شبكة همس الشوق - عرض مشاركة واحدة

17 - 8 - 2012, 12:48 AM

البــــــــ2ـــــــــــارت
.....: هنــــــو .. ميــــــرو يالله تاخرنا
الهنوف : دقيقه ياخي وش فيك مستعجل على رزقك
....: وش دخل رزقي في السالفه
الهنوف: مدري بس مخي الحس من الازعاج الي انت معيشني فيه
....: انتي مخك ملحوس من زمان .. اقول ترا بروح
اميره : ياخي اصبر مفتاح الفرج
الهنوف بستعباط : مفتاح الفرج ولا مفتاح الحزن .. فهمتوها ههه لا تقولون ما فهمتوها .. يعني فرج فرح و زي كذا
اميرة نزلت من الدرج وهي ماسكه الهنوف من التيشيرت حقها: والله العظيم اذا عدتيها لا ادفنك هنا
الهنوف تفك نفسها بطريقه مضحكه : طيب طيب افف محد ينكت عندكم .. الا وين عزوزي
اميرة و الهنوف دخلو الصاله لقوه حاط راسه على الطاوله و يطلع صوت كانه يبكي و يقول : ليه ليه ي ربي .. ليه
بليتني بـاخت نفس هذي .. انا وش سويت عشان تعقبني كذا
الهنوف راحت له و طبطبت على كتفه : وش نسوي لازم تتحملها هي غثيثه بس انت قدها و قدود اميرة ما تقدر عليك يا اخي العزيز
و على فكره باخت ولا باخو فهتوها يعني هذي انثى و هذا ذكر
عبد العزيز قام و مسكها من طرف بلوزتها : انتي من وين جايبه هذي السماجه .. اقول البسي عبايتك مسكين برهوم شكله خاس في المطار
الهنوف : حسستني ان برهوم حبيبتك مو اخوك .. ياخي صابر سنتين اصبر كم دقيقه
عبد العزيز : انا طالع تبون تجون ولالا بسرعة انا في السيارة
طلع و ثواني و رجع
اميره : وش فيك رجعت ؟!
الهنوف : اكيد اشتاق لي
عبد العزيز وهو يصعد المصعد : خلي عنك الثقه .. نسيت مفاتيحي
اميرة : والله من الغباء الي انت عايشه .. صدقت هنو كان برهوم حبيبتك مو اخوك
الهنوف : ازعجتنا تاخرنا و مدري وشو اخر شوي انت الي اخرتنا
عبد العزيز راح فوق و نزل وهم يتكلمون عنه
عبد العزيز عصب : يالله بسرعة على السيارة
الهنوف بصوت عالي بس تسوي حركات كانها تهمس لـ اميرة : ميرو ميرو اخوي الي هو اخوك العزيز شب نار لدرجة انه صار ينقط رماد
اميرة ضحكت : ههههههههاااي حلوه .. عجبتني عيديها
الهنوف تمشي بغرور : انا ما اعيد شـ...
قطع عليها كلامها رجل عبد العزيز الي خلتها تطيح على وجهها
اميرة مسكت بطنها : ههههههههههههههههههه اااااي بطني
الهنوف تربعت على الارض و هي تفرك جبهتها : ليه كذا حرام عليك تطيحني كذا
عبد العزيز كاتم ضحكته : اقول قوم اركبي السيارة
اميرة تناظر ساعتها : ترا تاخرنا
عبد العزيز يفتح الباب : لا والله توك تلاحظين
الهنوف تمد يدها : عزوز قومني
عبد العزيز مسكها من يدها و سحبها بقوه و طارت : يالله
^^^^^^^^^^^^^^
>اعرفكم على عائلة ابو سعود<
ابو سعود (محسن) / عمره 46 غني و شركاته تضاهي شركات ابو فيصل .. كان صديق ابو فيصل ايام الجامعه بس تفرقو مع سنوات والحين رجعو نفس اول .. دمه خفيف و يحب يضحك
**
ام سعود (رانيا ) / عمرها 43 قلبها ابيض تحب كل الناس خايفه يجي يومها و ما تشوف لتين( بتعرفون السبب بعدين ) .. دمها خفيف زي زوجها و كل يوم تنكيت
