكفى وليد ما ابي اتزوجه طلبتك
وليد : ان شاء الله ماراح تتزوجين غيري
قفل منها ونزل لعند ابوه
ابو وليد : وش فيك مسرع
وليد : يبه انت تبي تفرح فيني صح
ابو وليد : اكيد ابي افرح فيك
وليد : ابي اتزوج لولوه تكفى يبه
ابتسم ابوه : كنت راح اعرض عليك لولوه عشان تتزوجها بس انت سبقتني
وليد بفرح يبوس راس ابوه
وليد : انا طالع الحين بارجع بعدين
ابو وليد : الله يحفظك
راح وليد لعند ابو لولوه
وليد : هلا عمي شلونك
ابو لولوه : هلا وليد الحمد لله انت شلونك ؟
وليد : انا مو تمام بس بعد ما توافق على اللي جايك عشانه باكون تمام وباحسن حال
ابو لولوه : قول وانا ابوك
وليد : سمعت انك موافق على خطبة لولوه
ابو لولوه : كيف عرفت
وليد توهق وبسرعه رد : ريان قال لي
نزل ريان على كلمة ريان قال لي
ريان : وش اللي ريان
ابو لولوه : وليد يقول انك قلت له عن خطبت لولوه
ريان يناظر وليد باستغراب
وليد انقلب وجهه ويحاول يلمح لريان بانه ماينفضح
ريان بابتسامه : ايه قلت له
وليد تنهد براحه : ايه ياعمي وانا جاي اقولك انا ولد عمها واحق فيها طلبتك لا تردني ابيها واللي تبيه مني يصيـ..
قاطعه ابو لولوه بابتسامه : وليد انا صحيح وافقت على خطبة لولوه وضغطت عليها بس مهما صار مستحيل اجبرها ومره ثانيه الشور الاول والاخير للولوه واما تختارك او تختار وافي
وليد ابتسم وقام وحظن ريان
ريان بهمس : هاه افضحك ؟
وليد : لا فديت قلبك الطخ بس شوي
ريان : هههههههه ان شاء الله توافق لولوه
وليد : الله يسمع منك
ابو لولوه طلع للولوه
ابو لولوه : لولوه انتي تعرفين غلاتك بقلبي صح ؟
لولوه هزت براسها
ابو لولوه : ماراح اجبرك على شي صحيح نسب وافي ما ينرد بس لعيون دلوعتي ينرد
ابتسمت لولوه براحه
ابو لولوه : وليد بعد خاطبك وانتي اختاري وليد ولا وافي
لولوه : ما ابي وافي ما ابيه
ابو لولوه بابتسامه : اجل وليد رجال بمعنى الكلمه الف مبروك
لولوه ابتسمت وحضنت ابوها
الساعه 7 المغرب
سلافه تتصل على خالد
سلافه : خالد طلبتك قل تم
خالد بهدوء غريب : تم
سلافه : ابي اروح السوق تكفى
خالد : اجهزي 10 دقايق وانا عند الباب
سلافه بفرحه : طيب
تجهزت ومثل ما قال 10 دقايق وصل وهي نزلت
وراحو للسوق وسلافه تعمدت تتاخر عشان سوسن تخلص كل التجهيزات
توقعاتكم
مفاجاه سوسن لخالد ؟
موقف وافي من رفض لولوه ؟
وليد ولولوه ؟