يبي يرجع و يذكرني ,,
ويهديني فرح عمره
وكل ظنه أنا بـ أرضى
وأعانق جيّته وأفرح
نسى خذلانه لقلبي
تناسى لحظة جراحي
وصب الملح بـ رجوعه
وجلس يحسبني بـ أتألّم
أو إنّي كنت موجوعه
صدمته بـ ردّي الجارح
نعم من حضرتك لاهنت ؟
نعم !
آمرني يا ناكر ؟
بقى لك شي تنتظره ؟!
أظنّك كنت لي الدنيا
قبل لا تنكره وعدك !
وأظنّي كنت عاشقتك
قبل لا ألمحه صدّك !
دخيلك روح أحسن لك
وأحسن لـ الجراح تطيب
أنا راهنت في غيابك
على نسيانها عيونك ،،
وقدرت أربح رهاناتي
و مدامك جيت : ناخيتك
إخذ هالصورة وأشعارك
أمانة ورْجعت لـ إيديك