**
سعود / عمره 27 متزوج و عندع ولد و عايش في جدة و يجي كل اجازه لان شغله هناك .. وسيم ( ما اقدر اقول زيادة زوجته موصيتني ما اقول موصفاته هههه)
**
ساره / عمرها 25 مخطوبه من شهور وبقي شهرين و تملك و تتزوج في يوم واحد .. حلوه و طيبوبه و هي صديقة غاده ايام الثانوي
**
عبد العزيز / عمره 23 يحب خواته هنو و ميرو( يالبىى صديقاتي بس ) هم الي مخففين شوقه لـ لتين .. عيونه ناعسة لونها عسلي فاتح رموشه كثيفه مخليه
عيونه كبيره و خيال شعره ناعم بني غامق مع خصلات عسلي غامق خشمه سلت سيف فمه متوسط مليان سكسوكتها مره حلوه بشرته حنطيه فاتحه عند غمزه على خده اليمين
واليسار جسمه عضلات كثيره يعني قوي .. مشتاق لـ لتين مره كان بيروح لها السنوات الي فاتت بس كان خايف من الي بيصير بعدين
**
ابرهيم / عمره 22 مسافر سنتين يدرس برا و بيكمل بس جاي عشان الاجازة حقود و حسود اذا حط شيء في راسه يسويه غصب عن الكل
و اذا قال هذا لي خلاص له .. وسيم عيونه عسليه غامقه خشمه عادي فمه متوسط مليان بشرتة حنطيه عنده سكسوكه وهي الي مخليه
وجه حلو جسمه متوسط .. بعد ما نقلو من بيتهم القديم نسى لتين بس هو كان معجاب فيها و يسمه حب
**
اميرة / عمره 20 نوعها هادي تحب تقرا و تبي تصي دكتوره بس الهنوف ماثره عشان كذا فيها هبال خفيف .. جمالها يجذب اي احد عيونها عسلية واسعه
رموشها كثيفه شعرها ناعم مره لين نص ظهرها لونه عسلي غامق بشرتها بيضاء خشمها سلت سيف و فمها حبت توت ورديه مليانه و احلى شي الغمازات الي
في خدها اليمين جسمها صغير مره .. تحب لتين كااختها
**
الهنوف / عمرها 19 مهبوله مجنوه مرجوجه الابتسامه ما تروح عن شفتها تموت على عبد العزيز و اميرة .. جمالها طبيعي عيونها عسليه غامقه
و مكحله رموشها عاديه خشمها صغير فمها حبت توت مليانه ورديه شعرها طويل لين اخر ظهرها ناعم لونه اسود فحمي بشرته بيضاء صافيه
جسمها اضغر من اختها بشوي .. تموت على شيء اسمه لتين و تتمنى تشوفها
**
( كانت في بنت اسمها اسماء لكن ماتت وهي عمرها سنه و لو كانت عايشه كان الحين عمرها 13 )
**
طلال : احلى طفل في الروايه عمره 3 و يتكلم بس شوي شوي الكل مسميه اسم مثلا الهنوف تسميه النتفه و زي كذا .. قزم شعره كدش صغير
عيونه واسعه و كانه شايف جني(هههه)لونها عسليه تجنن لنه حنطي فاتح
********************
وصلو المطار الساعه 9:00 pm و قعدو يستنون عند البوابه
كانو جالسين على الكراسي عبد العزيز في النص و الهنوف و امير جنبه
الهنوف تدق عبد العزيز بكوعها : تاخرنا هاه ناظر قاعدين ساعه و ما جاء
عبد العزيز :وانا وش دراني انه بيتاخر كذا
الهنوف توقف : انا بروح الكوفي اجيب شيء تبون اجي شيء لكم
اميره : موكا بليز
عبد العزيز : مويه بس
الهنوف وهي تمشي : اوكي
اميره تتكلم مع عبد العزيز : اخبارك يا اخي العزيز
عبد العزيز : الحمد اله كله تمام اخبارك انتي
اميره : كل شي تمام التمام اخبارالشركه
عبد العزيز :تعرفين اننا مشتركين مع شركة الـ.... من سنه
اميره تعدلت في جلستها : لا عاد متى
عبد العزيز : سنه و اسمها شركة صالح الـ... و ابنائه
اميره : لا لاتقول انه صالح عبد الرحمن الـ..
