شبكة همس الشوق - عرض مشاركة واحدة - روايه س لك بالله وش سويت فيني وش سر هالشوق اللي يجيني كامله

8 - 6 - 2012, 08:43 PM

وافي وهو جاي من عند المحاسب وبيده مويه مسك يد وليد : وليد فك يدها وروح دور اختك
وليد وهو يشد على يدها ويرص على اسنانه : كله بسببك لو صار لسديم شي صدقيني مـ..
قاطعه وافي : روح دور اختك وخل التهديد لاهله وفك يدها عورتها
وليد وهو يفك يد لولوه
لولوه حطت يدها مكان مامسك لانها جد تعوورت
دورو في كل مكان بس بدون جدوى
الكل عرف بالموضوع
كانو الكل مجتمعين في بيت وليد
ام وليد وهي تبكي : ياحسرتيي على بنتي وين راحت يابعد عممري ياسديم وينك يممه
ابو وليد ساكت وحاط يده على راسه ويدينه على ركبته
وليد بصراخ على لولوه : وين وديتها كل هذا حقد عشان الطلاق ما ابييكك تفهمين ما ابيك
لولوه وهي تبكي : ولا انا ابيك وحتى لو كنت ابيك ماراح توصل فيني الحقاره اني اضيع سديم عشاانك
وليد رفع يده يبي يعطيها كف بس ريان مسك يده
ريان بعصبيه : كلنا زعلانين على سديم بس خلاص اهدى خلنا نفككر
وليد : ماتشوفها وش تقول
ريان : اشوفها واشوفك انك انت اللي بديت بالكلام خلاص اهدو خلونا نفككر
وليد سكت وهو حاقد على لولوه
نوف " زودها هذا قلنا ماتتم الملكه بس مو كل شوي يبي يعطيها كف " تنهدت بصوت عالي
والكل متنرفز
ريان جلس جنب لولوه
ريان : علميني لولو كيف ضاعت
لولوه : رحنا قسم الحلويات وكانت تشتري من الحلويات وكان مافي احد بالقسم شوي واجا واحد وقال اعطيني وجه وتهاوشنا بعدين اجا وافي وصرف الرجال والتفتت لسديم مالقيتها
ام وليد : كله بسببك ليه تاخذينها معك وتنشغلين عنها اطلعي برا بيتي اطلععي
انصدمت لولوه من كلام عمتها
ابو وليد : وش هالكلام ياهيا (ام وليد)
ام وليد قاعده تبكي
لولوه طلعت وركبت مع السايق ورجعت البيت
ريان : عمي اشرايك نبلغ الشرطه
ابو وليد : تهاني قومي جيبي صوره لها ونروح الحين للشرطه ونشوف
تهاني : ان شاء الله
راحت وجابت الصور
راح ريان وابو وليد للشرطه
وليد ومتعب راحو يدورون لها جنب السوبر اللي ضاعت فيه
والعيله كلها في حالة استنفار
...
عند فيصل يفكر بوعده لابوه
قطع عليه افكاره صوت سامي وهو يصارخ باذذنه
فيصل : وجعع فقعت طبلتي وش تبي
سامي : يا اخي وش فيك سرحان
فيصل : افكر بالوعد اللي وعدته ابوي
سامي : حق ترك حركاتك
فيصل : ايه
سامي : اها طيب ليه تفكر بالموضوع انت وعدته انتهى الموضوع
فيصل : ما ادري يا سامي احس اني تسرعت
سامي : لا لاتخاف ماتسرعت ولا شي
فيصل : ان شاء الله مااكون تسرعت واندم
سامي : ان شاء الله
فيصل وهو يحضن سامي : بس ما ابي اتركك
سامي وهو يدف فيصل : وخر زين عني حسستني اني زوجتك مين قال لك اتركني قال لك اترك الحركات بس ما قالك اترك اخوياك
فيصل وهو يرجع يحضن سامي وباستهبال : احبك يا اخي
سامي : هههههه وخر بسس
...
