اللـه عطاك .. وسلـّمك أمـري .. وأمري محتويك
إحفـظ حقوقي .. وإلطـف بـ حالى .. بعد ما الله عطاك
العفـو عنـد المقـدرة .. والعـدل شيمـة والديـك
وأنا ولـد هـادي معـك .. وأكبر مشاغـب .. من وراك
هنا آآتفـّرق منك .. وهناك اجتمع .. وآآذوب فيـك
والخوف جـايز . من هنـا .. والموت حتمـي من هنـاك
وأكبـر دليل إني .. ليا حاولت .. يوم أزعـل عليـك
لقيـت قلبي كل ما يزعـل .. يـدوّر عـن رضـاك
وإذاك تـذكـر . يوم كنـّا بين أجيـك أو ما اجيـك
وشلون قلبي كسـّر .. الرهبـة تحت صـدري .. وجـاك؟
ماجـاك.. يهـلك فـي نجـاتك .. جـاك ينجـى بـك .. هليك
لـنّ .. النجاة (بما تنـص اللائحة )عندك هـلاك
ياللى.. هـلاكك .. مبتكـر على نظـام الهـدروليـك
مهمـا يكن حجـم الألم .. يمنع وجود الإرتباك
لبـّا الهـلاك اللي كـذا .. يوم انتهـي بـه .. وأبتديك
وألقى نظام الطيش .. يرسمني على فوضـة صبااك
وأنا ولا أدري . لبه أنا أظما لك؟؟ وأنا أقدر أرتويك ؟؟
تدري؟؟ أقولك شي؟ أحلا شي ؟ يوم أروى ظمـاك
أبيك ياعمـري .. وإذا ما تعجبـك كلمـة .. أبيـك
خذهـا بـ لهجـة ساكنييـن (دبـي) ياعمـري أبـاك
يكفيك لامـن غبـت .. مالك إسم .. غير إسم المليك
وإن جيت عقب غيـاب ..مالك إسم ..غير إسم المـلاك
حشمـة غـلا .. وإلا غـلا حشمـة .. وذيك تعـز ذيـك
غـلاك يفضـح حشمتـك .. وبحشمتـك .. يـُستـر غـلاك
يا قبلة الله .. كل ما أتخيـّل.. تقـوّس حاجبيــك
لاطـارت عيونـك عجـب .. وأغضيت من زايد حيـاك
أفقـد وجود الجاذبية ..وأرتفـع لك .. هيـك هيـك
.وأطلـع بعـد أكثر .. وأكثر .. لين تحضني سمـاك
وألقى سماك ..تلفـّــني من حول .. كوكب ناظريـك
وأسمع .. مماليك الكسـل .. تفخـر بـ عهــد الإمتـلاك
حالة .. تجـرّد .. وإرتجاج .. وهلـوسـة .. تنسـب إليـك
أمـّا أتحمـّلها ..عنـك .. وإلا أتحمـّلها معاك
مع إن مالي ذنـب .. بس أقـول .. يرضى لي عليك
الله يسعد لي صباحك .. قبل يسعد لي مسـاك
شفـت إن ربـّي .. سلـّمك أمري .. ولا لك أي شريـك
إلا أنـت .. وعيـونك .. وخـدّينـك .. وتذويبـة شفاك