عبد العزيز : الا هو .. ليه وشلون تعرفينه
اميره تكلم نفسها : ووووووع ما لقو يشتركون الا مع هذي الشركه
عبد العزيز يمرر يده قدام عيونها : يا هووووه ردي من وين تعرفين ابو فيصل
امير وهي مكشره : هذي عدوتي في الجامعه مغرور و شايفه نفسها و كل يوم اتضارب معها و صالح هذا يصير ابوها
عبد العزيز : طيب وش دخل ابوها
اميره : والله مدري
عبد العزيز : الحمد الله والشكر .. اكيد الهنوف اثرت فيك
اميره : حرام عليك كل ما سويت شيء غبي تقول هنو ماثره عليك
عبد العزيز : انا ما قلت شي غلط هنو صدق خبله .. و دايم تتبتسم و تضحك
اميره : قول مشاء الله .. ترا شيء حلو هذا بعدين ما تبتسم ولا تضحك
عبد العزيز يحب الهنوف اكثر وحده : لا انشاء الله كل يوم تبتسم ما اقدر اشوفها حزينه و ما تضحك
اميره : ايه كذا زين .. الا مو كان هنو تاخرت
عبد العزيز : لا اكيد الحين بتجي
<<<<<
نروح عند هنو
دخلت الكوفي الي في المطار مشت بتروح تشتري لها و لـ امير و عبد العزيز
وهي تمشي تتلفت تشوف الناس الي ينتظروا .. و لفت تشوف نفس الشيء ناس ينتظرون نفس الشيء بس شيء جذبها
كان شابين يتكلمون مع بعض و باين انهم مندمجين و بقوة شافة وجهه واحد لكن الثاني معطيها ظهره
ما هتمت كثير و لفت تكمل مشيها وقفة و طلبت و رجعت ناظر الناس بـ ملل .. نزلت راسها و فتحت البلاك بيري
لكن ملت و رفعت راسها و طاحت عينها على الشابين الي تو بس الحين وجهه الشاب الي كان معطيها ظهره طلع نصه
قالت في نفسها " يا ربي يا ربي هذي العيون وين شفتها "
مشت شوي عشان تشوف وجهه كامل يوم شاته تجمدت و قالت بهمس : برهوم برهوم (بعدين صارخت بقوه خلت كل الناس
تناظر لها ) برررررررررررررهوم حبيببببببببببي
ابرهيم لف و شافها على طول ابتسم يعرفها حتى ولو تغطت
الهنوف رحت ركض و ضمته بقوه : برهوم و وجع انت هنا و احنا وقفين نستناك
ابرهيم يضحك : طيب اول ما فيه سلام ولا الحمد الله على السلامه
الهنوف وخرت عنه و ضربت جبهتها بخفيف : نسيت .. الحمد الله على السلامه يا بعد كل هذي الدنيا
ابرهيم : الله يسلمك .. المهم مين جاي معك
الهنوف : العاشق و الاميره
ابرهيم : والله اميره جايه
الهنوف تتخصر : اي هذا الي هامك هاه
الشاب : احم احم
ابرهيم تذكر انه موجود ك اعذرني يا رجال بروح .. لا تقاطع
الشاب وهو يحاول يقز الهنوف : لا ما فيه مشكله يالله مع السلامه
ابرهيم : مع السلامه
الهنوف لفت على ابرهيم وهي مكشره : برهوم مين ذا
ابرهيم : زميلي في الجامعه هناك
الهنوف : افففف شفت كيف يناظرني
ابرهيم ببرود : لا بس اتوقع انه ينظرك باستغراب لانك مجنونه
الهنوف : يا بردك يا شيخ
ابرهيم : وش تبيني اسوي اتضارب معه
الهنوف : لالا بس ابي مدري
ابرهيم : اقول وين عزوز و ميرو ابي انام حدي تعبان
الهنوف : دقيقه نسيت الموكات و المويه
ابرهيم اخلصي
كلها دقايق و خلصت و اتجهو كرسي الي جالسين فيه
وقفو يسمعون كلامهم
اميرة : ما صارت طياره
عبد العزيز : والله تاخرت
اميره : بالله كم الساعه
عبد العزيز وهو يشوف الساعه : 9:30
اميره وجع من ساعه و احنا هنا و ما جاء
عبد العزيز : الهنوف بعد ما جت
اميره : وينها المهبوله