في الشاليه الساعه 7
سوسن بغرفتها المشتركه مع خالد
خالد : سوسن وش فيك اليوم علي ترا ماسويت شي
سوسن : بس انا ما قلت لك شي
خالد : ايه هذا اللي اقصده انك ماتكلميني وهذي مو من عوايدك
سوسن : والله بكيفي ما ابي اكلمك
خالد جلس على السرير وسحبها جلست جنبه
خالد : وش فيك علميني
سوسن : مافيني شي
خالد : الا فيك
سوسن : لا مافيني شي
خالد : الا
سوسن : لا
خالد : سوسن وبعدين معاك وش اللي غيرك فجاه
سوسن : ما تغيرت خلاص اترك يدي
خالد ترك يدها : طيب قولي كذا من اول ماتبيني اقرب منك وانتهى الموضوع
طلع من الغرفه
وسوسن قعدت تلوم نفسها
بعدين قامت وراحت عند سلافه
سلافه : وش فيك سوسو
سوسن قالت لها كل اللي صصار
سلافه : انتي غبيه صح ؟
سوسن وهي معقده حواجبها : غبيه ؟ لا مو غبيه
سلافه : كل اللي سويتيه ومانتي غبيه ؟
سوسن : سلافه انا جايه عندك عشان ابغى حل
سلافه : راضيه
سوسن : كيف ؟
سلافه : بااي طريقه
سوسن : طيب وخري عني باروح الغرفه افكر
راحت الغرفه تفكر وتفكر بس مالقت فكره قالت احسن شي اتاسف منه مباشره وخلاص
ونزلت عند البنات لانهم مجتمعين بالصاله يسولفون
سولفو الين الساعه 10 وكل وحده طلعت غرفتها
سوسن طلعت غرفتها انتظرت خالد الين الساعه 12 بس ما اجا استغربت
خافت بس حاولت تشيل الافكار اللي تجيها وغفيت وهي تنتظره
اليوم الثاني الساعه 11 صحيت قامت صلت ولبست
جينز سكيني اسود وبدي زيتي وعليه جاكيت ورعت شعرها كله وحطت ميك اب
ونزلت شافتهم مجتمعين سلمت على عمتها وعمها (ام وابو خالد) وجلست عالطاوله
وشافت خالد جالس تنهدت براحه
بس انقهرت لانه كان جالس جنب هدى
حاولت تاكل بس ماقدرت عيونها معلقه عليه وعلى هدى لانه يسولف معها ويضحك وهي مقهوره
قامت عند الطاوله كانت تبي تروح
ام خالد : يمه سوسن ما اكلتي شي
سوسن ببحه : مالي نفس عمتي
ابو خالد : شلون مالك نفس اقول اجلس وافطري
خالد : يمه يبه خلوها براحتها
سوسن ناظرت فيه وخانتها دمعتها ونزلت
ام خالد بخوف : يمه سوسن وش فيك تصيحين الكل التفت لسوسن
سوسن طلعت ولا ردت على ام خالد
ابو خالد يناظر خالد وكانه عرف انها زعلانه من خالد : قوم راضها وانا ابوك
خالد : بس يبه انا ما سويت لها شي
ابو خالد : قوم راضها
خالد تنهد وقام
الكل استغرب انو خالد مايبغى يراضي سوسن الا سلافه اللي عارفه السالفه
خالد طلع الغرفه دخل وكانت هي على السرير ماسكه المخده وتصيح عليها
خالد تنهد ودخل الحمام .. اكرمكم الله ..
وبعدين طلع من الحمام ومن الغرفه
ابو خالد : هاه وش فيها
خالد بكذب : قلت لها وش فيك ما اكلتي قالت مالي نفس قلت لها زعلانه مني قالت لا
ابو خالد : ايه طيب
...
اما عائلة وليد ما نامو وهم يدورون وسديم مافيه لها أي اثر
وهم جالسين يفكرون باي شي يوصلهم لسديم
وصل تلفون لابو وليد
ابو وليد : الو
الشرطي : السلام عليكم ورحمة الله
ابو وليد : وعليكم السلام ورحمة الله وبركاته
الشرطي : هذا جوال فهد ال.....
ابو وليد : وصلت
الشرطي : لو سمحت ممكن تتفضل للمركز
ابو وليد : ليه وش فيه ؟
الشرطي : تعال وتعرف
ابو وليد انقبض قلبه " ان شاء الله خير " : يلا انا جاي
ريان : وش فيه خبر عن سديم
ابو وليد : ما ادري يقولون تفضل للمركز
ريان : اجي معك ؟
ابو وليد : اييه تعال
راحو رييان وابو وليد
وصلو مركز الشرطه
الشرطي : والله ما ادري وش اقولكم بس انتو اهدو ولا تنسون انه اله اللي كاتب كل شي
ابو وليد : سديم فيها شي
الشرطي : احنا لقيناها لكن ...
