ما راح من عمر التعب مـا يكفّيـك ؟
ما هزتك طيحـة هقاويـك .. دونـك؟
يا "باعث" قبـور الحـزن فـي محانيـك
لو مـا رجعـت لْدفنهـا .. يدفنونـك
هذا الحزن لـو مانتهـى بـك بينهيـك
خاوى تفاصيلك .. وعـوّد بدونـك !
شف شيبك اللي من همومك عثى فيـك
وكيف التجاعيد عْبثت فـي جفونـك !
جسمك تهـاوى مـن عنـاك وتعنّيـك
ونبـرات صوتـك غالبتهـا شجونـك
لأْنك تنفسـت الشقـا فـي مساريـك
شف كيف صدرك مختنق من طعونـك!
بعت المنـام لعيـن مـن نـام ناسيـك
حتى غـدى ليـل السهـارى زبونـك
لا تنتظر من خانك انـه يواسيك
لو هـو يحبـك مـا تجـرأ يخونـك !
قلبـك تعلّـق فـي مخاليـق تشقيـك
ونسيت حب الخالق اللـي يصونـك !
الناس في عونـك ، إذا الحـظ يعطيـك
وان شح حظـك؟ قالـوا: الله بعونـك!
ارقى عـن أسبـاب الزعـل لا تخليـك
عبد لهمومـك كـل مـا يزعلونـك !
دنياك حلوه .. لـو تلفّـت حواليـك؟
تلقـى مـن بعـاد البشـر ينصفونـك
لو شفتها بعين الرضـا هـي تراضيـك
ولو بالكدر ؟ مـا خالفتـك بظنونـك!
افرد جناحين الفـرح فـوق ماضيـك
حلّق عـن الذكـرى ومـن يجرحونـك
غيّر مـن الواقـع إذا كـان عاصيـك
جدد من الأحلام .. مـارس جنونـك!
ازرع فيافي الصدر بأخضـر طواريـك
الكون كله ساعـة رضـاك .. كونـك
الليل تسهـر مـع نجومـه .. تناجيـك
وتبـادر طيـور الصبـاح بلحـونـك
بـث الجمـال بكـل رسـم لمعانيـك
خلّ الطبيعـه تاخـذ احسـاس لونـك
خذ من خطاك اللي يصحـح خطاويـك
لاتشيـل مـا لا تستطيعـه متـونـك
وان ضقت.. أو ضاق الزمن؟ ارفع ايديك
لك رب ما يخذْلـك .. لـو يخذلونـك
ممـآرآق لي