الهنوف فقدت اصبر : انا مو مهبوله .. اقول احمدي ربك جايبه لك موكا و برهومي
ابرهيم طقها على راسها : فضحتينا يالفضيفه
اميره صارخت : بررررررررهوم
عبد العزيز قوام و سلم على و هو يسوالف مع الهنوف
الهنوف : ما سمعتها تقول مهبوله
ابرهيم : لانك انتي صدق مهبوله
الهنوف : الت عليك يالبارد
عبد العزيز : مداكم تطاقون .. على الاقل استنو لين نوصل البيت
ابرهيم يكلم عبد العزيز : وشلونك وشلون امي و ابوي
اميره وهي تدف عبد العزيز : كلنا لوننا احمر ( وضمته بقوه ) وحشتاني ي دب
ابرهيم : اتقبلها منك لانك وحشتني كثير ي دلوعتي
الهنوف وهي تحط الاشياء على الطاوله و تتخصر : لا والله .. طيب انا دلوعة من
عبد العزيز يضمها بخفيف : انتي دلوعتي .. لا مو دلوعتي مهبولتي
الهنوف : مهبوله دلوعه عدي بس اهم شيء فيها تي
عبد العزيز : ههههه خبله يالله نروح
ابرهيم : يالله حدي تعبان
<<<<<<<<<<
مشو في السياره و كلها سواليف ... لكن قطع عليهم السوالف جوال هنو
الهنوف : الووو
.....: سلااااام
الهنوف :وعليكم .. وش عندك داقه
.....: طفشانه يختي قلت اجي لك
الهنوف : طيب انتي طفشانه و فاضيه يمكن انا مو طفشانه ولا فاضيه .. تعزمين نفسك ليه .. هلو مو فاضيه لك ابد
هلا : انا الي بجي اوسع صدرك .. تقولين لي كذا
الهنوف : صدري واسع ما يحتاج توسعينه يعني فارقي
هلا تسمع اصوات : انتي وينك .. و مين معك
الهنوف : انا في السياره و ميـ..
قاطعتها هلا : يا خاينه تطلعين و ما تقولين لي ليه الخيانه
الهنوف : اخليني اكمل وجع
هلا : طيب كملي بس وين رحتي
الهنوف : رايحه المطار .. و الحين برجع
هلا نست ابرهيم : ليه رايحه المطار من الاساس
الهنوف : انا ليه عندي بنت عم غبيه كذا .. يا حبيبتي يا بعد قلبي انتي .. انا رايحه المطار عشان اجيب ابرهيم فهامــ
هلا صارخت : ابررررررهيم جاااااء
الهنوف تشيل الجوال عن اذنها : وجع .. ايه جاء وش فيك روعتيني
هلا : اوكي اوكي يالله باي
الهنوف : باي
ابرهيم يلف وراء : مين تكلمين
الهنوف : هلو مين الملقوفه غيرها
ابرهيم : هلو يا قدمها مغبره .. كبرت ولا لسه بزر

عبد العزيز يناظر قدام : والله تنت المغبر مو هي
ابرهيم : وش عندك تدافع
عبد العزيز : ولاشيء
الهنوف تستهبل : ايه عزوز يموت على هلو
ابرهيم لف على عزوز : صدق عزوز تحبها
عبد العزيز بنبرة حزن مخفيه : و انت صدقتها ي ذكي
ابرهيم : قلت يمكن ليه لا
الهنوف : اقول اسكت انت وياه
بالفعل الكل سكت و كملو طريقهم للبيت
^^^^^^^^^^^^^^^^^^^^^^
نخليهم لين يوصلون البيت و نرجع لهم
الحين نروح ل هلو
^^^^^^^^^^^^^^^^^^^^^^
كانت متربعه على سريرها و بلابسه بدي تفاحي صارخ و شورت اسود و تطقطق على البلاك و مندمجه بقوه
و فجاء انفتح الباب بقوة و صدم في الباب و طاع صوت عااااالي
لدرجة ان هلا نطت من الفجعه و طاحت على الارض و صارخ : ووووووووجعععععه
ناصر مسك بطنه :ههههههههههههههههههه اااااه بطني عليك شكل ههههههههههههههه تحفه
هلا وهي الا الان مفجوعه : ياخي ما تعرف تطق الباب
ناصر ببرود : الا تبين تشوفين
هلا رجعت تجلس على السرير : انت دخلت و خلصت .. اخلص وش عندك ترا مالي خلقك يالعثيث