ريان : تكلم وش فيها سديم
الشرطي : للاسف لما لقيناها كان مغمى عليها وكانت تنزف ولما كششفنا عليها اتضح لنا انها تعرضت للاغتصاب وحالتها غير مستقره لصغر سنها
ابو وليد حط يده على قلبه وجلس على الكرسي
ريان : عمي وش فيك اهدى الشرطي صب له مويه من الموجود
شرب وهو يناظر قدامه ولا يتكلم
ريان : عمي فيك شي عممي
ابو وليد ناظر في ريان وتمسك بيده وقام : رجعني عالبيت
ريان تنهد ورجع عمه للبيت
ام وليد : وش فيه وش صار
ريان ساكت ومو قادر يعلمهم وابو وليد ساكت ويناظر قدامه
تهاني : يبه وش فيك
ريان يناظر تهاني : طلعيه غرفته
تهاني مسكت يد ابوها وطلعته غرفته
ريان جلس على الكرسي وهو متردد يقول لهم ولا لا
وليد : ريان وش فيه قول
ريان : الشرطه لقوها لكن
وليد : لكن ايش
ريان ناظر الارض : تعرضت للاغتصاب وحالتها الحين مو مستقره
تعالت الشهقات الكل يصيح على سديم اللي لسى باول عمرها
وليد حط يده على راسه وهو يفكر باخته ودلوعته
...
طلال يفكر طريقة ياخذ فيها الشريط
محمد : والله لو ماسويت لها شي ماراح تفكر توري احد الشريط
طلال : ماني ضامن
محمد : طلال هذي سوسن وانت تعرفها اكثر مني ماتقدر تاذي احد
طلال : ما ادري يا محمد ما ادري
محمد : استهدي بالله وحاول تشيلها من بالكك
طلال : ان ششاء الله باحاول
...
في الشاليه الساعه 1 الظهر
سوسن بالغرفه وقالت باراضيه واللي فيها فيها
سكتت وهي تشوفه داخل بعدين اتجه لجهة البلكونه فتح شنطه كانت موجوده بالبلكونه وكان بيطلع شي ماعرفته سوسن
سوسن قامت وحضنته من ورا وحطت راسها على ظهره : خالد انا اسفه على كلالامي امس بس حسيت بغيره من كلامك عن هدى اسفه والله احبك
استغربت سكوته
فجاه دخل احد التفتت تشوف مين اللي دخل كان خالد وعلق عيونه عليها وهي حاظنه امجد وتحسبه خالد
التفتت اللي حاظنته طلع امجد
خالد ناظرها وبعدين خرج من الغرفه سوسن جرت ورا خالد
خالد وهو نازل وسوسن وراه
سوسن : خالد والله انت فاهم غلط تكفى وقف
وقت لما شافته يقفل الباب وهو خرج
سوسن : افففف قهههر هذا وانا سويت اللي قالته سلافه اف اف طلعت جري لعند سلافه
شافت امجد بطريقها ناظرت له من فوق لتحت وكملت طريقها
امجد : انقهر من نظرتها بس سكت
سوسن دخلت غرفة سلافه لقت سلافه وغنج وحوراء قاعدين
سوسن سكتت لانها ماتبي تتكلم قدامهم
وقعدت عندهم هم يسولفون وهي تفكر كيف تفهم خالد
...
خالد راح شقته اللي مستاجرها
قعد يفكر بسوسن (معقوله هذي اللي حبيتها وعطيتها كل اللي تبي تطلع بالاخير .. سكت مو قادر يقول الكلمه وخصوصا انه يقصد فيه حب حياته لا مستحيل اكيد انا فهمت السالفه غلط .. بس كيف غلط وانا شفتها حاظنته وبعد تقول والله احبك ) تنهد وهو يحس راسه بينفججر

...
ريان وهو داخل غرفة لولوه
لولوه : وش صار لقيتو سديم
ريان سكت
لولوه : ريان وش فيك لا تخوفني زياده بليز
ريان : علمها كل اللي قاله الشرطي
لولوه قاعده تناظر في الفراغ وهي تحاول تستوعب اللي قاله بهالعمرر ؟
ريان طلع وخلى لولوه
لولوه : كله بسببي ليه خذيتها ليه ليه وقعدت تصيح
...
ابو وليد يتصل على الشرطي
الشرطي : السلام عليكم
ابو وليد : وعليكم السلام ايه لو سمحت ابي اعرف المستشفى الموجوده فيه سديم
الشرطي : مستشفى .......
