شبكة همس الشوق - عرض مشاركة واحدة - عن الفنان ن عيسى بن علي الاحسائي فتى الشرقيه

4 - 7 - 2012, 09:08 PM

مرثيات في عيسى

ابكتب من الشعر لين الناس تسمعني
عيسى توفى وعفت الشعر والوانه
موته جرحنــــــــــي والمنــي روعني
ماينبني فن مهدومه حد اركــــــانه
صديق خلا لي الدنيا وودعــــــــــني
اقفى وخلالي اشعاري مع الحــــانه
جمهور ابو نايف اتعذب وعذبــــــني
كلن يجيني يبـــــــــي اخبار فنانه
من كل ديره علــــــى الهاتف يكلمني
وذاك يرســـــــل مكاتيبه وعنوانه
واللي يجيــــــــني بأستغراب يسألني
هل صــــــــح قلت البقاء لله سبحانه
دمعي كما الســـــيل ليت الدمع ينفعني
ما عندي اعصاب اشوف اهله وورعانه
صديقي الي على المعنى وما يعنــــــي
ما هو من يبيـــــــع عهود صدقانه
اثر على حال ابو ميســــون ووجعني
نويت اخلي جميع السعر ووزانه
ليت جمهور ابو نايـــف يصدقني
ان القوافي بدونه مالها خـــــانه
لكن هي ظروف تدفــــعني وتجبرني
ممكن ويمكن على شانه ومن شانه
ياليت والليت لاتسمن ولاتغنـــــي
الانكثر مصايــــــب روح وجعانه
ياليتني ماعرفت اسمه ويعرفني
ولاسهرنا ومعــــنا اعيون سهرانه
جلاس كلن ينادي يافتى اطربنـــــي
في مجتمع يخلط حضره وبدوانه
ما كن هذا الشخص يعزف ويغني
لو هو يحب المظاهر كان بأمكانه