ناصر يتركا عل الباب : مالت انا الحين جاي ركض عشان اعلمك البشاره تقولين كذا ما اقول الا مالـــــت
هلا طمرت و هي متحمسه : بشاره اي بشاره
ناصر : وش بشاره .. ما فيه بشاره يالله باي
هلا : نصوري حياتي اخوي بعد قلبي انت .. انت تدري اني امزح صح .. يالله علمني
ناصر : انا لازم اسميك ام المصالح
هلا خلص صبرها : اخلص وش البشاره
ناصر ببرود : قريب فيه طلعه للمزرعه حقت جدي و يمكن ننام فيه
هلا تطامر : والله .. فلللله ( فجاء وقفت و ناظرت ناصر ) دقيقه .. مين بيجي و وش المناسبه
ناصر : مين بيجي عماني كلهم .. المناسبه رائد بيجي بكره من ايطاليا
هلا صارخت : رائد بيجي ااااااااه
ناصر يسكر فمها : اووووووص فضحتينا .. ايه بيجي
هلا جالت يد ناصر : يعني اليوم برهوم و بكره رودي فله
ناصر : ليه مين قالك ان برهوم بيرجع
هلا تضربه على راسه : اخته علمتني ي ذكي يالله الحين انقلع برا
ناصر : ايه بس تاخذين الي تبين و ترمين الباقي
هلا : نوويصروه اذا ما طلعت بالجزمه
ناصر : بطلع بطلع .. اصلا من زينك
هلا : انا ازين كله والحين برا بدون مطرود
ناصر وهو يطلع : انتي طردتيني و خلصتي
^^^^^^^^^^^^^^^^^^^
نتعرف على عائلة هلوووو
ابو فارس ( سيف) : رجل اعمال اخو ابو سعود قلبه كبير و متفاهم ولكن متسرعه مرات .. دمه خفيف و يحب يقعد مع عيال و يسوالف معهم
**
ام فارس ( عبير ) : قلبها كبير و حبوبه و تحب كل الناس .. تحب تمزح مع عيالها كثير و مدلعه ولدها الاخير
**
فارس : عمره 28 شاب حياته جدية و رومنسي و هادي بس فيه شويت هبال من جاسم و هلو ..وسيم لدرجة الجنون
**
جاسم : عمره 24 مهبول مستخف و بقوه كل يوم طقاق من هلا وسيم مره و دمه مره خفيف ماخذ الحياة ايزي .. وهو جالس في المدرسه حقت ابوه
**
هلا : عمرها 19 نفس جاسم مهبوله تحب العب و الصراخ و المغامره جمالها خارق .. جمالها يعذب الواحد ( يالبى صديقتي يا ناس )
**
ناصر :عمره 15 اخر العنقود دلوع ذكي و يفهمها وهي طايره لكنه في هبال خفيف من جاسم و هلو
^^^^^^^^^^^^^^
مره وحده اعرفكم على عائلة ابو رائد
ابو رائد : اخو ابو فارس و ابو سعود جدية يحب الجديه لكن اخوانه و عياله ماثرين عليه و صار يضحك و زي كذا
**
ام رائد : طيبه و قلبها ابيض بس اذا احد دس عليه من طرف ما تعرفها تصير كلها حقد و كره و خبث وهي متفقه مع ام فارس ان هلا ل رائد و هلو ما تدري
**
رائد :عمره 26 نفس امه اذا احد داس عليه من طرف يقلب خبيث و شرير لكنهو طيب و يحب هلا من هم صغار وهو يعرف و يحسب هلا تعرف انه بحبها وهي بعد تحبه
**
ماجد :عمره 24 مهبول و مجنون صديق جاسم الروح بـ الروح ما يفرقهم شيء و يفهمون بعض على الطاير يعني شخص واحد دمه خفيف و حبوب و طيب كثيير و مع جاسم في المدرسه الي بس يتمشون فيها ما يدرسون
**
جنى : عمرها 21 هاديه و عاقله تحب تجلس لحالها و تحب تقراء كتب مثقفه بزياده بس اختها و اخوها عطوها هبال خفيف و تحب تجلس مع اميره لانها شوي هاديه مو زي الثلاثي المرح
**
خوله : عمرها 19 مرجوجه مستخفه نفس هلو و هنو و اذا اجتمعو لازم تصير مصيبه مهابيل مستخفات وهم في نفس المدرسه و لاعبين في كل الي في المدرسه