ابو وليد : شكرا
الشرطي : العفو
الكل توجه للمستشفى
...
ريان دخل على لولوه وهي تبكي
ريان : لولوه بيروحون المستشفى عند سديم تبين تروحين
لولوه : ايوه
ريان : يلا قومي
راحت لبست عبايتها وطلعت مع ريان وتوجهو للمستشفى
...
في الشاليه
سلافه قاعده قدام التلفزيون تتابع فيلم اجنبي
وقدامها جميع انواع الاكل وقاعده تاكل
امجد وهو يجلس جنبها : حلو الفيلم
سلافه : خطيير
امجد : نشوف الخطير سحب منها البطاطس
وسلافه سحبته منه : لا مافي بس انا باكل
امجد : يهون عليك اشوف الفيلم بدون بطاطس والله مايصير
سلافه : الا يصير اسكت بس وتابع
امجد : يابخيله
سلافه سفهته وكملت الفيلم
اما امجد يفكر بطريقه عشان ياخذ منها البطاطس
امجد وهو يسوي نفسه متفاجا
امجد ياشر على الارض : هئ وش هذا
سلافه وهي تناظر
امجد حب البطاطس
امجد : الحين انتي اللي بتتابعين الفيلم بدون بطاطس
سلافه : هات بسرعه قبل ما اعصب
امجد : عصبي كيفك اهم شي ماراح اعطيك
سلافه وهي تسحب البطاطس وامجد يسحبه
انكب الطاطس كله بالارض
امجد وسلافه بنفس الوقت : هئئ انت/ي وش سويت/ي
سلافه : كله بسببك
امجد : لا والله تكبه وتحطها فيني انتي اللي مدري كيف تسحبين يد فوقق ويد من الجنب وش تحسين فيه
سلافه بصراخ : احس انو بطاطسي طاح كله
امجد : لا اله الا الله واذا طاح وش يعني يلا قومي نظفي
سلافه شهقت : هئئ وش وش وش مين اللي ينظف
امجد : انتيي مين يعني
سلافه : لا والله شايفني شغاله
امجد استغرب من تفكيرها : وش ماحد قال انك شغاله بس انتي كبيتي البطاطس يعني انتي تقومين تنظفينه
سلافه : نو حبيبي مو انا اللي كبيته انت كبيته
امجد : لا انتي
سلافه : لا انت
امجد :بس انا ماعمري نظفت
سلافه : ولا انا
امجد : اجل مين يرتب لك
سلافه : الشغاله
امجد : هههه حرام رحمتها الشغاله من قرفك تخربين وهي ترتب
سلافه : اسكت بس
امجد : ههه طيب بس ممكن العصير واشر لعصيرها
سلافه سحبنت العصير بقوه وانكب كله عليها
امجد : هههههههههههههههههههههههههههههههههههههههههههههههههه هههههههههههههههه
سلافه : كله بسببك
امجد : هههههههههههههههههههههههههههههههه بطنني ههههههههههههههههههههههههه
سلافه : وجع سخيف وقامت عشان تغير ملابسها
...
الساعه 3 رجع الشاليه لان ابوه اتصل عليه وقال له يرجع
اول مادخخل
كانت سوسن تتمشى بالحديقه
اول ماشافته جرت لعنده
سوسن : خالد اسممعني والله انت فاهـ.
قاطعها خالد : سوسن انا شفت كل شي وما يحتاج تشرحين لي
سوسن مسكت يده تبي تفهمه
بس بسرعه بعد يدها : خلاص سوسن
سوسن : طيب اسمعني
خالد بعصبيه : وبعدين معاك ما ابي اسمعك ما ابي تبين تكذبين اللي صار لا حبيبتي انا اسف مو مضطر اضل اسمع تبريراتك اللي متاكد انها مالها اساس بالحقيقه
سوسن بحسره : بس انا ما اكذب
خالد باستهزاء وهو متجاهل دمعتها اللي هزته : لالا بصراحه صادقه ودخل وخلاها عند الباب وكل هذا تحت سمع هدى
ابتسمت على الفكره اللي جاتها
توقعاتكم ؟؟
هدى ومخططاتها ؟
سوسن وخالد ؟
امجد وسلافه ؟
البنات والشباب اللي بالشاليه وش بيصير عليهم ؟
سديم ؟؟
فيصل ولارا وهل الزواج راح يتم ؟
لولوه ووافي ؟
وليد وتصرفاته مع لولوه ؟