^^^^^^^^^^^^^^^^^^^^^
وصلو البيت و كانت في ساره و طلال واقفين عند الباب ينتظرون ابرهيم يدخل
و ما انتظرو كثير لان ابرهيم دخل عليهم و عينه تتفحص المكان الي ما شافه من سنتين
وقفت عينه على اخته ساره الي عينها دمعت من شافت اخوها ال غاب عنها سنتين
كانت شايله طلال الي مستغرب الشخص الي دخل عليهم
طلال لف على ساره و حط يدينه على وجهها : ايب ايب ساله " عيب عيب ساره "
الكل :ههههههههههههههههههههههههههههه
ساره تشيل يدين طلال تنزله على الارض : لا هذا اخوك و اخوي
طلال ينااظر عزوز : ازو ازو اهوي " عزو عزو اخوي"
عبد العزيز يجلس على ركبته قدام طلال : و هذا بعد اخوك
طلال يلف على ابرهيم : اهوي "اخوي"
اابرهيم : ايه اخوك
طلال صار ينطط و يصارخ :اهوي اهوي اهوي
الكل : ههههههههههههههههههههههه
فجاء وقف طلال و لف على اميره و ركض عندها : ايرو ايرو
ابرهيم يضحك :خرب اساميكم ههههههه بصراحه هههههه
اميره تنزل على ركبها : نعم حبيبي
طلال : اثم اهوي " اسم اخوي "
اميره : اسمه برهوم
طلال : بهوم
اميره تضحك : ايوه بهوم
طلال راح يركض : بهوم بهوم
الكل : ههههههههههههههههه
الهنوف : اجل خرب اسامينا هاه
ابرهيم : على الاقل فيه كل حروفي مو جايب حروف من برا
ساره : اقول لا تصرف
عبد العزيز : ياخي رد على الولد تقطعت احباله اصوتيه من كثر ما ناداك
ابرهيم : هلا حبيبي
طلال صار ينطط و يصارخ و يصفقق : هييه بهوم اهوي بهوم اهوي
الهنوف فجاة نطت عليه و سكرت فمه : اسكت يا مال الساكوت
اميره : هنيف وخري عن طلو يا دبه بتموتينه
الهنوف : ناظري وش نحفي تقول دبا اقول طيري
ساره : هنيف فكي الولد
الهنوف : اقول نسيتو ان ابوي و امي نايمين
عبد العزيز : ايه والله نسيت
ابرهيم : طيب فكي الولد بيموت
الهنووف تفكه و تحك راسها بطريقه مضحكه : تصدقون نسيته
ابرهيم : لا عاد
الهنوف : والله العظيم
الكل : هههههههههههههه
طلال وخر عن الهنوف و غضها : انو وووووووووع
الهنوف تفرك مكان العضه : هذا الي بطقها
طلال : انوووو ووووووووووع
الهنوف : طليل ووووووووع
طلال: انو مو ايلو
الهنوف : طليل مو حلو
طلال : لالا الو ايلو "لالا طلو حلو"
الهنوف : طليل مو حلو طليل مو حلو
طلال جته العبره : لالا انا ايلو ايلللللو
الهنوف رحمته : انت حلو و تجنن بعد .. يالله تعال نروح لـ مشعل ناخذ حلاوه
طلال من سمع مشعل و حلاوه راح طيران لـ هنو : انو ايلو اثعل ايلو اواوه ايلو " هنو حلو مشعل حلو حلاوه حلو
ابرهيم : تو مو حلو الحين حلو .. ما اقول الا سبحان مغير الاحوال
الكل : ههههههههههههههههههههه
^^^^^^^^^^^^^^^^^^
هاه وش رايكم .. اذا عجبتكم بليز ردود
ابي ردود ترفع الراس و توقعاتكم عن
مين مشعل و هل له دور في الروايه !؟
وش ردت فعل ام و ابو سعود اذا شافو ابرهيم !؟
هل سيحدث شيء يغير حياة عائلة سوسن او ستبقا حياتهم هكذا الا الابد !؟
لتين و عبد العزيز سيجمعهم القدر او يفرقهم الا الابد !؟
و اذا كانت البارتين كلها تعرفات اعذروني لاني انا ابي في
الثلاث بارتات الاولى اعرف على كل الي بيطلع في البارتات الاولى
نفس ما قلت ردودكم - توقعاتكم -اقتراحاتكم